நீங்கள் தேடியது "Pune"

புனே:

மராட்டிய மாநிலம் புனே போசரி போராடே வஸ்தி பகுதியில் பொதுத்துறை வங்கி ஒன்றுக்கு சொந்தமான ஏ.டி.எம். மையம் உள்ளது. இந்த ஏ.டி.எம். மையத்துக்கு நேற்றுமுன்தினம் காலை அந்த பகுதியை சேர்ந்த வாடிக்கையாளர் ஒருவர் பணம் எடுக்க வந்தார்.

அவர் ஏ.டி.எம். மையத்துக்குள் சென்றபோது, அங்கு ஏ.டி.எம். எந்திரம் மாயமாகி இருப்பதை கண்டு திடுக்கிட்டார். ஏ.டி.எம். எந்திரம் பெயர்க்கப்பட்டு இருப்பதற்கான சுவடு இருந்தது. இதையடுத்து அவர் போலீசுக்கு தகவல் கொடுத்தார்.

போலீசாரும், வங்கி அதிகாரிகளும் விரைந்து வந்து விசாரணை நடத்தினர். அதில், பணத்துடன் ஏ.டி.எம். எந்திரம் கொள்ளைபோனது தெரியவந்தது.

நள்ளிரவில் ஏ.டி.எம். மையத்துக்குள் புகுந்த மர்ம ஆசாமிகள் கண்காணிப்பு கேமரா வயர்களை துண்டித்துவிட்டு, கியாஸ் கட்டர் மூலம் வெட்டி ஏ.டி.எம். எந்திரத்தை பெயர்த்து அலாக்காக தூக்கி வாகனத்தில் ஏற்றிக்கொண்டு தப்பிச்சென்றது தெரிந்தது.

கொள்ளைபோன ஏ.டி.எம். எந்திரத்தில் ரூ.30 லட்சம் பணம் இருந்ததாக வங்கி அதிகாரிகள் தெரிவித்தனர். இந்த துணிகர கொள்ளையில் 4 முதல் 5 பேர் வரை ஈடுபட்டு இருக்கலாம் என போலீசார் கூறினர்.

இது தொடர்பாக அடையாளம் தெரியாத நபர்கள் மீது போலீசார் வழக்குப்பதிவு செய்து தீவிர விசாரணை நடத்தி வருகின்றனர். ஏ.டி.எம். மையத்தில் உள்ள கண்காணிப்பு கேமரா வயர்களை கொள்ளையர்கள் துண்டித்து சென்று விட்டதால் அவர்களை அடையாளம் காண்பதில் போலீசாருக்கு சிக்கல் ஏற்பட்டு உள்ளது.

மும்பை:

வருகிற 2019-ம் ஆண்டு ஏப்ரல், மே மாதங்களில் பாராளுமன்ற தேர்தல் நடைபெற உள்ளது. தேர்தலை சந்திக்க ஆளும் பா.ஜனதா கட்சி இப்போதே தயாராகி விட்டது.

முதல் கட்டமாக வேட்பாளர்களை தேர்வு செய்வதில் கவனம் செலுத்த தொடங்கியுள்ளது. தற்போதைய எம்.பி.க்கள் பலர் மீண்டும் போட்டியிட வாய்ப்பு கேட்டு வருகிறார்கள்.

இதனால் எம்.பி.க்களின் செயல்பாடுகள், தொகுதியில் அவர்களுக்கு உள்ள நற்பெயர் போன்றவை குறித்து கட்சி மேலிடம் புள்ளி விவரங்களை சேகரித்து வருகிறது. செயல்பாடு சரியில்லாத எம்.பி.க்களுக்கு மீண்டும் போட்டியிட வாய்ப்பு மறுக்கப்படுகிறது.

இதில் மராட்டிய மாநிலம் புனே தொகுதியின் தற்போதைய பா.ஜனதா எம்.பி.யான அனில் ஷிரோலேயின் செயல்பாடு சரியில்லை என்றும், அவர் மீது தொகுதி மக்களிடையே அதிருப்தி நிலவுவதாகவும் கட்சி மேலிடத்துக்கு தெரிய வந்துள்ளது.

அவருக்கு மீண்டும் வாய்ப்பு அளித்தால் வெற்றி வாய்பை பா.ஜனதா இழந்து விடும், தகுதியான சக்தி வாய்ந்த வேட்பாளரை நிறுத்த வேண்டும் என்றும் சிபாரிசு செய்யப்பட்டுள்ளது.

இதையடுத்து பிரபல நடிகை மாதுரி தீட்சித்தை புனே பாராளுமன்ற தொகுதியில் நிறுத்துவது பற்றி பா.ஜனதா வேட்பாளர் தேர்வு குழு ஆலோசித்து வருகிறது.

ஹேமமாலினிக்கு அடுத்தபடியாக இந்திப்பட உலகில் ரசிகர்களின் கனவுக் கன்னியாக திகழ்ந்தார். அவர் சினிமாவை விட்டு விலகினாலும் பொது நிகழ்ச்சிகளில் தொடர்ந்து பங்கேற்று வருகிறார். அவருக்கு ரசிகர்களிடையே இன்னும் மவுசு குறையவில்லை. அவரது நிகழ்ச்சிக்கு கூட்டம் கூடுகிறது.

மேலும் மராத்தி மொழி பேசும் நடிகை என்பதால் மராத்தி மக்களை கவரலாம் என்றும் பா.ஜனதா மேலிடத்துக்கு யோசனை தெரிவிக்கப்பட்டுள்ளது. மாதுரி தீட்சித் பா.ஜனதாவில் உறுப்பினராக உள்ளார். கடந்த பாராளுமன்ற தேர்தலில் மோடியை ஆதரித்து பிரசாரம் செய்தார். அவரது பிரசார கூட்டத்துக்கு கடுமையான கூட்டம் கூடியது.

எனவே மாதுரி தீட்சித்தை புனே தொகுதியில் பா.ஜனதா வேட்பாளராக களம் இறக்க முடிவு செய்துள்ளது. சமீபத்தில் பா.ஜனதா தலைவர் அமித்ஷா மும்பையில் மாதுரி தீட்சித் வீட்டுக்கு சென்று அவரது குடும்ப நிகழ்ச்சியில் கலந்து கொண்டார். அப்போது பாராளுமன்ற தேர்தலில் வேட்பாளராக நிறுத்துவது குறித்து ஆலோசனை நடத்தியதாக தெரிகிறது. அதற்கு மாதுரி தீட்சித்தும் சம்மதித்து விட்டதாகவும் விரைவில் அறிவிப்பு வெளியாகும் என்றும் பா.ஜனதா வட்டாரத்தில் தெரிவிக்கப்பட்டது. #ParliamentElection

மும்பை:

மகாராஷ்டிரா மாநிலம் புனேவில் உள்ள புகழ்பெற்ற சின்ஹகட் கோட்டை பிரசித்தி பெற்ற சுற்றுலாத்தலங்களுள் ஒன்றாகும். இங்கு வரும் மக்கள் கோட்டையின் கம்பீரத்தையும், மலையின் மீது இருந்து இயற்கையின் அழகையும் ரசிப்பது வழக்கம். அதேசமயம், இங்கு ஆபத்தான முறையில் செல்பி எடுக்க முயன்று பலர் தங்கள் உயிரை பணையம் வைத்துள்ளனர்.


அப்போது எதிர்ப்பாரதவிதமாக அந்த நபர் பள்ளத்தாக்கில் விழுந்துள்ளார். இதனைக்கண்ட அருகில் இருந்தவர்கள் உடனே மீட்புப்படைக்கு தகவல் அளித்தனர். விரைந்து வந்த மீட்புப்படையினர் பள்ளத்தாக்கில் உயிருக்கு ஆபத்தான நிலையில் இருந்த அந்த நபரை மீட்டு மருத்துவமனையில் அனுமதித்துள்ளனர். #Maharashtra #SelfieKills

திருவனந்தபுரம்:

கேரள மாநிலம் கொல்லத்தையும், தமிழ்நாட்டின் திண்டுக்கல் நகரத்தையும் இணைப்பது தேசிய நெடுஞ்சாலை எண்.183 ஆகும். மழை, வெள்ளத்தால் இந்த நெடுஞ்சாலை பெரும் பாதிப்புக்கு உள்ளாகி இருப்பதால் கோட்டயம், குமுளி, இடுக்கி வழியாக வாகன போக்குவரத்து தடை செய்யப்பட்டு உள்ளது.



மழை, வெள்ளம் காரணமாக உணவுக்கு தவிக்கிற மக்களுக்கு உணவுப்பொருட்கள் உள்ளிட்ட நிவாரணப்பொருட்களை கம்பம்மெட்டு வழியாக எடுத்துச்செல்ல முடியாத பரிதாப நிலை உருவாகி இருக்கிறது. இதற்கு இடையே பலத்த மழையால் வெள்ளப்பெருக்கு ஏற்பட்டு உள்ள நிலையில் மக்கள் குடிநீர் இன்றி அவதிப்படுகின்றனர். இதனால் மராட்டிய மாநிலம், மும்பையில் இருந்து கேரளாவுக்கு 8 லட்சம் லிட்டர் குடிநீர், இந்திய கடற்படைக்கு சொந்தமான ஐ.என்.எஸ். தீபக் கப்பல் மூலம் எடுத்து செல்லப்படுகிறது. இந்த கப்பல் இன்று (ஞாயிற்றுக்கிழமை) கொச்சிக்கு சென்று அடையும் என எதிர்பார்க்கப்படுகிறது. #KeralaRain #Keralaflood #NH183

புதுடெல்லி:

மத்திய வீட்டு வசதி மற்றும் நகர்ப்புற விவகாரங்கள் அமைச்சகம் சார்பில் ஆண்டுதோறும் கவலையும், நெருக்கடியும் இன்றி மக்கள் வசிக்கும் நகரங்களின் பட்டியலை தயாரித்து வெளியிட்டு வருகிறது. சிறந்த நிர்வாகம், சமூக நிறுவனங்கள், பொருளாதார நிலை மற்றும் மக்களின் வாழ்க்கைச் சூழல் ஆகியவற்றின் அடிப்படையில் இந்த பட்டியல் தயாரிக்கப்படுகிறது. இந்த ஆண்டுக்கான போட்டியில் கொல்கத்தா தவிர நாட்டின் 111 நகரங்கள் கலந்து கொண்டன.

இந்த நகரங்களின் வரிசை பட்டியலை மத்திய வீட்டு வசதி மற்றும் நகர்ப்புற விவகார மந்திரி ஹர்தீப் சிங் புரி டெல்லியில் நேற்று வெளியிட்டார்.

இதில் மக்கள் கவலையின்றி வசிக்கும் சிறந்த நகரமாக மராட்டிய மாநிலத்தின் புனே முதலிடம் பிடித்தது. நவி மும்பைக்கு 2-வது இடம் கிடைத்தது. நாட்டின் வர்த்தக தலைநகரான மும்பை 3-வது இடத்தை பிடித்தது. இதைத்தொடர்ந்து திருப்பதி, சண்டிகார், தானே, ராய்ப்பூர், இந்தூர், விஜயவாடா, போபால் ஆகியவை முறையே 4 முதல் 10-வது இடங்களை பிடித்தன. சென்னை நகருக்கு இதில் 14-வது இடம் கிடைத்தது. நாட்டின் தேசிய தலைநகரான டெல்லி இந்த பட்டியலில் 65-வது இடத்தையே பிடித்தது. 

மும்பை:

மோடி தலைமையிலான மத்திய அரசு 500 மற்றும் ஆயிரம் ரூபாய் நோட்டுகளை மதிப்பிழப்பு செய்து அறிவித்தது. அந்த நோட்டுகளை வங்கியில் கொடுத்து புதிய நோட்டுகளை வாங்கிக் கொள்ளுமாறு அறிவுறுத்தியதுடன், அதற்காக சிறிது கால அவகாசமும் வழங்கியது. கள்ள நோட்டுகளையும், கருப்பு பண பதுக்கலையும் தடுக்கவே இந்த நடவடிக்கை என தெரிவிக்கப்பட்டது.

இந்த நிலையில், புனோ காவல்துறைக்கு கிடைத்த ரகசிய தகவலின் அடிப்படையில் போலீசார் அதிரடி சோதனையில் ஈடுபட்டனர். அப்போது, பழைய 500 மற்றும் ஆயிரம் ரூபாய் நோட்டுகளுடன் 5 பேர் கையும் களவுமாக பிடிபட்டனர்.

அவர்களிடம் இருந்து சுமார் 3 கோடி ரூபாய் மதிப்புள்ள பழைய நோட்டுகள் பறிமுதல் செய்யப்பட்டுள்ளதாகவும், இந்த விவகாரத்தில் தொடர்புடையவர்கள் குறித்து விசாரணை மேற்கொண்டு வருவதாகவும் போலீசார் தெரிவித்துள்ளனர். #Pune #DemonetisedCurrency