நீங்கள் தேடியது "WIvBAN"

அயர்லாந்து, வெஸ்ட் இண்டீஸ், வங்காள தேசம் அணிகளுக்கு இடையிலான முத்தரப்பு ஒருநாள் கிரிக்கெட் தொடர் அயர்லாந்தில் நடைபெற்றது.

நேற்று நடைபெற்ற இறுதிப் போட்டியில் வெஸ்ட் இண்டீஸ் - வங்காள தேசம் அணிகள் பலப்பரீட்சை நடத்தின. முதலில் பேட்டிங் செய்த வெஸ்ட் இண்டீஸ் 20.1 ஓவரில் விக்கெட் இழப்பின்றி 131 ரன்கள் எடுத்திருந்தது. அப்போது மழை குறுக்கீட்டதால் ஆட்டம் 24 ஓவராக குறைக்கப்பட்டது. மேலும் 23 பந்துகளை சந்தித்த வெஸ்ட் இண்டீஸ் 21 ரன்களே அடித்தது.

இதனால் வெஸ்ட் இண்டீஸ் 24 ஓவரில் 1 விக்கெட் இழப்பிற்கு 152 ரன்கள் சேர்த்தது. பின்னர் டக்வொர்த் லீவிஸ் விதிப்படி வங்காள தேச அணிக்கு 24 ஓவரில் 210 ரன்கள் வெற்றி இலக்காக நிர்ணயிக்கப்பட்டது.



சவுமியா சர்கார் 41 பந்தில் 66 ரன்களும், முஷ்பிகுர் ரஹிம் 22 பந்தில் 36 ரன்களும் சேர்த்தனர். மொசாடெக் ஹொசைன் 24 பந்தில் 52 ரன்கள் விளாச 22.5 ஓவரில் 5 விக்கெட் இழப்பிற்கு 213 ரன்கள் குவித்து வெற்றி பெற்றது.

இந்த வெற்றியின் மூலம் வங்காள தேசம் முத்தரப்பு ஒருநாள் கிரிக்கெட் தொடரை கைப்பற்றியது.

வெஸ்ட் இண்டீஸ் - வங்காள தேசம் அணிகளுக்கு இடையிலான மூன்று போட்டிகள் கொண்ட டி20 கிரிக்கெட் தொடர் நடைபெற்றது. முதல் ஆட்டத்தில் வெஸ்ட் இண்டீஸும், 2-வது ஆட்டத்தில் வங்காள தேசமும் வெற்றி பெற்றது.

இந்நிலையில் 3-வது மற்றும் கடைசி போட்டி அமெரிக்கா நேரப்படி நேற்றிரவு 8 மணிக்கு தொடங்கியது. புளோரிடாவில் நடைபெற்ற இந்த ஆட்டத்தில் வங்காள தேசம் டாஸ் வென்று பேட்டிங் தேர்வு செய்தது.

அதன்படி லித்தோன் தாஸ், தமிம் இக்பால் ஆகியோர் தொடக்க வீரர்களாக களம் இறங்கினார்கள். தமிம் இக்பால் 21 ரன்கள் எடுத்த நிலையில் ஆட்டமிழந்தார். லித்தோன் தாஸ் 32 பந்தில் 61 ரன்கள் விளாசினார்.



அதன்பின் வந்த ஷாகிப் அல் ஹசன் 24 ரன்களும், மெஹ்முதுல்லா ஆட்டமிழக்காமல் 32 ரன்களும் அடிக்க வங்காள தேசம் 20 ஓவரில் 5 விக்கெட் இழப்பிற்கு 184 ரன்கள் குவித்தது.

பின்னர் 185 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. வெஸ்ட் இண்டீஸ் அணியின் தொடக்க விக்கட்டுக்கள் சீரான இடைவெளில் சரிந்து கொண்டே வந்தது.

அதிரடி மன்னன் அந்த்ரே ரஸல் பட்டாசாக வெடித்தார். அவர் 21 பந்தில் 47 ரன்கள் குவித்தார். அப்போது 17.1 ஓவரில் 7 விக்கெட் இழப்பிற்கு 135 ரன்கள் எடுத்திருந்தது. அந்த நேரத்தில் மழை பெய்ததால் ஆட்டம் நிறுத்தப்பட்டு டக்வொர்த் லீவிஸ் விதி கடைபிடிக்கப்பட்டது.



இதில் வங்காள தேசம் 19 ரன்கள் வித்தியாசத்தில் வெற்றி பெற்றது. இந்த வெற்றியின் மூலம் 2-1 எனத் தொடரைக் கைப்பற்றியது. லித்தோன் தாஸ் ஆட்ட நாயகன் விருதையும், ஷாகிப் அல் ஹசன் தொடர் நாயகன் விருதையும் பெற்றனர். இரண்டு போட்டிகள் கொண்ட டெஸ்ட் தொடரை வங்காள தேசம் 2-0 எனக் கைப்பற்றியது. அதன்பின் ஒருநாள் மற்றும் டி20 தொடரை வங்காள தேசம் 2-1 எனக் கைப்பற்றியது.

வெஸ்ட் இண்டீஸ் - வங்காள தேசம் அணிகளுக்கு இடையிலான மூன்று போட்டிகள் கொண்ட டி20 தொடர் உள்ளூர் நேரப்படி செயின்ட் கிட்ஸில் நேற்று தொடங்கியது. இதில் டாஸ் வென்ற வெஸ்ட் இண்டீஸ் அணி பந்து வீச்சு தேர்வு செய்தது.

அதன்படி வங்காள தேச அணியின் தமிம் இக்பால், சவுமியா சர்கார் ஆகியோர் தொடக்க வீரர்களாக களம் இறங்கினார்கள். முதல் ஓவரிலேயே வங்காள தேச அணிக்கு மிகப்பெரிய அதிர்ச்சி காத்திருந்தது. இருவரும் தாங்கள் சந்தித்த முதல் பந்திலேயே ஆட்டமிழந்தனர்.

அடுத்து வந்த லித்தோன் தாஸ் 21 பந்தில் 24 ரன்களும், ஷாகிப் அல் ஹசன் 10 பந்தில் 19 ரன்களும், முஷ்பிகுர் ரஹிம் 11 பந்தில் 15 ரன்களும், மெஹ்முதுல்லா 27 பந்தில் 35 ரன்களும் எடுக்க வங்காள தேசம் 20 ஓவரில் 9 விக்கெட் இழப்பிற்கு 143 ரன்கள் குவித்தது.

பின்னர் 144 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் பேட்டிங் செய்ய இருந்தது. அப்போது கனமழை பெய்தது. இதனால் ஆட்டம் நீண்ட நேரம் தடைபட்டது. மழைநின்ற பின் ஆட்டம் தொடங்கியது.

வெஸ்ட் இண்டீஸ் அணிக்கு 11 ஓவரில் 91 ரன்கள் வெற்றி இலக்காக நிர்ணயிக்கப்பட்டது. 2-வது ஓவரை முஷ்டாபிஜூர் ரஹ்மான் வீசினார். இந்த ஓவரில் ரன்ஏதும் கொடுக்காமல் இரண்டு விக்கெட்டுக்களை வீழ்த்தினார்.



அதன்பின் வந்த அந்த்ரே ரஸில் அதிரடியாக விளையாடி 21 பந்தில் 35 ரன்கள் அடிக்க, சாமுவேல்ஸ் 13 பந்தில் 26 ரன்கள் சேர்த்து ஆட்டமிழந்தார். ரஸல் உடன் இணைந்து ரோவ்மேன் பொவேல் 9 பந்தில் 15 ரன்கள் அடிக்க வெஸ்ட் இண்டீஸ் 9.1 ஓவரிலேயே 93 ரன்கள் எடுத்து 7 விக்கெட் வித்தியாசத்தில் வெற்றி பெற்றது.

இரு அணிகளுக்கு இடையிலான 2-வது டி20 போட்டி வரும் 4-ந்தேதி அமெரிக்காவின் புளோரிடாவில் நடக்கிறது.

வங்காள தேசம் வெஸ்ட் இண்டீஸில் சுற்றுப் பயணம் செய்து விளையாடி வருகிறது. முதலில் நடைபெற்ற இரண்டு போட்டிகள் கொண்ட டெஸ்ட் தொடரை வெஸ்ட் இண்டீஸ் 2-0 எனக் கைப்பற்றியது. அதன்பின் மூன்று போட்டிகள் கொண்ட ஒருநாள் தொடரை வங்காள தேசம் 2-1 எனக் கைப்பற்றியது.

இதற்கிடையில் மூன்று போட்டிகள் கொண்ட டி20 கிரிக்கெட் தொடர் ஆகஸ்ட் மாதம் 31-ந்தேதி தொடங்குகிறது. இதற்கான வங்காள தேச அணி அறிவிக்கப்பட்டுள்ளது. ஐபிஎல் தொடரின்போது வேகப்பந்து வீச்சாளர் முஸ்டாபிஜூர் ரஹ்மானுக்கு காயம் ஏற்பட்டது. இதனால் டெஸ்ட் மற்றும் ஒருநாள் போட்டியில் இடம்பெறவில்லை. இந்நிலையில் டி20 தொடருக்கான அணியில் இடம்பிடித்துள்ளார்.



வங்காள தேச அணியில் இடம்பிடித்துள்ள வீரர்கள் விவரம்:-

1. ஷாகிப் அல் ஹசன் (கேப்டன்), 2. தமிம் இக்பால், 3. சவுமியா சர்கர், 4. லித்தோன் தாஸ், 5. முஷ்பிகுர் ரஹிம், 6. சபிர் ரஹ்மான், 7. மெஹ்முதுல்லா, 8. மொசாடெக், 9. ஹுசைன் சாய்கட், 10. மெஹிதி ஹசன் மிராஸ், 11. நஸ்முல் இஸ்லாம், 12. ருபெல் ஹுசைன், 13. முஸ்டாபிஜூர் ரஹ்மான், 14. அபு ஹைடர், 12. அபு ஜாயெத், 13. அரிபுல் ஹக்யூ.

வெஸ்ட் இண்டீஸ் - வங்காள தேசம் அணிகளுக்கு இடையிலான டெஸ்ட் தொடர் முடிந்துள்ள நிலையில் நேற்று மூன்று போட்டிகள் கொண்ட ஒருநாள் கிரிக்கெட் தொடர் தொடங்கியது.

கயானாவில் நடைபெற்ற முதல் ஆட்டத்தில் டாஸ் வென்ற வங்காள தேசம் பேட்டிங் தேர்வு செய்தது. அதன்படி தமிம் இக்பால், அனாமுல் ஹக்யூ ஆகியோர் தொடக்க வீரர்களாக களம் இறங்கினார்கள். ஹக்யூ ரன்ஏதும் எடுக்காமல் டக்அவுட்டில் வெளியேறினார்.

2-வது விக்கெட்டுக்கு தமிம் இக்பால் உடன் ஷாகிப் அல் ஹசன் ஜோடி சேர்ந்தார். இந்த ஜோடி சிறப்பான ஆட்டத்தை வெளிப்படுத்தியது. ஷாகிப் அல் ஹசன் 121 பந்தில் 97 ரன்கள் எடுத்த நிலையில் ஆட்டமிழந்தார். மூன்று ரன்னில் சதம் அடிக்கும் வாய்ப்பை இழந்தார். மறுமுனையியல் தமிம் இக்பால் சிறப்பாக விளையாடி சதம் அடித்தார்.

இந்த ஜோடி 2-வது விக்கெட்டுக்கு 44.3 ஓவரில் 207 ரன்கள் குவித்தது. அடுத்து வந்த சபீர் ரஹ்மான் 3 ரன்னில் ஆட்டமிழந்தார். விக்கெட் கீப்பர் முஷ்பிகுர் ரஹிம் அதிரடியாக விளையாடி 11 பந்தில் 3 பவுண்டரி, 2 சிக்சருடன் 30 ரன்கள் அடித்தார். தமிம் இக்பால் 160 பந்தில் 130 ரன்கள் எடுத்து கடைசி வரை ஆட்டமிழக்காமல் இருக்க வங்காள தேசம் 50 ஓவரில 4 விக்கெட் இழப்பிற்கு 279 ரன்கள் குவித்தது.

பின்னர் 180 ரன்கள் அடித்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. தொடக்க வீரர் கிறிஸ் கெய்ல் 60 பந்தில் 40 ரன்கள் சேர்த்தார். ஹெட்மையர் 52 ரன்கள் எடுத்தார்.



மற்ற வீரர்கள சராசரி இடைவெளியில் ஆட்டமிழக்க வெஸ்ட் இண்டீஸ் 50 ஓவரில் 9 விக்கெட் இழப்பிற்கு 231 ரன்கள் மட்டுமே எடுத்தது. இதனால் வங்காள தேசம் 48 ரன்கள் வித்தியாசத்தில் வெற்றி பெற்றது. வங்காள தேச கேப்டன் மோர்தசா சிறப்பாக பந்து வீசி 4 விக்கெட்டுக்கள் கைப்பற்றினார்.

சதம் அடித்த தமிம் இக்பால் ஆட்ட நாயகன் விருது பெற்றார். இரு அணிகளுக்கு இடையிலான 2-வது போட்டி வரும் 25-ந்தேதி (நாளை மறுநாள்) நடக்கிறது)

இரண்டு போட்டிகள் கொண்ட டெஸ்ட் தொடரில் வங்காள தேசம் படுதோல்வியடைந்தது குறிப்பிடத்தக்கது.

வெஸ்ட் இண்டீஸ் அணியின் முன்னணி வேகப்பந்து வீச்சு ஆல்ரவுண்டர் அந்த்ரே ரஸல். இவர் 2015-ம் ஆண்டு நடைபெற்ற உலகக்கோப்பை தொடருக்கப்பின் நவம்பர் மாதம் இலங்கையில் நடைபெற்ற ஒருநாள் தொடரில் பங்கேற்றார். இலங்கைக்கு எதிரான முதல் போட்டியில் 24 பந்தில் 41 ரன்கள் சேர்த்தார்.

இந்த போட்டியின்போது அவரது இடது காலில் காயம் ஏற்பட்டது. இதனால் இலங்கை தொடரில் இருந்து விலகினார். அதன்பின் தற்போது வரை வெஸ்ட் இண்டீஸ் ஒருநாள் அணியில் அவர் இடம்பெறவில்லை. 2017-ம் ஆண்டு ஊக்கமருந்து சோதனைக்கான விதிமுறையை மீறியதாக தடைபெற்றார். இந்நிலையில் தற்போது மூன்ற ஆண்டுகள் கழித்து வெஸ்ட் இண்டீஸ் ஒருநாள் அணியில் இடம்பிடித்தள்ளார்.



வெஸ்ட் இண்டீஸ் இலங்கையை எதிர்த்து மூன்று போட்டிகள் கொண்ட ஒருநாள் கிரிக்கெட் தொடரில் விளையாடுகிறது. இதற்கான அணியில்தான் ரஸல் இடம்பிடித்துள்ளார்.

வெஸ்ட் இண்டீஸ் - வங்காள தேசம் அணிகளுக்கு இடையிலான 2-வது டெஸ்ட் கடந்த 12-ந்தேதி (வியாழக்கிழமை) ஜமைக்கா கிங்ஸ்டனில் தொடங்கியது. டாஸ் வென்ற வங்காள தேசம் பந்து வீச்சு தேர்வு செய்தது.

அதன்படி முதலில் களம் இறங்கிய கிரேக் பிராத்வைட் சிறப்பாக விளையாடி சதம் அடித்தார். அவர் 110 ரன்கள் சேர்த்தார். ஹேட்மையர் 86 ரன் சேர்க்க வெஸ்ட் இண்டீஸ் முதல் இன்னிங்சில் 354 ரன்கள் எடுத்து ஆல்அவுட் ஆனது. வங்காள தேச சுழற்பந்து வீச்சாளர் மெஹிதி ஹசன் மிராஸ் 5 விக்கெட் வீழ்த்தினார்.

பின்னர் வங்காள தேசம் முதல் இன்னிங்சை தொடங்கியது. தமிம் இக்பால் (47), ஷாகிப் அல் ஹசன் (32) ஆகியோரைத் தவிர மற்ற வீரர்கள் சொற்ப ரன்களில் ஆட்டமிழந்ததால் வங்காள தேசம் 149 ரன்னில் சுருண்டது.

205 ரன்கள் முன்னிலையுடன் வெஸ்ட் இண்டீஸ் 2-வது இன்னிங்சை தொடங்கியது. ஷாகிப் அல் ஹசனின் அபார பந்து வீச்சை தாக்குப்பிடிக்க முடியாம் 129 ரன்னில் சுருண்டது வெஸ்ட் இண்டீஸ். ஷாகிப் அல் ஹசன் 6 விக்கெட்டுக்கள் வீழ்த்தினார்.

முதல் இன்னிங்சில் 205 ரன்கள் முன்னிலைப் பெற்றதால் 129 ரன்னுடன் 334 ரன்கள் முன்னிலைப் பெற்றது வெஸ்ட் இண்டீஸ். இதனால் வங்காள தேசத்திற்கு 335 ரன்கள் இலக்காக நிர்ணயித்தது வெஸ்ட் இண்டீஸ்.



335 ரன்கள் எடுத்தால் வெற்றி என்ற இலக்குடன் வங்காள தேச அணி 2-வது இன்னிங்சை தொடங்கியது. தொடக்க வீரர் தமிம் இக்பால் டக்அவுட்டில் வெளியேறினார். லித்தோன் தாஸ் 33 ரன்களும், கேப்டன் ஷாகிப் அல் ஹசன் 54 ரன்களும், முஷ்பிகுர் ரஹிம் 31 ரன்களும் அடிக்க 168 ரன்கள் எடுத்து ஆல்அவுட் ஆனது.

இதனால் 166 ரன்கள் வித்தியாசத்தில் வெஸ்ட் இண்டீஸ் வெற்றி பெற்றது. ஏற்கனவே முதல் டெஸ்டில் வெற்றி பெற்றிருந்ததால் 2-0 என தொடரைக் கைப்பற்றியது. முதல் இன்னிங்சில் ஐந்து விக்கெட்டுக்கள் வீழ்த்திய ஹோல்டர், 2-வது இன்னிங்சில் 6 விக்கெட் வீழ்த்தி அசத்தினார்.

வெஸ்ட் இண்டீஸ் - வங்காள தேச அணிகளுக்கு இடையிலான 2-வது டெஸ்ட் ஜமைக்கா கிங்ஸ்டன் சபினா பார்க்கில் நேற்று தொடங்கியது. டாஸ் வென்ற வங்காள தேசம் பந்து வீச்சு தேர்வு செய்தது. அதன்படி வெஸ்ட் இண்டீஸ் அணி முதலில் களம் இறங்கியது. தொடக்க வீரர் பிராத்வைட் அபாரமான ஆட்டத்தை வெளிப்படுத்தி சதம் அடித்தார். அவர் 279 பந்தில் 110 ரன்கள் எடுத்து ஆட்டமிழந்தார். ஸ்மித் (2), பொவெல் (29), ஹோப்ஸ் (209 சொற்ப ரன்களில் ஆட்டமிழந்தனர்.



ஹேட்மையர் சிறப்பான ஆட்டத்தை வெளிப்படுத்தி அரைசதம் அடித்தார். இவரும் சேஸும் முதல்நாள் ஆட்டம் முடியும் வரை மேலும் விக்கெட் இழக்காமல் பார்த்துக் கொண்டனர். இதனால் வெஸ்ட் இண்டீஸ் முதல்நாள் ஆட்ட முடிவில் 92 ஓவரில் 4 விக்கெட் இழப்பிற்கு 295 ரன்கள் எடுத்துள்ளது. ஹெட்மையர் 84 ரன்னுடனும், சேஸ் 16 ரன்னுடனும் களத்தில் உள்ளனர். வங்காள தேச சுழற்பந்து வீச்சாளர் மெஹிது ஹசன் மிராஸ் 3 விக்கெட் வீழ்த்தினார்.

இன்று 2-வது நாள் ஆட்டம் நடைபெற இருக்கிறது.

வெஸ்ட் இண்டீஸ் - வங்காள தேசம் அணிகளுக்கு இடையிலான டெஸ்ட் தொடர் நடைபெற்று வருகிறது. நாளை 2-வது மற்றும் கடைசி போட்டி தொடங்குகிறது. அதன்பின் மூன்று போட்டிகள் கொண்ட ஒருநாள் கிரிக்கெட் தொடர் (ஜூலை 22, 25 மற்றும் 28)  நடக்கிறது.

இதற்கான வங்காள தேச அணியில் கேப்டனும் வேகப்பந்து வீச்சாளரும் ஆன மோர்தசா இடம்பிடித்துள்ளார். இதற்கான வங்காள தேச அணி டாக்காவில் இருந்து வெள்ளிக்கிழமை புறப்படுகிறது.

மோர்தசாவின் மனைவிக்கு உடல்நிலை சரியில்லாத காரணத்தினால், அவர் அருகில் இருந்து கவனிக்க வேண்டிய சூழ்நிலை ஏற்பட்டுள்ளது. இதனால் வெஸ்ட் இண்டீஸ் தொடரில விளையாடுவது சந்தேசம் எனக்கூறப்படுகிறது.



இதுகுறித்து வங்காள தேச கிரிக்கெட் வாரியத்தின் தலைமைத் தேர்வாளர் மின்ஹாஜுல் அபெடின் கூறுகையில் ‘‘வெஸ்ட் இண்டீஸ் தொடரில் மோர்தசா விளையாடுவது சந்தேகம்தான். நான் அவரிடம் நேற்றிரவு பேசினேன். அவருடைய மனைவில் உடல்நிலை சரியில்லாமல் இருப்பதாக கூறினார். இதனால் அவர் அணியில் இடம்பெறுவார் என்று தெரியவில்லை’’ என்றார்.

ஒருவேளை மோர்தசா வெஸ்ட் இண்டீஸ் செல்லவில்லை சாஹிப் அல் ஹசன் கேப்டனாக செயல்படுவார்.

வங்காள தேச கிரிக்கெட் அணி வெஸ்ட் இண்டீஸில் சுற்றுப் பயணம் விளையாடி வருகிறது. இரண்டு போட்டிகள் கொண்ட டெஸ்ட் தொடரின் முதல் ஆட்டம் ஆன்டிகுவா நார்த் சவுண்டில் நடைபெற்றது. இதில் வெஸ்ட் இண்டீஸ் இன்னிங்ஸ் மற்றும் 219 ரன்கள் வித்தியாசத்தில் அபார வெற்றி பெற்றது.

முதல் இன்னிங்சில் வங்காள தேசம் 43 ரன்னில் சுருண்டது. வெஸ்ட் இண்டீஸ் வேகப்பந்து வீச்சாளர் கேமர் ரோச் 12 பந்தில் ஐந்து விக்கெட்டுக்கள் கைப்பற்றி சாதனைப் படைத்தார்.



இந்த போட்டியின்போது கேமர் ரோச்சிற்கு காயம் ஏற்பட்டது. இதனால் நாளை தொடங்க இருக்கும் 2-வது டெஸ்டில் கேமர் ரோச்சிற்கு ஓய்வு அளிக்கப்பட்டுள்ளது. அவருக்குப் பதிலாக இளம் வீரரான ஜோசப் அல்சாரி வெஸ்ட் இண்டீஸ் அணியில் சேர்க்கப்பட்டுள்ளார்.

வெஸ்ட் இண்டீஸ் - வங்காள தேசம் அணிகளுக்கு இடையிலான முதல் டெஸ்ட் நேற்று ஆன்டிகுவாவில் தொடங்கியது. டாஸ் வென்ற வெஸ்ட் இண்டீஸ் பீல்டிங் தேர்வு செய்தது. அதன்படி முதலில் களம் இறங்கிய வங்காள தேசம் முதல் இன்னிங்சில் 43 ரன்களில் சுருண்டு மோசமான சாதனையை பதிவு செய்தது.

அதோடு மட்டுமல்லாமல் வங்காள தேச பேட்ஸ்மேன்களால் 18.4 ஓவர்கள் மட்டுமே தாக்குபிடிக்க முடிந்தது. முதல் இன்னிங்சில் 112 பந்துகள் மட்டுமே சந்தித்ததால், ஒரு பந்தில் வித்தியாசத்தில் முதல் இன்னிங்சில் மிகவும் குறைவான பந்துகளை சந்தித்த அணி என்ற மோசமான சாதனையில் முதல் இடத்தில் இருந்தது தப்பியது.



2015-ல் டிரென்ட் பிரிட்ஜியில் நடைபெற்ற இங்கிலாந்துக்கு எதிரான ஆட்டத்தில் ஆஸ்திரேலியா 60 ரன்னில் சுருண்டது. அப்போது 18.3 ஓவர்களே தாக்குப்பிடித்தது. இதன்மூலம் 111 பந்துகளை சந்தித்து முதல் இன்னிங்சில் மிகவும் குறைவான பந்தில் ஆல்அவுட் ஆன அணி என்ற மோசமான சாதனையை பதிவு செய்திருந்தது. தற்போது வங்காள தேசம் ஒரு பந்து வித்தியாசத்தில் மோசமான சாதனையில் இருந்து தப்பியுள்ளது.

வெஸ்ட் இண்டீஸ் - வங்காள தேசம் இடையிலான முதல் டெஸ்ட் ஆன்டிகுவாவில் உள்ள நார்த் சவுண்ட் சர் விவியன் ரிச்சர்ட்ஸ் மைதானத்தில் நேற்று தொடங்கியது. டாஸ் வென்ற வெஸ்ட் இண்டீஸ் பீல்டிங் தேர்வு செய்தது. அதன்படி முதலில் களம் இறங்கிய வங்காள தேசம் கேமர் ரோச், கம்மின்ஸ், ஹோல்டர் ஆகியோரின் அபார பந்து வீச்சால் 18.4 ஓவர்கள் மட்டுமே தாக்குப்பிடித்து 43 ரன்னில் சுருண்டது.

வங்காள தேச அணி 4.5 ஓவர் வரை விக்கெட் இழக்கவில்லை. கேமர் ரோச் வீசிய 5-வது ஓவரின் கடைசி பந்தில் தமிம் இக்பால் 4 ரன்கள் எடுத்த நிலையில் ஆட்டமிழந்தார்.

7-வது ஓவரை கேமர் ரோச் வீசினார். இந்த ஓவரின் கடைசி பந்தில் மொமினுல் ஹக்யூ (1) ஆட்டமிழந்தார். 9-வது ஓவரை ரோச் வீசினார். இந்த ஓவரின் 2-வது பந்தில் முஷ்பிகுர் ரஹிம் (0), 4-வது பந்தில் சாஹிப் அல் ஹசன் (0), 5-வது பந்தில் மெஹ்முதுல்லா (0) ஆட்டமிழந்தனர்.



இதன்மூலம் 5 ஓவரில் 8 ரன்கள் மட்டுமே விட்டுக்கொடுத்து 5 விக்கெட்டுக்கள் கைப்பற்றினார். இந்த ஐந்து விக்கெட்டுக்களையும் கடைசி 12 பந்தில் கைப்பற்றினார். இதன்மூலம் மிகவும் குறைவான பந்தில் 5 விக்கெட்டுக்கள் கைப்பற்றிய வீரர் என்ற உலக சாதனையுடன் ரோச் கைக்கோர்த்துள்ளார்.

இதற்கு முன் ஆஸ்திரேலியாவின் மோன்டி நோபிள், தென்ஆப்பிரிக்காவின் கல்லீஸ் ஆகியோர் 12 பந்தில் ஐந்து விக்கெட்டுக்கள் வீழ்த்தி சாதனைப் படைத்திருந்தனர்.