search icon
என் மலர்tooltip icon

    நீங்கள் தேடியது "பிஎம்டபிள்யூ"

    • பி.எம்.டபிள்யூ. காப்புரிமையில் தெரியவந்துள்ளது.
    • மோட்டார்சைக்கிள்களில் கொண்டுவர திட்டமிடுகிறது.

    பி.எம்.டபிள்யூ. நிறுவனம் தனது எதிர்கால மோட்டார்சைக்கிள் மாடல்களில் கிம்பலில் மவுன்ட் செய்யக்கூடிய எல்.இ.டி. ஹெட்லைட் வழங்க இருக்கிறது. இது தொடர்பான விவரங்கள் பி.எம்.டபிள்யூ. காப்புரிமையில் தெரியவந்துள்ளது.

    காப்புரிமை விவரங்களின் படி எல்.இ.டி. ஹெட்லைட் 3-ஆக்சிஸ் கிம்பலில் மவுன்ட் செய்யப்பட்டு இருக்கிறது. ஒளிப்பதிவு துறையில் கேமரா ஆடினாலும், காட்சிகள் ஆடாமல் பார்த்துக் கொள்ளவே கிம்பல் பயன்படுத்தப்படுகிறது. இதே பாணியை பி.எம்.டபிள்யூ. தனது மோட்டார்சைக்கிள் மாடல்களில் கொண்டுவர திட்டமிடுகிறது.

     


    மோட்டார்சைக்கிள் எந்த பக்கம் திரும்பினாலும் அல்லது கடுமையாக பிரேகிங் செய்யும் போதும் பி.எம்.டபிள்யூ. சிஸ்டத்தில் எல்.இ.டி. ஹெட்லைட் எந்த பக்கமும் அசையாது. இதுதவிர ஹெட்லைட் கார்னெரில் மட்டும் ஒளியை பாய்ச்சும். இதனால் ரைடிங்கின் போது அதிக பாதுகாப்பு கிடைக்கும்.

    இந்த ஹெட்லைட் சிஸ்டம் முழுவதும் இனெர்ஷியல் மெஷர்மென்ட் யூனிட் (IMU) மூலம் கட்டுப்படுத்தப்படுகிறது. இதே போன்ற யூனிட் தான் மோட்டார்சைக்கிளின் இதர பாதுகாப்பு வசதிகளான கார்னரிங் டிராக்ஷன் கண்ட்ரோல் மற்றும் கார்னெரிங் ஏ.பி.எஸ். உள்ளிட்டவைகளையும் கட்டுப்படுத்துகிறது. புதிய கிம்பல் ஹெட்லைட் சிஸ்டம் பி.எம்.டபிள்யூ. உற்பத்தி செய்யும் எதிர்கால GS சீரிஸ் மாடல்களில் வழங்கப்படும் என எதிர்பார்க்கலாம்.

    • முந்தைய கார் பெட்ரோல் ஆப்ஷனில் மட்டுமே கிடைத்தது.
    • புதிய கார் மணிக்கு 100 கிமீ வேகத்தை 7.9 நொடிகளில் எட்டிவிடும்.

    ஜெர்மனியை சேர்ந்த ஆடம்பர கார் உற்பத்தியாளர் பி.எம்.டபிள்யூ. இந்திய சந்தையில் தனது 620d M ஸ்போர்ட் சிக்னேச்சர் கார் மாடலை அறிமுகம் செய்தது. புதிய பி.எம்.டபிள்யூ. M காரின் விலை ரூ. 78 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த கார் பெட்ரோல் ஆப்ஷனில் மட்டும் கிடைத்த நிலையில், இந்த வெர்ஷன் டீசல் பவர்டிரெயின் ஆப்ஷனிலும் கிடைக்கிறது.

    புதிய பி.எம்.டபிள்யூ. காருக்கான முன்பதிவு ஏற்கனவே துவங்கி நடைபெற்று வருகிறது. புதிய 620d M ஸ்போர்ட் சிக்னேச்சர் எடிஷன் மாடல்- மினரல் வைட், டான்சனைட் புளூ, ஸ்கை ஸ்கிரேப்பர் கிரே மற்றும் கார்பன் பிளாக் என நான்கு நிறங்களில் கிடைக்கிறது.

     


    அம்சங்களை பொருத்தவரை இரட்டை 12.3 இன்ச் ஸ்கிரீன்கள்- ஒன்று டிஜிட்டல் இன்ஸ்ட்ரூமென்ட் கிளஸ்டர் மற்றொன்று இன்ஃபோடெயின்மென்ட் ஸ்கிரீன், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, ரியர்வியூ கேமரா, பார்க் அசிஸ்ட், ரிமோட் கண்ட்ரோல் பார்க்கிங் வசதி வழங்கப்படுகிறது. இத்துடன் வயர்லெஸ் சார்ஜர், ஸ்மார்ட்போன் ஹோல்டர், பேடில் ஷிஃப்டர்கள், பானரோமிக் சன்ரூஃப், 16 ஸ்பீக்கர் ஹார்மன் கார்டன் சவுண்ட் சிஸ்டம் வழங்கப்படுகிறது.

    பி.எம்.டபிள்யூ. 620d M ஸ்போர்ட் சிக்னேச்சர் மாடலில் 2.0 லிட்டர், நான்கு சிலிண்டர்கள் கொண்ட டீசல் என்ஜின் வழங்கப்படுகிறது. இந்த என்ஜின் 188 ஹெச்.பி. பவர், 400 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.

    இந்த கார் மணிக்கு 100 கிலோமீட்டர்கள் வேகத்தை 7.9 நொடிகளில் எட்டிவிடும். இந்த கார் கம்ஃபர்ட், கம்ஃபர்ட் பிளஸ், ஸ்போர்ட் , இகோ ப்ரோ மற்றும் அடாப்டிவ் என ஐந்துவித டிரைவிங் மோட்களில் கிடைக்கும் என்று தெரிகிறது.

    • டூத்லெஸ்.ஏஎம்ஜி எனும் ஐடி-யை கொண்ட பயனர் ஒரு வீடியோவை பதிவிட்டார்
    • இன்ஸ்டாகிராம் ஹேண்டிலை பிஎம்டபிள்யூ_சுகமான டிரைவிங் என மாற்றுவீர்களா என BMW கேட்டது

    சமூக வலைதளங்களில் சுவாரஸ்யமான நிகழ்வுகள் பல "டிரெண்டிங்" ஆகி பிரபலமாக உள்ளன.

    அவ்வகையில் சில மாதங்களாக, தாங்கள் பதிவிடும் வீடியோக்களை சில பிரபலங்கள் அல்லது பிரபல நிறுவனங்கள் மற்றும் அமைப்புகளின் பெயர்களை குறிப்பிட்டு அவர்கள் "கமென்ட்" செய்தாக வேண்டும் எனும் பிடிவாதக்காரர்களின் வீடியோ பரவி வருகிறது.

    இன்ஸ்டாகிராம் சமூக வலைதளத்தில் "டூத்லெஸ்.ஏஎம்ஜி" எனும் ஐடி-யை கொண்ட ஒரு பயனர், தான் வைத்திருக்கும் மெர்சிடிஸ்-ஏஎம்ஜி (Mercedes-AMG) காரை குறித்து பதிவிட்டுள்ள வீடியோவை பிஎம்டபிள்யூ (BMW) நிறுவனம் பார்த்து, கமென்ட் பதிவிட்டால், தனது மெர்சிடிஸ் காரை விற்று விட்டு பிஎம்டபிள்யூ எம்340ஐ (BMW M340i) ரக காரை வாங்குவேன் என பதிவிட்டிருந்தார்.

    இதற்கு பதிலளித்த பிஎம்டபிள்யூ நிர்வாகம் "நீங்கள் உங்கள் இன்ஸ்டாகிராம் ஹேண்டில் பெயரையும் மாற்றி பிஎம்டபிள்யூ_சுகமான டிரைவிங் என மாற்றுவீர்களா?" என கேள்வி எழுப்பியிருந்தது.

    மிக பெரிய கார் நிறுவனமான பிஎம்டபிள்யூ ஒரு பயனரின் வீடியோவிற்கு உடனடியாக பதிலளித்தது இணையத்தில் பாராட்டப்படுகிறது.

    ஆனால், பிஎம்டபிள்யூ நிறுவனம் பதிலளித்ததனால், அந்த பயனர் வாக்களித்தபடி தனது மெர்சிடிஸ் காரை விற்று பிஎம்டபிள்யூ காரை வாங்கினாரா எனும் விவரம் தற்போது வரை வெளியாகவில்லை.

    இந்த கேள்வி-பதில் குறித்த வீடியோ இணையத்தில் வைரலாக பரவி வருகிறது.

    • பி.எம்.டபிள்யூ. 5 சீரிஸ் மாடல் மூன்று வெர்ஷன்களில் கிடைக்கும் என தெரிகிறது.
    • இதன் எலெக்ட்ரிக் வெர்ஷன் முழு சார்ஜ் செய்தால் 582 கி.மீ. ரேன்ஜ் வழங்கும்.

    பிஎம்டபிள்யூ நிறுவனம் தனது 8-வது தலைமுறை 5 சீரிஸ் மாடலை அறிமுகம் செய்யும் பணிகளில் ஈடுபட்டு வருகிறது. இந்த காருடன் அதன் எலெக்ட்ரிக் வெர்ஷனும் அறிமுகம் செய்யப்பட உள்ளது. இந்த கார் முற்றிலும் புதிய மெர்சிடிஸ் பென்ஸ் E கிளாஸ் மாடலுக்கு போட்டியாக அமைகிறது. நீட்டிக்கப்பட்ட வீல்பேஸ் உடன் இந்தியாவில் அறிமுகமாகும் முதல் பி.எம்.டபிள்யூ. கார் மாடல் என்ற பெருமையை புதிய 5 சீரிஸ் மாடல் பெற இருக்கிறது.

    புதிய 5 சீரிஸ் காரின் லாங்-வீல்பேஸ் வெர்ஷன் G60 5 சீரிஸ் மாடலை தழுவி உருவாக்கப்பட்டு இருக்கிறது. 5 சீரிஸ் LWB மாடலில் இலுமினேட் செய்யப்பட்ட கிரில், மெல்லிய டெயில் லேம்ப்கள் வழங்கப்படுகின்றன. சீன சந்தையில் விற்பனை செய்யப்படும் பி.எம்.டபிள்யூ. 5 சீரிஸ் LWB 5175mm நீளமும், 1520mm உயரம், வீல்பேஸ் 3105mm அளவில் உள்ளது.

     


    இந்திய சந்தையில் பி.எம்.டபிள்யூ. 5 சீரிஸ் 520Li அல்லது 530Li, 520Ld வெர்ஷன்களில் விற்பனைக்கு கிடைக்கும் என தெரிகிறது. இவற்றில் 2.0 லிட்டர் டர்போ பெட்ரோல், டீசல் என்ஜின்கள் வழங்கப்படும். இவற்றுடன் மைல்டு ஹைப்ரிட் சிஸ்டம் வழங்கப்படுகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

    பி.எம்.டபிள்யூ. i5 மாடல் இ-டிரைவ்40 வடிவில் கிடைக்கும் என்றும் இதில் 340 ஹெச்.பி. பவர் வெளிப்படுத்தும் மோட்டார் மற்றும் 81.2 கிலோவாட் ஹவர் பேட்டரி பேக் வழங்கப்படும் என தெரிகிறது. இந்த கார் முழு சார்ஜ் செய்தால் 582 கிலோமீட்டர்கள் வரையிலான ரேன்ஜ் வழங்கும் என்று பி.எம்.டபிள்யூ. தெரிவித்துள்ளது. புதிய பி.எம்.டபிள்யூ. 5 சீரிஸ் மாடல்கள் பண்டிகை காலக்கட்டத்தில் இந்தியாவில் அறிமுகம் செய்யப்படும் என தெரிகிறது.

    • விஷால், எஸ்.ஜே. சூர்யா நடிப்பில் வெளியான மார்க் ஆண்டனி வெற்றி படமாக மாறியது.
    • மார்க் ஆண்டனி படத்தில் செல்வராகவன் முக்கிய கதாப்பாத்திரத்தில் நடித்திருந்தார்.

    இயக்குனர் ஆதிக் ரவிச்சந்திரன் இயக்கத்தில் விஷால் நடித்துள்ள திரைப்படம் 'மார்க் ஆண்டனி'. இப்படத்தின் நாயகியாக ரித்து வர்மா நடித்துள்ளார். மேலும் எஸ்.ஜே.சூர்யா மற்றும் செல்வராகவன் முக்கிய கதாப்பாத்திரத்தில் நடித்துள்ளனர்.

    ஜி.வி பிரகாஷ் இசையமைத்துள்ள இந்த படம் செப்டம்பர் 15-ஆம் தேதி திரையரங்குகளில் வெளியாகி விமர்சன ரீதியாகவும் வசூல் ரீதியாகவும் நல்ல வரவேற்பை பெற்று வருகிறது. இப்படம் 25 நாட்களை கடந்து திரையரங்குகளில் ஓடியதோடு, வசூலில் ரூ.100 கோடியை எட்டியுள்ளதாக கூறப்படுகிறது.

    இந்த நிலையில், மார்க் ஆண்டனி படத்தின் வெற்றியை கொண்டாடும் வகையில், தயாரிப்பாளர் வினோத் குமார் இயக்குனர் ஆதிக் ரவிச்சந்திரனுக்கு பி.எம்.டபிள்யூ. காரை பரிசாக வழங்கி இருக்கிறார். மார்க் ஆண்டனி வெற்றியை தொடர்ந்து இயக்குனர் ஆதிக் ரவிசந்திரன் அஜித் குமார் நடிக்கும் படத்தை இயக்க இருக்கிறார்.

    • பிஎம்டபிள்யூ G 310 சீரிசில் G 310 R, G 310 RR மற்றும் G 310 GS போன்ற மாடல்கள் அடங்கும்.
    • பிஎம்டபிள்யூ நிறுவனம் தனது G 310 சீரிஸ் மாடல்களை புதிய நிறங்களில் அறிமுகம் செய்து இருக்கிறது.

    பிஎம்டபிள்யூ குழுமம் இந்தியா சிறப்பான அரையாண்டு, காலாண்டு மற்றும் ஜூன் மாத விற்பனையை பதிவு செய்து அசத்தி இருக்கிறது. பிஎம்டபிள்யூ, மினி மற்றும் பிஎம்டபிள்யூ மோட்டராட் என மூன்று பிரான்டுகளும் விற்பனையில் நல்ல வளர்ச்சியை பதிவு செய்துள்ளன.

    இந்த ஆண்டின் முதல் ஆறு மாதங்களில், பிஎம்டபிள்யூ மோட்டராட் நிறுவனம் 4 ஆயிரத்து 667 யூனிட்களை விற்பனை செய்து இருக்கிறது. இது கடந்த ஆண்டின் இதே காலக்கட்டத்துடன் ஒப்பிடும் போது 50 சதவீதம் அதிகம் ஆகும். பிஎம்டபிள்யூ இருசக்கர வாகனங்கள் விற்பனையை அதிகப்படுத்தியதில், புதிய என்ட்ரி லெவல் G 310 சீரிஸ் முக்கிய காரணமாக பார்க்கப்படுகிறது.

     

    இதில், G 310 R, G 310 RR மற்றும் G 310 GS போன்ற மாடல்கள் அடங்கும். இந்தியாவில் உற்பத்தி செய்யப்பட்ட G 310 சீரிஸ், ஒட்டுமொத்த விற்பனையில் 90 சதவீத வளர்ச்சியை பதிவு செய்துள்ளது. இவைதவிர பிஎம்டபிள்யூ மோட்டராட் நிறுவனம் S 1000 RR, R 1250 GS/ GSA மற்றும் C400 GT போன்ற மாடல்களை விற்பனை செய்து வருகிறது.

    புதிய என்ட்ரி லெவல் மாடல்கள் மட்டுமின்றி, வாடிக்கையாளர்களுக்கு உதவும் வகையில் சிறப்பான நிதி சலுகைகளும் விற்பனை அதிகரிக்க காரணம் என்று பிஎம்டபிள்யூ மோட்டராட் தெரிவித்து இருக்கிறது.

    பிஎம்டபிள்யூ நிறுவனம் தனது G 310 சீரிஸ் மாடல்களை புதிய நிறங்களில் அறிமுகம் செய்து இருக்கிறது. இவை விரைவில் இந்திய சந்தையில் அறிமுகம் செய்யப்படும் என்று தெரிகிறது. எனினும், எப்போது வெளியாகும் என்பது பற்றி இதுவரை எந்த தகவலும் இல்லை.

    • புதிய பிஎம்பிள்யூ X5 பேஸ்லிப்ட் மாடலில் காஸ்மடிக் மாற்றங்கள் மேற்கொள்ளப்பட்டு இருக்கிறது.
    • பிஎம்பிள்யூ X5 பேஸ்லிப்ட் மாடலில் பெட்ரோல் மற்றும் டீசல் என்ஜின் ஆப்ஷன்கள் வழங்கப்படுகிறது.

    பிஎம்பிள்யூ நிறுவனம் இந்திய சந்தையில் தனது புதிய X5 பேஸ்லிப்ட் மாடலை அறிமுகம் செய்தது. புதிய பிஎம்பிள்யூ X5 பேஸ்லிப்ட் மாடலின் விலை ரூ. 93 லட்சத்து 90 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய மேம்பட்ட எஸ்யுவி மாடல் நான்கு வேரியன்ட் மற்றும் ஏராளமான நிறங்களில் கிடைக்கிறது.

    புதிய பிஎம்பிள்யூ X5 பேஸ்லிப்ட் மாடலில் காஸ்மடிக் மாற்றங்கள் மேற்கொள்ளப்பட்டு இருக்கிறது. இதன் பெட்ரோல் ரேன்ஜ் 40i எக்ஸ் லைன் மற்றும் 40i M ஸ்போர்ட்ஸ் வேரியன்ட்களிலும், டீசல் ரேன்ஜ் 30d எக்ஸ் லைன் மற்றும் 30d M ஸ்போர்ட் போன்ற வேரியன்ட்களில் கிடைக்கிறது. இந்த கார் ப்ரூக்லின் கிரே, கார்பன் பிளாக், மினரல் வைட், ஸ்கை-ஸ்கிரேப்பர் கிரே, டான்சனைட் புளூ மற்றும் பிளாக் சஃபையர் போன்ற நிறங்களில் கிடைக்கிறது.

     

    X5 பேஸ்லிப்ட் மாடலின் வெளிப்புற ஹெட்லேம்ப்களில் ஏரோ வடிவம் கொண்ட எல்இடி டிஆர்எல்கள், மல்டி-ஸ்போக் அலாய் வீல்கள், ரிவைஸ்டு எல்இடி டெயில் லைட்கள், X வடிவம் கொண்ட பேட்டன்கள், டுவீக் செய்யப்பட்ட முன்புறம் மற்றும் பின்புற பம்ப்பர்கள் வழங்கப்பட்டு உள்ளன.

    அம்சங்களை பொருத்தவரை 14.9 இன்ச் டச் ஸ்கிரீன் இன்ஃபோடெயின்மென்ட் ஸ்கிரீன், 12.3 இன்ச் ஆல்-டிஜிட்டல் இன்ஸ்ட்ரூமென்ட் கிளஸ்டர் வழங்கப்படுகிறது. இத்துடன் ஆட்டோமேடிக் கிளைமேட் கண்ட்ரோல், மல்டி-கலர் ஆம்பியன்ட் லைட்டிங், குரூயிஸ் கன்ட்ரோல், வயர்லெஸ் சார்ஜர், பானரோமிக் சன்ரூஃப், ஆப்ஷனல் ஸ்போர்ட்ஸ் சீட் பேக்கேஜ் வழங்கப்படுகிறது.

     

    பிஎம்பிள்யூ X5 பேஸ்லிப்ட் மாடலில் 3.0 லிட்டர் பெட்ரோல் மற்றும் டீசல் என்ஜின் ஆப்ஷன்கள் வழங்கப்படுகிறது. இதில் உள்ள 6 டர்போசார்ஜ் செய்யப்பட்ட பெட்ரோல் என்ஜின் 335 ஹெச்பி பவர், 650 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதன் டீசல் என்ஜின் 262 ஹெச்பி பவர், 620 நியூட்டன் மீட்டர் டார்க் இழுவிசையை வெளிப்படுத்துகிறது.

    இரண்டு என்ஜின்களுடன் எலெக்ட்ரிக் மோட்டார் பொருத்தப்பட்டு இருக்கிறது. இந்த எலெக்ட்ரிக் மோட்டார் கூடுதலாக 12ஹெச்பி மற்றும் 200 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கின்றன. இவற்றுடன் 8 ஸ்பீடு ஆட்டோமேடிக் டிரான்ஸ்மிஷன், எக்ஸ்டிரைவ் AWD ஸ்டான்டர்டு ஆப்ஷனாக வழங்கப்படுகிறது. 

    • இந்த மாடலிலும் 101.7 கிலோவாட் ஹவர் பேட்டரி பேக் வழங்கப்படுகிறது.
    • இந்த கார் மணிக்கு 100 கிலோமீட்டர்கள் வேகத்தை 3.7 நொடிகளில் எட்டிவிடும்.

    பிஎம்டபிள்யூ இந்தியா நிறுவனம் தனது பிளாக்ஷிப் எலெக்ட்ரிக் செடான் i7 மாடலின் M வெர்ஷனை இந்திய சந்தையில் அறிமுகம் செய்ய இருக்கிறது. ஆகஸ்ட் மாத வாக்கில் இந்த காரின் வெளியீடு நடைபெற இருக்கிறது. பிஎம்டபிள்யூ i7 M70 எக்ஸ்டிரைவ் என்று அழைக்கப்படும் புதிய கார், ஜெர்மன் கார் உற்பத்தியாளரின் முதல் எலெக்ட்ரிக் செடான் மாடல் ஆகும்.

    வழக்கமான பிஎம்டபிள்யூ i7 மாடலுடன் ஒப்பிடும் போது, இந்த காரில் ஏராளமான அம்சங்கள் வித்தியாசமாக வழங்கப்படுகிறது. இதில் முன்புறம் மற்றும் பின்புறம் M பம்ப்பர் பாடி கிட், கிளாசி பிளாக் கிட்னி கிரில், M பேட்ஜ் வழங்கப்படுகிறது. M டிசைன் மிரர்கள், சைடு ஸ்கர்ட்கள், இலுமினேட் செய்யப்பட்ட டோர் சில்கள், கிளாஸ் பிளாக் வின்டோ லைன் உள்ளிட்டவை வழங்கப்படுகிறது.

    இத்துடன் பக்கவாட்டு ஃபென்டரில் M பேட்ஜ், 21 இன்ச் அளவில் புதிய அலாய் வீல்கள், புளூ நிற பிரேக் கேலிப்பர்கள் வழங்கப்படுகின்றன. மேலும் பிளாக்டு அவுட் ரியர் ஸ்பாயிலர், டூ டோன் பெயின்ட் ஆப்ஷன்கள் ஸ்டான்டர்டு அம்சமாக வழங்கப்படுகிறது. இத்துடன் லிக்விட் காப்பர் நிற வேரியண்ட் வழங்கப்படுகிறது. இதன் விலை ரூ. 13 லட்சம் வரை அதிகம் ஆகும்.

    இந்த மாடலிலும் 101.7 கிலோவாட் ஹவர் பேட்டரி பேக் வழங்கப்படுகிறது. இதனுடன் வழங்கப்படும் எலெக்ட்ரிக் மோட்டார் 650 ஹெச்பி பவர், 1015 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

    இந்த கார் மணிக்கு 100 கிலோமீட்டர்கள் வேகத்தை 3.7 நொடிகளில் எட்டிவிடும். மணிக்கு அதிபட்சம் 250 கிலோமீட்டர் வேகத்தில் செல்லும். இந்த கார் முழு சார்ஜ் செய்தால் 560 கிலோமீட்டர்கள் வரையிலான ரேன்ஜ் வழங்குகிறது.

    • புதிய பிஎம்டபிள்யூ M 1000 RR மாடல் இரண்டு வேரியன்ட்களில் கிடைக்கிறது.
    • 2023 பிஎம்டபிள்யூ M 1000 RR பைக் மணிக்கு அதிகபட்சம் 314 கிலோமீட்டர்கள் வேகத்தில் செல்லும்.

    பிஎம்டபிள்யூ மோட்டராட் நிறுவனம் இந்திய சந்தையில் 2023 பிஎம்டபிள்யூ M 1000 RR சூப்பர்பைக் மாடலை அறிமுகம் செய்து இருக்கிறது. பெயருக்கு ஏற்றார்போல் இது பிஎம்டபிள்யூ S 1000 RR மாடலின் ஸ்போர்ட் வெர்ஷன் ஆகும். இந்தியாவில் புதிய பிஎம்டபிள்யூ M 1000 RR மாடல் ஸ்டான்டர்டு மற்றும் காம்படீஷன் என இரண்டு வேரியன்ட்களில் கிடைக்கிறது.

    விலை விவரங்கள்:

    2023 பிஎம்டபிள்யூ M 1000 RR ஸ்டான்டர்டு ரூ. 49 லட்சம்

    2023 பிஎம்டபிள்யூ M 1000 RR காம்படீஷன் ரூ. 55 லட்சம்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

    2024 பிஎம்டபிள்யூ M 1000 RR மாடல் தோற்றத்தில் அதிக ஸ்போர்ட் தோற்றம் மற்றும் டிராக் சார்ந்த மாடல் போன்று காட்சியளிக்கிறது. தற்போது இந்திய சந்தையில் கிடைக்கும் விலை உயர்ந்த பிஎம்டபிள்யூ மோட்டார்சைக்கிள் இது ஆகும். இந்த மாடல் முழுக்க கார்பன்-ஃபைபர் பாடிவொர்க், விங்லெட்கள், கார்பன் வீல்கள், பிஎம்டபிள்யூ M தீம் கொண்ட பெயின்டிங் செய்யப்பட்டுள்ளது.

     

    பிஎம்டபிள்யூ M 1000 RR மாடலில் 999சிசி, இன்லைன், 4 சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 211 ஹெச்பி பவர், 113 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ், பை-டைரெக்ஷனல் குயிக்ஷிப்டர், ஸ்லிப் மற்றும் அசிஸ்ட் கிளட்ச் வழங்கப்பட்டு இருக்கிறது.

    புதிய 2023 பிஎம்டபிள்யூ M 1000 RR மோட்டார்சைக்கிள் மணிக்கு அதிகபட்சம் 314 கிலோமீட்டர்கள் வேகத்தில் செல்லும் திறன் கொண்டுள்ளது. ஏபிஎஸ், டிராக்ஷன் கண்ட்ரோல், ஏழு ரைடு மோட்கள் மற்றும் ஏராளமான வசதிகள் இந்த சூப்பர் பைக்கில் வழங்கப்பட்டு இருக்கிறது. இதன் முன்புறம் டூயல் 320mm டிஸ்க்குகள், பின்புறம் 220mm டிஸ்க் மற்றும் டூயல் சேனல் ஏபிஎஸ் உள்ளது.

    இந்திய சந்தையில் புதிய பிஎம்டபிள்யூ M 1000 RR சூப்பர்பைக் டுகாட்டி பனிகேல் V4R மாடலுக்கு போட்டியாக அமைகிறது. டுகாட்டி பினிகேல் V4 R மாடலின் விலை ரூ. 69 லட்சத்து 99 ஆயிரம், எக்ஸ் ஷோரூம் என்று நிர்ணயம் செய்யப்பட்டு உள்ளது.

    • பிஎம்டபிள்யூ நிறுவனத்தின் R 1250 GS மாடல் வெளியீட்டு விவரம் அறிவிக்கப்பட்டது.
    • புதிய பிஎம்டபிள்யூ மாடலில் ரேடார் சார்ந்த குரூயிஸ் கண்ட்ரோல் வழங்கப்படம் என தெரிகிறது.

    பிஎம்டபிள்யூ மோட்டராட் நிறுவனம் தனது R 1300 GS பிளாக்ஷிப் அட்வென்ச்சர் மோட்டார்சை்கிளை செப்டம்பர் 28-ம் தேதி அறிமுகம் செய்வதாக அறிவித்து இருக்கிறது. இந்த மாடல் முதற்கட்டமாக பெர்லினில் அறிமுகம் செய்யப்படுகிறது.

    புதிய மாடல் தற்போது விற்பனை செய்யப்படும் R 1250 GS மாடலின் மேம்பட்ட வெர்ஷன் ஆகும். இதில் 1300சிசி பாக்சர் டுவின் என்ஜின் வழங்கப்படுகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 143 ஹெச்பி பவர், 143 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும்.

    இத்துடன் பிஎம்டபிள்யூ ஷிஃப்ட்கேம் தொழில்நுட்பம் வழங்கப்படும் என்று தெரிகிறது. இது தற்போதைய 1250 மாடலில் உள்ளதை விட வித்தியாசமாக டியூன் செய்யப்பட்டு இருக்கும் என்று எதிர்பார்க்கலாம். இதுவரை வெளியாகி இருக்கும் ஸ்பை படங்களில் புதிய R 1250 GS மாடலின் டிசைன் விவரங்கள் வெளியாகி உள்ளன.

     

    பிஎம்டபிள்யூ R 1250 GS மாடலில் எல்இடி ஹெட்லைட், ரேடார் சிஸ்டம், பீக் மற்றும் ஆக்சிலரி லைட்கள், சிறிய வைசர் வழங்கப்படுகிறது. இந்த மாடலின் முன்புறம் 19 இன்ச் வீல், பின்புறம் 17 இன்ச் வீல் வழங்கப்படுகிறது.

    இத்துடன் எல்இடி இலுமினேஷன், ரேடார் சார்ந்த குரூயிஸ் கண்ட்ரோல், கொலிஷன் வார்னிங், பிலைன்ட்-ஸ்பாட் மானிட்டரிங், டிஜிட்டல் கன்சோல், ஜிபிஎஸ், ரைடு மோட்கள், டிராக்ஷன் கண்ட்ரோல், ஏபிஎஸ் போன்ற அம்சங்கள் வழங்கப்படுகிறது.

    செப்டம்பர் அறிமுக நிகழ்வை தொடர்ந்து பிஎம்டபிள்யூ மோட்டராட் நிறுவனம் தனது R 1250 GS மாடலை இந்தியா உள்பட பல்வேறு உலக நாடுகளில் இந்த ஆண்டு இறுதியிலோ அல்லது அடுத்த ஆண்டு துவக்கத்திலோ அறிமுகம் செய்யும் என்று தெரிகிறது.

    • உலகம் முழுக்க இந்த கார் 60 ஆயிரம் யூனிட்கள் விற்பனை செய்யப்பட்டு உள்ளன.
    • இந்த என்ஜின் 446 ஹெச்பி பவர், 550 நியூட்டன் மீட்டர் டார்க் இழுவிசையை வெளிப்படுத்துகிறது.

    பிஎம்டபிள்யூ நிறுவனம் இந்திய சந்தையில் தனது புதிய M2 மாடலை அறிமுகம் செய்தது. புதிய பிஎம்டபிள்யூ M2 மாடலின் விலை ரூ. 98 லட்சம், எக்ஸ்-ஷோரூம் என்று துவங்குகிறது. முதல் தலைமுறை 2 சீரிஸ் மாடல் அறிமுகமாகி நீண்ட காலம் ஆகிவிட்டது. உலகம் முழுக்க இந்த கார் 60 ஆயிரம் யூனிட்கள் விற்பனை செய்யப்பட்டு உள்ளன.

    முற்றிலும் புதிய M2 மாடல் அதீத செயல்திறனை வழங்கும் வகையில் உருவாக்கப்பட்டு இருக்கிறது. இத்துடன் சக்திவாந்த M பிராண்டிங் செய்யப்பட்டு இருக்கிறது. இந்த காரின் மிகமுக்கிய விஷயம், இந்திய சந்தையில் மேனுவல் ஆப்ஷன் கொண்ட முதல் பிஎம்டபிள்யூ மாடல் இது ஆகும். இந்த காரில் ஃபிரேம்லெஸ் கிட்னி கிரில், கிடைமட்டமாக பார்கள் பொருத்தப்பட்டு உள்ளன. இவை காருக்கு அதிரடி தோற்றத்தை வழங்குகிறது.

    புதிய பிஎம்டபிள்யூ M2 மாடலில் ஃபிளார்டு ஸ்கர்ட்கள், வீல் ஆர்ச்கள் வழங்கப்பட்டுள்ளன. இவை காருக்கு ஸ்போர்ட் தோற்றத்தை வழங்குகின்றன. இந்த காரில் சக்திவாய்ந்த M டுவின்பவர் டர்போ 6 சிலிண்டர்கள் கொண்ட இன்லைன் பெட்ரோல் என்ஜின் வழங்கப்பட்டு இருக்கிறது. இந்த என்ஜின் 446 ஹெச்பி பவர், 550 நியூட்டன் மீட்டர் டார்க் இழுவிசையை வெளிப்படுத்துகிறது.

    இந்த கார் மணிக்கு 100 கிலோமீட்டர்கள் வேகத்தை 4.1 நொடிகளில் எட்டிவிடும். மேனுவல் டிரான்ஸ்மிஷனில் இந்த கார் 4.3 நொடிகளில் 100 கிலோமீட்டர்கள் வேகத்தை எட்டிவிடும். இதன் மேனுவல் வேரியண்ட் விலை ரூ. 1 லட்சம் வரை அதிகமாக நிர்ணயம் செய்யப்பட்டு உள்ளது. 

    • பிஎம்டபிள்யூ Z4 ரோட்ஸ்டர் மாடலில் 3.0 லிட்டர், ஆறு சிலிண்டர்கள் கொண்ட டர்போ பெட்ரோல் எஞ்சின் உள்ளது.
    • பிஎம்டபிள்யூ Z4 வாங்குவோருக்கு இரண்டு ஆண்டுகள் வாரண்டி அறிவிப்பு.

    பிஎம்டபிள்யூ நிறுவனம் இந்திய சந்தையில் தனது Z4 ரோட்ஸ்டர் மாடலை அறிமுகம் செய்தது. புதிய பிஎம்டபிள்யூ Z4 ரோட்ஸ்டர் மாடலின் விலை ரூ. 89 லட்சத்து 30 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த மாடல் Z4 சீரிசின் அப்டேட் செய்யப்பட்ட வெர்ஷன் ஆகும். இதன் வெளிப்புறம் டுவீக் செய்யப்பட்ட எக்ஸ்டீரியர் டிசைன், உள்புறம் புதிய அம்சங்கள் வழங்கப்பட்டு உள்ளன.

    புதிய பிஎம்டபிள்யூ Z4 மாடலை வாங்குவோருக்கு இரண்டு ஆண்டுகள் மற்றும் வரம்பற்ற கிலோமீட்டர்கள் வாரண்டி கிடைக்கிறது. காரின் வெளிப்புறம் 2023 பிஎம்டபிள்யூ Z4 ரோட்ஸ்டர் மாடலில் புதிய கிட்னி கிரில், அளவில் பெரிய ஏர் இண்டேக்குகள், சாஃப்ட்-டாப் (மேற்கூரை திறந்து மூடும் வசதி), எல்இடி ஹெட்லேம்ப்-கள், புதிய ஏர் வெண்ட்கள், முன்புறம் வீல் ஆர்ச்கள் உள்ளன.

    இத்துடன் 19 இன்ச் அளவில் M லைட் அலாய் வீல்கள், M ஸ்போர்ட் பிரேக்குகள், கிரில் பகுதியில் செரியம் கிரே ஃபினிஷ், ORVM கேப்கள் மற்றும் எக்சாஸ்ட் பைப்கள் வழங்கப்பட்டு இருக்கின்றன. காரின் உள்புறம் ஆம்பியண்ட் லைட்டிங், டூயல் ஜோன் கிளைமேட் கண்ட்ரோல், எலெக்ட்ரிக் அட்ஜஸ்ட் வசதி கொண்ட சீட்கள், மெமரி ஃபன்ஷன், லெதர் மற்றும் அல்காண்ட்ரா இண்டீரியர் வழங்கப்பட்டுள்ளது.

    மேலும் 10.25 இன்ச் டிஜிட்டல் இன்ஸ்ட்ரூமெண்ட் கன்சோல், பிஎம்டபிள்யூ லைவ் காக்பிட் ப்ரோஃபஷனல், பிஎம்டபிள்யூ ஒஎஸ் 7.0, கலர்டு ஹெச்யுடி, 408 வாட் ஹார்மன் கார்டன் சவுண்ட் சிஸ்டம், வயர்லெஸ் சார்ஜர், டிரைவ் மோட்கள், அடாப்டிவ் M ஸ்போர்ட் சஸ்பென்ஷன், M ஸ்போர்ட் டிஃபரென்ஷியல் மற்றும் ஏராளமான டிரைவர் அசிஸ்டன்ஸ் அம்சங்கள் உள்ளன.

    மேம்பட்ட பிஎம்டபிள்யூ Z4 ரோட்ஸ்டர் மாடலில் 3.0 லிட்டர், ஆறு சிலிண்டர்கள் கொண்ட டர்போ பெட்ரோல் எஞ்சின் வழங்கப்பட்டு இருக்கிறது. இந்த எஞ்சின் 340 ஹெச்பி பவர், 500 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் உள்ளது. இந்த கார் மணிக்கு 100 கிலோமீட்டர் வேகத்தை 4.5 நொடிகளில் எட்டிவிடும்.

    ×