நீங்கள் தேடியது "Training course"

தேனி:

இந்திய தர நிலைகள் குறித்து வருவாய் மற்றும் பேரிடர் மேலாண்மைத்துறை, வேளாண்மை மற்றும் உழவர் நலத்துறை, மருத்துவம் மற்றும் மக்கள் நல்வாழ்வுத்துறை, சமூக நலன் மற்றும் மகளிர் உரிமைத்துறை உள்ளிட்ட அனைத்துத்துறை மாவட்ட அளவிலான அலுவலர்களுக்கான விழிப்புணர்வு பயிற்சி வகுப்பு நடைபெற்றது. கலெக்டர் முரளிதரன் தலைமை தாங்கினார்.

இந்த பயிற்சி வகுப்பில், தரமான பொருட்களை தயாரிப்பதில்‌ இந்திய தர நிர்ணய பணியகத்தின் ‌பங்கு மற்றும்‌ பொறுப்பு, இந்திய தர நிர்ணய நிறுவனம் மார்க்‌ ரூ ஹால்மார்க்‌ (தங்க நகைகள்‌), மாநில அரசு துறைகளின்‌ கொள்முதல்‌ ஒப்பந்தப்புள்ளியில் இந்திய தரநிலைகளின்‌ முக்கியத்துவம்‌, இந்திய தர நிர்ணயத்தால் குறியிடப்பட்ட பொருட்களை வாங்குவதன் முக்கியத்துவம்,

தரமான பொருட்களின் தரம் குறித்து எளிதில் அறிந்து கொள்ளும் பொருட்டு உருவாக்கப்பட்டுள்ள இந்திய தர நிர்ணய பணியகம் செயலியின் சிறப்பம்சங்கள், தயாரிப்புகளை தவறாகப்‌ பயன்படுத்தினால்‌ பி.ஐ.எஸ்‌ சட்டத்தின்‌ தண்டனை மற்றும் விதிகள் குறித்து விரிவாக எடுத்துரைக்கப்பட்டது.

மேலும் உலக அளவில்‌ சந்தை விரிவாக்கத்தில்‌ இந்திய தர நிர்ணய பணியகம் மற்றும் இந்திய தர நிர்ணய நிறுவனம் ஆகிய தரநிலைகள்‌ முக்கிய பங்காற்றி வருகின்றன.

இந்திய தர நிர்ணய பணியகத்தின் செயலி நுகர்வோர்களுக்கு மிகவும் பயனுள்ளதாக அமையும். எனவே, இப்பயிற்சியில் கலந்து கொண்டுள்ள அலுவலர்கள் எடுத்துரைக்கப்படும் கருத்துக்களை நன்குணர்ந்து நுகர்வோர்களிடையே விழிப்புணர்வு ஏற்படுத்திட வேண்டும் என தெரிவிக்கப்பட்டது.

நெல்லை:

வடகிழக்கு பருவமழை தொடங்கியுள்ள நிலையில் நெல்லையில் பேரிடர் ஏற்படும் இடங்களில் உடனடியாக விரைந்து சென்று பாதிக்கப்பட்டவர்களை மீட்பது குறித்து பயிற்சி வகுப்புகள் மாவட்ட வருவாய் அலுவலர் ஜெயஸ்ரீ தலமையில் நெல்லை கலெக்டர் அலுவலக கூட்டரங்கில் இன்று நடைபெற்றது.

இதில் ஏராளமான பேரிடர் மீட்பு தன்னார்வலர்கள் கலந்து கொண்டனர். அவர்களுக்கு மழை, வெள்ளம் ஏற்படும்போது பாதிக்கப்படும் மக்களை மீட்பது, கால்நடைகளை பாதுகாப்பது உள்ளிட்டவை குறித்து விளக்கம் அளிக்கப்பட்டது.

ஏற்கனவே மாவட்ட நிர்வாகம் சார்பில் நெல்லை அரசு என்ஜினீயரிங் கல்லூரியில் பேரிடர் மீட்பு தன்னார்வலர்களுக்கு பயிற்சி வழங்கப்பட்டது. அந்த பயிற்சி வகுப்பை முடித்தவர்களும் இதில் கலந்து கொண்டனர்.

இந்த கூட்டத்தில் பேரிடர் மேலாண்மை தாசில்தார் செல்வன், பாளை தீயணைப்பு நிலைய அலுவலர் ராஜா மற்றும் தன்னார்வலர்கள் கலந்து கொண்டனர்.

ஸ்ரீவில்லிபுத்தூர்

ஸ்ரீவில்லிபுத்தூரில் நண்பர்கள் ரோட்டரி சங்கம், டால்பின் அகடாமி, முகில் இன்ஸ்டியூஷன் ஆகிய அமைப்புகள் இணைந்து டி.என்.பி.எஸ்.சி. தேர்வுக்கான இலவச பயிற்சி வகுப்புகளை நடத்தினர்.

சங்கத்தின் தலைவர் அங்குராஜ் தொடங்கி வைத்து பேசினார். அகடாமி நிறுவனர் முருகதாசன் வரவேற்றார். டி.என்.பி.எஸ்.சி. போட்டித் தேர்வில் 10 ஆண்டுகளுக்கு மேலான பணி அனுபவம் பெற்றுள்ள விரிவுரையாளர்களான முகில், வீரையா, செல்வி ஆகியோர் பயிற்சி வகுப்பினை நடத்தினர்.

சுமார் 45 மாணவ-மாணவிகள் பங்கேற்றனர். இதில் ஓய்வு பெற்ற வங்கி மேலாளர் சமுத்திரவேல், ரோட்டரி நிர்வாகிகள் முருகானந்தம், வினோத்குமார், ஸ்டார் ஹெல்த் வெங்கடேஷ், பத்திர எழுத்தர் ராஜாமணி, விக்ரம் முருகன், கோவிந்தராஜ் ஆகியோர் கலந்து கொண்டனர். சங்கத்தின் செயலாளர் பால்சாமி நன்றி கூறினார். இதற்கான ஏற்பாடுகளை திட்ட இயக்குனர்கள் கந்தசாமி, அமுதா ஹரிஹரன் ஆகியோர் செய்திருந்தனர்.

நாமக்கல்:

நாமக்கல் பாராளுமன்ற தொகுதிக்குட்பட்ட நாமக்கல், திருச்செங்கோடு, ராசிபுரம், சேந்தமங்கலம், பரமத்திவேலூர், சங்ககிரி ஆகிய சட்டமன்ற தொகுதிக்கான மண்டல அலுவலர்களுக்கான முதற்கட்ட பயிற்சி வகுப்பு சம்மந்தப்பட்ட சட்டமன்ற தொகுதி உதவி தேர்தல் நடத்தும் அலுவலர் தலைமையில் நடைபெற்றது.

இந்த பயிற்சி வகுப்பினை கலெக்டர் ஆசியாமரியம் நேரில் பார்வையிட்டார். பின்னர் கூட்டத்தில் அவர் பேசுகையில் தெரிவித்ததாவது:-

தேர்தல் பணிகளில் மண்டல அலுவலர்களுக்கான பணிகள் முக்கியத்துவம் வாய்ந்ததாகும். 10 முதல் 12 வரை வாக்கு சாவடிகள் ஒரு மண்டல அலுவலரின் கட்டுப்பாட்டு வரம்பில் இருக்கும். மண்டல அலுவலர்கள் தங்களுக்கு ஒதுக்கப்பட்ட வாக்கு சாவடிகள் குறித்த விபரங்களையும் அதற்கான வழித்தடங்களையும் அறிந்து இருக்க வேண்டும். வாக்கு சாவடிகளில் உட்கட்டமைப்பு வசதிகள், இருக்கைகள், மின்சார வசதிகள், குடிநீர் வசதிகள் உள்ளிட்ட வசதிகளில் குறைபாடுகள் இருந்தால் மண்டல அலுவலர்கள் சம்பந்தப்பட்ட உதவி தேர்தல் நடத்தும் அலுவலர் மற்றும் தேர்தல் நடத்தும் அலுவலருக்கு தெரிவிக்க வேண்டும்.

மண்டல அலுவலர்கள் புதியதாக அமைக்கப்பட்டுள்ள மாறுதல் செய்யப்பட்டுள்ள வாக்கு சாவடிகள் குறித்து அறிந்திருக்க வேண்டும்.

மேலும் வாக்குசாவடிகளில் கைபேசி மற்றும் தொலைபேசி இணைப்பு இருப்பதை உறுதி செய்திட வேண்டும். தேர்தல் நடத்தை விதிமுறைகளுக்கு மாறாக அனுமதி இல்லாத ஊர்வலங்கள், வாகனங்கள், சுவர் விளம்பரங்கள், கொடிகம்பங்கள் ஆகியவற்றை அகற்ற நடவடிக்கை எடுக்க வேண்டும். வாக்கு சாவடிகளுக்கு அருகில் உள்ள தேர்தல் தொடர்பான அலுவலர்களின் தொலைபேசி எண் தெரிந்து வைத்திருக்க வேண்டும்.

சம்பந்தப்பட்ட வாக்கு சாவடிக்கு மின்னணு வாக்குபதிவு எந்திரங்கள் மற்றும் வாக்குச்சாவடி அலுவலர்கள் தேர்தல் தொடர்பான இதர படிவங்கள் வந்து சேர்ந்துவிட்டதை உறுதி செய்து கொள்ள வேண்டும். வாக்கு சாவடிகளில் காவல் துறை துணை நிலை படையினர் வரப்பெற்றதை உறுதி செய்து கொள்ள வேண்டும். மின்னணு வாக்குபதிவு எந்திரத்தில் ஏதேனும் தொழில் நுட்ப கோளாறு ஏற்படும் பட்சத்தில் மாற்று மின்னணு வாக்கு பதிவு எந்திரம் தயார் நிலையில் வைத்திருக்க வேண்டும். மின்னணு வாக்கு பதிவு எந்திரம் சரியான முறையில் சீல் இடப்பட்டதை உறுதிப்படுத்த வேண்டும். இறுதியாக காவல் துறை பாதுகாப்புடன் வாக்குபதிவு எந்திரங்களை சம்பந்தப்பட்ட வாக்கு எண்ணும் மையங்களில் முறையாக ஒப்படைக்க வேண்டும். இவ்வாறு அவர் தெரிவித்தார். #tamilnews