என் மலர்

    நீங்கள் தேடியது "yamaha"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனத்தின் பிரீமியம் விற்பனை பிரிவாக புளூ ஸ்கொயர் செயல்பட்டு வருகிறது.
    • தமிழ் நாட்டில் இரண்டு புதிய புளூ ஸ்கொயர் விற்பனை மையங்கள் திறக்கப்பட்டன.

    யமஹா நிறுவனம் 'தி கால் ஆப் தி புளு' பிரச்சாரத்தின் கீழ் புதிதாக இரண்டு புளூ ஸ்கொயர் விற்பனை மையங்களை தமிழ் நாட்டில் திறந்துள்ளது. இவை முறையே வேலூர் மற்றும் மயிலாடுதுறை பகுதிகளில் அமைந்துள்ளன. யமஹாவின் ரேசிங் டிஎன்ஏ, பந்தய தன்மையை வெளிப்படுத்தும் வகையில் சுமார் ஆயிரம் சதுர அடி பரப்பளவில் புதிய புளூ ஸ்கொயர் விற்பனை மையங்கள் அமைக்கப்பட்டு இருக்கின்றன.

    புளூ ஸ்கொயர் விற்பனை மையங்கள் சமூக உணர்வை வழங்கும் வகையில் வடிவமைக்கப்பட்டுள்ளன. வாடிக்கையாளர்கள் பிராண்டின் நெறிமுறைகளுடன் இணைவதற்கான தளத்தை உருவாக்கி இருக்கிறது. சர்வதேச மோட்டார் ஸ்போர்ட்ஸ் -இல் யமஹாவின் பாரம்பரியத்தை வரையறுக்கும் பணியை புளூ ஸ்கொயர் மேற்கொள்கிறது. புளூ ஸ்கொயர் விற்பனை மையங்கள் யமஹாவின் பந்தய பாரம்பரியத்தை முன்னோக்கி எடுத்து செல்கிறது.


    'தி கால் ஆப் தி புளு' பிரச்சாரத்தின் அங்கமாக தமிழ் நாட்டில் இரண்டு புதிய புளூ ஸ்கொயர் விற்பனை மையங்கள் திறப்பதில் யமஹா உற்சாகம் அடைகிறது. இந்தியா எங்களுக்கு மிக முக்கியமான சந்தை. இந்த பிரீமியம் விற்பனை மையங்கள் சர்வதேச மோட்டார் விளையாட்டுகளில் யமஹாவின் செழுமையான பாரம்பரியத்தை பிரதிநிதித்துப்படுத்துகிறது, என யமஹா மோட்டார் இந்தியா நிறுவன தலைவர் ஈஷின் சிஹானா தெரிவித்தார்.

    வலுவான சில்லறை வர்த்தக வலையமைப்பை உருவாக்க புளூ ஸ்கொயர் விற்பனை மையங்கள் வழி வகுக்கும். புளூ ஸ்கொயர் விற்பனை மையங்கள் வாடிக்கையாளர்களுக்கு தனித்துவமான அனுபவத்தை வழங்குகிறது. இதன் மூலம் வாடிக்கையாளர்கள் பிராண்டுடன் தொடர்பு கொள்ளவும், வாகன விவரங்களை அறியவும், உதிரிபாகங்கள் மற்றும் ஆடைகளை பார்க்க உதவும், என அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனம் இந்திய சந்தையில் தனது R15 V4 மோட்டார்சைக்கிள் விலையை மீண்டும் உயர்த்தி இருக்கிறது.
    • சமீபத்தில் யமஹா தனது இருசக்கர வாகனங்களின் மோட்டோ GP எடிஷனை அறிமுகம் செய்து இருந்தது.

    யமஹா மோட்டார் நிறுவனம் சமீபத்தில் தான் R15 V4 மாடலின் மான்ஸ்டர் எனர்ஜி மோட்டோ GP எடிஷன் மோட்டார்சைக்கிளை இந்திய சந்தையில் அறிமுகம் செய்தது. புது வேரியண்ட் அறிமுகம் செய்த கையோடு யமஹா நிறுவனம் தனது R15 V4 மற்ற வேரியண்ட்களின் விலையை உயர்த்தி இருக்கிறது.

    விலை உயர்வின் படி R15S விலையில் ரூ. 1000 உயர்த்தப்பட்டுள்ளது. R15 V4 மற்ற வேரியண்ட்களின் விலை ரூ. 1,500 வரை உயர்த்தப்பட்டு இருக்கிறது. யமஹா R15 V4 சீரிஸ் புது விலை விவரங்களை தொடர்ந்து பார்ப்போம்.


    யமஹா R15 V4

    மெட்டாலிக் ரெட் ரூ. 1 லட்சத்து 78 ஆயிரத்து 900

    டார்க் நைட் ரூ. 1 லட்சத்து 79 ஆயிரத்து 900

    ரேசிங் புளூ ரூ. 1 லட்சத்து 83 ஆயிரத்து 900

    யமஹா R15 V4 M

    மெட்டாலிக் கிரே ரூ. 1 லட்சத்து 88 ஆயிரத்து 900

    மோட்டோ GP எடிஷன் ரூ. 1 லட்சத்து 90 ஆயிரத்து 900

    வொர்ல்டு GP 60th ஆனிவர்சரி எடிஷன் ரூ. 1 லட்சத்து 90 ஆயிரத்து 300

    யமஹா R15S

    ரேசிங் புளூ மற்றும் மேட் பிளாக் ரூ. 1 லட்சத்து 61 ஆயிரத்து 900

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

    விலை தவிர யமஹா R15 V4 மாடல்களில் எந்த மாற்றமும் மேற்கொள்ளப்படவில்லை. இந்த மாடலில் தொடர்ந்து 155சிசி, லிக்விட் கூல்டு என்ஜின் மற்றும் வேரியபில் வால்வு ஆக்டுவேஷன் சிஸ்டம் வழங்கப்பட்டு இருக்கிறது. இந்த என்ஜின் 18.1 ஹெச்.பி. பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்பட்டு உள்ளது.

    அம்சங்களை பொருத்தவரை டிராக்‌ஷன் கண்ட்ரோல் சிஸ்டம், குயிக் ஷிப்டர், அப்சைடு-டவுன் போர்க்குகள், அலுமினியம் ஸ்விங் ஆர்ம் உள்ளிட்டவை வழங்கப்பட்டு இருக்கிறது. இந்திய சந்தையில் யமஹா R15 சீரிஸ் கேடிஎம் RC 125 மாடலுக்கு போட்டியாக அமைகிறது. இந்த மாடலின் விலை ரூ. 1 லட்சத்து 89 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனம் தனது தி கால் ஆப் தி புளூ வியாபார யுக்தியின் கீழ் புது மோட்டார்சைக்கிள் மாடல்களை அறிமுகம் செய்து வருகிறது.
    • இந்த வரிசையில் தற்போது 2022 மோட்டோ GP எடிஷன் மாடல்கள் அறிமுகமாகி உள்ளன.

    இந்தியா யமஹா மோட்டார் நிறுவனத்தின் தி கால் ஆப் தி புளூ வியாபார யுக்தியின் கீழ் 2022 மான்ஸ்டர் எனர்ஜி யமஹா மோட்டோ GP எடிஷன் மாடல்களை இந்திய சந்தையில் அறிமுகம் செய்தது. சூப்பர்ஸ்போர்ட் YZF-R15M, MT-15 V2.0, மேக்சி ஸ்போர்ட்ஸ் ஸ்கூட்டர் ஏரோக்ஸ் 155, RayZR 125 Fi ஹைப்ரிட் ஸ்கூட்டர் போன்ற மாடல்கள் தற்போது மான்ஸ்டர் எனர்ஜி மோட்டோ GP எடிஷனிலும் கிடைக்கின்றன.

    புதிய மோட்டோ GP எடிஷன் மாடல்கள் நாடு முழுக்க யமஹா நிறுவனத்தின் பிரீமியம் புளூ ஸ்கொயர் விற்பனை மையங்களில் கிடைக்கிறது. யமஹா YZF-R15M மற்றும் MT-15 V2.0 மாடல்களின் டேன்க் ஷிரவுட், பியூவல் டேன்க், பக்கவாட்டு பேனல் உள்ளிட்டகளில் மோட்டோ GP பிராண்டிங் உள்ளது. ஏரோக்ஸ் 155 மற்றும் RayZR மான்ஸ்டர் எனர்ஜி மோட்டோ GP எடிஷன் மாடல்களின் ஒட்டுமொத்த பாடி முழுக்க மோட்டோ GP பிராண்டிங் உள்ளது.


    விலை விவரங்கள்:

    2022 யமஹா R15M மோட்டோ GP எடிஷன் ரூ. 1 லட்சத்து 90 ஆயிரத்து 900

    2022 யமஹா MT 15 V 2.0 மோட்டோ GP எடிஷன் ரூ. 1 லட்சத்து 65 ஆயிரத்து 400

    2022 யமஹா RayZR 125 Fi ஹைப்ரிட் மோட்டோ GP எடிஷன் ரூ. 87 ஆயிரத்து 330

    2022 யமஹா ஏரோக்ஸ் 15 மோட்டோ GP எடிஷன் விலை மட்டும் பின்னர் அறிவிக்கப்படும்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

    "யமஹா நிறுவனம் சர்வதேச மோட்டார் ஸ்போர்ட்ஸ்-இல் வலுவான பந்தய டிஎன்ஏ-வுக்கு பெயர் பெற்றது ஆகும். மான்ஸ்டர் எனர்ஜி மோட்டோ GP எடிஷன் என்பது பெருமை மிக்க வம்சாவெளியை காண்பிக்கும் மாதிரி வரம்பை வழங்குவதற்கு எங்கள் அர்ப்பணிப்பின் பிரதிநிதித்துவம் ஆகும். இன்று மோட்டோ GP ரசிகர்களாக இருக்கும் எங்கள் வாடிக்கையாளர்களுக்காக நான்கு மான்ஸ்டர் எனர்ஜி மோட்டோ GP எடிஷன் மாடல்களை அறிமுகம் செய்வதில் மகிழ்ச்சி அடைகிறோம்,"என யமஹா மோட்டார் இந்தியா குழும நிறுவனங்கள் தலைவர் ஈஷின் சிஹானா தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனம் தனது எலெக்ட்ரிக் ஸ்கூட்டர் மாடல் இந்திய விற்பனையாளர்களுக்கு மட்டும் காட்சிப்படுத்தி இருந்தது.
    • இந்தியாவுக்கான எலெக்ட்ரிக் ஸ்கூட்டரை உருவாக்கும் பணிகளிலும் யமஹா ஈடுபட்டு வருகிறது.

    யமஹா இந்தியா நிறுவனம் இந்திய சந்தையில் தனது முதல் எலெக்ட்ரிக் ஸ்கூட்டர் மாடல் 2025 வாக்கில் அறிமுகம் செய்யப்படும் என அறிவித்து இருக்கிறது. இது குறித்து வெளியாகி இருக்கும் தகவல்களின் படி யமஹா நிறுவனம் இந்தியாவுக்கென பிரத்யேக எலெக்ட்ரிக் ஸ்கூட்டர் மாடலை உருவாக்கி வருவதாக கூறப்படுகிறது. மேலும் இந்த ஸ்கூட்டர் முழுமையாக உருவாக்கப்பட்ட நிலையில், இந்தியாவுக்கு இறக்குமதி செய்யப்பட்டு, இங்கு அசெம்பில் செய்யப்படும் என தெரிகிறது.

    அந்த வகையில், இந்தியாவில் எலெக்ட்ரிக் வாகனங்களை அறிமுகம் செய்வதில் யமஹா மிகவும் நிதானமாக இருப்பதையே உணர்த்துகிறது. தற்போது யமஹா நிறுவனம் தாய்வான் மற்றும் ஐரோப்பாவில் சில எலெக்ட்ரிக் வாகனங்களை விற்பனை செய்து வருகிறது. எனினும், இவை எதுவும் இந்திய சந்தையில் அறிமுகம் செய்வதற்கான உற்பத்திக்கு தயார் நிலையில் இல்லை. இவற்றின் மிக அதிக விலை தான் இதற்கு காரணம் ஆகும்.


    இந்தியாவில் அறிமுகம் செய்ய முற்றிலும் புது மாடலை உருவாக்கி, அதன் விலையை மிகவும் போட்டியை ஏற்படுத்தும் வகையில் நிர்ணயம் செய்ய வேண்டிய கட்டாயத்தில் யமஹா நிறுவனம் உள்ளது. மேலும் இந்திய சந்தையில் எலெக்ட்ரிக் வாகனங்களை உற்பத்தி செய்வது அவற்றை வெளிநாடுகளுக்கு ஏற்றுமதி செய்யவும் யமஹா நிறுவனம் திட்டமிட்டு வருகிறது.

    கடந்த மாதம் யமஹா நிறுவனம் டீலர்களுடன் நடைபெற்ற தனியார் நிகழ்ச்சியில் NEO's மற்றும் யமஹா E01 எலெக்ட்ரிக் ஸ்கூட்டர் மாடல்களை காட்சிப்படுத்தி இருந்தது. அந்த வகையில், இரு மாடல்களும் இந்திய சந்தையில் அறிமுகம் செய்யப்படலாம் என்ற எதிர்பார்ப்பு எழுந்துள்ளது. இவை தவிர அதிக ரேன்ஜ் வழங்கும் புது எலெக்ட்ரிக் ஸ்கூட்டர்களை உருவாக்கும் பணிகளிலும் யமஹா ஈடுபட்டுள்ளது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்திய சந்தையில் அதிக பிரபலமான நேக்கட் மாடல்களில் ஒன்றாக யமஹா MT-15 V2.0 இருக்கிறது.
    • சமீபத்தில் இந்த மாடலின் புது வெர்ஷன் விற்பனைக்கு அறிமுகம் செய்யப்பட்டது.

    யமஹா MT-15 V2.0 மாடலுக்கு இந்திய சந்தையில் அறிமுகம் தேவையில்லை. யமஹா R15 V4 மாடலின் ஸ்டிரீட் நேக்கட் வெர்ஷன் தான் யமஹா MT-15. குறிப்பிடத்தக்க மாற்றங்கள், சில புது அம்சங்களுடன் அறிமுகமான காரணத்தால் யமஹா MT-15 V2.0 எனும் பெயரில் விற்பனைக்கு வந்துள்ளது. சமீபத்திய அப்டேட் காரணமாக இந்த மாடலின் தோற்றம் மற்றும் ரைடிங் அனுபவம் மாறி இருக்கிறது.

    அந்த வகையில், சமீபத்தில் விற்பனைக்கு வந்த யமஹா MT-15 V2.0 அன்றாட பயன்பாட்டுக்கு எப்படி இருக்கிறது, இதன் மைலேஜ், டிசைன் மற்றும் அம்சங்கள் பற்றி விரிவாக பார்ப்போம்.


    டிசைன் மற்றும் அம்சங்கள்:

    யமஹா MT-15 V2.0 பாடி பேனல்களில் அதன் முந்தைய மாடலில் உள்ளதை போன்றே வழங்கப்பட்டு இருக்கிறது. எனினும், MT-15 V2.0 முற்றிலும் புது நிறங்களில் கிடைப்பதால், இவற்றின் தோற்றம் பெருமளவு மாறி இருக்கிறது. ரிவ்யூக்காக நாம் பயன்படுத்திய மாடல் சியான் புளூ நிறம் கொண்டிருந்தது. இதன் நிறம் எத்தனை பெரிய போக்குவரத்து நெரிசல்களிலும் தனித்து காட்டும் வகையில் உள்ளது. மேலும் இந்த மாடலின் வீல்கள் பாடி நிறத்திற்கு ஏற்ப பெயிண்ட் செய்யப்பட்டு இருப்பது இதன் தோற்றத்தை அழகாக மாற்றி இருக்கிறது.

    மற்ற அப்டேட்களை பொருத்தவரை புதிய யமஹா MT-15 V2.0 மாடலில் ரிவர்ஸ் எல்சிடி இன்ஸ்ட்ரூமெண்ட் கிளஸ்டரில் ப்ளூடூத் கனெக்டிவிட்டி வழங்கப்பட்டு உள்ளது. இதன் காரணமாக டிஸ்ப்ளேவில் அழைப்புகள், எஸ்எம்எஸ் மற்றும் மின்னஞ்சல் நோட்டிபிகேஷன் மற்றும் போனின் பேட்டரி நிலவரம் உள்ளிட்ட விவரங்களை பார்க்க முடியும்.

    புது மாடலின் பிளாஸ்டிக் தரம் தவிர இதில் வேறு எந்த குறையும் கூற முடியாத வகையில் நேர்த்தியாக உருவாக்கப்பட்டு இருக்கிறது. மேலும் இந்த மாடலில் ஹாரன் மற்றும் இண்டிகேட்டர் ஸ்விட்ச் மாற்றி வைக்கப்பட்டு இருப்பது சிலருக்கு பிடிக்காமல் போகலாம். ஆனால், இது நாளடைவில் பழகி விடும் என்றே கூறலாம்.


    ரைட் மற்றும் ஹேண்ட்லிங்:

    யமஹா MT-15 V2.0 மாடலில் யுஎஸ்டி ஃபோர்க்குகள், அலுமினியம் ஸ்விங்-ஆர்ம் உள்ளன. இவை தவிர இந்த மாடலின் வீல்பேஸ் 10 மில்லிமீட்டர் அளவு குறைக்கப்பட்டு இருக்கிறது. இந்த மாற்றங்கள் காரணமாக மோட்டார்சைக்கிளை ஓட்டும் அனுபவம் மாறுவதோடு, ஹேண்ட்லிங் மிகச் சிறப்பாக இருந்தது. புது மாடலின் ஹேண்ட்லிங் எத்தகைய நகர நெரிசல்களையும் எளிதில் இலகுவாக கடக்க செய்கிறது.

    இதில் உள்ள அகலமான ஹேண்டில்பார்கள் ஸ்டீரிங் அனுபவத்தை நேர்த்தியாக்குவதோடு, கூடுதல் சவுகரியம் மற்றும் சிறப்பான ஹேண்ட்லிங் வழங்க உதவுகிறது. அன்றாட பயன்பாடுகளின் போது, இந்த மாடலின் பிரேக்கிங்கில் எந்த விதமான அசவுகரியமும் ஏற்படவில்லை. எனினும், இதன் பின்புறம் ஏபிஎஸ் வழங்கப்படாதது சிலருக்கு குறையாக தெரிய வாய்ப்பு உண்டு.


    செயல்திறன் மற்றும் மைலேஜ்:

    யமஹா MT-15 சீரிசில் அதன் என்ஜின் திறனுக்கு பெயர் பெற்றது ஆகும். புது மாடலில் என்ஜின் சற்றே அப்டேட் செய்யப்பட்டு இருப்பதை உணர முடிந்தது. சமயங்களில் சட்டென சீறிப் பாய்வது மட்டுமின்றி, போக்குவரத்து நெரிசல்களில் கியரை குறைக்காமலே, வேகத்தை குறைக்கும் போது என்ஜின் அதிக இடையூறை கொடுக்கவில்லை. இதன் காரணமாகவே இதன் மைலேஜ் சிறப்பானதாக இருக்கிறது.

    இதில் உள்ள நான்கு வால்வுகள் கொண்ட 155சிசி, லிக்விட் கூல்டு என்ஜின் நகர பயன்பாடுகளிலேயே கிட்டத்தட்ட 45 முதல் 50 கி.மீ. வரையிலான மைலேஜ் வழங்கியது. நெடுஞ்சாலைகளில் பயணம் செய்யும் போது மைலேஜ் மேலும் அதிகரிப்பதை நிச்சயம் கவனிக்க முடியும். புது மாடலின் மைலேஜ் பி.எஸ்.4 மாடல் வழங்கியதை விட அதிகமாகவே இருக்கிறது. அதிக மைலேஜ் காரணமாக இதன் செயல்திறன் சற்றே குறைகிறது.

    யமஹா R15 V4 மாடலுடன் ஒப்பிடும் போது MT-15 அதிவேகமாக மணிக்கு 60 கி.மீ. வேகத்தில் செல்கிறது. எனினும், இதில் இருந்து மணிக்கு 100 கி.மீ. வேகத்தை எட்டுவதில் R15 V4 முந்துகிறது. இந்த மாடல் மணிக்கு அதிகபட்சம் 120 கி.மீ. வரை எளிதில் செல்கிறது.

    யமஹா MT-15 V2.0: மொத்தத்தில் அழகிய தோற்றம், அதிக மைலேஜ், நகர பயன்பாட்டுக்காக அசத்தலான ஸ்டிரீட் நேக்கட் மாடலை வாங்க விரும்புவோருக்கு தலைசிறந்த தேர்வாக உருவாக்கப்பட்டு இருக்கிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனத்தின் புகழ் பெற்ற மோட்டார்சைக்கிள் மாடல்களில் ஒன்றாக RX100 இருக்கிறது.
    • இந்திய சந்தையில் யமஹா RX100 மாடலுக்கு ஏராளமான ரசிகர்கள் உள்ளனர்.

    யமஹா RX100 மாடலுக்கு இந்திய சந்தையில் எந்த வித அறிமுகமும் தேவையில்லை. ஜப்பான் நாட்டு இருசக்கர வாகன உற்பத்தியாளரான யமஹா, இந்திய இருசக்கர வாகனங்கள் சந்தையில் ஆழமாக கால் ஊன்ற செய்ததில், RX100 மாடலுக்கு மிகப் பெரிய பங்கு உண்டு.

    தனியார் செய்தி நிறுவனத்திற்கு அளித்த பேட்டி ஒன்றில், யமஹா RX100 மாடலை மீண்டும் இந்திய சந்தைக்கு கொண்டு வர தான் விரும்புவதாக யமஹா மோட்டார் இந்தியா தலைவர் எய்ஷின் சிஹானா தெரிவித்து இருக்கிறார். தற்போது அமலில் இருக்கும் புகை விதிகள் காரணமாக புதிய மாடலில் 2 ஸ்டிரோக் என்ஜின் வழங்கப்படாது என்பதையும் அவர் தெரிவித்தார்.

    எடுத்தவுடன் RX100 பெயரில் வேறொரு மாடலை அறிமுகம் செய்து விட முடியாது. இது அந்த மாடலுக்கு இருக்கும் புகழை வெகுவாக பாதித்து விடும். 2025 வரை புது வாகனங்களை அறிமுகம் செய்வதற்கான திட்டமிடல்கள் ஏற்கனவே நிறைவுற்று விட்டன. அந்த வகையில் அடுத்த தலைமுறை RX100 மாடல் 2026 அல்லது அதற்கும் அடுத்த ஆண்டுகளில் அறிமுகம் செய்யப்படலாம்.


    இந்திய சந்தையில் யமஹா RX100 மாடல் 1985 ஆண்டு அறிமுகம் செய்யப்பட்டது. இந்த மாடல் எஸ்கார்ட்ஸ் குழுமத்துடனான கூட்டணியில் தான் இந்தியா கொண்டுவரப்பட்டது. இந்தியாவில் அறிமுகம் செய்யப்பட்ட RX100 மாடல் RX-S மாடலை தழுவி உருவாக்கப்பட்டது ஆகும். இந்த மாடல் ஒரிஜினல் RX100 அல்லது RX100DX மாடல்களை தழுவி உருவாக்கப்படவில்லை.

    முதற்கட்டமாக 1985 முதல் 1987 வரையிலான காலக்கட்டத்தில் யமஹா RX100 மாடல் இந்தியாவுக்கு CKD முறையில் இறக்குமதி செய்யப்பட்டன. அதன் பின்பு இங்கு உற்பத்தி துவங்கிய நிலையில், 1986 ஆண்டு வரை யமஹா RX100 இந்தியாவில் உற்பத்தி செய்யப்பட்டு வந்தது.

    ஒரிஜினல் யமஹா RX100 மாடலில் 98.2சிசி, 2 ஸ்டிரோக் என்ஜின் வழங்கப்பட்டு இருக்கிறது. இந்த என்ஜின் 11 ஹெச்.பி. பவர், 10.45 நியூட்டன் மீட்டர் டார்க் இழுவிசையை வெளிப்படுத்துகிறது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனத்தின் R15S மாடல் முந்தைய தலைமுறை மாடல் ஆகும்.
    • இந்த மாடல் மொத்தத்தில் இரண்டு வித நிறங்களில் கிடைக்கிறது.

    யமஹா நிறுவனம் R15S மோட்டார்சைக்கிள் விலையை ஜூலை மாதத்தில் உயர்த்தி இருக்கிறது. அந்த வகையில் புதிய யமஹா R15S விலை தற்போது ரூ. 1 லட்சத்து 61 ஆயிரம் என துவங்குகிறது. இது முந்தைய விலையை விட ரூ. 1000 அதிகம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

    யமஹா R15S மாடல் ஆனது முந்தைய தலைமுறை R15 வெர்ஷன் 3 ஆகும். இதில் ஸ்ப்லிட் சீட் செட்டப்பிற்கு மாற்றாக ஒற்றை இருக்கை வழங்கப்பட்டு இருக்கிறது. யமஹா R15S மாடல் யமஹா நிறுவனத்தின் ரேசிங் புளூ மற்றும் மேட் பிளாக் நிற ஆப்ஷன்களில் கிடைக்கிறது.


    R15S வெர்ஷன் 3 மாடலில் 155சிசி, நான்கு வால்வுகள் கொண்ட ஒற்றை சிலிண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 18.6 ஹெச்.பி. பவர், 14.1 நியூட்டன் மீட்டர் டார்க் இழுவிசையை வெளிப்படுத்துகிறது. முந்தைய தலைமுறை மாடலுடன் ஒப்பிடும் போது R15S மாடல் 0.2 ஹெச்.பி. பவர் அதிக திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.

    மேலும் ஸ்லிப் மற்றும் அசிஸ்ட் கிளட்ச், எல்.இ.டி. ஹெட்லைட், டெயில் லைட் மற்றும் டூயல் சேனல் ஏ.பி.எஸ். வழங்கப்பட்டு இருக்கிறது. தற்போதைய யமஹா R15 வெர்ஷன் 4 மாடலுடன் ஒப்பிடும் போது R15S விலை ரூ. 16 ஆயிரம் குறைவு ஆகும். மேலும் R15S வெர்ஷன் 3 மாடல் கேடிஎம் RC125, பஜாஜ் பல்சர் RS200 போன்ற மாடல்களுக்கு போட்டியாக அமைகிறது.

    இந்திய சந்தையில் கேடிஎம் RC125, பஜாஜ் பல்சர் RS200 மாடல்களின் விலை முறையே ரூ. 1 லட்சத்து 88 ஆயிரம் மற்றும் ரூ. 1 லட்சத்து 70 ஆயிரம் என துவங்குகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனம் தனது பசினோ 125 Fi ஹைப்ரிட் ஸ்கூட்டரை இந்திய சந்தையில் விற்பனை செய்து வருகிறது.
    • இந்த மாடல் தற்போது புதிய நிறத்தில் விற்பனைக்கு கிடைக்கிறது.

    யமஹா மோட்டார் இந்தியா நிறுவனம் பசினோ 125 Fi ஹைப்ரிட் ஸ்கூட்டரை இந்திய சந்தையில் முற்றிலும் புதிய சில்வர் நிறத்தில் அறிமுகம் செய்து இருக்கிறது. புதிய யமஹா பசினோ 125 Fi ஹைப்ரிட் மாடலின் விலை ரூ. 78 ஆயிரத்து 098, எக்ஸ்-ஷோரூம் சென்னை என நிர்ணயம் செய்யப்பட்டு உள்ளது.

    தி கால் ஆப் தி புளூ திட்டத்தின் கீழ் பசினோ 125 Fi ஹைப்ரிட் மாடல் புதிய நிறத்தில் அறிமுகம் செய்யப்பட்டு இருக்கிறது. தமிழ் நாட்டு ஸ்கூட்டர் சந்தையில் யமஹா நிறுவனம் பத்து சதவீத பங்குகளை பெற்று இருக்கிறது. தற்போது முற்றிலும் புது நிறத்தில் அறிமுகம் செய்யப்பட்டு இருப்பதை தொடர்ந்து இந்த மாடலின் விற்பனை மேலும் அதிகரிக்கும் என எதிர்பார்க்கலாம்.


    யமஹா பசினோ 125 Fi ஹைப்ரிட் மாடலில் ஏர் கூல்டு, பியூவல் இன்ஜெக்ட் செய்யப்பட்ட 125சிசி புளூ கோர் என்ஜின் வழங்கப்பட்டு இருக்கிறது. இந்த ஸ்கூட்டர் 8.2 பி.எஸ். பவர் மற்றும் 10.3 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் ஸ்மார்ட் மோட்டார் ஜெனரேட்டர் சிஸ்டம் வழங்கப்பட்டு இருக்கிறது.

    இந்தியாவில் இதன் டிஸ்க் வேரியண்ட் மாடல் தற்போது விவிட் ரெட் ஸ்பெஷல், மேட் பிளாக் ஸ்பெஷல், கூல் புளூ மெட்டாலிக், டார்க் மேட் புளூ, சாவ் காப்பர், எல்லோ காக்டெயில், சியான் புளூ, விவிட் ரெட் மற்றும் மெட்டாலிக் பிளாக் நிறங்களில் கிடைக்கிறது. இதன் டிரம் பிரேக் வேரியண்ட் விவிட் ரெட், கூல் புளூ மெட்டாலிக், எல்லோ காக்டெயில், டார்க் மேட் புளூ, சாவ் காப்பர், சியான் புளூ மற்றும் மெட்டாலிக் பிளாக் நிறங்களில் கிடைக்கிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனம் விழிப்புணர்வு ஏற்படுத்தும் வகையில் மைலேஜ் சேன்ஜ் நிகழ்வை நடத்தியது.
    • இதில் மொத்தம் நூறு வாடிக்கையாள்கள் கலந்து கொண்டனர்.

    யமஹா நிறுவனம் தனது வாடிக்கையாளர்கள் மத்தியில் 125சிசி ஹைப்ரிட் ஸ்கூட்டர் ரேன்ஜ் பற்றி விழிப்புணர்வை ஏற்படுத்தும் நோக்கில், மதுரை மற்றும் அதன் சுற்று வட்டார பகுதிகளில் மைலேஜ் சேலன்ஜ் ஆக்டிவிட்டி பெயரில் சிறப்பு நிகழ்ச்சிக்கு ஏற்பாடு செய்து இருந்தது. இந்த நிகழ்ச்சியில் மொத்தம் நூறு யமஹா வாடிக்கையாளர்கள் கலந்து கொண்டனர்.

    இந்திய சந்தையில் யமஹா நிறுவனத்தின் 125சிசி ஹைப்ரிட் ஸ்கூட்டர் மாடல்களின் கீழ் பசினோ 125 Fi ஹைப்ரிட், ரே ZR 125 Fi ஹைப்ரிட் மற்றும் ஸ்டிரீட் ரேலி 125 Fi ஹைப்ரிட் போன்ற மாடல்களை விற்பனை செய்து வருகிறது. மைலேஜ் சேலன்ஜ் நிகழ்ச்சி தொடங்கும் முன் வாடிக்கையாளர்களுக்கு ஸ்கூட்டர் பயன்பாடு பற்றி செய்யக் கூடிய மற்றும் செய்யக் கூடாத விஷயங்கள் விவரிக்கப்ட்டன.


    இந்த நிகழ்வில் கலந்து கொண்ட அனைத்து வாடிக்கையாளர்களின் வாகனங்களுக்கும் இலவச வாட்டர் வாஷ், பத்து பாயிண்ட் வாகன செக்கப் உள்ளிட்டவை இலவசமாக மேற்கொள்ளப்பட்டது. கலந்து கொண்டவர்களில் அதிக மைலேஜ் பெற்று அகத்திய ஐந்து வெற்றியாளர்கல் தேர்வு செய்யப்பட்டனர். இவர்களுக்கு பரிசு கோப்பை, சான்றிதழ் மற்றும் கிப்ட் கார்டுகள் வழங்கப்பட்டன.

    நிகழ்வில் கலந்து கொண்டு அதிக மைலேஜ் பெற்று முதலிடம் பெற்றவர் தனது ஹைப்ரிட் ஸ்கூட்டர் கொண்டு 105.9 கி.மீ. மைலேஜ் பதிவு செய்து இருந்தார். இவரை தொடர்ந்து மற்ற நான்கு இடங்களை பிடித்தவர்கள் முறையே 97.86 கி.மீ., 97.56 கி.மீ, 96.69 கி.மீ மற்றும் 96.3 கி.மீ. மைலேஜ் பெற்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா மோட்டார் இந்தியா நிறுவனம் மைல்கல் கொண்டாடி இருக்கிறது.
    • யமஹா தினத்திற்கான உலகளாவிய தீம் "புதிய யுகத்தில் உறவுகள்" என்பதாகும்.

    1955 ஆம் ஆண் டு ஜூலை 1 ஆம் தேதி (ஜப்பான்), யமஹா மோட்டார் கம்பெனி லிமிடெட் தொடங்கப்பட்டது, அதன் முதல் தயாரிப்பு மாடலான YA-1 இல் தொடங்கி, அற்புதமான, ஸ்டைலன மற்றும் ஸ்மார்ட்டி தயாரிப்புகளை வழங்குவதற்கான அர்ப்பணிப்பு மற்றும் பணக்கார பந்தய வரலாறு, புதுமைகள் மற்றும் அர்ப்பணிப்பு நிரம்பிய 67 வருட பயணத்தை இன்று நிறைவு செய்கிறது.

    உலகெங்கிலும் உள்ள யமஹா ஊழியர்கள் பிராண்டின் மீது சிறந்த புரிதலையும், பாசத்தையும் பெற ஊக்குவிக்கும் நோக்கத்துடன் "யமஹா தினம்" என்றும் அதழக்கப்படும்‌ இந்த அடித்தள நாள், தயாரிப்புகள் மற்றும் சேவைகள் மூலம் "யமஹாவின் தனித்துவமான பாணியை" வெளிப்படுத்துகிறது.

    முக்கியமான மைல்கல்லை நினைவுகூரும் வகையில், யமஹா மோட்டார் இந்தியா (YMI) குழுமம் அதன் தாய் நிறுவனத்தின் 67வது ஆண்டு விழாவை சென்னையில் உள்ள YMI கார்ப்பரேட் அலுவலகத்திலும், காஞ்சிபுரம் மற்றும் சூரஜ்பூரில் உள்ள தொழிற்சாலை போன்ற இடங்களிலும் கொண்டாடியது. '

    நிகழ்ச்சியில் பேசிய யமஹா மோட்டார் இந்தியா குழும நிறுவனங்களின் தலைவர் திரு. ஈஷின் சிஹானா, "67வது யமஹா தினத்திற்கான உலகளாவிய தீம் "புதிய யுகத்தில் உறவுகள்" என்பதாகும். ஊழியர்கள், டீலர்கள், சப்ளையர்கள், வாடிக்கையாளர்கள் மற்றும்ச மூகம் ஆகிய அனைத்து பங்குதாரர்களுடனும் இதணந்திருப்பதற்கும் உறுதியான பிணைப்பு உருவாக்குவதற்கும் வழிகாட்டியதால், நாங்கள் எப்போதும் போற்றும் முக்கிய முதன்மைகளில் 'தடஸ் ' ஒன்றாகும்.

    தனிமனித மற்றும் சமூக விலகல் காரணமாக மனித தொடர்பு காணாமல் போனதால், மனித இணைப்பில் ஒரு பெரிய வெற்றிடத்தை உருவாக்கியது. மனித தொடர்பு என்பது மனித தொடர்புகளின் அடித்தளம், மேலும் மனித தொடுதல் மூலம் வலுவான உறவுகளை உருவாக்குவதன் மூலம் இந்த நிகழ்தவ நாங்கள் கொண்டாடுகிறோம். என தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யமஹா நிறுவனம் இந்திய சந்தையில் R15 V4 மாடலை விற்பனை செய்து வருகிறது.
    • சமீபத்தில் அதன் MT15 V2 விலையை யமஹா உயர்த்தி இருந்தது.

    யமஹா R15 V4 மாடலின் விலை இந்தியாவில் உயர்த்தி இருக்கிறது. முன்னதாக மே மாத வாக்கில் யமஹா R15 V4 விலை ரூ. 600 உயர்த்தப்பட்ட நிலையில், தற்போது இதன் விலை ரூ. 500 அதிகரித்து உள்ளது. யமஹா R15 V4 வொர்ல்டு GP 60-வது ஆனிவர்சரி எடிஷன் விலையில் ரூ. 900 உயர்த்தப்பட்டு இருக்கிறது.

    புதிய விலை விவரங்கள்:

    யமஹா R15 V4 மெட்டாலிக் ரெட் ரூ. 1 லட்சத்து 77 ஆயிரத்து 400

    யமஹா R15 V4 டார்க் நைட் ரூ. 1 லட்சத்து 78 ஆயிரத்து 400

    யமஹா R15 V4 ரேசிங் புளூ ரூ. 1 லட்சத்து 82 ஆயிரத்து 400

    யமஹா R15 V4M மெட்டாலிக் கிரே ரூ. 1 லட்சத்து 87 ஆயிரத்து 400

    யமஹா R15 V4M WGP 60-வது ஆனிவர்சரி எடிஷன் ரூ. 1 லட்சத்து 88 ஆயிரத்து 800


    கடந்த இரண்டு மாதங்களில் இந்த மோட்டார்சைக்கிள் விலை ரூ. 1100 அதிகரித்து இருந்தலும், யமஹா R15 V4 மாடல் கே.டி.எம். RC200-ஐ விட குறைவாகவே நிர்ணயம் செய்யப்பட்டு உள்ளது. இந்திய சந்தையில் கே.டி.எம். RC200 மாடலின் விலை ரூ. 2 லட்சத்து 13 ஆயிரம் ஆகும். இதன் விலை கே.டி.எம். RC 125 மாடலை விடவும் குறைவாகவே நிர்ணயம் செய்யப்பட்டு உள்ளது. இந்தியாவில் கே.டி.எம். RC125 விலை ரூ. 1 லட்சத்து 86 ஆயிரம் ஆகும்.

    விலையை தவிர யமஹா R15 V4 மாடலில் வேறு எந்த மாற்றமும் மேற்கொள்ளப்படவில்லை. இதன் அனைத்து வேரியண்ட்களிலும் 155சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 18.1 பி.ஹெச்.பி. பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் எல்.இ.டி. ப்ரோஜெக்டர் ஹெட்லேம்ப், டி.ஆர்.எல்.கள், எல்.சி.டி. இன்ஸ்ட்ரூமெண்ட் கிளஸ்டர், யு.எஸ்.டி. ஃபோர்க் உள்ளிட்டவை வழங்கப்படுகிறது.

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print