search icon
என் மலர்tooltip icon

    நீங்கள் தேடியது "எலெக்ட்ரிக் பைக்"

    • பயனர்களின் ரைடிங் அனுபவத்தை மேம்படுத்தும் என தெரிகிறது.
    • பயனர்களின் குறையை தீர்த்து வைக்கும் என்று எதிர்பார்க்கலாம்.

    எலெக்ட்ரிக் மோட்டார்சைக்கிள் உற்பத்தியாளரான ஜீரோ மோட்டார்சைக்கிள்ஸ் எலெக்ட்ரிக் மோட்டார்சைக்கிள்களில் பயன்படுத்துவதற்கென முற்றிலும் புதிய கிளட்ச் சிஸ்டத்திற்கான காப்புரிமை கோரி விண்ணப்பித்து இருக்கிறது. புதிய கிளட்ச் சிஸ்டம் பயனர்களின் ரைடிங் அனுபவத்தை மேம்படுத்தும் என தெரிகிறது.

    வழக்கமாக எலெக்ட்ரிக் மோட்டார்சைக்கிள் மாடல்களில் கிளட்ச் வங்கப்படுவதில்லை. மோட்டார்சைக்கிள் தோற்றத்தில் இருந்த போதிலும், பயனர்களுக்கு முழுமையான பைக் ஓட்டும் அனுபவத்தை வழங்காமல் உள்ளது. புதிய சிஸ்டம் பயன்பாட்டிற்கு வரும் போது, பயனர்களின் குறையை தீர்த்து வைக்கும் என்று எதிர்பார்க்கலாம்.

     

    Source: Bikewale

    Source: Bikewale


    காப்புரிமையின் படி புதிய கிளட்ச் சிஸ்டம் வழக்கமான கிளட்ச் போன்றே இயங்குகிறது. புதிய கிளட்ச் சிஸ்டம் எலெக்ட்ரிக் மோட்டார்சைக்கிளின் டார்க் மற்றும் குறைந்த வேகத்தில் ரி-ஜெனரேடிவ் பிரேக்கிங்-ஐ கட்டுப்படுத்த உதவுகிறது.

    கிளட்ச் லீவரை விடுவித்ததும், மோட்டாரில் இருந்து அதிகப்பட்ச திறனை வெளிப்படுத்த உதவுகிறது. இது வழக்கமான மோட்டார்சைக்கிளில் உள்ளதை போன்றே இயங்குவதால், பெட்ரோல் பைக் அனுபவத்தை அப்படியே கொடுக்கும் என்று தெரிகிறது.

     

    Source: Bikewale

    Source: Bikewale


    புதிய கிளட்ச் சிஸ்டத்தை பெறும் முதல் எலெக்ட்ரிக் மோட்டார்சைக்கிள் மாடலாக ஜீரோ SR/F என கூறப்படுகிறது. ஜீரோ நிறுவனத்தின் SR/F, SR/S ஸ்போர்ட்ஸ் டூரர் மற்றும் DSR/X எலெக்ட்ரிக் அட்வென்ச்சர் டூரர் மாடல்களிடையே ஒற்றுமைகள் உள்ள நிலையில், இவற்றிலும் புதிய கிளட்ச் சிஸ்டம் வழங்கப்படும் என எதிர்பார்க்கலாம்.

    • பயனர்கள் ரூ. 22 ஆயிரம் தள்ளுபடியில் வாங்கிட முடியும்.
    • இந்த எலெக்ட்ரிக் பைக் 2 வேரியண்ட்களில் கிடைக்கிறது.

    பூனேவை சேர்ந்த எலெக்ட்ரிக் இருசக்கர வாகன உற்பத்தியாளர் டார்க் மோட்டார்ஸ். எலெக்ட்ரிக் பைக் மாடல்களை விற்பனை செய்து வரும் டார்க் மோட்டார்ஸ் தனது கிராடோஸ் R எலெக்ட்ரிக் பைக்கிற்கு ரூ. 22 ஆயிரம் வரையிலான சலுகைகளை அறிவித்து இருக்கிறது. குறுகிய காலத்திற்கு அறிவிக்கப்பட்டு இருக்கும் சலுகையின் கீழ் கிராடோஸ் R மாடலை பயனர்கள் ரூ. 22 ஆயிரம் தள்ளுபடியில் வாங்கிட முடியும்.

    இத்துடன் ரூ. 10 ஆயிரத்து 500 மதிப்புள்ள இலவச சர்வீஸ் வழங்கப்படுகிறது. இதில் நீட்டிக்கப்பட்ட வாரண்டி, டேட்டா கட்டணம், சர்வீஸ் கட்டணம், சார்ஜ் பேக் உள்ளிட்டவை அடங்கும். இந்த சலுகை டிசம்பர் 31-ம் தேதி வரை மட்டுமே வழங்கப்படும்.

     


    இந்திய சந்தையில் டார்க் கிராடோஸ் R மோட்டார்சைக்கிள்- ஸ்டாண்டர்டு மற்றும் அர்பன் என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1 லட்சத்து 87 ஆயிரத்து 499 மற்றும் ரூ. 1 லட்சத்து 67 ஆயிரத்து 499 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

    கிராடோஸ் R மாடலில் 7.5 கிலோவாட் மோட்டார் வழங்கப்பட்டு இருக்கிறது. இது அதிகபட்சம் 28 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதில் 4 கிலோவாட் ஹவர் லித்தியம் அயன் பேட்டரி பேக் வழங்கப்பட்டு இருக்கிறது. இதனை முழுமையாக சார்ஜ் செய்தால் 120 கிலோமீட்டர்கள் வரையிலான ரேன்ஜ் வழங்குகிறது.

     


    இந்த எலெக்ட்ரிக் பைக் மணிக்கு 40 கிலோமீட்டர்கள் வேகத்தை 3.5 நொடிகளில் எட்டிவிடும். இத்துடன் 17 இன்ச் வீல்கள், டெலிஸ்கோபிக் ஃபோர்க்குகள், மோனோஷாக் யூனிட் வழங்கப்பட்டு இருக்கிறது. பிரேக்கிங்கிற்கு இரண்டு புறமும் ஒற்றை டிஸ்க் வழங்கப்பட்டுள்ளது.

    இத்துடன் எல்.இ.டி. லைட்டிங், டிஜிட்டல் இன்ஸ்ட்ரூமென்ட் கிளஸ்டர், பல்வேறு ரைடிங் மோட்கள், ரி-ஜெனரேடிவ் பிரேகிங், ரிவர்ஸ் மோட், மொபைல் கனெக்டிவிட்டி, யு.எஸ்.பி. சார்ஜிங், முன்புறம் ஸ்டோரேஜ் பெட்டி, ஜியோஃபென்சிங், ஃபைன்ட் மை வெஹிகில், மோட்டார் வாக் அசிஸ்ட், கிராஷ் அலெர்ட், டிராக் மோட் மற்றும் ஸ்மார்ட் சார்ஜ் அனாலசிஸ் போன்ற வசதிகள் உள்ளன.

    • முதல் எலெக்ட்ரிக் பைக் என்ற பெருமையை பெற்றது.
    • மணிக்கு 100 கி.மீ. வேகத்தை 8.9 நொடிகளில் எட்டிவிடும்.

    ஆர்க்ஸா எனர்ஜீஸ் நிறுவனத்தின் முற்றிலும் புதிய எலெக்ட்ரிக் பைக் அறிமுகம் செய்யப்பட்டு இருக்கிறது. ஆர்க்ஸா மண்டிஸ் என்று அழைக்கப்படும் புதிய எலெக்ட்ரிக் பைக் ஃபேம் 2 திட்டத்தின் கீழ் சலுகை பெற முடியாத வகையில் உருவாக்கப்பட்டு இருக்கிறது. எனினும், இந்த பைக்குடன் 1.3 கிலோவாட் சார்ஜர் ஒன்றும் வழங்கப்படுகிறது.

    இந்த எலெக்ட்ரிக் பைக் அல்ட்ராவைலெட் நிறுவனத்தின் F77 மாடலின் பேஸ் வேரியண்டிற்கு போட்டியை ஏர்படுத்தும் வகையில் விலை நிர்ணயம் செய்யப்பட்டு உள்ளது. ஆர்க்ஸாவின் புதிய மண்டிஸ் எலெக்ட்ரிக் பைக், இந்திய எலெக்ட்ரிக் வாகன சந்தையில் லிக்விட் கூல்டு மோட்டார் கொண்ட முதல் எலெக்ட்ரிக் பைக் என்ற பெருமையை பெற்று இருக்கிறது.

    இதில் வழங்கப்பட்டு இருக்கும் எலெக்ட்ரிக் மோட்டார் 28 ஹெச்.பி. பவர், 93 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த எலெக்ட்ரிக் மோட்டார்சைக்கிள் மணிக்கு அதிகபட்சம் 135 கிலோமீட்டர் வேகத்தில் செல்கிறது. மேலும் மணிக்கு 100 கிலோமீட்டர் வேகத்தை 8.9 நொடிகளில் எட்டிவிடும்.

    ஆர்க்ஸா மண்டிஸ் மாடலில் 8.9 கிலோவாட் ஹவர் பேட்டரி பேக் வழங்கப்பட்டு இருக்கிறது. இத்துடன் IP67 தர பாதுகாப்பு வழங்கப்பட்டு உள்ளது. இந்த பேட்டரியை 1.3 கிலோவாட் சார்ஜர் பயன்படுத்தினால் 5 மணி நேரத்தில் 80 சதவீதம் வரையிலும் 3.3 கிலோவாட் சார்ஜர் பயன்படுத்தினால் 2.5 மணி நேரத்தில் 80 சதவீதம் வரையிலும் சார்ஜ் செய்திட முடியும். இந்த பைக் முழு சார்ஜ் செய்தால் 221 கிலோமீட்டர்கள் வரையிலான ரேன்ஜ் வழங்குகிறது.

    புதிய ஆர்க்ஸா மண்டிஸ் எலெக்ட்ரிக் பைக்கில் முழுமையான டிஜிட்டல் 5 இன்ச் டி.எஃப்.டி. டேஷ்போர்டு, லினக்ஸ் சார்ந்த ஒ.எஸ்., முழுமையாகவே எல்.இ.டி. லைட்டிங் வழங்கப்பட்டு இருக்கிறது. சார்ஜிங்கை பொருத்தவரை ஆர்க்ஸா மண்டிஸ் மாடலுடன் 1.3 கிலோவாட் சார்ஜர் வழங்கப்படுகிறது. இது வேண்டாம் என்பவர்கள் 3.3 கிலோவாட் ப்லிட்ஸ் சார்ஜரை வாங்கிக் கொள்ளலாம்.

    தற்போது அறிமுகம் செய்யப்பட்டு இருக்கும் ஆர்க்ஸா மண்டிஸ் எலெக்ட்ரிக் பைக்கின் வினியோகம் அடுத்த ஆண்டு ஏப்ரல் மாதம் தான் துவங்கும் என்று தெரிவிக்கப்பட்டு இருக்கிறது. இந்த மாடலுக்கான முன்பதிவுகள் ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 10 ஆயிரம் ஆகும். இந்த கட்டணம் முதலில் முன்பதிவு செய்யும் ஆயிரம் வாடிக்கையாளர்களுக்கு மட்டும் தான் என்று ஆர்க்ஸா தெரிவித்து உள்ளது. அதன்பிறகு முன்பதிவு செய்வோருக்கான முன்பதிவு கட்டணம் ரூ. 25 ஆயிரம் ஆகும்.

    இந்திய சந்தையில் புதிய ஆர்க்ஸா மண்டிஸ் எலெக்டிரிக் பைக்கின் விலை ரூ. 3.6 லட்சம் என்று நிர்ணயம் செய்யப்பட்டு உள்ளது. இந்த மாடல் ஒற்றை வேரியண்டிலேயே கிடைக்கிறது. இது அல்ட்ராவைலட் F77 மாடலுக்கு நேரடி போட்டியாக அமைகிறது. 

    • ரெவோல்ட் மோட்டார்ஸ் நிறுவனத்தின் ஆறாவது ஆண்டு விழாவை ஒட்டி இந்த மாடல் அறிமுகம்.
    • ஸ்டெல்த் பிளாக் லிமிடெட் எடிஷன் மாடலில் காஸ்மடிக் மாற்றங்கள் மேற்கொள்ளப்பட்டுள்ளது.

    ரெவோல்ட் மோட்டார்ஸ் நிறுவனம் இந்திய சந்தையில் முற்றிலும் புதிய RV400 ஸ்டெல்த் பிளாக் லிமிடெட் எடிஷன் எலெக்ட்ரிக் மோட்டார்சைக்கிளை அறிமுகம் செய்தது. புதிய ஸ்டெல்த் பிளாக் எடிஷன் மாடலின் விலை ரூ. 1 லட்சத்து 50 ஆயிரம் என்று நிர்ணயம் செய்யப்பட்டு உள்ளது. ரெவோல்ட் மோட்டார்ஸ் நிறுவனத்தின் ஆறாவது ஆண்டு விழாவை ஒட்டி இந்த மாடல் அறிமுகம் செய்யப்பட்டு இருக்கிறது.

    இதன் விலை அதன் ஸ்டான்டர்டு எடிஷன் மாடலை விட ரூ. 5 ஆயிரம் அதிகம் ஆகும். இதில் கருப்பு நிறத்தால் ஆன காஸ்மெடிக் மாற்றங்கள், சஸ்பென்ஷனுக்கு புதிய நிறங்கள் மற்றும் கூடுதல் அக்சஸரீக்கள் வழங்கப்படுகின்றன. இந்த மோட்டார்சைக்கிள் குறைந்த எண்ணிக்கையில் தான் வழங்கப்படும் என்றும் வினியோகம் அக்டோபர் மாதம் துவங்கும் என்றும் தெரிவிக்கப்பட்டு இருக்கிறது.

     

    ஸ்டெல்த் பிளாக் லிமிடெட் எடிஷன் மாடலில் காஸ்மடிக் மாற்றங்கள் மட்டுமே மேற்கொள்ளப்பட்டு இருக்கிறது. ஸ்டான்டர்டு காஸ்மிக் பிளாக் எடிஷனுடன் ஒப்பிடும் போது, ஸ்டெல்த் பிளாக் எடிஷனில் ரியர் ஸ்விங் ஆர்ம், ரியர் கிராப் ஹேன்டில் மற்றும் ஃபிரேமின் சில பாகங்கள் பிளாக்டு-அவுட் செய்யப்பட்டு உள்ளன.

    அந்த வகையில், இந்த மோட்டார்சைக்கிள் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. இதனால் ஸ்டான்டர்டு RV400 மாடலில் உள்ளதை போன்றே இந்த மாடலிலும் 3.24 கிலோவாட் ஹவர் பேட்டரி மற்றும் 3 கிலோவாட் மிட்-டிரைவ் மோட்டார் வழங்கப்பட்டு இருக்கிறது.

    ரெவோல்ட் RV400 மாடல் ரைடிங் மோட்களுக்கு ஏற்ப முழு சார்ஜ் செய்தால் அதிகபட்சம் 150 கிலோமீட்டர்கள் வரையிலான ரேன்ஜ் வழங்குகிறது. இதில் உள்ள பேட்டரியை முழுமையாக சார்ஜ் செய்ய அதிகபட்சம் 4.5 மணி நேரம் வரை ஆகும்.

    • ஸ்பேஸ் எடிஷன் மாடல் சந்திரயான் 3 விண்கலத்துக்கு மரியாதை செலுத்த உருவாக்கப்பட்டுள்ளது.
    • ஸ்பேஸ் எடிஷன் மாடல் மொத்தத்தில் பத்து யூனிட்களே உருவாக்கப்படுகின்றன.

    அல்ட்ராவைலட் நிறுவனம் தனது F77 ஸ்பேஸ் எடிஷன் மாடலை இந்திய சந்தையில் அறிமுகம் செய்தது. புதிய ஸ்பேஸ் எடிஷன் விலை ரூ. 5 லட்சத்து 60 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. ஸ்பெஷல் எடிஷன் மாடல் இந்தியாவின் சந்திரயான் 3 விண்கலத்துக்கு மரியாதை செலுத்தும் வகையில் உருவாக்கப்பட்டு இருக்கிறது.

    புதிய அல்ட்ராவைலட் F77 ஸ்பேஸ் எடிஷன் மாடலுக்கான முன்பதிவு நாளை (ஆகஸ்ட் 22) மாலை 6 மணிக்கு அல்ட்ராவைலட் வலைதளத்தில் துவங்குகிறது. ஸ்பேஸ் எடிஷன் மாடல் மொத்தத்தில் பத்து யூனிட்கள் தான் உற்பத்தி செய்யப்படுகின்றன. மேலும் ஸ்பேஸ் எடிஷன் மாடல் ஏரோஸ்பேஸ் தர பொருட்களால் உருவாக்கப்பட்டு இருக்கிறது.

     

    இதில் 7075-கிரேடு அலுமினியம், விசேஷமான யு.வி. ரெசிஸ்டன்ட் பெயின்ட் மற்றும் அலுமினியம் சாவி வழங்கப்படுகிறது. அல்ட்ராவைலட் F77 ஸ்பேஸ் எடிஷன் மாடலின் பேட்டரியில் ஃபெயில்-ப்ரூஃப் சிஸ்டம்கள், 9 ஆக்சிஸ் ஐ.எம்.யு. வழங்கப்படுகிறது.

    இவைதவிர இந்த மாடலிலும் 40.5 ஹெச்.பி. பவர் மற்றும் 100 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இது முழு சார்ஜ் செய்தால் 307 கிலோமீட்டர்கள் வரையிலான ரேன்ஜ் வழங்குகிறது. 

    • கவாசகியின் இரண்டு மாடல்களிலும் 9 கிலோவாட் மோட்டார் வழங்கப்படுகிறது.
    • கவாசகி நிறுவனம் ஹைப்ரிட் மோட்டார்சைக்கிள் ஒன்றை உருவாக்கி வருகிறது.

    கவாசகி நிறுவனத்தின் எலெக்ட்ரிக் மோட்டார்சைக்கிள் மாடல்களின் வெளியீடு பற்றிய புதிய தகவல்கள் இணையத்தில் வெளியாகி உள்ளது. அந்த வகையில், கவாசகி நிறுவனம் தனது நின்ஜா இ-1 மற்றும் Z இ-1 மாடல்களை விரைவில் அறிமுகம் செய்ய இருக்கிறது.

    அமெரிக்கா மற்றும் ஆஸ்திரேலியா சந்தைகளில் இரண்டு புதிய மாடல்களும் விரைவில் அறிமுகம் செய்யப்பட இருக்கின்றன. தற்போதைக்கு இந்த மாடல்களின் விற்பனைக்கு சர்வதேச சந்தையில் மட்டுமே அனுமதி வழங்கப்பட்டுள்ளன. இரண்டு மாடல்களிலும் 9 கிலோவாட் மோட்டார் வழங்கப்படுகிறது. இவை 3 கிலோவாட் ஹவர் திறன் வெளிப்படுத்தும் என்று கூறப்படுகிறது.

     

    நின்ஜா இ-1 மாடலில் கூர்மையான முன்புறம், ஸ்ப்லிட் எல்இடி ஹெட்லைட், டிரான்ஸ்பேரன்ட் வின்ட்-ஸ்கிரீன் வழங்கப்படுகிறது. Z இ-1 மாடல் அளவில் சற்று சிறியதாக காட்சியளிக்கிறது. இரண்டு மாடல்களிலும் ஸ்ப்லிட் சீட்கள், அலாய் வீல்கள், டெலிஸ்கோபிக் முன்புற போர்க்குகள், மோனோஷாக் யூனிட் வழங்கப்படுகிறது.

    இத்துடன் TFT ஸ்கிரீன், இரண்டு பேட்டரி லெவல் ரீட்-அவுட்கள், இ-பூஸ்ட் ஆப்ஷன் உள்ளிட்டவை வழங்கப்படும் என்று தெரிகிறது. இந்த இரு மாடல்கள் மட்டுமின்றி கவாசகி நிறுவனம் ஹைப்ரிட் மோட்டார்சைக்கிள் ஒன்றை உருவாக்கி வருவதாகவும் கூறப்படுகிறது. இந்த மாடல் தோற்றத்தில் நின்ஜா 650 போன்றே காட்சியளிக்கும் என்று தெரிகிறது.

    • சமீபத்தில் ஹிமாலயன் எலெக்ட்ரிக் வெர்ஷன் கான்செப்ட் படங்கள் இணையத்தில் வெளியாகின.
    • ராயல் என்பீல்டின் எலெக்ட்ரிக் ப்ரோடோடைப் மாடல்கள் உருவாக்கப்பட்டுள்ளன.

    ராயல் என்பீல்டு நிறுவனம் பல்வேறு புதிய எலெக்ட்ரிக் மோட்டார்சைக்கிள் மாடல்களை உருவாக்கும் பணிகளில் ஈடுபட்டு வருகிறது. இந்த தகவல் அந்நிறுவனத்தின் கடந்த ஆண்டிற்கான வருடாந்திர அறிக்கையில் தெரியவந்தது. இந்த முறை ராயல் என்பீல்டு நிறுவனத்தின் எலெக்ட்ரிக் வாகனத்தின் வெளியீடு பற்றிய தகவல் அம்பலமாகி இருக்கிறது.

    முதல் காலாண்டிற்கான நிதி நிலை அறிக்கை தாக்கலின் போது, முதல் எலெக்ட்ரிக் மோட்டார்சைக்கிள் எப்போது வெளியாகும் என்பது பற்றி ஈச்சர் மோட்டார்ஸ் நிறுவனத்தின் தலைமை செயல் அதிகாரி சித்தார்த் லால் தெரிவித்து இருக்கிறார். அதன்படி எலெக்ட்ரிக் வாகன சந்தையில் களமிறங்க மேலும் இரண்டு ஆண்டுகள் ஆகும் என்று தெரிவித்துள்ளார்.

     

    இதற்கான திட்டத்தின் கீழ் பலர் பணியாற்றி வருகின்றனர். மேலும் சில ப்ரோடோடைப்களும் தயாராகி இருக்கின்றன. தற்போது பொறியாளர்கள் இந்த ப்ரோடோடைப்களை ஓட்டுகின்றனர். பல்வேறு எலெக்ட்ரிக் வாகன பிளாட்பார்மை உருவாக்கும் பணிகளில் ஈடுபட்டு வருவதாக அவர் தெரிவித்தார். இந்த பிளாட்பார்ம் சந்தையில் தனித்துவம் மிக்க இடத்தை உருவாக்கிக் கொடுக்கும் வகையில் இருக்கும் என்றும் தெரிவித்துள்ளார்.

    சில மாதங்களுக்கு முன்பு தான் ராயல் என்பீல்டு நிறுவனத்தின் ஹிமாலயன் எலெக்ட்ரிக் வெர்ஷன் கான்செப்ட் படங்கள் இணையத்தில் வெளியாகி இருந்தது. அதன்படி இந்த மாடலில் பெரிய பேட்டரி பேக் மற்றும் டாப் என்ட் தொழில்நுட்பம் வழங்கப்படும் என்று தெரியவந்தது. இந்த கான்செப்ட்-ஐ கொண்டு ராயல் என்பீல்டு நிறுவனம் வளர்ந்து வரும் பிரிவில் ராயல் என்பீல்டு பயணம் குறித்த விவரங்களை வழங்கும் என்று தெரிகிறது.

    • ஒலா S1 சீரிஸ் மாடல்களின் புதிய நிற வேரியண்ட்கள் அறிமுகம் செய்யப்படும் என தகவல்.
    • ஒலா எலெக்ட்ரிக் பைக் 350 கிலோமீட்டர்கள் வரையிலான ரேன்ஜ் வழங்கும் என தெரிகிறது.

    ஒலா எலெக்ட்ரிக் நிறுவனத்தின் புதிய எலெக்ட்ரிக் பைக் மாடல் ஆகஸ்ட் 15-ம் தேதி அறிமுகம் செய்யப்பட இருப்பதாக தகவல் வெளியாகி உள்ளது. இதே நிகழ்வில் ஒலா S1 சீரிஸ் மாடல்களின் புதிய நிற வேரியண்ட்களை அறிமுகம் செய்ய ஒலா எலெக்ட்ரிக் திட்டமிட்டுள்ளதாக கூறப்படுகிறது.

    அந்த வகையில், ஒலா எலெக்ட்ரிக் பைக் வெளியீடு மீதான எதிர்பார்ப்பு அதிகரித்து உள்ளது. முந்தைய டீசர்களின் போதே, இந்த மாடலுக்கான எதிர்பார்ப்பு எழுந்தது. எனினும், இந்த மாடல் தற்போதைக்கு அறிமுகம் செய்யப்படாது என்ற தகவல், அனைவரையும் அதிர்ச்சியில் ஆழ்த்தியது.

     

    புதிய ஒலா எலெக்ட்ரிக் பைக் முழு சார்ஜ் செய்தால் 300 முதல் 350 கிலோமீட்டர்கள் வரையிலான ரேன்ஜ் வழங்கும் என்று எதிர்பார்க்கலாம். இதற்காக ஒலா எலெக்ட்ரிக் நிறுவனம் புதிய எலெக்ட்ரிக் பைக்-இல் குறைந்தபட்சம் 8 கிலோவாட் ஹவர் பேட்டரி பேக் வழங்கப்படும் என்று எதிர்பார்க்கலாம்.

    இது ஒலா S1 ப்ரோ எலெக்ட்ரிக் ஸ்கூட்டரில் உள்ளதை விட இருமடங்கு பெரியது ஆகும். ஒலா S1 ப்ரோ எலெக்ட்ரிக் ஸ்கூட்டரில் 3.97 கிலோவாட் ஹவர் பேட்டரி வழங்கப்பட்டு இருக்கிறது. புதிய ஒலா எலெக்ட்ரிக் பைக்-இல் சக்திவாய்ந்த எலெக்ட்ரிக் மோட்டார் வழங்கப்படும் என்று கூறப்படுகிறது.

    இந்த மோட்டார் வெளிப்படுத்தும் திறன், 150சிசி-யில் இருந்து 180சிசி கொண்ட பைக் மாடல்களுக்கு இணையாக இருக்கும் என்று தெரிகிறது. இந்த எலெக்ட்ரிக் மோட்டார்சைக்கிளில் ஏராளமான அம்சங்கள் மற்றும் புதிய தொழில்நுட்பம் வழங்கப்படும் என கூறப்படுகிறது.

    • ராயல் என்பீல்டு நிறுவனம் எலெக்ட்ரிக் வாகன துறையில் களமிறங்குவது பற்றிய தகவல்கள் வெளியாகி வருகின்றன.
    • சமீபத்தில் ராயல் என்பீல்டு நிறுவனம் தமிழ் நாட்டின் செய்யாறு பகுதியில் புதிய உற்பத்தி ஆலை கட்டமைக்க இருப்பதாக கூறப்பட்டது.

    ராயல் என்பீல்டு நிறுவனம் பல்வேறு புதிய மோட்டார்சைக்கிள் மாடல்களை உருவாக்கும் பணிகளில் ஈடுபட்டு வருகிறது. இதில் எலெக்ட்ரிக் மாடல்களும் அடங்கும். பிரீமியம் லைஃப்ஸ்டைல் பிரிவில் அனைத்து மாடல்களையும் களமிறக்கி வரும் ராயல் என்பீல்டு, எலெக்ட்ரிக் வாகனங்களையும் அறிமுகம் செய்ய திட்டமிட்டுள்ளது.

    சில மாதங்களுக்கு முன், எலெக்ட்ரிக் ஹிமாலயன் மாடல் பற்றிய விவரங்கள் இணையத்தில் வெளியாகி இருந்தது. மேலும் இது தான் ராயல் என்பீல்டு நிறுவனத்தின் முதல் எலெக்ட்ரிக் வாகனம் என்றும் கூறப்பட்டது. எலெக்ட்ரிக் வாகனங்கள் பிரிவை பொருத்தவரை முதலில் அதிக விலை கொண்ட மாடலை அறிமுகம் செய்ய ராயல் என்பீல்டு திட்டமிட்டுள்ளதாக கூறப்படுகிறது.

     

    பின் இதைத் தொடர்ந்து பிரத்யேக மோட்டார்சைக்கிள், இறுதியில் குறைந்த விலை பைக் அறிமுகம் செய்யப்படும் என தெரிகிறது. இவை வரும் ஆண்டுகளில் படிப்படியாக அறிமுகமாகும். தற்போது இருக்கும் ராயல் என்பீல்டு மாடல்களின் அடிப்படையில், இந்த திட்டம் நிறுவன மாடல்களுக்கு அதிக வரவேற்பை பெற்றுக் கொடுக்கும் என கூறப்படுகிறது.

    ராயல் என்பீல்டு உருவாக்கி வரும் முதல் எலெக்ட்ரிக் வாகனம் L1A எனும் குறியீட்டு பெயர் கொண்டிருக்கிறது. இந்த மாடல் அடுத்த ஆண்டு வாக்கில் அறிமுகம் செய்யப்படும் என்றும் கூறப்படுகிறது. இதுதவிர ராயல் என்பீல்டு நிறுவனம் மற்றொரு பிளாட்ஃபார்மை உருவாக்கி வருவதாக தகவல் வெளியாகி உள்ளது. எனினும், இந்த பிளாட்ஃபார்ம் பற்றி அதிக விவரங்கள் வெளியாகவில்லை.

    கடந்த ஆண்டு எலெக்ட்ரிக் வாகன நிறுவனமான ஸ்டார்க்-இல் ராயல் என்பீல்டு நிறுவனம் கணிசமான பங்குகளை வாங்கி இருக்கிறது. அதன்படி இரு நிறுவனங்கள் கூட்டணியில் புதிய எலெக்ட்ரிக் மோட்டார்சைக்கிள் மாடல்கள் உருவாக்கப்படும் என்று எதிர்பார்க்கலாம். எனினும், இந்த திட்டம் அமலுக்கு வர அதிக காலம் ஆகும் என்றே தெரிகிறது.

    Photo Courtesy: Autocar 

    • ரெவோல்ட் மோட்டார்ஸ் நிறுவனத்தின் RV400 மாடலின் முன்பதிவு கட்டணம் ரூ. 2 ஆயிரத்து 499 ஆகும்.
    • ரெவோல்ட் RV400 மாடலில் 3 கிலோவாட் ஹவர் பேட்டரி, 5 கிலோவாட் பவர் மோட்டார் வழங்கப்பட்டு இருக்கிறது.

    ரெவோல்ட் மோட்டார்ஸ் நிறுவனம் தனது RV400 எலெக்ட்ரிக் பைக் மாடலுக்கான முன்பதிவை மீண்டும் துவங்கியது. புதிய ரெவோல்ட் RV400 முன்பதிவு கட்டணம் ரூ. 2 ஆயிரத்து 499 என நிர்ணயம் செய்யப்பட்டு உள்ளது. மேலும் இந்த மாடலுக்கான வினியோகம் மார்ச் 31 ஆம் தேதிக்குள் வினியோகம் செய்யப்படுகிறது.

    சமீபத்தில் தான் ரெவோல்ட் மோட்டார்ஸ் நிறுவனத்தை ரத்தன்இந்தியா எண்டர்பிரைசஸ் நிறுவனம் முழுமையாக விலைக்கு வாங்கியது. இந்த எலெக்ட்ரிக் பைக் ஹரியானா மாநிலத்தில் உள்ள ரெவோல்ட் உற்பத்தி ஆலையில் உற்பத்தி செய்யப்படுகிறது.

     

    ரெவோல்ட் RV400 மாடலில் 3 கிலோவாட் ஹவர் பேட்டரி, 5 கிலோவாட் பீக் பவர் வெளிப்படுத்தும் மோட்டார் வழங்கப்படுகிறது. இது 54 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் மணிக்கு அதிகபட்சம் 85 கிலோமீட்டர் வேகத்தில் செல்கிறது. இந்த எலெக்ட்ரிக் பைக் யுஎஸ்டி ஃபோர்க், மோனோஷாக் சஸ்பென்ஷன் கொண்டுள்ளது.

    இத்துடன் முன்புறம் மற்றும் பின்புறம் டிஸ்க் பிரேக் மற்றும் CDS வழங்கப்பட்டுள்ளது. ரெவோல்ட் RV400 மாடல் முழு சார்ஜ் செய்தால் 150 கிலோமீட்டர் வரை செல்கிறது. இதில் உள்ள பேட்டரியை 4.5 மணி நேரத்தில் முழுமையாக சார்ஜ் செய்துவிட முடியும். ரெவோல்ட் RV400 மாடல்- ரெவோல்ட், ரிபெல், ரேஜ் மற்றும் ரோர் என நான்கு வித சத்தங்களை வெளிப்படுத்துகிறது.

    ரைடிங் மோட்களை பொருத்தவரை இகோ, ஸ்போர்ட் மற்றும் பவர் என மூன்று வித ஆப்ஷன்கள் வழங்கப்படுகின்றன. மற்ற அம்சங்களாக எல்இடி ஹெட்லேம்ப்கள், டிஜிட்டல் கன்சோல், கீலெஸ் இக்னிஷன், மாற்றக்கூடிய பேட்டரி பேக் வழங்கப்படுகிறது. தற்போது ரெவோல்ட் RV400 விலை ரூ. 1 லட்சத்து 29 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

    • ராயல் என்பீல்டு நிறுவனம் எலெக்ட்ரிக் வாகனங்களை உருவாக்க பிரத்யேக குழுக்களை நியமித்து இருக்கிறது.
    • இந்த குழுவில் ஒலா எலெக்ட்ரிக் நிறுவனத்தின் முன்னாள் மூத்த தொழில்நுட்ப அதிகாரி இடம்பெற்று இருக்கிறார்.

    ராயல் என்பீல்டு நிறுவனம் தனக்கென சொந்த எலெக்ட்ரிக் வாகன பிரிவை உருவாக்கும் பணிகளில் ஈடுபட்டு வருகிறது. அடுத்த 18 முதல் 24 மாதங்களில் எலெக்ட்ரிக் வாகன சந்தையில் களமிறங்க ராயல் என்பீல்டு நிறுவனம் திட்டமிட்டுள்ளது. இதற்காக ராயல் என்பீல்டு நிறுவனம் ஒலா எலெக்ட்ரிக் நிறுவனத்தின் முன்னாள் மூத்த தொழில்நுட்ப அதிகாரி உமேஷ் கிரிஷ்னப்பாவை நியமித்து இருக்கிறது.

    எலெக்ட்ரிக் வாகனங்களை உருவாக்குவதற்கென பிரத்யேக குழு இந்தியா மற்றும் லண்டனில் செயல்பட்டு வருகிறது என்றும் இந்த குழு எலெக்ட்ரிக் வாகன துறையில் களமிறங்குவது குறித்த திட்டங்களை வகுத்து வருவதாக கூறப்படுகிறது. எலெக்ட்ரிக் வாகனங்கள் துறையில் ராயல் என்பீல்டு நிறுவனம் 100 முதல் 150 மில்லியன் டாலர்களை முதலீடு செய்ய இருக்கிறது.

    இந்த முதலீட்டின் மூலம் பிரத்யேக பிளாட்பார்ம் உருவாக்கப்பட்டு வருவதாக கூறப்படுகிறது. இந்த பிளாட்ஃபார்ம் தற்போதைக்கு L என நிறுவனத்திற்குள் அழைக்கப்படுகிறது. சர்வதேச வாடிக்கையாளர்களின் பலதரப்பட்ட தேவைகளை பூர்த்தி செய்யும் ஏராளமான வாகனங்களை உருவாக்க ராயல் என்பீல்டு திட்டமிட்டுள்ளது.

    2024 ஆம் ஆண்டின் இரண்டாவது அரையாண்டு வாக்கில் சந்தையில் களமிறங்குவதில் இருந்து ஆண்டுக்கு 1.2 லட்சத்தில் இருந்து அதிகபட்சம் 1.8 லட்சம் வாகனங்களை உள்ளடக்கிய வியாபாரம் செய்ய ராயல் என்பீல்டு இலக்கு நிர்ணயித்துள்ளது. சர்வதேச வாடிக்கையாளர்களை கருத்தில் கொண்டு புது பிளாட்பார்ம் உருவாக்கப்பட்டு வருகிறது.

    அடுத்த 12 மாதங்களில் இந்த பிளாட்பார்மிற்கான ப்ரோடோடைப் தயாராகி விடும் என எதிர்பார்க்கப்படுகிறது. இந்த ஆண்டு இறுதிக்குள் வாகனத்தை தயார்படுத்தி, அடுத்த ஆண்டு சந்தையில் அறிமுகம் செய்ய ராயல் என்பீல்டு திட்டமிட்டுள்ளது.

    • சுசுகி நிறுவனம் எட்டு புதிய எலெக்ட்ரிக் இருசக்கர வாகனங்களை உருவாக்கி வருகிறது.
    • சுசுகியின் முதல் எலெக்ட்ரிக் இருசக்கர வாகனமாக எலெக்ட்ரிக் அக்சஸ் மாடல் இருக்கலாம்.

    சுசுகி நிறுவனம் 2030 ஆண்டு வரையிலான சர்வதேச செயல் திட்டம் மற்றும் வாகனங்கள் வெலியீடு திட்டம் பற்றிய தகவல்களை வெளியிட்டுள்ளது. இதில் சில சுவாரஸ்யமான எலெர்ட்ரிக் மாடல்களும் இடம்பெற்றுள்ளன. சுசுகி நிறுவனத்தின் முதல் எலெக்ட்ரிக் இருசக்கர வாகனம் 2024 வாக்கில் அறிமுகம் செய்யப்பட இருக்கிறது.

    முன்னதாக சுசுகி நிறுவனம் தனது எலெக்ட்ரிக் பர்க்மேன் ஸ்டிரீட் மாடலை டெஸ்டிங் செய்யும் போது எடுக்கப்பட்ட ஸ்பை படங்கள் பலமுறை இணையத்தில் வெளியாகி இருக்கின்றன. எனினும், அக்சஸ் எலெக்ட்ரிக் மாடலே சுசுகியின் முதல் எலெக்ட்ரிக் இருசக்கர வாகனமாக அறிமுகமாகும் என கூறப்படுகிறது.

    அக்சஸ் மாடல் சுசுகி நிறுவனத்தின் அதிகம் விற்பனையாகும் மாடல் ஆகும். மேலும் இது பர்க்மேன் ஸ்டிரீட் IC என்ஜின் வேரியண்டை விட குறைந்த விலையில் கிடைக்கிறது. அந்த வகையில் இது சுசுகியின் எண்ட்ரி லெவல் எலெக்ட்ரிக் மாடலாக இருக்கும். இதோடு எலெக்ட்ரிக் பர்க்மேன் ஸ்டிரீட் மாடலின் கீழ் நிலைநிறுத்தப்படும் என தெரிகிறது.

    சுசுகியின் எலெக்ட்ரிக் இருசக்கர வாகனங்கள் பிரிவில் 2030 ஆண்டிற்குள் மொத்தம் எட்டு மாடல்கள் அறிமுகம் செய்யப்பட உள்ளன. எலெக்ட்ரிக் வாகனங்கள் வெளியாகும் போதிலும், தொடர்ந்து IC என்ஜின் வாகனங்கள் பிரிவிலும் சுசுகி கவனம் செலுத்த இருக்கிறது. அடுத்த ஏழு ஆண்டுகளில் IC என்ஜின் மற்றும் எலெக்ட்ரிக் வாகனங்களுக்கு முறையே 75:25 முறையில் அறிமுகமாகிறது.

    மோட்டார்சைக்கிள் பிரிவில் சுசுகி நிறுவனம் எந்த மாடல்களின் எலெக்ட்ரிக் வெர்ஷனை அறிமுகம் செய்யும் என்பது கேள்விக்குறியாகவே உள்ளது. எனினும், ஜிக்சர் சீரிஸ் தான் எலெக்ட்ரிக் வடிவம் பெறும் என எதிர்பார்க்கலாம்.

    ×