நீங்கள் தேடியது "Royal Enfield"

மிகவும் எதிர்பார்க்கப்பட்ட 'புல்லட் 650' பைக்கை இத்தாலியில் நடைபெற்று வரும் 2025 EICMA நிகழ்வில் அறிமுகம் செய்யப்பட்டது.

வரும் மாதங்களில் புல்லட் 650 பைக் இந்தியாவில் அறிமுகமாகும் என எதிர்பார்பார்க்கப்படுகிறது.

இந்த மாடலில் 648 சிசி டுவின் சிலிண்டர் என்ஜின் பொருத்தப்பட்டுள்ளது. இந்த யூனிட் 46.4 ஹெச்.பி. பவர், 52.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

இந்த பைக்கின் விலை சுமார் ரூ.3.4 லட்சமாக (எக்ஸ்-ஷோரூம்) இருக்கும் என எதிர்பார்க்கப்படுகிறது.

ராயல் என்பீல்டு நிறுவனம் தனது மீட்டியோர் 350 பைக்கை நவீனப்படுத்தி, புதிய வண்ணங்களுடன் அறிமுகப்படுத்தியுள்ளது. இந்த பைக் பயர்பால், ஸ்டெல்லர், அரோரா, சூப்பர் நோவா என நான்கு வேரியன்ட்களில், புதுமையான நிறங்களில் காட்சியளிக்கிறது.

புதுமையான எல்இடி ஹெட்லைட், டிரிப்பர் நேவிகேஷன் பாட், எல்இடி இண்டிகேட்டர், டைப்-சி யூஎஸ்பி பாஸ்ட் சார்ஜிங் போர்ட், அசிஸ்ட் மற்றும் ஸ்லிப்பர் கிளட்ச் போன்ற நவீன அம்சங்கள் இந்த பைக்கின் பயர்பால் மற்றும் ஸ்டெல்லர் வேரியன்ட்களில் இடம்பெறுகின்றன.

அட்ஜெஸ்டபிள் பிரேக் மற்றும் கிளட்ச் லிவர்கள் போன்றவை சூப்பர் நோவா, அரோரா ஆகிய வேரியன்ட்களில் கூடுதல் அம்சங்களாக கிடைக்கிறது.

இந்த பைக்கில் 349 சிசி ஜே சிரீஸ் ஏர் கூல்டு எஞ்ஜின் வழங்கப்பட்டுள்ளது. இது 20.2 பி.எச்.பி. பவரையும், 27 என்.எம். டார்க் திறனையும் வழங்கும். இது 5 ஸ்பீடு கியர் பாக்ஸ் உடன் பொருத்தப்பட்டுள்ளது. செப்டம்பர் 22ஆம் தேதி முதல் விற்பனைக்கு வரும் இதன் ஆரம்ப விலை ரூ.1.96 லட்சம்.

இந்த பைக்கின் பயர்பால் வேரியன்ட் ஆரஞ்ச் மற்றும் கிரே நிறங்களிலும், ஸ்டெல்லர் மேட் கிரே மற்றம் மெரைன் புளூ ஆகிய நிறங்களிலும், அரோரா வேரியன்ட் ரெட்ரோ கிரீன், அரோரா ரெட் ஆகிய நிறங்களிலும், சூப்பர் நோவா கருப்பு நிறத்திலும் கிடைக்கிறது.

ராயல் என்ஃபீல்டு நிறுவனம் இந்தியாவில் உள்ள தனது அனைத்து வாடிக்கையாளர்களுக்கும் முழு ஜிஎஸ்டி குறைப்பு பலனை வழங்குவதாக அறிவித்துள்ளது. இந்த புதிய ஜிஎஸ்டி விலைகள் ஹண்டர் 350, புல்லட் 350, கிளாசிக் 350 மற்றும் கோவான் கிளாசிக் 350 ஆகியவற்றுக்கு பொருந்தும்.

இருப்பினும், நிறுவனம் புதிய விலைகளை வெளியிடவில்லை, ஆனால் இந்த புதிய ஜிஎஸ்டி விகிதங்கள் நடைமுறைக்கு வரும் 22-ந்தேதி அன்று வெளியிடப்படும் என்று குறிப்பிட்டுள்ளது. மத்திய அரசு இரு சக்கர வாகனங்களுக்கு புதிய சரக்கு மற்றும் சேவை வரி (ஜிஎஸ்டி) அறிவித்துள்ளது. அதன்படி 350 சிசிக்கு கீழ் உள்ள அனைத்து மாடல்களும் இப்போது 28 சதவீதத்திற்கு பதிலாக 18 சதவீத வரி வசூலிக்கப்பட உள்ளன.

350cc க்கும் அதிகமான பைக்குகளின் விலை அதிகரிக்கும் என்றும், ஜிஎஸ்டி விகிதங்கள் முந்தைய 28 சதவீதத்திலிருந்து 40 சதவீதமாக அதிகரிக்கப்பட்டுள்ளதால், கூடுதலாக மூன்று சதவீத செஸ் வரி விதிக்கப்பட்டுள்ளதாகவும் ராயல் என்ஃபீல்ட் தெரிவித்துள்ளது.

இதன் விளைவாக, ஹிமாலயன் 450, கெரில்லா 450 மற்றும் முழு 650cc வகை பைக்குகளின் விலையும் கடுமையாக உயரும்.

லடாக்கில் ராயல் என்ஃபீல்டு நிறுவனம் தனது Flying Flea C6 எலெக்ட்ரிக் பைக்கை சோதனைக்கு உட்படுத்தி இருந்தது. இந்த நிலையில், புதிய எலெக்ட்ரிக் பைக் பொது சாலைகளில் சோதனை ஓட்டங்களுக்கு உட்படுத்தப்பட்டது. இந்த சோதனையானது ராயல் என்ஃபீல்டு நிறுவனத்தின் தொழிற்சாலை அமைந்துள்ள சென்னையில் நடந்ததாக கூறப்படுகிறது.

இந்த மோட்டார்சைக்கிள் அடிப்படையில் நகர்ப்புற பயணிகளுக்காகவே வடிவமைக்கப்பட்டுள்ளது. எனவே நகரத்தில் அதை கடுமையான சோதனைக்கு உட்படுத்தப்படுவது அர்த்தமுள்ளதாக இருக்கும்.

புதிய Flying Flea C6 இந்தியாவில் இதுவரை நாம் பார்த்த எந்த மின்சார மோட்டார்சைக்கிளை போலல்லாமல் தோற்றமளிக்கிறது. முன்பக்க கர்டர் ஃபோர்க்குகள், பெரிய அலாய் வீல்கள் (17-இன்ச் யூனிட்களை விட பெரியதாகத் தெரிகிறது). ஃபோர்ஜ் செய்யப்பட்ட அலுமினிய ஃபிரேம் மற்றும் ஃப்ளோட்டிங் ஸ்டைல் சீட் உள்ளிட்டவை இந்த பைக்கிற்கு ஒரு தனித்துவமான ஈர்ப்பை வழங்குகின்றன.

இத்துடன் வட்ட வடிவ ஹெட்லேம்ப், டெயில் லேம்ப் மற்றும் ரியர்-வியூ மிரர்கள் அதன் அழகியலுக்கு சில ரெட்ரோ தோற்றத்தை சேர்க்கின்றன. இந்த பேட்டரி பேக்கில் மெக்னீசியம் கேசிங் செய்யப்பட்டுள்ளது. இது குளிர்ச்சியை மேம்படுத்த உதவுவது மட்டுமல்லாமல் ஒட்டுமொத்த எடையைக் குறைக்கவும் உதவுகிறது. பேட்டரியின் தொழில்நுட்ப விவரங்கள் ரகசியமாக உள்ளது.

எனினும், இதில் வழங்கப்படும் பேட்டரியின் வரம்பு ஒரு சார்ஜுக்கு சுமார் 100 கிலோமீட்டர்கள் வரை இருக்கும் என்று எதிர்பார்க்கப்படுகிறது. இது நகரப் பயணங்களுக்கு பெரும்பாலும் ஏற்றதாக அமைகிறது. அம்சங்களைப் பொறுத்தவரை, Flying Flea C6 ஸ்மார்ட்போன் இணைப்புடன் வட்ட வடிவ ப்ளூடூத்-கனெக்டிவிட்டி கொண்ட TFT டிஸ்ப்ளேவுடன் பொருத்தப்பட்டுள்ளது.

மேலும், இந்த பைக்கில் டிராக்ஷன் கண்ட்ரோல் மற்றும் கார்னெரிங் ஏபிஎஸ் உள்ளிட்டவை வழங்கப்பட்டு இருக்கிறது. ராயல் என்ஃபீல்டு நிறுவனம் புதிய Flying Flea C6 பற்றிய அனைத்து விவரங்களையும் 2026 ஆம் ஆண்டின் தொடக்கத்தில் அதிகாரப்பூர்வமாக அறிவிக்கும் என்று எதிர்பார்க்கப்படுகிறது.

ராயல் என்ஃபீல்ட் நிறுவனம் இந்திய சந்தையில் தனது கோன் (Goan) கிளாசிக் 350 மாடலை 2024ஆம் ஆண்டின் இறுதியில் அறிமுகம் செய்தது. இப்போது, இந்த நிறுவனம் ஜெர்மனியில் மோட்டார் சைக்கிளின் ஸ்பெஷல் மாடலை அறிமுகம் செய்துள்ளது.

இது ஒரு லிமிட்டெட் எடிஷன் மாடல் ஆகும். இந்த வேரியண்ட் "ட்ரிப் டீல்" எனும் விசேஷ நிறத்தில் கிடைக்கிறது. இந்த வேரியண்ட் மொத்தத்தில் 140 யூனிட்கள் மட்டுமே உற்பத்தி செய்யப்படுகிறது. இந்த பைக்கின் விலை 5590 யூரோக்கள் (இந்திய மதிப்பில் ரூ. 5.68 லட்சம்) என நிர்ணயம் செய்யப்பட்டுள்ளது. இந்திய சந்தையில் இந்த பைக்கின் விலை ரூ.2.37 லட்சத்தில் (எக்ஸ்-ஷோரூம், சென்னை) தொடங்குகிறது. குறிப்பாக ட்ரிப் டீல் நிற வேரியண்ட் ரூ. 2.40 லட்சம் (எக்ஸ்-ஷோரூம், சென்னை) விலையில் கிடைக்கிறது.

தோற்றத்தைப் பொறுத்தவரை, ராயல் என்ஃபீல்ட் கோன் கிளாசிக்கின் இந்த மாடல் டர்க்கொய்ஸ் மற்றும் ஆரஞ்சு சேர்ந்த நிறத்தில் கிடைக்கிறது. இத்துடன் க்ரோம் அக்சென்ட்கள் மற்றும் ஆங்கில்டு எக்சாஸ்ட் கொண்டிருக்கிறது.

இந்த பைக்கில் கியர் இண்டிகேட்டர், யுஎஸ்பி டைப் சி போர்ட் மற்றும் டர்ன்-பை-டர்ன் நேவிகேஷன் உள்ளிட்ட அம்சங்கள் வழங்கப்படுகிறது. ஹெட்லைட்கள் மற்றும் டர்ன் சிக்னல்கள் அனைத்தும் LED செய்யப்படுகின்றன.

ராயல் என்ஃபீல்ட் கோன் கிளாசிக் 350 பைக்கில் 349 சிசி திறன் கொண்ட ஏர் மற்றும் ஆயில்-கூல்டு சிங்கிள்-சிலிண்டர் எஞ்சின் பொருத்தப்பட்டுள்ளது. சிங்கிள்-சிலிண்டர் எஞ்சின் 6,100 ஆர்பிஎம்மில் 20.2 ஹெச்பி பவரையும், 4,000 ஆர்பிஎம்மில் 27 என்எம் டார்க்கையும் உற்பத்தி செய்கிறது. இது 5-ஸ்பீடு டிரான்ஸ்மிஷனுடன் இணைந்து செயல்படுகிறது.

இந்த பைக்கின் முன்புறத்தில் 41 மிமீ டெலஸ்கோபிக் ஃபோர்க் உள்ளது, பின்புறத்தில் டூயல்-ஷாக் அப்சார்பர்கள் வழங்கப்படுகின்றன. பிரேக்கிங்கிற்கு, முன்புறத்தில் 300 மிமீ டிஸ்க் பிரேக்கும், பின்புறத்தில் 270 மிமீ டிஸ்க் பிரேக்கும் உள்ளன. இத்துடன் டூயல் சேனல் ABS கூடுதலாக வழங்கப்படுகிறது.

ராயல் என்ஃபீல்டு நிறுவனம் தனது கெரில்லா 450 பைக்கில் புதிய நிற ஆப்ஷனை சேர்த்துள்ளது. ஷேடோ ஆஷ் என அழைக்கப்படும் புதிய நிறத்துடன் இந்த மோட்டார்சைக்கிள் புனேவில் நடந்த தபஸ்வி ரேசிங்குடன் இணைந்து GRRR நைட்ஸ் X அண்டர்கிரவுண்ட் நிகழ்வில் வெளியிடப்பட்டது. இந்த டூயல்-டோன் நிற ஆப்ஷன் கொண்ட பைக்கின் விலை ரூ.2.49 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

புதிய நிறத்தில் ஆலிவ் கிரீன் நிற டேங்க் உள்ளது. இது கருப்பு நிற டீ-டெயிலிங்குடன் இணைகிறது. இதைத் தவிர, இந்த பைக் பிராவா புளூ, எல்லோ ரிப்பன், கோல்ட் டிப், பிளேயா பிளாக், பீக்ஸ் ப்ரான்ஸ் மற்றும் ஸ்மோக் சில்வர் போன்ற நிறங்களில் கிடைக்கிறது.

இந்த பைக் இன்னும் ரூ.2.39 லட்சத்தில் (எக்ஸ்-ஷோரூம்) தொடங்குகிறது. இது அதே பவர்டிரெய்னையும் கொண்டுள்ளது. இது ஹிமாலயன் மாடலில் பயன்படுத்தப்படும் அதே லிக்விட்-கூல்டு 452 சிசி 'ஷெர்பா 450' எஞ்சினுடன் பொருத்தப்பட்டுள்ளது. கெரில்லா 450 மாடலில், இந்த யூனிட் 8,000 ஆர்பிஎம்மில் 40 ஹெச்பி பவர் மற்றும் 5,500 ஆர்பிஎம்மில் 40 நியூட்டன் மீட்டர் டார்க் உற்பத்தி செய்கிறது.

கெரில்லா 450 பைக்கில் 43 மில்லிமீட்டர் டெலிஸ்கோபிக் முன்புற ஃபோர்க்குகள் உள்ளன. பிரேக்கிங்கிற்காக, முன்புறத்தில் 310 மில்லிமீட்டர் வென்டிலேட்டெட் டிஸ்க் மற்றும் பின்புறத்தில் 270 மில்லிமீட்டர் ஒற்றை டிஸ்க் ஆகியவற்றைக் கொண்டுள்ளது. பாதுகாப்பை மேம்படுத்த, டூயல் சேனல் ABS வழங்கப்படுகிறது.

ராயல் என்ஃபீல்டு நிறுவனம் கடந்த ஆண்டு ஜூலை மாதத்தில் கெரில்லா 450 மாடலை அறிமுகம் செய்ததது. கவர்ச்சிகர வடிவமைப்பு காரணமாக இந்த மாடல் வாடிக்கையாளர்கள் மத்தியில் உடனடி கவனம் பெற்றது. கெரில்லா 450 போன்ற டிசைன் அதற்கு முன்பு வரை வேறெந்த ராயல் என்ஃபீல்டு பைக்கிலும் காணப்படவில்லை.

இந்த குறிப்பிட்ட ராயல் என்ஃபீல்டு கெரில்லா 450 மோட்டார்சைக்கிளை இத்தாலிய பைக் தயாரிப்பாளரான பெப்போ ரோசெல் என்பவர் வடிவமைத்தார். மேலும் இந்த மாடல் 2025 ஆம் ஆண்டு வீல்ஸ் அண்ட் வேவ்ஸ் விழாவில் காட்சிப்படுத்தப்பட்டது.

இந்த பைக்கின் பிரேம் மற்றும் எஞ்சின் வழக்கமான கெரில்லா 450 பைக்கில் இருந்து தக்கவைக்கப்பட்டாலும், வழக்கமான கெரில்லா 450 பைக்கை விட ஆக்ரோஷமாகவும் மூர்க்கமாகவும் தோற்றமளிக்கும் வகையில் ஏராளமான மாற்றங்கள் செய்யப்பட்டுள்ளன.

இந்த மோட் (Mod) அதன் மெயின்-ஃபிரேமை நிலையான மாடலில் இருந்து தக்க வைத்துக் கொண்டுள்ளது. இருப்பினும், இந்த மோட் ஒரு XTR பெப்போ Sub Frame-ஐ பெறுகிறது. இது உயர்த்தப்பட்ட இருக்கை மற்றும் ஒரு சிறிய டெயில் பகுதியைக் கொண்டுள்ளது. மேலும், வழக்கமான ஹேண்டில்பார்களை குறைந்த ஸ்லங் கிளிப்-ஆன் பார்களில் பொறுத்துவதற்கு நீக்கியுள்ளது. மேலும், பைக் முழுவதும் GRR 450 டெக்கால் அதற்கு மிகவும் ஆக்ரோஷமான ஈர்ப்பை அளிக்கிறது.

பின்புறத்தில், பெப்போ ஏப்ரிலியா RS 660-இன் ஸ்விங் ஆர்மைப் பயன்படுத்தியிருக்கலாம். இது ஒரு தனிப்பயன் ஃபூட் பெக்குடன் இணைக்கப்பட்டுள்ளது. தனிப்பயன்-கட்டமைக்கப்பட்ட கெரில்லா 450, ஷோவா இன்வெர்ட்டட் ஃபோர்க் மற்றும் முன் மற்றும் பின்புறத்தில் நைட்ராக்ஸ் மோனோஷாக் ஆகியவற்றைப் பெறுகிறது.

பெப்போ, நிலையான மாடல்களில் காணப்படுவது போல் 450cc எஞ்சினையே தக்க வைத்துக் கொண்டுள்ளது. இருப்பினும், செயல்திறனை மேம்படுத்த ஒரு பெரிய கார்பன் ஃபைபர் ஏர்பாக்ஸ் மற்றும் ரேசிங் இன்ஸ்பயர்டு டைட்டானியம் எக்ஸாஸ்ட் ஆகியவற்றைக் கொண்டுள்ளது. ராயல் என்ஃபீல்ட் கெரில்லா 450 மாடலில் உள்ள எஞ்சின் 40 hp பவர் மற்றும் 40 Nm டார்க் இழுவிசையை வெளிப்படுத்தியது.

2023 ஆம் ஆண்டு ராயல் என்பீல்டு நிறுவனம் தனது புல்லட் 350 மாடலில் அதிகப்படியான மாற்றங்களை செய்தது. இந்த மாற்றங்கள் காரணமாக ராயல் என்பீல்டு நிறுவனத்தின் அதிநவீன J-சீரிஸ் தளத்திற்கு மாறியது. இதன் மூலம் புல்லட் 350 மாடல் ஏற்கனவே இதே தளத்தில் உருவாக்கப்பட்ட மீடியோர் 350, கிளாசிக் 350 மற்றும் ஹண்டர் 350 போன்றவற்றுடன் இணைந்தது.

அறிமுகமாகி 2 ஆண்டுகள் ஆகிவிட்ட நிலையில், ராயல் என்பீல்டு நிறுவனம் இந்த பைக்கின் விலையை உயர்த்த முடிவு செய்துள்ளது. புல்லட் குடும்பத்தின் என்ட்ரி லெவல் மாடலாக பட்டாலியன் பிளாக் வேரியண்ட் இருக்கிறது. இதன் விலை ரூ. 1.75 லட்சம் ஆகும். தற்போதைய விலை உயர்வில் இந்த மாடலின் விலையில் மாற்றம் செய்யப்படவில்லை.

இதைத் தொடர்ந்து, கருப்பு மற்றும் சிவப்பு நிறங்களில் இன்னும் வழங்கப்படும் மிலிட்டரி வேரியண்ட் ரூ. 1.75 லட்சம் விலையில் கிடைக்கிறது. இதன் விலையும் ரூ. 2,000 அதிகமாகும். கருப்பு மற்றும் மெரூன் நிறங்களில் கிடைக்கும் நிலையான வேரியண்டின் விலை இப்போது ரூ. 2.00 லட்சம், ரூ. 3,000 அதிகரித்து உள்ளது.

ஃபிளாக்ஷிப் பிளாக் கோல்ட் வெர்ஷனும் ஓரளவு உயர்ந்து ரூ. 2,000 அதிகரித்து ரூ. 2.18 லட்சமாக உள்ளது. ராயல் என்பீல்ட் மிலிட்டரி சில்வர் வேரியண்டையும் சிறிது காலத்திற்கு அறிமுகப்படுத்தியது, ஆனால் அது பின்னர் நிறுத்தப்பட்டது.

வேரியண்ட் கலவை சிறிது மாறி, விலைகள் தற்போது ரூ. 2,000 முதல் அதிகபட்சம் ரூ. 3,000 வரை உயர்ந்துள்ள நிலையில், புல்லட் 350 மெக்கானிக்கல் அம்சங்கள் ஒரே மாதிரியாகவே உள்ளது. இது 20.2 hp பவர், 27 Nm டார்க் வெளிப்படுத்தும் 349cc, சிங்கிள் சிலிண்டர், ஏர்-கூல்டு எஞ்சின் மூலம் தொடர்ந்து இயக்கப்படுகிறது.

இருப்பினும், இந்த மாடலில் ஒரு குறிப்பிடத்தக்க அப்டேட் வழங்கப்பட இருக்கிறது. ராயல் என்பீல்ட், புல்லட் உட்பட முழு 350சிசி மாடல்கள் மற்றும் சமீபத்தில் 2025 ஹண்டர் 350-இல் அறிமுகம் செய்யப்பட்ட ஸ்லிப்-அண்ட்-அசிஸ்ட் கிளட்ச் பொருத்தப்படும் என்று எதிர்பார்க்கப்படுகிறது. இந்த சிறிய ஆனால் குறிப்பிடத்தக்க மேம்படுத்தல், குறிப்பாக நகர போக்குவரத்தில் சவாரி அனுபவத்தை மேம்படுத்த வேண்டும்.

ராயல் என்ஃபீல்ட் கெரில்லா 450 ஐ ஒரு ரோட்ஸ்டராக வடிவமைத்தது. ஆனால் இந்த மோட்டார்சைக்கிளில் இருந்து இன்னும் அதிகமாக விரும்புபவர்கள், அதன் பிரத்யேக மாற்றங்களுடன் விரிவுபடுத்த விருபுவதாக தெரிகிறது. இதற்கான சரியாண உதாரணங்களில் ஒன்று தான் SM450 அர்பன் கெரில்லா. இது ரியான் ரோட்கில் மற்றும் தனிப்பயன் ஹவுஸ் ஸ்டிக்கி'ஸ் ஸ்பீட் ஷாப்பின் கூட்டு முயற்சியால் உருவாக்கப்பட்டது.

ராயல் என்ஃபீல்ட் கெரில்லா 450 ஐ அடிப்படையாகக் கொண்ட இந்த பைக், வெள்ளை, இளஞ்சிவப்பு மற்றும் ஊதா நிறங்களின் குறிப்பிடத்தக்க கலவையுடன் கவனத்தை ஈர்க்கிறது. இந்த வண்ணங்கள் இருக்கை, கைப்பிடிகள், ஷாக் அப்சார்பர்கள் மற்றும் அலாய் வீல்களிலும் கூட காணப்படுகின்றன. பைக்கின் பக்கவாட்டில் "450" ஐ முன்னிலைப்படுத்தும் வகையில் மஞ்சள் நிறமும் பயன்படுத்தப்பட்டுள்ளது. இதன் மூலம், மாற்றங்கள் பைக்கின் தோற்றத்தை முற்றிலுமாக மாற்றியுள்ளன. இது உயர்-கொக்கு சதுரம், ஹெட்லைட் மற்றும் பலவற்றைக் கொண்ட ஒரு சூப்பர்மோட்டோ போல தோற்றமளிக்கிறது.

தோற்றத்திற்கு ஏற்ப, பைக் கருப்பு நிறத்தில் மாற்றப்பட்டுள்ளது. மாறுபட்ட வெள்ளை நிற ஃபிரேம் இன்னும் சிறப்பிக்கப்பட்டுள்ளது. கருப்பு எஞ்சின் கவர் காரணமாக தனித்து நிற்கும் இளஞ்சிவப்பு ராயல் என்ஃபீல்ட் லோகோவும் உள்ளது. தோற்றத்துடன், 452 சிசி ஒற்றை சிலிண்டர் எஞ்சின் அதிக செயல்திறனைப் பெற இயந்திர மாற்றங்களையும் பெற்றுள்ளது.

இந்த யூனிட்டில், நிலையான பின்புற சஸ்பென்ஷன் மவுண்டிங் புள்ளிகள் அகற்றப்பட்டுள்ளன. மேலும், டெயில்பீஸ் மாற்றப்பட்டுள்ளது. இது ஒற்றை இருக்கைக்கு இடத்தை வழங்குகிறது, இது 1987 யமஹா YZ125 இன் மறுவடிவமைப்பு செய்யப்பட்ட யூனிட்டைப் போல தோற்றமளிக்கிறது. புதிய பாகங்களின் பட்டியல் ஒரு பில்லெட் ஸ்விங்கார்மின் இருப்புடன் நீண்டு செல்கிறது.

2025-ம் ஆண்டு பிறந்தது முதல் தற்போது வரை இருசக்கர வாகன பிரியர்களுக்கான புதுவித மாடல்கள் குறைந்த அளவிலே வெளிவந்துள்ளது. பல்வேறு காரணங்களால் எண்ணிக்கை குறைந்துள்ள போதிலும், ஆண்டின் இரண்டாம் பாதியில் நிலைமை முற்றிலும் மாறப்போவது தெரியவந்துள்ளது. அந்த வகையில், இந்த ஆண்டு இனி வரப்போக இருக்கும் பைக் மாடல்கள் குறித்து பார்ப்போம்...

சிஎஃப்மோட்டோ 450எம்டி (CFMoto 450MT)

சிஎஃப்மோட்டோ 450எம்டி என்பது சாகச பைக்கில் பிரபலமாக அறியப்படும் ஒன்றாகும். இந்த ஆண்டு பண்டிகை காலத்தில் இந்த மாடல் அறிமுகப்படுத்தும் என்று தகவல்கள் வெளியாகி உள்ளன. மேலும், இது தொடர்பான பணிகள் தீவிரமாக நடைபெற்று வருவதாகவும் கூறப்படுகிறது.

டிவிஎஸ் ஆர்டிஎக்ஸ் 300 (TVS RTX 300)

இந்திய சந்தையில் புதிய RTX 300 என்பது 2-3 மாதங்களுக்குள் அறிமுகப்படுத்தப்படும். இது டிவிஎஸ் நிறுவனத்தின் முதல் அட்வென்ச்சர் மோட்டார்சைக்கிள் ஆக வெளியாகும் என தெரிகிறது. மேலும், இது பிராண்டின் புதிய 300cc எஞ்சினைப் பயன்படுத்தும் முதல் மோட்டார்சைக்கிள் ஆக இருக்கும். இந்த பைக் முதன்முதலில் ஜனவரி 2025 இல் பாரத் மொபிலிட்டி எக்ஸ்போவில் அறிமுகப்படுத்தப்பட்டது. 19-17-இன்ச் அலாய் வீல் அமைப்புடன் , டிவிஎஸ் பைக்கின் ஆஃப்-ரோடு சார்ந்த வேரியண்ட் வழங்கக்கூடும்.

பிஎம்டபிள்யூ எஃப் 450 ஜிஎஸ் (BMW F 450 GS)

பிஎம்டபிள்யூ எஃப் 450 ஜிஎஸ் கான்செப்ட் இந்தியாவில் முதன்முதலில் எக்ஸ்போ 2025-ல் அறிமுகப்படுத்தப்பட்டது. இது பிஎம்டபிள்யூவின் மிகச்சிறிய மற்றும் மிகவும் மலிவு விலையில் பல சிலிண்டர் வகையாக இருக்கும். இந்த பைக்கின் தயாரிப்பு மாடல் சமீபத்தில் சோதனை ஓட்டங்களுக்கு உட்படுத்தப்பட்டது. மேலும் இது ஆஃப்-ரோடு-ரெடியாகத் தோன்றிய கான்செப்ட்டிலிருந்து மிகவும் வித்தியாசமாக இருந்தது. இது இந்தியாவில் டிவிஎஸ்-ஆல் தயாரிக்கப்படும். மேலும் அதிகாரப்பூர்வ வெளியீடு இந்த ஆண்டு நவம்பர்-டிசம்பர் மாதங்களில் நடைபெறும் என்று எதிர்பார்க்கப்படுகிறது.

ராயல் என்ஃபீல்ட் ஹிமாலயன் 750 (Royal Enfield Himalayan 750)

உலகளவில் பிரபலமான ஹிமாலயன் பெயருக்கு விரைவில் 750 என்ற அடைமொழி கிடைக்கும். நீண்ட காலமாக ஒரு பெரிய ஹிமாலயன் பைக்கை ரைடர்கள் கோரி வந்த நிலையில், ராயல் என்ஃபீல்ட் 750சிசி மோட்டார்சைக்கிளை சோதித்துப் பார்த்து தயாரித்து வருகிறது. இந்த மோட்டார்சைக்கிள் இதுவரை சில முறை சோதனைக்குள்ளாப்பட்டது. மேலும், 19-17 அங்குல ஸ்போக் வீல் கலவை மற்றும் அதிக எடை கொண்ட ஆஃப்-ரோடர் பைக்கை விட இது ஒரு டூரர் பைக் என்பது தெளிவாக தெரிகிறது.

கேடிஎம் 390 எஸ்எம்சி ஆர் (KTM 390 SMC R)

கேடிஎம் 390 எஸ்எம்சி ஆர் அதன் பெரும்பாலான கூறுகளை 390 எண்டிரோ ஆர் உடன் பகிர்ந்து கொள்ளும். ஆனால் வழக்கமான சூப்பர்மோட்டோ பாணியில், இரு முனைகளிலும் 17 அங்குல சக்கரங்களில் சாலை-சார்புடைய டயர்களுடன் சவாரி செய்யும். இது ஒரு ஸ்போர்ட்ர்ஸ் ரோட் பைக்கை தேடும் ரைடர்களுக்கு சிறந்த தேர்வாக இருக்கும். இது ரூ. 3.36 லட்சம் விலை கொண்ட 390 எண்டிரோ ஆர்-ஐ விட மலிவு விலையில் கிடைக்க்கும். மேலும் அதிகாரப்பூர்வ வெளியீடு ஓரிரு மாதங்களில் நடைபெறும்.

ராயல் என்பீல்டு நிறுவனம் புதிய அப்டேட்களுடன் HUNTER 350 2025 மாடல் பைக்குகளை இந்தியாவில் அறிமுகம் செய்தது.

இந்த பைக்கின் ஆரம்ப விலை ரூ. 1,49,900-ஆக நிர்ணயம் செய்யப்பட்டுள்ளது. Rio White, Tokyo Black. London Red என 3 புதிய நிறங்களில் இந்த பைக்குகள் வடிவமைக்கப்பட்டுள்ளன.

இந்த புதிய ராயல் என்பீல்டு ஹண்டர் மோட்டார்சைக்கிளில் 349சிசி, ஏர்/ஆயில்-கூல்டு, ஜே-சீரிஸ் என்ஜின் வழங்கப்பட்டுள்ளது. இந்த என்ஜின் 20.2 பி.ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும். இத்துடன் 5 ஸ்பீடு கியர்பாக்ஸ் வழங்கப்பட்டுள்ளது. இதே என்ஜின் தான் கிளாசிக் 350 மற்றும் மீடியோர் 350 போன்ற மாடல்களிலும் வழங்கப்பட்டு இருக்கிறது.

2025 ஹண்டர் 350க்கான முன்பதிவுகள் தொடங்கப்பட்டுள்ளன. விரைவில் டெலிவரி தொடங்கும் என ராயல் என்பீல்டு நிறுவனம் தெரிவித்துள்ளது. 

ராயல் என்பீல்டு நிறுவனம் கடந்த ஆகஸ்ட் மாத வாக்கில் புதிய ஹண்டர் 350 மோட்டார்சைக்கிளை அறிமுகம் செய்தது. ஹண்டர் 350 மாடல் குறைந்த விலையில் எண்ட்ரி லெவல் ராயல் என்பீல்டு மோட்டார்சைக்கிளாக நிலை நிறுத்தப்பட்டு இருக்கிறது. இந்த நிலையில், புதிய ஹண்டர் 350 மாடல் விற்பனை விவரங்கள் வெளியாகி உள்ளது.

அதன்படி செப்டம்பர் மாதத்தில் மட்டும் ராயல் என்பீல்டு நிறுவனம் 17 ஆயிரத்து 118 ஹண்டர் 350 யூனிட்களை விற்பனை செய்ததாக அறிவித்து இருக்கிறது. இது ஆகஸ்ட் மாதத்தில் விற்பனையானதை விட குறைவு ஆகும். ஆகஸ்ட் மாதத்தில் 18 ஆயிரத்து 197 யூனிட்கள் விற்பனையாகி இருந்தது.

செப்டம்பரில் ஹோண்டா சிபி350 மாடல் மொத்தத்தில் 3 ஆயிரத்து 980 யூனிட்களே விற்பனையாகி இருக்கிறது. ஆகஸ்ட் மாதத்தில் 3 ஆயிரத்து 714 யூனிட்கள் விற்பனையானது. விற்பனையில் இவ்வளவு வித்தியாசம் ஏற்பட ஹண்டர் 350 மற்றும் சிபி350 விலை காரணமாக இருக்கலாம். இந்தியாவில் ராயல் என்பீல்டு ஹண்டர் 350 மாடல் விலை ரூ. 1 லட்சத்து 49 ஆயிரம் என துவங்குகிறது.

ஹோண்டா சிபி350 விலை ரூ. 2 லட்சம் என நிர்ணயம் செய்யப்பட்டு உள்ளது. விலை மட்டுமின்றி விற்பனை விற்பனை மற்றும் சர்வீஸ் நெட்வொர்க் உள்ளிட்டவையும் ராயல் என்பீல்டு விற்பனை அதிகரிக்க காரணமாக இருக்கும். ஹோண்டா தனது சிபி350 மோட்டார்சைக்கிளை பிங்விங் விற்பனை மையங்களிலேயே விற்பனை செய்து வருகிறது.