நீங்கள் தேடியது "Mercedes Benz"

கேரளா மாநிலம் கொச்சியில் மெர்சிடிஸ் பென்ஸ் நிறுவன கார் மாடல்கள் விபத்தில் சிக்கிய சம்பவம் பெரும் பரபரப்பை ஏற்படுத்தியது. விலிங்டன் ஐலேண்ட் சாலையில் உள்ள கேந்திரிய வித்யாலயா மைதானத்திற்கு முன் இந்த விபத்து அரங்கேறியது.

விபத்தில் சிக்கிய இரு கார்களும் மெர்சிடிஸ் பென்ஸ் பிரான்டின் விலை உயர்ந்த AMG மாடல்கள் ஆகும். அதிவேகத்தில் சீறிப்பாயும் திறன் கொண்ட இந்த மாடல்கள் கட்டுப்பாட்டை இழந்து விபத்தில் சிக்கின. இந்த விபத்தின் போது, அந்த வழியே வந்த மற்றொரு வாகனம் மீதும் கார் மோதியுள்ளது.

சம்பவத்தின் போது மெர்சிடிஸ் பென்ஸ் AMG GT 63 S E காரை பெண் ஒருவர் அருகாமையில் உள்ள ரெயில்வே கேட் பகுதியில் இருந்து வந்து கொண்டிருந்தது. சற்று வேகமாக வந்து கொண்டிருந்த கார் அங்கிருந்த பழைய ரெயில்வே தண்டாவள பகுதியின் மீது ஏறி தரையில் இருந்து மேலெழுந்து பிறகு கீழே இறங்கியது.

காரை ஓட்டி வந்த பெண், அதனை கட்டுப்படுத்த தவறியதை அடுத்து அந்த வழியே வந்து கொண்டிருந்த வாகனம் ஒன்றின் மீது மோதியது. பிறகு அந்த பெண் காரை திருப்ப முயன்றார். அப்போது கார் திடீரென வலதுபுறம் திரும்பிய போது, எதிரே வந்த மற்றொரு மெர்சிடிஸ் பென்ஸ் கார் மாடலான SL55 மீது மோதியது. இந்த SL55 காரை, ஓட்டி வந்த நபர் அதனை டெஸ்ட் டிரைவுக்கு எடுத்து வந்தார் என்பது குறிப்பிடத்தக்கது.

விபத்தில் மெர்சிடிஸ் பென்ஸ் GT 63 S E முன்பகுதி முழுமையாக சேதமடைந்தது. எதிரே வந்த SL55 முன்புற சக்கரம் மிக மோசமாக சேதமடைந்தது. விபத்தை ஏற்படுத்திய பெண் ஓட்டுநர் பலத்த காயங்களோடு அருகாமையில் இருந்த தனியார் மருத்துவமனையில் அனுமதிக்கப்பட்டார்.

இந்த சம்பவம் குறித்து போலீசார் வழக்குப் பதிவு செய்துள்ளனர். மேலும், விபத்தில் சிக்கிய இரண்டு கார்களையும் கைப்பற்றி காவல் நிலையத்திற்கு கொண்டு சென்றுள்ளனர்.

விபத்தில் சிக்கிய மெர்சிடிஸி பென்ஸ் GT 63 S E விலை இந்தியாவில் ரூ. 3 கோடியே 30 லட்சம் ஆகும். இதே போன்று SL55 மாடலின் விலை ரூ. 2 கோடியே 44 லட்சம் ஆகும். இரு கார்களும் ஆடம்பர வசதிகள் நிறைந்த பெர்ஃபார்மன்ஸ் ரக மாடல்கள் ஆகும்.

மெர்சிடிஸ் பென்ஸ் கார் அனைவரையும் ஈர்க்கும் டிசைன் கொண்டது. இந்த நிறுவனத்தின் மாடலை பயன்படுத்த பெரும்பாலானோர் ஆர்வம் கொள்வர். அந்த வகையில், கார் பயன்பாட்டாளர்களை ஈர்க்கும் வகையில் மெர்சிடிஸ் பென்ஸ் EQA மற்றும் EQB ஆகிய இரண்டு புதிய மின்சார மாடல்களை அறிமுகப்படுத்தியுள்ளது.

மெர்சிடிஸ் பென்ஸ் இந்தியாவில் அதன் மிகவும் மலிவு மின்சார SUV EQA ஐ அறிமுகப்படுத்தியுள்ளது. இதன் விலை ரூ. 66 லட்சம் (எக்ஸ்-ஷோரூம்). GLA இன் மின்மயமாக்கப்பட்ட பதிப்பு, இந்த மாடல் EQA 250+ எனப்படும் Fully Loaded வேரியண்டில் வழங்கப்படுகிறது. பெரிய EQB இப்போது 2024 புதுப்பித்தலுடன் சீரமைக்கப்பட்டுள்ளது. இதன் ஆரம்ப விலை ரூ. 70.90 லட்சம், எக்ஸ்-ஷோரூம் ஆகும்.

வடிவமைப்பில், புதிய EQA ஆனது முன் மற்றும் பின்புறத்தில் LED லைட் பார்கள், மூன்று புள்ளிகள் கொண்ட நட்சத்திர வடிவத்துடன் கூடிய புதிய கிரில், 19-இன்ச் அலாய் வீல்கள் மற்றும் ரேப்பரவுண்ட் LED டெயில்லைட்களைப் பெறுகிறது. இந்த கார் போலார் ஒயிட் ஹைடெக் சில்வர், காஸ்மோஸ் பிளாக், மவுண்டன் கிரே, ஸ்பெக்ட்ரல் ப்ளூ, படகோனியா ரெட் மற்றும் மவுண்டன் கிரே மேக்னோ என ஏழு வண்ணங்களில் கிடைக்கிறது.

அம்சங்களைப் பொறுத்தவரை 360-டிகிரி கேமரா, HUD, சைகைக் கட்டுப்பாடு, டூயல் சோன் கிளைமேட் கண்ட்ரோல், மின்முறையில் இயக்கக்கூடிய டெயில்கேட், நான்கு டிரைவ் மோட்கள், பனோரமிக் சன்ரூஃப், இரண்டு 10.25-இன்ச் திரைகள் மற்றும் ஏழு ஏர்பேக்குகள் ஆகியவற்றைக் கொண்டுள்ளது.

 2024 EQA ஆனது 70.5kWh பேட்டரி பேக் மூலம் இயக்கப்படுகிறது, இது ஒரு மின்சார மோட்டாருடன் இணைக்கப்பட்டுள்ளது, இது ஒருமுறை முழு சார்ஜில் 560 கிமீ தூரம் செல்லும் என்று கூறப்படுகிறது. இந்த காரின் ஆற்றல் வெளியீடு 188bhp மற்றும் 385Nm ஆகும்.

11kW AC சார்ஜிங் மூலம் EQA காரை ஏழு மணி 15 நிமிடங்களில் 0-100 சதவிகிதம் சார்ஜ் செய்ய முடியும். அதே நேரத்தில் 100kW DC சார்ஜர் மூலம் 10-80 சதவிகிதம் வெறும் 35 நிமிடங்களில் சார்ஜ் ஏற்றிவிடலாம். இந்தியாவில், பிஎம்டபிள்யூ iX1 மற்றும் வால்வோ XC40 ரீசார்ஜ் ஆகியவற்றுக்கு எதிராக EQA போட்டியிடும்.

மெர்சிடிஸ் EQB-ஐ எலெக்ட்ரிக் ஆர்ட் லைன் மற்றும் ஏஎம்ஜி லைன் என இரண்டு வகைகளில் தேர்வு செய்யலாம். ஏழு இருக்கைகள் கொண்ட அமைப்பில் கிடைக்கும். இதன் ஏஎம்ஜி லைன் ஐந்து இருக்கைகள் கொண்ட வெர்ஷனில் மட்டுமே கிடைக்கும். இதன் விலை ரூ.77.5 லட்சம், எக்ஸ்-ஷோரூம் ஆகும்.

புதிய மெர்சிடிஸ் பென்ஸ் EQB இன் ஏஎம்ஜி மாடலில் ஸ்போர்ட்ஸ் ஸ்டீயரிங் வீல், நினைவக செயல்பாடுகளுடன் இயங்கும் முன் வரிசை இருக்கைகள் மற்றும் கதவு பேனல்களில் ஒளிரும் நட்சத்திர வடிவங்களைக் கொண்ட கருப்பு நிற இன்டீரியர் ஆகியவற்றைக் கொண்டுள்ளது.

ஜெர்மனி நாட்டைச் சேர்ந்த உயர் ரக கார் தயாரிக்கும் நிறுவனமான மெர்சிடிஸ்-பென்ஸ் மகாராஷ்டிரா மாநிலத்தில் 3000 கோடி ரூபாய் முதலீடு செய்ய இருப்பதாக மகாராஷ்டிரா மாநில தொழில்துறை மந்திரி உதய் சமந்த் தெரிவித்துள்ளார்.

இது தொடர்பாக உதய் சமந்த் தனது எக்ஸ் பக்கத்தில் தெரிவித்திருப்பதாவது:-

ஜெர்மனி நாட்டின் பயணத்தின்போது இன்று (வியாழக்கிழமை) மெர்சிடிஸ்-பென்ஸ் நிறுவனத்தின் முதன்மை நிர்வாகிகளை சந்தித்தேன். அப்போது மகாராஷ்டிரா மாநிலத்தில் முதலீடு செய்வது தொடர்பாக விவாதித்தோம். இந்த வருடத்தில் மெர்சிடிஸ்-பென்ஸ் மகாராஷ்டிரா மாநிலத்தில் 3 ஆயிரம் கோடி ரூபாய் முதலீடு செய்ய இருக்கிறது. இது மாநிலத்தில் வேலைவாய்ப்பை உருவாக்குவதற்கான வாய்ப்பாக அமையும்.

இவ்வாறு உதய் சமந்த் தெரிவித்துள்ளார்.

மகாராஷ்டிரா மாநிலத்தில் விரைவில் சட்டமன்ற தேர்தல் நடைபெற இருக்கிறது. மகாராஷ்டிரா மாநிலத்திற்கு வரவேண்டிய பல தொழில்கள் குஜராத் போன்ற மாநிலங்களுக்கு சென்றுவிட்டதாக சரத்பவார் கட்சி- காங்கிரஸ்- உத்தவ் தாக்கரே கட்சி விமர்சனம் செய்த நிலையில், இந்த அறிவிப்பு கைக்கொடுக்கும் என ஆளுங்கட்சி கூட்டணி நம்புகிறது.

மெர்சிடிஸ் பென்ஸ் நிறுவனம் இந்திய சந்தையில் தனது இரண்டு புதிய ஆடம்பர கார் மாடல்களை அறிமுகம் செய்தது. இவை மெபேக் GLS 600 மற்றும் S53 AMG E பெர்பார்மன்ஸ் ஆகும். 2024 மெர்சிடிஸ் மெபேக் GLS 600 மாடலின் விலை ரூ. 3 கோடியே 35 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய மெபேக் கார் ஃபேஸ்லிஃப்ட் செய்யப்பட்ட வெர்ஷன் ஆகும். இந்த காரின் முன்புறத்தில் க்ரோம் ஃபினிஷ் செய்யப்பட்ட சிக்னேச்சர் கிரில், சிறு மாற்றங்கள் செய்யப்பட்ட பம்ப்பர்கள், மேம்பட்ட எல்.இ.டி. ஹெட்லேம்ப்கள், டெயில் லைட்கள், 22 இன்ச் மல்டி-ஸ்போக் அலாய் வீல்கள் வழங்கப்பட்டு இருக்கின்றன.

உள்புறத்தில் பர்மெஸ்டர் சரவுண்ட் சவுண்ட் மியூசிக் சிஸ்டம், 360 டிகிரி கேமரா, அகௌஸ்டிக் கம்ஃபர்ட் பேக்கேஜ், புதிய ஸ்டீரிங் வீல் டிசைன், குளிர்சாதன பெட்டி, ஷேம்பெயின் வைத்துக் கொள்ளும் வசதி, லெவல் 2 ADAS சூட், ரியர் இன்ஃபோடெயின்மென்ட் ஸ்கிரீன்கள், பார்கிங் அசிஸ்ட், அதிநவீன MBUX சிஸ்டம் வழங்கப்படுகிறது.

2024 மெர்சிடிஸ் மெபேக் GLS 600 மாடலில் 4.0 லிட்டர், டுவின் டர்போ V8 பெட்ரோல் எஞ்சின் மற்றும் 48 வோல்ட் மைல்ட் ஹைப்ரிட் மோட்டார் வழங்கப்பட்டு இருக்கிறது. இதில் பெட்ரோல் எஞ்சின் 557 ஹெச்.பி. பவர், 730 நியூட்டன் மீட்டர் டார்க் வெளிப்படுத்துகிறது.

இதில் உள்ள ஹைப்ரிட் சிஸ்டம் 22 ஹெச்.பி. பவர், 250 நியூட்டன் மீட்டர் டார்க் வெளிப்படுத்தும் திறன் கொண்டுள்ளது. இத்துடன் 9 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. 

மெர்சிடிஸ் பென்ஸ் நிறுவனம் தனது AMG GT6 கான்செப்ட் மாடலை நீட்டா முகேஷ் அம்பானி கலாசார மையத்தில் காட்சிக்கு வைத்துள்ளது. இந்த கான்செப்ட் கார் இந்த ஆண்டு மே மாதம் வரை காட்சிக்கு வைக்கப்படும் என்று அறிவிக்கப்பட்டுள்ளது.

முன்னதாக மெர்சிடிஸ் நிறுவனம் தனது விஷன் மெர்சிடிஸ் மேபேக் 6 எலெக்ட்ரிக் கான்செப்ட் மாடலை காட்சிக்கு வைத்தது. சமீபத்தில் நடைபெற்று முடிந்த பாரத் மொபிலிட்டி கண்காட்சியில் மெர்சிடிஸ் EQG கான்செப்ட் காட்சிப்படுத்தப்பட்டது. 2013-இல் வெளியான கிரான் டூரிஸ்மோ வீடியோ கேமில் இந்த கார் இடம்பெற்று இருந்தது.

இதைத் தொடர்ந்து சர்வதேச அளவில் பல்வேறு கண்காட்சிகளில் இந்த கான்செப்ட் கார் காட்சிக்கு வைக்கப்பட்டுள்ளது. இந்த வரிசையில், தான் தற்போது மெர்சிடிஸ் AMG GT6 கான்செப்ட் மாடல் இந்தியாவில் காட்சிப்படுத்தப்பட்டு இருக்கிறது. இந்த கான்செப்ட் மாடல் பாரம்பரியம் மிக்க 300 SL ரேஸ் கார் நினைவாக அமைகிறது.

இந்த காரின் கிரில் பகுதியில் எல்.இ.டி.-க்கள் பொருத்தப்பட்டுள்ளன. இத்துடன் முன்புற ஹின்ஜ் கொண்ட பொனெட் மற்றும் எல்.இ.டி. ஹெட்லேம்ப் செட்டப் வழங்கப்பட்டுள்ளது. டிசைனை பொருத்தவரை இந்த கார் லோ-ஸ்லங் பாடி, கல்-விங் ரக கதவுகள், இன்டகிரேட் செய்யப்பட்ட டிஃப்யூசர் மற்றும் ஸ்பாயிலர் உள்ளிட்டவை வழங்கப்பட்டுள்ளன.

மெர்சிடிஸ் AMG GT6 கான்செப்ட் மாடல் 2017-இல் வெளியான ஜஸ்டிஸ் லீக் திரைப்படத்தில் புரூஸ் வேன் பயன்படுத்துவது போன்ற காட்சிகள் இடம்பெற்றுள்ளன. AMG GT6 கான்செப்ட் மாடலில் 585 ஹெச்.பி. பவர், 800 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்ட V8 என்ஜின் வழங்கப்பட்டு இருக்கிறது. இதே என்ஜின் AMG E 63 S மாடலிலும் உள்ளது.

மெர்சிடிஸ் பென்ஸ் இந்தியா நிறுவனம் தனது AMG GLE 53 கூப் ஃபேஸ்லிஃப்ட் மாடலை இந்திய சந்தையில் அறிமுகம் செய்தது. புதிய AMG GLE 53 கூப் மாடலின் விலை ரூ. 1 கோடியே 85 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இது தற்போது விற்பனை செய்யப்படும் AMG GLE 53 கூப் மாடலை விட ரூ. 14 லட்சம் அதிகம் ஆகும்.

பென்ஸ் AMG GLE 53 கூப் ஃபேஸ்லிஃப்ட் மாடலின் கேபினில் புதிய தொழில்நுட்பம், அதிக திறன் கொண்ட என்ஜின் மற்றும் மைல்டு ஹைப்ரிட் தொழில்நுட்பம் உள்ளிட்டவை சிறப்பம்சங்களாக வழங்கப்பட்டுள்ளன. இதில் வழங்கப்படும் ஏராளாமான இதர ஆப்ஷன்களை வாடிக்கையாளர்கள் தேர்வு செய்யும் பட்சத்தில் இந்த காரின் விலை ரூ. 2.2 கோடி, எக்ஸ்-ஷோரூம் வரை அதிகரிக்கும் என மெர்சிடிஸ் இந்தியா தெரிவித்துள்ளது.

தோற்றத்தில் புதிய கார் அதிக மாற்றங்கள் இன்றி உருவாக்கப்பட்டு இருக்கிறது. இதன் கிரில் வடிவம் சற்றே மாற்றப்பட்டு, ஹெட்லேம்ப் மற்றும் டெயில் லைட்களில் புதிய லைட்டிங் வழங்கப்பட்டுள்ளது. பம்ப்பர்களில் சிறு மாற்றங்கள் செய்யப்படு, புதிய டிசைன் கொண்ட அலாய் வீல்கள் வழங்கப்பட்டுள்ளன.

இதன் கேபின் பகுதியில் இரண்டு டிஸ்ப்ளேக்கள் உள்ளன. இன்டீரியர் முழுக்க மென்மையான அனுபவத்தை வழங்கும் பொருட்களால் உருவாக்கப்பட்டு இருக்கின்றன. இத்துடன் முற்றிலும் புதிய MBUX இயங்குதளம் வழங்கப்பட்டு இருக்கிறது. இத்துடன் டச் சென்சிடிவ் கன்ட்ரோல்கள் கொண்ட புதிய AMG ல்டீரிங், கப் ஹோல்டர்களில் டெம்பரேச்சர் கன்ட்ரோல், 100 வாட் டைப் சி சார்ஜிங் வசதி வழங்கப்பட்டு இருக்கிறது.

இத்துடன் அடாப்டிவ் ஏர் சஸ்பென்ஷன், பர்மெஸ்டர் 3D சவுண்ட் சிஸ்டம், ஹெட்-அப் டிஸ்ப்ளே, ஹீடெட் மற்றும் வென்டிலேடெட் முன்புற இருக்கைகள், பானரோமிக் சன்ரூஃப், வயர்லெஸ் போன் சார்ஜர், 360 டிகிரி கேமரா, ஆக்டிவ் பிரேக் அசிஸ்ட், பிலைன்ட் ஸ்பாட் மானிட்டரிங் போன்ற வசதிகள் உள்ளன.

புதிய மெர்சிடிஸ் பென்ஸ் AMG GLE 53 கூப் ஃபேஸ்லிஃப்ட் மாடலில் 3.0 லிட்டர் 6 சிலிண்டர்கள் கொண்ட டர்போ பெட்ரோல் என்ஜின் வழங்கப்பட்டு இருக்கிறது. இது தற்போது 40 நியூட்டன் மீட்டர் வரை அதிக டார்க் வெளிப்படுத்தும் வகையில் டியூன் செய்யப்பட்டுள்ளது. அந்த வகையில், இந்த என்ஜின் 429 ஹெச்.பி. பவர் மற்றும் 600 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த என்ஜினுடன் மைல்டு ஹைப்ரிட் சிஸ்டம் வழங்கப்பட்டு இருக்கிறது. இந்த யூனிட் 20 ஹெச்.பி. பவர், 200 நியூட்டன் மீட்டர் டார்க் வரை இழுவிசையை அதிகப்படுத்துகிறது. இத்துடன் 9 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 5 நொடிகளில் எட்டிவிடும். மேலும் மணிக்கு அதிகபட்சம் 250 கிலோமீட்டர் வேகத்தில் செல்லும்.

இந்திய சந்தையில் புதிய மெர்சிடிஸ் பென்ஸ் AMG GLE 53 கூப் ஃபேஸ்லிஃப்ட் மாடல் ஆடி RS Q8 மற்றும் போர்ஷே கேயென் கூப் பேஸ் வேரியன்ட் மாடல்களுக்கு போட்டியாக அமைகிறது.

மெர்சிடிஸ் பென்ஸ் இந்தியா நிறுவனம் தனது GLA ஃபேஸ்லிஃப்ட் மாடலை இந்திய சந்தையில் அறிமுகம் செய்தது. புதிய பென்ஸ் GLA ஃபேஸ்லிஃப்ட் மாடல் விலை ரூ. 50.5 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய காரில், அதன் முந்தைய வெர்ஷனில் வழங்கப்பட்டதை விட கூடுதல் அம்சங்கள் மற்றும் ஸ்டைலிங்கில் மாற்றம் செய்யப்பட்டுள்ளன. புதிய மெர்சிடிஸ் பென்ஸ் GLA ஃபேஸ்லிஃப்ட் மாடல் - GLA200, GLA220d 4மேடிக், GLA 220d 4மேடிக் AMG லைன் என மூன்று வேரியண்ட்களில் கிடைக்கிறது.

மாற்றங்களை பொருத்தவரை GLA ஃபேஸ்லிஃப்ட் மாடலில் புதிய ஹெட்லேம்ப்கள், புதிய டிசைன் கொண்ட டி.ஆர்.எல்.கள், ரிவைஸ்டு கிரில், முன்புற பம்ப்பரில் வித்தியாச வடிவம் கொண்ட ஏர் இன்டேக்குகள், புதிய அலாய் வீல் டிசைன் வழங்கப்பட்டுள்ளது. இதன் இன்டீரியரில் சிறு மாற்றங்கள் செய்யப்பட்டுள்ளன.

இத்துடன் பிலைன்ட் ஸ்பாட் அசிஸ்ட், 360 டிகிரி கேமரா, கீலெஸ் கோ கம்ஃபர்ட் பேக்கேஜ் மற்றும் அதிநவீன MBUX NTG7 மென்பொருள் வழங்கப்பட்டு இருக்கிறது.

புதிய GLA மாடலில் 1.3 லிட்டர் டர்போ பெட்ரோல் என்ஜின் மற்றும் 2.0 லிட்டர் டீசல் என்ஜின் ஆப்ஷன்கள் வழங்கப்படுகின்றன. இவை முறையே 163 ஹெச்.பி. பவர், 250 நியூட்டன் மீட்டர் டார்க் மற்றும் 193 ஹெச்.பி. பவர், 400 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கின்றன. இத்துடன் 8 ஸ்பீடு ஆட்டோமேடிக் DCT டிரான்ஸ்மிஷன் வழங்கப்படுகிறது.

மெர்சிடிஸ் பென்ஸ் இந்தியா நிறுவனம் புத்தாண்டை புது கார் வெளியீட்டுடன் கொண்டாட இருக்கிறது. அதன்படி இம்மாத இறுதியில் மெர்சிடிஸ் பென்ஸ் நிறுவனம் ஃபேஸ்லிஃப்ட் செய்யப்பட்ட GLA மற்றும் AMG GLE 53 கூப் மாடல்களை அறிமுகம் செய்ய இருக்கிறது. அதன்படி இந்த கார்களின் விலை விவரங்களை மெர்சிடிஸ் நிறுவனம் ஜனவரி 31-ம் தேதி அறிவிக்க இருக்கிறது.

அப்டேட்களை பொருத்தவரை ஃபேஸ்லிஃப்ட் செய்யப்பட்ட GLA மாடலில் ரிடிசைன் செய்யப்பட்ட முன்புற கிரில், டுவீக் செய்யப்பட்ட பம்ப்பர்கள், புதிய எல்.இ.டி. ஹெட்லேம்ப்கள், வீல் ஆர்ச்களில் பிளாஸ்டிக் ட்ரிம்கள் வழங்கப்படுகின்றன.

காரின் உள்புறம் ஹை-பீம் அசிஸ்ட் மற்றும் ரிவர்ஸ் கேமரா, மேம்பட்ட MBUX இன்டர்ஃபேஸ் வழங்கப்படுகிறது. 2024 GLA மாடலில் 1.3 லிட்டர் டர்போ பெட்ரோல் மற்றும் 2.0 லிட்டர் டீசல் என்ஜின் வழங்கப்படுகிறது. இரு என்ஜின்களுடன் ஆட்டோமேடிக் கியர்பாக்ஸ் ஆப்ஷன் வழங்கப்படுகிறது.

மெர்சிடிஸ் பென்ஸ் AMG GLE 53 கூப் மாடலில் ஸ்லோபிங் ரூஃப்லைன், புதிய அலாய் வீல் டிசைன் வழங்கப்படுகிறது. இந்த காரில் 3.0 லிட்டர் டர்போ பெட்ரோல் என்ஜின், 48 வோல்ட் மைல்டு ஹைப்ரிட் சிஸ்டம் வழங்கப்பட்டு இருக்கிறது. இந்த என்ஜின் 429 ஹெச்.பி. பவர் வெளிப்படுத்துகிறது. இத்துடன் 9 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. 

மெர்சிடிஸ் பென்ஸ் நிறுவனம் இந்திய சந்தையில் அதிகம் எதிர்பார்க்கப்பட்ட பென்ஸ் GLS ஃபேஸ்லிஃப்ட் மாடலை அறிமுகம் செய்தது. புதிய GLS ஃபேஸ்லிஃப்ட் விலை ரூ. 1 கோடியே 32 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய காரின் வெளிப்புறம் முற்றிலும் புதிய டிசைன் கொண்ட அலாய் வீல்கள், புதிய கிரில், பம்ப்பர்கள், புதிய டிசைன் கொண்ட எல்.இ.டி. ஹெட்லேம்ப்கள் வழங்கப்படுகின்றன. உள்புறம் புதிய ஸ்டீரிங் வீல், புதிய MBUX இன்டர்ஃபேஸ், கைரேகை சென்சார் கொண்ட டெலிமேடிக்ஸ் சென்சார் வழங்கப்படுகிறது. இந்த எஸ்.யு.வி.-இல் மல்டி-ஜோன் கிளைமேட் கண்ட்ரோல், இரட்டை டிஜிட்டல் டிஸ்ப்ளே வழங்கப்படுகிறது.

மேலும் லெதரால் ஆன இருக்கை மேற்கவர்கள், மசாஜ் வசதி, வயர்லெஸ் போன் மிரரிங், இன்டீரியர் நிற ஆப்ஷன்கள் வழங்கப்படுகின்றன. இந்த காரின் வீல்பேஸ் அதன் முந்தைய வெர்ஷனை விட 3 மீட்டர்கள் வரை அதிகரிக்கப்பட்டு இருக்கிறது. இதன் மூலம் மூன்றாவது அடுக்கு இருக்கையில் இருப்பவர்களும் சவுகரியமாக அமர முடியும்.

மேம்படுத்தப்பட்ட மெர்சிடிஸ் GLS எஸ்.யு.வி. மாடலில் 3.0 லிட்டர் இன்லைன்-சிக்ஸ் டீசல் என்ஜின், 3.0 லிட்டர் இன்லைன்-சிக்ஸ் பெட்ரோல் என்ஜின் வழங்கப்படுகிறது. இவை முறையே 362 ஹெச்.பி. பவர் / 750 நியூட்டன் மீட்டர் டார்க் இழுவிசை மற்றும் 375 ஹெச்.பி. / 500 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இருவித என்ஜின்களுடன் 48 வோல்ட் மைல்டு ஹைப்ரிட் தொழில்நுட்பம், ஆல் வீல் டிரைவ் வசதி, 8 ஸ்பீடு டார்க் கன்வெர்ட்டர் ஆட்டோமேடிக் டிரான்ஸ்மிஷன் வழங்கப்படுகிறது. இந்த காரில் பல்வேறு டிரைவ் மோட்கள் வழங்கப்படுகிறது.

இந்திய சந்தையில் மெர்சிடிஸ் பென்ஸ் GLS ஃபேஸ்லிஃப்ட் மாடல் பி.எம்.டபிள்யூ. X7, ஆடி Q8, ரேன்ஜ் ரோவர் ஸ்போர்ட் மற்றும் வால்வோ XC90 போன்ற மாடல்களுக்கு போட்டியாக அமைகிறது. 2024 மெர்சிடிஸ் பென்ஸ் GLS காரின் டாப் எண்ட் மாடல் விலை ரூ. 1 கோடியே 37 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. 

மெர்சிடிஸ் பென்ஸ் நிறுவனம் தனது GLS ஃபேஸ்லிஃப்ட் மாடல் அடுத்த ஆண்டு துவக்கத்தில் அறிமுகம் செய்யப்படும் என்று அறிவித்து இருக்கிறது. ஃபேஸ்லிஃப்ட் மாடலில் காஸ்மெடிக் அப்கிரேடு மற்றும் புதிய அம்சங்கள் வழங்கப்படும் என்று தெரிகிறது.

புதிய GLS ஃபேஸ்லிஃப்ட் மாடலின் கிரில் மாற்றப்படுகிறது. இத்துடன் ஹெட்லேம்ப்களில், புதிய எல்.இ.டி. பேட்டன் வழங்கப்படுகிறது. இதன் பம்ப்பர் ரி-ப்ரோஃபைல் செய்யப்பட்டு புதிய டிசைன் வழங்கப்படுகிறது. இத்துடன் 20-இன்ச் அளவில் புதிய அலாய் வீல்கள் ஹிமாலயாஸ் கிரே நிறத்தில் வழங்கப்படுகிறது. GLS மாடல் ஏழு பேர் பயணிக்கும் எஸ்.யு.வி. ஆகும்.

இந்த கார் கேட்டலானா பிரவுன் மற்றும் பஹியா பிரவுன் இன்டீரியர் ஆப்ஷன் கொண்டிருக்கிறது. இதன் இன்ஃபோடெயின்மென்ட் யூனிட் அப்டேட் செய்யப்பட்டு அதிநவீன MBUX வழங்கப்படுகிறது. இத்துடன் GLS ஃபேஸ்லிஃப்ட் மாடலில் அறிமுகமாகி இருக்கும் புதிய ஆஃப் ரோடு மோட் 360 டிகிரி கேமரா மூலம் திரையில் அசத்தலான அனுபவத்தை வழங்கும்.

தற்போது விற்பனை செய்யப்படும் மெர்சிடிஸ் GLS மாடலில் 3.0 லிட்டர் டீசல் என்ஜின் வழங்கப்பட்டு இருக்கிறது. இத்துடன் 9-ஸ்பீடு ஆட்டோமேடிக் கியர்பாக்ஸ் வழங்கப்படுகிறது. மேம்பட்ட GLS ஃபேஸ்லிஃப்ட் மாடலிலும் இதே போன்ற என்ஜின் வழங்கப்படும் என்றும் கூடுதலாக பெட்ரோல் என்ஜின் ஆப்ஷனும் வழங்கப்படும் என்று எதிர்பார்க்கலாம். 

மெர்சிடிஸ் பென்ஸ் இந்தியா நிறுவனம் தனது GLE எஸ்.யு.வி.-இன் ஃபேஸ்லிஃப்ட் மாடலை அறிமுகம் செய்து இருக்கிறது. ஃபேஸ்லிஃப்ட் செய்யப்பட்ட புதிய பென்ஸ் GLE LWB மாடலின் விலை ரூ. 96 லட்சத்து 40 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த கார் AMG C43 மாடலுடன் அறிமுகம் செய்யப்பட்டு இருக்கிறது.

புதிய மெர்சிடிஸ் பென்ஸ் GLE மாடலின் முகப்பு பகுதி முற்றிலும் மாற்றப்பட்டு, மெல்லிய எல்.இ.டி. ஹெட்லேம்ப்கள், சிங்கில் ஸ்லாட் கிரில், ரிடிசைன் செய்யப்பட்ட அலாய் வீல்கள், ரிவொர்க் செய்யப்பட்ட பின்புற பம்ப்பர் மற்றும் மேம்பட்ட எல்.இ.டி. டெயில் லைட்கள் வழங்கப்பட்டு உள்ளன. இந்த எஸ்.யு.வி.-இல் ரூஃப் ரெயில்கள், சைடு ஸ்டெப் மற்றும் பிளாக்டு அவுட் ORVM-கள் உள்ளன.

புதிய பென்ஸ் GLE ஃபேஸ்லிஃப்ட் மாடலின் கேபினில் புதிய ஸ்டீரிங் வீல், அதிநவீன MBUX சிஸ்டம், வயர்லெஸ் ஆண்ட்ராய்டு ஆட்டோ, ஆப்பிள் கார்பிளே கனெக்டிவிட்டி, ரிடிசைன் செய்யப்பட்ட ஏ.சி. வெண்ட்கள், 4-ஜோன் கிளைமேட் கண்ட்ரோல், ஆம்பியண்ட் லைட்டிங் வழங்கப்பட்டு இருக்கிறது. இத்துடன் வயர்லெஸ் சார்ஜர், எலெக்ட்ரிக் அட்ஜஸ்ட் வசதி கொண்ட முன்புற இருக்கைகள் உள்ளன.

இருக்கைகளில் வென்டிலேஷன் வசதி, பவர்டு முன்புற இருக்கைகள், மசாஜ் வசதி வழங்கப்பட்டு இருக்கிறது. இத்துடன் 360 டிகிரி சரவுண்ட் கேமரா, டிரான்ஸ்பேரண்ட் பொனெட் அம்சம், எலெக்ட்ரிக் சன் பிலைன்ட்கள், பானரோமிக் சன்ரூஃப் உள்ளிட்ட வசதிகள் வழங்கப்பட்டுள்ளன. வாடிக்கையாளர்கள் இருக்கைகளுக்கு மூன்றுவிதமான மெத்தை வகைகளில் ஒன்றை தேர்வு செய்யும் ஆப்ஷன் வழங்கப்படுகிறது.

புதிய மெர்சிடிஸ் பென்ஸ் GLE மாடலில் 2.0 லிட்டர் டீசல், 3.0 லிட்டர் டீசல் மற்றும் 3.0 லிட்டர் பெட்ரோல் என்ஜின் வழங்கப்பட்டு இருக்கிறது. இதில் உள்ள 4 சிலிண்டர் பெட்ரோல் என்ஜின் 265 ஹெச்.பி. பவர், 550 நியூட்டன் மீட்டர் டார்க் இழுவிசையை வெளிப்படுத்துகிறது.

இதில் உள்ள 6 சிலிண்டர் என்ஜின் 362 ஹெச்.பி. பவர், 750 நியூட்டன் மீட்டர் டார்க் இழுவிசையை வெளிப்படுத்துகிறது. அனைத்து என்ஜின்களுடன் 8 ஸ்பீடு ஆட்டோமேடிக் டிரான்ஸ்மிஷன் உடன் 4மேடிக் AWD தொழில்நுட்பம் ஸ்டான்டர்டு அம்சமாக வழங்கப்படுகிறது.

மெர்சிடிஸ் பென்ஸ் நிறுவனம் இந்திய சந்தையில் இரண்டு புதிய கார்களை விரைவில் அறிமுகம் செய்வதாக அறிவித்து இருக்கிறது. அதன்படி இவை மெர்சிடிஸ் பென்ஸ் GLE எஸ்.யு.வி.-இன் ஃபேஸ்லிஃப்ட் மாடல் மற்றும் மெர்சிடிஸ் AMG C 43 மாடல்களாக இருக்கும் என்று தெரிகிறது. மேலும் இரண்டு மாடல்களும் நவம்பர் 2-ம் தேதி அறிமுகம் செய்யப்படுகிறது.

இந்திய சந்தையில் மெர்சிடிஸ் பென்ஸ் நிறுவனத்தின் அதிகம் விற்பனையாகும் மாடல்களில் ஒன்றாக GLE இருக்கிறது. மேலும் AMG C 43 மாடல் மெர்சிடிஸ் நிறுவனத்திற்கு மிக முக்கியத்துவம் வாய்ந்த மாடலாக பார்க்கப்படுகிறது. இந்த காரின் முந்தைய வெர்ஷன் இந்திய சந்தையில் பெரும் வெற்றி பெற்றது குறிப்பிடத்தக்கது.

முன்னதாக GLE ஃபேஸ்லிஃப்ட் மாடல் பிப்ரவரி 2023 மாத வாக்கில் அறிமுகம் செய்யப்பட்டது. இந்த காரில் சிறிதளவு மாற்றங்கள் மேற்கொள்ளப்பட்டு இருந்தது. இத்துடன், எலெக்ட்ரிக் பவர்டிரெயின் மற்றும் மேம்பட்ட தொழில்நுட்பம் உள்ளிட்டவை குறிப்பிடத்தக்க மாற்றமாக பார்க்கப்படுகிறது.

சர்வதேச சந்தையில் GLE மாடலின் அனைத்து பவர்டிரெயின் வெர்ஷன்களிலும் 48 வோல்ட் மைல்டு-ஹைப்ரிட் சிஸ்டம் வழங்கப்பட்டு இருக்கிறது. இதன் சர்வதேச எடிஷன் GLE 400e பிளக்-இன்-ஹைப்ரிட் மாடலில் 2.0 லிட்டர் பெட்ரோல் என்ஜின், எலெக்ட்ரிக் மோட்டார் மற்றும் 31.2 கிலோவாட் ஹவர் பேட்டரி பேக் வழங்கப்பட்டு இருக்கிறது.

இந்திய சந்தையில் மெர்சிடிஸ் பென்ஸ் GLE ஃபேஸ்லிஃப்ட் மாடலின் விலை ரூ. 1 கோடி வரையிலும், AMG C43 மாடலின் விலை ரூ. 90 லட்சம் வரை நிர்ணயம் செய்யப்படும் என்று தெரிகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.