நீங்கள் தேடியது "Kollywood"

திரையுலகிற்கு வந்த புதிதில் முன்னணி நடிகர்களுடன் ஜோடி போட்டு, ரசிகர்களை கவர்ந்த மச்சான் நடிகை, பட வாய்ப்பு இல்லாததால் திருமணம் செய்துக் கொண்டாராம். தற்போது நடிகைக்கு மீண்டும் நடிக்க ஆசை வந்து விட்டதாம். இதனால், தினமும் ஜிம்மிற்கு சென்று உடற்பயிற்சி செய்து தனது உடலை குறைத்து வருகிறாராம்.

மேலும் உடற்பயிற்சி செய்யும் புகைப்படங்களை வெளியிட்டும் வருகிறாராம். சமீபத்தில் கவர்ச்சி புகைப்படங்களை வெளியிட்டாராம். இதற்கு பலனாக ஒரு படத்தில் நடிக்க வாய்ப்பு கிடைத்திருக்கிறதாம். இதனால் மனம் தளறாத நடிகை, கடின முயற்சியில் ஈடுபட்டு வருகிறார். இதையறிந்த மற்ற நடிகைகள், எதற்கு தேவையில்லாத வேலை என்று கூறிவருகிறார்களாம்.

வனமகளான நடிகையை பற்றி தினம் தினம் ஒரு கிசுகிசுக்கள் வருகிறதாம். குறுகிய காலத்திலேயே இளம் நடிகர்களுடன் ஜோடி சேர்ந்து நடித்து விட்டாராம். மேலும் முன்னணி நடிகர்களுடன் ஜோடி சேரவும் இருக்கிறாராம்.

சமீபத்தில் நடிகை தனது பிறந்தநாளுக்கு கொடுத்த பார்ட்டியால் முன்னணி நடிகரின் மகன் குடிபோதையில் வாகனம் ஓட்டி விபத்தில் சிக்கினாராம். பார்ட்டியில் நடன இயக்குனருடன் நெருக்கமாக இருந்ததை அடுத்து இருவருக்குள்ளும் காதல் என்று செய்தி கிளம்பியதாம். இந்நிலையில் தனது சம்பளத்தையும் அதிரடியாக ஏற்றிவிட்டாராம். 2 கோடி கேட்பதாக தகவல் கசிந்துள்ளதாம்.

முதல் படத்திலேயே புகழின் உச்சிக்கு சென்றாராம் நீர் வீழ்ச்சி நடிகை. இப்படத்திற்குப் பிறகு நடிகை என்ன படத்தில் நடிப்பார் என்று பலரும் ஆர்வமாக காத்திருக்கிறார்களாம். ஆனால், நடிகை கதை தேர்வில் கஷ்டப்பட்டு வருகிறாராம். இதுவரை நடிகையிடம் 80க்கும் மேற்பட்ட இயக்குனர்கள் கதை சொல்லிவிட்டார்களாம்.

ஆனால், நடிகை திருப்தியடைய வில்லையாம். எந்த கதையை தேர்வு செய்வதில் குழப்பமாக இருக்கிறதாம். பல கதைகள் கேட்டு நடிகை வெறுத்து போய் இருக்கிறாராம். ஆனால், அவரிடம் கதை சொல்லப்போன இயக்குனர்கள் விட்டால் போதும் என்று தப்பி ஓடுகிறார்களாம்!

வனமகளாக வந்து பல ரசிகர்களை கவர்ந்த நடிகை, அடுத்தடுத்து சில மாதங்களிலேயே பல முன்னணி நடிகர்களுடன் ஜோடி சேர ஆரம்பித்து விட்டாராம். ஒரு வருடத்திற்குள்ளே மூன்று பெரிய கதாநாயர்களுடன் ஜோடி சேர்ந்து நடித்துள்ளதால் பெரிய நடிகைக்கான அந்தஸ்தை பெற்றிருக்கிறாராம்.

இந்த நிலையில், நடிகை பிறந்த நாள் கொண்டாடி இருக்கிறாராம். இதில் சில நடிகர்கள் கலந்துக் கொண்டார்களாம். இந்த சமயம் இளம் நடிகர் விபத்து ஏற்படுத்தி விட்டாராம். இதற்கு காரணம் இளம் நடிகர் அந்த நடிகை வைத்த பார்ட்டியில் கலந்துக் கொண்டு வீட்டிற்கு செல்லும் போது நடந்து என்று பலரும் பேசி வருகிறார்களாம். 

வனமகளாக வந்து நடனம் ஆடி ரசிகர்களை கவர்ந்த நடிகை, வேறு நடிகைகளுக்கு போக இருந்த புது பட வாய்ப்புகளை எல்லாம் தனதாக்கி கொண்டு வருகிறாராம். புது பட வாய்ப்புகளை பிடிப்பது எப்படி? என்ற நுட்பத்தை மிக சரியாக புரிந்து கொண்டிருக்கிறாராம், அவர். 

அதன்படி, தனக்கு பட வாய்ப்புகளை வாங்கி கொடுக்கும் தயாரிப்பு நிர்வாகிகள் மற்றும் உதவி டைரக்டர்களுக்கு, நிறைய ‘கமிஷன்’ வெட்டுகிறாராம். மேலும் பிரபல கதாநாயகர்களுடன் அலைபேசியில் அடிக்கடி பேசி, புது பட வாய்ப்புகளை கைப்பற்றுகிறாராம். 

வாரிசு நடிகராக திரையுலகுக்கு வந்த கடல் நடிகருக்கு, முதல் படம் எதிர்பார்த்த அளவிற்கு ஓடவில்லையாம். அதன்பின் சில சுமாரான படங்களில் நடித்து வந்த நடிகருக்கு சமீபத்திய படங்கள் வெற்றி பெற்றதாம். குறிப்பாக அடல்ட் படம் ஒன்று இளைஞர்களை கவர்ந்ததாம்.

இளம் இயக்குனர்கள் சிலர் இவரை நடிக்க வைக்க முயற்சிகள் செய்தார்களாம். இதனால், தன்னுடைய சம்பளத்தை 1 கோடியில் இருந்து 2 கோடியாக உயர்த்தினாராம். சம்பளத்தை உயர்த்தினாலும் தன்னை தேடி, நிறைய பட வாய்ப்புகள் வரும் என்று அந்த நடிகர் எதிர்பார்த்தாராம். அவருடைய எதிர்பார்ப்பு, ஏமாற்றமாகி விட்டதாம்

கைவசம் புதிய பட வாய்ப்புகள் இல்லாததால், கடல் நடிகர் சோர்ந்து போய் காணப்படுகிறாராம்.

பிரபல பாலிவுட் நடிகை ஒருவர், தமிழில் உச்ச நட்சத்திரம் நடித்த படத்தில் அவருக்கு காதலியாக நடித்தாராம். இந்தப் படம் நல்ல வரவேற்பு பெற்றாலும், பாலிவுட்டில் நடிகைக்கு வாய்ப்பு குறைந்து வருகிறதாம். இதனால் போட்டோ ஷூட் எடுத்து அனைவருக்க அனுப்ப முடிவு செய்திருக்கிறாராம்.

ஆனால், இந்த போட்டோ ஷூட் வழக்கமாக இல்லாமல், அரை நிர்வாணமாக போட்டோ ஷூட் ஒன்றை எடுத்திருக்கிறாராம். இந்தப் போட்டோ வெளியில் லீக் ஆகியிருக்கிறதாம். பட வாய்ப்புக்காக இப்படியெல்லாமா செய்வார்கள் என்று பலரும் பேசி வருகிறார்களாம்.

கதாநாயகனாக உயர்ந்த அந்த இசையமைப்பாளர் வரிசையாக வெற்றி படம் கொடுத்து வந்தாராம். யார் கண்பட்டதோ... அவர் நடித்து வெளிவந்த 2 படங்கள் தோல்வி அடைந்து விட்டதாம். அடுத்து ஒரு வெற்றி படம் கொடுத்தால்தான் மரியாதை கிடைக்கும் என்று புரிந்து கொண்ட ‘இசை-நாயகன்,’ அதற்கான முயற்சியில் முழு நேரமும் ஈடுபட்டுள்ளாராம்.

அடுத்து ஒரு பெரிய வெற்றியை கொடுக்கும் வரை, ‘கைப்பேசி’யை பயன்படுத்துவதில்லை என்று சபதம் எடுத்து இருக்கிறாராம். அவருடைய ‘கைப்பேசி’ அணைத்து வைக்கப்பட்டு இருக்கிறது!

சின்ன நம்பர் நடிகை சமீப காலமாக தான் நடித்த படங்களின் புரமோஷனில் கலந்துக் கொள்ளாமல் இருந்தாராம். இதனால், அந்த படத்தின் தயாரிப்பாளர்கள், இயக்குனர்கள் அவர் மீது கோபமடைந்தார்களாம். நடிகை நடிக்கும் படத்தின் புரமோஷனுக்கு இனிமேல் வரமாட்டார் என்ற செய்தி வைரலாக பரவியதாம்.

இதனால் நடிகைக்கு பட வாய்ப்புகள் குறைய ஆரம்பித்ததாம். இதனால், நடிகை தற்போது நடித்திருக்கும் படத்தின் புரமோஷனுக்கு கலந்து கொண்டிருக்கிறாராம். இனிமேல் எல்லா படத்தின் புரமோஷனுக்கும் செல்லவும் நடிகை திட்டமிட்டுள்ளாராம்.

நட்சத்திர நடிகர் நடித்து வரும் புதிய படத்தில் அவருக்கு ஜோடியாக நடிக்க பல கதாநாயகிகள் போட்டி போட்டார்களாம். முன்னாள் கதாநாயகிகள், இந்நாள் கதாநாயகிகள் அனைவரும் தீவிர முயற்சிகளில் ஈடுபட்டார்களாம். கடைசியில் ரன் நடிகை வென்று விட்டாராம். நட்சத்திரத்துடன் ஜோடி சேர முடியவில்லையே என்ற அவருடைய நீண்ட நாள் வருத்தம் தற்போது நீங்கி இருக்கிறதாம். 

இவருடன் போட்டி போட்ட சின்ன நம்பர் நடிகை கடுங்கோபத்தில் இருக்கிறாராம். எப்படியாவது இந்த படத்தில் நடித்து விடலாம் என்று நினைத்த இவருக்கு ஏமாற்றம் கிடைத்திருக்கிறதாம். இந்த வாய்ப்பை தட்டிப் பறித்த ரன் நடிகை மீது மிகவும் கோபத்தில் இருக்கிறாராம்.

இதயம் தொட்ட காதல் படங்களில் நடித்து புகழ் பெற்ற நடிகர், தனது வாரிசை அறிமுகப்படுத்திய சில வருடங்களில் காலமாகி விட்டார்.

‘வாரிசு’ நடிகர் தன்னை தேடி வந்த படங்களில் மட்டும் நடித்தாராம். அவர் நடித்த படங்கள் பெரிய அளவில் வெற்றியை பெறாததால், பட வாய்ப்புகள் குறைந்ததாம்.

எனவே சொந்த படம் எடுத்து தன்னை நிலை நிறுத்திக் கொள்ள முயன்றார், நடிகர். முதல் தயாரிப்பே அவருடைய காலை வாரிவிட்டதாம். முதலீடு செய்த பணம் முழுவதையும் இழந்த அவர், “இனிமேல் சொந்த படம் எடுக்க மாட்டேன், சாமி” என்று புலம்பிக் கொண்டிருக்கிறாராம்!

விவேகமான நடிகையின் தங்கைக்கு திருமணம் ஆகி குழந்தை பிறந்த நிலையில் தொடர்ந்து படங்களில் பிஸியாக இருந்து வரும் நடிகை திருமணத்துக்கு சம்மதம் தெரிவிக்க முடியாமலிருக்கிறாராம். இந்த ஆண்டு 3 படங்களில் நடிக்கும் அவர் அடுத்த ஆண்டிற்கும் 3 படங்களில் நடிக்க சம்மதம் தெரிவித்திருக்கிறாராம். இந்நிலையில் தெலுங்கு நடிகரின் வாழ்க்கை படத்தில் நடிகை நடிப்பதாக இருந்ததாம். முதலில் இப்படத்தை வேறொரு இயக்குனர் இயக்கவிருந்தாராம். 

ஆனால் ஹீரோவுக்கும், இயக்குனருக்கும் இடையே கருத்துவேறுபாடு ஏற்பட்டதையடுத்து அப்படத்திலிருந்து இயக்குனர் விலகினாராம். தற்போது வேறொருவர் இயக்குகிறாராம். பழைய இயக்குனரின் நட்சத்திர தேர்வில் தற்போது மாற்றம் ஏற்பட்டிருக்கிறதாம். அதன்படி நடிகருக்கு ஜோடியாக இந்தி நடிகை நடிக்கிறாராம். முக்கிய வேடமொன்றில் நடிப்பதாக இருந்த விவேகமான நடிகைக்கு அந்த வேடத்திலிருந்து மாற்றப்பட்டிருக்கிறாராம்.