நீங்கள் தேடியது "Samsung"

சாம்சங் நிறுவனம் தனது கேலக்ஸி S24 சீரிஸ்- கேலக்ஸி S24, கேலக்ஸி S24 பிளஸ் மற்றும் கேலக்ஸி S24 அல்ட்ரா மாடல்களை அன்பேக்டு நிகழ்வில் அறிமுகம் செய்தது. மேலும் இந்திய சந்தையில் கேலக்ஸி S24 மற்றும் கேலக்ஸி S24 பிளஸ் மாடல்கள் எக்சைனோஸ் 2400 பிராசஸர் கொண்டிருக்கும் என்றும் சாம்சங் அறிவித்து இருந்தது.

கேலக்ஸி S24 அல்ட்ரா மாடலில் மட்டும் ஸ்னாப்டிராகன் 8 ஜென் 3 ஃபார் கேலக்ஸி பிராசஸர் வழங்கப்படுகிறது. நேற்றிரவு அறிமுகம் செய்யப்பட்ட நிலையில், கேலக்ஸி S24, கேலக்ஸி S24 பிளஸ் மற்றும் கேலக்ஸி S24 அல்ட்ரா மாடல்களின் இந்திய விலை விவரங்கள் அறிவிக்கப்பட்டு உள்ளன. இவை கடந்த ஆண்டு அறிமுகம் செய்யப்பட்ட கேலக்ஸி S23 சீரிஸ் விலையை விட ரூ. 5 ஆயிரம் அதிகம் ஆகும்.

கேலக்ஸி S24, கேலக்ஸி S24 பிளஸ் அம்சங்கள்:

6.2 இன்ச் 2340x1080 பிக்சல் FHD+ டிஸ்ப்ளே (கேலக்ஸி S24)

6.7 இன்ச் 3120x1440 பிக்சல் QHD+ டிஸ்ப்ளே(கேலக்ஸி S24 பிளஸ்)

1-120 ஹெர்ட்ஸ் அடாப்டிவ் ரிப்ரெஷ் ரேட், 2600 நிட்ஸ் பிரைட்னஸ்

கார்னிங் கொரில்லா கிளாஸ் விக்டஸ் 2 பாதுகாப்பு

சாம்சங் எக்சைனோஸ் 2400 பிராசஸர்

எக்ஸ்-க்ளிப்ஸ் 940 GPU

கேலக்ஸி S24- 8 ஜி.பி. ரேம், 128 ஜி.பி./ 256 ஜி.பி. / 512 ஜி.பி. மெமரி

கேலக்ஸி S24 பிளஸ்- 12 ஜி.பி. ரேம், 256 ஜி.பி. / 512 ஜி.பி. மெமரி

ஆண்ட்ராய்டு 14 சார்ந்த ஒன் யு.ஐ. 6.1

டூயல் சிம் ஸ்லாட்

50MP பிரைமரி கேமரா, எல்.இ.டி. ஃபிளாஷ், OIS

12MP 120 டிகிரி அல்ட்ரா வைடு கேமரா

10MP டெலிபோட்டோ லென்ஸ், OIS

12MP செல்ஃபி கேமரா

டஸ்ட் மற்றும் வாட்டர் ரெசிஸ்டன்ட் IP68

5ஜி, 4ஜி வோல்ட்இ, வைபை, ப்ளூடூத் 5.3

கேலக்ஸி S24- 4000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங்

கேலக்ஸி S24 பிளஸ்- 4900 எம்.ஏ.ஹெச். பேட்டரி, 45 வாட் ஃபாஸ்ட் சார்ஜிங்

கேலக்ஸி S24 அல்ட்ரா அம்சங்கள்:

6.8 இன்ச் 3120x1440 பிக்சல் குவாட் HD+ டிஸ்ப்ளே

1-120 ஹெர்ட்ஸ் அடாப்டிவ் ரிப்ரெஷ் ரேட், 2600 நிட்ஸ் பிரைட்னஸ்

கொரில்லா ஆர்மர் பாதுகாப்பு

ஆக்டா கோர் குவால்காம் ஸ்னாப்டிராகன் 8 ஜென் 3 ஃபார் கேலக்ஸி பிராசஸர்

அட்ரினோ 740 GPU

12 ஜி.பி. ரேம், 256 ஜி.பி. / 512 ஜி.பி. / 1 டி.பி. மெமரி

ஆண்ட்ராய்டு 14 சார்ந்த ஒன் யு.ஐ. 6.1

200MP பிரைமரி கேமரா, OIS

50MP பெரிஸ்கோப் லென்ஸ்

12MP 120 டிகிரி அல்ட்ரா வைடு கேமரா

10MP டெலிபோட்டோ லென்ஸ், OIS

12MP செல்ஃபி கேமரா

டஸ்ட் மற்றும் வாட்டர் ரெசிஸ்டன்ட் IP68

5ஜி, 4ஜி வோல்ட்இ, வைபை, ப்ளூடூத் 5.3

5000 எம்.ஏ.ஹெச். பேட்டரி

45 வாட் ஃபாஸ்ட் சார்ஜிங்

புதிய கேலக்ஸி S24 மாடல் ஆம்பர் எல்லோ, கோபால்ட் வைலட், ஆனிக்ஸ் பிளாக் நிறங்களிலும், கேலக்ஸி S24 பிளஸ் மாடல் கோபால்ட் வைலட், ஆனிக்ஸ் பிளாக் நிறங்களிலும் கேலக்ஸி S24 அல்ட்ரா மாடல் டைட்டானியம் கிரே, டைட்டானியம் வைலட் மற்றும் டைட்டானியம் பிளாக் நிறங்களிலும் கிடைக்கின்றன.

கேலக்ஸி S24 மாடல் ஆன்லைனில் மட்டும்- டைட்டானியம் புளூ, டைட்டானியம் கிரீன் மற்றும் டைட்டானியம் ஆரஞ்சு போன்ற நிறங்களில் கிடைக்கிறது. கேலக்ஸி S24 மற்றும் கேலக்ஸி S24 பிளஸ் மாடல்கள் சஃபையர் புளூ மற்றும் ஜேட் கிரீன் நிற ஆப்ஷன்களில் கிடைக்கிறது.

விலை விவரங்கள்:

கேலக்ஸி S24 8 ஜி.பி. ரேம், 256 ஜி.பி. மெமரி ரூ. 79 ஆயிரத்து 999

கேலக்ஸி S24 8 ஜி.பி. ரேம், 512 ஜி.பி. மெமரி ரூ. 89 ஆயிரத்து 999

கேலக்ஸி S24 பிளஸ் 12 ஜி.பி. ரேம், 256 ஜி.பி. மெமரி ரூ. 99 ஆயிரத்து 999

கேலக்ஸி S24 பிளஸ் 12 ஜி.பி. ரேம், 512 ஜி.பி. மெமரி ரூ. 1 லட்சத்து 09 ஆயிரத்து 999

கேலக்ஸி S24 அல்ட்ரா 12 ஜி.பி. ரேம், 256 ஜி.பி. மெமரி ரூ. 1 லட்சத்து 29 ஆயிரத்து 999

கேலக்ஸி S24 அல்ட்ரா 12 ஜி.பி. ரேம், 512 ஜி.பி. மெமரி ரூ. 1 லட்சத்து 39 ஆயிரத்து 999

கேலக்ஸி S24 அல்ட்ரா 12 ஜி.பி. ரேம், 1 டி.பி. மெமரி ரூ. 1 லட்சத்து 59 ஆயிரத்து 999

புதிய சாம்சங் கேலக்ஸி S24 சீரிஸ் மாடல்களுக்கான முன்பதிவு சாம்சங் லைவ் தளத்தில் ஜனவரி 18 முதல் ஜனவரி 20 நள்ளிரவு 12 மணி வரை நடைபெறுகிறது. சாம்சங் லைவ் நிகழ்வில் முன்பதிவு செய்வோருக்கு ரூ. 4 ஆயிரத்து 999 மதிப்புள்ள வயர்லெஸ் சார்ஜர் டுயோ வழங்கப்படுகிறது. இந்த ஸ்மார்ட்போன்களுக்கான முன்பதிவு அமேசான், ப்ளிப்கார்ட் மற்றும் இதர ஆன்லைன் ஸ்டோர் மற்றும் ஆஃப்லைன் ஸ்டோர்களில் ஜனவரி 31-ம் தேதி முதல் நடைபெற இருக்கிறது.

சாம்சங் நிறுவனம் தனது டாப் என்ட் டி.வி. மாடல்களை வாங்கும் வாடிக்கையாளர்களுக்கு அசத்தல் சலுகைகளை அறிவித்து இருக்கிறது. அதன் படி சாம்சங் நியோ QLED, OLED, QLED மற்றும் 4K UHD டி.வி. மாடல்களை வாாங்குவோருக்கு சிறப்பு சலுகைகள் மற்றும் பலன்கள் அறிவிக்கப்பட்டு உள்ளன. இவற்றின் கீழ் பயனர்கள் கேலக்ஸி S23 அல்ட்ரா ஸ்மார்ட்போன் உள்ளிட்டவைகளை பரிசுகளாக பெற முடியும்.

"தி ஃபியூச்சர் ஃபெஸ்ட்" என்ற பெயரில் அறிவிக்கப்பட்டு இருக்கும் சிறப்பு விற்பனையில் சாம்சங் டி.வி. மற்றும் சவுன்ட்பார் மாடல்களுக்கு சிறப்பு சலுகைகள் அறிவிக்கப்பட்டு உள்ளன. இந்த சலுகைகள் ஜனவரி 31-ம் தேதி வரை வழங்கப்பட உள்ளன. இதில் சாம்சங்கின் பிரீமியம், 50 இன்ச் மற்றும் அதைவிட பெரிய திரை கொண்ட டி.வி. மாடல்களுக்கு சிறப்பு சலுகைகள் வழங்கப்படுகின்றன.

இந்த டி.வி. மாடல்கள் சினிமேடிக் ஆடியோ விஷூவல் அனுபவத்தை வழங்கும் திறன் கொண்டுள்ளன. இவற்றில் டால்பி அட்மோஸ், நியூரல் ஏ.ஐ. குவாண்டம் பிராசஸர் மற்றும் ஏ.ஐ. அப்ஸ்கேலிங் போன்ற வசதிகள் வழங்கப்பட்டுள்ளன.

சலுகை விவரங்கள்:

பெரிய திரை டி.வி. வாங்கும் போது ரூ. 1 லட்சத்து 24 ஆயிரத்து 999 மதிப்புள்ள கேலக்ஸி S23 அல்ட்ரா ஸ்மார்ட்போன், ரூ. 69 ஆயிரத்து 990 மதிப்புள்ள சாம்சங் 50 இன்ச் QLED 4K தி செரிஃப் டிவி, ரூ. 37 ஆயிரத்து 990 மதிப்புள்ள வயர்லெஸ் சவுன்ட் பார் உள்ளிட்ட நிச்சய பரிசுகள்.

சாம்சங் 98 இன்ச் நியோ QLED 4K, QLED 4K டி.வி. வாங்கும் போது கேலக்ஸி S23 அல்ட்ரா இலவச பரிசாக வழங்கப்படுகிறது.

தேர்வு செய்யப்பட்ட 50 இன்ச் மற்றும் அதற்கும் பெரிய திரை கொண்ட நியோ QLED, OLED, QLED மற்றும் க்ரிஸ்டல் 4K UHD டி.வி. வாங்கும் போது சாம்சங் Q சீரிஸ் சவுன்ட்பார் வழங்கப்படுகிறது.

சாம்சங் 85 இன்ச் மற்றும் 75 இன்ச் நியோ QLED டி.வி. வாங்கும் போது ரூ. 69 ஆயிரத்து 990 மதிப்புள்ள சாம்சங் 50 இன்ச் QLED 4K தி செரிஃப் டி.வி. வழங்கப்படுகிறது.

சாம்சங் 65 இன்ச் மற்றும் 55 இன்ச் OLED மற்றும் QLED 4K டி.வி.-க்களை வாங்கும் போது ரூ. 15 ஆயிரத்து 990 மதிப்புள்ள சாம்சங் சவுன்ட்பார் வழங்கப்படுகிறது.

இத்துடன் 20 சதவீதம் வரை கேஷ்பேக், சாம்சங் ஆக்சிஸ் வங்கி கிரெடிட் கார்டுகளை கொண்டு பணம் செலுத்தும் போது 10 சதவீதம் வரை கூடுதல் கேஷ்பேக் பெற முடியும். இந்த சலுகைகள் ஜனவரி 31-ம் தேதி வரை வழங்கப்படும் என அறிவிக்கப்பட்டு இருக்கிறது. இவை முன்னணி விற்பனை மையங்கள் மற்றும் சாம்சங் இ ஸ்டோரில் வழங்கப்படுகிறது.

அமேசான் கிரேட் ரிபப்லிக் சேல் சிறப்பு விற்பனை துவங்கி நடைபெற்று வருகிறது. இந்த ஆண்டின் முதல் சலுகை விற்பனையில் பல்வேறு பொருட்களுக்கும் ஏராளமான சலுகைகள் வழங்கப்படுகின்றன. ஸ்மார்ட்போன், டேப்லெட், லேப்டாப் என மின்சாதனங்களுக்கும் அசத்தல் சலுகைகள் அறிவிக்கப்பட்டு உள்ளன.

அதன்படி சாம்சங் கேலக்ஸி S23 அல்ட்ரா மாடலுக்கு சிறப்பு சலுகைகள் வழங்கப்படுகின்றன. அந்த வகையில் கேலக்ஸி S23 அல்ட்ரா மாடலை ரூ. 1 லட்சத்து 14 ஆயிரத்து 999 விலையில் வாங்கிட முடியும். இது அதன் உண்மை விலையை விட ரூ. 35 ஆயிரம் குறைவு ஆகும்.

இந்த சலுகை ஹெச்.டி.எஃப்.சி. வங்கி கிரெடிட் கார்டு பயன்படுத்துவோருக்கு வழங்கப்படுகிறது. மேலும் இது, கேலக்ஸி S23 அல்ட்ரா பேஸ் வேரியண்டிற்கும் பொருந்தும். இதுதவிர கேலக்ஸி S23 அல்ட்ரா 12 ஜி.பி. ரேம், 512 ஜி.பி. மெமரி மாடலுக்கும் சிறப்பு சலுகைகள் அறிவிக்கப்பட்டு உள்ளன. அதன்படி இந்த வேரியண்ட் விலை ரூ. 1 லட்சத்து 34 ஆயிரத்து 999 என நிர்ணயம் செய்யப்பட்டு உள்ளது.

இத்துடன் வட்டியில்லா மாத தவணை முறை வசதியும் வழங்கப்படுகிறது. இந்திய சந்தையில் கேலக்ஸி S23 அல்ட்ரா மாடல் ஃபேண்டம் பிளாக், கிரீன் மற்றும் கிரீம் என மூன்று நிறங்களில் கிடைக்கிறது. 

சாம்சங் நிறுவனம் தனது ஃபிளாக்ஷிப் ஸ்மார்ட்போன் மாடல்களை அடுத்த வாரம் அறிமுகம் செய்வதற்கான பணிகளில் மும்முரமாக ஈடுபட்டு வருகிறது. ஜனவரி 17-ம் தேதி நடைபெற இருக்கும் கேலக்ஸி அன்பேக்டு நிகழ்வில் சாம்சங் தனது கேலக்ஸி S24 சீரிஸ் மாடல்களை அறிமுகம் செய்ய இருக்கிறது.

கேலக்ஸி S24 சீரிசில் - கேலக்ஸி S24, கேலக்ஸி S24 பிளஸ் மற்றும் கேலக்ஸி S24 அல்ட்ரா என மூன்று மாடல்கள் இடம்பெற்று இருக்கும் என கூறப்படுகிறது. புதிய ஸ்மார்ட்போன்களின் வெளியீடு நெருங்கி வரும் நிலையில், இவை பற்றிய தகவல்கள் தொடர்ச்சியாக லீக் ஆகி வருகின்றன. அதன்படி கேலக்ஸி S24 சீரிஸ் இந்திய விற்பனை விவரங்கள் வெளியாகியுள்ளன.

இது குறித்து டிப்ஸ்டர் வெளியிட்டுள்ள தகவல்களில், இந்தியாவில் கேலக்ஸி S24 சீரிஸ் ஸ்மார்ட்போன் மாடல்களுக்கான முன்பதிவை சாம்சங் நிறுவனம் ஜனவரி 18 அல்லது 19-ம் தேதி துவங்கும் என குறிப்பிடப்பட்டு உள்ளது. மேலும் ஏற்கனவே முன்பதிவு செய்தவர்களுக்கு ஸ்மார்ட்போனின் வினியோகம் ஜனவரி 24-ம் தேதியே துவங்கும் என கூறப்படுகிறது.

விலையை பொருத்தவரை புதிய கேலக்ஸி S24 பிளஸ் மாடலின் விலை ரூ. 1 லட்சத்து 04 ஆயிரத்து 999 அல்லது ரூ. 1 லட்சத்து 05 ஆயிரத்து 999 என்றும் கேலக்ஸி S24 அல்ட்ரா மாடலின் விலை ரூ. 1 லட்சத்து 34 ஆயிரத்து 999 அல்லது ரூ. 1 லட்சத்து 35 ஆயிரத்து 999 என துவங்கலாம் என தகவல்கள் வெளியாகி உள்ளது. 

தென் கொரியாவை சேர்ந்த முன்னணி பன்னாட்டு மின்னணு நுகர்வோர் பொருட்கள் உற்பத்தி நிறுவனம், சாம்சங் (Samsung). இதன் தலைமை அலுவலகம் தென்கொரிய சுவோன் (Suwon) நகரில் உள்ளது.

கணினிகளில் உபயோகப்படுத்தப்படும் "சிப்" (chip), நவீன தொலைக்காட்சிகள், ஸ்மார்ட்போன்கள் உள்ளிட்ட பல உயர் தொழில்நுட்ப மின்னணு பொருட்களை இந்தியா உட்பட உலகெங்கும் தயாரித்து விற்பதில் சாம்சங் முன்னணியில் உள்ளது.

சாம்சங் வெளியிட்டுள்ள அக்டோபர் தொடங்கி டிசம்பர் வரையிலான காலாண்டு கணக்கில், அதன் லாபம் $2.13 பில்லியன் எனும் அளவிற்கு வீழ்ச்சியடைந்துள்ளதாகவும், 2022ல் இதே காலாண்டு லாபத்துடன் ஒப்பிடும் போது இது 35 சதவீதம் குறைவு என்றும் தெரிவித்துள்ளது.

அது மட்டுமின்றி, வரவிருக்கும் மாதங்களிலும் லாபம் எதிர்பார்த்ததை விட குறைவாகவே இருக்கும் என அறிவித்துள்ளது.

2020 கோவிட் பெருந்தொற்று காலத்தில் வீட்டிலேயே இருக்க வேண்டிய கட்டாயத்தால் பலர் புது மின்னணு உபகரணங்களை வாங்கியதால் அப்போது தொடங்கி சாம்சங் விற்பனை அதிகரித்து வந்தது.

ஆனால், நுகர்வோர் தேவை 2021லிருந்து குறைய தொடங்கியதால், சிப்களின் விலையும் குறைய தொடங்கியது.

ஆண்டுதோறும் அமெரிக்கவின் லாஸ் வேகாஸ் நகரில் சிஈஎஸ் (CES) எனப்படும் நுகர்வோர் மின்னணு கண்காட்சி நடைபெறும். இதில் உலகின் முன்னணி தொழில்நுட்ப மற்றும் மின்னணு உபகரண உற்பத்தி நிறுவனங்கள் பங்கேற்கும். சுமார் 4000 விற்பனையாளர்கள் காட்சி கூடம் அமைப்பதால், அதை காண சுமார் 1,30,000 பார்வையாளர்கள் வருவார்கள்.

இவ்வருடம் ஜனவரி 9 அன்று தொடங்கி 12 வரை இக்கண்காட்சி நடைபெற உள்ள நிலையில், சாம்சங் இத்தகவலை வெளியிட்டுள்ளது குறிப்பிடத்தக்கது.

சாம்சங் நிறுவனம் தனது அடுத்த தலைமுறை கேலக்ஸி ஃபிளாக்ஷிப் ஸ்மார்ட்போன் மாடல்களை ஜனவரி 17-ம் தேதி நடைபெற இருக்கும் கேலக்ஸி அன்பேக்டு நிகழ்வில் அறிமுகம் செய்ய இருக்கிறது. இந்த நிகழ்வு சான் ஜோஸ் நகரில் நடைபெற உள்ளது. புதிய ஸ்மார்ட்போன்களின் அறிமுக தேதி அறிவிக்கப்பட்டதும், அதன் இந்திய முன்பதிவு பற்றிய அறிவிப்பும் வெளியாகி உள்ளது.

அந்த வகையில், இந்திய பயனர்கள் புதிய கேலக்ஸி S24 சீரிஸ் ஸ்மார்ட்போன்களை முன்பதிவு செய்ய முடியும். புதிய ஃபிளாக்ஷிப் ஸ்மார்ட்போன்களுக்கான முன்பதிவு சாம்சங் இந்தியா ஸ்டோரில் மேற்கொள்ளலாம். முன்பதிவு கட்டணம் ரூ. 1999 என்று நிர்ணயம் செய்யப்பட்டு உள்ளது. முன்பதிவு செய்வோருக்கு ரூ. 5 ஆயிரம் மதிப்புள்ள பலன்கள் வழங்கப்படும் என்று அறிவிக்கப்பட்டு இருக்கிறது.

சாம்சங் கேலக்ஸி S24 சீரிஸ் இந்திய வெளியீட்டு தேதி மற்றும் விலை குறித்து எந்த தகவலும் வழங்கப்படவில்லை. எனினும், இந்த ஸ்மார்ட்போன்களுக்கான முன்பதிவு ஜனவரி 17-ம் தேதி வரை நடைபெறும் என்று அறிவிக்கப்பட்டு இருக்கிறது.

பயனர்கள் தற்போது செலுத்தும் முன்பதிவு கட்டணம் ரூ. 1999, ஸ்மார்ட்போன் வாங்கும் போது அதன் விலையில் இருந்து தானாக குறைக்கப்பட்டு விடும். ஒருவேளை புதிய ஸ்மார்ட்போன்களை வாங்கும் முடிவை மாற்றிக் கொள்பவர்கள், தாங்கள் செலுத்திய முன்பதிவு கட்டணத்தை முழுமையாக திரும்ப பெற முடியும்.

சாம்சங் நிறுவனம் தனது கேலக்ஸி A54 5ஜி ஸ்மார்ட்போனின் விலையை குறைத்துள்ளது. மிட் ரேன்ஜ் பிரிவில் நிலை நிறுத்தப்பட்டு இருக்கும் கேலக்ஸி A54 5ஜி மாடல் இரண்டு வேரியண்ட்களில் கிடைக்கிறது. விலை குறைப்பு இரண்டு வேரியண்ட்களுக்கும் பொருந்தும்.

இந்த ஆண்டு மார்ச் மாதத்தில் அறிமுகம் செய்யப்பட்ட கேலக்ஸி A54 5ஜி மாடலின் 8 ஜி.பி. ரேம், 128 ஜி.பி. மெமரி மாடலின் விலை ரூ. 38 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 40 ஆயிரத்து 999 என்றும் நிர்ணயம் செய்யப்பட்டது.

தற்போதைய விலை குறைப்பின் படி கேலக்ஸி A54 ஸ்மார்ட்போனின் 128 ஜி.பி. மெமரி மாடல் ரூ. 36 ஆயிரத்து 999-க்கும் 256 ஜி.பி. மெமரி மாடல் ரூ. 38 ஆயிரத்து 999-க்கும் கிடைக்கின்றன. இந்த ஸ்மார்ட்போன் ஆசம் வைட், ஆசம் லைம், ஆசம் வைலட் மற்றும் ஆசம் கிராஃபைட் நிறங்களில் கிடைக்கிறது. விலை குறைப்பு மட்டுமின்றி ஆக்சிஸ் வங்கி கிரெடிட் கார்டு பயன்படுத்தும் போது ரூ. 2 ஆயிரம் வரை கேஷ்பேக் வழங்கப்படுகிறது.

அம்சங்களை பொருத்தவரை கேலக்ஸி A54 5ஜி மாடலில் 6.4 இன்ச் FHD+ 1080x2400 பிக்சல் டிஸ்ப்ளே, 120 ஹெர்ட்ஸ் ரிப்ரெஷ் ரேட், சாம்சங் எக்சைனோஸ் 1380 பிராசஸர், அதிகபட்சம் 8 ஜி.பி. ரேம், 256 ஜி.பி. மெமரி, ஆண்ட்ராய்டு 13 சார்ந்த சாம்சங் ஒன் யு.ஐ. 5.1, டூயல் சிம் ஸ்லாட், இன் டிஸ்ப்ளே கைரேகை சென்சார் வழங்கப்படுகிறது.

இத்துடன் வாட்டர், டஸ்ட் ரெசிஸ்டண்ட், ஸ்டீரியோ ஸ்பீக்கர்கள், 5000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங் வசதி வழங்கப்படுகிறது. புகைப்படங்களை எடுக்க 50MP பிரைமரி கேமரா, 12MP அல்ட்ரா வைடு ஆங்கில் லென்ஸ், 5MP டெப்த் சென்சார், 32MP செல்ஃபி கேமரா வழங்கப்பட்டுள்ளது. 

ஆப்பிள் நிறுவனம் தனது விஷன் ப்ரோ மாடலை அடுத்த ஆண்டு துவக்கத்தில் விற்பனைக்கு கொண்டு வருகிறது. விற்பனை விரைவில் துவங்க இருப்பதை ஒட்டி, ஆப்பிள் விஷன் ப்ரோ மாடலின் உற்பத்தி பணிகள் முழு வீச்சில் நடைபெற்று வருகின்றன. இந்த நிலையில், விஷன் ப்ரோ 2 மாடல் பற்றிய விவரங்கள் வெளியாக துவங்கியுள்ளன.

அதன்படி இரண்டாம் தலைமுறை விஷன் ப்ரோ மாடலில் சற்றே அதிநவீன மற்றும் பிரகாசமான டிஸ்ப்ளே வழங்கப்பட இருப்பதாக கூறப்படுகிறது. இதில் அதிக பிரகாசமான மற்றும் அதிக திறன் கொண்ட மைக்ரோ OLED டிஸ்ப்ளே வழங்கப்பட இருக்கிறது. இது ஒவ்வொரு கண்களிலும் வழக்கமான 4K டிவி மாடல்களில் இருப்பதை விட அதிக பிக்சல்களை கொண்டிருக்கும் என்று கூறப்படுகிறது.

இது குறித்து தென் கொரிய செய்திகளில் வெளியாகி இருக்கும் தகவல்களில், ஆப்பிள் விஷன் ப்ரோ 2 மாடலில் RGB OLEDoS டிஸ்ப்ளே வழங்கப்படும் என்று கூறப்படுகிறது. இந்த மாடல் 2027 வாக்கில் அறிமுகம் செய்யப்படும் என்றும் கூறப்படுகிறது. புதிய டிஸ்ப்ளேக்கள் தற்போதைய WOLED டிஸ்ப்ளேக்களை விட மேம்பட்டு இருக்கும் என்று தெரிகிறது.

தற்போது RGB OLEDoS ரக டிஸ்ப்ளேக்களை வினியோகம் செய்யும் ஒரே நிறுவனமாக சாம்சங் உள்ளது. அந்த வகையில், ஆப்பிள் நிறுவனம் தனது புதிய விஷன் ப்ரோ மாடலின் டிஸ்ப்ளே மாற்றுவதில் உறுதியாக இருந்தால், சாம்சங் டிஸ்ப்ளேக்களையே பயன்படுத்தும் என்று தெரிகிறது. முன்னதாக ஆப்பிள் ஐபோன் மாடல்களில் பயன்படுத்தப்படும் OLED டிஸ்ப்ளேக்களை சாம்சங் வழங்கி வருவது குறிப்பிடத்தக்கது.

சாம்சங் நிறுவனம் தனது கேலக்ஸி A14 5ஜி ஸ்மார்ட்போனினை சமீபத்தில் அறிமுகம் செய்தது. ரூ. 16 ஆயிரத்து 499 விலையில் அறிமுகம் செய்யப்பட்ட கேலக்ஸி A14 5ஜி மாடல் தற்போது ரூ. 13 ஆயிரத்து 499 விலையில் கிடைக்கிறது. இது 4 ஜி.பி. ரேம், 64 ஜி.பி. மெமரி மாடலுக்கானது ஆகும். இதில் ஆக்சிஸ் வங்கி வழங்கும் ரூ. 1000 கேஷ்பேக் தொகையும் அடங்கும்.

கேலக்ஸி A14 5ஜி மாடலின் 6 ஜி.பி. ரேம், 128 ஜி.பி. மெமரி மற்றும் 8 ஜி.பி. ரேம், 128 ஜி.பி. மெமரி மாடல் விலை முறையே ரூ. 15 ஆயிரத்து 999 மற்றும் ரூ. 17 ஆயிரத்து 999 என்று மாறியிருக்கிறது. இதிலும் ரூ. 1000 கேஷ்பேக் சேர்க்கப்பட்டு இருக்கிறது.

அம்சங்களை பொருத்தவரை கேலக்ஸி A14 5ஜி மாடலில் 6.6 இன்ச் HD+LCD ஸ்கிரீன், இன்ஃபினிட்டி வி நாட்ச், 90Hz ரிப்ரெஷ் ரேட், எக்சைனோஸ் 1330 பிராசஸர், அதிகபட்சம் 8 ஜி.பி. ரேம் வழங்கப்பட்டு இருக்கிறது. இத்துடன் 50MP பிரைமரி கேமரா, 2MP மேக்ரோ லென்ஸ், 2MP டெப்த் சென்சார் வழங்கப்பட்டுள்ளது.

பக்கவாட்டில் கைரேகை சென்சார் கொண்டிருக்கும் சாம்சங் கேலக்ஸி A14 5ஜி மாடலில் 5000 எம்.ஏ.ஹெச். பேட்டரி, 15 வாட் ஃபாஸ்ட் சார்ஜிங் வசதி வழங்கப்பட்டு இருக்கிறது. கேலக்ஸி A14 5ஜி மாடலில் சாம்சங்கின் வாய்ஸ் ஃபோக்கஸ் அம்சம் வழங்கப்பட்டுள்ளது. இந்த அம்சம் அழைப்புகளின் போது பின்னணியில் உள்ள சத்தத்தை தடுக்கும்.

இந்த அம்சம் வீடியோ மற்றும் வாய்ஸ் காலிங் செயலிகளான கூகுள் மீட், மைக்ரோசாஃப்ட் டீம்ஸ், வாட்ஸ்அப் மற்றும் ஜூம் உள்ளிட்டவைகளிலும் சீராக வேலை செய்யும். இத்துடன் கேலக்ஸி A14 5ஜி மாடலுக்கு நான்கு ஆண்டுகள் செக்யூரிட்டி அப்டேட், இரண்டு ஆண்ட்ராய்டு ஒ.எஸ். அப்டேட்களை பெறும் என்று அறிவிக்கப்பட்டு இருக்கிறது.

மத்திய அரசின் கம்ப்யுட்டர் எமர்ஜன்சி ரெஸ்பான்ஸ் டீம் (CERT-In) இந்தியாவில் சாம்சங் ஸ்மார்ட்போன் வைத்திருப்போருக்கு எச்சரிக்கை விடுத்துள்ளது. CERT-In எச்சரிக்கை குறிப்பு CIVIN-2023-0360-இல் ஆண்ட்ராய்டு 11, 12, 13 மற்றும் 14 ஒ.எஸ். கொண்ட சாம்சங் மொபைல்களில் பாதுகாப்பு குறைபாடு இருப்பதாக தெரிவிக்கப்பட்டு இருக்கிறது.

இந்த குறைபாடுகள் ஹேக்கர்களுக்கு பயனர்களின் மிகமுக்கிய தகவல்களை அபகரிக்கும் வசதியை வழங்க வாய்ப்பளிக்கும் என்று CERT-In ஆராய்ச்சியாளர்கள் தெரிவித்து உள்ளனர். சாம்சங் சாதனங்களில் இந்த குறைபாடுகள் பல வகைகளில் ஆபத்தை விளைவிக்கும் என்று CERT-In அறிக்கையில் குறிப்பிடப்பட்டு இருக்கிறது.

இவை ஆண்ட்ராய்டு 11, 12, 13 மற்றும் 14 ஒ.எஸ். கொண்டிருக்கும் சாம்சங் சாதனங்கள் மற்றும் சாம்சங் கேலக்ஸி S23 சீரிஸ், கேலக்ஸி ஃப்ளிப் 5, கேலக்ஸி ஃபோல்டு 5 மற்றும் பல்வேறு மாடல்களில் பாதிப்பை ஏற்படுத்தலாம். இந்த பாதிப்புகளில் இருந்து தப்பிக்க என்ன செய்ய வேண்டும்?

செக்யுரிட்டி அப்டேட்கள்:

சாம்சங் அதிகாரப்பூர்வமாக வெளியிடும் செக்யுரிட்டி அப்டேட்களை பயனர்கள் தொடர்ச்சியாக அப்டேட் செய்து கொள்ள வேண்டும். சாதனத்தில் அப்டேட் வழங்கப்பட்டு இருக்கிறதா என்பதை அறிந்து கொள்ள செட்டிங்ஸ் -- சாஃப்ட்வேர் அப்டேட் -- டவுன்லோட் அன்ட் இன்ஸ்டால் போன்ற ஆப்ஷன்களை க்ளிக் செய்ய வேண்டும்.

எச்சரிக்கை அவசியம்:

அப்டேட் இன்ஸ்டால் செய்யும் வரை, பயனர்கள் பாதிக்கப்பட்ட சாதனங்களில் முன்பின் தெரியாத செயலிகளை இயக்கும் போது எச்சரிக்கையாக செயல்பட வேண்டும். சாதனத்தில் இன்ஸ்டால் செய்யப்பட்டு இருக்கும் செயலிகள் அனைத்தையும் தொடர்ந்து அப்டேட் செய்ய வேண்டும். கூகுள் பிளே ஸ்டோரில் இருந்து மட்டுமே செயலிகளை இன்ஸ்டால் செய்ய வேண்டும். மூன்றாம் தரப்பு செயலிகளை டவுன்லோட், இன்ஸ்டால் செய்வதை தவிர்க்க வேண்டும்.

இணைய முகவரி:

அறிமுகமில்லாதவர்கள் அனுப்பும் மின்னஞ்சல்கள் மற்றும் குறுந்தகவல்களை க்ளிக் செய்ய வேண்டாம். இந்த இணைய முகவரிகள் உங்களது தனிப்பட்ட தகவல்களை திருடும் வலைதளத்திற்கு செல்லும் வாய்ப்புகள் அதிகம் ஆகும். 

சாம்சங் நிறுவனத்தின் சமீபத்திய கேலக்ஸி A சீரிஸ் ஸ்மார்ட்போன்கள்- கேலக்ஸி A15 மற்றும் கேலக்ஸி A25 பெயர்களில் அறிமுகம் செய்யப்பட்டு உள்ளன. முதற்கட்டமாக வியட்நாமில் அறிமுகம் செய்யப்பட்டு இருக்கும் கேலக்ஸி A சீரிஸ் ஸ்மாரட்போன்களில் A15 மாடல் மட்டும் 4ஜி வேரியண்டிலும் கிடைக்கிறது. புதிய மாடல்கள் அனைத்திலும் சாம்சங்கின் கீ ஐலேண்ட் எனும் அம்சம் வழங்கப்பட்டு இருக்கிறது.

புதிய கீ ஐலேண்ட் அம்சம் ஸ்மார்ட்போனில் பிரத்யேக வடிவமைப்பு கொண்டிருக்கிறது. இதன் பார்டர் டிசைன் வட்ட வடிவத்தில் உள்ளன. இவை ஸ்மார்ட்போனை கையில் வைத்துக் கொள்ள உறுதியான அனுபவத்தை வழங்குகிறது.

சாம்சங் கேலக்ஸி A15 4ஜி மற்றும் A15 5ஜி அம்சங்கள்:

இரு மாடல்களின் பிராசஸர் தவிர மற்ற அம்சங்களில் எந்த மாற்றமும் மேற்கொள்ளப்படவில்லை. அதன்படி கேலக்ஸி A15 4ஜி மாடலில் மீடியாடெக் ஹீலியோ G99 பிராசஸர், 8 ஜி.பி. ரேம், 128 ஜிபி. / 256 ஜி.பி. மெமரி வழங்கப்பட்டு இருக்கிறது. இதன் 5ஜி வெர்ஷனில் டிமென்சிட்டி 6100 பிளஸ் பிராசஸர், 8 ஜி.பி. ரேம், 256 ஜி.பி. மெமரி வழங்கப்படுகிறது.

இவைதவிர இரண்டு மாடல்களிலும் 6.5 இன்ச் S-AMOLED இன்ஃபினிட்டி யு நாட்ச் கொண்ட டிஸ்ப்ளே, Full HD+ ரெசல்யூஷன், 1080x2340 பிக்சல், 90Hz ரிப்ரெஷ் ரேட், அதிகபட்சம் 800 நிட்ஸ் பிரைட்னஸ் வழங்கப்பட்டு இருக்கிறது. இத்துடன் 13MP செல்ஃபி கேமரா, 50MP பிரைமரி கேமரா, 5MP அல்ட்ரா வைடு லென்ஸ், 2MP டெப்த் கேமரா, 5000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங், பக்கவாட்டில் கைரேகை சென்சார், ஆண்ட்ராய்டு 14 சார்ந்த ஒன் யு.ஐ. 6 வழங்கப்பட்டுள்ளது.

சாம்சங் கேலக்ஸி A25 5ஜி அம்சங்கள்:

கேலக்ஸி A25 5ஜி மாடலில் 6.5 இன்ச் S-AMOLED இன்ஃபினிட்டி யு நாட்ச் டிஸ்ப்ளே, Full HD+ ரெசல்யூஷன், 120Hz ரிப்ரெஷ் ரேட், அதிகபட்சம் 1000 நிட்ஸ் பிரைட்னஸ், எக்சைனோஸ் 1280 பிராசஸர், 6 ஜி.பி./ 8 ஜி.பி. ேம், 128 ஜி.பி. மெமரி வழங்கப்பட்டு இருக்கிறது. இத்துடன் 13MP செல்ஃபி கேமரா, 50MP பிரைமரி கேமரா, OIS, 8MP அல்ட்ரா வைடு லென்ஸ், 2MP டெப்த் சென்சார் உள்ளது.

இந்த ஸ்மார்ட்போனிலும் 5000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங் வசதி வழங்கப்பட்டு இருக்கிறது. மேலும் பக்கவாட்டில் கைரேகை சென்சார், ஆண்ட்ராய்டு 14 சார்ந்த ஒன் யு.ஐ. 6 வழங்கப்பட்டு இருக்கிறது.

சாம்சங் நிறுவனம் தனது கேலக்ஸி A05 ஸ்மார்ட்போனினை இந்திய சந்தையில் வெளியிட்டது. கடந்த செப்டம்பர் மாதம் அறிமுகம் செய்யப்பட்ட நிலையில், இந்த மாடல் தற்போது வெளியாகி இருக்கிறது. இதில் 6.7 இன்ச் HD+ ஸ்கிரீன், 8MP செல்ஃபி கேமரா, ஆண்ட்ராய்டு 13 சார்ந்த ஒன் யு.ஐ. வழங்கப்படுகிறது. இந்த ஸ்மார்ட்போனிற்கு 4 ஆண்டுகள் செக்யுரிட்டி அப்டேட்கள், 2 ஒ.எஸ். அப்கிரேடுகள் வழங்கப்படுகின்றன.

புகைப்படங்களை எடுக்க 50MP பிரைமரி கேமரா, 2MP டெப்த் சென்சார் வழங்கப்பட்டு இருக்கிறது. இதன் பக்கவாட்டில் கைரேகை சென்சார் உள்ளது. இத்துடன் 5000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங் வசதி வழங்கப்படுகிறது. இந்த ஸ்மார்ட்போனுடன் சார்ஜர் எதுவும் வழங்கப்படவில்லை.

சாம்சங் கேலக்ஸி A05 அம்சங்கள்:

6.7 இன்ச் 720x1600 பிக்சல் HD+ LCD ஸ்கிரீன்

ஆக்டா கோர் மீடியாடெக் ஹீலியோ G85 பிராசஸர்

ARM மாலி G52 GPU

4 ஜி.பி., 6 ஜி.பி. ரேம்

64 ஜி.பி., 128 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 சார்ந்த ஒன்யு.ஐ.

டூயல் சிம்

50MP பிரைமரி கேமரா

2MP டெப்த் சென்சார், எல்.இ.டி. ஃபிளாஷ்

8MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக்

டூயல் 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

5000 எம்.ஏ.ஹெச். பேட்டரி

25 வாட் ஃபாஸ்ட் சார்ஜிங்

சாம்சங் கேலக்ஸி A05 ஸ்மார்ட்போன் லைட் கிரீன், சில்வர் மற்றும் பிளாக் என மூன்று நிறங்களில் கிடைக்கிறது. இதன் 4 ஜி.பி. ரேம், 64 ஜி.பி. மெமரி மாடல் விலை ரூ. 9 ஆயிரத்து 999 என்றும் 6 ஜி.பி. ரேம், 128 ஜி.பி. மெமரி மாடல் விலை ரூ. 12 ஆயிரத்து 499 என்றும் நிர்ணயம் செய்யப்பட்டு உள்ளது.