நீங்கள் தேடியது "PAKvAUS"

பாகிஸ்தான் - ஆஸ்திரேலியா இடையிலான முதல் டெஸ்ட் துபாயில் நடைபெற்று வருகிறது. டாஸ் வென்று பேட்டிங் தேர்வு செய்த பாகிஸ்தான் முதல் இன்னிங்சில் 482 ரன்கள் குவித்தது. முகமது ஹபீஸ் (126), ஹரிஸ் சோஹைல் (110) சதம் அடித்தனர்.

பின்னர் ஆஸ்திரேலியா முதல் இன்னிங்சை தொடங்கியது. நேற்றைய 2-வது நாள் ஆட்ட முடிவில் ஆஸ்திரேலியா விக்கெட் இழப்பின்றி 13 ஓவரில் 30 ரன்கள் எடுத்திருந்தது. கவாஜா 17 ரன்னுடனும், ஆரோன் பிஞ்ச் 13 ரன்னுடனும் களத்தில் இருந்தார்.


கவாஜா

இன்று 3-வது நாள் ஆட்டம் தொடங்கியது. இருவரும் தொடர்ந்து சிறப்பான ஆட்டத்தை வெளிப்படுத்தினார். விக்கெட் இழக்காமல் பார்த்துக் கொண்டனர். அறிமுக போட்டியில் ஆரோன் பிஞ்ச் 95 பந்தில் 5 பவுண்டரி, 1 சிக்சருடன் அரைசதம் அடித்தார்.


ஆரோன் பிஞ்ச் - கவாஜா ஜோடி

ஆரோன் பிஞ்சிற்கு இதுதான் அறிமுக டெஸ்ட் ஆகும். அறிமுக டெஸ்டிலேயே அரைசதம் அடித்து அசத்தியுள்ளார். மறுமுனையில் விளையாடும் கவாஜாவும் அரைசதம் அடித்துள்ளார். ஆஸ்திரேலியா 3-வது நாள் மதிய உணவு இடைவேளை வரை 46 ஓவரில் விக்கெட் இழப்பின்றி 137 ரன்கள் சேர்த்துள்ளது. ஆரோன் பிஞ்ச் 59 ரன்களுடனும், கவாஜா 68 ரன்களுடனும் களத்தில் உள்ளனர்.

பாகிஸ்தான் - ஆஸ்திரேலியா இடையிலான முதல் டெஸ்ட் துபாயில் நேற்று தொடங்கியது. டாஸ் வென்ற பாகிஸ்தான் பேட்டிங் தேர்வு செய்தது. இரண்டு ஆண்டுகளுக்குப் பின் டெஸ்ட் அணியில் இடம்பிடித்த முகமது ஹபீஸ் (126), இமாம்-உல்-ஹக் (76) ஆகியோரின் சிறப்பான ஆட்டத்தால் நேற்றைய முதல் நாள் ஆட்டம் முடிவில் 3 விக்கெட் இழப்பிற்கு 255 ரன்கள் சேர்த்திருந்தது.

ஹரிஸ் சோஹைல் 15 ரன்னுடனும், முகமது அப்பாஸ் 1 ரன்னுடனும் களத்தில் இருந்தனர். இன்று 2-வது நாள் ஆட்டம் தொடங்கியது. முகமது அப்பாஸ் நேற்று எடுத்திருந்த 1 ரன்னிலேயே வெளியேறினார்.


80 ரன்னில் ஆட்டமிழந்த ஆசாத் ஷபிக்

அடுத்து ஆசாத் ஷபிக் களம் இறங்கினார். ஹரிஸ் சோஹைல், ஆசாத் ஷபிக் ஆகியோர் சிறப்பான ஆட்டத்தை வெளிப்படுத்தினார்கள். சோஹைல் சிறப்பாக விளையாடி சதம் அடித்தார். தொடர்ந்து விளையாடிய அவர் 110 ரன்கள் சேர்த்து ஆட்டமிழந்தார். ஆசாத் ஷபிக் 80 ரன்கள் சேர்த்து வெளியேறினார்.


3 விக்கெட் வீழ்த்திய பீட்டர் சிடில்

இருவரின் சிறப்பான ஆட்டத்தால் பாகிஸ்தானின் ஸ்கோர் 450 ரன்னைத் தாண்டியது. அதன்பின் வந்த வீரர்கள் சொற்ப ரன்களில் வெளியேற பாகிஸ்தான் 164.2 ஓவர்கள் விளையாடி 482 ரன்கள் குவித்து ஆல்அவுட் ஆனது. ஆஸ்திரேலியா அணி சார்பில் பீட்டில் சிடில் 3 விக்கெட்டும், நாதன் லயன் இரண்டு விக்கெட்டும் வீழ்த்தினார்கள்.

பாகிஸ்தான் - ஆஸ்திரேலியா இடையிலான முதல் டெஸ்ட் துபாயில் இன்று தொடங்கியது. பாகிஸ்தான் டாஸ் வென்று பந்து வீச்சு தேர்வு செய்தது. பாகிஸ்தான் அணியில் பிலால் ஆசிப், ஆஸ்திரேலியா அணியில் டிராவிஸ் ஹெட், ஆரோன் பிஞ்ச், லபுஸ்சேக்னே ஆகியோர் அறிமுகம் ஆனார்கள்.

இமாம்-உல்-ஹக் மற்றும் முகமது ஹபீஸ் ஆகியோர் தொடக்க வீரர்களான களம் இறங்கினார்கள். 37 வயதாகும் முகமது ஹபீஸ் கடைசியாக கடந்த 2016-ம் ஆண்டு ஆகஸ்ட் மாதம் இங்கிலாந்துக்கு எதிரான டெஸ்ட் போட்டியில் விளையாடினார். அதன்பின் இரண்டு வருடங்கள் கழித்து தற்போதுதான் பாகிஸ்தான் டெஸ்ட் அணியில் இடம்பிடித்தார். அணியில் இடம்பிடித்த அவருக்கு தொடக்க வீரராக களம் இறங்கும் வாய்ப்பு கிடைத்தது.



இமாம்-உல்-ஹக் மற்றும் முகமது ஹபீஸ் ஆஸ்திரேலியாவின் மிட்செல் ஸ்டார்க், பீட்டர் சிடில், நாதன் லயன் ஆகியோர் பந்து வீச்சை சிறப்பாக எதிர்கொண்டனர். இருவரும் முதல் செசன் முழுவதும் விக்கெட் இழக்காமல் பார்த்துக் கொண்டனர். முதல் நாள் மதிய உணவு இடைவேளை வரை பாகிஸ்தான் 31 ஓவர் முடிவில் விக்கெட் இழப்பிற்கு 89 ரன்கள் சேர்த்தது. இமாம்-உல்-ஹக் 36 ரன்னுடனும், முகமது ஹபீஸ் 48 ரன்னுடனும் களத்தில் இருந்தனர்.

மதிய உணவு இடைவேளை முடிந்து மீண்டும் ஆட்டம் தொடங்கியது. முகமது ஹபீஸ் 96 பந்தில் 6 பவுண்டரியுடன் அரைசதம் அடித்தார். மறுமுனையில் விளையாடிய இமாம்-உல்-ஹக்கும் அரைசதம் அடித்தார். இந்த ஜோடியை பிரிக்க ஆஸ்திரேலியா பந்து வீச்சாளர்கள் எவ்வளவு முயற்சி செய்தும் பலன் அளிக்கவில்லை.

அரைசதம் அடித்த முகமது ஹபீஸ் அதை செஞ்சூரியாக மாற்றினார். 172 பந்தில் 12 பவுண்டரியுடன் தனது 10-வது சதத்தை பூர்த்தி செய்தார். இரண்டு ஆண்டுகள் கழித்து அணியில் இடம்பிடித்த முதல் போட்டியிலேயே சதம் அடித்து அசத்தினார்.



2-வது செசனிலும் இந்த ஜோடி விக்கெட்டை இழக்கவில்லை. தேனீர் இடைவேளையின்போது பாகிஸ்தான் விக்கெட் இழப்பின்றி 199 ரன்கள் எடுத்திருந்தது. தேனீர் இடைவேளை முடிந்து ஆட்டம் தொடங்கியதும் 205 ரன்கள் எடுத்திருந்த நிலையில் இந்த ஜோடி பிரிந்தது.

இமாம்-உல்-ஹக் 188 பந்தில் 7 பவுண்டரி, 2 சிக்சருடன் 76 ரன்கள் சேர்த்து ஆட்டமிழந்தார். இவர் ஆட்டமிழந்த சிறிது நேரத்தில் முகமது ஹபீஸ் 208 பந்தில் 15 பவுண்டரியுடன் 126 குவித்து ஆட்டமிழந்தார்.

பாகிஸ்தான்- ஆஸ்திரேலியா அணிகளுக்கு இடையிலான இரண்டு போட்டிகள் கொண்ட டெஸ்ட் தொடர் நடைபெற்று வருகிறது. டெஸ்ட் தொடர் முடிந்த பிறகு மூன்று போட்டிகள் கொண்ட டி20 தொடர் நடைபெறுகிறது.

டி20 போட்டிகள் 24-ந்தேதி (அபு தாபி), 26-ந்தேதி (துபாய்), 28-ந்தேதி (துபாய்)களில் நடக்கிறது. இதில் பாகிஸ்தானை துவம்சம் செய்வோம். அதற்கு நான் உதவிகரமாக இருக்க விரும்புகிறேன் என்ற இளம் வேகப்பந்து வீச்சாளரான ஸ்டேன்லேக் தெரிவித்துள்ளார்.

ஐபிஎல் 2018 சீசனில் சன்ரைசர்ஸ் ஐதராபாத் அணிக்காக விளையாடியவர் பில்லி ஸ்டேன்லேக். 23 வயதாகும் இவர் நான்கு போட்டியில் ஐந்து விக்கெட்டுக்கள் வீழ்த்தி முத்திரை பதித்தார். ஆனால் கைவிரலில் ஏற்பட்ட காயம் காரணமாக தொடரில் இருந்து விலக வேண்டிய நிலை ஏற்பட்டது.

ஆனால், தற்போது உள்ளூர் கிரிக்கெட்டில் அபாரமான பந்து வீச்சை வெளிப்படுத்தி வருகிறார். தொடர்ந்து சிறப்பான பந்து வீச்சை வெளிப்படுத்தி வரும் இவர், பாகிஸ்தானுக்கு எதிரான டி20 தொடருக்காக காத்திருக்க முடியாது என்று தெரிவித்துள்ளார்.

6 ஒருநாள் மற்றும் 12 டி20 சர்வதேச போட்டிகளில் மட்டுமே விளையாடியுள்ள பில்லி ஸ்டேன்லேக், பாகிஸ்தான் தொடர் குறித்து கூறுகையில் ‘‘நான் தற்போது ஏராளமான போட்டிகளில் விளைடியுள்ளேன். ஒருமுறை எந்த பிரச்சனையும் இல்லாமல் அதிக போட்டிகளில் விளையாடி விட்டால், அதன்பின் எளிதாகிவிடும்.

அதிக போட்டியில் விளையாடினால் நிலையான ஆட்டத்தை வெளிப்படுத்த முடியும். என்னால் தொடர்ந்து விளையாட உடல் ஒத்துழைக்கும் என நம்புகிறேன்.



ஜிம்பாப்வேயில் நடைபெற்ற முத்தரப்பு டி20 தொடரில் ஆஸ்திரேலியாவை வீழ்த்தி பாகிஸ்தான் சாம்பியன் பட்டம் வென்றது. அதற்கு பதிலடி கொடுக்க இது சரியான நேரம். பாகிஸ்தான் அணி நம்பர் ஒன்னில் இருக்கிறார்கள். நாங்கள் அதை தட்டி பறிக்க முயல்வோம்.

மூன்று பெரிய டி20 போட்டி காத்திருக்கிறது. நாங்கள் உண்மையிலேயே வலுவான அணியை பெற்றிருக்கிறோம். அவர்களை வீழ்த்த முடியும் என்ற நம்பிக்கை உள்ளது’’ என்றார்.

பாகிஸ்தான் - ஆஸ்திரேலியா இடையிலான முதல் டெஸ்ட் துபாயில் இன்று தொடங்கியது. பாகிஸ்தான் டாஸ் வென்று பந்து வீச்சு தேர்வு செய்தது. பாகிஸ்தான் அணியில் பிலால் ஆசிப், ஆஸ்திரேலியா அணியில் டிராவிஸ் ஹெட், ஆரோன் பிஞ்ச், லபுஸ்சேக்னே ஆகியோர் அறிமுகம் ஆனார்கள்.



இமாம்-உல்-ஹக் மற்றும் முகமது ஹபீஸ் ஆகியோர் தொடக்க வீரர்களான களம் இறங்கினார்கள். இருவரும் ஆஸ்திரேலியாவின் மிட்செல் ஸ்டார்க், பீட்டர் சிடில், நாதன் லயன் ஆகியோர் பந்து வீச்சை சிறப்பாக எதிர்கொண்டனர்.


இமாம்-உல்-ஹக்

முதல் நாள் மதிய உணவு இடைவேளை வரை இருவரும் விக்கெட் இழக்காமல் விளையாடினார்கள். பாகிஸ்தான் 31 ஓவர் முடிவில் விக்கெட் இழப்பிற்கு 89 ரன்கள் அடித்துள்ளது. இமாம்-உல்-ஹக் 36 ரன்னுடனும், முகமது ஹபீஸ் 48 ரன்னுடனும் களத்தில் உள்ளனர்.

பாகிஸ்தான் - ஆஸ்திரேலியா இடையிலான இரண்டு போட்டிகள் கொண்ட டெஸ்ட் தொடர் நாளை துபாயில் தொடங்குகிறது. கடந்த நான்கு ஆண்டுகளுக்கு முன் நடைபெற்ற தொடரில் பாகிஸ்தான் 2-0 என வெற்றி பெற்றது. தொடரை வெல்வதற்கு யாசிர் ஷா, ஜூல்பிகர் பாபர் ஆகிய இரண்டு சுழற்பந்து வீச்சாளர்கள் முக்கிய காரணமாக இருந்தார். இருவரும் இணைந்து 26 விக்கெட்டுக்கள் வீழ்த்தினார்கள்.

இந்த முறை தான் மட்டும் 20 விக்கெட்டுக்கள் வீழ்த்த விரும்புவதாக யாசிர் ஷா விருப்பம் தெரிவித்துள்ளார். இதுகுறித்து யாசிர் ஷா கூறுகையில் ‘‘நான் 20 விக்கெட்டுக்கள் வீழ்த்த திட்டமிட்டுள்ளேன். விக்கெட் வீழ்த்துவது எவ்வளவு முக்கியம் என்பது எனக்கு தெரியும். இதனால் அணி வெற்றி பெற்று தொடரை கைப்பற்ற வேண்டும் என்பதால் இலக்கு நிர்ணயித்துள்ளது.



உலகத்தரம் வாய்ந்த வீரர்களான ஸ்டீவ் ஸ்மித், டேவிட் வார்னர் ஆகியோர் ஆஸ்திரேலியா அணியில் இல்லை. என்றாலும் நாங்கள் அந்த அணியை எளிதாக எடுத்துக் கொள்ளமாட்டோம். பிக் பாஷ் தொடரில் சில வீரர்களுடன் நான் விளையாடியுள்ளேன். இதனால் அவர்களின் பலன் மற்றம் பலவீனம் எனக்குத் தெரியும்’’ என்றார்.

பாகிஸ்தான் - ஆஸ்திரேலியா இடையிலான இரண்டு போட்டிகள் கொண்ட டெஸ்ட் தொடர் நாளை துபாயில் தொடங்குகிறது. ஆஸ்திரேலியா அணிக்கு விக்கெட் கீப்பர் டிம் பெய்ன் கேப்டனாக உள்ளார். மிட்செல் மார்ஷ் துணைக் கேப்டனாக உள்ளார்.


டிராவிஸ் ஹெட்

ஆஸ்திரேலியா அணியில் ஆரோன் பிஞ்ச், டிராவிஸ் ஹெட், லபுஸ்சேக்னே ஆகியோர் அறிமுகம் ஆகிறார்கள். இதை டிம் பெய்ன் உறுதி செய்துள்ளார். அத்துடன் ஆடும் லெவன் அணியில் இடம்பிடித்துள்ள வீரர்கள் பட்டியலை வெளியிட்டுள்ளார்.


மார்னஸ் லபுஸ்சேக்னே

துபாய் டெஸ்டிற்கான ஆஸ்திரேலியா அணியில் இடம்பிடித்துள்ள வீரர்கள் விவரம்:-

1. ஆரோன் பிஞ்ச், 2. உஸ்மான் கவாஜா, 3. மிட்செல் மார்ஷ், 4. ஷேன் மார்ஷ், 5. டிராவிஸ் ஹெட், 6. மார்னஸ் லபுஸ்சேக்னே. 7. டிம் பெய்ன், 8. மிட்செல் ஸ்டார்க், 9. நாதன்  லயன், 10. பீட்டர் சிடில், 11. ஹோலண்ட்.

பாகிஸ்தான் - ஆஸ்திரேலியா அணிகளுக்கு இடையிலான இரண்டு போட்டிகள் கொண்ட டெஸ்ட் தொடர் ஐக்கிய அரபு எமிரேட்ஸில் வருகிற 7-ந்தேதி தொடங்குகிறது. இதற்கான பாகிஸ்தான் அணி இன்று அறிவிக்கப்பட்டது.

இதில் அனுபவ வீரரான முகமது ஹபீஸ்க்கு இடம் கிடைத்துள்ளது. 37 வயதாகும் ஹபீஸ் 2016-ம் ஆண்டு தனது 50-வது டெஸ்டில் விளையாடினார். அதன்பின் டெஸ்ட் போட்டியில் விளையாடியது கிடையாது.

சமீபத்தில் முடிவடைந்த ஆசிய கோப்பைக்கான பாகிஸ்தான் அணியிலும் இடம் பெறவில்லை. பாகிஸ்தான் அணியில் பெரும்பாலான இளைஞர்கள் மட்டுமே இடம் பிடித்துள்ளனர். அவர்களுக்கு போதுமான அளவு அனுபவம் இல்லாததால், முகமது ஹபீஸ் அணியில் சேர்க்கப்பட்டுள்ளார்.



ஆஸ்திரேலியா தொடருக்கான பாகிஸ்தான் அணியில் இடம்பிடித்துள்ள வீரர்கள் விவரம்:-

1. அசார் அலி, 2. இமாம்-உல்-ஹக், 3. பகர் சமான், 4. பாபர் ஆசம், 5. ஆசாத் ஷபிக், 6. ஹரிஸ் சோஹைல், 7. உஸ்மான் சலாஹுதீன், 8. சர்பிராஸ் அஹமது. 9. முகமது ரிஸ்வான், 10. பஹீம் அஷ்ரப், 11. சதாப் கான், 12. பிலால் ஆஷிப், 13. யாசிர் ஷா, 14. முகமது அப்பாஸ், 15. வஹாப் ரியாஸ், 16. ஹசன் அலி, 17. மிர் ஹம்சா, 18. முகமது ஹபீஸ்.

ஆஸ்திரேலிய கிரிக்கெட் அணி அடுத்த மாதம் பாகிஸ்தானுடன் 2 போட்டி டெஸ்ட் தொடரில் மோதுகிறது. இப்போட்டி ஐக்கிய அரபு எமிரேட்சில் நடக்கிறது. இதற்கான 17 பேர் கொண்ட பாகிஸ்தான் அணியில் வேகப்பந்து வீச்சாளர் முகமது அமீர் அதிரடியாக நீக்கப்பட்டுள்ளார்.

தற்போது நடந்து வரும் ஆசிய கோப்பையில் முகமது அமீர் ஒரு விக்கெட் கூட கைப்பற்றவில்லை. மேலும் கடந்த 10 ஒருநாள் போட்டியில் முகமது அமீர் 3 விக்கெட் மட்டுமே வீழ்த்தி உள்ளார்.

அவர் பார்மில் இல்லாததால் அணியில் இருந்து கழற்றி விடப்பட்டுள்ளார். இடது கை வேகப்பந்து வீச்சாளர் வகாப் ரியாஸ் அணியில் சேசர்க்கப்பட்டுள்ளார். புதுமுக வீரராக வேகப்பந்து வீச்சாளர் மிர் அம்சா தேர்வு செய்யப்பட்டுள்ளார். #PAKvAUS #MohammadAmir

ஆஸ்திரேலியா டெஸ்ட் அணியின் கேப்டனாக ஸ்டீவ் ஸ்மித்தும், துணைக் கேப்டனாக டேவிட் வார்னரும் இருந்தனர். தென்ஆப்பிரிக்காவிற்கு எதிரான கேப் டவுன் டெஸ்டின்போது இருவரும் பந்தை சேதப்படுத்திய புகாரில் சிக்கினார்கள்.

இந்த புகாரை விசாரித்த ஆஸ்திரேலியா கிரிக்கெட் வாரியம் இருவருக்கும் தலா ஓராண்டு தடைவிதிக்கப்பட்டது. இதனால் கேப்டனாக டிம் பெய்ன் நியமிக்கப்பட்டார். ஆனால் துணைக் கேப்டன் பதவிக்கு யாரையும் நியமிக்கவில்லை.


டிம் பெய்ன்

ஆஸ்திரேலியா அணி அடுத்த மாதம் பாகிஸ்தானுக்கு எதிராக இரண்டு போட்டிகள் கொண்ட டெஸ்ட் தொடரில் விளையாட இருக்கிறது. இந்த தொடருக்கான ஆஸ்திரேலியா அணியின் துணைக் கேப்டன் பதவிக்கு வேகப்பந்து வீச்சாளர் ஹசில்வுட் மற்றும் ஆல்ரவுண்டர் மிட்செல் மார்ஷ் ஆகியோர் நியமிக்கப்பட்டுள்ளனர்.

பாகிஸ்தான் - ஆஸ்திரேலியா அணிகளுக்கு இடையிலான டெஸ்ட் மற்றும் டி20 தொடர் அடுத்த மாதம் தொடங்குகிறது. முதலில் இரண்டு போட்டிகள் கொண்ட டெஸ்ட் தொடர் நடைபெறுகிறது. முதல் டெஸ்ட் அக்டோபர் 7-ந்தேதி துபாயில் தொடங்குகிறது.

இதற்கு முன் ஆஸ்திரேலியா அணி பாகிஸ்தான் ‘ஏ’ அணிக்கெதிராக நான்கு நாட்கள் கொண்ட பயிற்சி ஆட்டத்தில் விளையாடுகிறது. இந்த பயிற்சி ஆட்டம் சுழற்பந்து வீச்சுக்கு சாதகமான ஐக்கிய அரபு எமிரேட்ஸ் மைதானங்களில் விளையாட முக்கிய பங்கு வகிக்கும் என ஆஸ்திரேலியா எதிர்பார்த்துக் கொண்டிருக்கிறது.

ஆனால், வரும் சனிக்கிழமை தொடங்கும் பயிற்சி ஆட்டத்திற்கான பாகிஸ்தான் ‘ஏ’ அணியில் எந்தவொரு சுழற்பந்து வீச்சாளரும் இடம்பெறவில்லை. இது ஆஸ்திரேலியா கிரிக்கெட் வாரியத்திற்கு அதிர்ச்சியை அளித்துள்ளது.

பாகிஸ்தான் ‘ஏ’ அணியில் இடம்பிடித்துள்ள வீரர்கள் விவரம்:-

1. சமி அஸ்லாம், 2. அபித் அலி, 3. இஃப்தோகர் அகமது, 4. ஆசாத் ஷபிக், 5. உஸ்மான் சலுயாஹுதின், 6. சாத் அலி, 7. அகா சல்மான், 8. முகமது ரிஸ்வான், 9. வஹாப் ரியாஸ், 10. ரஹத் அலி, 11. வகாஸ் மெக்சூட், 12. ஆமெர் யாமின், 13. உமைத் ஆசிப், 14. சவுத் ஷகீல்.

ஆஸ்திரேலியா டெஸ்ட் அணி ஆசியா கண்டத்தில் பெரிய அளவில் சாதித்தது கிடையாது. பாகிஸ்தான் - ஆஸ்திரேலியா இரு நாடுகளுக்கு இடையிலான தொடர் ஐக்கிய அரபு எமிரேட்ஸில் நடைபெற்று வருகிறது.

அடுத்த மாதம் ஆஸ்திரேலியா ஐக்கிய அரபு எமிரேட்ஸில் பாகிஸ்தானுக்கு எதிராக இரண்டு போட்டிகள் கொண்ட டெஸ்ட் தொடரில் விளையாடுகிறது. அப்போது ஆஸ்திரேலியா மூன்று சுழற்பந்து வீச்சாளர்களுடன் களம் இறங்க வாய்ப்புள்ளதாக ஆஸ்திரேலியாவின் முன்னணி சுழற்பந்து வீச்சாளர் நாதன் லயன் தெரிவித்துள்ளார்.

இதுகுறித்து நாதன் லயன் கூறுகையில் ‘‘இந்தியாவிற்கு எதிராக நாங்கள் புனே டெஸ்டில் விளையாடும்போது அந்த ஆடுகளம் முற்றிலும் சுழற்பந்து வீச்சுக்கு சாதகமாக இருந்தது. அதுபோன்று ஆடுகளம் அமைக்கப்பட்டால், நாங்கள் ஏன் மூன்று சுழற்பந்து வீச்சாளர்களுடன் விளையாடக்கூடாது?.


டிராவிஸ் ஹெட்

ஆனால் நாங்கள் கடந்த முறை சென்றிருந்த போது ஆடுகளம் பிளாட்டாக இருந்தது. தற்போது நாங்கள் மூன்று சுழற்பந்து வீச்சாளர்களுடன் களம் இறங்க தயாராகுவோம். இருந்தாலும், அங்குள்ள கண்டிசனை பார்க்கும்வரை உறுதியாக கூறுவது கடினம்.

என்னைத் தவிர மார்னஸ் லபுஸ்சேக்னே, டிராவிஸ் ஹெட் ஆகியோரும் உள்ளனர். இவர்கள் ஐந்தாவது மற்றும் 6-வது வரிசையில் பேட்டிங் செய்வார்கள். நன்றாக பந்தும் வீசுவார்கள்’’ என்றார்.