நீங்கள் தேடியது "Mercedes Benz"

மெர்சிடிஸ் பென்ஸ் இந்தியா நிறுவனம் தனது இரண்டாம் தலைமுறை GLC மாடலை இந்திய சந்தையில் அறிமுகம் செய்தது. இதன் விலை ரூ. 73 லட்சத்து 50 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த எஸ்யுவி இருவித பவர்டிரெயின் ஆப்ஷன்களில் கிடைக்கிறது. இத்துடன் 4 மேடிக் சிஸ்டம் வழங்கப்பட்டு இருக்கிறது.

புதிய பென்ஸ் காருக்கான முன்பதிவு ஏற்கனவே துவங்கி நடைபெற்று வந்தது. இந்த நிலையில் புதிய மெர்சிடிஸ் பென்ஸ் GLC மாடலை வாங்க இதுவரை சுமார் 1500-க்கும் மேற்பட்டோர் முன்பதிவு செய்துள்ளனர். புதிய மாடலுக்கான முன்பதிவு கட்டணம் ரூ. 1.5 லட்சம் ஆகும். இந்த தகவலை மெர்சிடிஸ் பென்ஸ் நிறுவனம் அதிகாரப்பூர்வமாக அறிவித்து இருக்கிறது.

இந்திய சந்தையில் மெர்சிடிஸ் பென்ஸ் GLC மாடல் விலை ரூ. 73.5 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது. டிசைன் மற்றும் ஸ்டைலிங்கை பொருத்தவரை 2023 மெர்சிடிஸ் பென்ஸ் GLC மாடலில் தற்போதைய மாடலில் இருப்பதை விட காஸ்மடிக் மாற்றங்களை கொண்டிருக்கிறது.

இந்த காரின் நீளம் 60 மில்லிமீட்டர் வரை நீட்டிக்கப்பட்டு தற்போது 4716 மில்லிமீட்டராக உள்ளது. இதன் மூலம் காரின் வீல்பேஸ் 15 மில்லிமீட்டர் வரை உயர்த்தப்பட்டு தற்போது 2888 மில்லிமீட்டராக இருக்கிறது. காரின் பின்புறத்தில் பம்ப்பர் சற்று கூர்மையாக்கப்பட்டு இருக்கிறது. இத்துடன் புதிய எல்இடி ஹெட்லேம்ப்கள், பவர்டு டெயில்கேட் வழங்கப்படுகிறது.

புதிய மெர்சிடிஸ் பென்ஸ் GLC மாடல் இருவித பவர்டிரெயின் ஆப்ஷன்களில் கிடைக்கிறது. இதில் 2.0 லிட்டர் பெட்ரோல் மற்றும் 2.0 லிட்டர் டீசல் என்ஜின்கள் அடங்கும். இத்துடன் மைல்டு ஹைப்ரிட் மோட்டார் வழங்கப்படுகிறது. இத்துடன் 9 ஸ்பீடு ஆட்டோமேடிக் கியர்பாக்ஸ் மற்றும் 4மேடிக் சிஸ்டம் வழங்கப்படுகிறது.

மெர்சிடிஸ் பென்ஸ் இந்தியா நிறுவனம் தனது புதிய GLC மாடலுக்கான முன்பதிவை கடந்த மாதம் துவங்கியது. முன்பதிவு கட்டணம் ரூ. 1.5 லட்சம் ஆகும். தற்போது, புதிய மெர்சிடிஸ் பென்ஸ் GLC மாடல் விலை ரூ. 73.5 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

டிசைன் மற்றும் ஸ்டைலிங்கை பொருத்தவரை 2023 மெர்சிடிஸ் பென்ஸ் GLC மாடலில் தற்போதைய மாடலில் இருப்பதை விட வித்தியாசமான காஸ்மடிக் மாற்றங்களை கொண்டிருக்கிறது. இதன் முன்புறம் அளவில் பெரிய கிரில், பாரம்பரியம் மிக்க பென்ஸ் லோகோ, கிடைமட்டமாக பொருத்தப்பட்ட எல்இடி டிஆர்எல்-கள், புதிய எல்இடி ஹெட்லேம்ப்கள் வழங்கப்படுகின்றன.

இந்த காரின் நீளம் 60 மில்லிமீட்டர் வரை நீட்டிக்கப்பட்டு தற்போது 4716 மில்லிமீட்டராக உள்ளது. இதன் மூலம் காரின் வீல்பேஸ் 15 மில்லிமீட்டர் வரை உயர்த்தப்பட்டு தற்போது 2888 மில்லிமீட்டராக இருக்கிறது. காரின் பின்புறத்தில் பம்ப்பர் சற்று கூர்மையாக்கப்பட்டு இருக்கிறது. இத்துடன் புதிய எல்இடி ஹெட்லேம்ப்கள், பவர்டு டெயில்கேட் வழங்கப்படுகிறது.

புதிய மெர்சிடிஸ் பென்ஸ் GLC மாடல் இருவித பவர்டிரெயின் ஆப்ஷன்களில் கிடைக்கிறது. இதில் 2.0 லிட்டர் பெட்ரோல் மற்றும் 2.0 லிட்டர் டீசல் என்ஜின்கள் அடங்கும். இத்துடன் மைல்டு ஹைப்ரிட் மோட்டார் வழங்கப்படுகிறது. இத்துடன் 9 ஸ்பீடு ஆட்டோமேடிக் கியர்பாக்ஸ் மற்றும் 4மேடிக் சிஸ்டம் வழங்கப்படுகிறது.

மெர்சிடிஸ் பென்ஸ் நிறுவனம் முனிச் மோட்டார் விழாவில் முற்றிலும் புதிய என்ட்ரி லெவல் மாடலின் கான்செப்ட் காரை அறிமுகம் செய்ய முடிவு செய்து இருக்கிறது. புதிய கார் மெர்சிடிஸ் CLA எனும் பெயர் கொண்டிருக்கும் என்றும் கூறப்படுகிறது. முன்னதாக இந்த மாடலின் ஸ்பை படங்கள் இணையத்தில் வெளியாகி இருந்தது.

புதிய எலெக்ட்ரிக் கார் 2025 ஆண்டு அறிமுகம் செய்யப்படும் என்றும் இதில் மெர்சிடிஸ் உருவாக்கிய எலெக்ட்ரிக் மற்று்ம மைல்டு ஹைப்ரிட் பெட்ரோல் டிரைவ்டிரெயின்கள் வழங்கப்படும் என்று கூறப்படுகிறது. 2025 ஆண்டிற்குள் அனைத்து பிரிவுகளிலும் எலெக்ட்ரிக் கார் அறிமுகம் செய்ய திட்டமிட்டுள்ளது.

அந்த வகையில், புதிய கான்செப்ட் மாடலுடன் விஷன் EQXX மற்றும் விஷன் ஒன்-லெவன் போன்ற மாடல்களின் கான்செப்ட் வெர்ஷனும் முனிச் ஆட்டோ விழாவில் பிரீவியூ செய்யப்படலாம் என்று தெரிகிறது. EQA செடான் என்று அழைக்கப்படும் புதிய கான்செப்ட் மாடல் புதுமை, டிசைன் மற்றும் டிஜிட்டல் அனுபவத்தை வழங்கும் நோக்கில் உருவாக்கப்பட்டு வருகிறது. டெஸ்டிங்கில் இந்த கார் முழு சார்ஜ் செய்தால் 1202 கிலோமீட்டர்கள் வரையிலான ரேன்ஜ் வழங்கியது.

மெர்சிடிஸ் EQXX மாடல் அந்நிறுவனத்தின் MMA பிளாட்ஃபார்மில் உருவாக்கப்படுகிறது. இந்த கார் அடுத்த ஆண்டு மெர்சிடிஸ் அறிமுகம் செய்யும் ஐசி என்ஜின் கொண்ட மாடல்களுடன் அறிமுகம் செய்யப்படும் என்று தெரிகிறது. புதிய EQXX மாடல் முழு சார்ஜ் செய்தால் 998 கிலோமீட்டர்கள் வரையிலான ரேன்ஜ் வழங்கும் திறன் கொண்டிருக்கின்றன.

மெர்சிடிஸ் பென்ஸ் நிறுவனம் முற்றிலும் புதிய AMG GLC மாடலை அறிமுகம் செய்து இருக்கிறது. புதிய மெர்சிடிஸ் AMG GLC மாடலில் மேம்பட்ட டிசைன், டிரைவிங் டைனமிக்ஸ் கொண்டிருக்கிறது. இந்த காரில் 680 ஹெச்பி பவர் வெளிப்படுத்தும் 2.0 லிட்டர், டர்போசார்ஜ் செய்யப்பட்ட நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது.

என்ட்ரி லெவல் மெர்சிடிஸ் AMG GLC 43 4மேடிக் மாடலில் 2.0 லிட்டர், நான்கு சிலிண்டர்கள் கொண்ட டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 421 ஹெச்பி பவர், 499 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் மணிக்கு 100 கிலோமீட்டர்கள் வேகத்தை 4.8 நொடிகளில் எட்டிவிடும்.

AMG GLC 63 S e-பெர்பார்மன்ஸ் பிளாக்ஷிப் மாடலிலும் 2.0 லிட்டர், நான்கு சிலிண்டர்கள் கொண்ட டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜினுடன் 204 ஹெச்பி பவர் கொண்ட மோட்டார் மற்றும் 6.1 கிலோவாட் ஹவர் பேட்டரி வழங்கப்படுகிறது. இது 680 ஹெச்பி பவர், 1020 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த கார் மணிக்கு 100 கிலோமீட்டர் வேகத்தை 3.5 நொடிகளில் எட்டிவிடும். மேலும் மணிக்கு அதிகபட்சம் 274 கிலோமீட்டர் வேகத்தில் செல்லும் திறன் கொண்டிருக்கிறது. இந்த கார் மின்சக்தியில் அதிகபட்சம் 12 கிலோமீட்டர்கள் வரை மட்டுமே செல்லும்.

புதிய மெர்சிடிஸ் AMG GLC மாடலில் 4-வீல் டிரைவ், AMG டைனமிக்ஸ் வழங்கப்பட்டு இருக்கிறது. இவை காரின் எலெக்ட்ரிக் ஸ்டேபிலிட்டி மற்றும் ஸ்டீரிங் ரெஸ்பான்ஸ் உள்ளிட்டவைகளை சிறப்பாக கன்ட்ரோல் செய்யும் திறன் வழங்குகின்றன. AMG ரைடு கன்ட்ரோல் இந்த காரின் ஸ்டான்டர்டு அம்சம் ஆகும். இத்துடன் ஸ்போர்ட்ஸ் பிரேக்கிங் சிஸ்டம் வழங்கப்பட்டு இருக்கிறது.

இந்திய சந்தையில் புதிய AMG GLC மாடல் எப்போது வெளியிடப்படும் என்பது பற்றி இதுவரை எந்த தகவலும் இல்லை. எனினும், மெர்சிடிஸ் பென்ஸ் நிறுவனம் தனது புதிய தலைமுறை GLC எஸ்யுவி ஸ்டான்டர்டு மாடலை ஆகஸ்ட் 9-ம் தேதி அறிமுகம் செய்ய இருக்கிறது. இந்த காருக்கான முன்பதிவு ஏற்கனவே துவங்கி நடைபெற்று வருகிறது.

மெர்சிடிஸ் பென்ஸ் இந்தியா நிறுவனம் தனது இரண்டாம் தலைமுறை GLC எஸ்யுவி மாடலுக்கான முன்பதிவை துவங்கி இருக்கிறது. புதிய மெர்சிடிஸ் மாடலுக்கான முன்பதிவு கட்டணம் ரூ. 1.5 லட்சம் ஆகும். இந்திய சந்தையில் மெர்சிடிஸ் GLC மாடல் ஆகஸ்ட் 9-ம் தேதி அறிமுகம் செய்யப்பட இருக்கிறது.

புதிய மெர்சிடிஸ் GLC மாடல் GLC 300 பெட்ரோல் மற்றும் GLC 220d டீசல் என இரண்டு வெர்ஷன்களில் விற்பனை செய்யப்பட இருக்கிறது. இரு என்ஜின்களுடன் 4மேடிக் ஆஃப்-ரோடு தொழில்நுட்பம் வழங்கப்படுகிறது. இத்துடன் 48 வோல்ட் இன்டகிரேட் செய்யப்பட்ட ஸ்டார்டட் மோட்டார் வழங்கப்படுகிறது.

சர்வதேச சந்தையில், இந்த கார் வெளியாகி பல மாதங்கள் ஆகிவிட்டன. இந்த மாடலில் 12.3 இன்ச் இன்ஸ்ட்ரூமென்ட் கிளஸ்டர், 11.9 இன்ச் டச் ஸ்கிரீன் கொண்ட இன்ஃபோடெயின்மென்ட் ஸ்கிரீன் வழங்கப்படுகிறது. இத்துடன் புதிய NT7 இன்டர்ஃபேஸ் வழங்கப்படுகிறது.

இந்திய சந்தையில் புதிய மெர்சிடிஸ் GLC மாடலின் விலை ரூ. 75 லட்சம் வரை நிர்ணயம் செய்யப்படும் என்று தெரிகிறது. இந்திய சந்தையில் புதிய மெர்சிடிஸ் GLC மாடல் பிஎம்டபிள்யூ X3, ஆடி Q5, வால்வோ XC60, லெக்சஸ் NX மற்றும் லேன்ட் ரோவர் டிஸ்கவரி ஸ்போர்ட் போன்ற மாடல்களுக்கு போட்டியாக அமைகிறது.

மெர்சிடிஸ் பென்ஸ் இந்தியா நிறுவனத்தின் AMG SL55 ரோட்ஸ்டர் மாடல் இந்தியாவில் அறிமுகம் செய்யப்பட்டது. புதிய மாடலின் விலை ரூ. 2 கோடியே 35 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புதிய 7th Gen மாடல் 2021 வாக்கில் சர்வதேச சந்தையில் அறிமுகம் செய்யப்பட்டு இருக்கிறது. இந்தியாவில் CBU முறையில் களமிறங்கும் மெர்சிடிஸ் AMG SL55 மாடல் இரண்டு வேரியண்ட்கள், எட்டு வெளிப்புற நிற ஆப்ஷன்களில் கிடைக்கிறது.

முற்றிலும் புதிய மெர்சிடிஸ் AMG SL55 ரோட்ஸ்டர் மாடலில் ஸ்வெப்ட்-பேக் எல்இடி ஹெட்லேம்ப்கள், பானமெரிக்கன் கிரில், கிளாஸ் பிளாக் ORVM-கள், பிளாக்டு-அவுட் 20-இன்ச் அலாய் வீல்கள், சிவப்பு அல்லது மஞ்சள் நிற பிரேக் கேலிப்பர்கள், குவாட் டிப் எக்சாஸ்ட்கள், அட்ஜஸ்ட் செய்யக்கூடிய ஸ்பாயிலர், ராப்-அரவுன்ட் எல்இடி டெயில் லைட்கள் உள்ளன.

இந்த காரை மணிக்கு 60 கிலோமீட்டர்கள் வேகத்தில் இயக்கும் போதிலும், சாஃப்ட் டாப்-ஐ 15 நொடிகளில் திறக்கவோ அல்லது மூடவோ முடியும். இது பிளாக், கிரே மற்றும் ரெட் நிறங்களில் கிடைக்கிறது. புதிய AMG SL55 ரோட்ஸ்டர் மாடலில் AMG பெர்ஃபார்மன்ஸ் சீட்கள், கார்பன் ஃபைபர் மற்றும் அலகான்ட்ரா இன்சர்ட்கள், AMG சார்ந்த இன்டீரியர்கள் வழங்கப்படுகின்றன.

இத்துடன் டிஜிட்டல் இன்ஸ்ட்ரூமென்ட் கிளஸ்டர், 11.9 இன்ச் செங்குத்தாக பொருத்தப்பட்ட MBUX டச் ஸ்கிரீன் இன்ஃபோடெயின்மென்ட் சிஸ்டம், ஆம்பியன்ட் லைட்டிங் மற்றும் HUD உள்ளது. பாதுகாப்புக்கு எட்டு ஏர்பேக், பிரீ சேஃப் சிஸ்டம், பெடஸ்ட்ரியன் பாதுகாப்பு, ஆக்டிவ் லேன் கீப் அசிஸ்ட் போன்ற வசதிகள் உள்ளன.

புதிய மெர்சிடிஸ் பென்ஸ் AMG SL55 ரோட்ஸ்டர் மாடலில் 4.0 லிட்டர், டுவின் டர்போ வி8 என்ஜின் வழங்கப்பட்டு இருக்கிறது. இந்த என்ஜின் 473 ஹெச்பி பவர், 700 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் மணிக்கு 100 கிலோமீட்டர்கள் வேகத்தை 3.9 நொடிகளில் எட்டிவிடும். மேலும் மணிக்கு அதிகபட்சம் 295 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது.

மெர்சிடிஸ் பென்ஸ் நிறுவனம் இந்திய சந்தையில் EQB 350 4மேடிக் மாடலை அறிமுகம் செய்தது. இதன் துவக்க விலை ரூ. 77 லட்சத்து 50 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. முன்னதாக இதே EQB காரின் 300 4மேடிக் மாடல் இந்தியாவில் ரூ. 74 லட்சத்து 50 ஆயிரம் விலையில் அறிமுகம் செய்யப்பட்டது.

கடந்த ஆண்டு டிசம்பர் மாதம் அறிமுகம் செய்யப்பட்ட EQB 300 4மேடிக் மாடலுக்கு மாற்றாக புதிய EQB 350 4மேடிக் மாடல் இந்திய சந்தையில் அறிமுகம் செய்யப்பட்டு இருக்கிறது. இந்த எலெக்ட்ரிக் எஸ்யுவி மாடலில் டூயல் மோட்டார் செட்டப் வழங்கப்பட்டுள்ளது. இத்துடன் 66.5 கிலோவாட் ஹவர் பேட்டரி பேக் வழங்கப்பட்டு இருக்கிறது.

இந்த மோட்டார்கள் 288 ஹெச்பி பவர், 520 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளன. 300 4மேடிக் மாடலுடன் ஒப்பிடும் போது புதிய 350 4மேடிக் மாடல் 130 நியூட்டன் மீட்டர் டார்க் அளவுக்கு அதிக இழுவிசையை வெளிப்படுத்துகிறது. மெர்சிடிஸ் EQB 350 4மேடிக் மாடல் மணிக்கு அதிகபட்சம் 160 கிலோமீட்டர்கள் வேகத்தில் செல்கிறது.

இதில் உள்ள பேட்டரியை 100 கிலோவாட் டிசி சார்ஜர் மூலம் 10-ல் இருந்து 80 சதவீதம் வரை சார்ஜ் செய்ய 32 நிமிடங்களே ஆகும். இதனுடன் வழங்கப்படும் 11 கிலோவாட் வால் பாக்ஸ் சார்ஜர் காரை முழுமையாக சார்ஜ் செய்ய 6 மணி 25 நிமிடங்களை எடுத்துக் கொள்கிறது. இந்த கார் முழு சார்ஜ் செய்தால் 423 கிலோமீட்டர்கள் வரையிலான ரேன்ஜ் வழங்குகிறது.

இந்த காரில் MBUX டச் ஸ்கிரீன் இன்ஃபோடெயின்மெண்ட் சிஸ்டம், டிஜிட்டல் டிரைவர் டிஸ்ப்ளே, 64 நிறங்கள் அடங்கிய ஆம்பியண்ட் லைட்டிங், வயர்லெஸ் சார்ஜர், பவர்டு முன்புற இருக்கைகள், மல்டி-ஜோன் கிளைமேட் கண்ட்ரோல் போன்ற அம்சங்கள் வழங்கப்பட்டு உள்ளன. இத்துடன் எல்இடி ஹெட்லேம்ப்கள், ஸ்ப்லிட் எல்இடி டெயில் லைட்கள், 18-இன்ச் டுவின் ஸ்போக் அலாய் வீல்கள், பானரோமிக் சன்ரூஃப், பவர்டு டெயில்கேட் வழங்கப்பட்டு இருக்கிறது.

மெர்சிடிஸ் பென்ஸ் நிறுவனம் தனது மெர்சிடிஸ் மேபேக் EQS 680 எஸ்யுவி மாடலை அறிமுகம் செய்தது. இது மேபேக் பிராண்டிங்கில் அறிமுகமாகி இருக்கும் முதல் எலெக்ட்ரிக் எஸ்யுவி மாடல் ஆகும். தோற்றத்தில் புதிய மேபேக் EQS 680 மாடல் அதன் ஸ்டாண்டர்டு மாடலை போன்றே காட்சியளிக்கிறது. எனினும், இந்த எஸ்யுவி விசேஷ பெயிண்ட் உடன் கிடைக்கிறது.

இதன் இண்டீரியர் அதிக விலை உயர்ந்ததாகவும், இதில் மிகவும் சக்திவாய்ந்த எலெக்ட்ரிக் மோட்டார்கள் வழங்கப்பட்டுள்ளன. இதன் காரணமாக புதிய மேபேக் EQS 680 மாடல் அதிவேக EQS எஸ்யுவி என்ற பெருமையை பெற்று இருக்கிறது. புதிய மெர்சிடிஸ் மேபேக் EQS 680 மாடல்- ஹைடெக் சில்வர் / அப்சிடியன் பிளாக், ஹைடெக் சில்வர் / நாட்டிக்கல் புளூ, அப்சிடியன் பிளாக் / செலனைட் கிரே, அப்சிடியன் பிளாக் / கலஹாரி கோல்டு மற்றும் வெல்வட் பிரவுன் / ஆனிக்ஸ் பிளாக் என ஐந்து விதமான டூயல் டோன் நிறங்களில் கிடைக்கிறது.

பொனெட்டில் மெர்சிடிஸ் லோகோ இடம்பெற்று இருக்கிறது. இதன் நோஸ் பகுதியில் பிளாக் பேனல் மற்றும் க்ரோம் பிளேட் செய்யப்பட்ட ஸ்ட்ரிப்கள் உள்ளன. இதன் ஜன்னல் பகுதிகளில் க்ரோம் சரவுண்ட்கள், டி-பில்லரில் மேபேக் லோகோ உள்ளது. இந்த எஸ்யுவியை பயனர்கள் 21 இன்ச் அல்லது 22 இன்ச் என இருவித வீல் அமைப்புகளில் பெற்றுக் கொள்ளலாம்.

காரின் உள்புறம் மூன்று ஸ்கிரீன்கள் கொண்ட 'MBUX ஹைப்பர்ஸ்கிரீன்' இன்ஃபோடெயின்மெண்ட் பேக்கேஜ் வழங்கப்பட்டு இருக்கிறது. எனினும், இது மேபேக் சார்ந்த கஸ்டமைசேஷனுடன் தீம் மற்றும் நிறங்களை கொண்டிருக்கிறது. ஸ்டாண்டர்டு அம்சமாக இந்த காரின் பின்புறம் வெண்டிலேஷன், மசாஜ், கழுத்து மற்றும் தோள்பட்டைகளில் ஹீடிங் வசதி வழங்கும் எக்சிக்யூடிவ் சீட்கள் உள்ளன.

இத்துடன் இரண்டு 11.6 இன்ச் அளவு கொண்ட டிஸ்ப்ளேக்கள், பின்புறம் MBUX டேப்லெட், MBUX இண்டீரியர் அசிஸ்ட் வழங்கப்படுகிறது. மேலும் இரண்டு கிளைமேட் கண்ட்ரோல் கப் ஹோல்டர்கள், ரிடிசைன் செய்யப்பட்ட செண்டர் கன்சோல் எக்ஸ்டென்ஷன், கூலிங் கம்பார்ட்மெண்ட் மற்றும் சில்வர் பிளேட் ஷேம்பெயின் கோப்பைகள் உள்ளன.

புதிய மெர்சிடிஸ் மேபேக் EQS எஸ்யுவி மாடலில் ஆக்டிவ் ஆம்பியண்ட் லைட்டிங் வசதி வழங்கப்படுகிறது. இதில் 253 எல்இடிக்களை தனித்தனியே, 64 வித்தியாசமான நிறங்களில் இயக்கும் வசதி வழங்கப்படுகிறது. இத்துடன் ஏர் பேலன்ஸ் ஃபிராக்ரன்ஸ் பேக்கேஜ் மற்றும் பர்மெஸ்டர் 4டி சரவுண்ட் சவுண்ட் சிஸ்டம் வழங்கப்பட்டுள்ளது.

மெர்சிடிஸ் மேபேக் EQS 680 மாடலில் 649 ஹெச்பி பவர், 950 நியூட்டன் மீட்டர் டார்க் இழுவிசையை வெளிப்படுத்தும் சக்திவாய்ந்த எலெக்ட்ரிக் மோட்டார்கள் உள்ளன. இந்த கார் மணிக்கு 100 கிலோமீட்டர் வேகத்தை 4.4 நொடிகளில் எட்டிவிடும். இதன் அதிகபட்ச வேகம் மணிக்கு 210 கிலோமீட்டர்கள் என்று கட்டுப்படுத்தப்பட்டு இருக்கிறது. இந்த எலெக்ட்ரிக் எஸ்யுவி மாடலில் 108 கிலோவாட் ஹவர் பேட்டரி பேக் உள்ளது.

இந்த காரை முழுமையாக சார்ஜ் செய்தால் அதிகபட்சம் 600 கிலோமீட்டர்கள் வரையிலான ரேன்ஜ் வழங்குகிறது. இத்துடன் 22 கிலோவாட் ஆன்போர்டு ஏசி சார்ஜர் வழங்கப்படுகிறது. இது காரை 6 மணி 15 நிமிடங்களில் முழுமையாக சார்ஜ் செய்துவிடும். இத்துடன் 200 கிலோவாட் டிசி ஃபாஸ்ட் சார்ஜர் கொண்டும் சார்ஜ் செய்யலாம். இதை கொண்டு காரை 15 நிமிடங்கள் சார்ஜ் செய்தால் அதிகபட்சம் 220 கிலோமீட்டர்கள் வரை பயணம் செய்ய முடியும். 

மெர்சிடிஸ் பென்ஸ் நிறுவனத்தின் புதிய E கிளாஸ் மாடல் ஏப்ரல் 25 ஆம் தேதி சர்வதேச சந்தையில் அறிமுகம் செய்யப்பட உள்ளன. இதுவரை அறிமுகம் செய்யப்பட்டதிலேயே தலைசிறந்த, தனிப்பட்ட E கிளாஸ் மாடலாக இது இருக்கும் என மெர்சிடிஸ் பென்ஸ் தெரிவித்துள்ளது. W214 எனும் குறியீட்டு பெயரில் உருவாக்கப்பட்டு வரும் புதிய E கிளாஸ் மாடல், இந்த சீரிசில் ஆறாவது தலைமுறை மாடல் ஆகும்.

இந்தியா மற்றும் சீனாவில் இந்த கார் லாங்-வீல்பேஸ் வடிவில் வழங்கப்படும் என்றும் கூறப்படுகிறது. எனினும், ஸ்டாண்டர்டு E கிளாஸ் மாடலுடனேயே அதன் லாங்-வீல்பேஸ் வேரியண்டும் அறிமுகம் செய்யப்படுமா என்பது கேள்விக்குறியாகவே உள்ளது. இதுவரை வெளியாகி இருக்கும் தகவல்களின் படி புதிய E கிளாஸ் மாடல் தற்போது விற்பனை செய்யப்படும் E கிளாஸ் மாடலை விட சற்று பெரியதாக இருக்கும் என்றே கூறப்படுகிறது.

புதிய E கிளாஸ் மாடலின் டிசைன் மற்றும் ஸ்டைலிங் S கிளாஸ் மாடலை தழுவி மேற்கொள்ளப்பட்டு இருக்கும் என எதிர்பார்க்கலாம். இந்த ஆடம்பர செடான் மாடலின் உள்புறம் MBUX சூப்பர் ஸ்கிரீன் வழங்கப்படுகிறது. இதில் மூன்று ஸ்கிரீன்கள் டேஷ்போர்டில் இண்டகிரேட் செய்யப்பட்டு இருக்கும். இது விரும்புவோர் தேர்வு செய்து கொள்ளும் ஆப்ஷனாக வழங்கப்படும் என தெரிகிறது.

பவர்டிரெயினை பொருத்தவரை புதிய E கிளாஸ் மாடல் அதிகபட்சம் 4 அல்லது 6 சிலிண்டர் பெட்ரோல் மற்றும் டீசல் என்ஜின் ஆப்ஷன்கள் வழங்கப்படலாம். இத்துடன் ஹைப்ரிட் எலெக்ட்ரிக் சிஸ்டம் வழங்கப்படுகிறது. இதன் 4 சிலிண்டர் டீசல் என்ஜினுடன் மைல்டு ஹைப்ரிட் சிஸ்டம், 6 சிலிண்டர் யூனிட்களுடன் பிளக்-இன் ஹைப்ரிட் சிஸ்டம் (PHEV) வழங்கப்பட இருக்கிறது. புதிய E கிளாஸ் PHEV மாடல் EV மோடில் அதிகபட்சம் 100 கிலோமீட்டர்கள் வரை செல்லும் என தெரிகிறது.

மெர்சிடிஸ் பென்ஸ் நிறுவனம் இந்திய சந்தையில் விற்பனை செய்து வரும் கார்களில் தேர்வு செய்யப்பட்ட சில மாடல்களின் விலையை ரூ. 20 லட்சம் வரை உயர்த்தி இருக்கிறது. விலை உயர்வு ஏற்கனவே அமலுக்கு வந்துவிட்டது. கார் மாடல்கள் விலை உர்த்தப்படும் என மெர்சிடிஸ் பென்ஸ் நிறுவனம் கடந்த மாதமே அறிவித்து இருந்தது குறிப்பிடத்தக்கது.

ஃபிளாக்ஷிப் செடான் மாடலான மெர்சிடிஸ் மேபேக் S கிளாஸ் விலை ரூ. 20 லட்சம் வரை உயர்த்தப்பட்டு இருக்கிறது. இதைத் தொடர்ந்து GLE கூப் மாடல் விலை ரூ. 7 லட்சத்து 70 ஆயிரம் வரை அதிகரிக்கப்பட்டு இருக்கிறது. இதே போன்றே S கிளாஸ் மாடல்களின் விலை ரூ. 6 லட்சத்து 50 ஆயிரம் உயர்த்தப்பட்டுள்ளது.

மெர்சிடிஸ் பென்ஸ் E கிளாஸ் மாடலின் விலையும் உயர்த்தப்பட்டு இருக்கிறது. இதன் விலை அதிகபட்சம் ரூ. 5 லட்சம் வரை உயர்த்தப்பட்டுள்ளது. C கிளாஸ் மற்றும் GLE எஸ்யுவி மாடல்கள் விலை ரூ. 3 லட்சம் வரை உயர்ந்து இருக்கிறது. GLA மற்றும் A கிளாஸ் மாடல்களை வாங்குவோர் பழைய விலையை விட கூடுதலாக ரூ. 2 லட்சம் வரை கொடுக்க வேண்டும்.

இதேபோன்று மெர்சிடிஸ் பென்ஸ் EQS எலெக்ட்ரிக் செடான் விலை முன்பை விட ரூ. 4 லட்சம் அதிகரித்து இருக்கிறது. இந்த வரிசையில் GLA 35 AMG விலையும் ரூ. 2 லட்சத்து 50 ஆயிரம் அதிகரிக்கப்பட்டு இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 

மெர்சிடிஸ் மேபேக் EQS 680 எஸ்யுவி மாடலின் அதிகாரப்பூர்வ வெளியீட்டு தேதி அறிவிக்கப்பட்டது. சீனாவில் ஏப்ரல் 17 ஆம் தேதி நடைபெறும் ஆட்டோ ஷாங்காய் நிகழ்வில் முற்றிலும் புதிய மேபேக் EQS மாடல் அறிமுகம் செய்யப்பட இருக்கிறது. புதிய மேபேக் மாடல் அதிக ஆடம்பரமாகவும், பெருமளவு இடவசதி கொண்டிருக்கும் என்றும் எதிர்பார்க்கலாம்.

புதிய ஃபிளாக்ஷிப் எலெக்ட்ரிக் எஸ்யுவி மாடலின் வெளிப்புற தோற்றம் EQS எஸ்யுவி போன்றே காட்சியளிக்கும் என்றும் இந்த மாடலில் சற்றே நீண்ட வீல்பேஸ் மற்றும் பின்புறத்தில் பெரிய கதவுகள் வழங்கப்படும் என தெரிகிறது. மேபேக் EQS எஸ்யுவி மாடலின் லோயர் பம்ப்பரில் செங்குத்தான ஸ்லாட்கள் வழங்கப்படுகிறது.

காரின் உள்புறத்தில் அதிக தரமுள்ள பியானோ பிளாக், லெதர், மரத்தால் ஆன பாகங்கள் மற்றும் மென்மையான இருக்கைகள், அதிக சவுகரியத்தை வழங்கும் தலையணைகள் வழங்கப்பட உள்ளன. பாதுகாப்பிற்கு அதிகபட்சம் 12 ஏர்பேக்குகள் வழங்கப்படுகின்றன.

இத்துடன் எலெக்ட்ரிக் அம்சங்களான டிராக்ஷன் கண்ட்ரோல், ஹில்-ஹோல்டு அசிஸ்ட், ஸ்டேபிலிட்டி கண்ட்ரோல், ABS, EBD, BBA, டார்க் வெக்டாரிங், ADAS அம்சங்களான ப்ளைண்ட் ஸ்பாட் வார்னிங், லேன் அசிஸ்ட், கிராஸ் டிராஃபிக் அசிஸ்ட், கொலிஷன் வார்னிங், பார்கிங் அசிஸ்ட், 360-டிகிரி கேமரா, பார்க்கிங் சென்சார் உள்ளிட்டவை வழங்கப்படுகின்றன.

EQS 580 எஸ்யுவி-இல் உள்ளதை போன்றே புதிய மேபேக் EQS மாடலிலும் டூயல் மோட்டார், ஆல் வீல் டிரைவ் செட்டப் வழங்கப்படும் என தெரிகிறது. இது 536 ஹெச்பி பவர், 858 நியூட்டன் மீட்டர் டார்க் இழுவிசையை வெளிப்படுத்துகிறது. இந்த எஸ்யுவி தற்போது மணிக்கு 100 கிலோமீட்டர் வேகத்தை 4.6 நொடிகளில் எட்டிவிடும்.

மேபேக் வேரியண்டில் இதன் டியூனிங் மேலும் அதிக செயல்திறன் வழங்கும் என கூறப்படுகிறது. ஸ்டாண்டர்டு EQS 580 எஸ்யுவி மாடல் முழு சார்ஜ் செய்தால் 671 கிலோமீட்டர் வரையிலான ரேஞ்ச் வழங்குகிறது. இந்த எஸ்யுவி-இல் 107.8 கிலோவாட் ஹவர் பேட்டரி வழங்கப்பட்டு இருக்கிறது.

மெர்சிடிஸ் AMG பிராண்டின் முற்றிலும் புதிய AMG GT 63 S E பெர்ஃபார்மன்ஸ் மாடல் ஏப்ரல் 11 ஆம் தேதி இந்திய சந்தையில் அறிமுகம் செய்யப்பட இருக்கிறது. மெர்சிடிஸ் பென்ஸ் நிறுவனத்தின் பெர்ஃபார்மன்ஸ் பிரான்டு அறிமுகம் செய்யும் முதல் ஹைப்ரிட் கார் எனும் பெருமையை இந்த சூப்பர் செடான் பெற இருக்கிறது.

இதுதவிர மெர்சிடிஸ் AMG இதுவரை உற்பத்தி செய்ததில், அதிக சக்திவாய்ந்த மாடலாக இந்த செடான் கார் உருவாகி இருக்கிறது. இதில் 639ஹெச்பி பவர் வெளிப்படுத்தும் 4.0 லிட்டர் டுவின் டர்போசார்ஜ் செய்யப்பட்ட V8 எஞ்சினுடன் 2-4 ஹெச்பி பவர் வெளிப்படுத்தும் எலெக்ட்ரிக் மோட்டார் வழங்கப்பட்டு இருக்கிறது. இந்த எஞ்சின் 843 ஹெச்பி பவர், 1400 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

புதிய மெர்சிடிஸ் AMG GT 63 S E மாடல் மணிக்கு 0 முதல் 100 கிலோமீட்டர் வேகத்தை 2.9 நொடிகளில் எட்டிவிடும். மேலும் இந்த கார் மணிக்கு அதிகபட்சம் 316 கிலோமீட்டர் வேகத்தில் செல்லும் திறன் கொண்டிருக்கிறது. இதில் உள்ள 6.1 கிலோவாட் ஹவர், 400 வோல்ட் பேட்டரி வெறும் 89 கிலோ எடை கொண்டிருப்பதாக மெர்சிடிஸ் தெரிவித்துள்ளது.

இதில் உள்ள PHEV 12 கிலோமீட்டர் வரை மட்டுமே செல்லும், எனினும், இதில் உள்ள எலெக்ட்ரிக் மோட்டார் மட்டும் மணிக்கு அதிகபட்சம் 130 கிலோமீட்டர் வேகத்தில் செல்லும் திறன் கொண்டிருக்கிறது. இந்த காரில் ரிஜெனரேடிவ் பிரேக்கிங் வசதி உள்ளது. சில பகுதிகளில் ஒற்றை பெடல் மூலம் காரை இயக்கும் வசதியும் வழங்கப்பட்டு இருக்கிறது.