நீங்கள் தேடியது "maruti suzuki"

மாருதி சுசுகி நிறுவனம் சமீபத்தில் தனது நான்காம் தலைமுறை ஸ்விப்ட் மாடலை இந்திய சந்தையில் அறிமுகம் செய்தது. வாடிக்கையாளர்களிடம் நல்ல வரவேற்பை பெற்ற புதிய தலைமுறை ஸ்விப்ட் மாடல் விற்பனையிலும் அதிக யூனிட்களை பதிவு செய்து வருகிறது. இந்த கார் புதிய 1.2 லிட்டர் Z12E பெட்ரோல் எஞ்சினுடன் அறிமுகம் செய்யப்பட்டது.

இத்துடன் புதிய ஸ்விப்ட் மாடல் அதன் முந்தைய வெர்ஷனில் இருந்த 3 சிலிண்டர் எஞ்சினுக்கு மாற்றாக புதிய 4 சிலிண்டர் எஞ்சினுடன் கிடைக்கிறது. இதுதவிர ஸ்விப்ட் மாடலில் ஹைப்ரிட் பவர்டிரெயின் ஆப்ஷன் வழங்கப்பட இருப்பதாகவும் தகவல்கள் வெளியாகி வருகிறது. தற்போதைய ஸ்விப்ட் மாடலில் ஐடில் ஸ்டார்ட் / ஸ்டாப் தொழில்நுட்பம் வழங்கப்பட்டு இருக்கிறது.

இதனுடன் பெரிய பேட்டரி மூலம் ஸ்டிராங் ஹைப்ரிட் வசதி வழங்கப்படும் பட்சத்தில் இந்த கார் லிட்டருக்கு 35 கிலோமீட்டர்கள் வரையிலான மைலேஜ் வழங்கும் என்று எதிர்பார்க்கலாம். ஸ்விப்ட் ஹைப்ரிட் மாடல் பற்றிய தகவல்கள் தொடர்ச்சியாக வெளியாகி வந்த நிலையில், தற்போது இந்த கார் டெஸ்டிங் செய்யப்படும் புகைப்படம் வெளியாகி உள்ளது.

அதில் புதிய ஸ்விப்ட் ஹைப்ரிட் மாடல் எவ்வித மறைப்பும் இன்றி டெஸ்டிங் செய்யப்படுவது அம்பலமாகி இருக்கிறது. மேலும், இந்த காரின் பின்புறத்தில் ஹைப்ரிட் என்பதை உணர்த்தும் பேட்ஜ் காரின் பின்புறத்தில் இடம்பெற்று இருக்கிறது. ஹைப்ரிட் வசதியுடன் இந்த காரில் ADAS அம்சங்கள் வழங்கப்படும் என்று தெரிகிறது.

மாருதி சுசுகியின் புதிய ஸ்விப்ட் ஹைப்ரிட் மாடல் 2025 ஆண்டு டெல்லியில் நடைபெறும் ஆட்டோ எக்ஸ்போ விழாவில் காட்சிப்படுத்தப்படும் என்றும் அதைத் தொடர்ந்து மார்ச் மாத வாக்கில் வெளியீட்டு நிகழ்வு நடைபெறும் என்று எதிர்பார்க்கலாம். 

மாருதி சுசுகி நிறுவனத்தின் முற்றிலும் புதிய டிசையர் மாடல் இந்திய சந்தையில் அறிமுகம் செய்யப்பட்டது. புதிய மாருதி டிசையர் விலை ரூ. 6 லட்சத்து 79 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. கடந்த வாரம் வெளியான குளோபல் என்கேப் பரிசோதனை முடிவுகளின் படி புதிய டிசையர் மாடல் அதிக புள்ளிகளை பெற்று அசத்தி இருந்தது.

தோற்றத்தை பொருத்தவரை புதிய டிசையர் மாடலில் புதிய கிரில், எல்இடி ஹெட்லேம்ப்கள், முன்புறம்-பின்புறம் புதிய பம்ப்பர்கள், டூயல் டோன் அலாய் வீல்கள், எல்இடி டெயில் லைட்கள், ஷார்க் ஃபின் ஆன்டெனா வழங்கப்பட்டு இருக்கிறது. இந்த பிரிவு வாகனங்களில் முதல்முறை எலெக்ட்ரிக் சன்ரூஃப் கொண்ட கார் என்ற பெருமையை புதிய டிசையர் மாடல் பெற்றுள்ளது.

இத்துடன் டூயல் டோன் இன்டீரியர், 9 இன்ச் டச் ஸ்கிரீன் இன்ஃபோடெயின்மென்ட் சிஸ்டம், 360 டிகிரி கேமரா, குரூயிஸ் கண்ட்ரோல், ரியர் ஏசி வென்ட்கள், ஆட்டோமேடிக் கிளைமேட் கண்ட்ரோல் வழங்கப்பட்டு இருக்கிறது.

புதிய டிசையர் மாடலில் 1.2 லிட்டர் Z-சீரிஸ் பெட்ரோல் எஞ்சின் மற்றும் 5 ஸ்பீடு மேனுவல், AMT டிரான்ஸ்மிஷன் வழங்கப்படுகிறது. இந்த யூனிட் 80 ஹெச்பி பவர், 112 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இதன் CNG வெர்ஷன் 68 ஹெச்பி பவர், 102 நியூட்டன் மீட்டர் வெளிப்படுத்துகிறது. 

மாருதி சுசுகி நிறுவனத்தின் முற்றிலும் புதிய டிசையர் மாடலின் விலை விவரங்கள் வருகிற 11 ஆம் தேதி தான் அறிவிக்கப்பட உள்ளது. எனினும், அதிகாரப்பூர்வ அறிமுகத்திற்கு முன்பே புதிய டிசையர் மாடல் அனைவரின் கவனத்தை ஈர்த்துள்ளது.

குளோபல் என்கேப் (GNCAP) கிராஷ் டெஸ்டில் பங்கேற்ற புதிய டிசையர் மாடல் ஐந்து நட்சத்திர புள்ளிகளை பெற்று அசத்தி இருக்கிறது. மேலும், குளோபல் என்கேப் டெஸ்டிங்கில் ஐந்து நட்சத்திர குறியீடுகளை பெற்ற முதல் மாருதி கார் இது என்பது குறிப்பிடத்தக்கது.

புதிய சப்-4 மீட்டர் செடான் மாடல் பெரியவர்களுக்கான பாதுகாப்பிற்கு 34-க்கு 31.24 புள்ளிகளை பெற்றிருக்கிறது. சிறியவர்களுக்கான பாதுகாப்பிற்கு 49-க்கு 39.20 புள்ளிகளை பெற்றுள்ளது.

டெஸ்டிங்கில் பங்கேற்ற புதிய டிசையர் மாடல் ஆறு ஏர்பேக், ஏபிஎஸ் மற்றும் இபிடி, ரிவர்ஸ் பார்க்கிங் சென்சார்கள், சீட் பெல்ட் ரிமைன்டர் சிஸ்டம், ஸ்பீடு அலர்ட் சிஸ்டம் உள்ளிட்டவைகளை ஸ்டான்டர்டு அம்சங்களாக பெற்று இருக்கிறது.

தற்போது விற்பனை செய்யப்பட்டு வரும் டிசையர் மாடல் இதே டெஸ்டிங்கில் இரண்டு புள்ளிகளை மட்டுமே பெற்றிருந்தது குறிப்பிடத்தக்கது.

இந்திய சந்தையில் ரூ. 10 லட்சத்திற்கும் குறைந்த விலையில் கிடைக்கும் கார் மாடல்கள் விற்பனை சரிந்து வருவது குறித்து மாருதி சுசுகி இந்தியா லிமிட்டெட் நிறுவனத்தின் தலைவர் ஆர்.சி. பார்கவா கவலை தெரிவித்துள்ளார். நிலையற்ற எரிபொருள் விலை, என்ட்ரி லெவல் மாடல்களின் விலை தொடர்ந்து அதிகரித்து வருவது போன்ற காரணங்களால் ஆல்டோ, எஸ்-பிரெஸ்ஸோ, வேகன்ஆர் போன்ற கார்களின் விற்பனை குறைந்து வருகிறது.

ரூ. 10 லட்சத்திற்கும் குறைந்த விலையில் கிடைக்கும் மாடல்களுக்கான சந்தை வளர்ச்சி பெறவேயில்லை. தொடர்ச்சியாக இந்த பிரிவு சரிவை சந்தித்து வருவது வருத்தத்தை ஏற்படுத்துகிறது என்று ஆர்.சி. பார்கவா இரண்டாம் காலாண்டிற்கான நிதிநிலை அறிக்கை சார்ந்த கருத்தரங்கில் பேசும் போது தெரிவித்தார். இரண்டாவது காலாண்டில் மட்டும் மாருதி சுசுகியின் லாபம் 17 சதவீதம் சரிவடைந்துள்ளது.

என்ட்ரி லெவல் பிரிவு வளர்ச்சியை சந்திக்காத வரை, டாப் எண்ட் மாடல்களுக்கான பிரிவு வளர்ச்சி அடைய போவதில்லை என்றும் அவர் தெரிவித்துள்ளார். இதுகுறித்து இந்திய ஆட்டோமொபைல் உற்பத்தியாளர்கள் கூட்டமைப்பு வெளியிட்டுள்ள தகவல்களில், உள்நாட்டில் மினி கார்களின் விற்பனை 15.5 சதவீதம் சரிவடைந்து 66 ஆயிரம் யூனிட்களாக குறைந்துள்ளது.

கடந்த ஆண்டு ஏப்ரல் முதல் செப்டம்பர் வரையிலான இதே காலக்கட்டத்தில் 78 ஆயிரத்து 170 யூனிட்கள் விற்பனையாகி இருந்தது குறிப்பிடத்தக்கது. இதில் 3 சதவீத விற்பனையை ரெனால்ட் க்விட் மாடல் பிடித்துள்ளது. இந்த நிதியாண்டின் முதல் ஆறு மாத காலத்தில் மட்டும் சுமார் 20 லட்சத்து 81 ஆயிரத்து 143 பயணிகள் வாகனங்கள் விற்பனை செய்யப்பட்டுள்ளன. 

இந்தியாவில் கார் பயன்பாட்டாளர்களின் மத்தியில் மிகவும் பிரபல நிறுவனமாக இருந்து வருகிறது மாருதி சுசுகி. இந்நிறுவனத்தின் எர்டிகா மாடல் குளோபல் என்கேப் (Global NCAP) நடத்திய கிராஷ் சோதனைகளுக்கு உட்படுத்தப்பட்டு அதன் முடிவுகள் தற்போது வெளியாகி உள்ளது. விபத்துக்கான சோதனையில் மாருதி சுசுகி எர்டிகா 1 நட்சத்திரத்தைப் பெற்றுள்ளது.

இந்த எம்பிவி மாடல் இந்தியாவில் தயாரிக்கப்பட்டது ஆகும். இதில் பாதுகாப்பிற்கு முன்புறம் இரண்டு ஏர்பேக்குகள், ESC, சீட்பெல்ட் நினைவூட்டல் மற்றும் லோட் லிமிட்டருடன் கூடிய சீட்பெல்ட் ப்ரீ-டென்ஷனர் ஆகியவற்றைக் கொண்டுள்ளது. பின் வரிசையில் ISOFIX குழந்தை இருக்கை நங்கூரங்களையும் பெறுகிறது.

பெரியவர்களுக்கான பாதுகாப்பில் எர்டிகா மாடல் 23.63 புள்ளிகளையும், குழந்தைகள் பாதுகாப்பில் 19.40 புள்ளிகளையும் பெற்றுள்ளது. சோதனை முடிவுகளில், ஓட்டுநர் மற்றும் பயணிகளின் தலை மற்றும் கழுத்துக்கு நல்ல பாதுகாப்பு வழங்கப்பட்டுள்ளது தெரியவந்துள்ளது. ஃபுட்வெல் மற்றும் பாடிஷெல் ஆகியவை நிலையற்றவை என்றும் மேலும் ஏற்றுதல்களைத் தாங்கும் திறன் இல்லை என்றும் மதிப்பிடப்பட்டது.

எர்டிகாவின் உயர் வகைகளில் பக்கவாட்டு ஏர்பேக்குகள், உயரத்தை சரிசெய்யக்கூடிய முன் சீட்பெல்ட்கள் மற்றும் பின்புற பார்க்கிங் கேமரா ஆகியவை பொருத்தப்பட்டுள்ளன. எர்டிகா மாடலில் உள்ள 1.5 லிட்டர் பெட்ரோல் எஞ்சின் 102 ஹெச்பி பவர் மற்றும் 136.8 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் மேனுவல், ஆட்டோமேட்டிக் கியர்பாக்ஸ் வழங்கப்படுகிறது.

மாருதி சுஸுகி இந்தியா நிறுவனம் ஜூன் மாதம் வரையிலான 2025 நிதியாண்டின் முதல் காலாண்டில் கடந்த ஆண்டைவிட நிகர லாபம் 47 சதவீதம் உயர்ந்து 3650 கோடி ரூபாய் எனத் தெரிவித்துள்ளது.

செலவு குறைப்பு முயற்சிகள், பொருட்களின் சாதகமான விலைகள் மற்றும் அந்நிய செலாவணி ஆகியவற்றின் முக்கியமான காரணங்கள் இந்த லாபத்தை ஈட்ட முக்கிய காரணம் நிறுவனம் தெரிவித்துள்ளது.

2024 நிதியாண்டின் ஏப்ரல்-ஜூன் காலாண்டில் 2,485 கோடி ரூபாயாக இருந்தது. கடந்த ஆண்டு ஏப்ரல்-ஜூன் காலாண்டில் 30,845 கோடி ரூபாய் நிகர விற்பனையாக இருந்த நிலையில் தற்போது 33,875 கோடி ரூபாயாக உயர்ந்துள்ளது.

தற்போது ஏப்ரல்-ஜூன் காலாண்டில் 5,21,868 வாகனங்கள் விற்பனை செய்யப்பட்டுள்ளன. இது கடந்த ஆண்டு இதே காலாண்டை விட 5 சதவீதம் உயர்வாகும்.

உள்நாட்டு சந்தையில் 4,51,308 வாகனங்கள் விற்பனை செய்யப்பட்டுள்ளன. உள்நாட்டு விற்பனையில் இது கடந்த ஆண்டு இதே காலாண்டை விட 4 சதவீதம் உயர்வாகும்.

2031 வரைக்கும் ஆறு எலெக்ட்ரிக் கார் மாடல்கள் வரவிருக்கின்றன. வருடத்திற்கு ஒரு புது மாடல் என்ற வகையில் வரவிருக்கிறது. ஏற்றுமதி விற்பனை 12 சதவீதம் (70,560) அதிகரித்துள்ளது. முதல் காலாண்டில் ஜிம்னி (Jimny) சொகுசு கார் அதிக அளவில் ஏற்றுமதி செய்யப்பட்டுள்ளன.

நாட்டின் மிகப்பெரிய கார் தயாரிப்பு நிறுவனங்களில் ஒன்று மாருதி சுசுகி. இந்தியாவில் கார் பயன்பாட்டாளர்களின் மத்தியில் மிகவும் பிரபலமாக இருந்து வருகிறது மாருதி சுசுகி.

சமீபத்தில் மாருதி சுசுகி நிறுவனம் எக்ஸ்- ஷோரூமில் ரூ.5.49 லட்சத்தில் இக்னிஸ் ரேடியன்ஸ் மாடல் அறிமுகம் செய்துள்ளது. இந்த மாடலின் உள்ளேயும், வெளியேயும் பலவிதமான மாற்றங்கள் செய்யப்பட்டுள்ளன. இது Sigma, Zeta மற்றும் Alpha வேரியன்ட்டுகளில் கிடைக்கிறது.

எண்ட்ரி லெவல் வேரியன்ட்:

Sigma வேரியன்ட்டை வாங்குபவர்கள் கூடுதலாக ரூ.3,650-ஐ செலுத்தினால் வீல் கவர்கள், டோர் விசர்கள் மற்றும் குரோம் டிரிம் ஆகியவை பெறலாம்.

மிட் மற்றும் டாப்-எண்ட் வேரியன்ட்:

Zeta மற்றும் Alpha வகைகளின் வாடிக்கையாளர்கள் ரூ. 9,500 மதிப்புள்ள பாகங்களை பெறலாம். இதில் புதிய இருக்கை கவர்கள், குஷன்கள், டோர் கிளாடிங் மற்றும் டோர் வைசர்கள் ஆகியவை அடங்கும்.

மாருதி இக்னிஸ் ரேடியன்ஸ் எடிஷன் எஞ்சின் ஆப்ஷன்கள்

இக்னிஸ் ரேடியன்ஸ் எடிஷன் நிலையான ஹேட்ச்பேக்கில் உள்ள அதே 1.2 லிட்டர் பெட்ரோல் எஞ்சின் மூலம் இயக்கப்படுகிறது. இது 82bhp மற்றும் 113Nm இழுவிசையை உற்பத்தி செய்கிறது. இத்துடன் 5-ஸ்பீடு மேனுவல் அல்லது 5-ஸ்பீடு AMT டிரான்ஸ்மிஷன் ஆப்ஷன்கள் வழங்கப்படுகின்றன.

இந்தியாவில் கார் பயன்பாட்டாளர்களின் மத்தியில் மிகவும் பிரபல நிறுவனமாக இருந்து வருகிறது மாருதி சுசுகி. இந்நிறுவனத்தின் எர்டிகா, ஃபிராங்க்ஸ், ஸ்விஃப்ட் மற்றும் பிரெஸ்ஸா, வேகன்ஆர் வரிசையில் சமீப காலத்தில் அதிகம் விற்பனை கார்களின் மைல்கல் சாதனையில் கிராண்ட் விட்டாரா இணைந்தது.

இதையடுத்து, சமூக வலைத்தளங்களில் வைரலாகும் புகைப்படங்களின் படி, மாருதி சுசுகி கிராண்ட் விட்டாரா, பிஎன்சிஏபி எனப்படும் பாரத் என்சிஏபி (Bharat NCAP) நடத்திய கிராஷ் சோதனைகளுக்கு உட்படுத்தப்பட்டுள்ளது தெரியவந்துள்ளது. இந்த சோதனைகளின் அதிகாரப்பூர்வ முடிவுகள் இன்னும் அறிவிக்கப்படவில்லை. சோதனை முடிவுகள் வரும் வாரங்களில் அதிகாரப்பூர்வமாக அறிவிக்கப்படலாம் என எதிர்பார்க்கப்படுகிறது.

கிராண்ட் விட்டாராவின் 2 வேரியன்ட்கள் சோதனைக்கு உட்படுத்தப்பட்டுள்ளது. அவற்றில் ஒன்று டாப்-ஸ்பெக் மற்றொன்று மிட்-ஸ்பெக்.

Photo Courtesy: Safe Cars India

மாருதி கிராண்ட் விட்டாராவில் டூயல் ஏர்பேக்குகள், ஏபிஎஸ் உடன் இபிடி, எச்எஸ்ஏ, சரிசெய்யக்கூடிய சீட்-பெல்ட்கள், ரிவர்ஸ் பார்க்கிங் சென்சார்கள், வேக எச்சரிக்கை அமைப்பு, சீட் பெல்ட் நினைவூட்டல் அமைப்பு மற்றும் ஐசோஃபிக்ஸ் குழந்தை இருக்கை போன்ற பாதுகாப்பு அம்சங்கள் உள்ளன.

இத்துடன் டூயல் ஏர்பேக்குகள், 360 டிகிரி கேமரா, EPS, TPMS மற்றும் பலவற்றை உள்ளடக்கிய கூடுதல் அம்சங்களை உயர் வகைகளில் பெறலாம்.

இந்தியாவில் கார் பயன்பாட்டாளர்களின் மத்தியில் மிகவும் பிரபல நிறுவனமாக இருந்து வருகிறது மாருதி சுசுகி. இந்நிறுவனத்தின் எர்டிகா, ஃபிராங்க்ஸ், ஸ்விஃப்ட் மற்றும் பிரெஸ்ஸா, வேகன்ஆர் வரிசையில் சமீப காலத்தில் அதிகம் விற்பனை கார்களின் மைல்கல் சாதனையில் கிராண்ட் விட்டாரா இணைந்துள்ளது.

மாருதி சுசுகியின் கிராண்ட் விட்டாரா, 2022-ம் ஆண்டு செப்டம்பர் 26-ந்தேதி அறிமுகப்படுத்தப்பட்டது. இந்த கார் வெறும் 22 மாதங்களில் 2 லட்சம் யூனிட் விற்பனையைத் தாண்டியுள்ளது. ஜூன் 2024 இறுதிக்குள், இது 199,550 யூனிட்களை விற்றது. 2,00,000 உள்நாட்டு விற்பனையைத் தொடுவதற்குத் தேவையான 450 யூனிட்கள் ஜூலை 2024 தொடக்கத்தில் எட்டியது.

இதன் மூலம் அதிவேகமாக 2 லிட்சம் யூனிட்கள் விற்பனையான எஸ்யூவி என்ற பெருமையை கிராண்ட் விட்டாரா பெற்று இருக்கிறது. 25 மாதங்களில் மைல்கல்லை எட்டிய ஹூண்டாய் க்ரெட்டாவின் சாதனையை இது முறியடித்தது.

செப்டம்பர் 19, 2023 அன்று, மாருதி கிராண்ட் விட்டாரா வெறும் 12 மாதங்களில் 1 லட்சம் யூனிட் விற்பனையானதாக செய்திகள் வெளிவந்த நிலையில், அடுத்த 1,00,000 யூனிட்கள் வெறும் 10 மாதங்களில் விற்கப்பட்டுள்ளன.

ஹூண்டாய் க்ரெட்டா, கியா செல்டோஸ், ஃபோக்ஸ்வேகன் டைகுன், ஸ்கோடா குஷாக், எம்ஜி ஆஸ்டர் மற்றும் டொயோட்டா ஹைரைடர் போன்ற மாடல்களுடன் மிகுந்த போட்டி கொண்ட நடுத்தர எஸ்யூவி சந்தையில் நுழைந்தாலும், மாருதி கிராண்ட் விட்டாரா தனக்கென ஒரு முக்கிய இடத்தைப் பிடித்துள்ளது.

2024 நிதியாண்டில், அதன் விற்பனையானது, இது ஹூண்டாய் க்ரெட்டாவிற்குப் பிறகு (1,62,773 யூனிட்கள், 8.2 சதவீதம் அதிகரித்து) இரண்டாவது அதிகம் விற்பனையான நடுத்தர SUV ஆகும் (1,21,169 யூனிட்கள், 136 சதவீதம் அதிகம்).

இந்தியாவில் கார் பயன்பாட்டாளர்களின் மத்தியில் மிகவும் பிரபலமாக இருந்து வருகிறது மாருதி சுசுகி. இந்நிறுவனத்தின் எர்டிகா, ஃபிராங்க்ஸ், ஸ்விஃப்ட் மற்றும் பிரெஸ்ஸா வரிசையில் சமீப காலத்தில் அதிகம் விற்பனை கார்களின் மைல்கல் சாதனையில் வேகன்ஆர் இணைந்துள்ளது.

மாருதி நிறுவனம் அதன் சமீபத்திய வேகன்ஆர் மாடலை ஜனவரி 23, 2019 அன்று அறிமுகப்படுத்தியது. அப்போது முதல் பிரபல டால்-பாய் ஹேச்பேக் மாடலாக இருக்கும் வேகன்ஆர் விற்பனைில் 10 லட்சத்திற்கும் அதிகமான யூனிட்களை கடந்துள்ளது.

மாருதி சுசுகி வேகன் ஆர் ஹேச்பேக் ரகத்தை சேர்ந்தது. மாருதி சுசுகி வேகன் ஆர் காரின் நடப்பு 2024ம் ஆண்டு ஜூன் மாதத்திற்கான விற்பனை குறித்த அறிக்கை வெளியாகியுள்ளது.

2024 நிதியாண்டில், வேகன் ஆர் மாடல் 2,00,177 யூனிட்கள் விற்பனையானது. இதன் மூலம் தொடர்ந்து மூன்றாவது நிதியாண்டில் இந்தியாவின் அதிகம் விற்பனையான காராக அதன் நிலையைத் தக்கவைத்துக் கொண்டது.

இது மாருதி சுசுகியின் மொத்த பயணிகள் வாகன விற்பனையான 17.5 லட்சம் யூனிட்களில் 11 சதவீதமாக இருந்தது. தற்போதைய மாடலின் ஒட்டுமொத்த விற்பனை 10,06,413 யூனிட்டுகளாகக் கொண்டு, மில்லியன் (10 லட்சம்) எனும் மைல்கல்லைத் தாண்டியுள்ளது. 2019-இல் அறிமுகமான நிலையில், புது வேகன்ஆர் மாடல் 5.5 ஆண்டுகளில் இந்த மைல்கல்லை எட்டியது குறிப்பிடத்தக்கது.

முதன்முதலில் 1999 ஆம் ஆண்டு அறிமுகப்படுத்தப்பட்ட மாடல் வேகன் ஆர். ஒட்டுமொத்தத்தில் இந்த கார் இதுவரை சுமார் 32.1 மில்லியன் யூனிட்களை விற்பனை செய்துள்ளது. ஹேட்ச்பேக் இந்த ஆண்டு தனது 25 வது ஆண்டு நிறைவைக் கொண்டாடுகிறது. முன்னதாக கடந்த ஆண்டு மே 2023 மாதம் வேகன்ஆர் மாடல் 30 லட்சம் விற்பனையைத் தாண்டியது.

நாட்டின் மிகப்பெரிய கார் தயாரிப்பு நிறுவனங்களில் ஒன்று மாருதி சுசுகி. கடந்த 1986-ம் ஆண்டு முதல் வாகனங்களை ஏற்றுமதி செய்து வரும் மாருதி சுசுகி நிறுவனத்தின் கார்கள் 100-க்கும் மேற்பட்ட நாடுகளுக்கு ஏற்றுமதி செய்யப்பட்டுள்ளன.

மாருதி சுசுகி நிறுவனத்தின் மாடல்களின் விலை பெரும்பாலும் குறைவாக இருப்பதாலேயே நடுத்தர மக்களால் அதிகம் விரும்பப்படுகிறது. இதனாலேயே ஜூன் மாதத்தில் மாருதி சுசுகி அதன் விற்பனையை 1.8 லட்சத்தை எட்டியுள்ளது. SUV மாடல்களும் தொடர்ந்து அதிக அளவில் விற்பனை செய்யப்பட்டு வருகிறது.

ஜூன் 2024-ல் மாருதி சுசுகி இந்தியா லிமிடெட் (MSIL ) ஒட்டுமொத்த விற்பனை 228,79 ஆகப் பதிவு செய்துள்ளது. மொத்தத்தில் இந்தியாவில் விற்பனை செய்யப்பட்ட 1,39,918 யூனிட்கள், டொயோட்டாவிற்கு 8,277 யூனிட்கள் வழங்கப்பட்டன. 31,033 யூனிட்கள் ஏற்றுமதி செய்யப்பட்டன.

ஆல்டோ மற்றும் எஸ்-பிரஸ்ஸோவை உள்ளடக்கிய மினி பிரிவில், MSIL 9,395 யூனிட்களை விற்பனை செய்துள்ளது. இது ஜூன் 2023 இல் விற்கப்பட்ட 14,054 யூனிட்களில் இருந்து சரிவை காட்டுகிறது. இது ஆண்டுக்கு ஆண்டு 33.15 சதவீதம் குறைந்ததைக் குறிப்பிட்டுள்ளது.

பலேனோ, செலிரியோ, டிசையர், இக்னிஸ், ஸ்விஃப்ட் மற்றும் வேகன்ஆர் போன்ற மாடல்களை உள்ளடக்கிய மாருதி சுசுகி ஜூன் 2024 இல் 64,049 யூனிட்களை உள்நாட்டில் விற்பனை செய்துள்ளது. இது ஆண்டுக்கு ஆண்டு 0.65 சதவீதம் குறைவு ஆகும்.

சியாஸ் நடுத்தர அளவிலான செடான் ஜூன் 2024 இல் 572 யூனிட்கள் விற்பனையாகி உள்ளது. முந்தைய ஆண்டின் இதே காலத்தில் 1,744 யூனிட்களாக இருந்தது. இதன் காரணமாக ஆண்டுக்கு ஆண்டு 67.20 சதவீதம் சரிவு ஏற்பட்டது.

காம்பாக்ட் மற்றும் மிட்சைஸ் மாடல்களில் எண்ணிக்கை குறைந்தாலும், இந்தியாவின் மிகப்பெரிய கார் உற்பத்தி நிறுவனமான மாருதி சுசுகி, யுடிலிட்டி வாகனப் பிரிவில் வளர்ச்சியைக் கண்டுள்ளது. பிரெஸ்ஸா, எர்டிகா, ஃப்ரான்க்ஸ், கிராண்ட் விட்டாரா, இன்விக்டோ, ஜிம்னி மற்றும் XL6 ஆகியவற்றின் மொத்த விற்பனை ஜூன் 2024 இல் 52,373 யூனிட்டுகளாக இருந்தது.

இதுவே கடந்த ஜூன் 2023 இல் 43,404 யூனிட்களாக இருந்தது. இது ஆண்டுக்கு ஆண்டு 20.66 சதவீத அதிகரிப்பை பிரதிபலிக்கிறது.

மாருதி சுசுகி நிறுவனத்தின் சமீபத்திய மாடல்கள் விற்பனையில் அதிக அளவில் உள்ளதால், இப்போது புதிய தலைமுறை டிசைரை அறிமுகப்படுத்த தயாராகி வருகிறது.

கிராண்ட் விட்டாராவின் ஏழு இருக்கைகள் கொண்ட மாடல் மற்றும் eVX கான்செப்ட் அடிப்படையில் ஒரு புதிய எலெக்ட்ரிக் எஸ்யூவி அறிமுகப்படுத்தப்பட இருக்கிறது. வரவிருக்கும் எலெக்ட்ரிக் எஸ்யூவி, கான்செப்ட் போலவே, ஒருமுறை சார்ஜ் செய்தால் 550 கிமீ தூரம் ஓட்டும் திறன் கொண்டதாக இருக்கும் என்று எதிர்பார்க்கப்படுகிறது.

இந்தியாவின் மிகப்பெரிய கார் நிறுவனமான மாருதி சுசுகிஇந்தியாவில் கடந்த ஜூன் மாதத்தில் 1.79 லட்சம் கார்களை விற்பனை செய்து அசத்தியுள்ளது.

2023 ஜூனில் 1.59 லட்சம் கார்கள் விற்பனையான நிலையில் தற்போது 12.4% விற்பனை அதிகரித்துள்ளது

அதே போல் இந்தியாவில் கடந்த ஜூன் மாதத்தில் 1.37 லட்சம் உள்நாட்டு பயணிகள் கார்களை மாருதி சுசுகி நிறுவனம் விற்பனை செய்துள்ளது.

2023 ஜூனில் 1.33 லட்சம் உள்நாட்டு பயணிகள் கார்கள் விற்பனையான நிலையில் தற்போது 3% விற்பனை அதிகரித்துள்ளது.

ஆனால், ஆல்டோ மற்றும் எஸ்-பிரஸ்ஸோவை உள்ளடக்கிய மினி-செக்மென்ட் கார்களின் விற்பனை 2023 ஜூன் மாதத்தில் 14,054 யூனிட்களில் இருந்து இந்தாண்டு ஜூன் மாதம் 9,395 யூனிட்டுகளாக குறைந்துள்ளது.

பலேனோ, செலிரியோ, டிசையர், இக்னிஸ், ஸ்விஃப்ட், டூர் எஸ் மற்றும் வேகன்ஆர் உள்ளிட்ட சிறிய கார்களின் விற்பனை 2023 ஜூன் மாதத்தில் 64,471 யூனிட்களில் இருந்து இந்தாண்டு ஜூன் மாதம் 64,049 யூனிட்டுகளாக சற்று குறைந்துள்ளது.