நீங்கள் தேடியது "maruti suzuki"

இந்திய சந்தையில் முன்னணி ஆட்டோமொபைல் நிறுவனங்களும் தங்களின் புதிய கார் மாடல்களை அறிமுகம் செய்வதற்கான பணிகளில் ஈடுபட்டு வருகின்றன. அந்த வகையில் இந்திய சந்தையில் விரைவில் அறிமுகம் செய்யப்பட இருக்கும் நான்கு புதிய கார் மாடல்கள் பற்றி தொடர்ந்து பார்ப்போம்.

மஹிந்திரா XUV300 ஃபேஸ்லிஃப்ட்:

ஃபேஸ்லிஃப்ட் செய்யப்பட்ட மஹிந்திரா XUV300 மாடல் இன்னும் ஒன்றிரண்டு மாதங்களுக்குள் இந்திய சந்தையில் அறிமுகம் செய்யப்படும் என தெரிகிறது. இந்த மாடலில் காஸ்மடிக் அப்டேட்கள் மற்றும் கேபின் பகுதிகளில் மாற்றங்கள் செய்யப்படும் என எதிர்பார்க்கலாம். இந்த காரில் 1.2 லிட்டர் டர்போ பெட்ரோல் மற்றும் 1.5 லிட்டர் டீசல் என்ஜின், இவற்றுடன் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படும் என தெரிகிறது.

டாடா கர்வ்:

டாடா நிறுவனம் தனது கர்வ் ப்ரோடக்ஷன் வெர்ஷனை வரும் மாதங்களில் அறிமுகம் செய்யும் என எதிர்பார்க்கப்படுகிறது. முதற்கட்டமாக இந்த காரின் எலெக்ட்ரிக் வெர்ஷன் அறிமுகமாகும் என தெரிகிறது. இந்த கார் சிங்கில் மற்றும் டூயல் எலெக்ட்ரிக் மோட்டார் செட்டப் உடன் கிடைக்கும் என கூறப்படுகிறது. இந்த கார் முழு சார்ஜ் செய்தால் 500 கிலோமீட்டர்கள் வரையிலான ரேன்ஜ் வழங்கும் என தெரிகிறது.

புதிய தலைமுறை மாருதி சுசுகி ஸ்விஃப்ட்:

மாருதி சுசுகி நிறுவனத்தின் புதிய தலைமுறை ஸ்விஃப்ட் மாடல் நீண்ட காலமாக டெஸ்டிங் செய்யப்படும் நிலையில், வரும் மாதங்களில் இந்த கார் அறிமுகமாகும் என எதிர்பார்க்கலாம். முன்னதாக டோக்கியோவில் நடைபெற்ற ஜப்பான் மொபிலிட்டி நிகழ்வில் கான்செப்ட் வடிவில் இந்த கார் அறிமுகம் செய்யப்பட்டது. இந்த கார் இன்டீரியர் அப்டேட் செய்யப்பட்டு, மைல்டு ஹைப்ரிட் பெட்ரோல் என்ஜினுடன் விற்பனைக்கு வரும் என கூறப்படுகிறது.

டொயோட்டா அர்பன் குரூயிசர் டைசர்:

மாருதி சுசுகி நிறுவனத்தின் ஃபிரான்க்ஸ் மாடல் தான் டொயோட்டா பிரான்டிங்கில் அர்பன் குரூயிசர் டைசர் எனும் பெயரில் அறிமுகம் செய்யப்பட இருக்கிறது. இந்த எஸ்.யு.வி. கூப் மாடல் சிறு மாற்றங்கள் செய்யப்பட்டு இருக்கும் என்றும் இதில் 1.2 லிட்டர் NA பெட்ரோல் மற்றும் 1.0 லிட்டர் டர்போ பெட்ரோல் என்ஜின் ஆப்ஷன்களாக வழங்கப்படும் என தெரிகிறது.

மாருதி சுசுகி லிமிடெட் நிறுவனம் தனது நெக்சா பிரான்டு கார்களின் விலையை உயர்த்துவதாக அறிவித்து இருக்கிறது. இந்திய சந்தையில் இக்னிஸ், பலேனோ, ஃபிரான்க்ஸ், ஜிம்னி, சியாஸ், XL6 மற்றும் கிரான்ட் விட்டாரா போன்ற மாடல்கள் நெக்சா பிரான்டிங்கில் விற்பனை செய்யப்பட்டு வருகிறது. ஒவ்வொரு ஆண்டை போன்றே இந்த ஆண்டும் மாருதி சுசுகி தனது வாகனங்கள் விலையை மாற்றி இருக்கிறது.

அதன்படி இக்னிஸ் ஹேச்பேக் மாடலின் விலை ரூ. 5 லட்சத்து 84 ஆயிரம் என துவங்குகிறது. இதன் டாப் என்ட் மாடல் விலை ரூ. 8 லட்சத்து 25 ஆயிரம் ஆகும். இந்த மாடலின் AMT வேரியன்ட்களுக்கு ரூ. 5 ஆயிரம் விலை குறைப்பு அறிவிக்கப்பட்டு இருக்கிறது. இதன் மேனுவல் வேரியன்ட்களின் விலையில் எந்த மாற்றமும் மேற்கொள்ளப்படவில்லை.

மாருதி சுசுகி பலேனோ மாடலின் மேனுவல் மாடல்கள் விலை ரூ. 5 ஆயிரம் உயர்த்தப்பட்டு இருக்கிறது. இதன் AMT மாடல்கள் விலையில் எந்த மாற்றமும் செய்யப்படவில்லை. இந்திய சந்தையில் பலேனோ மாடல் சிக்மா, டெல்டா, சீட்டா மற்றும் ஆல்ஃபா போன்ற வேரியன்ட்களில் கிடைக்கிறது. இதன் விலை ரூ. 6 லட்சத்து 66 ஆயிரம் என துவங்குகிறது. டாப் என்ட் மாடல் விலை ரூ. 9 லட்சத்து 88 ஆயிரம் ஆகும்.

கடந்த ஆண்டு அறிமுகம் செய்யப்பட்ட மாருதி சுசுகி ஃபிரான்க்ஸ் 1.2 லிட்டர் NA பெட்ரோல், 1.0 லிட்டர் டர்போ பெட்ரோல் என இருவித என்ஜின் ஆப்ஷன்களில் கிடைக்கிறது. இத்துடன் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படுகின்றன. இந்தியாவில் இதன் 1.0 லிட்டர் AT மாடல் விலை ரூ. 10 ஆயிரம் குறைக்கப்பட்டு இருக்கிறது. மற்ற மேனுவல் வேரியன்ட்களின் விலை ரூ. 5 ஆயிரம் உயர்த்தப்பட்டு இருக்கிறது.

மாருதி சுசுகி கிரான்ட் விட்டாரா மாடல்களின் விலை ரூ. 10 ஆயிரம் உயர்த்தப்பட்டு இருக்கிறது. இதன் விலை ரூ. 10 லட்சத்து 80 ஆயிரம் என துவங்கி அதிகபட்சம் ரூ. 20 லட்சத்து 09 ஆயிரம் ஆகும். மாருதி சுசுகி ஜிம்னி மாடல்களின் விலை ரூ. 10 ஆயிரம் வரை குறைக்கப்பட்டு இருக்கிறது. இதன் விலை ரூ. 12 லட்சத்து 74 ஆயிரம் என துவங்கி அதிகபட்சம் ரூ. 14 லட்சத்து 95 ஆயிரம் என மாறியுள்ளது.

XL6 மாடல்கள் விலை ரூ. 5 ஆயிரம் உயர்த்தப்பட்டு தற்போது இதன் விலை ரூ. 12 லட்சத்து 56 ஆயிரத்தில் இருந்து ரூ. 14 லட்சத்து 77 ஆயிரம் வரை நிர்ணயம் செய்யப்பட்டு உள்ளது. மாருதி சுசுகி இன்விக்டோ மாடல்களின் விலை ரூ. 50 ஆயிரம் உயர்த்தப்பட்டுள்ளது. இதன் விலை தற்போது ரூ. 25 லட்சத்து 21 ஆயிரம் என துவங்கி அதிகபட்சம் ரூ. 29 லட்சத்து ஆயிரத்து 500 ஆக மாறி இருக்கிறது.

மாருதி சுசுகியின் செடான் மாடல் சியாஸ் விலை ரூ. 10 ஆயிரம் உயர்த்தப்பட்டுள்ளது. இதன் விலை தற்போது ரூ. 9 லட்சத்து 40 ஆயிரம் என துவங்கி அதிகபட்சம் ரூ. 12 லட்சத்து 45 ஆயிரம் ஆகும்.

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

மாருதி சுசுகி நிறுவனத்தின் பிரீமியம் பிரான்டு நெக்சா இந்திய சந்தையில் ஜிம்னி, ஃபிரான்க்ஸ், பலேனோ, கிரான்ட் விட்டாரா, சியாஸ் மற்றும் இக்னிஸ் போன்ற மாடல்களை விற்பனை செய்து வருகிறது. அந்த வகையில், நெக்சா பிரான்டு கார்களுக்கு ஜனவரி மாத சிறப்பு சலுகைகள் அறிவிக்கப்பட்டுள்ளன. இவை தள்ளுபடி, எக்சேன்ஜ் போனஸ் வடிவில் வழங்கப்படுகின்றன.

அதன்படி மாருதி சுசுகி ஜிம்னி மாடலுக்கு ரூ. 1 லட்சத்து 55 ஆயிரம் வரையிலான பலன்கள் அறிவிக்கப்பட்டு இருக்கின்றன. இதன் விலை ரூ. 12 லட்சத்து 74 ஆயிரம் என துவங்கி ரூ. 14 லட்சத்து 89 ஆயிரம் என நிர்ணயம் செய்யப்பட்டு உள்ளது.

மாருதி சுசுகி இக்னிஸ் மாடலுக்கு ரூ. 62 ஆயிரம் வரையிலான தள்ளுபடி வழங்கப்படுகிறது. இந்திய சந்தையில் இக்னிஸ் விலை ரூ. 6 லட்சத்து 38 ஆயிரம் என துவங்குகிறது. இதன் டாப் என்ட் மாடல் விலை ரூ. 8 லட்சத்து 16 ஆயிரம் ஆகும்.

மாருதி சுசுகி சியாஸ் மாடலுக்கு ரூ. 55 ஆயிரம் வரையிலான பலன்கள் வழங்கப்படுகின்றன. பிரீமியம் ஹேச்பேக் மாடலான பலேனோவுக்கு ரூ. 47 ஆயிரம் வரையிலான தள்ளுபடி வழங்கப்படுகிறது. இந்த காரின் விலை ரூ. 6.61 லட்சம் என துவங்கி அதிகபட்சம் ரூ. 9 லட்சத்து 88 ஆயிரம் என நிர்ணயம் செய்யப்பட்டு உள்ளது.

மாருதி சுசுகி கிரான்ட் விட்டாரா மாடலுக்கு ரூ. 35 ஆயிரம் வரையிலான பலன்கள் வழங்கப்படுகின்றன. இதன் விலை ரூ. 10 லட்சத்து 70 ஆயிரம் என துவங்கி அதிகபட்சம் ரூ. 19 லட்சத்து 83 ஆயிரம் என நிர்ணயம் செய்யப்பட்டு உள்ளது.

ஃபிரான்க்ஸ் மாடலுக்கு ரூ. 30 ஆயிரம் தள்ளுபடி வழங்கப்படுகிறது. இதன் விலை ரூ. 7 லட்சத்து 47 ஆயிரம் என துவங்கி அதிகபட்சம் ரூ. 12 லட்சத்து 98 ஆயிரம் என நிர்ணயம் செய்யப்பட்டுள்ளது.

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. மாருதி சுசுகி கார் மாடல்களுக்கான சலுகைகள் ஸ்டாக் இருப்பு மற்றும் மாடல், வேரியன்டிற்கு ஏற்ப வேறுப்படும்.

மாருதி சுசுகி நிறுவனம் இந்திய சந்தையில் அறிமுகம் செய்ய இரண்டு புதிய கார் மாடல்களை உருவாக்கும் பணிகளில் ஈடுபட்டு வருவதாக தகவல் வெளியாகி உள்ளது. இரண்டு புதிய கார்களும் 7 சீட்டர் மாடல்கள் என்றும் கூறப்படுகிறது.

இதில் ஒன்று காம்பேக்ட் எம்.பி.வி. மாடல் என்றும் இந்த கார் தற்போது விற்பனை செய்யப்பட்டு வரும் எர்டிகா மாடலின் கீழ் நிலைநிறுத்தப்படும் என்றும் தெரிகிறது. இந்த காம்பேக்ட் எம்.பி.வி. மாடல் 2026-ம் ஆண்டு விற்பனைக்கு வரலாம் என்றும் கூறப்படுகிறது. இந்த கார் YDB என்ற குறியீட்டு பெயரில் உருவாக்கப்பட்டு வருகிறது.

இந்த மாடல் டாடா பன்ச், ஹூண்டாய் எக்ஸ்டர் போன்ற மாடல்களுக்கு போட்டியாக அமையலாம் என்றும் ரெனால்ட் டிரைபர் மற்றும் டிரைபர் சார்ந்து உருவாக்கப்படும் நிசான் எம்.பி.வி. மாடலுக்கு போட்டியாக அமையும் என்றும் கூறப்படுகிறது. மாருதி சுசுகி YDB மாடல் தற்போது ஜப்பானில் விற்பனை செய்யப்பட்டு வரும் சுசுகி ஸ்பேசியா மாடலை தழுவி உருவாக்கப்படும் என்றும் கூறப்படுகிறது.

எனினும், ஸ்பேசியா போன்றில்லாமல், YDB மாடலில் 7 சீட்டர் இருக்கை அமைப்பு வழங்கப்படும் என்றும் இந்த காரில் ஸ்லைடிங் ரக கதவுகள் வழங்கப்படாது என்றும் கூறப்படுகிறது. இதில் 1.2 லிட்டர் Z சீரிஸ் மைல்டு ஹைப்ரிட் 3 சிலிண்டர்கள் கொண்ட பெட்ரோல் என்ஜின் வழங்கப்படலாம். இதே என்ஜின் புதிய தலைமுறை ஸ்விஃப்ட் மற்றும் டிசையர் மாடல்களிலும் வழங்கப்படும் என தெரிகிறது.

மாருதி சுசுகி நிறுவனம் YDB மட்டுமின்றி 7 சீட்டர் கிரான்ட் விட்டாரா மாடலையும் உருவாக்கி வருவதாக கூறப்படுகிறது. இந்த கார் Y17 எனும் குறியீட்டு பெயர் கொண்டு உருவாக்கப்படுவதாகவும் தகவல் வெளியாகி உள்ளது. மூன்றடுக்கு இருக்கைகள் கொண்ட இந்த எஸ்.யு.வி. மாடல் டாடா சஃபாரி, ஹூண்டாய் அல்கசார் மற்றும் எம்.ஜி. ஹெக்டார் பிளஸ் போன்ற மாடல்களுக்கு போட்டியாக அமையும் என கூறப்படுகிறது.

இந்த காரில் 1.5 லிட்டர் ஸ்டிராங் ஹைப்ரிட் பெட்ரோல் என்ஜின் வழங்கப்படும் என தெரிகிறது. இந்த கார் தற்போது விற்பனை செய்யப்படும் கிரான்ட் விட்டாரா மாடலை விட வித்தியாசமாக காட்சியளிக்கும் வகையில் வெளிப்புறம் மற்றும் உள்புற மாற்றங்களை கொண்டிருக்கும் என எதிர்பார்க்கலாம்.

இந்திய சந்தையில் மிகவும் பிரபலமான எஸ்.யு.வி. மாடல்களில் ஒன்றாக மாருதி சுசுகி பிரெஸ்ஸா இருந்து வருகிறது. இது அந்நிறுவனத்தின் அதிகம் விற்பனையாகும் எஸ்.யு.வி. என்பதை கடந்து 2023 ஆண்டு நாட்டில் அதிகம் விற்பனையான எஸ்.யு.வி. என்ற பெருமையை பெற்றுள்ளது.

கடந்த ஆண்டில் மட்டும் மாருதி சுசுகி நிறுவனம் 17.7 லட்சம் வாகனங்களை விற்பனை செய்துள்ளது. இதில் பிரெஸ்ஸா எஸ்.யு.வி. மட்டும் 1.70 லட்சம் யூனிட்கள் ஆகும். இந்திய சந்தையில் மாருதி சுசுகி பிரெஸ்ஸா மாடல் நான்கு வேரியண்ட்களில் கிடைக்கிறது.

இதன் விலை ரூ. 8 லட்சத்து 29 ஆயிரம், எக்ஸ்-ஷோரூம் என்று துவங்குகிறது. இந்த காரில் 1.5 லிட்டர் NA பெட்ரோல் என்ஜின், 6 ஸ்பீடு மேனுவல் மற்றும் ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த என்ஜின் 103 ஹெச்.பி. பவர், 138 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. 

மாருதி சுசுகி நிறுவனம் தனது முதல் எலெக்ட்ரிக் கார் மாடலை இந்திய சந்தையில் அறிமுகம் செய்வதற்கான பணிகளில் ஈடுபட்டு வருகிறது. மாருதியின் முதல் எலெக்ட்ரிக் கார் eVX என்ற பெயரில் அறிமுகம் செய்யப்பட இருக்கிறது. அடுத்த ஆண்டு இந்திய சந்தையில் அறிமுகம் செய்யப்பட இருக்கும் மாருதி சுசுகி eVX மாடல், டொயோட்டா பிராண்டிங்கிலும் அறிமுகம் செய்யப்பட இருக்கிறது.

இந்தியாவில் உற்பத்தி செய்யப்படுவதோடு இந்த மாடல் வெளிநாட்டு சந்தைகளிலும் ஏற்றுமதி செய்யப்பட இருக்கிறது. இந்த காரின் வெளியீடு பற்றி பல்வேறு தகவல்கள் வெளியாகி வந்த நிலையில், 2025 நிதியாண்டு வாக்கில் மாருதி சுசுகி eVX மாடல் வெளியிடப்படும் என்று அந்நிறுவனம் உறுதிப்படுத்தி இருப்பதாக தகவல் வெளியாகி உள்ளது.

அதன்படி புதிய மாருதி சுசுகி eVX மாடல் அடுத்த ஆண்டு அக்டோபர் மாத வாக்கில் அறிமுகம் செய்யப்பட்டு இதன் விலை விவரங்கள் 2025 துவக்கத்தில் அறிவிக்கப்படும் என்று எதிர்பார்க்கலாம்.

"எங்களின் முதல் எலெக்ட்ரிக் வாகனம், ஒரு எஸ்.யு.வி. மாடல் அடுத்த நிதியாண்டு வாக்கில் அறிமுகம் செய்யப்படும். தற்போது ஹன்சல்பூரில் உள்ள ஆலையில் மூன்று பிரிவுகள் செயல்பட்டு வருகின்றன. இத்துடன் எலெக்ட்ரிக் வாகனங்களை உற்பத்தி செய்ய தனி பிரிவு உருவாக்கப்பட இருக்கிறது," என மாருதி சுசுகி நிறுவனத்தின் நிர்வாக இயக்குனர் ராகுல் பாரதி தெரிவித்து இருக்கிறார்.

"எங்களின் எலெக்ட்ரிக் வாகன கான்செப்ட் கார் ஏற்கனவே அறிமுகம் செய்யப்பட்டுவிட்டது. இது அதிக அம்சங்கள் நிறைந்த எஸ்.யு.வி.யாக இருக்கும். இந்த எலெக்ட்ரிக் கார் 60 கிலோவாட் ஹவர் பேட்டரி மற்றும் 550 கிலோமீட்டர்கள் வரையிலான ரேன்ஜ் வழங்கும் திறன் கொண்டிருக்கும்," என அவர் மேலும் தெரிவித்தார். 

மாருதி சுசுகி ஸ்விஃப்ட் ஹேச்பேக் மாடல் இந்திய சாலைகளில் டெஸ்டிங் செய்யப்படும் புகைப்படங்கள் வெளியாகி உள்ளது. இதன் காரணமாக அடுத்த தலைமுறை ஸ்விஃப்ட் மாடல் இன்னும் சில மாதங்களில் இந்திய சந்தையில் அறிமுகம் செய்யப்பட்டு விடும் என்று எதிர்பார்க்கலாம்.

புதிய ஸ்விஃப்ட் மாடல் அதன் மூன்றாவது தலைமுறையில் உள்ளது. மேலும் இந்திய சந்தையில் அதிகம் விற்பனையாகும் ஹேச்பேக் மாடலாகவும் உள்ளது. இந்தியாவில் இதுவரை அறிமுகம் செய்யப்பட்ட ஒவ்வொரு புதிய தலைமுறை ஸ்விஃப்ட் மாடலும் அதன் முந்தைய வெர்ஷனை விட அதிக யூனிட்கள் விற்பனையாகி இருக்கின்றன.

அந்த வகையில், புதிய தலைமுறை ஸ்விஃப்ட் மாடல் அதன் முந்தைய வெர்ஷனை விட அதிக யூனிட்கள் விற்பனையாகும் என்று தெரிகிறது. மேலும் புதிய ஸ்விஃப்ட் மாடலில் 3 சிலிண்டர் என்ஜின் வழங்கப்பட்டு இருக்கிறது. இந்த என்ஜின் Z12 என்ற குறியீட்டு பெயர் கொண்டிருக்கிறது. இது 400சிசி வரையிலான திறன் கொண்டிருக்கும் என்று கூறப்படுகிறது.

புதிய Z12 என்ஜின் லிட்டருக்கு கிட்டத்தட்ட 40 கிலோமீட்டர்கள் வரையிலான மைலேஜ் வழங்கும் என்று எதிர்பார்க்கப்படுகிறது. அந்த வகையில் புதிய தலைமுறை ஸ்விஃப்ட் மாடல் மைலேஜ் அடிப்படையில் ஸ்கூட்டர்களுக்கே போட்டியை ஏற்படுத்தும் என்று தெரிகிறது.

மாருதி சுசுகி நிறுவனம் முற்றிலும் புதிய தலைமுறை ஸ்விஃப்ட் மாடலை 2023 ஜப்பான் மொபிலிட்டி நிகழ்வில் அறிமுகம் செய்தது. புதிய தலைமுறை ஸ்விஃப்ட் மாடலின் வெளிப்புறம் மற்றும் உள்புறத்தில் மாற்றங்கள் செய்யப்பட்டு, அதிக அம்சங்கள் வழங்கப்பட்டு இருக்கிறது.

இதன் முன்புறம் புதிய கிளாஸ் பிளாக் மெஷ் பேட்டன் கொண்ட கிரில், பிளாக் சரவுண்ட்கள், மெல்லிய எல்.இ.டி. ஹெட்லேம்ப்கள் மற்றும் இன்வெர்ட் செய்யப்பட்ட L வடிவ எல்.இ.டி. டி.ஆர்.எல்.-கள் மற்றும் சில்வர் ஃபினிஷ் செய்யப்பட்ட ஃபௌக்ஸ் ஸ்கிட் பிலேட் வழங்கப்பட்டுள்ளது. இதன் டோர் பேனல் முதல் டெயில் கேட் வரை கிரீஸ் இடம்பெற்று இருக்கிறது.

பின்புறத்தில் டெயில் லேம்ப் ஒட்டுமொத்த தோற்றத்தில் மாற்றம் செய்யப்படவில்லை. எனினும், இது இன்வெர்ட் செய்யப்பட்ட C வடிவ எல்.இ.டி. லே-அவுட் மற்றும் பிளாக் சரவுண்ட்களை கொண்டிருக்கிறது. இத்துடன் பின்புற வைப்பர், ரிடிசைன் செய்யப்பட்ட பிளாக்டு-அவுட் பம்ப்பர், ரியர் கேமரா மற்றும் சென்சார்கள் உள்ளன.

புதிய மாருதி சுசுகி ஸ்விஃப்ட் மாடலின் உள்புறம் பலேனோ மற்றும் ஃபிரான்க்ஸ் மாடல்களில் உள்ளதை போன்றே காட்சியளிக்கிறது. இத்துடன் டச் ஸ்கிரீன் இன்ஃபோடெயின்மென்ட் சிஸ்டம், ரிடிசைன் செய்யப்பட்ட ஏ.சி. வென்ட்கள், ஆட்டோமேடிக் கிளைமேட் கண்ட்ரோல், கீலெஸ் ஸ்டார்ட் / ஸ்டாப் பட்டன், ஆட்டோமேடிக் ஹெட்லேம்ப்கள், ஸ்டீரிங் மவுண்ட் செய்யப்பட்ட கண்ட்ரோல், அனலாக் இன்ஸ்ட்ரூமென்ட் கிளஸ்டர் வழங்கப்பட்டு இருக்கிறது.

பாதுகாப்பிற்கு ஆறு ஏர்பேக், ஃபுல் எல்.இ.டி. லைட்கள், லெவல் 2 ADAS சூட், 360 டிகிரி சரவுண்ட் கேமரா, கொலிஷன் மிடிகேஷன் பிரேகிங், அடாப்டிவ் ஹை பீம் அசிஸ்ட் மற்றும் டிரைவர் மாணிட்டரிங் சிஸ்டம் வங்கப்பட்டுள்ளது. 2024 சுசுகி ஸ்விஃப்ட் மாடலில் 1.2 லிட்டர் K சீரிஸ் பெட்ரோல் ஹைப்ரிட் என்ஜின் மற்றும் 5 ஸ்பீடு மேனுவல், AMT கியர்பாக்ஸ் வழங்கப்படுகிறது.

இந்தியாவில் பண்டிகை காலத்தை முன்னிட்டு மாருதி சுசுகி நெக்சா விற்பனையாளர்கள் தள்ளுபடி மற்றும் சலுகைகளை வழங்கி வருகின்றனர். அதன்படி ஜிம்னி சீட்டா வேரியண்டிற்கு ரூ. 1 லட்சம் வரையிலான பலன்கள் வழங்கப்படுகிறது.

ஜிம்னி சீட்டா வேரியண்டிற்கு ரூ. 50 ஆயிரம் வரையிலான தள்ளுபடியும், ரூ. 50 ஆயிரம் வரையிலான எக்சேன்ஜ் அல்லது லாயல்டி போனஸ் வழங்கப்படுகிறது. இந்த சலுகை இம்மாத இறுதிவரை மேனுவல் மற்றும் ஆட்டோமேடிக் ஆப்ஷன்களுக்கு வழங்கப்படுவதாக தகவல் வெளியாகி உள்ளது.

இந்திய சந்தையில் ஜிம்னி சீட்டா என்ட்ரி லெவல் மாடலின் விலை ரூ. 12 லட்சத்து 74 ஆயிரம் என்றும், ஆட்டோமேடிக் வேரியண்டின் விலை ரூ. 13 லட்சத்து 94 ஆயிரம் என்று நிர்ணயம் செய்யப்பட்டு உள்ளது. இந்த மாடலில் 1.5 லிட்டர் K15B பெட்ரோல் என்ஜின் வழங்கப்படுகிறது.

அம்சங்களை பொருத்தவரை ஜிம்னி சீட்டா மாடலில் ஸ்டீல் வீல்கள், 7.0 இன்ச் டச் ஸ்கிரீன், வயர்லெஸ் ஆண்ட்ராய்டு ஆட்டோ, ஆப்பிள் கார்பிளே, 6 ஏர்பேக், இ.எஸ்.பி. வழங்கப்பட்டு உள்ளன.

மாருதி சுசுகி நிறுவனம் இந்திய சந்தையில் ஆட்டோமேடிக் கார் விற்பனையில் பத்து லட்சம் யூனிட்கள் எனும் புதிய மைல்கல் எட்டியது. தற்போது ஆட்டோமேடிக் கியர்பாக்ஸ் கொண்ட 16 மாடல்களை மாருதி சுசுகி நிறுவனம் இந்திய சந்தையில் விற்பனை செய்து வருகிறது.

இதில் நான்கு வகையான ஆட்டோமேடிக் கியர்பாக்ஸ் ஆப்ஷன்கள் அடங்கும். அவை ஆட்டோ கியர் ஷிஃப்ட் (AGS), 4-ஸ்பீடு ஆட்டோமேடிக் டிரான்ஸ்மிஷன், 6-ஸ்பீடு ஆட்டோமேடிக் டிரான்ஸ்மிஷன் மற்றும் e-CVT யூனிட் உள்ளிட்டவை அடங்கும். ஒட்டுமொத்தமாக ஆட்டோமேடிக் மாடல்கள் விற்பனையில் 65 சதவீத யூனிட்கள் AGS டிரான்ஸ்மிஷனை சேர்ந்தவை ஆகும்.

"வாடிக்கையாளர்களுக்கு சிறப்பான அனுபவத்தை வழங்குவதில் நாங்கள் ஆர்வம் செலுத்தி வருகிறோம். அனைவருக்கும் மொபிலிட்டி மூலம் சந்தோஷத்தை கொடுக்க வேண்டும் என்பதை எங்களின் குறிக்கோளாக வைத்திருக்கிறோம். இதன் மூலம் எங்களது ஆட்டோமேடிக் டிரான்ஸ்மிஷன் தொழில்நுட்பத்தில் பல வகைகளை கொடுக்க முடிகிறது."

"வாடிக்கையாளர்கள் அளித்திருக்கும் அமோக வரவேற்பு காரணமாக நாங்கள் மகிழ்ச்சி அடைகிறோம். மாருதி சுசுகி லிமிடெட் நிறுவனத்தின் ஆட்டோமேடிக் மாடல்களின் விற்பனை தொடர்ந்து அதிகரித்து வருகிறது. 2023-24 நிதியாண்டு விற்பனையில் ஒரு லட்சம் ஆட்டோமேடிக் யூனிட்களை விரைவில் அடைந்துவிடுவோம்," என்று மாருதி சுசுகி நிறுவனத்தின் மூத்த நிர்வாக அதிகாரி சஷான்க் ஸ்ரீவஸ்தவா தெரிவித்து இருக்கிறார்.

மாருதி சுசுகி நிறுவனத்தின் ஆல்டோ மாடல் இந்திய விற்பனையில் 45 லட்சம் யூனிட்கள் எனும் மைல்கல்லை எட்டியிருக்கிறது. இந்திய சந்தையில் 2000-வது ஆண்டு அறிமுகம் செய்யப்பட்ட மாருதி சுசுகி ஆல்டோ மாடல் அந்நிறுவனத்தின் நீண்ட காலம் விற்பனையில் உள்ள மாடல் என்ற பெருமையையும் பெற்று இருக்கிறது.

இந்திய சந்தையில் சுமார் இரண்டு தசாப்தங்களுக்கும் அதிகமாக மாருதி சுசுகி ஆல்டோ மாடல் விற்பனை செய்யப்பட்டு வருகிறது. தற்போது இந்த மாடல் பெட்ரோல் மற்றும் CNG என இருவித பவர்டிரெயின் ஆப்ஷன்களில் விற்பனை செய்யப்பட்டு வருகிறது. இந்தியாவில் புதிய மாருதி சுசுகி ஆல்டோ மாடலின் விலை ரூ. 3 லட்சத்து 99 ஆயிரம், எக்ஸ்-ஷோரூம் என்று துவங்குகிறது.

2000-வது ஆண்டு அறிமுகம் செய்யப்பட்ட மாருதி சுசுகி ஆல்டோ மாடல் 2016-ம் ஆண்டு வாக்கில் விற்பனையில் 30 லட்சம் யூனிட்களை கடந்தது. அதன் பிறகு எட்டே ஆண்டுகளில் இந்த கார் 15 லட்சம் யூனிட்கள் விற்பனையாகி இருக்கிறது. இந்த காரில் முதல் தலைமுறை ஆல்டோ K10 மாடல் 2010-ம் ஆண்டு அறிமுகம் செய்யப்பட்டது.

இந்திய சந்தையில் தற்போது விற்பனை செய்யப்பட்டு வரும் ஆல்டோ K10 மாடலில் 1.0 லிட்டர் NA பெட்ரோல் என்ஜின் வழங்கப்பட்டு இருக்கிறது. இத்துடன் 5 ஸ்பீடு மேனுவல் மற்றும் AMT யூனிட் வழங்கப்படுகிறது. இந்த காரின் VXi வேரியன்டில் CNG கிட் பொருத்திக் கொள்ளும் வசதியும் வழங்கப்படுகிறது. இதன் விலை ரூ. 5 லட்சத்து 96 ஆயிரம், எக்ஸ்-ஷோரூம் ஆகும்.

மாருதி சுசுகி நிறுவன கார் மாடல்களுக்கு குறைந்த பட்சம் மூன்றில் இருந்து நான்கு மாதங்கள் வரை காத்திருக்க வேண்டிய சூழல் நிலவுகிறது. எனினும், இந்த நிலை அந்நிறுவன கார் மாடல்கள் அனைத்திற்கும் பொருந்தாது.

மாருதி சுசுகி செலரியோ, வேகன்ஆர், ஸ்விஃப்ட் மற்றும் எஸ் பிரெஸ்ஸோ போன்ற மாடல்களுக்கு ஜூலை 2023 மாதத்தில் காத்திருக்க வேண்டிய அவசியம் இல்லை. இந்திய சந்தையில் இந்த மாடல்கள் அனைத்தும் மாருதி சுசுகி அரினா விற்பனை மையங்கள் மூலம் விற்பனை செய்யப்பட்டு வருகின்றன.

மேலும் இந்த மாடல்கள் வினியோகம், விரைவில் நடைபெறுவதாகவும் தகவல் வெளியாகி உள்ளது. செலரியோ, வேகன்ஆர் மற்றும் எஸ் பிரெஸ்ஸோ போன்ற மாடல்களில் 1.0- லிட்டர் பெட்ரோல் என்ஜின், மேனுவல், AMT கியர்பாக்ஸ், CNG கிட் ஆப்ஷன் வழங்கப்படுகிறது.

வேகன்ஆர் மாடலில் 1.2 லிட்டர் பெட்ரோல் என்ஜின் வழங்கப்படுகிறது. ஸ்விப்ட் மாடலில் 1.2 லிட்டர் என்ஜின் வழங்கப்படுகிறது. இது 89 ஹெச்பி பவர், 113 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் மற்றும் AMT யூனிட் வழங்கப்படுகிறது.