நீங்கள் தேடியது "ஸ்கூட்டர்"

யமஹா மோட்டார் இந்தியா நிறுவனம் 2023 ஏரோக்ஸ் 155 ஸ்கூட்டரை இந்திய சந்தையில் அறிமுகம் செய்தது. இந்த பிரிவில் டிராக்ஷன் கண்ட்ரோல் சிஸ்டம் தொழில்நுட்பம் கொண்ட இந்தியாவின் முதல் ஸ்கூட்டர் இது ஆகும். புதிய ஏரோக்ஸ் மாடல் தவிர 2023 MT-15 V2, R15 V4 மற்றும் R15S மாடல்களை இந்திய சந்தையில் அறிமுகம் செய்து இருக்கிறது. 2023 மாடல்கள் புதிய அம்சங்கள் மற்றும் நிறங்களில் கிடைக்கிறது.

2023 ஏரோக்ஸ் 155 மாடலில் உள்ள டிராக்ஷன் கண்ட்ரோல் சிஸ்டம் தொழில்நுட்பம், எவ்வித பாதைகளிலும் ஸ்கூட்டரின் வீல்-ஸ்பின்-ஐ குறைத்து சிறப்பான கண்ட்ரோல் வழங்குகிறது. இத்துடன் புதிய ஏரோக்ஸ் மாடல் E20 எரிபொருளில் இயங்கும் வகையிலும், OBD 2 விதிகளுக்கு ஏற்றார் போல் உருவாக்கப்பட்டுள்ளது. இந்த மாடலில் வேரியபில் வால்வு ஆக்டுவேஷன் கொண்ட 155சிசி புளூ கோர் என்ஜின் வழங்கப்பட்டு இருக்கிறது.

இத்துடன் CVT டிரான்ஸ்மிஷன் வழங்கப்படுகிறது. இதில் உள்ள லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட மோட்டார் 15பிஎஸ் பவர், 13.9 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 2023 ஏரோக்ஸ் மாடலில் ஹசார்ட் சிஸ்டம் ஸ்டாண்டர்டு அம்சமாகவும், முற்றிலும் புதிய சில்வர் நிறத்திலும் கிடைக்கிறது.

MT-15 V2 வாடிக்கையாளர்களுக்கு அதிக ஆப்ஷன்களை வழங்கும் நோக்கில் யமஹா நிறுவனம் 2023 மாடலை டார்க் மேட் புளூ மற்றும் மெட்டாலிக் பிளாக் என இரண்டு புதிய நிறங்களில் அறிமுகம் செய்துள்ளது. இத்துடன் ப்ளூடூத் கனெக்ட் அம்சம், விரும்புவோர் தேர்வு செய்து கொள்ளும் ஆப்ஷனாக வழங்கப்படுகிறது. இத்துடன் டூயல் சேனல் ஏபிஎஸ், டிசிஎஸ் போன்ற வசதிகள் உள்ளன.

2023 R15 V4 மற்றும் R15S வேரியண்ட்களில் அதிகம் எதிர்பார்க்கப்பட்ட அம்சம் வழங்கப்பட்டு இருக்கிறது. அதன்படி 2023 R15 V4 மாடலில் குயிக்ஷிஃப்டர் அம்சம் மற்றும் புதிதாக வைட் நிறத்தில் கிடைக்கிறது. 2023 R15S மாடலில் 155சிசி என்ஜின் மற்றும் எல்சிடி டிஸ்ப்ளே வழங்கப்பட்டு இருக்கிறது. புதிய 2023 R15 V4, R15S மற்றும் MT-15 V2 மாடல்களில் லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட 155சிசி என்ஜின் வழங்கப்பட்டு இருக்கிறது.

OBD2 விதிகளுக்கு பொருந்தும் புதிய என்ஜினுடன் ஏற்கனவே வழங்கப்பட்டு இருக்கும் வேரியபில் வால்வு ஆக்டுவேஷன் தொழில்நுட்பமும் வழங்கப்படுகிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்படுகிறது. இந்த என்ஜின் 18.4 பிஎஸ் பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது.

விலை விவரங்கள்:

2023 யமஹா ஏரோக்ஸ் 155 சில்வர் நிறம் ரூ. 1 லட்சத்து 42 ஆயிரத்து 800

2023 யமஹா R15 V4 இண்டன்சிட்டி வைட் நிறம் ரூ. 1 லட்சத்து 85 ஆயிரத்து 900

2023 யமஹா MT-15 V2 மேட் புளூ மற்றும் மெட்டாலிக் பிளாக் ரூ. 1 லட்சத்து 64 ஆயிரத்து 900

2023 யமஹா R155S ரூ. 1 லட்சத்து 63 ஆயிரத்து 400

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்தியா யமஹா மோட்டார் (IYM) நிறுவனம் தனது ஃபசினோ 125 Fi ஹைப்ரிட், ரே இசட்ஆர் 125 Fi ஹைப்ரிட் மற்றும் ஸ்ட்ரீட் ரேலி 125 Fi ஹைப்ரிட் ஆகிய மாடல்களை உள்ளடக்கிய 125cc ஹைப்ரிட் ஸ்கூட்டர் ரேஞ்ச் மூலம் வழங்கப்படும் அதிக மைலேஜ் குறித்த விழிப்புணர்வை ஏற்படுத்தும் நோக்கில்

வாடிக்கையாளர்களிடையே அங்கீகரிக்கப்பட்ட டீலர்ஷிப்கள் இணைந்து 'மெகா மைலேஜ் சேலஞ்ச்' பெயரில் சிறப்பு நிகழ்ச்சிக்கு ஏற்பாடு செய்தன. இதில் மொத்தம் 42 யமஹா வாடிக்கையாளர்கள் கலந்துகொண்டனர்.

கோயம்புத்தூரில் மெகா மைலேஜ் சேலஞ்ச் செயல்பாடு, பங்கேற்பாளர்களுக்கு வழங்கப்பட்ட விளக்க அமர்வுடன் தொடங்கியது. இதில், போட்டியாளர்களுக்கு திறமையான சவாரி நடத்தை மற்றும் சவாரிக்கு திட்டமிடப்பட்ட பாதை குறித்து நிபுணர்களால் பரிந்துரைகள் வழங்கப்பட்டன. இதைத் தொடர்ந்து அவர்கள் 30 கிலோமீட்டர் நீளமான பயணத்தை மேற்கொள்வதற்கு முன் அவர்களின் ஸ்கூட்டர்களுக்கு எரிபொருள் நிரப்பப்பட்டது.

30 கிலோமீட்டர் பாதையில் நகர போக்குவரத்து, அலைகள் மற்றும் திறந்த சாலைகள் உள்ளிட்ட பல்வேறு வகையான ஓட்டுநர் நிலைமைகளை உள்ளடக்கியது. பங்கேற்பாளர்கள் ஸ்கூட்டரின் இடைநீக்கத்தை அனுபவிக்க அனுமதிக்கிறது. சவாரி முடிந்து அவர்கள் இடத்திற்குத் திரும்பியதும், ஸ்கூட்டர்கள் முந்தைய எரிபொருள் அளவைப் பொருத்து நிரப்பப்பட்டன. மேலும் சவாரியின் போது வழங்கப்பட்ட மைலேஜைக் கணக்கிட பயன்படுத்தப்பட்ட எரிபொருளின் அளவு பதிவு செய்யப்பட்டது.

யமஹாவின் நன்றியுணர்வின் அடையாளமாக, இந்த மெகா மைலேஜ் சவால் நடவடிக்கையில் பங்கேற்கும் அனைத்து வாடிக்கையாளர்களின் வாகனங்களை 10-புள்ளி ஆய்வுக்கு உட்படுத்தி, இலவச வாட்டர் வாஷ் செய்யப்பட்டது. இதோடு நினைவு பரிசுகள் வழங்கப்பட்டது. இந்த மெகா மைலேஜ் சவாலில் பங்கேற்ற 42 வாடிக்கையாளர்களிடம் இருந்து, செயல்பாட்டின் போது அதிக மைலேஜ் பெற்ற முதல் 5 வெற்றியாளர்களுக்கு கோப்பைகள், சான்றிதழ்கள் மற்றும் பரிசு அட்டைகள் வழங்கப்பட்டன.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2023 ஆக்டிவா 125 மாடலை அறிமுகம் செய்தது. புதிய ஆக்டிவா 125 மாடல் OBD2 விதிகளுக்கு பொருந்தும் வகையில் உருவாக்கப்பட்டு இருக்கிறது. இத்துடன் H ஸ்மார்ட் வேரியண்டையும் ஹோண்டா நிறுவனம் அறிமுகம் செய்தது. புதிய ஆக்டிவா ரேஞ்ச்- டிரம், டிரம் அலாய், டிஸ்க் மற்றும் H ஸ்மார்ட் என நான்கு வெர்ஷன்களில் கிடைக்கிறது.

125சிசி ஆக்டிவா மாடலில் சிங்கில் பாட் ஹெட்லைட், பாடி நிறத்தால் ஆன கௌல், அப்ரனில் மவுண்ட் செய்யப்பட்ட இண்டிகேட்டர்கள், பாடி நிறத்தால் ஆன முன்புற ஃபெண்டர், பாடி பேனல் மற்றும் அப்ரனில் க்ரோம் ஃபினிஷ் செய்யப்பட்டுள்ளது. புதிய 2023 ஆக்டிவா மாடல்- பியல் நைட் ஸ்டார்ட் பிளாக், ஹெவி கிரே மெட்டாலிக், ரிபல் ரெட் மெட்டாலிக், பியல் பிரஷியஸ் வைட் மற்றும் மிட்நைட் புளூ மெட்டாலிக் என ஐந்து நிறங்களில் கிடைக்கிறது.

புதிய ஆக்டிவா 125 மாடலில் ஹோண்டா நிறுவனம் OBD2 விதிகளுக்கு தேவையான மாற்றங்களை மேற்கொண்டு இருக்கிறது. இந்த ஸ்கூட்டரில் 123.97சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 8.18 ஹெச்பி பவர், 10.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

இந்த மாடலில் எல்இடி ஹெட்லைட், எல்இடி பொசிஷன் லேம்ப்கள், மேம்பட்ட ஸ்மார்ட் பவர் தொழில்நுட்பம், ஏசிஜி ஸ்டார்டர், ஐட்லிங் ஸ்டாப் சிஸ்டம், சைடு ஸ்டாண்டு எஞ்சின் இன்ஹிபிட்டர் அம்சம், கம்பைன்டு பிரேக்கிங் சிஸ்டம் உள்ளிட்டவை வழங்கப்பட்டு இருக்கிறது. இவை அனைத்தும் ஸ்கூட்டரின் முந்தைய வெர்ஷனிலும் வழங்கப்பட்டு இருந்தது குறிப்பிடத்தக்கது.

விலை விவரங்கள்:

ஹோண்டா ஆக்டிவா டிரம் ரூ. 78 ஆயிரத்து 920

ஹோண்டா ஆக்டிவா டிரம் அலாய் ரூ. 82 ஆயிரத்து 588

ஹோண்டா ஆக்டிவா டிஸ்க் ரூ. 86 ஆயிரத்து 093

ஹோண்டா ஆக்டிவா H-ஸ்மார்ட் ரூ. 88 ஆயிரத்து 093

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

விருதுநகர்

விருதுநகர் மாவட்ட கலெக்டர் அலுவலகத்தில் மாற்றுத்திறனாளிகள் நல அலுவலகம் மூலம் மாற்றுத்திறனாளிகளுக்கு நலத்திட்ட உதவிகள் வழங்கும் நிகழ்ச்சி நடந்தது. கலெக்டர் ஜெயசீலன் தலைமை தாங்கினார். தனுஷ்குமார் எம்.பி., எம்.எல்.ஏ.க்கள் சீனிவாசன், தங்கப்பாண்டியன், சிவகாசி மேயர் சங்கீதா இன்பம் ஆகியோர் முன்னிலை வகித்தனர்.

இதில் அமைச்சர்கள் சாத்தூர் ராமச்சந்திரன், தங்கம் தென்னரசு ஆகியோர் 57 மாற்றுத்திறனாளிகளுக்கு ரூ.47 லட்சத்து 59 ஆயிரத்து 500 மதிப்பிலான இணைப்பு சக்கரம் பொருத்தப்பட்ட பெட்ரோல் ஸ்கூட்டர்களை வழங்கினர். பின்னர் அமைச்சர்கள் பேசிய தாவது:-

முதல்-அமைச்சர் மு.க.ஸ்டாலின் தலைமையி லான தமிழக அரசு மாற்றுத்திறனாளிகள் நலனில் அக்கறை கொண்டு அவர்களது முன்னேற் றத்திற்காக பல்வேறு நலத்திட்டங்களை செயல்படுத்தி வருகிறது.

அதன்படி மாற்றுத்தி றனாளிகளுக்கு இலவச பஸ் பயண சலுகை, ெரயிலில் பயண சலுகை, இணைப்பு சக்கரங்கள் பொருத்தப்பட்ட பெட்ரோல் ஸ்கூட்டர், மாற்றுத் திறனாளி களுக்கான உதவி உபகர ணங்கள், திருமண நிதி உதவி, கல்வி உதவி தொகை, பராமரிப்பு உதவித்தொகை, சுயதொழில் புரிவதற்கான கடனுதவி, வேலையில் முன்னுரிமை உள்ளிட்ட பல்வேறு நலத்திட்ட உதவிகளை முதல்- அமைச்சரின் வழிகாட்டலில் தமிழக அரசு வழங்கி வருகிறது.

இவ்வாறு அவர்கள் பேசினர்.

இந்த நிகழ்ச்சியில், சிவகாசி கோட்டாட்சியர் விஸ்வநாதன், கலெக்டரின் நேர்முக உதவியாளர் (பொது) சிவக்குமார், மாற்றுத்திறனாளிகள் நல அலுவலர் சந்திரசேகர், விருதுநகர் நகர்மன்ற தலைவர் மாதவன், வத்திராயிருப்பு ஊராட்சி ஒன்றியக் குழுத்தலைவர் சிந்துமுருகன், மாவட்ட பேரிடர் மேலாண்மைத்துறை வட்டாட்சியர் சீனிவாசன் உள்பட பலர் கலந்து கொண்டனர்.

ஹோண்டா மோட்டார்சைக்கிள் மற்றும் ஸ்கூட்ர் இந்தியா நிறுவனம் தனது ஆக்டிவா 125 ஸ்கூட்டரின் புது வேரியண்டை விரைவில் அறிமுகம் செய்ய இருக்கிறது. புதிய ஆக்டிவா 125 மாடல் விவரங்கள் ஹோண்டா நிறுவனத்தின் அதிகாரப்பூர்வ வலைத்தளத்தில் இடம்பெற்று இருக்கிறது. புதிய வேரியண்ட் ஆக்டிவா 125 H ஸ்மார்ட் என்று அழைக்கப்பட இருக்கிறது.

புதிய வேரியண்ட்-இல் குறிப்பிடத்தக்க மாற்றமாக அதன் ஸ்மார்ட் கீ இருக்கும் என தெரிகிறது. இத்துடன் ஸ்மார்ட் அன்லாக் வசதி வழங்கப்பட உள்ளது. இது ஸ்கூட்டர் மற்றும் அதன் ஃபியூவல் லிட்-ஐ அதிகபட்சம் 2 மீட்டர் தொலைவில் இருந்தபடி லாக் / அன்லாக் செய்ய அனுமதிக்கிறது. இதில் உள்ள ஸ்மார்ட் ஃபைண்ட் அம்சம் ஸ்கூட்டர் பார்கிங்கில் கண்டறிய ஏதுவாக இண்டிகேட்டர்களை இயக்குகிறது.

இதுதவிர ஸ்மார்ட் ஸ்டார்ட் அம்சம் வழங்கப்படுகிறது. இது ஸ்கூட்டரை புஷ் பட்டன் மூலம் ஸ்டார்ட் செய்துவிடுகிறது. இத்துடன் வழங்கப்படும் ஸ்மார்ட் சேஃப் அம்சம் ஸ்கூட்டரை விட 2 மீட்டர்கள் தொலைவுக்கு சென்றதும், ஸ்கூட்டரை லாக் செய்துவிடும். இதுதவிர எல்இடி ஹெட்லைட், சைடு ஸ்டாண்ட் கட் ஆஃப் போன்ற அம்சங்கள் வழங்கப்படுகிறது.

ஆக்டிவா 125 H ஸ்மார்ட் டிசைன் அதன் ஸ்டாண்டர்டு மாடலில் இருப்பதை போன்றே வழங்கப்படுகிறது. அதன்படி புதிய மாடலின் ஹெட்லைட், இண்டிகேட்டர் மற்றும் க்ரோம் பிட் உள்ளிட்டவை எவ்வித மாற்றமும் இன்றி வழங்கப்படுகிறது. சிங்கில் பீஸ் சீட் மற்றும் கிராப் ரெயில் உடன் பக்கவாட்டு பேனல்களும் மாற்றமின்றி வழங்கப்படுகிறது.

புதிய மாடலிலும் 124சிசி, சிங்கில் சிலிண்டர் மோட்டார் வழங்கப்படும் என தெரிகிறது. இது 8.18 ஹெச்பி பவர், 10.3 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் சைலண்ட் ஸ்டார்ட் மற்றும் ஐடில் ஸ்டாப் சிஸ்டம் வழங்கப்படுகிறது. 

இந்திய சந்தையில் முன்னணி ஸ்கூட்டர் மாடலாக விளங்கும் போதிலும், ஆக்டிவா ஸ்கூட்டரை ஹோண்டா நிறுவனம் தொடர்ந்து அப்டேட் செய்து வருகிறது. புதிய அப்டேட்கள் பயனர்களின் அனுபவத்தை முற்றிலுமாக மாற்றும் வகையில் வழங்கப்பட்டு இருக்கிறது.

இந்த ஆண்டு ஜனவரி மாத வாக்கில் ஆக்டிவா மாடலில் ஹோண்டா ஸ்மார்ட் கீ, H ஸ்மார்ட் தொழில்நுட்பத்தை வழங்கியது. கார்களில் வழங்கப்படும் ஆட்டோ லாக்/அன்லாக், பார்க்டு லொகேஷன் ஃபைண்டர் மற்றும் கீலெஸ் ஸ்டார்ட் போன்ற அம்சங்களை வழங்குகிறது. இதைத்தொடர்ந்து ஹோண்டா நிறுவனம் ஆக்டிவா 6ஜி மாடலுக்கு மேலும் சில அப்டேட்களை வழங்கும் என தெரிகிறது.

ஹோண்டா ஷைன் 100 வெளியீட்டு நிகழ்வின் போது புதிய அப்டேட் பற்றிய தகவல்களை ஹோண்டா மோட்டார்சைக்கிள் மற்றும் ஸ்கூட்டர் இந்தியா தலைவர், தலைமை செயல் அதிகாரி அடுஷி ஒகாடா தெரிவித்து இருக்கிறார். புதிதாக அறிமுகம் செய்யப்பட்ட ஆக்டிவா H ஸ்மார்ட் எடிஷன் மாடல் விரைவில் அறிமுகம் செய்யப்படும் என தெரிவித்தார்.

ஆக்டிவா 6ஜி மாடலில் டிஜிட்டல் டிஸ்ப்ளே, ப்ளூடூத் போன்ற அம்சங்கள் வழங்கப்படும் என தெரிகிறது. இத்துடன் புதிய வேரியண்டில் H ஸ்மார்ட் கீலெஸ் சிஸ்டம் வழங்கப்படும் என கூறப்படுகிறது. தற்போதைய ஆக்டிவா மாடலில் அனலாக் டிஸ்ப்ளே வழங்கப்பட்டு இருக்கிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் ஃபோர்சா 350 மேக்சி ஸ்கூட்டரை இந்தியாவில் காப்புரிமை கோரி இருக்கிறது. எவ்வித வெளியீடு திட்டமும் இன்றி ஹோண்டா ஏற்கனவே பல வாகனங்களை இந்தியாவில் காப்புரிமை பெற்று இருக்கிறது. அந்த வரிசையில், ஹோண்டா இவ்வாறு செய்து முதல் முறை இல்லை.

இந்திய சந்தையில் அறிமுகம் செய்யப்படவில்லை என்ற போதிலும்,ஃபோர்சா 350 மாடல் பிரபலமாக அறியப்படுகிறது. இந்த மேக்சி ஸ்கூட்டர் ஜப்பான், சில ஐரோப்பிய நாடுகள் மற்றும் அமெரிக்க சந்தையில் விற்பனை செய்யப்படுகின்றன. புதிய வேரியண்டில் ஃபோர்சா 350 மாடல் பட்ச் ஸ்டைலிங், கூர்மையான பாடி பேனல்கள், ஸ்ப்லிட் எல்இடி ஹெட்லைட்கள், பெரிய மற்றும் டிரான்ஸ்பேரண்ட் வைசர், ஸ்ப்லிட் சீட் செட்டப் கொண்டிருக்கிறது.

இளம் வாடிக்கையாளர்களை கருத்தில் கொண்டு உருவாக்கப்பட்டு இருக்கும் ஃபோர்சா கச்சிதமான மேக்சி ஸ்கூட்டர் மாடல் ஆகும். இதில் 330சிசி, சிங்கில் சிலண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 28.8 ஹெச்பி பவர், 31.5 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் டெலிஸ்கோபிக் முன்புற ஃபோர்க்குகள், பின்புறம் டூயல் ஷாக்குகள், பிரேக்கிங்கிற்கு முன்புறம் 256mm டிஸ்க், பின்புறம் 240mm டிஸ்க் வழங்கப்பட்டு இருக்கிறது.

இந்த மேக்சி ஸ்கூட்டரில் யுஎஸ்பி சாக்கெட், ஹோண்டா ஸ்மார்ட் கீ, டுவன் பாட் கன்சோல், எல்சிடி ஸ்கிரீனில்- ட்ரிப் மீட்டர், ஒடோமீட்டர், ஃபியூவல் லெவல் பார் மற்றும் இதர விவரங்கள் காண்பிக்கப்படுகிறது. ஃபோர்சா 350 மாடல் தற்போது சர்வதேச சந்தையில் மட்டுமே விற்பனை செய்யப்படுகிறது.

சுசுகி மோட்டார்சைக்கிள் இந்தியா பிரைவேட் லிமிடெட் நிறுவனம் புதிய E20 விதிகளுக்கு பொருந்தும் ஸ்கூட்டர் மாடல்களை அறிமுகம் செய்து இருக்கிறது. அந்த வகையில், புதிய ஸ்கூட்டர்கள் அதிகபட்சம் 20 சதவீதம் எத்தனால் கலக்கப்பட்ட பெட்ரோலில் இயங்கும். சுசுகி நிறுவனத்தின் அக்சஸ் 125, அவெனிஸ் மற்றும் பர்க்மேன் ஸ்டிரீட் மாடல்கள் தற்போது அப்டேட் செய்யப்பட்டுள்ளன.

புதிய ஸ்கூட்டர் மாடல்கள் OBD2-A விதிகளுக்கு பொருந்தும் வகையில் உருவாக்கப்பட்டுள்ளன. மேலும் இவற்றில் மேம்பட்ட ஆன்-போர்டு டயக்னாஸ்டிக்ஸ் சிஸ்டம் வழங்கப்பட்டு இருக்கிறது. சமீபத்தில் பல்வேறு நிறுவனங்களும் தங்களின் வாகனங்களை புதிய E20 மற்றும் OBD2 விதிகளுக்கு ஏற்ப அப்டேட் செய்து வருகின்றன. இதில் யமஹா மோட்டாரைச்கிள் இந்தியா, மாருதி சுசுகி, ஹூண்டாய், டாடா மோட்டார் மற்றும் ரெனால்ட் உள்ளிட்டவை இடம்பெற்றுள்ளன.

சுசுகியின் ஸ்கூட்டர் மாடல்களில் 125சிசி என்ஜின் வழங்கப்பட்டு இருக்கிறது. இந்த என்ஜின் 8.5 ஹெச்பி பவர், 10 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளன.

விலை விவரங்கள்:

சுசுகி அக்சஸ் பேஸ் வேரியண்ட் ரூ. 79 ஆயிரத்து 400

சுசுகி அக்சஸ் டாப் வேரியண்ட் ரூ. 89 ஆயிரத்து 500

பர்க்மேன் ஸ்டிரீட் ஸ்டாண்டர்டு வேரியண்ட் ரூ. 93 ஆயிரம்

பர்க்மேன் ஸ்டிரீட் ரைடு கனெக்ட் எடிஷன் ரூ. 97 ஆயிரம்

அவெனிஸ் ஸ்டாண்டர்டு எடிஷன் ரூ. 92 ஆயிரம்

அவெனிஸ் ரேஸ் எடிஷன் ரூ. 92 ஆயிரத்து 300

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இமாச்சல பிரதேச மாநிலத்தில் HP- 99-9999 எனும் நம்பர் பிளேட் வாங்க நபர் ஒருவர் ரூ. 1 கோடியே 12 லட்சத்து 15 ஆயிரத்து 500 செலவிட்டுள்ளார். ஃபேன்சி நம்பருக்கான ஏலம் ரூ. 1000 விலையில் துவங்கியது. HP 99-9999 எண்ணை பயன்படுத்த 26 பேர் போட்டியிட்டனர். ஏலத்தில் கலந்து கொண்டவர்கள் அதிகபட்சம் ரூ. 1 கோடியே 12 லட்சத்து 15 ஆயிரத்து 400 வரை கேட்டனர்.

இத்தனை விலை கொடுத்து யார் இந்த ஃபேன்சி நம்பரை வாங்கினர் என்ற விவரங்கள் மர்மமாகவே உள்ளது. எனினும், HP 99 பதிவு எண் இமாச்சல பிரதேச மாநிலத்தின் சிம்லா மாவட்டத்தை சேர்ந்த கொட்கை பகுதியை சேர்ந்தது ஆகும். ஃபேன்சி நம்பர் HP 99-9999 ஸ்கூட்டரில் பயன்படுத்தப்பட இருக்கிறது.

இமாச்சல பிரதேசம் போன்ற பகுதிகளில் சமீப காலங்களில் கியர்லெஸ் ஸ்கூட்டர்கள் அதிக பிரபலம் அடைந்து வருகின்றன. கொரோனா காலக்கட்டத்தில் பொது போக்குவரத்து தடைப்பட்டதை அடுத்து வாகனங்கள் விற்பனை இந்த பகுதியில் கணிசமாக அதிகரித்துள்ளது. இமாச்சல பிரதேச மாநிலத்தில் இருசக்கர வாகனத்தின் பதிவு எண் வாங்க இவ்வளவு தொகை செலவிடப்பட்டு இருப்பது இதுவே முதல் முறை ஆகும்.

HP 99-9999 மட்டுமின்றி HP 99-0009 மற்றும் HP 99-0005 போன்ற ஃபேன்சி நம்பர்கள் முறையே ரூ. 21 லட்சத்திற்கு ஏலத்தில் விற்பனை செய்யப்பட்டன. ரூ. 1 கோடி மதிப்பிலான HP 99-9999 ஃபேன்சி நம்பர் சேர்த்து மூன்று எண்களை ஏலத்தில் எடுத்த மூவர் பற்றி இதுவரை எந்த தகவலும் இல்லை. 

ஹீரோ மோட்டோகார்ப் நிறுவனம் சமீபத்தில் அறிமுகம் செய்த 110சிசி ஸ்கூட்டர் Xoom முன்பதிவை துவங்கி இருக்கிறது. கடந்த மாதம் இந்தியாவில் அறிமுகம் செய்யப்பட்ட ஹீரோ Xoom வினியோகம் விரைவில் துவங்கும் என எதிர்பார்க்கலாம். புதிய ஹீரோ Xoom மாடல்- LX, VX மற்றும் ZX என மூன்று விதமான வேரியண்ட்களில் கிடைக்கிறது. இதன் பேஸ் வேரியண்ட் LX விலை ரூ. 68 ஆயிரத்து 499 என நிர்ணயம் செய்யப்பட்டு உள்ளது.

விலை விவரங்கள்:

ஹீரோ Xoom LX ரூ. 68 ஆயிரத்து 999 என்றும் Xoom VX ரூ. 71 ஆயிரத்து 799 என்றும் ஹீரோ Xoom ZX ரூ. 76 ஆயிரத்து 699 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. இந்திய சந்தையில் ஹீரோ Xoom 110 மாடல் ஹோண்டா டியோ மற்றும் டிவிஎஸ் ஜூப்பிட்டர் SmartXonnect வேரியண்டிற்கு போட்டியாக அமைகிறது.

முற்றிலும் புது டிசைன் கொண்டிருக்கும் ஹீரோ Xoom 110 மாடலில் முன்புறம் எல்இடி ப்ரோஜெக்டர் ஹெட்லைட், H வடிவம் கொண்ட எல்இடி டிஆர்எல், H வடிவ எல்இடி டெயில் லைட் உள்ளிட்டவை இடம்பெற்று இருக்கிறது. இவைதவிர புது ஹீரோ Xoom 110 ஸ்கூட்டர் ஐந்து விதமான நிறங்களில் விற்பனைக்கு கிடைக்கிறது.

இந்த ஸ்கூட்டரில் டெலிஸ்கோபிக் ஃபோர்க்குகள், ஒற்றை ரியர் ஷாக், 12 இன்ச் அலாய் வீல்கள் வழங்கப்பட்டுள்ளன. இதில் உள்ள அலாய் வீல் டிசைன் விடா V1 மாடலில் உள்ளதை போன்றே காட்சியளிக்கிறது. இதன் LX வேரியண்ட் டிரம் பிரேக்குகளையும், VX மற்றும் ZX வேரியண்ட்களில் முன்புறம் டிஸ்க் பிரேக், பின்புறம் பைபிர் கேலிப்பர் வழங்கப்பட்டு இருக்கிறது.

புதிய ஹீரோ Xoom 110 மாடலிலும் 110.9சிசி என்ஜின் வழங்கப்பட்டு இருக்கிறது. இந்த என்ஜின் 8.15 பிஎஸ் பவர், 8.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் ஹீரோ i3S தொழில்நுட்பம், ஸ்டார்ட்-ஸ்டாப் சிஸ்டம் உள்ளது.

ஹீரோ மோட்டோகார்ப் நிறுவனம் இந்திய சந்தையில் அதிகம் எதிர்பார்க்கப்பட்ட Xoom 110 ஸ்கூட்டரை அறிமுகம் செய்தது. இது ஏற்கனவே இந்தியாவில் விற்பனை செய்யப்பட்டு வரும் ஹீரோ மேஸ்ட்ரோ எட்ஜ் 110 மாடலின் ஸ்போர்ட் வேரியண்ட் ஆகும். இந்திய சந்தையில் ஹீரோ Xoom 110 மாடல் LX, VX மற்றும் ZX என மூன்று வேரியண்ட்களில் கிடைக்கிறது.

ஹீரோ Xoom 110 விலை விவரங்கள்:

ஹீரோ Xoom LX ரூ. 68 ஆயிரத்து 999

ஹீரோ Xoom VX ரூ. 71 ஆயிரத்து 799

ஹீரோ Xoom ZX ரூ. 76 ஆயிரத்து 699

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்திய சந்தையில் ஹீரோ Xoom 110 மாடல் ஹோண்டா டியோ மற்றும் டிவிஎஸ் ஜூப்பிட்டர் SmartXonnect வேரியண்டிற்கு போட்டியாக அமைகிறது. இவற்றின் விலை முறையே ரூ. 68 ஆயிரத்து 625 மற்றும் ரூ. 69 ஆயிரத்து 990 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

முற்றிலும் புது டிசைன் கொண்டிருக்கும் ஹீரோ Xoom 110 மாடலில் முன்புறம் எல்இடி ப்ரோஜெக்டர் ஹெட்லைட், H வடிவம் கொண்ட எல்இடி டிஆர்எல், H வடிவ எல்இடி டெயில் லைட் உள்ளிட்டவை இடம்பெற்று இருக்கிறது. இவைதவிர புது ஹீரோ Xoom 110 ஸ்கூட்டர் ஐந்து விதமான நிறங்களில் விற்பனைக்கு கிடைக்கிறது.

இந்த ஸ்கூட்டரில் டெலிஸ்கோபிக் ஃபோர்க்குகள், ஒற்றை ரியர் ஷாக், 12 இன்ச் அலாய் வீல்கள் வழங்கப்பட்டுள்ளன. இதில் உள்ள அலாய் வீல் டிசைன் விடா V1 மாடலில் உள்ளதை போன்றே காட்சியளிக்கிறது. இதன் LX வேரியண்ட் டிரம் பிரேக்குகளையும், VX மற்றும் ZX வேரியண்ட்களில் முன்புறம் டிஸ்க் பிரேக், பின்புறம் பைபிர் கேலிப்பர் வழங்கப்பட்டு இருக்கிறது.

பாதுகாப்பிற்கு இந்த ஸ்கூட்டரில் இண்டகிரேட் செய்யப்பட்ட பிரேக்கிங் சிஸ்டம், ஹீரோ லிங்கோ கம்பைன்டு பிரேக்கிங் சிஸ்டம் வழங்கப்பட்டு இருக்கிறது. இந்த ஸ்கூட்டரில் கார்னர் பெண்ட் லேம்ப்கள், டிஜிட்டல் கன்சோல், ஸ்மார்ட்போன் கனெக்டிவிட்டி, ரியல்-டைம் மைலேஜ் இண்டிகேட்டர், போன் பேட்டரி ஸ்டேட்டஸ், கால்/எஸ்எம்எஸ் அலெர்ட்கள் வழங்கப்பட்டுள்ளன.

ஹீரோ Xoom 110 அண்டர்சீட் ஸ்டோரேஜில் எல்இடி லைட், ஓபன் குளோவ் பாக்ஸ், யுஎஸ்பி சார்ஜிங் போர்ட் உள்ளிட்டவை வழங்கப்பட்டு இருக்கிறது. இந்த ஸ்கூட்டரில் வெளிப்புற ஃபியூவல் ஃபில்லர் கேப் வழங்கப்படவில்லை. மேஸ்ட்ரோ எட்ஜ் மாடலில் உள்ளதை போன்றே இந்த மாடலிலும் 110.9சிசி என்ஜின் வழங்கப்பட்டு இருக்கிறது.

இந்த என்ஜின் 8.15 பிஎஸ் பவர், 8.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் ஹீரோ i3S தொழில்நுட்பம், ஸ்டார்ட்-ஸ்டாப் சிஸ்டம் உள்ளது. 

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் ஆக்டிவா 6ஜி ஸ்மார்ட் கீ வேரியண்டை இந்திய சந்தையில் அறிமுகம் செய்தது. புதிய ஆக்டிவா 6ஜி மாடலில் பல்வேறு புது அம்சங்கள் வழங்கப்பட்டுள்ளன. புது ஆக்டிவா மாடல் விலை ரூ. 80 ஆயிரத்து 537, எக்ஸ்-ஷோரூம் என நிர்ணயம் செய்யப்பட்டு உள்ளது.

புது மாடலை தொடர்ந்து ஹோண்டா ஆக்டிவா மாடல் - ஸ்டாண்டர்டு, டீலக்ஸ் மற்றும் அலாய் வீல் கொண்ட ஸ்மார்ட் கீ என மூன்று வித வேரியண்ட்களில் கிடைக்கிறது. இதில் உள்ள ஸ்மார்ட் கீ ஸ்கூட்டரில் கீலெஸ் வசதியை வழங்கி உள்ளது. இதன் மூலம் பயனர்கள் ஹேண்டில்பார் லாக் / அன்லாக், அண்டர் சீட் ஸ்டோரேஜ் மற்றும் ஃபியூவல் நிரப்பும் மூடியை திறப்பது உள்ளிட்டவைகளை சாவி இன்றி இயக்க முடியும்.

இத்துடன் ஆண்டி-தெஃப்ட் வசதியும் வழங்கப்பட்டு இருக்கிறது. ஸ்கூட்டரில் உள்ள நாப்-போன்ற ஸ்விட்ச் கொண்டு மேலே உள்ள அம்சங்களை இயக்கலாம். இத்துடன் அலாய் வீல்களில் புது டிசைன் வழங்கப்பட்டு இருக்கிறது. இவைதவிர ஸ்கூட்டரின் ஸ்டைலிங் மற்றும் மெக்கானிக்கல் அம்சங்களில் எவ்வித மாற்றமும் மேற்கொள்ளப்படவில்லை.

அந்த வகையில் ஹோண்டா ஆக்டிவா 6ஜி ஸ்மார்ட் கீ வேரியண்டிலும் 109.51சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இத்துடன் சைலண்ட் ஸ்டார்ட் சிஸ்டம், கம்பைன்டு பிரேக்கிங் சிஸ்டம், டெலிஸ்கோபிக் முன்புற ஃபோர்க்குகள், ஒற்றை ரியர் ஸ்ப்ரிங், டிரம் பிரேக் உள்ளிட்டவை ஸ்டாண்டர்டு வேரியண்டில் உள்ளதை போன்றே வழங்கப்பட்டு இருக்கிறது.