நீங்கள் தேடியது "ஹூண்டாய்"

ஹூண்டாய் நிறுவனம் தனது ஐயோனிக் 5 எலெக்ட்ரிக் காரின் பெர்ஃபார்மன்ஸ் வெர்ஷனை அறிமுகம் செய்யப்பட்டது. புதிய ஐயோனிக் 5 N மாடல் அதன் ஸ்டான்டர்டு மாடலை தழுவி உருவாக்கப்பட்டு இருக்கும் என்று தெரிகிறது. ஹூண்டாய் ஐயோனிக் 5 மாடல் 2022 சர்வதேச கார் என்ற பெருமையை பெற்றது.

புதிய ஐயோனிக் 5 N மாடல், அதிக செயல்திறன் எதிர்பார்க்கும் பெட்ரோல் காரில் இருந்து எலெக்ட்ரிக் வாகனத்திற்கு மாறிய வாடிக்கையாளர்களை குறிவைத்து உருவாக்கப்பட்டு இருக்கிறது. ஐயோனிக் 5 N மாடல் 2023 குட்வுட் ஃபெஸ்டிவல் ஆஃப் ஸ்பீடு நிகழ்வில் அறிமுகம் செய்யப்பட்டது. இந்தியாவில் அறிமுகம் செய்யப்பட இருக்கும் முதல் N பேட்ஜ் கொண்ட மாடல் இது ஆகும்.

ஸ்டான்டர்டு மாடலுடன் ஒப்பிடும் போது ஐயோனிக் 5 மாடல் 20 மில்லிமீட்டர் சிறியதாகவும், 50 மில்லிமீட்டர் அளவுக்கு அகலமாகவும், 80 மில்லிமீட்டர் அளவுக்கு நீளமாகவும் இருக்கிறது. இவை தவிர காரின் ஒட்டுமொத்த ஸ்டைலிங்கில் அதிக மாற்றங்கள் செய்யப்படவில்லை. இந்த காரின் பம்ப்பரில் ஏர் கர்டெயின், வென்ட் மற்றும் இன்டேக்குகள் உள்ளன.

ஹூண்டாய் ஐயோனிக் 5 N மாடலில் 84 கிலோவாட் ஹவர் பேட்டரி யூனிட் வழங்கப்படுகிறது. இதில் உள்ள பேட்டரியில் மேம்பட்ட தெர்மல் மேனேஜ்மென்ட் சிஸ்டம் வழங்கப்படுகிறது. இத்துடன் இரண்டு நிரந்தர மேக்னட் மோட்டார்கள் வழங்கப்பட்டுள்ளன. இவை ஒருங்கிணைந்து 600 ஹெச்பி வரையிலான திறன் வெளிப்படுத்துகின்றன.

இந்த காரில் உள்ள N க்ரின் பூஸ்ட் மோட் 641 ஹெச்பி வரையிலான திறன் கொண்டிருக்கிறது. மேலும் லான்ச் கன்ட்ரோல் மூலம் இந்த கார் 3.4 நொடிகளில் 100 கிலோமீட்டர்கள் வேகத்தில் சென்றுவிடுகிறது. இந்த கார் மணிக்கு அதிகபட்சம் 260 கிலோமீட்டர் வேகத்தில் செல்லும் திறன் கொண்டிருக்கிறது. 350 கிலோவாட் டிசி ஃபாஸ்ட் சார்ஜர் பயன்படுத்தும் போது இந்த காரை 18 நிமிடங்களில் 80 சதவீதம் வரை சார்ஜ் செய்திட முடியும்.

ஹூண்டாய் இந்தியா நிறுவனம் இந்திய சந்தையில் தனது பிளாக்ஷிப் எலெக்ட்ரிக் எஸ்யுவி, ஐயோனிக் 5 மாடல் 500-க்கும் அதிக யூனிட்கள் விற்பனையாகி இருப்பதாக அறிவித்து இருக்கிறது. ஹூண்டாய் எக்ஸ்டர் அறிமுக நிகழ்வின் போது இந்த அறிவிப்பு வெளியானது. ஆட்டோ எக்ஸ்போ நிகழ்வில் காட்சிக்கு வைக்கப்பட்ட ஐயோனிக் 5 மாடல் ஜனவரி மாதம் அறிமுகம் செய்யப்பட்டது.

கோனா எலெக்ட்ரிக் மாடலை தொடர்ந்து ஹூண்டாய் நிறுவனம் அறிமுகம் செய்திருக்கும் இரண்டாவது எலெக்ட்ரிக் கார் ஐயோனிக் 5 ஆகும். ஹூண்டாய் ஐயோனிக் 5 மாடல் E-GMP பிளாட்ஃபார்மில் உருவாக்கப்பட்ட முதல் கார் ஆகும். இதே பிளாட்ஃபார்மில் கியா EV6 மாடலும் உருவாக்கப்பட்டு இருக்கிறது.

இந்திய சந்தையில் ஹூண்டாய் ஐயோனிக் 5 மாடல் 72.6 கிலோவாட் ஹவர் பேட்டரி பேக் ஆப்ஷனில் கிடைக்கிறது. இந்த கார் முழு சார்ஜ் செய்தால் 631 கிலோமீட்டர்கள் வரையிலான ரேன்ஜ் வழங்கும் என்று ARAI சான்று பெற்று இருக்கிறது. இதில் உள்ள மோட்டார் 215 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் மணிக்கு அதிகபட்சம் 185 கிலோமீட்டர் வேகத்தில் செல்லும்.

அம்சங்களை பொருத்தவரை ஐயோனிக் 5 மாடலில் எலெக்ட்ரானிக் ஸ்டேபிலிட்டி கன்ட்ரோல், ADAS, பல்வேறு ஏர்பேக்குகள் வழங்கப்படுகின்றன. இந்த காரை கொண்டு லேப்டாப், ஸ்மர்ட்போன் போன்ற சாதனங்களுக்கு சார்ஜ் ஏற்றிக்கொள்ளலாம். இத்துடன் 8 ஸ்பீக்கர் பிரீமியம் போஸ் சவுன்ட் சிஸ்டம், ஆம்பியன்ட் சவுன்ட் வழங்கப்படுகிறது. 

ஹூண்டாய் நிறுவனத்தின் அதிகம் எதிர்பார்க்கப்பட்ட எக்ஸ்டர் எஸ்யுவி மாடல் இந்திய சந்தையில் அறிமுகம் செய்யப்பட்டது. புதிய ஹூண்டாய் எக்ஸ்டர் மாடலின் விலை அறிமுக சலுகையாக ரூ. 5.99 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புதிய ஹூண்டாய் எக்ஸ்டர் மாடல் ஆறு மோனோடோன் மற்றும் மூன்று டூயல் டோன் நிறங்களில் கிடைக்கிறது. இவை அட்லஸ் வைட் டைட்டன் கிரே, ஸ்டேரி நைட், காஸ்மிக் புளூ, ஃபியெரி ரெட், ரேஞ்சர் காக்கி, அட்லஸ் வைட் - டூயல்-டோன் ரூஃப், காஸ்மிக் புளூ - டூயல்-டோன் ரூஃப் மற்றும் ரேஞ்சர் காக்கி - டூயல்-டோன் ரூஃப் ஆகும்.

இந்த மாடலில் ப்ரோஜெக்டர் ஹெட்லேம்ப்கள், H வடிவம் கொண்ட எல்இடி டிஆர்எல்கள், டெயில் லைட்கள், அகலமான பாராமெட்ரிக் கிரில் டிசைன், ஸ்போர்ட் ரூஃப் ஸ்பாயிலர், 15-இன்ச் டைமன்ட் கட் அலாய் வீல்கள், ரூஃப் ரெயில்கள், ஷார்க் ஃபின் ஆன்டெனா போன்ற அம்சங்கள் உள்ளன. இத்துடன் ரியர் ஏசி வென்ட்கள், பவர் அவுட்லெட், ஆறு ஏர்பேக், டிபிஎம்எஸ், இன்பில்ட் நேவிகேஷன், 60-க்கும் அதிக கனெக்டெட் கார் தொழில்நுட்பம் வழங்கப்பட்டு இருக்கிறது.

காரின் உள்புறம் எலெக்ட்ரிக் சன்ரூஃப், டேஷ்கேம், 8-இன்ச் இன்ஃபோடெயின்மென்ட் சிஸ்டம், வயர்லெஸ் சார்ஜர், ஆல்-டிஜிட்டல் இன்ஸ்ட்ரூமென்ட் கிளஸ்டர், குரூயிஸ் கன்ட்ரோல், ஆட்டோமேடிக் கிளைமேட் கண்ட்ரோல், ஃபூட்வெல் லைட்டிங் உள்ளது. பாதுகாப்பிற்கு ஆறு ஏர்பேக், ESC, VSM, HAC, ரிவர்ஸ் பார்கிங் கேமரா, பார்கிங் சென்சார்கள் உள்ளன.

புதிய எக்ஸ்டர் மாடலில் 1.2 லிட்டர் கப்பா பெட்ரோல் என்ஜின் உள்ளது. இந்த என்ஜின் 81 ஹெச்பி பவர், 114 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு மேனுவல், AMT யூனிட் வழங்கப்படுகிறது. மேலும் ஃபேக்ட்ரி-ஃபிட் செய்யப்பட்ட CNG கிட் ஆப்ஷன் வழங்கப்படுகிறது.

ஹூண்டாய் கிரெட்டா பேஸ்லிப்ட் மாடல் ஸ்பை படங்கள் வெளியாகி உள்ளது. புதிய கிரெட்டா பேஸ்லிப்ட் மாடலில் பலிசேட் சார்ந்த முகப்பு மற்றும் ADAS சூட் அம்சங்கள் வழங்கப்பட இருக்கிறது. இந்திய சாலைகளில் கிரெட்டா பேஸ்லிப்ட் மாடல் டெஸ்டிங் செய்யப்படும் புகைப்படங்கள் வெளியாகி இருப்பது இதுவே முதல் முறை ஆகும்.

இந்தியாவில் அறிமுகமாகும் கிரெட்டா மாடல் மற்ற ஆசிய நாடுகளில் விற்பனை செய்யப்படும் டக்சன் சார்ந்து உருவாக்கப்பட்ட கிரெட்டா பேஸ்லிப்ட் மாடல் இல்லை. மாறாக இந்தியாவில் அறிமுகம் செய்யப்பட இருக்கும் கிரெட்டா பேஸ்லிப்ட் மாடல் முற்றிலும் புதிய டிசைன் கொண்டிருக்கும் என்று தெரியவந்துள்ளது.

மேலும் புதிய கிரெட்டா பேஸ்லிப்ட் மாடலில் 18 இன்ச் அலாய் வீல்கள் வழங்கப்பட இருக்கிறது. 18 இன்ச் அலாய் வீல்களுடன் ஒருங்கிணைந்து இயங்குவதற்கு ஏதுவாக டிரைவ்டிரெயின் பாகங்கள் மற்றும் சஸ்பென்ஷன் டியூன் செய்யப்பட்டு வருவதாக தெரிகிறது. இந்த மாடலில் செங்குத்தாக இருக்கும் ஹெட்லைட் வழங்கப்பட்டு உள்ளது.

இத்துடன் முற்றிலும் புதிய எல்இடி டிஆர்எல் லைட்கள், பாராமெட்ரிக் கிரில், முன்புறம் பார்க்கிங் சென்சார்கள் உள்ளன. அந்த வகையில் புதிய கிரெட்டா பேஸ்லிப்ட் மாடலில் ஹூண்டாய் நிறுவனத்தின் ஸ்மார்ட்சென்ஸ் ADAS சூட் வழங்கப்படுகிறது. இதன் பின்புறம் ரிடிசைன் செய்யப்பட்ட டெயில்கேட் உள்ளது. இத்துடன் முற்றிலும் புதிய எல்இடி டெயில் லைட்கள் வழங்கப்படுகிறது.

இவைதவிர 3-பாயின்ட் சீட் பெல்ட்கள், அட்ஜஸ்ட் செய்யக்கூடிய ஹெட்ரெஸ்ட்கள், 60:40 முறையில் ஸ்ப்லிட் செய்யப்பட்ட ரியர் இருக்கைகள், 2-ஸ்டெப் ரிக்லைன் வசதி கொண்ட இருக்கைகள் வழங்கப்படுகிறது.

இத்துடன் பானரோமிக் சன்ரூஃப், ரியர் வின்டோ ஷேட்கள், ரியர் ஏசி வென்ட்கள், எலெக்ட்ரிக் அட்ஜஸ்ட் வசதி கொண்ட முன்புற இருக்கைகள், வென்டிலேஷன், அளவில் பெரிய இன்ஃபோடெயின்மென்ட் ஸ்கிரீன், டிஜிட்டல் இன்ஸ்ட்ரூமென்ட் கிளஸ்டர், எல்இடி லைட்டிங் வழங்கப்படுகிறது.

கிரெட்டா பேஸ்லிப்ட் மாடலில் 1.5 லிட்டர் NA பெட்ரோல் என்ஜின், 1.5 லிட்டர் டீசல் என்ஜின் வழங்கப்படுகிறது. இத்துடன் 1.5 லிட்டர் டர்போ பெட்ரோல் என்ஜின் வழங்கப்படுகிறது. இந்த மாடல் அடுத்த ஆண்டு துவக்கத்தில் அறிமுகம் செய்யப்பட இருக்கிறது. 

Photo Courtesy: Rushlane 

ஹூண்டாய் மோட்டார் கம்பெனி நிறுவனம் தனது முதல் எலெக்ட்ரிக் பெர்ஃபார்மன்ஸ் கார், ஐயோனிக் 5 N இறுதிக்கட்ட டெஸ்டிங்கில் உள்ளதாக தெரிவித்து இருக்கிறது. சர்வதேச சந்தையில் புதிய ஹூண்டாய் ஐயோனிக் 5 N மாடல் குட்வுட் ஃபெஸ்டிவல் ஆஃப் ஸ்பீடு நிகழ்வு நடைபெறும் ஜூலை 13-ம் தேதி அறிமுகம் செய்யப்பட இருக்கிறது.

புதிய ஐயோனிக் 5 N டெஸ்டிங் ஜெர்மனியில் உள்ள நர்பர்கிரிங் பந்தய களத்தில் நடைபெற்று வருகிறது. இந்த எலெக்ட்ரிக் பெர்ஃபார்மன்ஸ் மாடல் E-GMP பிளாட்ஃபார்மில் உருவாகி இருக்கிறது. இதன் மூலம் புதிய ஹூண்டாய் கார் அதிக சக்திவாய்ந்ததாக இருக்கும் என்று தெரிகிறது.

"எங்களின் ஒவ்வொரு N மாடலும் நர்பர்கிரிங்கில் தான் N டிகிரி வரை டியூனிங் செய்யப்படுகிறது. இதன் காரணமாக தான் எங்களது முதல் ஹை-பெர்ஃபார்மன்ஸ், ஆல் எலெக்ட்ரிக் N மாடல், முதலில் இங்கு நிரூபிக்க வேண்டும் என்று நினைக்கிறோம்," என ஹூண்டாய் N பிரான்டு மற்றும் மோட்டார்ஸ்போர்ட் பிரிவுக்கான துணை தலைவர் டில் வார்டென்பெர்க் தெரிவித்து இருக்கிறார்.

ஹூண்டாய் ஐயோனிக் 5 N மாடல் இந்த பந்தய களத்தில் ஏற்கனவே 10 ஆயிரம் கிலோமீட்டர்கள் வரையிலான டெஸ்டிங்கை எதிர்கொண்டுவிட்டது. மேலும் இறுதிக்கட்ட சோதனையில் மேலும் 10 ஆயிரம் கிலோமீட்டர்கள் வரை டெஸ்டிங் செய்யப்பட உள்ளது. ஐயோனிக் 5 N மாடலில் வழங்கப்பட இருக்கும் புதிய தொழில்நுட்பம் பற்றிய தகவல்களை ஹூண்டாய் வெளியிட்டு இருக்கிறது.

புதிய ஹூண்டாய் ஐயோனிக் 5 N மாடல் சற்றே அதிகளவிலான கூலிங் பகுதி கொண்டிருக்கிறது. இத்துடன் N சார்ந்த ரேடியேட்டர் பேக்கேஜிங், மேம்பட்ட மோட்டார் ஆயில் கூலர், பேட்டரி சில்லர் உள்ளிட்டவை மூலம் வெப்பத்தை அதிக சிறப்பாக கட்டுப்படுத்தி காரின் செயல்திறனை மேம்படுத்தப்படுகிறது. இத்துடன் புதிய மென்பொருள் டிசைன் மூலம் பேட்டரி செல்கள் காரினை எப்போதும் பந்தய களத்திற்கு நிகரான பயன்பாட்டுக்கு ஏற்ற வகையில், தயார் நிலையில் வைத்திருக்கிறது.

ஐயோனிக் 5 N மாடல் இரண்டு விதமான டிரைவ் மோட்களை கொண்டிருக்கும் என்று தெரிகிறது. இதன் முதன்மை பிரேக்கிங் சிஸ்டம், ரிஜெனரேடிவ் பிரேகிங் சிஸ்டம் ஆகும். இத்துடன் 400 மில்லிமீட்டர் டயாமீட்டர் டிஸ்க் கொண்ட ஹைட்ராலிக் பிரேக்குகள் வழங்கப்பட்டுள்ளன. இந்த காரில் டிரைவிங் அனுபவத்தை சுவாரஸ்யமாக மாற்றுவதற்கு ஆக்டிவ் சவுன்ட் சிஸ்டம் வழங்கப்பட்டு இருக்கிறது.

இந்த சிஸ்டம் காரின் 10 ஸ்பீக்கர் சிஸ்டம் உடன் இணைக்கப்பட்டு இருக்கிறது. இவை ஆம்பியன்ட் நாய்ஸ் அனுபவத்தை வழங்குகின்றன. இதனால், எலெக்ட்ரிக் கார் என்ற வகையிலும், இது பெட்ரோல், டீசல் கார்கள் வெளிப்படுத்தும் சத்தத்தை காரினுள் கேட்க முடியும்.

ஹூண்டாய் இந்தியா நிறுவனம் தனது முற்றிலும் புதிய மைக்ரோ எஸ்யுவி- எக்ஸ்டர் மாடலின் உற்பத்தியை துவங்கி இருக்கிறது. இந்திய சந்தையில் ஜூலை 10-ம் தேதி அறிமுகம் செய்யப்பட இருக்கும் ஹூண்டாய் எக்ஸ்டர் மாடலுக்கான முன்பதிவு ஏற்கனவே துவங்கிவிட்டது.

புதிய எக்ஸ்டர் உற்பத்தி சென்னையை அடுத்த ஸ்ரீபெரும்புதூரில் உள்ள ஹூண்டாய் ஆலையில் உற்பத்தி செய்யப்படுகிறது. வெளிப்புறம் எஸ்யுவி போன்ற தோற்றம் கொண்டிருக்கும் வகையில் எக்ஸ்டர் மாடல் உருவாக்கப்பட்டு இருக்கிறது. இந்த கார் உயரமாக காட்சியளிக்கிறது. இத்துடன் ரூஃப் ரெயில்கள் மற்றும் சதுரங்க வீல் ஆர்ச்கள் மற்றும் பிளாஸ்டிக் கிலாடிங் காருக்கு ரக்கட் தோற்றத்தை ஏற்படுத்தி இருக்கிறது.

புதிய ஹூண்டாய் எக்ஸ்டர் மாடல் ஸ்ப்லிட் ஹெட்லேம்ப், H வடிவம் கொண்ட எல்இடி டிஆர்எல்கள் உள்ளன. இந்த கார் ஆறு மோனோடோன் மற்றும் மூன்று டூயல் டோன் நிற ஆப்ஷன்களில் விற்பனைக்கு கிடைக்கும் என்று தெரிகிறது. இந்த மாடலில் 8-இன்ச் டச் ஸ்கிரீன் இன்ஃபோடெயின்மென்ட் சிஸ்டம், டிஜிட்டல் டிரைவர் டிஸ்ப்ளே, எலெக்ட்ரிக் சன்ரூஃப் உள்ளது.

இந்திய சந்தையில் ஹூண்டாய் எக்ஸ்டர் மாடல் பிஎஸ்6 2 விதிகளுக்கு பொருந்தும் 1.2 லிட்டர் பெட்ரோல் என்ஜின் வழங்கப்படுகிறது. இது பெட்ரோல் மற்றும் CNG வேரியண்ட்களில் கிடைக்கிறது. இவற்றுடன் மேனுவல் மற்றும் ஆட்டோமேடிக் கியர்பாக்ஸ் ஆப்ஷன்கள் வழங்கப்படுகிறது.

ஹூண்டாய் நிறுவனத்தின் எக்ஸ்டர் மைக்ரோ எஸ்யுவி மாடல் ஜூலை 10 ஆம் தேதி இந்திய சந்தையில் விற்பனைக்கு வர இருக்கிறது. ஹூண்டாய் இந்தியா நிறுவனம் எக்ஸ்டர் மாடல் பற்றிய அதிக விவரங்களை ஏற்கனவே வழங்கிவிட்டது.

அந்த வகையில், இந்த பிரிவில் எலெக்ட்ரிக் சன்ரூப், டேஷ்கேம் மற்றும் டூயல் கேமரா உள்ளிட்ட வசதிகளை கொண்ட முதல் கார் என்ற பெருமையை எக்ஸ்டர் பெற்று இருக்கிறது. புதிய ஹூண்டாய் எக்ஸ்டர் மாடலுக்கான முன்பதிவு ஏற்கனவே துவங்கி நடைபெற்று வருகிறது. எக்ஸ்டர் மாடலுக்கான முன்பதிவு கட்டணம் ரூ. 11 ஆயிரம் ஆகும்.

"வெளிப்புறத்தை பற்றி சிந்திக்கும் போது, கேன்வாஸ் அனிலிமிடெட் தான், ஹூண்டாய் எக்ஸ்டர் மாடலில் வழங்க வேண்டிய அம்சங்களை கச்சிதமாக வழங்கி இருக்கிறோம். இதுவரை வெளியான புகைப்படங்களுக்கு அமோக வரேவற்பு கிடைத்ததை அடுத்து, ஹூண்டாய் எக்ஸ்டர் மாடல் ஜூலை மாதம் 10 ஆம் தேதி இந்தியாவில் வெளியாகும் என்பதை அறிவிப்பதில் மகிழ்ச்சி அடைகிறோம்," என்று ஹூண்டாய் மோட்டார் இந்தியா லிமிடெட் தலைமை நிர்வாக அதிகாரி தருன் கார்க் தெரிவித்தார்.

புதிய எக்ஸ்டர் மாடல் மூலம் இந்திய சந்தையின் அதிவேகமாக வளர்ந்து வரும் மைக்ரோ எஸ்யுவி பிரிவில் ஹூண்டாய் களமிறங்குகிறது. இந்திய சந்தையில் ஹூண்டாய் எக்ஸ்டர் மாடல் டாடா பன்ச் மற்றும் சிட்ரோயன் C3 போன்ற மாடல்களுக்கு போட்டியாக அமைகிறது. எக்ஸ்டர் மாடலின் வெளிப்புறம் பாக்சி டிசைன், ஸ்லோபிங் பொனெட் வழங்கப்பட்டு இருக்கிறது.

ஹூண்டாய் நிறுவனம் தனது i20 ஃபேஸ்லிஃப்ட் மாடலை ஐரோப்பிய சந்தைகளில் அறிமுகம் செய்து இருக்கிறது. பிரீமியம் ஹேச்பேக் மாடலின் ஃபேஸ்லிஃப்ட் வெர்ஷன் மேம்பட்ட வெளிப்புற டிசைன், புதிய அம்சங்கள் மற்றும் புதிய நிற ஆப்ஷன்களில் கிடைக்கிறது.

இந்த காரின் முன்புறம் ரிடிசைன் செய்யப்பட்டு, புதிய டிசைன் கொண்ட பம்பர் மற்றும் இருபுறங்களிலும் முக்கோண வடிவம் கொண்ட இன்சர்ட்கள் உள்ளன. காரின் கிரில் பகுதியில் சிறிதளவு மாற்றங்கள் செய்யப்பட்டு, ஹூண்டாய் லோகோ கிரில் பகுதியில் இருந்து நீக்கப்பட்டு, பொனெட்டின் கீழ்புறம் பொருத்தப்பட்டுள்ளது.

இத்துடன் ஃபுல் எல்இடி ஹெட்லேம்ப் யூனிட்கள் வழங்கப்பட்டு உள்ளன. காரின் பக்கவாட்டு பகுதிகளில் 17 இன்ச் அளவில் டைமண்ட் கட் அலாய் வீல்கள் வழங்கப்பட்டு இருக்கின்றன. புதிய ஹூண்டாய் i20 ஃபேஸ்லிஃப்ட் மாடல்: லுமென் கிரே, மெட்டா புளூ பியல், லைம் மெட்டாலிக் போன்ற நிறங்களில் கிடைக்கிறது.

புதிய ஹூண்டாய் i20 ஃபேஸ்லிஃப்ட் மாடலின் ரூஃப் காண்டிராஸ்ட் நிற கிளாஸ் பிளாக் ஃபினிஷ் செய்யப்பட்டு உள்ளது. அந்த வகையில், இந்த கார் டூயல் டோன் தோற்றத்தில் கிடைக்கிறது. புதிய i20 ஃபேஸ்லிஃப்ட் மாடல் இந்திய சந்தையிலும் அறிமுகம் செய்யப்படும். ஆனால், எப்போது அறிமுகமாகும் என்பது பற்றி எவ்வித தகவலும் இல்லை.

ஹூண்டாய் இந்தியா நிறுவனம் தனது எக்ஸ்டர் மாடல் புகைப்படங்களை வெளியிட்டுள்ளது. மேலும் எக்ஸ்டர் மாடலுக்கான முன்பதிவு இந்தியாவில் துவங்கி நடைபெற்று வருகிறது. முன்பதிவு கட்டணம் ரூ. 11 ஆயிரம் என்று நிர்ணயம் செய்யப்பட்டுள்ளது. புதிய ஹூண்டாய் எக்ஸ்டர் மாடல் EX, S, SX, SX (O) மற்றும் SX (O) கனெக்ட் என்று ஐந்து வித வேரியண்ட்களில் விற்பனை செய்யப்பட இருக்கிறது.

புதிய எக்ஸ்டர் மாடல் ஹூண்டாய் நிறுவனத்தின் குளோபல் டிசைன் மொழியில் ஸ்டைலிங் செய்யப்பட்டுள்ளது. ஐயோனிக் 5 மற்றும் வெர்னா மாடல்களும் இதே டிசைனிங்கில் உருவாக்கப்பட்டு இருக்கின்றன. தோற்றத்தில் இந்த கார் எஸ்யுவி போன்ற ஸ்லைடிங், கூர்மையான மஸ்குலர் லைன், ஃபிலேர்டு வீல் ஆர்ச்கள், ரூஃப் ரெயில்கள் உள்ளன.

ஹூண்டாய் எக்ஸ்டர் மாடலின் பின்புறம் எப்படி காட்சியளிக்கும் என்று தெரியவில்லை. எனினும், ஏற்கனவே வெளியான புகைப்படங்களின் படி புதிய எக்ஸ்டர் மாடலில் கனெக்டெட் டெயில் லேம்ப்கள், எல்இடி லைட்டிங், ஃபுளோடிங் ஸ்டைல் ரூட் டிசைன், மஸ்குலர் ஹேச் மற்றும் பிரமாண்ட ரியர் பம்ப்பர் கொண்டிருக்கும் என்று தெரிகிறது.

புதிய எக்ஸ்டர் மாடலில் E20 ரக எரிபொருளில் இயங்கும் திறன் கொண்ட 1.2 லிட்டர் கப்பா பெட்ரோல் என்ஜின், 5 ஸ்பீடு மேனுவல் டிரான்ஸ்மிஷன், ஆப்ஷனல் ஸ்மார்ட் ஆட்டோ ஆட்டோமேடட் மேனுவல் டிரான்ஸ்மிஷன் வசதி வழங்கப்படுகிறது. இத்துடன் 1.2 லிட்டர் பை-ஃபியூவல் கப்பா பெட்ரோல் + CNC என்ஜின் வழங்கப்படுகிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்படுகிறது.

இந்திய சந்தையில் ஹூண்டாய் எக்ஸ்டர் மாடல் டாடா பன்ச் மற்றும் சிட்ரோயன் C3 போன்ற மாடல்களுக்கு போட்டியாக அறிமுகம் செய்யப்பட இருக்கிறது. 

ஹூண்டாய் இந்தியா நிறுவனம் தனது கிரெட்டா மிட் சைஸ் எஸ்யுவி மாடலின் எலெக்ட்ரிக் வெர்ஷனை உருவாக்கும் பணிகளில் ஈடுபட்டு வருகிறது. புதிய கிரெட்டா EV மாடல் ஹூண்டாய் கோனா எலெக்ட்ரிக் மற்றும் ஐயோனிக் 5 மாடல்களுக்கு இடையில் நிலைநிறுத்தப்படும் என்று தெரிகிறது. பொது வெளியில் சோதனை செய்யப்படும் கிரெட்டா EV மாடல் புகைப்படங்கள் இணையத்தில் வெளியாகி உள்ளது.

புகைப்படங்களின் படி கிரெட்டா EV மாடல் தோற்றத்தில் அதன் ஐசி என்ஜின் கொண்ட வெர்ஷன் போன்றே காட்சியளிக்கிறது. எனினும், இந்த காரின் பம்ப்பர்கள் வித்தியாசமான நிறம் கொண்டிருக்கின்றன. அந்த வகையில் கிரெட்டா EV ப்ரோடக்ஷன் வெர்ஷனில் பம்ப்பர் ரிடிசைன் செய்யப்பட்டு இருக்கும் என்றே தெரிகிறது.

எலெக்ட்ரிக் கார் என்பதால், இந்த மாடலில் எக்சாஸ்ட் டெயில்பைப் இடம்பெறவில்லை. மேலும் பேட்டரி பேக் காரின் பக்கவாட்டில் இருந்தே பார்க்க முடிகிறது. ப்ரோடோடைப் மாடலில் சார்ஜிங் போர்ட் என்ஜின் வைக்கப்படும் இடத்தில் பொருத்தப்பட்டுள்ளது. இதன் இறுதி வெர்ஷனில் சார்ஜிங் போர்ட் ஃபெண்டர் அல்லது முன்புற கிரில் அருகில் தனியே வழங்கப்பட்டு இருக்கும் என்று தெரிகிறது.

புதிய கிரெட்டா EV மாடல் E-GMP ஆர்கிடெக்ச்சரின் ரி-என்ஜினீயர்டு வெர்ஷனை தழுவி உருவாக்கப்படும் என்றே தெரிகிறது. கிரெட்டா EV மாடல் இந்திய சாலை நிலைகளுக்கு ஏற்ற வகையில் மாற்றப்பட்டு இருக்கும் என்று கூறப்படுகிறது. கிரெட்டா EV மாடல் அடுத்த ஆண்டு அல்லது 2025 துவக்கத்தில் அறிமுகம் செய்யப்படும் என்று எதிர்பார்க்கலாம்.

சமீபத்தில் ஹூண்டாய் நிறுவனம் புதிய தலைமுறை வெர்னா செடான் மாடலை அறிமுகம் செய்தது. தற்போது முற்றிலும் புதிய மைக்ரோ எஸ்யுவி மாடலை எக்ஸ்டர் எனும் பெயரில் அறிமுகம் செய்யும் பணிகளில் ஈடுபட்டு வருகிறது. ஹூண்டாய் எக்ஸ்டர் மாடல் வென்யூ காரின் கீழ் நிலைநிறுத்தப்பட இருக்கிறது.

புதிய ஹூண்டாய் எக்ஸ்டர் மாடலில் 1.2 லிட்டர் அல்லது 1.0 லிட்டர் டர்போ பெட்ரோல் என்ஜின் ஆப்ஷன்களில் கிடைக்கும் என்று தெரிகிறது. இந்தியாவில் அனைத்து ஹூண்டாய் கார்களையும் பிஎஸ்6 2 விதிகளுக்கு ஏற்ப அப்டேட் செய்யப்பட்டு உள்ளது. இந்த கார்கள் E20 எரிபொருளில் இயங்கும் திறன் கொண்டிருக்கிறது.

Photo courtesy: Rushlane

ஹூண்டாய் நிறுவனம் இந்திய சந்தையில் எக்ஸ்டர் மாடலை அறிமுகம் செய்வதை கடந்த மாதம் சூசகமாக அறிவித்தது. இந்த வரிசையில், தற்போது புதிய எக்ஸ்டர் மாடல் வெளிப்புற தோற்றத்தை ஓரளவுக்கு வெளிப்படுத்தும் டீசரை ஹூண்டாய் நிறுவனம் வெளியிட்டுள்ளது. புதிய எக்ஸ்டர் மாடலின் உற்பத்தி 2023 ஜூலை மாதம் துவங்க இருக்கிறது.

மேலும் ஆகஸ்ட் மாத வாக்கில் இந்த மாடலின் வெளியீடு நடைபெறலாம். இந்தியாவுக்காக உற்பத்தி செய்யப்பட்டு வெளிநாட்டு சந்தைகளிலும் எக்ஸ்டர் மாடல் ஏற்றுமதி செய்யப்படும் என்று தெரிகிறது. தற்போது விற்பனை செய்யப்படும் எவ்வித ஹூண்டாய் மாடல்களிலும் இல்லாத அளவுக்கு புதிய எக்ஸ்டர் மாடல் வித்தியாசமான முன்புறம் கொண்டிருக்கும் என்று தெரியவந்துள்ளது.

சென்சுவஸ் ஸ்போர்டினஸ் டிசைன் மொழியை தழுவி புதிய எக்ஸ்டர் மாடல் உருவாக்கப்படுகிறது. இந்த மாடலில் ஸ்ப்லிட் ஹெட்லேம்ப், H வடிவ எல்இடி டிஆர்எல்கள் வழங்கப்படுகிறது. இதேபோன்ற டிசைன் எதிர்காலத்தில் வெளியாக இருக்கும் மேலும் சில ஹூண்டாய் எஸ்யுவி மாடல்களிலும் வழங்கப்படும் என்று எதிர்பார்க்கலாம்.

புதிய எக்ஸ்டர் பின்புறம் எப்படி காட்சியளிக்கும் என்பது இன்னமும் மர்மமாகவே உள்ளது. எனினும், இந்த காரின் பின்புறம் சதுரங்க வடிவம் கொண்ட டெயில் லேம்ப்கள், லைட் பார், ஃபௌக்ஸ் கிளாடிங், விசேஷமான வீல் ஆர்ச்கள் வழங்கப்படும் என்று எதிர்பார்க்கப்படுகிறது. இந்த கார் அளவில் 3.8 மீட்டர் நீளமாக இருக்கும் என தெரிகிறது.

ஹூண்டாய் நிறுவனம் இந்திய சந்தையில் புதிய வென்யூ பேஸ்லிப்ட் மாடலை அறிமுகம் செய்தது. புதிய ஹூண்டாய் வென்யூ பேஸ்லிப்ட் மாடல் விலை ரூ. 7 லட்சத்து 53 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்திய வெளியீட்டுக்கு முன் புதிய 2022 ஹூண்டாய் வென்யூ பேஸ்லிப்ட் மாடல் விற்பனைகம் வந்தடைந்தது. புதிய ஹூண்டாய் வென்யூ பேஸ்லிப்ட் மாடல் - 1.2 லிட்டர் NA பெட்ரோல் மோட்டார், 1.5 லிட்டர் டீசல் என்ஜின் மற்றும் 1.0 லிட்டர் டர்போ பெட்ரோல் என்ஜின் வழங்கப்பட்டு உள்ளது.

இந்த என்ஜினுடன் 5 ஸ்பீடு மேனுவல் யூனிட், 6 ஸ்பீடு மேனுவல் யூனிட், iMT யூனிட் மற்றும் 7 ஸ்பீடு DCT யூனிட் வழங்கப்பட்டு இருக்கிறது. புதிய வென்யூ பேஸ்லிப்ட் மாடல் ஐந்து வித வேரியண்ட்களில் கிடைக்கிறது. 2022 ஹூண்டாய் வென்யூ மாடலில் புதிய கிரில், டார்க் குரோம் ஃபினிஷ், எல்.இ.டி. டி.ஆர்.எல்.கள், முன்புறம் மற்றும் பின்புற பம்ப்பர்கள் ரிடிசைன் செய்யப்பட்டு உள்ளன.

இத்துடன் புதிய அலாய் வீல்கள், ராப்-அரவுண்ட் எல்.இ.டி. டெயில் லைட்கள், எல்.இ.டி. லைட் பார், இண்டகிரேடெட் ஸ்பாயிலர் மற்றும் ஷார்க் ஃபின் ஆண்டெனா வழங்கப்பட்டு இருக்கிறது. புதிய வென்யூ பேஸ்லிப்ட் மாடலில் டிஜிட்டல் இன்ஸ்ட்ரூமெண்ட் கிளஸ்டர், 4 ஸ்போக் கொண்ட ஸ்டீரிங் வீல், பெரிய தொடுதிரை வசதி கொண்ட இன்போடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, டிரைவ் மோட்கள் போன்ற அம்சங்கள் உள்ளன.

இந்திய சந்தையில் 2022 ஹூண்டாய் வென்யூ மாடல் கியா சொனெட், டொயோட்டா அர்பன் குரூயிசர், டாடா நெக்சான், மஹிந்திரா XUV300 மற்றும் விரைவில் அறிமுகம் செய்யப்பட இருக்கும் மாருதி சுசுகி விட்டாரா பிரெஸ்ஸா மாடல்களுக்கு போட்டியாக அமைகிறது.