நீங்கள் தேடியது "2 arrest"

நாமக்கல்:

நாமக்கல் அருகே உள்ள புதுசத்தரம் பகுதி வழியாக மினி கண்டெய்னர் லாரியில் எரி சாராயம் கடத்தி செல்வதாக நாமக்கல் மது விலக்கு அமலாக்க பிரிவு போலீசாருக்கு ரகசிய தகவல் கிடைத்து. இதையடுத்து கூடுதல் போலீஸ் சூப்பிரண்டு செந்தில் தலைமையிலான போலீசார், புதுசத்திரம் பகுதிக்கு விரைந்து சென்று கண்காணிப்பு மற்றும் தீவிர வாகன சோதனையில் ஈடுபட்டனர்.

அப்போது எரிசாராயம் கடத்தி வந்த மினி கண்டெய்னர் லாரியை தடுத்து நிறுத்தி சோதனை நடத்தினர்.

கண்டெய்னருக்குள் 550 கேனில் 19 ஆயிரத்து 250 லிட்டர் எரி சாராயம் இருப்பது கண்டுபிடிக்கப்பட்டது. இந்த சாராயம் அரியானா மாநிலத்தில் இருந்து கடத்தி எர்ணாகுளத்துக்கு கொண்டு செல்லப்படுவது தெரியவந்தது. இதன் மதிப்பு ரூ.28 லட்சத்து 50 ஆயிரம் ஆகும்.


பறிமுதல் செய்யப்பட்ட எரி சாராயத்தை சேலம் சரக மது விலக்கு அமலாக்க பிரிவு போலீஸ் சூப்பிரண்டு ஸ்டாலின், நாமக்கல் போலீஸ் சூப்பிரண்டு அருளரசு ஆகியோர் பார்வையிட்டு, டிரைவர்களை கைது செய்த போலீசாரை பாராட்டினர். #tamilnews

மஞ்சூர்:

நீலகிரி மாவட்டம் மஞ்சூர் அருகே உள்ள எடக்காடு தலையட்டியை சேர்ந்தவர் சகாதேவன். இவர் எடக்காடு பஜாரில் அடகு கடை நடத்தி வருகிறார். சம்பவத்தன்று இரவு வழக்கம் போல் சகாதேவன் கடையை பூட்டி விட்டு வீட்டுக்கு சென்றார். மறுநாள் காலையில் கடையை திறப்பதற்காக வந்தார். அப்போது கடையின் ‌ஷட்டர் உடைக்கப்பட்டு திறந்து இருப்பது கண்டு அதிர்ச்சி அடைந்தார். கடையின் உள்ளே சென்று பார்த்த போது அங்கு இருந்த கல்லாவை திறந்த மர்மநபர்கள் அதில் இருந்த ரூ. 20 ஆயிரம் பணத்தை திருடிச் சென்றது தெரிய வந்தது. இது குறித்து சகாதேவன் மஞ்சூர் போலீசாருக்கு தகவல் தெரிவித்தார்.

உடனடியாக இன்ஸ்பெக்டர் தவுஹித் நிஷா தலைமையிலான விரைந்து விசாரணை நடத்தினர். இது குறித்து போலீசார் வழக்குப்பதிவு செய்து பணத்தை திருடிச் சென்ற மர்மநபர்களை தேடி வந்தனர்.

இந்த நிலையில் நேற்று இரவு போலீசார் பஜார் பகுதியில் ரோந்து சென்றனர். அங்கு சந்தேகத்து இடமாக நின்ற 2 பேரை பிடடித்து விசாரணை நடத்தினர். அவர்கள் முன்னுக்கு பின் முரணாக பேசினர். இதனால் அவர்கள் மீது போலீசாருக்கு சந்தேகம் ஏற்பட்டது. இதனையடுத்து 2 பேரையும் போலீஸ் நிலையம் அழைத்து வந்து விசாரணை நடத்தினர்.

அப்போது 2 பேரும் சகாதேவனின் அடகு கடையில் திருடியதை ஒப்புக்கொண்டனர். மேலும் போலீசார் நடத்திய

விசாரணையில் இவர்கள் பல்வேறு பகுதிகளில் திருட்டு மற்றும் வழிப்பறி சம்பவங்களில் ஈடுபட்டது தெரிய வந்தது. தொடர்ந்து 2 பேரிடமும் போலீசார் விசாரணை நடத்தி வருகிறார்கள். #tamilnews

மதுரை:

மதுரை அண்ணாநகர் போலீஸ் நிலையத்தில் போலீஸ்காரராக பணியாற்றியவர் கதிர்வேல். இவர் நேற்று காலை 11 மணிக்கு பாண்டிகோவில் அருகே உள்ள திருமண மண்டபம் முன்பு வாகன சோதனையில் ஈடுபட்டுக் கொண்டிருந்தார்.

வாகனங்களை சிலர் விதிமுறைகளை மீறி போக்குவரத்துக்கு இடையூறாக நிறுத்தி இருந்தனர். உடனே கதிர்வேல் வாகனங்களை வேறு பகுதிக்கு சென்று நிறுத்துமாறு கூறியுள்ளார்.

அப்போது அண்ணாநகர், பாத்திமாநகரைச் சேர்ந்த செந்தில்குமார் (28), கொன்னவாயன் சாலையைச் சேர்ந்த அருண்பாண்டி (26) ஆகியோர் போலீஸ்காரரிடம் வாக்குவாதத்தில் ஈடுபட்டனர்.

இதில் 2 பேரும் தன்னை தாக்கியதாக போலீஸ்காரர் கதிர்வேல், அண்ணாநகர் போலீசில் புகார் கொடுத்தார். அதன் அடிப்படையில் வழக்குப்பதிவு செய்த போலீசார் செந்தில்குமார், அருண்பாண்டியை கைது செய்தனர். #tamilnews

திசையன்விளை:

திசையன்விளை அருகே உள்ள பொத்தகாலன் விளை பன்றி பண்ணை அருகே உள்ள ஓடையில் ஒரு லாரியில் இருந்து சிலர் கோழி கழிவுகளை கொட்டினர்.

கேரள மாநிலத்தில் இருந்து இந்த கோழி கழிவுகளை ஏற்றி வந்து கொட்டியதை அறிந்த முதுமொத்தன்மொழி கிராம நிர்வாக அலுவலர் இசக்கியப்பன் திசையன்விளை போலீசாரிடம் புகார் செய்தார்.

சம்பவ பகுதிக்கு திசையன்விளை போலீசார் விரைந்து சென்று ஆய்வு செய்தனர். இது தொடர்பாக போலீஸ் சப்இன்ஸ்பெக்டர் தனசேகர் வழக்குப்பதிவு செய்து விசாரணை நடத்தி, கேரள மாநிலத்தில் இருந்து கோழிக்கழிவுகளை கொட்டியதாக அந்த மாநிலத்தை சேர்ந்த இருமக்குழி மேக்கரை மனோரஞ்சித் (வயது 34), அசின்பாபு (26) ஆகிய 2 பேரை கைது செய்தார். கோழி கழிவுகளை ஏற்றி வந்த லாரியையும் போலீசார் பறிமுதல் செய்தனர். மேலும், லாரி உரிமையாளர் சிவாஜி(40) என்பவரை போலீசார் தேடிவருகின்றனர். #tamilnews

மதுரை:

ராமநாதபுரம் மாவட்டம், வெளிப்பட்டணம், வளையல்காரத் தெருவைச் சேர்ந்த அபுபக்கர் மகன் காஜா (வயது 27), என்ஜினீயர். இவர் பக்ரீத் பண்டிகைக்காக மதுரையில் உள்ள தாத்தா வீட்டிற்கு வந்தார்.

பின்னர் நண்பர்களுடன் டவுன்ஹால் ரோட்டில் உள்ள பெருமாள் கோவில் தெப்பத்தில் கிரிக்கெட் விளையாடச் சென்றார்.

அப்போது அங்கு ஏற்கனவே கிரிக்கெட் விளையாடிய சிலருடன் வாக்குவாதம் ஏற்பட்டது.

இதில் எதிர் தரப்பினர் கிரிக்கெட் மட்டையால் தாக்கியதில் காஜா, குல்முகமதீன், பைசூல் வகிதின் ஆகியோர் காயமடைந்ததாக திடீர் நகர் போலீசில் புகார் செய்யப்பட்டது. போலீசார் வழக்குப்பதிவு செய்து திடீர்நகரைச் சேர்ந்த இப்ராகிம்ஷா (22), பகத்சிங் ஆகியோரை கைது செய்தனர். மேலும் சிலரை தேடி வருகின்றனர். #tamilnews