search icon
என் மலர்tooltip icon

    நீங்கள் தேடியது "Ireland Tri Series"

    அயர்லாந்தில் நடைபெற்ற முத்தரப்பு ஒருநாள் கிரிக்கெட் தொடரில் வெஸ்ட் இண்டீஸை வீழ்த்தி வங்காள தேசம் கோப்பையை வென்றது.
    அயர்லாந்து, வெஸ்ட் இண்டீஸ், வங்காள தேசம் அணிகளுக்கு இடையிலான முத்தரப்பு ஒருநாள் கிரிக்கெட் தொடர் அயர்லாந்தில் நடைபெற்றது.

    நேற்று நடைபெற்ற இறுதிப் போட்டியில் வெஸ்ட் இண்டீஸ் - வங்காள தேசம் அணிகள் பலப்பரீட்சை நடத்தின. முதலில் பேட்டிங் செய்த வெஸ்ட் இண்டீஸ் 20.1 ஓவரில் விக்கெட் இழப்பின்றி 131 ரன்கள் எடுத்திருந்தது. அப்போது மழை குறுக்கீட்டதால் ஆட்டம் 24 ஓவராக குறைக்கப்பட்டது. மேலும் 23 பந்துகளை சந்தித்த வெஸ்ட் இண்டீஸ் 21 ரன்களே அடித்தது.

    இதனால் வெஸ்ட் இண்டீஸ் 24 ஓவரில் 1 விக்கெட் இழப்பிற்கு 152 ரன்கள் சேர்த்தது. பின்னர் டக்வொர்த் லீவிஸ் விதிப்படி வங்காள தேச அணிக்கு 24 ஓவரில் 210 ரன்கள் வெற்றி இலக்காக நிர்ணயிக்கப்பட்டது.



    சவுமியா சர்கார் 41 பந்தில் 66 ரன்களும், முஷ்பிகுர் ரஹிம் 22 பந்தில் 36 ரன்களும் சேர்த்தனர். மொசாடெக் ஹொசைன் 24 பந்தில் 52 ரன்கள் விளாச 22.5 ஓவரில் 5 விக்கெட் இழப்பிற்கு 213 ரன்கள் குவித்து வெற்றி பெற்றது.

    இந்த வெற்றியின் மூலம் வங்காள தேசம் முத்தரப்பு ஒருநாள் கிரிக்கெட் தொடரை கைப்பற்றியது.
    வெஸ்ட் இண்டீஸ்க்கு எதிராக அயர்லாந்து 5 விக்கெட் இழப்பிற்கு 327 ரன்கள் குவித்த போதிலும், ஐந்து விக்கெட் வித்தியாசத்தில் தோல்வியடைந்தது.
    அயர்லாந்து, வெஸட் இண்டீஸ் மற்றும் வங்காள தேச அணிகள் மோதும் முத்தரப்பு ஒருநாள் கிரிக்கெட் தொடர் அயர்லாந்தில் நடைபெற்று வருகிறது. நேற்று நடைபெற்ற ஆட்டத்தில் அயர்லாந்து - வெஸ்ட் இண்டீஸ் அணிகள் மோதின.

    முதலில் அயர்லாந்து பேட்டிங் செய்தது. தொடக்க வீரர் பால் ஸ்டிர்லிங் 77 ரன்கள் குவித்தார். 3-வது வீரராக களம் இறங்கிய ஆண்ட்ரூ பால்பிர்னி அபாரமாக விளையாடி 124 பந்தில் 135 ரன்கள் குவித்தார். கெவின் ஓ'பிரைன் 40 பந்தில் 63 ரன்கள் குவிக்க அயர்லாந்து 50 ஓவரில் 5 விக்கெட் இழப்பிற்க 327 ரன்கள் குவித்தது.



    பின்னர் 328 ரன்கள் அடித்தால் வெற்றி என்ற இலக்குடன் வெஸ்ட் இண்டீஸ் அணியின் ஷாய் ஹோப், சுனில் அம்ப்ரிஸ் ஆகியோர் தொடக்க வீரர்களாக களம் இறங்கினர். ஷாய் ஹோப் 30 ரன்னில் ஆட்டமிழந்தார். ஆனால் சுனில் அம்ப்ரிஸ் அபாரமாக விளையாடி 126 பந்தில் 148 ரன்கள் குவித்தார்.

    ராஸ்டன் சேஸ் 46 ரன்களும், ஜோனாதன் கார்ட்டர் 43 ரன்களும், ஜேசன் ஹோல்டர் 36 ரன்களும் அடிக்க 47.5 ஓவரில் 5 விக்கெட் இழப்பிற்கு 331 ரன்கள் அடித்து 5 விக்கெட் வித்தியாசத்தில் வெற்றி பெற்றது. இதுவரை 327 ரன்களை வெஸ்ட் இண்டீஸ் சேஸிங் செய்தது. முதன்முறையாக சேஸிங் செய்து தோல்வியில் இருந்து தப்பியது.
    ×