நீங்கள் தேடியது "பிஎம்டபிள்யூ"

பிஎம்டபிள்யூ நிறுவனத்தின் ஆல்-எலெக்ட்ரிக் i5 செடான் மாடல் அறிமுகம் செய்யப்பட்டது. பிஎம்டபிள்யூ பிரபல செடான் சீரிசில் முழு எலெக்ட்ரிக் வடிவம் பெற்ற முதல் கார் இது ஆகும். இந்த ஆண்டு இறுதியில் இந்த கார் சர்வதேச சந்தையில் விற்பனைக்கு வர இருக்கிறது. புதிய i5 மாடல் iX எஸ்யுவி மற்றும் i7 செடான் மாடல்கள் வரிசையில் இணைகிறது.

ஆல் எலெக்ட்ரிக் i5 மாடல் பல்வேறு ஆப்ஷன்களில் விற்பனைக்கு வழங்கப்பட இருக்கிறது. புதிய பிஎம்டபிள்யூ i5 ஸ்டாண்டர்டு மாடல் சிங்கில் மோட்டார் லே-அவுட் உடன் கிடைக்கிறது. அதிக செயல்திறன் எதிர்பார்ப்போருக்காக டுவின் மோட்டார் வேரியண்ட் ஆப்ஷனாக வழங்கப்படுகிறது.

புதிய பிஎம்டபிள்யூ i5 மாடலில் 81.2 கிலோவாட் ஹவர் லித்தியம் அயன் பேட்டரி பேக் வழங்கப்பட்டு இருக்கிறது. இதில் 72 பேட்டரி செல்கள், 12 செல்கள் வழங்கப்பட்டு உள்ளன. புதிய பிஎம்டபிள்யூ i5 காரின் உள்புறம் அதன் ஐசி எஞ்சின் வேரியண்டில் உள்ளதை போன்ற அளவீடுகள் உள்ளன. இந்த காரை முழுமையாக சார்ஜ் செய்தால் 500 கிமீ வரையிலான ரேஞ்ச் வழங்குகிறது.

செயல்திறனை பொருத்தவரை இந்த கார் 308 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 0 முதல் 100 கிலோமீட்டர் வேகத்தை 6 நொடிகளில் எட்டிவிடும். மணிக்கு அதிகபட்சம் 193 கிலோமீட்டர் வேகத்தில் செல்லும் திறன் கொண்டுள்ளது. 

பிஎம்டபிள்யூ நிறுவனத்தின் புதிய X3 M40i கார் இந்திய சந்தையில் அறிமுகம் செய்யப்பட்டு இருக்கிறது. புதிய X3 மாடலின் விலை ரூ. 86 லட்சத்து 50 ஆயிரம், எக்ஸ்-ஷோரூம் என்று துவங்குகிறது. சிபியு முறையில் இந்தியாவுக்கு கொண்டுவரப்படும் பிஎம்டபிள்யூ X3 M40i மாடல் குறைந்த எண்ணிக்கையிலேயே விற்பனை செய்யப்படும் என்று தெரிகிறது.

புதிய X3 M40i மாடலுக்கான முன்பதிவு ஏற்கனவே துவங்கி நடைபெற்று வந்தது. முன்பதிவு பிஎம்டபிள்யூ ஆன்லைன் தளத்தில் மட்டுமே நடைபெறுகிறது. புதிய X3 M40i மாடல்: ப்ரூக்லின் கிரே மற்றும் பிளாக் சஃபையர் போன்ற நிறங்களில் கிடைக்கிறது. இதன் உள்புறம் சென்சடெக் பெர்ஃபோரேட் செய்யப்பட்ட இருக்கை மேற்கவர்கள் உள்ளன.

இந்த காரில் 3.0 லிட்டர், 6 சிலிண்டர்கள் கொண்ட பெட்ரோல் என்ஜின் வழங்கப்பட்டு இருக்கிறது. இந்த என்ஜின் 360 ஹெச்பி பவர், 500 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 4.9 நொடிகளில் எட்டிவிடும். மேலும் மணிக்கு அதிகபட்சம் 250 கிலோமீட்டர் வேகத்தில் செல்லும் திறன் கொண்டுள்ளது.

காரின் வெளிப்புறம் ஹை-கிலாஸ் பிளாக் ஃபினிஷ் செய்யப்பட்ட இரண்டடுக்கு கிட்னி கிரில் மற்றும் M லோகோ உள்ளது. இத்துடன் மேட்ரிக்ஸ் ரக எல்இடி ஹெட்லேம்ப்கள், ஹை கிலாஸ் ORVM-கள், பிளாக் க்ரோம் டெயில்பைப்கள், 20-இன்ச் M லைட் அலாய் வீல்கள், M ஸ்போர்ட் பிரேக் மற்றும் ரெட் கேலிப்பர்கள் வழங்கப்பட்டு உள்ளன.

பிஎம்டபிள்யூ நிறுவனம் தனது முற்றிலும் புதிய i5 மாடலின் சர்வதேச வெளியீடு மே 24 ஆம் தேதி நடைபெறும் என்று அறிவித்து இருக்கிறது. புதிய எலெக்ட்ரிக் 5 சீரிஸ் மாடல் எட்டாம் தலைமுறை ஐசி என்ஜின் வெர்ஷனுடன் அறிமுகம் செய்யப்பட இருக்கிறது. புதிய கார் வெளியீட்டை ஒட்டி பிஎம்டபிள்யூ நிறுவனம் டீசர் ஒன்றை பகிர்ந்துள்ளது.

டீசரின் படி பிஎம்டபிள்யூ காரில் முற்றிலும் புதிய கிரில் வழங்கப்படும் என்றும், அது சுற்றிலும் இலுமினேட் செய்யப்பட்டு இருக்கும் என்றும் தெரியவந்துள்ளது. காரின் உள்புறம் ஃபுளோடிங் டிஸ்ப்ளே டேஷ்போர்டு முழுக்க நீண்டு இருக்கும் என்று தெரிகிறது. இதே போன்ற செட்டப் மேம்பட்ட 3 சீரிஸ் மற்றும் ஃபிளாக்ஷிப் 7 சீரிஸ் மாடல்களிலும் வழங்கப்பட்டு இருக்கிறது.

அறிமுகத்தின் போது i5 மாடல் - இடிரைவ்40 மற்றும் M60 எக்ஸ்டிரைவ் என்று இருவித வேரியண்ட்களில் கிடைக்கும் என்று தெரிகிறது. புதிய காரின் பேட்டரி அம்சங்கள் அல்லது செயல்திறன் பற்றிய விவரங்கள் எதுவும் அறிவிக்கப்படவில்லை. எனினும், புதிய காரின் சவுகரியத்தை அதிகப்படுத்தும் வகையில் சஸ்பென்ஷன் டுவீக் செய்யப்பட்டு இருப்பதாக பிஎம்டபிள்யூ தெரிவித்து இருக்கிறது.

இத்துடன் அடாப்டிவ் சஸ்பென்ஷன் வழங்கப்பட இருக்கிறது. இது 7 சீரிஸ் மாடல்களில் உள்ளதை போன்ற சவுகரியத்தை வழங்கும் என்று எதிர்பார்க்கலாம். இந்த கார் தவிர எட்டாம் தலைமுறை பிஎம்டபிள்யூ 5 சீரிஸ் மாடலின் உற்பத்தி வரும் மாதங்களில் துவங்க இருக்கிறது. இந்த காரின் உற்பத்தி பவேரியாவில் உள்ள பிஎம்டபிள்யூ குழுமத்தின் டிங்கோல்ஃபிங் ஆலையில் நடைபெற இருக்கிறது.

பிஎம்டபிள்யூ இந்தியா நிறுவனம் தனது 2 சீரிஸ் கிரான் கூப் மாடலின் புதிய வேரியண்டை இந்திய சந்தையில் அறிமுகம் செய்துள்ளது. புதிய பெட்ரோல் வேரியண்ட் M ஸ்போர்ட் ப்ரோ என்று அழைக்கப்படுகிகிறது.

புதிய பிஎம்டபிள்யூ விலை ரூ. 45 லட்சத்து 50 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த மாடல் 220i M ஸ்போர்ட் மற்றும் 220d M ஸ்போர்ட் வேரியண்ட்களின் கீழ் நிலைநிறுத்தப்பட்டு இருக்கிறது.

அம்சங்களை பொருத்தவரை புதிய M ஸ்போர்ட் ப்ரோ மாடலில் ஹெட்-அப் டிஸ்ப்ளே, பிஎம்டபிள்யூ ஜெஸ்ட்யுர் கண்ட்ரோல், 10 ஸ்பீக்கர் செட்டப், உள்புறத்தில் காண்டிராஸ்ட் தீம் கொண்ட டேஷ்போர்டு, M சார்ந்த ஆந்த்ரசைட் லைனிங், லெதர் ஸ்டீரிங் வீல், பேடில் ஷிஃப்டர்கள், M பேட்ஜிங், இலுமினேட் செய்யப்பட்ட போஸ்டன் இண்டீரியர் ட்ரிம் ஃபினிஷர்கள் உள்ளன.

புதிய M ஸ்போர்ட் ப்ரோ வேரியண்டில் 2.0 லிட்டர் நான்கு சிலிண்டர்கள் கொண்ட டர்போ பெட்ரோல் என்ஜின், 7 ஸ்பீடு ஸ்டெப்டிரானிக் டூயல் கிளட்ச் டிரான்ஸ்மிஷன் வழங்கப்படுகிறது. இந்த என்ஜின் 189 ஹெச்பி பவர், 280 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் லாஞ்ச் கண்ட்ரோல், ஷிஃப்ட் பை கியர் செலக்டர் ஸ்விட்ச் வழங்கப்பட்டு இருக்கிறது. 

பிஎம்டபிள்யூ நிறுவனம் தனது X1 சீரிசில் X1 sDrive18i M ஸ்போர்ட் பெயரில் புதிய வேரியண்ட்-ஐ அறிமுகம் செய்து இருக்கிறது. புதிய பிஎம்டபிள்யூ காரின் விலை ரூ. 48 லட்சத்து 90 ஆயிரம், எக்ஸ்-ஷோரூம் என்று துவங்குகிறது. புதிய மாடல் sDrive19i X லைன் மாடலின் மேல் நிலைநிறுத்தப்பட்டு இருக்கிறது. பிஎம்டபிள்யூ sDrive19i X லைன் மாடலின் விலை ரூ. 45 லட்சத்து 90 ஆயிரம் என்று நிர்ணயம் செய்யப்பட்டு உள்ளது.

பிஎம்டபிள்யூ X1 sDrive18i M ஸ்போர்ட் மாடல் சென்னையில் உள்ள பிஎம்டபிள்யூ ஆலையில் உற்பத்தி செய்யப்படுகிறது. இந்த மாடலுக்கான முன்பதிவு ஏற்கனவே துவங்கி நடைபெற்று வருகிறது. வினியோகம் ஜூன் மாதம் துவங்குகிறது. இந்த மாடலில் 1.5 லிட்டர், மூன்று சிலிண்டர்கள் கொண்ட டர்போ பெட்ரோல் என்ஜின் வழங்கப்பட்டுள்ளது.

இந்த என்ஜின் 134 ஹெச்பி பவர், 230 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 7 ஸ்பீடு ஆட்டோமேடிக் டிரான்ஸ்மிஷன் வெளிப்படுத்துகிறது. ஷைன் 18i X லைன் மாடலுடன் ஒப்பிடும் போது புதிய X1 sDrive18i M ஸ்போர்ட் மாடலில் ஹை கிளாஸ் பிளாக் ரூஃப் ரெயில்கள், ஆக்டிவ் சீட்கள், ரியர் சீட் அட்ஜஸ்ட், ஹார்மன் கார்டன் மியூசிக் சிஸ்டம் வழங்கப்பட்டுள்ளன.

இத்துடன் M ஸ்போர்ட் எக்ஸ்டீரியர் பேக்கேஜ் வழங்கப்படுகிறது. இதில் கிட்னி கிரில்-க்கு பியல் க்ரோம் ஃபினிஷ், ஹை கிளாஸ் பிளாக் ஸ்லாட்கள், புதிய பம்ப்பர்கள், ஃபெண்டர் மற்றும் சாவியில் M பேட்ஜ்கள், M ஆந்த்ரசைட் ஹெட்லைனர், லெதர் ஸ்டீரிங் வீல், பேடில் ஷிஃப்டர்கள் வழங்கப்பட்டு உள்ளன.

பிஎம்டபிள்யூ நிறுவனம் தனது புதிய i7 M70 எக்ஸ்டிரைவ் மாடலை அறிமும் செய்தது. இது பிஎம்டபிள்யூ நிறுவனம் இதுவரை அறிமுகம் செய்ததிலேயே சக்திவாய்ந்த எலெக்ட்ரிக் கார் மாடல் ஆகும். ஷாங்காய் மோட்டார் நிகழ்வில் அறிமுகமாகி இருக்கும் புதிய எலெக்ட்ரிக் செடான் மாடலில் டூயல் மோட்டார் டிரைவ்டிரெயின் உள்ளது.

இவை இணைந்து 660 ஹெச்பி பவர் வெளிப்படுத்துகின்றன. இது 2022 ஆண்டு பிஎம்டபிள்யூ அறிமுகம் செய்த iX M60 எக்ஸ்டிரைவ் மாடல் வெளிப்படுத்துவதை விட 41 ஹெச்பி அதிக திறன் கொண்டிருக்கிறது. புதிய பிஎம்டபிள்யூ காரின் முன்புறம் 258 ஹெச்பி பவர் வெளிப்படுத்தும் எலெக்ட்ரிக் மோட்டார், பின்புறம் 490 ஹெச்பி பவர் கொண்ட எலெக்ட்ரிக் மோட்டார் வழங்கப்பட்டு இருக்கிறது.

இரு மோட்டார்களும் ஒருங்கிணைந்து 1015 நியூட்டன் மீட்டர் டார்க் இழுவிசையை வெளிப்படுத்துகிறது. புதிய i7 Xடிரைவ் 60 மாடலில் உள்ள டூயல் மோட்டார் எலெக்ட்ரிக் டிரைவ்டிரெயின் 544 ஹெச்பி பவர், 744 நியூட்டன் மீட்டர் டார்க் இழுவிசையை வெளிப்படுத்துகிறது.

புதிய பிஎம்டபிள்யூ i7 M70 எக்ஸ்டிரைவ் மாடலில் 101.7 கிலோவாட் ஹவர் லித்தியம் அயன் பேட்டரி வழங்கப்பட்டு இருக்கிறது. இந்த கார் முழு சார்ஜ் செய்தால் 488 முதல் அதிகபட்சம் 560 கிலோமீட்டர்கள் வரை செல்லும் என்று WLTP சான்று பெற்றுள்ளன.

தற்போது இந்திய சந்தையில் விற்பனை செய்யப்பட்டு வரும் பிஎம்டபிள்யூ i7 எக்ஸ்டிரைவ் 60 மாடலின் விலை ரூ. 1 கோடியே 95 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது. அந்த வரிசையில், புதிய பிஎம்டபிள்யூ i7 M70 எக்ஸ்டிரைவ் மாடலும் இந்திய சந்தையில் அறிமுகம் செய்யப்படும் என்று எதிர்பார்க்கலாம்.

பிஎம்டபிள்யூ நிறுவனம் 2023 ஆண்டில் மட்டும் 19 கார்களை இந்திய சந்தையில் அறிமுகம் செய்ய திட்டமிட்டுள்ளதாக அறிவித்து இருக்கிறது. இதில் எலெக்ட்ரிக் வாகனங்களும் அடங்கும். இந்திய சந்தை விற்பனையில் இருமடங்கு வளர்ச்சியை பதிவு செய்யும் வகையில், இந்த திட்டம் தீட்டப்பட்டு இருக்கிறது.

எலெக்ட்ரிக் வாகனங்கள் பிரிவு அதிக விற்பனையை ஈட்டிக் கொடுப்பதாக பிஎம்டபிள்யூ ஏற்கனவே தெரிவித்து இருந்தது. கடந்த ஆண்டின் ஒட்டுமொத்த விற்பனையில், 15 சதவீதம் வாகனங்கள் எலெக்ட்ரிக் மாடல்கள் ஆகும். பிஎம்டபிள்யூ அறிவித்து இருக்கும் 22 வாகனங்களில் 19 கார்கள், மூன்று இருசக்கர வாகனங்கள் அடங்கும்.

இதில் முற்றிலும் புதிய வாகனங்கள் மற்றும் ஏற்கனவே விற்பனை செய்யப்படும் வாகனங்களின் ஃபேஸ்லிஃப்ட் வெர்ஷன்கள் இடம்பெற்று இருக்கும். கடந்த ஐந்து ஆண்டுகளாக பிஎம்டபிள்யூ நிறுவனம் ஒவ்வொரு ஆண்டும் 20 வாகனங்களை அறிமுகம் செய்வதை வாடிக்கையாக கொண்டிருக்கிறது. இதிலும் புதிய வாகனங்கள் மற்றும் ஃபேஸ்லிஃப்ட் வெர்ஷன்கள் அடங்கும்.

இத்தனை வாகனங்களை அறிமுகம் செய்வதன் மூலம் பிஎம்டபிள்யூ நிறுவனம் 11 சதவீத வளர்ச்சியை பெற்று இருக்கிறது. இந்த ஆண்டு இறுதிக்குள் வளர்ச்சியை 15 சதவீதமாக அதிகரிக்க பிஎம்டபிள்யூ திட்டமிட்டுள்ளது. 

பிஎம்டபிள்யூ இந்தியா நிறுவனம் தனது X3 சீரிசில் இரண்டு புதிய டீசல் வேரியண்ட்களை அறிமுகம் செய்து இருக்கிறது. இவை பிஎம்டபிள்யூ 20d Xலைன் மற்றும் 20d M ஸ்போர்ட் என அழைக்கப்படுகின்றன. இவற்றின் விலை முறையே ரூ. 67 லட்சத்து 50 ஆயிரம் என்றும் ரூ. 69 லட்சத்து 90 ஆயிரம் என்றும் நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

டிசைனை பொருத்தவரை புதிய பிஎம்டபிள்யூ X3 டீசல் வேரியண்ட்களில் பாரம்பரியம் மிக்க கிட்னி கிரில், செங்குத்தான ஏர் இண்டேக், அடாப்டிவ் எல்இடி ஹெட்லேம்ப்கள், எல்இடி டெயில்லேம்ப்கள் வழங்கப்படுகிறது. இதன் M ஸ்போர்ட் பேக்கேஜ்-இல் காரின் முன்புற குவாட்டர் பேனல், டெயில்பைப்களில் கிளாஸ் க்ரோம் ஃபினிஷ், முன்புற அப்ரனில் பெரிய ஏர் இன்லெட்கள், விண்டோ கிராஃபிக்ஸ், ரூஃப் ரெயில்கள், பிஎம்டபிள்யூ கிட்னி ஃபிரேம், 19-இன்ச் வை ஸ்போக் M அலாய் வீல்கள் வழங்கப்படுகின்றன.

காரின் உள்புறம் மல்டி-பன்ஷன் M ஸ்போர்ட் ஸ்டீரிங் வீல், எலெக்ட்ரிக் அட்ஜஸ்ட் வசதி கொண்ட முன்புற இருக்கைகள், பானரோமிக் சன்ரூஃப், ஆம்பியண்ட் லைட்டிங், 3-ஜோன் ஆட்டோமேடிக் கிளைமேட் கண்ட்ரோல், 12.3 இன்ச் டிஜிட்டல் இன்ஸ்ட்ரூமெண்ட் கிளஸ்டர், 12.3 இன்ச் டச் ஸ்கிரீன் இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, ஜெஸ்ட்யூர் கண்ட்ரோல், HUD, வயர்லெஸ் சார்ஜிங், 360 டிகிரி கேமரா, 464 வாட் ஹார்மன் கார்டன் 16 ஸ்பீக்கர் மியூசிக் சிஸ்டம் வழங்கப்படுகிறது.

பிஎம்டபிள்யூ X3 டீசல் வேரியண்ட்களில் 2.0 லிட்டர், நான்கு சிலிண்டர்கள் கொண்ட எஞ்சின், 190 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இந்த கார் மணிக்கு 0 முதல் 100 கிலோமீட்டர் வேகத்தை 7.9 நொடிகளில் எட்டிவிடும். மேலும் மணிக்கு அதிகபட்சம் 213 கிலோமீட்டர் வேகத்தில் செல்லும்.

பிஎம்டபிள்யூ இந்தியா நிறுவனம் தனது 5 சீரிஸ் மாடல்களில் முற்றிலும் புதிய வேரியண்டை அறிமுகம் செய்து இருக்கிறது. பிஎம்டபிள்யூ 520d M ஸ்போர்ட் ஆடம்பர செடான் மாடலின் புதிய வேரியண்ட் விலை ரூ. 68 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய வேரியண்ட் அறிமுகம் செய்யப்பட்டு இருப்பதோடு பிஎம்டபிள்யூ நிறுவனம் மூன்று வேரியண்ட்களின் விற்பனையை நிறுத்தி விட்டது.

இவற்றில் 50 ஜாரெ M எடிஷன், 530d M ஸ்போர்ட் மற்றும் 520d M லக்சரி லைன் போன்ற மாடல்கள் இடம்பெற்றுள்ளன. இதன் காரணமாக பிஎம்டபிள்யூ 5 சீரிஸ் மாடல் தற்போது 530i M ஸ்போர்ட் மற்றும் 520d M ஸ்போர்ட் என இரண்டு வேரியண்ட்களில் மட்டுமே கிடைக்கிறது. இவற்றில் 520d M ஸ்போர்ட் விலை 530d M ஸ்போர்ட் மாடலை விட ரூ. 5 லட்சத்து 60 ஆயிரம் குறைவு ஆகும். இதில் 2.0 லிட்டர் டீசல் என்ஜின் உள்ளது. இந்த என்ஜின் 188 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது.

முந்தைய 530i M ஸ்போர்ட் மாடலில் 2.0 லிட்டர் பெட்ரோல் என்ஜின் வழங்கப்பட்டு இருந்தது. இந்த என்ஜின் 248 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்துகிறது. இந்த வேரியண்டின் விலை தற்போது மாற்றப்பட்டு, ரூ. 90 ஆயிரம் வரை உயர்த்தப்பட்டு இருக்கிறது. 2023 துவங்கியதில் இருந்து பிஎம்டபிள்யூ இந்தியா நிறுவனம் ஐந்து புதிய மாடல்களை அறிமுகம் செய்து இருக்கிறது. இவற்றில் புதிய 7 சீரிஸ், i7 EV, X7, 3 சீரிஸ் கிரான் லிமோசின் மற்றும் sX1 போன்ற மாடல்கள் அடங்கும்.

பிஎம்டபிள்யூ நிறுவனம் மேம்பட்ட X5 மற்றும் X6 ஃபேஸ்லிஃப்ட் மாடல்களை இந்த மாத துவக்கத்தில் அறிமுகம் செய்தது. தற்போது பிஎம்டபிள்யூ நிறுவனம் X5 M மற்றும் X6 M காம்படிஷன் மாடல்களை சர்வதேச சந்தையில் அறிமுகம் செய்து இருக்கிறது. இரு மாடல்களின் விற்பனையும் இந்த ஆண்டு கோடை காலத்தில் துவங்குகிறது.

தற்போதைய அப்டேட் மூலம் இரு எஸ்யுவி மாடல்களிலும் ஹைப்ரிட் தொழில்நுட்பம் வழங்கப்படுகிறது. இத்துடன் புதிய மேட்ரிக்ஸ் எல்இடி ஹெட்லைட்கள், அதிகளவில் காஸ்மடிக் மாற்றங்கள் செய்யப்பட்டுள்ளன. இத்துடன் 48 வோல்ட் மைல்டு ஹைப்ரிட் தொழில்நுட்பத்தை பெறும் முதல் M சீரிஸ் மாடல்களாக இவை உள்ளன.

இரு எஸ்யுவிக்களிலும் 4.4 லிட்டர், வி8 டுவின் டர்போசார்ஜ் செய்யப்பட்ட என்ஜின் வழங்கப்பட்டுள்ளன. இவை 617 ஹெச்பி பவர், 750 நியூட்டன் மீட்டர் டார்க் இழுவிசையை வெளிப்படுத்துகின்றன. இத்துடன் எலெக்ட்ரிக் மோட்டார் உடன் 8 ஸ்பீடு M ஸ்டெப்டிரானிக் டிரான்ஸ்மிஷன் யூனிட் வழங்கப்பட்டு இருக்கிறது. இது காரின் திறனை 12 ஹெச்பி வரை அதிகப்படுத்துகிறது.

புதிய எஸ்யுவிக்கள் மணிக்கு 100 கிலோமீட்டர் வேகத்தை 3.9 நொடிகளில் எட்டிவிடும் என பிஎம்டபிள்யூ தெரிவித்து உள்ளது. இந்த கார்களின் அதிகபட்ச வேகம் மணிக்கு 250 கிலோமீட்டர்கள் ஆகும். M டிரைவர் பேக் தேர்வு செய்யும் பட்சத்தில் கார்களின் வேகம் மணிக்கு 290 கிலோமீட்டர் ஆக அதிகரிக்கப்படுகிறது.

இவை தவிர ரியர் ஆக்சிலில் ஆக்டிவ் M டிஃபெரன்ஷியல், X டிரைவ் ஆல்-வீல்-டிரைவ் சிஸ்டம் வழங்கப்பட்டு இருக்கிறது. இத்துடன் புதிய கார்களில் பிரமாண்ட தோற்றம், புதிய மேட்ரிக்ஸ் எல்இடி ஹெட்லைட்கள், பெரிய பிளாக்டு-அவுட் கிட்னி கிரில், ஆம்பியண்ட் லைட் பார், உள்புறம் M லோகோ, M லெதர் ராப் செய்யப்பட்ட ஸ்டீரிங் வீல், கார்பன் ஃபைபர் பேடில் ஷிஃப்டர்கள், செண்டர் கன்சோலில் M மோட் பட்டன் வழங்கப்பட்டு இருக்கிறது.

பிஎம்டபிள்யூ மோட்டராட் நிறுவனம் இந்திய சந்தையில் இரண்டு லிமிடெட் எடிஷன் மோட்டார்சைக்கிள்களை அறிமுகம் செய்தது. தனது 100 ஆவது ஆண்டு விழாவை ஒட்டி பிஎம்டபிள்யூ நிறுவனம் புதிய மாடல்களை அறிமுகம் செய்து இருக்கிறது. இவை - பிஎம்டபிள்யூ ஆர் நைன் டி 100 Years மற்றும் பிஎம்டபிள்யூ ஆர் 18 100 Years என அழைக்கப்படுகின்றன.

சர்வதேச சந்தையில் பிஎம்டபிள்யூ ஆர்32 வெளியாகி 100 ஆண்டுகள் நிறைவுற்றதை கொண்டாடும் வகையில், இரு மாடல்களின் ஸ்பெஷல் எடிஷன் அறிமுகம் செய்யப்பட்டுள்ளன. புதிய லிமிடெட் எடிஷன் மாடல்களில் காஸ்மெடிக் மாற்றங்கள் செய்யப்பட்டுள்ளன. இரு மாடல்களும் சர்வதேச அளவில் 1923 யூனிட்கள் மட்டுமே உற்பத்தி செய்யப்படுகின்றன.

பிஎம்டபிள்யூ ஆர் நைன் டி ரோட்ஸ்டர் மாடலில் 1170 சிசி, ஏர்/ஆயில் கூல்டு, இரண்டு சிலிண்டர்கள் கொண்ட பாக்சர் என்ஜின் வழங்கப்பட்டு இருக்கிறது. இந்த என்ஜின் 109 ஹெச்பி பவர், 116 நியூட்டன் மீட்டர் டார்க் இழுவிசையை வெளிப்படுத்துகிறது. 221 கிலோ எடை கொண்டிருக்கும் பிஎம்டபிள்யூ ஆர் நைன் டி மணிக்கு அதிகபட்சம் 200 கிலோமீட்டர் வேகத்தில் செல்லும் திறன் கொண்டுள்ளது.

100 Years எடிஷன் மாடலில் காஸ்மெடிக் மாற்றங்கள் செய்யப்பட்டு பிளாக் நிறம் கொண்டிருக்கிறது. இத்துடன் டூயல் டோன் பென்ச் சீட் உள்ளது. இந்திய சந்தையில் இந்த மாடலின் விலை ரூ. 24 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

பிஎம்டபிள்யூ ஆர் 18 குரூயிசர் மாடலில் 1800 சிசி ஏர்/ஆயில் கூல்டு இரண்டு சிலிண்டர்கள் கொண்ட 4-ஸ்டிரோக் பாக்சர் என்ஜின் வழங்கப்பட்டு இருக்கிறது. இந்த என்ஜின் 91 ஹெச்பி பவர், 158 நியூட்டன் மீட்டர் டார்க் இழுவிசையை வெளிப்படுத்துகிறது. இந்த பைக் 345 கிலோ எடை கொண்டிருக்கிறது. மணிக்கு அதிகபட்சம் 180 கிலோமீட்டர் வேகத்தில் செல்லும். இந்தியாவில் இதன் விலை ரூ. 25 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டுள்ளது.

பிஎம்டபிள்யூ நிறுவனம் இதுவரை வெளியிட்டதில் மிகவும் சக்திவாய்ந்த M3 காரை அறிமுகம் செய்து இருக்கிறது. இதில் பிஎம்டபிள்யூ நிறுவனத்தின் DTM ரேஸ் கார் என்ஜின் வழங்கப்பட்டு இருக்கிறது. மேலும் இந்த காரில் விசேஷ சேசிஸ் மாட்கள் மற்றும் லிமிடெட் ப்ரோடக்ஷன் வேரியண்ட் ஆகும்.

M3 CSL போன்றே புதிய M3 CS மாடலில் உள்ள S58 டுவின் டர்போசார்ஜ் செய்யப்பட்ட ஸ்டிரெயிட்-சிக்ஸ் யூனிட் வழங்கப்பட்டு இருக்கிறது. இந்த என்ஜின் 542 ஹெச்பி பவர் வெளிப்படுத்துகிறது. இது M3 காம்படிஷன் மாடலை விட 40 ஹெச்பி அதிகம் ஆகும். இதே என்ஜின் M4 GT3 மாடலிலும் வழங்கப்பட்டு இருக்கிறது. எனினும், ரேஸ் காரில் ஏராள மாற்றங்கள் செய்யப்பட்டுள்ளன.

இந்த மாடல்களில் ரிகிட் கிரான்க்-கேஸ், ஐயன்-கோட் செய்யப்பட்ட சிலிண்டர் போர்கள், ஃபோர்ஜ் செய்யப்பட்ட கிரான்க்ஷாஃப்ட், 3டி ப்ரிண்ட் செய்யப்பட்ட ஹெட்-கோர், மேம்பட்ட கூலண்ட் டக்ட்கள் மற்றும் விசேஷ ஆயில் சப்ளை சிஸ்டம் உள்ளிட்டவை அடங்கும். இதன் காரணமாக பிஎம்டபிள்யூ M3 CS மணிக்கு 100 கிலோமீட்டர் வேகத்தை 3.4 நொடிகளில் எட்டிவிடும். இதில் உள்ள என்ஜின் அதிகபட்சமாக 640 நியூட்டன் மீட்டர் டார்க் இழுவிசையை வெளிப்படுத்துகிறது.

புதிய M3 CS மாடல் RWD ஆப்ஷனில் மட்டுமே கிடைக்கிறது. மேலும் இந்த காரின் அதிகபட்ச வேகம் மணிக்கு 302 கிலோமீட்டரில் மின்முறையில் கட்டுப்படுத்தப்பட்டு இருக்கிறது. விசேஷ என்ஜின் மவுண்டிங் காரணமாக ஸ்ப்ரிங் ரேட் உயர்த்தப்பட்டு இருக்கிறது. இத்துடன் 8 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்பட்டு இருக்கிறது. பிரேக்கிங்கை பொருத்தவரை 19 இன்ச் முன்புறமும், பின்புறம் 20 இன்ச் அளவு கொண்ட கார்பன் செராமிக் யூனிட்கள் ஆகும்.

ஃபோர்ஜ் செய்யப்பட்ட M-ஸ்பெக் அலாய் வீல்கள் மிஷெலின் பைலட் ஸ்போர்ட் 4S டிராக்-ரெடி ரப்பரில் ராப் செய்யப்பட்டு இருக்கிறது. இத்துடன் பிஎம்டபிள்யூ நிறுவனத்தின் கார்பன்-ஃபைபர்-ரி-இன்ஃபோர்ஸ் செய்யப்பட்ட பிளாஸ்டிக் வழங்கப்பட்டு இருக்கிறது. பிஎம்டபிள்யூ M3 CS மொத்த எடை 1855 கிலோ ஆகும். இந்த கார் மொத்தத்தில் எத்தனை யூனிட்கள் உற்பத்தி செய்யப்படும் என்பது கேள்விக்குறியாகவே உள்ளது. எனினும், மார்ச் மாத வாக்கில் இதன் உற்பத்தி துவங்கி, அதன் பின் வினியோகம் செய்யப்பட இருக்கிறது.