என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » ajithkumar
நீங்கள் தேடியது "Ajithkumar"
சென்னையில் தீபாவளி பாதுகாப்பு பணியில், அஜித் ஆலோசனையில் செயல்படும் தக்ஷா குழுவினர் ஈடுபட உள்ளனர். #Ajith #DhakshaTeam
நடிகர் அஜித்குமார் நடிப்பு மட்டுமல்லாமல் புகைப்படக் கலை, பைக் ரேஸ், கார் ரேஸ், ரிமோட் மூலம் இயங்கும் குட்டி விமானங்களை இயக்குதல் போன்றவற்றிலும் ஆர்வம் காட்டுபவர்.
சென்னை அண்ணா பல்கலைக்கழகத்தின் எம்.ஐ.டி வளாகத்தில் பயிலும் ஏரோநாடிகல் மாணவர்கள் ஆளில்லா விமானங்கள் குறித்து ஆய்வு செய்ய தக்ஷா எனும் குழுவை உருவாக்கினர். இந்த குழுவின் ஆலோசகராக அஜித் நியமிக்கப்பட்டார். ஏற்கனவே ரிமோட் மூலம் வாகனங்களை இயக்குவதில் கைதேர்ந்தவரான அஜித்திடம் பொறுப்பு கொடுக்கப்பட்டதால் தக்ஷா குழு மீதான எதிர்பார்ப்பு அதிகரித்தது.
இந்த ஆண்டு அண்ணா பல்கலைக்கழகத்தில் நடந்த பல்கலைக்கழக அளவிலான ஏரோ டிசைன் போட்டியில் தக்ஷா குழு தங்களது திறனை வெளிப்படுத்தியது. இதையடுத்து ஆஸ்திரேலியாவின் குயின்ஸ் லேண்டில் நடந்த யூஏவி மெடிக்கல் எக்ஸ்பிரஸ் சேலஞ்ச் போட்டியில் தக்ஷா குழு பங்கேற்றது. அஜித் ஆலோசகராக இருந்து வழிநடத்திய தக்ஷா அணிக்கு அந்த சர்வதேசப் போட்டியில் 2-வது இடம் கிடைத்தது.
தற்போது அஜித்தை ஆலோசகராக கொண்ட தக்ஷா அணியினர், காவல் துறையுடன் இணைந்து ட்ரோன் மூலம் சென்னை தி.நகரை கண்காணிக்க உள்ளனர். #ThalaAjith #DakshaTeam #Ajith
அஜித், விஜய் இருவரின் ஆரம்பகட்ட படங்களில் கதாநாயகியாக நடித்த சங்கவி, அஜித், விஜய் இருவருமே நல்ல உழைப்பாளிகள் என்று கூறினார். #AjithKumar #Vijay #Sangavi
அஜித், விஜய் இருவரின் ஆரம்பகட்ட படங்களில் கதாநாயகியாக நடித்தவர் சங்கவி. நீண்ட இடைவெளிக்கு பிறகு கொளஞ்சி படத்தில் நடிக்கிறார். அவரிடம் பேசியதில் இருந்து...
முதல் படத்தில் அஜித்துடன் நடித்தது நினைவிருக்கிறதா?
அதை எப்படி மறக்க முடியும்? என் பூர்வீகம் மைசூர். என் குடும்பத்தில் சிலபேர் கன்னட சினிமாவுல இருந்தாங்க. அதனால சின்ன வயசுல இருந்தே சினிமாமேல ஆர்வம் வந்துடுச்சு. சென்னையில் ஒரு நிகழ்ச்சியில என்னைப் பார்த்த இயக்குனர் பாக்யராஜ் சார் அவரோட படத்துல நடிக்க என்னைக் கேட்டார். அப்பா சம்மதம் தராததால் அவருக்கு நோ சொன்னோம். அந்த படம் தான் ஒரு ஊர்ல ஒரு ராஜகுமாரி. அப்பாவை சமாதானப்படுத்தி தமிழும், டான்சும் கத்துகிட்டு பாக்யராஜ் சார்கிட்ட திரும்ப வாய்ப்பு கேட்டேன். அவர் படம் தள்ளிப்போனதால கிடைச்ச வாய்ப்பு தான் அமராவதி. தமிழில் எனக்கும், அஜித்துக்கும் இது முதல் படம். அந்த நேரத்துல அஜித் தெலுங்குப் படங்கள்ல தான் நடிச்சுக்கிட்டு இருந்தார்.
‘அமராவதி’ படத்துக்கு அப்புறம் எனக்கு உடனே ‘ரசிகன்’ பட வாய்ப்பு வந்துருச்சு. அதுல ஹீரோ, விஜய். எஸ்.ஏ.சி சார் டைரக்ட் பண்ண படம். ‘அமராவதி’ படத்தைப் பார்த்துட்டு என்னை இந்தப் படத்துல கிளாமர் ரோலில் நடிக்கவைக்க எஸ்.ஏ.சி சார் ரொம்பவே யோசிச்சார். ரொம்ப பயந்துதான், என்னை இந்தப் படத்துல நடிக்க வெச்சார். படம் சூப்பர் ஹிட். ‘இனி இந்தப் பொண்ணு கிளாமர் கேரக்டருக்குத்தான் செட் ஆகும்‘னு நிறைய விஜய் படங்கள்ல என்னைக் கமிட் பண்ணாங்க. ‘பொற்காலம்‘ படத்துக்குப் பிறகுதான், மறுபடியும் ஹோம்லி பொண்ணா ஆடியன்ஸ்கிட்ட ரிஜிஸ்டர் ஆனேன். விஜய், அஜித் ரெண்டுபேரும் நல்ல உழைப்பாளிகள். அந்த டைம்ல இருந்த எல்லோருமே, ரெண்டுபேரும் இந்த உயரத்துக்கு வருவாங்கனு எதிர்பார்த்தாங்க. சில சமயம் நடிகர், நடிகைகளின் ரீயூனியன் நடக்கும்போது விஜய்யைப் பார்ப்பேன். ஆனா, அஜித்தைப் பார்த்தே பல வருடமாச்சு.
தமிழில் நடிச்சுக்கிட்டு இருக்கும்போதே, தெலுங்கிலும் நிறைய படங்கள்ல நடிச்சேன். தமிழில் நான் மிஸ் பண்ண சில நல்ல படங்களைத் தெலுங்கில் நடிச்சேன். ‘பிதாமகன்’ படத்துல சங்கீதா கேரக்டரை தெலுங்குல நான்தான் நடிச்சேன். பிறகு, நிகழ்ச்சிகளைத் தொகுத்து வழங்குற வாய்ப்பு கிடைச்சது. இப்போ, ‘கொளஞ்சி’ படத்தின் மூலமா தமிழ் சினிமாவுல ரீஎன்ட்ரி கொடுத்திருக்கேன்.
எனக்குக் கல்யாணம் முடிஞ்சு ரெண்டு வருடம் ஆச்சு. என் கணவருக்கு தாய்மொழி தமிழ். ஆனால் பெங்களூர் செட்டில் ஆயிட்டார். அதனாலேயே நானும் பெங்களூர் வந்துட்டேன். அழகான அன்பான கணவர். என்றார். #AjithKumar #Vijay #Sangavi
`விஸ்வாசம்' படத்தை தொடர்ந்து எச்.வினோத் இயக்கத்தில் அஜித் நடிக்க இருப்பதாக தகவல் வெளியாகி இருக்கும் நிலையில், இந்தியில் விருதுகளை குவித்த படத்தின் தமிழ் ரீமேக்கில் அஜித் நடிக்க இருப்பதாக கூறப்படுகிறது. #AjithKumar #Thala59
`விவேகம்' படத்திற்கு பிறகு அஜித் மீண்டும் சிவா இயக்கத்தில் `விஸ்வாசம்' படத்தில் நடித்து வருகிறார். அஜித் ஜோடியாக நயன்தாரா நடிக்கிறார். படப்பிடிப்பு விறுவிறுப்பாக நடைபெற்று வருகிறது.
அடுத்த ஆண்டு பொங்கலுக்கு இந்த படம் ரிலீசாகவிருப்பதாக கூறப்படும் நிலையில், அஜித்தின் அடுத்த படத்தை `சதுரங்க வேட்டை', `தீரன் அதிகாரம் ஒன்று' படங்களை இயக்கிய எச்.வினோத் இயக்க இருப்பது உறுதியாகி இருக்கிறது. ஸ்ரீதேவியின் கணவர் போனி கபூர் இந்த படத்தை தயாரிக்க இருப்பதாக சமீபத்தில் தகவல் வெளியாகிய நிலையில், வினோத் இயக்கும் அந்த படம் இந்தியில் கடந்த 2016-ஆம் ஆண்டு வெளியாகி மாபெரும் வெற்றி மற்றும் பல்வேறு விருதுகளை குவித்த பிங்க் படத்தின் ரீமேக் என்று கூறப்படுகிறது.
முதலில் இயக்குநர் வினோத் படத்தை ரீமேக் செய்ய விரும்பவில்லை என்றும், போனி கபூரிடம், அஜித் சம்மதம் தெரிவித்ததால் வினோத் அதற்கான திரைக்கதையை உருவாக்கி வருவதாகவும் கூறப்படுகிறது.
அமித்தாப் பச்சன், டாப்சி உள்ளிட்ட பலர் நடித்திருந்த பிங்க் படத்தை பலரும் பாராட்டி இருந்தனர். தமிழில் அமிதாப்பச்சன் கதாபாத்திரத்தில் அஜித் நடிக்க உள்ளார். பிங்க் படத்தில் அமிதாப்பச்சன் மூத்த வழக்கறிஞராக நடித்திருப்பார். விபச்சாரத்தில் ஈடுபட்டதாக குற்றம்சாட்டப்பட்ட 3 பெண்களை அந்த வழக்கில் இருந்து காப்பாற்றும்படியாக படத்தின் கதை நகரும்.
இந்த படத்தின் படப்பிடிப்பு 2019 ஜனவரியில் துவங்க இருப்பதாக கூறப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. #AjithKumar #Thala59 #PinkRemake
சிவா இயக்கத்தில் உருவாகி வரும் ‘விசுவாசம்’ படத்தில் நான்கு வருடங்களுக்குப் பிறகு பிரபல நடிகர் அஜித்துடன் இணைந்து நடிக்க இருக்கிறார். #Ajith #Viswasam
சிவா இயக்கத்தில் அஜித் 4-வது முறையாக நடித்து வரும் படம் ‘விசுவாசம்’. ஐதராபாத்தில் தொடங்கிய இதன் முதல் கட்டப்படப்பிடிப்பு தற்போது முடிந்துள்ளது. அடுத்தகட்ட படப்பிடிப்பு சென்னையில் 27ம் தேதி தொடங்க இருப்பதாக படக்குழு தெரிவித்துள்ளது.
இந்த படப்பிடிப்பில் அஜித் இளமை தோற்றத்தில் நடிக்க இருக்கிறார். மேலும் அஜித்துடன் நடிகர் விவேக் இணைந்து நடிக்க இருக்கிறார். ஏற்கனவே அஜித்துடன் நடிகர் விவேக் ‘என்னை அறிந்தால்’ படத்தில் நடித்திருக்கிறார். நான்கு வருடங்களுக்குப் பிறகு மீண்டும் இப்படம் மூலம் இணைந்திருக்கிறார்கள்.
இப்படத்தில் அஜித்துக்கு ஜோடியாக நயன்தாரா நடிக்கிறார். டி.இமான் இசையமைக்கும் இந்த படத்தை சத்யஜோதி பிலிம்ஸ் நிறுவனம் தயாரிக்கிறது. தீபாவளிக்கு இப்படம் வெளியாகும் என்று படக்குழுவினர் அறிவித்துள்ளனர்.
சிவா இயக்கத்தில் நான்காவது முறையாக அஜித் நடித்து வரும் விசுவாசம் படக்குழுவினர் வதந்திக்கு முற்றுப்புள்ளி வைத்துள்ளனர். #Siva #Thala #Ajith #Viswasam
சிவா இயக்கத்தில் அஜித் 4-வது முறையாக நடித்து வரும் படம் ‘விசுவாசம்’. ஐதராபாத்தில் இந்த படத்தின் முதல்கட்ட படப்பிடிப்பு முடிந்துள்ளது. அடுத்தகட்ட படப்பிடிப்பு எப்போது தொடங்கும் என்று அஜித் ரசிகர்கள் காத்திருந்தனர்.
அடுத்த கட்ட படப்பிடிப்பை சென்னையில் நடத்த படக்குழு திட்டமிட்டுள்ளதாக செய்தி வந்துள்ளது. சென்னையில் முக்கிய இடங்களில் வரும் 27 ஆம் தேதி முதல் படப்பிடிப்பை தொடங்க இருப்பதாக படக்குழு தெரிவித்துள்ளது. இதற்கான படப்பிடிப்பு அனுமதி, பாதுகாப்பு குறித்து திரைப்பட குழு திட்டமிட்டு வருகிறது. அஜித் ஜோடியாக நயன்தாரா நடிக்கிறார். டி.இமான் இசையமைக்கும் இந்த படத்தை சத்யஜோதி பிலிம்ஸ் நிறுவனம் தயாரிக்கிறது.
அஜித் படங்களுக்கு தொடர்ந்து வெளி மாநிலங்களில் படப்பிடிப்பு நடைபெறுவதால் தமிழ்நாட்டில் இருக்கும் சினிமா தொழிலாளர்கள் பாதிக்கப்படுவதாக ஒரு சர்ச்சை ஏற்பட்டது. அதற்கு சென்னை படப்பிடிப்பு மூலம் முற்றுப்புள்ளி வைத்து இருக்கிறது படக்குழு.
அஜித் - கவுதம் மேனன் கூட்டணியில் ‘என்னை அறிந்தால்’ படத்திற்கு நல்ல வரவேற்பு கிடைத்த நிலையில், இருவரும் மீண்டும் இணையவிருப்பதாக கூறப்படுகிறது. #AjithKumar #GauthamMenon
அஜித்தும் கவுதம்மேனனும் இணைந்த படம் என்னை அறிந்தால். உணர்ச்சிகரமான, அதிரடி படமாக உருவாகிய என்னை அறிந்தால் படத்தின் இரண்டாவது பாகம் உருவாக வாய்ப்பு இருப்பதாக கூறப்படுகிறது.
தற்போது கவுதம்மேனன் விக்ரமை வைத்து துருவ நட்சத்திரம் படத்தை இயக்கி வருகிறார். அவர் இயக்கி தனுஷ் நடித்த என்னை நோக்கி பாயும் தோட்டா படம் வெளியீட்டுக்கு தயாராகி இருக்கிறது.
அடுத்து அனுஷ்காவை வைத்து கதாநாயகிக்கு முக்கியத்துவம் உள்ள படத்தையோ அல்லது அருண்விஜய்யை கதாநாயகனாக்கி ஒரு படத்தையோ இயக்குவார் என்று செய்திகள் வந்தன. அதேநேரத்தில் மாதவனை வைத்து ஒண்ராகா என்ற படத்தையும் கவுதம் மேனன் இயக்க இருக்கிறார்.
இந்த நிலையில், கவுதம்மேனன் அஜித்துக்காக ஒரு கதை தயார் செய்து வைத்துள்ளாராம். அதை சொல்வதற்கு அஜித்திடம் நேரம் கேட்டிருக்கிறாராம். அஜித் இப்போது சிவா இயக்கத்தில் விஸ்வாசம் படத்தில் நடித்து வருகிறார்.
கவுதம்மேனன் மீது அஜித்துக்கு பிரியம் உண்டு. தன்னை இளமையாக காட்டியதோடு வெள்ளை நிற முடியிலேயே தன்னை அழகாக காட்டியவர் கவுதம்மேனன் என்பதால் கவுதம்மேனனுக்கு, அஜித் படம் பண்ணுவார் என்கின்றனர். சிவா இயக்கும் படம் கிராமம் சார்ந்த கதை என்பதால் அடுத்து கவுதம்மேனன் படத்தில் நடிக்க வாய்ப்பு இருக்கிறதாம். இதுகுறித்த அறிவிப்பு விரைவில் வரலாம் என்று எதிர்பார்க்கப்படுகிறது. அதேநேரத்தில் அஜித்தின் அடுத்த படத்தை இயக்க எச்.வினோத்தும் தயாராக இருப்பதாக கூறப்படுகிறது. #AjithKumar #GauthamMenon
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X