நீங்கள் தேடியது "ஹூண்டாய்"

இந்திய சந்தையில் முன்னணி வாகன தயாரிப்பு நிறுவனங்கள்- மாருதி சுசுகி, டாடா மோட்டார்ஸ், மஹிந்திரா மற்றும் ஹூண்டாய் ஆகியவை 2026ஆம் ஆண்டில் புதிய மாடல்களை அறிமுகம் செய்ய உள்ளன. இது தொடர்பான பணிகள் நடைபெற்று வரும் நிலையில், இந்த நிறுவனங்கள் தங்களது சப்-4 மீட்டர் மாடல் வரிசையை விரிவுபடுத்தத் தயாராகி வருவதாக தகவல் வெளியாகி உள்ளது.

இதில் மாருதி சுசுகி நிறுவனம் புதுப்பிக்கப்பட்ட Fronx-ஐ ADAS சூட் மற்றும் ஸ்டிராங் ஹைப்ரிட் பவர்டிரெய்னுடன் அறிமுகப்படுத்த வாய்ப்புள்ளது. அதே நேரத்தில் டாடா மோட்டார்ஸ் 2026ஆம் ஆண்டின் இரண்டாம் பாதியில் புதிய சப்-காம்பாக்ட் SUV (ஸ்கார்லெட் என்ற குறியீட்டுப் பெயர்) அறிமுகம் செய்ய திட்டமிட்டுள்ளது.

மஹிந்திரா & மஹிந்திரா விஷன் S கான்செப்ட்டின் உற்பத்திக்குத் தயாரான மாடலை அறிமுகப்படுத்தலாம். இது ஸ்கார்பியோ குடும்பத்திற்குள் நிலைநிறுத்தப்பட்ட ஒரு சப்-காம்பாக்ட் எஸ்யூவி-ஆக இருக்கும் என்று எதிர்பார்க்கப்படுகிறது. ஹூண்டாய் பேயோன் காம்பாக்ட் கிராஸ்ஓவர் வெளியீடும் 2026-இல் திட்டமிடப்பட்டுள்ளது.

மாருதி Fronx ஃபேஸ்லிஃப்ட்

புதுப்பிக்கப்பட்ட மாருதி Fronx பலமுறை சோதனை செய்யப்படும் புகைப்படங்கள் இணையத்தில் லீக் ஆகியுள்ளன. இந்த காம்பாக்ட் கிராஸ்ஓவர் ADAS ஆப்ஷனுடன் வரும் என்பதை புகைப்படங்கள் வெளிப்படுத்துகின்றன. இது சுசுகியின் அடுத்த தலைமுறை 48V சூப்பர் எனி-சார்ஜ் (SEC) ஹைப்ரிட் பவர்டிரெயினைக் கொண்ட நிறுவனத்தின் முதல் மாடலாகவும் இருக்கலாம்.

டாடா ஸ்கார்லெட்

வரவிருக்கும் டாடா சப்காம்பாக்ட் எஸ்யூவியின் அதிகாரப்பூர்வ விவரங்கள் இன்னும் வெளியிடப்படவில்லை. இருப்பினும், டாடா ஸ்கார்லெட் ஒரு மோனோ-கோக் சேசிஸை அடிப்படையாகக் கொண்டதாகவும், சியரா எஸ்யூவி-இல் இருந்து பல வடிவமைப்பு அம்சங்களை பகிர்ந்து கொள்ளும் என்றும் கூறப்படுகின்றன. ஸ்கார்லெட் மாடலில் டாடா கர்வ்-இல் உள்ள 1.2L மற்றும் நெக்சானின் 1.2L டர்போ பெட்ரோல் என்ஜின்களுடன் வழங்கப்படலாம்.

மஹிந்திரா பேபி ஸ்கார்பியோ

உற்பத்திக்குத் தயாரான மஹிந்திரா விஷன் எஸ் கான்செப்ட் 2026 ஆம் ஆண்டின் பிற்பகுதியில் அறிமுகமாகும் என்று எதிர்பார்க்கப்படுகிறது, அதைத் தொடர்ந்து 2027 இல் சந்தைக்கு அறிமுகப்படுத்தப்படும். இறுதி மாடல் அப்சைடு டவுன் L-வடிவ ஹெட்லேம்ப்கள், ஃப்ளஷ் டோர் ஹேண்டில்கள் மற்றும் அப்சைடு டவுன் L-வடிவ டெயில் லேம்ப்களை கொண்டிருக்கும் என்று தெரிகிறது. இத்துடன் பனோரமிக் சன்ரூஃப், டூயல் ஸ்கிரீன், 3-ஸ்போக் ஸ்டீயரிங் வீல் வழங்கப்படலாம்.

ஹூண்டாய் பேயோன்

மாருதி Fronx மற்றும் டாடா பன்ச் ஆகியவற்றிற்கு ஹூண்டாய் நிறுவனத்தின் பதிலாக பேயோன் காம்பாக்ட் கிராஸ்-ஓவர் இருக்கும். இது முற்றிலும் புதிய உள்நாட்டில் உருவாக்கப்பட்ட 1.2L TGDi பெட்ரோல் என்ஜினைக் கொண்ட முதல் ஹூண்டாய் கார் ஆக இருக்கும். இது கிரெட்டாவின் 1.5L டர்போ பெட்ரோல் என்ஜினை விட மிகவும் கச்சிதமான மற்றும் எரிபொருள் திறன் கொண்டதாகக் கூறப்படுகிறது.

புதிய ஹூண்டாய் வென்யூ N லைன் இந்திய சந்தையில் அறிமுகம் செய்யப்பட்டது. புதிய வென்யூ N லைன் விலை ரூ.10.55 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. இந்த மாடல் மூன்று வேரிண்ட்கள் மற்றும் இரண்டு பவர்டிரெய்ன் ஆப்ஷன்களில் கிடைக்கிறது. இந்த ஆண்டு தொடக்கத்தில் செயல்பாடுகள் தொடங்கியதில் இருந்து அதன் புனே ஆலையில் இருந்து வெளிவரும் முதல் புதிய ஹூண்டாய் தயாரிப்பு இதுவாகும்.

N லைன் மாடல் வழக்கமான வென்யூவுடன் உள்புறம் மற்றும் வெளிப்புற தோற்றத்தின் பெரும்பகுதியைப் பகிர்ந்து கொள்கிறது. ஆனால் பம்பர்கள், சக்கரங்கள் மற்றும் நிறங்கள் மட்டும் N லைன் மாலுக்கு ஏற்ப வழங்கப்பட்டு இருக்கிறது. அம்சங்களைப் பார்க்கும்போது, இது வென்யூ மாடலின் HX8 மற்றும் HX10 வேரியண்ட்களை அடிப்படையாகக் கொண்டது மற்றும் அதே அம்சப் பட்டியலைப் பெற்று இருப்பதை கவனிக்க முடியும்.

டாப் என்ட் N10 வேரியண்ட் லெவல் 2 ADAS, இரட்டை வளைந்த 12.3-இன்ச் பனோரமிக் டிஸ்ப்ளே, ஆட்டோ IRVM, LED இன்டிகேட்டர்கள், பவர்டு டிரைவர் சீட், ரிக்ளைனிங் ரியர் சீட், பின்புற ஜன்னல் சன்ஷேட், 8 ஸ்பீக்கர்களுடன் கூடிய போஸ் சவுண்ட் சிஸ்டம், ஹூண்டாய் ப்ளூ-லிங்க் மற்றும் க்ளோவ் பாக்ஸ் கூலிங் போன்ற அம்சங்களைப் பெறுகிறது.

புதிய ஹூண்டாய் வென்யூ N லைன் மாடலில் ஹூண்டாயின் 1.0 லிட்டர் GDi டர்போ பெட்ரோல் யூனிட் வழங்கப்பட்டு இருக்கிறது. இது 118bhp பவர், 172Nm டார்க் வெளிப்படுத்தும் திறன் கொண்டிருக்கிறது. இந்த என்ஜின் 6-ஸ்பீடு மேனுவல் டிரான்ஸ்மிஷன் அல்லது 7-ஸ்பீடு டூயல் கிளட்ச் டிரான்ஸ்மிஷன் வழங்கப்படுகிறது. டாப் என்ட் N10 வேரியண்டில் டிராக்ஷன் மற்றும் டிரைவ் மோட்களுடன் வருகிறது.

இந்திய சந்தையில் புதிய ஹூண்டாய் வென்யூ N லைன் மாடல் கியா சொனெட் X லைன், டாடா நெக்சான் ரெட் டார்க் ரேஞ்ச், மஹிந்திரா XUV 3XO டர்போ ரேஞ்ச், மாருதி Fronx டர்போ, ஸ்கோடா கைலாக் மற்றும் டொயோட்டா அர்பன் க்ரூஸர் ஆகியவை போட்டியாக அமைகின்றன.

ஹூண்டாய் மோட்டார் இந்தியா லிமிடெட் நிறுவனம் இந்திய சந்தையில் நிறைய பட்ஜெட் கார்களை அறிமுகம் செய்துள்ளது.

அவ்வகையில், ரூ.10 லட்சம் பட்ஜெட்டில் ஹுண்டாய் நிறுவனத்தின் கார்களின் பட்டியல்:

1. ஹூண்டாய் i20 - ரூ.6.80 லட்சம்

2. ஹூண்டாய் Aura - ரூ.5.98 லட்சம்

3. ஹூண்டாய் Exter - ரூ.5.68 லட்சம்

4. ஹூண்டாய் Grand i10 Nios - ரூ.5.47 லட்சம்

5. ஹூண்டாய் i20 N-Line - ரூ.9.15 லட்சம்

6. ஹூண்டாய் Venue - ரூ.7.90 லட்சம்

ஹூண்டாய் இந்தியா நிறுவனம் முற்றிலும் புதிய வென்யூ மாடலை அறிமுகப்படுத்தியுள்ளது. காஸ்மெடிக் மாற்றங்களைத் தவிர்த்து, புதிய வென்யூ பரிமாண ரீதியாக அளவில் பெரியதாக உருவாக்கப்பட்டு இருக்கிறது. ஏற்கனவே சந்தையில் விற்பனைக்கு கிடைக்கும் வென்யூ மாடலை விட புதிய வென்யூ 48 மிமீ உயரமும், 30 மிமீ அகலமும் கொண்டுள்ளது.

முற்றிலும் புதிய வென்யூ மாடலின் முன்பதிவுகள் ஏற்கனவே தொடங்கி நடைபெற்று வருகின்றன. புதிய வென்யூ மாடலை வாடிக்கையளர்கள் ரூ. 25,000 முன்பணம் செலுத்தி, அங்கீகரிக்கப்பட்ட ஹூண்டாய் டீலர்ஷிப் அல்லது அதிகாரப்பூர்வ வலைத்தளம் மூலமாகவும் முன்பதிவு செய்யலாம்.

மாற்றங்களை பொருத்தவரை புதிய வென்யூ வெளிப்புறத்தில் குவாட்-பீம் எல்இடி ஹெட்லைட்கள், இரட்டை ஹார்ன் டிஆர்எல்-கள், ஹாரிசன் எல்இடி டெயில் லைட்டுகள், டார்க் குரோம் ரேடியேட்டர் கிரில், பிரிட்ஜ்-டைப் ரூஃப் ரெயில்கள், சி-பில்லர் மற்றும் 'வென்யூ' லோகோ ஆகியவை உள்ளன. உட்புறத்தில், இரட்டை 12.3-இன்ச் கிளஸ்டர், பின்புற ஜன்னல் சன்ஷேடுகள், டூயல்-டோன் லெதர் இருக்கைகள், சரவுண்ட் லைட்கள், டி-கட் ஸ்டீயரிங், பின்புற ஏசி வென்ட்கள் உள்ளன.

புதிய வென்யூ அதே கப்பா 1.2 MPi பெட்ரோல், 1.0 TGDi பெட்ரோல் மற்றும் 1.5 U2 CRDi டீசல் மோட்டார்களுடன் கிடைக்கிறது. இவை 5 ஸ்பீடு மேனுவல், 6 ஸ்பீடு மேனுவல், 6 ஸ்பீடு ஆட்டோமேடிக் அல்லது டூயல் கிளட்ச் டிரான்ஸ்மிஷன் ஆப்ஷன்களுடன் கிடைக்கிறது.

இந்த யூனிட்கள் முறையே 118bhp பவர் / 172Nm டார்க் (1.0 TGDi), 82bhp பவர் /113Nm டார்க் (1.2 MPi), மற்றும் 114bhp பவர் / 250Nm டார்க் (1.5 U2 CRDi) வெளிப்படுத்தும் என்று தெரிகிறது.

2027 ஆம் ஆண்டுக்குள் இந்தியாவில் முற்றிலும் புதிய மின்சார SUV-யை அறிமுகப்படுத்தும் என்று ஹூண்டாய் நிறுவனம் உறுதிப்படுத்தி இருக்கிறது. ஹூண்டாய் நிறுவனத்தின் உலகளாவிய மின்சார வாகனங்கள் வரைபடத்தில் புதிய மாடல் இடம்பெற்றுள்ளது. இது இந்தியாவை மையமாகக் கொண்ட வடிவமைப்பு மற்றும் அம்சங்களுடன் உருவாக்கப்பட்ட ஹூண்டாய் நிறுவனத்தின் முதல் மின்சார வாகனம் ஆகும்.

ஹூண்டாய் நிறுவனம் அறிமுகம் செய்ய இருக்கும் புதிய காம்பாக்ட் எஸ்யூவி, ஹூண்டாய் இந்தியாவின் வரிசையில் கிரெட்டா எலெக்ட்ரிக் மாடலின் கீழ் நிலைநிறுத்தப்படு. கிரெட்டா EV மாடலில் பெரிய, அம்சங்கள் நிறைந்த குடும்ப EV-யை விரும்பும் வாடிக்கையாளர்களை இலக்காகக் கொண்ட போதிலும், இந்த புதிய மாடல் குறைந்த விலையில் ஒரு சிறிய, நகரத்திற்கு ஏற்ற மின்சார எஸ்யூவியை தேடுபவர்களை ஈர்க்கும்.

உலகளவில், ஹூண்டாய் அதன் மிகச்சிறிய மின்சார எஸ்யூவி-யான இன்ஸ்டெரை விற்பனை செய்கிறது. இன்ஸ்டெர் மாடல் பெரிய பேட்டரி ஆப்ஷனுடன் 355 கிலோமீட்டர்கள் வரை WLTP-சான்றளிக்கப்பட்ட ரேஞ்ச் வழங்குகிறது.

இந்திய சந்தைக்கென உருவாக்கப்படும் காம்பாக்ட் எஸ்யூவி ஒரு முறை சார்ஜ் செய்தால் சுமார் 300 கிலோமீட்டர்கள் வரை செல்லும். அம்சங்களைப் பொறுத்தவரை, கனெக்டெட்டகார் தொழில்நுட்பம், டிஜிட்டல் இன்ஸ்ட்ரூமென்ட் கிளஸ்டர் மற்றும் ஆறு ஏர்பேக்குகள் வழங்கப்படும் என்று எதிர்பார்க்கலாம்.

இந்த காம்பாக்ட் SUV, உலகளாவிய மாடலின் நேரடி தழுவலாக இல்லாமல், இந்தியாவிற்காக பிரத்யேகமாக வடிவமைக்கப்பட்ட ஹூண்டாயின் முதல் மின்சார வாகனமாக இருக்கும். கிரெட்டா EV மிட் ரேஞ்ச் மின்சார எஸ்யூவி பிரிவில் நிலை நிறுத்தப்படுவதால், இந்த மாடல் காம்பாக்ட் SUV வகையை இலக்காகக் கொண்டிருக்கும்.

ஹூண்டாய் நிறுவனத்தின் புதிய காம்பேக்ட் எஸ்யூவி மாடலுக்கு டாடா மற்றும் மஹிந்திரா நிறுவனங்களின் வரவிருக்கும் மாடல்களுடன் போட்டி தீவிரமடையும் என்று எதிர்பார்க்கப்படுகிறது.

மத்திய அரசு வசூலித்து வரும் ஜிஎஸ்டி வரியில் சீர்திருத்தங்கள் செய்யப்பட்டுள்ளன. அதன்படி வருகிற 22-ந்தேதிக்கு பின் ஜி.எஸ்.டி. 2.0 சீர்திருத்தங்கள் அமலுக்கு வரவிருக்கிறது. இதன் பிறகு, இந்தியாவில் சிறிய ரக கார்களின் விலை குறைய உள்ளது.

ஜி.எஸ்.டி. மாற்றத்தின் படி, 4 மீட்டருக்கும் குறைவான நீளமும், 1200 சி.சி. பெட்ரோல் அல்லது 1500 சி.சி. டீசல் எஞ்ஜினுக்கு இணையாகவோ அல்லது அதனை காட்டிலும் குறைந்த சி.சி. எஞ்ஜின் கொண்ட பெட்ரோல், டீசல், சி.என்.ஜி. மற்றும் எல்.பி.ஜி. வாகனங்களுக்கான ஜி.எஸ்.டி. வரி 28 சதவிகிதத்தில் இருந்து 18 சதவிகிதமாக குறைகிறது.

இந்நிலையில் ரூ.10 லட்சத்திற்குள் பாதுகாப்பிற்கும், எரிபொருள் சிக்கனத்திற்கும், செயல்திறனுக்கும் பிரபலமான கார்கள், எவ்வளவு விலை குறைய இருக்கின்றன என்பதை தொடர்ந்து பார்ப்போம்.

டாடா பன்ச்

இந்தியாவின் பாதுகாப்பான மற்றும் பிரபலமான மைக்ரோ-எஸ்.யூ.வி. கார்களில் ஒன்று டாடா பன்ச். 1.2 லிட்டர் ரெவோட்ரான் பெட்ரோல் எஞ்ஜின் (87 எச்.பி.) இதில் உள்ளது. ஜி.எஸ்.டி. குறைப்பிற்குபிறகு சுமார் ரூ. 85 ஆயிரம் வரை இந்த காரில் சலுகை கிடைக்கும். சிறிய அளவிலான இந்த எஸ்.யூ.வி. கார் பாதுகாப்பிற்கு முக்கியத்துவம் அளிப்பவர்களுக்கு சிறந்த தேர்வு ஆகும்.

மாருதி சுசுகி வேகன்ஆர்

இது குடும்பங்களிடையே மிகவும் பிரபலமான கார். எரிபொருள் சிக்கனத்திற்கு பிரபலமானது. ஜி.எஸ்.டி. சலுகைக்கு பிறகு சுமார் ரூ.57 ஆயிரம் வரை விலை குறைப்பை பெற இருக்கும் வேகன்ஆர் கார், அதிக இடவசதி மற்றும் மிகக் குறைந்த இயக்கச் செலவுகளை விரும்பும் பெரிய குடும்பங்களுக்கு ஒரு நல்ல தேர்வாகும்.

மஹிந்திரா XUV 3XO

சிறந்த செயல்திறன் மற்றும் மேம்பட்ட பாதுகாப்பு அம்சங்களை வழங்கும் காம்பாக்ட் எஸ்.யூ.வி. காரான இது, ஜி.எஸ்.டி. சலுகைக்கு பிறகு சுமார் ரூ.1.40 லட்சம் வரை விலை குறைக்கப்பட உள்ளது. ரூ.10 லட்சத்திற்குள் சக்தி வாய்ந்த மற்றும் நவீன அம்சங்கள் நிறைந்த கார்களை விரும்புபவர்களுக்கு இது ஒரு சிறந்த தேர்வாகும்.

மாருதி சுசுகி பலேனோ

இது பிரீமியம் ஹேட்ச்பேக் கார் பிரிவில் உள்ளது. விசாலமான மற்றும் தொழிற்நுட்ப அம்சங்கள் நிறைந்த கேபினுக்கு இது பிரபலமானது. ஜி.எஸ்.டி. சலுகைக்கு பிறகு சுமார் ரூ.60 ஆயிரம் வரை விலை குறைய இருக்கிறது. நவீன தொழில்நுட்ப அம்சங்கள் நிறைந்த மற்றும் விசாலமான ஹேட்ச்பேக் கார் தேவைப்படும் குடும்பங்களுக்கு இது ஒரு நல்ல தேர்வாக இருக்கும்.

டாடா அல்ட்ரோஸ்

குளோபல் NCAP கிராஷ் டெஸ்ட்டில் 5 நட்சத்திர ரேட்டிங் பெற்ற டாடா நிறுவனத்தின் மற்றொரு கார் அல்ட்ரோஸ். ஜி.எஸ்.டி. சலுகைக்கு பிறகு சுமார் ரூ.1.10 லட்சம் வரை விலை குறைப்பை பெற உள்ளது. பன்முக எஞ்ஜின் தேர்வுகள் கொண்ட பிரீமியம் மற்றும் பாதுகாப்பான ஹேட்ச்பேக் காரை விரும்புபவர்களுக்கு இது ஒரு சிறந்த தேர்வாகும்.

ஹூண்டாய் எக்ஸ்டர்

டாடா பன்ச்-க்கு போட்டியாக களமிறங்கிய ஹூண்டாயின் மைக்ரோ-எஸ்.யூ.வி. கார் இது. ஜி.எஸ்.டி. சலுகைக்கு பிறகு சுமார் ரூ.89 ஆயிரம் வரை விலை குறைக்கப்பட உள்ளது. நவீன அம்சங்கள் கொண்ட உயரமான எஸ்.யூ.வி. காரை விரும்புபவர்களுக்கு இது ஒரு சிறந்த தேர்வாகும்.

மாருதி சுசுகி ஸ்விப்ட்

இது ஹேட்ச்பேக் கார் பிரிவில் நீண்டகாலமாகவே பிரபலமான மாடலாகும். ஜி.எஸ்.டி. சலுகைக்கு பிறகு சுமார் ரூ.58,000 வரை ஸ்விப்ட் காரின் விலை குறைக்கப்பட உள்ளது. தினசரி நகரப் பயன்பாட்டிற்கும், முதல் முறையாக கார் வாங்குபவர்களுக்கும் இது ஒரு நல்ல தேர்வாக இருக்கும்.

டாடா டியாகோ

பாதுகாப்பான எண்ட்ரி-லெவல் ஹேட்ச்பேக் கார்களில் ஒன்றாக இது கருதப்படுகிறது. ஜி.எஸ்.டி சலுகைக்கு பிறகு சுமார் ரூ.75 ஆயிரம் வரையில் டியாகோ காரின் விலை குறைக்கப்பட்டு உள்ளது. பட்ஜெட்டில் உறுதியான, நம்பகமான மற்றும் பாதுகாப்பான காரை தேடுபவர்களுக்கும், முதல் முறையாக கார் வாங்குபவர்களுக்கும் இது ஒரு சிறந்த தேர்வு.

ஹூண்டாய் கிராண்ட் i10 நியோஸ்

பிரீமியம் உணர்வையும், சவுகரியமான பயண அனுபவத்தையும் வழங்கும் இந்த காரில் 1.2 லிட்டர் காபா பெட்ரோல் எஞ்ஜின் பயன்படுத்தப்படுகிறது. ஜி.எஸ்.டி. சலுகைக்கு பிறகு சுமார் ரூ.74 ஆயிரம் வரை விலை குறைக்கப்பட உள்ளது. ஆடம்பரமான கேபின் உடன் மென்மையாக, நகரத்திற்குள் பயன்படுத்த விரும்புபவர்களுக்கு இது சிறந்த தேர்வாகும்.

ஹூண்டாய் நிறுவனம் i20 நைட் எடிஷன் மாடலை அறிமுகம் செய்துள்ளது. இதன் மூலம் இந்தியாவில் அதன் நைட் எடிஷன் மாடல்கள் எண்ணிக்கையை விரிவுபடுத்தியுள்ளது. ரூ. 9.15 லட்சத்தில் (எக்ஸ்-ஷோரூம்) விலையில் தொடங்கும் இந்த சிறப்பு மாடல், i20-யின் பிரபலத்தை அடிப்படையாகக் கொண்டு, இருண்ட, ஸ்போர்ட்டியர் தோற்றத்துடன் உருவாக்கப்பட்டுள்ளது.

புதிய i20 நைட் எடிஷன் ஸ்போர்ட்ஸ் (O) மற்றும் அஸ்டா (O) வேரியண்ட்களில் வழங்கப்படுகிறது. இந்த எடிஷனில் அலாய் வீல்கள், ரூஃப் ரெயில்கள், ஸ்கிட் பிளேட்டுகள், சைடு சில், வெளிப்புற கண்ணாடிகள், பின்புற ஸ்பாய்லர் மற்றும் மேட் பிளாக் நிறத்தில் ஹூண்டாய் லோகோ உள்ளிட்ட பல பிளாக்-அவுட் அம்சங்கள் சேர்க்கப்பட்டு இருக்கிறது.

இத்துடன் சிவப்பு நிற பிரேக் காலிப்பர்கள், பிரத்யேக நைட் லோகோ மற்றும் ஸ்போர்ட் மெட்டல் பெடல்களை கொண்டுள்ளது. உள்புறம் கேபினில் பிரான்ஸ் இன்சர்ட்களுடன் ஃபுல் பிளாக் தீம் மற்றும் பிரான்ஸ் சிறப்பம்சங்களுடன் பிளாக் நிற இருக்கை மேற்கவர்கள் வழங்கப்படுகிறது.

ஹூண்டாய் நிறுவனம் நைட் எடிஷன் அம்சங்களை i20 N லைன் மாடலுக்கும் நீட்டித்துள்ளது. அதன்படி N8 மற்றும் N10 வேரிண்ட்களில் கிடைக்கும், i20 N லைன் நைட் எடிஷனின் விலை ரூ. 11.43 லட்சத்தில் (எக்ஸ்-ஷோரூம்) தொடங்குகிறது.

தோற்றம் தவிர்த்து மெக்கானிக்கல் அம்சங்களில், இரண்டு மாடல்களும் மாறாமல் உள்ளன. i20 அதன் 1.2 லிட்டர் பெட்ரோல் எஞ்சினுடன் 5-ஸ்பீடு மேனுவல் அல்லது CVT உடன் இணைக்கப்பட்டுள்ளது. இதுதவிர, i20 N லைன் 1.0 லிட்டர் டர்போ பெட்ரோல் எஞ்சினைப் பயன்படுத்துகிறது. இது 6-ஸ்பீடு மேனுவல் அல்லது DCT யூனிட் உடன் இணைக்கப்பட்டுள்ளது.

ஹூண்டாயின் ஹேட்ச்பேக் வரிசையில் உள்ள ஸ்டாண்டர்ட் மற்றும் N லைன் மாடல்களுடன் i20 நைட் மாடல் இடம்பெறும்.

ஹூண்டாய் மோட்டார் இந்தியா நிறுவனம் தனது கிரெட்டா எலெக்ட்ரிக் வரிசையில் மூன்று புதிய வேரியண்களைச் சேர்த்துள்ளது. இது மிட்ரேஞ்ச் மின்சார SUV பிரிவில் அதன் எண்ணிக்கையை விரிவுபடுத்துகிறது. புதிய வேரியண்ட்கள் Excellence (42 kWh), Executive Tech (42 kWh) மற்றும் Executive (O) (51.4 kWh) ஆகும்.

கிரெட்டா எலெக்ட்ரிக் மாடல் இரண்டு பேட்டரி ஆப்ஷன்களுடன் விற்பனைக்கு கிடைக்கிறது. இவற்றில் 420 கிலோமீட்டர்கள் ரேஞ்ச் வழங்கும் 42kWh பேக் மற்றும், 510 கிலோமீட்டர்கள் ரேஞ்ச் வழங்கும் 51.4kWh யூனிட் ஆகியவை அடங்கும். இங்கு குறிப்பிடப்பட்டு இருக்கும் ரேஞ்ச் ARAI சான்றளிக்கப்பட்டவை ஆகும்.

புதிய Excellence (42 kWh) வேரியண்ட் லெவல் 2 ADAS, 360-டிகிரி வியூ மானிட்டர், பிளைண்ட்-ஸ்பாட் மானிட்டர், முன்பக்க பார்க்கிங் சென்சார்கள், டேஷ் கேமரா, பின்புற வயர்லெஸ் சார்ஜர், ஓட்டுநர் மற்றும் பயணிகள் இருக்கைகள், முன்புற இருக்கைகள் வென்டிலேஷன் வசதி மற்றும் மடிக்கக்கூடிய செட்பேக் மேசையுடன் வருகிறது.

கிரெட்டா எலெக்ட்ரிக் Executive Tech (42 kWh) காரில் குரல்-செயல்படுத்தப்பட்ட பனோரமிக் சன்ரூஃப், இகோ-லெதர் சீட்கள், முன்புறத்தில் வென்டிலேட்டெட் இருக்கைகள் மற்றும் பின்புறம் சன்ஷேட் விண்டோ போன்ற அம்சங்கள் உள்ளன. அதே நேரத்தில் Executive (O) (51.4 kWh) காரில் நீண்ட தூர பேட்டரி மற்றும் ஸ்மார்ட் பனோரமிக் சன்ரூஃப் போன்ற பிரீமியம் அம்சங்கள் உள்ளன.

அனைத்து கிரெட்டா எலெக்ட்ரிக் வேரியண்ட்களும் இப்போது வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே வசதியை அடாப்டர் வழியாகப் பெறுகின்றன. அதே நேரத்தில் டாப் எண்ட் வேரியண்ட்களில் டேஷ் கேமரா மற்றும் வயர்லெஸ் ரியர் சார்ஜிங் போன்ற அம்சங்கள் சேர்க்கப்படுகின்றன. இந்த கார்களில் ஹூண்டாய் தற்போது மேட் பிளாக் மற்றும் ஷேடோ கிரே வண்ண விருப்பங்களையும் அறிமுகப்படுத்தியுள்ளது.

ஹூண்டாய் மோட்டார் இந்தியா லிமிடெட் (HMIL) அதன் SUV, ஹூண்டாய் க்ரெட்டா ஜனவரி முதல் ஜூலை 2025 வரை அனைத்துப் பிரிவுகளிலும் நாட்டில் அதிகம் விற்பனையாகும் மாடலாக உருவெடுத்துள்ளதாகக் தெரிவித்துள்ளது.

இந்த காலகட்டத்தில் 1,17,458 யூனிட்கள் விற்பனையாகி, ஆண்டுக்கு ஆண்டு 8% வளர்ச்சியுடன் (ஜனவரி முதல் ஜூலை 2024 வரை), ஹூண்டாய் க்ரெட்டா தொடர்ந்து "இந்திய வாகன நிலப்பரப்பில் ஆதிக்கம் செலுத்தி, வாடிக்கையாளர்களிடையே ஒரு சிறந்த தேர்வாக அதன் நற்பெயரை உறுதிப்படுத்துகிறது" என்று அந்நிறுவனம் தெரிவித்துள்ளது.

ஹூண்டாய் மோட்டார் இந்தியா லிமிடெட்டின் முழுநேர இயக்குநரும் தலைமை இயக்க அதிகாரியுமான தருண் கார்க் கூறுகையில், "ஹூண்டாய் கிரெட்டாவின் பத்தாண்டுகளைக் கொண்டாடும் வேளையில், எங்கள் வாடிக்கையாளர்களின் அசைக்க முடியாத அன்பு மற்றும் நம்பிக்கையால் நாங்கள் உண்மையிலேயே பணிவுடன் இருக்கிறோம். ஜனவரி - ஜூலை 2025 காலகட்டத்தில் அனைத்துப் பிரிவுகளிலும் இந்தியாவின் அதிகம் விற்பனையாகும் காராக மாறுவது ஒரு விற்பனை மைல்கல் மட்டுமல்ல, பல ஆண்டுகளாக கிரெட்டா உருவாக்கிய உணர்ச்சிபூர்வமான தொடர்பையும் இது பிரதிபலிக்கிறது.

நாங்கள் முன்னேறும்போது, வாடிக்கையாளர் அனுபவத்தைத் தொடர்ந்து உயர்த்துவதில் எங்கள் உறுதிப்பாடு உறுதியாக உள்ளது" என்று அவர் கூறினார்.

ஹூண்டாய் மோட்டார் இந்தியா லிமிடெட் தனது என்ட்ரி லெவல் செடான் மாடல் ஹூண்டாய் ஆரா புதிய வேரியண்ட் -S AMT-ஐ அறிவித்துள்ளது. இந்த புதிய வேரியண்ட் மூலம், ஹூண்டாய் நிறுவனம் அதன் மேம்பட்ட AMT தொழில்நுட்பத்தை பரந்த வாடிக்கையாளர் தளத்திற்கு அணுகக்கூடியதாக இருக்கும் என்று கூறுகிறது.

இளம் இந்திய வாடிக்கையாளர்களின் வளர்ந்து வரும் விருப்பங்களை பூர்த்தி செய்யும் வகையில் இந்த வேரியண்ட் வடிவமைக்கப்பட்டு இருப்பதாகவும், மலிவு விலை செடானில் ஸ்டைல், வசதி மற்றும் சௌகரியத்தின் சரியான கலவையை வழங்குவதாகவும் ஹூண்டாய் கூறுகிறது.

புதிய வேரியண்ட் அறிமுகம் குறித்து ஹூண்டாய் மோட்டார் இந்தியா லிமிடெட்டின் முழுநேர இயக்குநரும் தலைமை இயக்க அதிகாரியுமான தருண் கார்க் கூறுகையில், "ஹூண்டாய் நிறுவனத்தில், பரந்த அளவிலான வாடிக்கையாளர்களுக்கு ஸ்மார்ட் மொபிலிட்டியை அணுகக்கூடியதாக மாற்ற நாங்கள் உறுதிபூண்டுள்ளோம். ஹூண்டாய் AURA S AMT-யில் மேம்பட்ட AMT டிரான்ஸ்மிஷனை அறிமுகப்படுத்துவது, தொழில்நுட்பத்தை அனைவருக்கும் கிடைக்க செய்வதும் வாடிக்கையாளர்களின் வசதியை மேம்படுத்துவதற்கும் எங்கள் தொடர்ச்சியான முயற்சிகளை பிரதிபலிக்கிறது.

இந்த அறிமுகத்தின் மூலம், மலிவு விலையில் உயர்ந்த சௌகரியம், பாதுகாப்பு, செயல்திறன் மற்றும் வசதியை என்ட்ரி லெவல் பிரிவிலும் வழங்குவதை நோக்கமாகக் கொண்டுள்ளோம்," என்றார்

ஹூண்டாய் ஆரா S AMT 1.2 லிட்டர் கப்பா பெட்ரோல் எஞ்சின் மூலம் இயக்கப்படுகிறது. இது 5-ஸ்பீடு ஆட்டோமேட்டிக் கியர்பாக்ஸுடன் இணைக்கப்பட்டுள்ளது. இது முறையே 83 hp பவர் மற்றும் 113.8 Nm டார்க் வெளிப்படுத்தும் திறன் கொண்டது.

மேலும், புதிய ஹூண்டாய் ஆரா S AMT வேரியண்டில் எலக்ட்ரானிக் ஸ்டெபிலிட்டி கண்ட்ரோல் (ESC), ஹில் ஸ்டார்ட் அசிஸ்ட் கண்ட்ரோல் (HAC), LED டே-லைட் ரன்னிங் லேம்ப்கள் (DRLs), 6 ஏர்பேக்குகள், டயர் பிரஷர் கண்காணிப்பு அமைப்பு, எலெக்ட்ரிக் ஃபோல்டிங் மற்றும் டர்ன் இன்டிகேட்டர்களுடன் கூடிய வெளிப்புற ரியர் வியூ மிரர் மற்றும் பல அம்சங்கள் உள்ளன.

இந்த அம்சங்களைத் தவிர, பின்புறம் மையத்தில் ஆர்ம்ரெஸ்ட், முன் மற்றும் பின்புறத்தில் 12-V சார்ஜிங் போர்ட்கள், USB மற்றும் ப்ளூடூத் இணைப்புடன் கூடிய 2-DIN ஆடியோ சிஸ்டம், ஸ்டீயரிங்-மவுண்டட் ஆடியோ கண்ட்ரோல்கள், 4 ஸ்பீக்கர்கள் மற்றும் பவர் விண்டோக்கள் போன்ற உட்புற அம்சங்களும் இதில் அடங்கும்.

ஹூண்டாய் ஆரா S AMT ரூ.8,07,700 (எக்ஸ்-ஷோரூம்) விலையில் அறிமுகம் செய்யப்பட்டுள்ளது. இதன் மூலம், இப்போது மொத்தம் ஆறு வேரியண்ட்களைக் கொண்டுள்ளது. இந்தியாவில் ஹூண்டாய் ஆரா மாடல் விலை ரூ.6.48 லட்சத்தில் (எக்ஸ்-ஷோரூம்) தொடங்குகிறது.

புதுப்பிக்கப்பட்ட ஹூண்டாய் ஐயோனிக் 6 இந்த ஆண்டின் தொடக்கத்தில் அறிமுகமானது. இருப்பினும், அந்த நேரத்தில் வரவிருக்கும் N மாறுபாட்டின் விவரங்களை அந்த நிறுவனம் வெளியிடவில்லை. 2026 ஹூண்டாய் ஐயோனிக் 6 N மாடலின் டீசர்கள் வெளியிடப்பட்டு வருகிறது. இந்த நிலையில், புதிய எலெக்ட்ரிக் மாடலை ஹூண்டாய் நிறுவனம் "குட்வுட் ஃபெஸ்டிவல் ஆஃப் ஸ்பீடு" நிகழ்வில் வைத்து அறிமுகம் செய்யும் என்று தெரிகிறது.

தோற்றத்தின் அடிப்படையில், 2026 ஹூண்டாய் ஐயோனிக் 6 N, ஏற்கனவே அறிமுகம் செய்யப்பட்ட ஐயோனிக் 6 மாடலை போன்ற தோற்றம் மற்றும் வடிவமைப்பு அம்சங்களை கொண்டுள்ளது. இதில் புதிய நேர்த்தியான ஹெட்லைட்களும் அடங்கும். இந்த மாடலில் புதிதாக N பேட்ஜுடன், இப்போது அகலமான ஃபெண்டர்கள் மற்றும் ஸ்வான் நெக் பின்புற இறக்கை பெறுகிறது.

புதிய பிளாக் சைடு சில்ஸ் மற்றும் பின்புற முனையில் புதிய பம்பர் வழங்கப்படுகிறது. ஆக்ரோஷமான தோற்றத்திற்கு மேலும் வலுசேர்க்க, ஃபெண்டர்கள் விரிவடைந்துள்ளன. இவற்றுடன் பெர்ஃபாமன்ஸ் ப்ளூ பேர்ல் ஷேடோ ஃபினிஷ் செய்யப்பட்டுள்ளது.

ஹூண்டாய் ஐயோனிக் 5 N உடன் அதன் பவர்டிரெய்னைப் பகிர்ந்து கொள்ளும் இந்த கார், ஆல்-வீல்-டிரைவ் பவர்டிரெய்ன் மற்றும் 601 hp பவர் வெளிப்படுத்துகிறது. இது போதாது என்றால், காரில் N க்ரின் பூஸ்ட் பட்டன் வழங்கப்பட்டு இருக்கிறது.

இது 84 kWh பேட்டரி பேக்கிலிருந்து அதிக திறனை உறிஞ்சும் அதே வேளையில் 10 வினாடிகளுக்கு 641 hp ஆக வெளியீட்டை அதிகரிக்கிறது. பயன்படுத்தப்படும்போது, இந்த செடான் 3.2 வினாடிகளில் நின்றுகொண்டிருக்கும் நிலையிலிருந்து மணிக்கு 100 கிலோமீட்டர்கள் வேகத்தை அடைகிறது. இந்த கார் அதிகபட்சம் மணிக்கு 257 கிலோமீட்டர் வேகத்தை எட்டுகிறது. 350 kW DC ஃபாஸ்ட் சார்ஜரைப் பயன்படுத்தி பேட்டரியை 18 நிமிடங்களில் 10 முதல் 80 சதவீதம் வரை சார்ஜ் செய்ய முடியும்.

வேகத்தைக் கட்டுப்படுத்த, ஹூண்டாய் ஐயோனிக் 6 N நான்கு-பிஸ்டன் முன் காலிப்பர்களையும், பின்புறத்தில் முறையே 15.7 மற்றும் 14.1-இன்ச் ரோட்டர்களுடன் கூடிய ஒற்றை-பிஸ்டன் யூனிட்டையும் பெறுகிறது.

ஹூண்டாய் தற்போது 2026 ஆம் ஆண்டில் பேயோன் எஸ்யூவியை இந்திய சந்தையில் அறிமுகப்படுத்தும் பணியில் ஈடுபட்டுள்ளது. இது குறித்து வெளியாகி இருக்கும் தகவல்களின் படி, இந்த சப்-காம்பாக்ட் எஸ்யூவி ஹூண்டாய் உருவாக்கிய புதிய எஞ்சின் மூலம் இயக்கப்படும். மேலும், 2030 ஆம் ஆண்டுக்குள் 26 புதிய கார்களை நாட்டிற்கு கொண்டு வர ஹூண்டாய் ஏற்கனவே தனது திட்டத்தை அறிவித்துள்ளது. அதன் வருகையுடன், ஹூண்டாய் பேயோன் இந்தியாவில் மாருதி சுசுகி ஃபிராங்க்ஸ் போன்றவற்றுடன் போட்டியிடும்.

ஹூண்டாய் பேயோன்: வெளிப்புறம்

புதிய ஹூண்டாய் பயோன் ஆசிய, ஆப்பிரிக்க மற்றும் ஐரோப்பிய சந்தைகளில் விற்பனையில் உள்ளது. எனவே, பயோன் இந்தியா மாடல்களில் அதிக மாற்றங்கள் இருப்பது சந்தேகம் தான்.

இந்த சிறிய எஸ்யூவி காரின் முன்பக்க வடிவமைப்பு அம்சங்கள் ஹூண்டாய் வெர்னாவில் இருந்து பெறப்பட்டுள்ளன. இது நேர்த்தியான ஹெட்லேம்ப் அமைப்பு, பானட்டில் LED ஸ்ட்ரிப், ஹனிகொம்ப் வடிவ ஏர் டேம்கள் மற்றும் பலவற்றைக் கொண்டுள்ளது. பின்புறத்தில், ஹூண்டாய் பேயோன் LED ஸ்ட்ரிப் மூலம் இணைக்கப்பட்ட பூமராங் வடிவ டெயில்லேம்ப், பம்பரில் பிளாக் மற்றும் சில்வர் அக்சென்ட் செய்யப்பட்டுள்ளது.

ஹூண்டாய் பேயோனின் உட்புறம் 10.25 இன்ச் இன்ஃபோடெயின்மென்ட் டச்-ஸ்கிரீன், 10.25 இன்ச் டிஜிட்டல் டிரைவர் டிஸ்ப்ளே, HVAC கண்ட்ரோல் பேனல், வயர்லெஸ் சார்ஜிங், கனெக்டெட் கார் தொழில்நுட்பம், ஓவர்-தி-ஏர் (OTA) அப்டேட்கள், வேகமாக சார்ஜ் செய்யும் USB டைப்-சி போர்ட்கள், சுற்றுப்புற விளக்குகள், 8-ஸ்பீக்கர் போஸ் சவுண்ட் சிஸ்டம் மற்றும் பல உள்ளன.

ஆட்டோகார் வெளியிட்டுள்ள தகவல்களின்படி, ஹூண்டாய் பேயோன் பிராண்டின் புதிதாக உருவாக்கப்பட்ட 1.2 லிட்டர் டர்போ பெட்ரோல் எஞ்சின் மூலம் இயக்கப்படும். மேலும் இது 160 hp பவர், 253 Nm இன் டார்க் வெளிப்படுத்தும். இத்துடன் 1.0 லிட்டர் டர்போ பெட்ரோல் யூனிட் ஆப்ஷனும் வழங்கப்படும் என்று எதிர்பார்க்கப்படுகிறது.