நீங்கள் தேடியது "Banwarilal Purohit"

தூத்துக்குடி:

தூத்துக்குடியில் ஸ்டெர்லைட் ஆலைக்கு எதிராக நடைபெற்ற போராட்டம் கலவரமாக வெடித்தது. கலவரத்தை கட்டுப்படுத்த போலீசார் துப்பாக்கிச்சூடு நடத்தியதில் 13 பேர் கொல்லப்பட்டனர்.

இதையடுத்து  தூத்துக்குடி ஆலையை மூட அரசாணை வெளியிட்டப்பட்டது. அரசியல் காரணங்களினாலேயே இந்த அரசாணை வெளியிடப்பட்டதாக பல்வேறு தரப்பிலும் குற்றம்சாட்டப்பட்டு வருகிறது.


முன்னதாக தூத்துக்குடி விமான நிலையத்தில் மாவட்ட ஆட்சியர் சந்தீப் நந்தூரி, மற்றும் அரசு உயர் அதிகாரிகளுடன் துப்பாக்கிச்சூடு சம்பவம் தொடர்பாக ஆலோசனை மேற்கொண்டார். #BanwarilalPurohit #Thoothukudifiring #governormeetsvictims

சென்னை:

சென்னை தமிழ்சங்கம் சார்பில் செந்தமிழும், சேக்கிழாரும் இயல், இசை நாட்டிய திருவிழா, தியாகராயநகர் சர்.பி.டி.தியாகராயர் அரங்கத்தில் நேற்று நடைபெற்றது. கவர்னர் பன்வாரிலால் புரோகித் கலந்து கொண்டு குத்துவிளக்கு ஏற்றி விழாவை தொடங்கி வைத்தார்.

உலக தமிழ்ச்சாதனையாளர்கள் விருதை தமிழ் ஆட்சி மொழி, தமிழ்பண்பாடு மற்றும் தொல்லியல் துறை அமைச்சர் க.பாண்டியராஜன், செய்தித்துறை அமைச்சர் கடம்பூர் ராஜூ, இந்து அறநிலையத்துறை அமைச்சர் சேவூர் ராமச்சந்திரன், தமிழ்நாடு ஆசிரியர் கல்வியியல் பல்கலைக்கழக துணைவேந்தர் எஸ்.தங்கசாமி, தமிழ்பல்கலைக்கழக துணைவேந்தர் பாஸ்கரன், தமிழ்நாடு இசை பல்கலைக்கழக துணைவேந்தர் பிரமிளா குருமூர்த்தி, அன்னை தெரசா மகளிர் பல்கலைக்கழக துணைவேந்தர் வள்ளி, மதுரை உலக தமிழ் சங்க இயக்குனர் சேகர், பேராசிரியர் தெய்வநாயகம், டாக்டர் சொக்கலிங்கம் உள்பட பலருக்கு வழங்கினார். மேலும் ஊடகவியல் துறைக்கான விருது ராஜ் டி.வி.க்கு வழங்கப்பட்டது.

விழாவில் கவர்னர் பன்வாரிலால் புரோகித் பேசியதாவது:-

வைகாசி மாதம் பூசம் நட்சத்திரத்தில் பிறந்தவர் சேக்கிழார். அவர் 12-வது நூற்றாண்டில் வாழ்ந்துள்ளார். அவர் 2-வது குலோத்துங்கசோழன் ஆட்சியில் வாழ்ந்துள்ளார். சேக்கிழார் இயற்றிய பெரியபுராணம் தமிழ் மொழியில் முக்கியத்துவம் வாய்ந்தது. பெரிய புராணத்தை சிதம்பரம் நடராஜர் கோவிலில் உள்ள ஆயிரம் கால் மண்டபத்தில் வைத்து எழுதினார். அவர் என்ன எழுதுவது என்று தெரியாமல் இருந்தபோது சிவபெருமானே முதல் அடியை எடுத்து கொடுத்து எழுத வைத்தார்.

நாயன்மார்கள் 63 பேர் வேறு வேறு காலக்கட்டத்தில் வாழ்ந்தவர்கள். வேறு வேறு சாதியை சேர்ந்தவர்கள். இருந்தபோதிலும் சாதியை பற்றி பாராமல் 63 நாயன்மார்கள் பற்றி எழுதியவர்.

தமிழுக்கு சேக்கிழார் தொண்டாற்றி உள்ளார். சேக்கிழாரின் பெரிய புராணம் இல்லாமல் தமிழ் வரலாற்றை கூற முடியாது.

நடனக்கலைக்கு சிவபெருமான் சிதம்பரம் நடராஜர் ஆக அர்ப்பணித்துள்ளார். இயல், இசை, நாடகம் ஆகியவற்றை தமிழ் மொழி உள்ளடக்கி உள்ளது. சேக்கிழார் பெரிய புராணத்தில் அந்த 3 தமிழுக்கும் சிறப்புற இடம் கொடுத்து உள்ளார்.

தமிழ் மொழி அழகான மொழி. தமிழ் மொழியை எனக்கு மிகவும் பிடிக்கும்.

இவ்வாறு கவர்னர் பன்வாரிலால் புரோகித் பேசினார்.

விழாவுக்கு சென்னை தமிழ்ச்சங்க தலைவர் இளங்கோவன் தலைமை தாங்கினார். ஆலோசகரும் முன்னாள் ஐ.ஏ.எஸ். அதிகாரியுமான மா.ராமு வரவேற்றார். 

சென்னை:

பழம்பெரும் புலவர் சேக்கிழாரின் பிறந்த தினத்தை முன்னிட்டு  இன்று சென்னை தமிழ் சங்கம் சார்பில் விழா நடத்தப்பட்டது. இந்த விழாவில் கலந்துகொண்டு பேசிய தமிழக கவர்னர் பன்வாரிலால் புரோகித், தமிழ் மொழி இலக்கிய அழகின் பரிணாம வளர்ச்சியை பெரியபுராணத்தில் காணலாம், தமிழ் மொழியின் பழம்பெருமையும் காலத்திற்கு ஏற்ப தன்னை தகவமைத்து கொண்டதற்கும் சேக்கிழார் எழுதிய பெரிய புராணமே சாட்சி என கூறினார்.

மேலும், மற்ற மொழிகளை காட்டிலும் தமிழ் மொழி இனிமையானது என்பதில்  சந்தேகத்திற்கு இடமே இல்லை. 12ம் நூற்றாண்டின் குலோத்துங்க சோழன் காலத்தில் வாழ்ந்த சேக்கிழார் தமிழ் மற்றும் இந்து மதத்துக்கு ஆற்றிய தொண்டின் மூலம் என்றும் நினைவு கூறப்படுவார்.  சாதி சமயம் கடந்து 63 நாயன்மார்கள் ஒன்றிணைந்து தமிழ்மொழிக்கு உண்மையான தொண்டாற்றியதை தமிழ்மொழியின் தலைசிறந்த ஒன்றாக தாம் பார்பதாக கவர்னர் பன்வாரிலால் புரோகித் கூறியுள்ளார். #BanwarilalPurohit

விருதுநகர்:

தமிழக கவர்னர் பன்வாரிலால் புரோகித் மாவட்டந்தோறும் சுற்றுப் பயணம் செய்து அரசின் திட்டங்களை ஆய்வு செய்து வருகிறார். மேலும் மத்திய அரசின் தூய்மை பாரத திட்டத்தையும் தொடங்கி வைத்து வருகிறார்.

கவர்னரின் இந்த ஆய்வுக்கு தி.மு.க. உள்ளிட்ட எதிர்க்கட்சிகள் எதிர்ப்பு தெரிவித்து வருகின்றன.

இந்த நிலையில் தூய்மை இயக்க திட்டம், உள்ளிட்ட பல்வேறு நிகழ்ச்சிகளில் பங்கேற்க கவர்னர் பன்வாரிலால் புரோகித் நாளை (11-ந் தேதி) விருதுநகர் வருகிறார்.

நாளை காலை சென்னையில் இருந்து விமானம் மூலம் மதுரை வரும் கவர்னர் அங்கிருந்து விருதுநகருக்கு காரில் புறப்பட்டு செல்கிறார். முதலில் ஸ்ரீவில்லிபுத்தூர் ஆண்டாள் கோவிலில் சாமி தரிசனம் செய்கிறார். பின்னர் விருதுநகருக்கு வரும் அவர் அங்குள்ள மாரியம்மன் கோவிலுக்கு செல்கிறார்.

தொடர்ந்து தேசபந்து திடலில் தூய்மை பாரத திட்டத்தை கவர்னர் தொடங்கி வைக்கிறார். பின்னர் விருதுநகர் சுற்றுலா மாளிகையில் ஓய்வெடுக்கிறார்.

மாலையில் விருதுநகர்- அழகாபுரி ரோட்டில் உள்ள சந்திரகிரி கிராமத்துக்கு செல்லும் கவர்னர் அங்கு தூய்மை பாரத விழிப்புணர்வு பேரணியை தொடங்கி வைத்து பள்ளி நிகழ்ச்சியில் பங்கேற்கிறார். இந்த நிகழ்ச்சிகளில் பங்கேற்றுவிட்டு நாளை இரவே கவர்னர் சென்னை புறப்படுகிறார்.

இதுகுறித்து விருதுநகர் கலெக்டர் சிவஞானம் வெளியிட்டுள்ள செய்திக் குறிப்பில் கூறுகையில், நாளை விருதுநகர் வர உள்ள கவர்னர் பன்வாரிலால் புரோகித்திடம் கோரிக்கை மனுக்களை அளிக்க விரும்புவர்கள் காலை 9 மணி முதல் மாவட்ட கலெக்டர் அலுவலக வளாகத்தில் அமைந்துள்ள அரசு விருந்தினர் மாளிகையில் பதிவு செய்து கொள்ளலாம் என்று குறிப்பிட்டுள்ளார்.

விருதுநகரில் ஆய்வு மேற்கொள்ள வரும் கவர்னரை கண்டித்து நாளை தி.மு.க. சார்பில் விருதுநகரில் உள்ள மாவட்ட விளையாட்டரங்கம் அருகே அவருக்கு கருப்புக்கொடி காட்டி எதிர்ப்பு தெரிவிக்கப்படும் என மாவட்ட செயலாளர்கள் சாத்தூர் ராமச்சந்திரன், தங்கம் தென்னரசு ஆகியோர் அறிவித்துள்ளனர்.

இதனால் கவர்னர் வரும் பகுதிகளில் போலீசார் பாதுகாப்பை அதிகரிக்க முடிவு செய்துள்ளனர். #TamilNaduGovernor #BanwarilalPurohit