நீங்கள் தேடியது "Tata Harrier"

2025-ம் ஆண்டு இறுதி மாதம் இன்று பிறந்துள்ளதால் பல புதிய மாடல்களுடன் இந்த ஆண்டு நிறைவு பெற உள்ளது. அதன்படி இம்மாதத்தில் வரவிருக்கும் மின்சார மற்றும் பெட்ரோல், டீசல் மாடல்கள் குறித்து பார்ப்போம்.

மாருதி சுசுகி இ விட்டாரா – டிசம்பர் 2

மாருதி சுசுகி தனது முதல் முழு மின்சார மாடலான இ விட்டாராவை நாளை (டிச.2) இந்தியாவில் அறிமுகப்படுத்தத் தயாராகி வருகிறது. இ விட்டாரா காரில் Y-வடிவ DRLகள், கனெக்டெட் டெயில் லேம்ப் உள்ளன. சர்வதேச சந்தைகளில், இந்த மாடல் ADAS, 10.25-இன்ச் டிஜிட்டல் இன்ஸ்ட்ரூமென்ட் கிளஸ்டர், 10.1-இன்ச் இன்ஃபோடெயின்மென்ட் சிஸ்டம், சரவுண்ட் லைட்கள் போன்ற அம்சங்கள் உள்ளன.

டாடா ஹேரியர், சஃபாரி - டிசம்பர் 9

வருகிற 9ஆம் தேதி டாடா மோட்டார்ஸ் ஹேரியர் மற்றும் சஃபாரி பெட்ரோல் மாடல்களை அறிமுகப்படுத்த உள்ளது. சமீபத்தில் அறிமுகப்படுத்தப்பட்ட சியரா எஸ்.யூ.வி.யுடன் புதிய பெட்ரோல் என்ஜின்கள் அறிமுகமானதைத் தொடர்ந்து இந்த மாடல்கள் அறிமுகம் செய்யப்படுகின்றன. ஹேரியர் மற்றும் சஃபாரி இரண்டும் 1.5 லிட்டர் நேச்சுரலி ஆஸ்பிரேட்டட் பெட்ரோல் என்ஜின் மற்றும் 1.5 லிட்டர் டர்போ-பெட்ரோல் மோட்டாருடன் வரும் என தகவல்.

கியா செல்டோஸ் - டிசம்பர் 10

வருகிற 10-ந்தேதி கியா நிறுவனம் இரண்டாம் தலைமுறை செல்டோஸ் மாடலை அறிமுகப்படுத்த இருக்கிறது. வரவிருக்கும் செல்டோஸ், புதுப்பிக்கப்பட்ட டெல்லூரைடைப் போலவே, கியாவின் சமீபத்திய டிசைன் கொண்டிருக்கும் என்று எதிர்பார்க்கப்படுகிறது.

மினி கூப்பர் கன்வெர்ட்டிபிள் - டிசம்பர் 2025

மினி இந்தியா நிறுவனம் புதிய கூப்பர் கன்வெர்ட்டிபிள் மாடலை டிசம்பர் மாதத்தில் அறிமுகப்படுத்துவதற்கு முன்னதாக முன்பதிவுகளைத் தொடங்கியுள்ளது, இருப்பினும் சரியான தேதி இன்னும் அறிவிக்கப்படவில்லை. இந்த மாடலில் 201 hp பவர், 300 Nm டார்க் உற்பத்தி செய்யும் 2.0-லிட்டர் டர்போ-பெட்ரோல் என்ஜின் வழங்கப்படலாம். இது 7-ஸ்பீடு ஆட்டோமேடிக் டிரான்ஸ்மிஷனுடன் வரும் என்று தெரிகிறது.

டாடா நிறுவனத்தின் புதுவரவு எலெக்ட்ரிக் கார் ஹாரியர் EV. சமீபத்தில் வெளியான இந்த ஃபுல் சைஸ் எலெக்ட்ரிக் எஸ்யூவி மாடல் வாடிக்கையாளர்கள் மத்தியில் பெரும் வரவேற்பை பெற்றுள்ளது. இந்த கார் வாங்க பலரும் ஆவலோடு காத்திருக்கும் நிலையில், சென்னையில் இதன் வெளியீட்டு நிகழ்வு நடைபெற்றது.

சென்னை கேளம்பாக்கத்தில் உள்ள மெட்ராஸ் ஆஃப்-ரோடு அகாடமியில் முற்றிலும் புதிய ஹாரியர் EV-இன் செயல்திறன் பரிசோதனைக்கு உட்படுத்தப்பட்டது. இதற்கான நிகழ்வில் டாடா வல்லுநர்கள், வாடிக்கையாளர்கள் மற்றும் பலர் கலந்து கொண்டனர். வந்தவர்கள் டாடா ஹாரியர் EV கரடு முரடான பாதையில் செய்த சம்பவங்களை பார்த்து வாடிக்கையாளர்கள் அதிர்ச்சியில் ஆழ்ந்திருந்தனர்.

முற்றிலும் புதிய ஹாரியர் EV இரண்டு எலெக்ட்ரிக் மோட்டார்களுடன் வருகிறது. இவை இரண்டும் இணைந்து அதிகபட்சமாக 504 நியூட்டன் மீட்டர் டார்க் வெளிப்படுத்தும் திறன் கொண்டுள்ளன. இந்த எலெக்ட்ரிக் கார் மணிக்கு 0 முதல் 100 கிலோமீட்டர்கள் வேகத்தை வெறும் 6.3 நொடிகளில் எட்டிவிடும். கரடு முரடான பாதையில் சீரான பயணத்தை உறுதி செய்ய ஏதுவாக இந்த காரில் ஆஃப்-ரோடு அசிஸ்ட் வழங்கப்பட்டுள்ளது.

டாடா ஹாரியர் EV மாடல் Boost, Sport, City மற்றும் ECO என நான்குவித டிரைவிங் மோட்களை கொண்டிருக்கிறது. இந்த காரில் வேரியண்டிற்கு ஏற்ப 65 கிலோவாட் ஹவர் மற்றும் 75 கிலோவாட் ஹவர் பேட்டரி பேக் ஆப்ஷன்களாக வழங்கப்படுகிறது. இவ்விரண்டிற்கும் வெவ்வேறு மைலேஜ்கள் அமைந்துள்ளது. இவற்றுடன் 7.2 கிலோவாட் AC ஃபாஸ்ட் சார்ஜிங் யூனிட் வழங்கப்படுகிறது.

டாடா மோட்டார்ஸ் சமீபத்தில் இந்தியாவில் ஹாரியர் எலெக்ட்ரிக் காரை ரூ.21.49 லட்சம் (எக்ஸ்-ஷோரூம்) ஆரம்ப விலையில் அறிமுகம் செய்துள்ளது. இந்த எலெக்ட்ரிக் எஸ்.யூ.வி.-இல் அட்வென்ச்சர், ஃபியர்லெஸ் மற்றும் எம்பவர்டு என மூன்று வேரியண்ட்கள் இருக்கும் என்று டாடா நிறுவனம் தெரிவித்துள்ளது. ஹாரியர் எலெக்ட்ரிக் காரின் அம்சங்கள் மற்றும் விவரங்களை டாடா வெளியிட்டுள்ளது.

டாடா ஹாரியர் பேசிக் வேரியண்ட்: எக்ஸ்டீரியர்

ஹாரியர் எலெக்ட்ரிக் காரின் பேசிக் வேரியண்ட், டாப் எண்ட் போலவே வெளிப்புற தோற்றத்தை பெறும். இது LED பை-ப்ரொஜெக்டர் ஹெட்லேம்ப், LED DRLகள், LED டெயில் லேம்ப்கள், இரு முனைகளிலும் கனெக்டெட் லைட்கள், ரூஃப் ரெயில்கள், ஷார்க்-ஃபின் ஆண்டெனா மற்றும் பலவற்றைக் கொண்டிருக்கும். மேலும், ஹாரியர் எலெக்ட்ரிக் அட்வென்ச்சரில் 18-இன்ச் அலாய் வீல்கள் ஏரோ இன்செர்ட்டுகள் மற்றும் பக்கவாட்டுகளிலும், பின்புறத்திலும் EV பேட்ஜிங் பொருத்தப்பட்டிருக்கும்.

டாடா ஹாரியர் எலெக்ட்ரிக்: இன்டீரியர்

உட்புறத்தில், டாடா ஹாரியர் பேசிக் வேரியண்டில் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார் பிளேவுடன் 10.25-இன்ச் டச் ஸ்கிரீன் இன்ஃபோடெயின்மென்ட் சிஸ்டம், 10.25-இன்ச் இன்ஸ்ட்ரூமென்ட் கிளஸ்டர், தானியங்கி கிளைமேட் கண்ட்ரோல், பின்புறமும் ஏசி வென்ட்கள், நான்கு-ஸ்பீக்கர் ஆடியோ சிஸ்டம் மற்றும் பலவற்றைக் கொண்டுள்ளது.

டாடா ஹாரியர் எலெக்ட்ரிக்: பேட்டரி மற்றும் பவர்டிரெய்ன்

டாடா நிறுவனம், ஹாரியர் எலெக்ட்ரிக் காரில் 75 கிலோவாட் பேட்டரி பேக் பொருத்தப்பட்டு, 627 கிமீ வரை பயணிக்கும் திறன் கொண்டதாக இருக்கும் என்று அறிவித்துள்ளது. இருப்பினும், இந்த விவரக்குறிப்புகள் மின்சார எஸ்யூவியின் டாப் வேரியண்ட்களைப் பொறுத்தது. அட்வென்ச்சர் வேரியண்டின் சரியான பேட்டரி மற்றும் பவர்டிரெய்ன் விவரங்கள் இன்னும் வெளியிடப்படவில்லை. இருப்பினும், இது 65 கிலோவாட் பேட்டரி பேக் பெறும் என்று எதிர்பார்க்கப்படுகிறது.

இந்திய வாடிக்கையாளர்கள் மத்தியில் மிகப்பெரிய எதிர்பார்ப்புகளை ஏற்படுத்தியுள்ள டாடா ஹாரியர் எலெக்ட்ரிக் கார் இன்று அறிமுகம் செய்யப்பட்டது.

டாடா ஹாரியர் EV கார் இந்தியாவில் ரூ.21.49 லட்சம் ரூபாய்க்கு (எக்ஸ் ஷோ ரூம் விலை) அறிமுகப்படுத்தப்பட்டுள்ளது.

இந்த எலெக்ட்ரிக் காரில் 65kWh மற்றும் 75kWh பேட்டரி பேக் ஆப்ஷன்கள் உள்ளன. இந்த பேட்டரியின் மூலம் அதிகபட்சமாக 396hp பவரையும் மற்றும் 504Nm டார்க் சக்தியையும் வெளிப்படுத்தும்

எம்பவர்டு ஆக்சைடு, நைனிடால் நாக்டர்ன், பிரிஸ்டைன் ஒயிட் மற்றும் ப்யூர் கிரே ஆகிய 4 வண்ணங்களில் இந்த மாடல் சந்தியில் அறிமுகப்படுத்தப்பட்டுள்ளது.

ஹாரியர் EVயின் RWD 75kWh பேட்டரியில் ஒரு முறை சார்ஜ் செய்தால் 627 கிமீ வரை பயணிக்க முடியும். 7.2kW AC சார்ஜர் மூலம் ஹாரியர் EVயை 10.7 மணி நேரத்தில் முழுமையாக சார்ஜ் செய்ய முடியும்.

இந்த மாடல் 0-100 கிமீ வேகத்தை 6.3 வினாடிகளில் எட்டிவிடும் என்று கூறப்படுகிறது. இந்த மின்சார காருக்கான முன்பதிவு ஜூலை 2 ஆம் தேதி தொடங்கும் என்று தெரிவிக்கப்பட்டுள்ளது.

இந்திய ஆட்டோமொபைல் உற்பத்தியாளரான டாடா, இந்தியாவில் தனது எலெக்ட்ரிக் வாகன பிரிவை பன்முகப்படுத்த தயாராகி வருகிறது. டாடா கர்வ் எலெக்ட்ரிக் மாடல் அறிமுகம் செய்யப்பட்டதன் மூலம், இந்த நிறுவனம் இப்போது மற்ற எலெக்ட்ரிக் வாகனங்களில் கவனம் செலுத்துகிறது. அதன்படி, டாடா நிறுவனம் தற்போது ஹேரியர் எலெக்ட்ரிக் மாடலை இந்தியாவில் அறிமுகப்படுத்த திட்டமிட்டுள்ளது. ஹேரியர் எலெக்ட்ரிக் மாடல் ஜூன் 3, 2025 வெளியாக இருக்கிறது.

டாடா ஹேரியர் EV: வெளிப்புற புதுப்பிப்புகள்

டாடா ஹேரியர் EV, அதன் ICE பதிப்பின் பெரும்பாலான வெளிப்புற வடிவமைப்பு மற்றும் கூறுகளைத் தக்க வைத்துக் கொண்டுள்ளது. இருப்பினும், மூடிய-ஆஃப் கிரில், குரோம்-டிரிம் செய்யப்பட்ட ஏர் டேம், சில்வர் நிற கிளாடிங், முன் கதவுகளில் "EV" பேட்ஜ், டெயில்கேட்டில் "HARRIER.EV" பேட்ஜ் மற்றும் புதுப்பிக்கப்பட்ட பம்பர் வடிவமைப்புகள் செய்யப்பட்டுள்ளன.

இத்துடன் செங்குத்தான LED ஹெட்லேம்ப்கள், பிளேடு வடிவ DRLகள், கருப்பு நிற D-பில்லர், ப்ளோட்டிங் ரூஃப், பின்புற பம்பரில் ஒருங்கிணைக்கப்பட்ட செங்குத்தாக அடுக்கப்பட்ட LED ஃபாக் லேம்ப் மற்றும் பலவற்றை கொண்டுள்ளது.

டாடா ஹேரியர் EV: உட்புற புதுப்பிப்புகள்

டாடா ஹேரியர் EV டீசல் வெர்ஷனில் இருந்து உட்புற கூறுகளை பெறுகிறது. இது 12.3-இன்ச் டச்-ஸ்கிரீன் இன்ஃபோடெயின்மென்ட் யூனிட், 4-ஸ்போக் ஸ்டீயரிங் வீல், டூயல் டோன் டேஷ்போர்டு, 10.25-இன்ச் டிஜிட்டல் டிரைவர் டிஸ்ப்ளே, JBL-இன் 10-ஸ்பீக்கர் சவுண்ட் சிஸ்டம், வென்டிலேட் செய்யப்பட்ட முன்புற இருக்கைகள், டூயல் ஜோன் கிளைமேட் கண்ட்ரோல், பனோரமிக் சன்ரூஃப், டச் அடிப்படையிலான HVAC மற்றும் பலவற்றைக் கொண்டுள்ளது.

டாடா ஹேரியர் EV: பேட்டரி மற்றும் பவர்டிரெய்ன்

டாடா ஹேரியர் EV-யின் பேட்டரி மற்றும் பவர்டிரெய்ன் விவரங்கள் இன்னும் வெளியிடப்படவில்லை. இருப்பினும், பின்புற அச்சில் பொருத்தப்பட்ட மின்சார மோட்டாரின் இணைப்பின் காரணமாக இது AWD அமைப்பைப் பெறும் என்று தெரிகிறது. மேலும், இது கர்வ் EV-ஐ விட பெரிய பேட்டரியை பெறும் என்றும் 500 Nm டார்க்கை வெளியிடும் என்றும் எதிர்பார்க்கப்படுகிறது.