நீங்கள் தேடியது "West Indies vs Bangladesh"

வங்காள தேசம் வெஸ்ட் இண்டீஸில் சுற்றுப் பயணம் செய்து விளையாடி வருகிறது. முதலில் நடைபெற்ற இரண்டு போட்டிகள் கொண்ட டெஸ்ட் தொடரை வெஸ்ட் இண்டீஸ் 2-0 எனக் கைப்பற்றியது. அதன்பின் மூன்று போட்டிகள் கொண்ட ஒருநாள் தொடரை வங்காள தேசம் 2-1 எனக் கைப்பற்றியது.

இதற்கிடையில் மூன்று போட்டிகள் கொண்ட டி20 கிரிக்கெட் தொடர் ஆகஸ்ட் மாதம் 31-ந்தேதி தொடங்குகிறது. இதற்கான வங்காள தேச அணி அறிவிக்கப்பட்டுள்ளது. ஐபிஎல் தொடரின்போது வேகப்பந்து வீச்சாளர் முஸ்டாபிஜூர் ரஹ்மானுக்கு காயம் ஏற்பட்டது. இதனால் டெஸ்ட் மற்றும் ஒருநாள் போட்டியில் இடம்பெறவில்லை. இந்நிலையில் டி20 தொடருக்கான அணியில் இடம்பிடித்துள்ளார்.



வங்காள தேச அணியில் இடம்பிடித்துள்ள வீரர்கள் விவரம்:-

1. ஷாகிப் அல் ஹசன் (கேப்டன்), 2. தமிம் இக்பால், 3. சவுமியா சர்கர், 4. லித்தோன் தாஸ், 5. முஷ்பிகுர் ரஹிம், 6. சபிர் ரஹ்மான், 7. மெஹ்முதுல்லா, 8. மொசாடெக், 9. ஹுசைன் சாய்கட், 10. மெஹிதி ஹசன் மிராஸ், 11. நஸ்முல் இஸ்லாம், 12. ருபெல் ஹுசைன், 13. முஸ்டாபிஜூர் ரஹ்மான், 14. அபு ஹைடர், 12. அபு ஜாயெத், 13. அரிபுல் ஹக்யூ.

வெஸ்ட் இண்டீஸ் - வங்காள தேசம் அணிகளுக்கு இடையிலான 2-வது டெஸ்ட் கடந்த 12-ந்தேதி (வியாழக்கிழமை) ஜமைக்கா கிங்ஸ்டனில் தொடங்கியது. டாஸ் வென்ற வங்காள தேசம் பந்து வீச்சு தேர்வு செய்தது.

அதன்படி முதலில் களம் இறங்கிய கிரேக் பிராத்வைட் சிறப்பாக விளையாடி சதம் அடித்தார். அவர் 110 ரன்கள் சேர்த்தார். ஹேட்மையர் 86 ரன் சேர்க்க வெஸ்ட் இண்டீஸ் முதல் இன்னிங்சில் 354 ரன்கள் எடுத்து ஆல்அவுட் ஆனது. வங்காள தேச சுழற்பந்து வீச்சாளர் மெஹிதி ஹசன் மிராஸ் 5 விக்கெட் வீழ்த்தினார்.

பின்னர் வங்காள தேசம் முதல் இன்னிங்சை தொடங்கியது. தமிம் இக்பால் (47), ஷாகிப் அல் ஹசன் (32) ஆகியோரைத் தவிர மற்ற வீரர்கள் சொற்ப ரன்களில் ஆட்டமிழந்ததால் வங்காள தேசம் 149 ரன்னில் சுருண்டது.

205 ரன்கள் முன்னிலையுடன் வெஸ்ட் இண்டீஸ் 2-வது இன்னிங்சை தொடங்கியது. ஷாகிப் அல் ஹசனின் அபார பந்து வீச்சை தாக்குப்பிடிக்க முடியாம் 129 ரன்னில் சுருண்டது வெஸ்ட் இண்டீஸ். ஷாகிப் அல் ஹசன் 6 விக்கெட்டுக்கள் வீழ்த்தினார்.

முதல் இன்னிங்சில் 205 ரன்கள் முன்னிலைப் பெற்றதால் 129 ரன்னுடன் 334 ரன்கள் முன்னிலைப் பெற்றது வெஸ்ட் இண்டீஸ். இதனால் வங்காள தேசத்திற்கு 335 ரன்கள் இலக்காக நிர்ணயித்தது வெஸ்ட் இண்டீஸ்.



335 ரன்கள் எடுத்தால் வெற்றி என்ற இலக்குடன் வங்காள தேச அணி 2-வது இன்னிங்சை தொடங்கியது. தொடக்க வீரர் தமிம் இக்பால் டக்அவுட்டில் வெளியேறினார். லித்தோன் தாஸ் 33 ரன்களும், கேப்டன் ஷாகிப் அல் ஹசன் 54 ரன்களும், முஷ்பிகுர் ரஹிம் 31 ரன்களும் அடிக்க 168 ரன்கள் எடுத்து ஆல்அவுட் ஆனது.

இதனால் 166 ரன்கள் வித்தியாசத்தில் வெஸ்ட் இண்டீஸ் வெற்றி பெற்றது. ஏற்கனவே முதல் டெஸ்டில் வெற்றி பெற்றிருந்ததால் 2-0 என தொடரைக் கைப்பற்றியது. முதல் இன்னிங்சில் ஐந்து விக்கெட்டுக்கள் வீழ்த்திய ஹோல்டர், 2-வது இன்னிங்சில் 6 விக்கெட் வீழ்த்தி அசத்தினார்.

வெஸ்ட் இண்டீஸ் - வங்காள தேசம் அணிகளுக்கு இடையிலான டெஸ்ட் தொடர் நடைபெற்று வருகிறது. நாளை 2-வது மற்றும் கடைசி போட்டி தொடங்குகிறது. அதன்பின் மூன்று போட்டிகள் கொண்ட ஒருநாள் கிரிக்கெட் தொடர் (ஜூலை 22, 25 மற்றும் 28)  நடக்கிறது.

இதற்கான வங்காள தேச அணியில் கேப்டனும் வேகப்பந்து வீச்சாளரும் ஆன மோர்தசா இடம்பிடித்துள்ளார். இதற்கான வங்காள தேச அணி டாக்காவில் இருந்து வெள்ளிக்கிழமை புறப்படுகிறது.

மோர்தசாவின் மனைவிக்கு உடல்நிலை சரியில்லாத காரணத்தினால், அவர் அருகில் இருந்து கவனிக்க வேண்டிய சூழ்நிலை ஏற்பட்டுள்ளது. இதனால் வெஸ்ட் இண்டீஸ் தொடரில விளையாடுவது சந்தேசம் எனக்கூறப்படுகிறது.



இதுகுறித்து வங்காள தேச கிரிக்கெட் வாரியத்தின் தலைமைத் தேர்வாளர் மின்ஹாஜுல் அபெடின் கூறுகையில் ‘‘வெஸ்ட் இண்டீஸ் தொடரில் மோர்தசா விளையாடுவது சந்தேகம்தான். நான் அவரிடம் நேற்றிரவு பேசினேன். அவருடைய மனைவில் உடல்நிலை சரியில்லாமல் இருப்பதாக கூறினார். இதனால் அவர் அணியில் இடம்பெறுவார் என்று தெரியவில்லை’’ என்றார்.

ஒருவேளை மோர்தசா வெஸ்ட் இண்டீஸ் செல்லவில்லை சாஹிப் அல் ஹசன் கேப்டனாக செயல்படுவார்.

வங்காள தேச கிரிக்கெட் அணி வெஸ்ட் இண்டீஸில் சுற்றுப் பயணம் விளையாடி வருகிறது. இரண்டு போட்டிகள் கொண்ட டெஸ்ட் தொடரின் முதல் ஆட்டம் ஆன்டிகுவா நார்த் சவுண்டில் நடைபெற்றது. இதில் வெஸ்ட் இண்டீஸ் இன்னிங்ஸ் மற்றும் 219 ரன்கள் வித்தியாசத்தில் அபார வெற்றி பெற்றது.

முதல் இன்னிங்சில் வங்காள தேசம் 43 ரன்னில் சுருண்டது. வெஸ்ட் இண்டீஸ் வேகப்பந்து வீச்சாளர் கேமர் ரோச் 12 பந்தில் ஐந்து விக்கெட்டுக்கள் கைப்பற்றி சாதனைப் படைத்தார்.



இந்த போட்டியின்போது கேமர் ரோச்சிற்கு காயம் ஏற்பட்டது. இதனால் நாளை தொடங்க இருக்கும் 2-வது டெஸ்டில் கேமர் ரோச்சிற்கு ஓய்வு அளிக்கப்பட்டுள்ளது. அவருக்குப் பதிலாக இளம் வீரரான ஜோசப் அல்சாரி வெஸ்ட் இண்டீஸ் அணியில் சேர்க்கப்பட்டுள்ளார்.

வெஸ்ட் இண்டீஸ் - வங்காள தேசம் அணிகளுக்கு இடையிலான முதல் டெஸ்ட் நேற்று ஆன்டிகுவாவில் தொடங்கியது. டாஸ் வென்ற வெஸ்ட் இண்டீஸ் பீல்டிங் தேர்வு செய்தது. அதன்படி முதலில் களம் இறங்கிய வங்காள தேசம் முதல் இன்னிங்சில் 43 ரன்களில் சுருண்டு மோசமான சாதனையை பதிவு செய்தது.

அதோடு மட்டுமல்லாமல் வங்காள தேச பேட்ஸ்மேன்களால் 18.4 ஓவர்கள் மட்டுமே தாக்குபிடிக்க முடிந்தது. முதல் இன்னிங்சில் 112 பந்துகள் மட்டுமே சந்தித்ததால், ஒரு பந்தில் வித்தியாசத்தில் முதல் இன்னிங்சில் மிகவும் குறைவான பந்துகளை சந்தித்த அணி என்ற மோசமான சாதனையில் முதல் இடத்தில் இருந்தது தப்பியது.



2015-ல் டிரென்ட் பிரிட்ஜியில் நடைபெற்ற இங்கிலாந்துக்கு எதிரான ஆட்டத்தில் ஆஸ்திரேலியா 60 ரன்னில் சுருண்டது. அப்போது 18.3 ஓவர்களே தாக்குப்பிடித்தது. இதன்மூலம் 111 பந்துகளை சந்தித்து முதல் இன்னிங்சில் மிகவும் குறைவான பந்தில் ஆல்அவுட் ஆன அணி என்ற மோசமான சாதனையை பதிவு செய்திருந்தது. தற்போது வங்காள தேசம் ஒரு பந்து வித்தியாசத்தில் மோசமான சாதனையில் இருந்து தப்பியுள்ளது.

வெஸ்ட் இண்டீஸ் - வங்காள தேசம் இடையிலான முதல் டெஸ்ட் ஆன்டிகுவாவில் உள்ள நார்த் சவுண்ட் சர் விவியன் ரிச்சர்ட்ஸ் மைதானத்தில் நேற்று தொடங்கியது. டாஸ் வென்ற வெஸ்ட் இண்டீஸ் பீல்டிங் தேர்வு செய்தது. அதன்படி முதலில் களம் இறங்கிய வங்காள தேசம் கேமர் ரோச், கம்மின்ஸ், ஹோல்டர் ஆகியோரின் அபார பந்து வீச்சால் 18.4 ஓவர்கள் மட்டுமே தாக்குப்பிடித்து 43 ரன்னில் சுருண்டது.

வங்காள தேச அணி 4.5 ஓவர் வரை விக்கெட் இழக்கவில்லை. கேமர் ரோச் வீசிய 5-வது ஓவரின் கடைசி பந்தில் தமிம் இக்பால் 4 ரன்கள் எடுத்த நிலையில் ஆட்டமிழந்தார்.

7-வது ஓவரை கேமர் ரோச் வீசினார். இந்த ஓவரின் கடைசி பந்தில் மொமினுல் ஹக்யூ (1) ஆட்டமிழந்தார். 9-வது ஓவரை ரோச் வீசினார். இந்த ஓவரின் 2-வது பந்தில் முஷ்பிகுர் ரஹிம் (0), 4-வது பந்தில் சாஹிப் அல் ஹசன் (0), 5-வது பந்தில் மெஹ்முதுல்லா (0) ஆட்டமிழந்தனர்.



இதன்மூலம் 5 ஓவரில் 8 ரன்கள் மட்டுமே விட்டுக்கொடுத்து 5 விக்கெட்டுக்கள் கைப்பற்றினார். இந்த ஐந்து விக்கெட்டுக்களையும் கடைசி 12 பந்தில் கைப்பற்றினார். இதன்மூலம் மிகவும் குறைவான பந்தில் 5 விக்கெட்டுக்கள் கைப்பற்றிய வீரர் என்ற உலக சாதனையுடன் ரோச் கைக்கோர்த்துள்ளார்.

இதற்கு முன் ஆஸ்திரேலியாவின் மோன்டி நோபிள், தென்ஆப்பிரிக்காவின் கல்லீஸ் ஆகியோர் 12 பந்தில் ஐந்து விக்கெட்டுக்கள் வீழ்த்தி சாதனைப் படைத்திருந்தனர்.

வெஸ்ட் இண்டீஸ் - வங்காள தேசம் இடையிலான முதல் டெஸ்ட் ஆன்டிகுவாவில் உள்ள நார்த் சவுண்ட் சர் விவியன் ரிச்சர்ஸ் மைதானத்தில் நேற்று தொடங்கியது. டாஸ் வென்ற வெஸ்ட் இண்டீஸ் பந்து வீச்சு தேர்வு செய்தது. அதன்படி வங்காள தேச அணி முதல் இன்னிங்சை தொடங்கியது. தமிம் இக்பால் மற்றும் லித்தோன் தாஸ் ஆகியோர் தொடக்க வீரர்களாக களம் இறங்கினார்கள்.

தொடக்க ஓவரை கேமர் ரோச் வீசினார். மறுமுனையில் கேப்ரியல் வீசினார். முதல் நான்கு ஓவரை வங்காள தேச அணி தாக்குப்பிடித்து விளையாடியது. 5-வது ஓவரை ரோச் வீசினார். இந்த ஓவரின் கடைசி பந்தில் தமிம் இக்பால் 4 ரன்கள் எடுத்த நிலையில் ஆட்டமிழந்தார். அதன்பின் வங்காள தேச அணியின் விக்கெட்டுக்கள் மளமளவென சரிந்தது.

அதன்பிறகு வங்காள தேச பேட்ஸ்மேன்கள் வெஸ்ட் இண்டீஸ் அணியின் வேகத்தை தாக்குப்பிடிக்க முடியாமல் வெளியேறிக் கொண்டிருந்தனர். இதனால் வங்காள தேசம் 18.4 ஓவர்கள் மட்டுமே தாக்குப்பிடித்து 43 ரன்னில் சுருண்டது.



இதன்மூலம் கிரிக்கெட் வரலாற்றில் 1974-ம் ஆண்டிற்குப்பிறகு சுமார் 44 வருடத்தில் குறைந்த ஸ்கோரை பதிவு செய்த அணி என்ற மோசமாக சாதனையை வங்காள தேசம் படைத்துள்ளது. அத்துடன் வங்காள தேச அணியின் குறைந்தபட்ச ஸ்கோர் என்பதையும் பதிவு செய்துள்ளது. இதற்கு முன் வங்காள தேச அணி இலங்கைக்கு எதிராக 2007-ல் 62 ரன்னில் சுருண்டிருந்தது. அதுவே மிகக்குறைந்த ஸ்கோராக இருந்தது. தற்போது இது குறைந்த ஸ்கோராக அமைந்துள்ளது.

1974-ம் ஆண்டு இந்தியா இங்கிலாந்திற்கு எதிராக 42 ரன்னில் சுருண்டதே மிகக்குறைந்த ஸ்கோராக இருந்தது. அதன்பின் தற்போது வங்காள தேசம் மோசமான நிலைக்கு தள்ளப்பட்டுள்ளது.

கிரிக்கெட் வரலாற்றில் இங்கிலாந்துக்கு எதிராக நியூசிலாந்து 1955-ம் ஆண்டும் 26 ரன்னில் சுருண்டதே குறைந்த பட்ச ஸ்கோர் ஆகும். அதன்பின் தென்ஆப்பிர்க்கா இங்கிலாந்திற்கு எதிராக 30 ரன்னில் இரண்டு முறையும், 35 ரன்னில் ஒரு முறையும் ஆல்அவுட் ஆகியுள்ளது. ஆஸ்திரேலியாவிற்கு எதிராக 1932-ல் 36 ரன்னில் சுருண்டுள்ளது.



1902-ல் ஆஸ்திரேலியா இங்கிலாந்திற்கு எதிராக 36 ரன்னில் சுருண்டுள்ளது. ஆஸ்திரேலியாவிற்கு எதிராக நியூசிலாந்து 1946-ல் 42 ரன்னிலும், 1988-ல் இங்கிலாந்திற்கு எதிராக ஆஸ்திரேலியா 42 ரன்னிலும், இந்தியா இங்கிலாந்துக்கு எதிராக 1974-ல் 42 ரன்னிலும் ஆல்அவுட் ஆகியுள்ளன. தற்போது வங்காள தேசம் 43 ரன்னில் ஆல்அவுட் ஆகியுள்ளன.

வங்காள தேச அணி ஜூன் மாதம் முதல் ஆகஸ்ட் மாதம் வரை வெஸ்ட் இண்டீஸில் சுற்றுப் பயணம் செய்து மூன்று வகை கிரிக்கெட் தொடரிலும் விளையாடுகிறது. முதலில் இரண்டு போட்டிகள் கொண்ட டெஸ்ட் தொடரும், அதன்பின் மூன்று போட்டிகள் கொண்ட ஒருநாள் கிரிக்கெட் தொடரும், அதனைத் தொடர்ந்து மூன்று போட்டிகள் கொண்ட டி20 கிரிக்கெட் தொடர் நடைபெறுகிறது.

வெஸ்ட் இண்டீஸ் கிரிக்கெட் வாரியம் அமெரிக்காவின் புளோரிடாவில் கிரிக்கெட் போட்டை ஊக்குவிக்க ஆர்வம் காட்டி வருகிறது. இதனால் வருமானம் பெருகும் என்பதால் கடந்த இரண்டு ஆண்டுகளுக்கு முன் இந்தியாவுடன் இரண்டு போட்டிகளை புளோரிடாவின் லாடர்ஹில் மைதானத்தில் நடத்தியது.



தற்போது வங்காள தேசத்திற்கு எதிரான மூன்று டி20 போட்டிகளில் இரண்டை புளோரிடாவில் நடத்துகிறது. முதல் போட்டி ஆகஸ்ட் 4-ந்தேதியும், 2-வது போட்டி 5-ந்தேதியும் நடக்கிறது.