நீங்கள் தேடியது "Variety Soup"

தேவையான பொருட்கள் :

மாதுளை முத்துக்கள் - ஒரு கப்,
துருவிய பீட்ரூட் - கால் கப்,
தக்காளி - 2,
சோள மாவு - 2 டீஸ்பூன்,
வெண்ணெய் - அரை டீஸ்பூன்,
கிராம்பு - 2,

செய்முறை :

தக்காளியை பொடியாக நறுக்கி கொள்ளவும்.

மாதுளை முத்துக்கள், துருவிய பீட்ரூட், நறுக்கிய தக்காளி ஆகியவற்றை சேர்த்து விழுதாக அரைத்துக்கொள்ளவும்.

அடிகனமான பாத்திரத்தில் வெண்ணெயை சேர்த்து சூடானதும் கிராம்பு, சோள மாவு சேர்த்து லேசாக வறுக்கவும்.

அடுத்து அதில் அரைத்த மாதுளை விழுது, 2 கப் தண்ணீர் சேர்த்துக் கொதிக்கவிடவும்.

எல்லாம் சேர்ந்து கொதித்ததும் அடுப்பை அணைத்து, பரிமாறும் பாத்திரத்துக்கு மாற்றவும்.

உப்பு, மிளகுத்தூள் சேர்த்து சூடாகப் பரிமாறவும்.

தேவையான பொருட்கள் :

பாலக் கீரை - ஒரு கப்,
டோஃபு (சோயா பன்னீர்) - 100 கிராம்,
வெங்காயம் - ஒன்று,
செலரி - சிறிதளவு,
கோஸ் - 100 கிராம்,
நறுக்கிய இஞ்சி - பூண்டு - ஒரு டீஸ்பூன்,
சோயா சாஸ் - ஒரு டேபிள்ஸ்பூன்,
கொத்தமல்லி - சிறிதளவு,
வெண்ணெய் - 2 டேபிள்ஸ்பூன்,

செய்முறை :

டோஃபுவை துண்டுகளாக வெட்டி வைக்கவும்.

பாலக்கீரையை சுத்தம் செய்து பொடியாக நறுக்கி கொள்ளவும்.

வெங்காயம், கொத்தமல்லி, செலரியை பொடியாக நறுக்கி கொள்ளவும்.

காடாயில் வெண்ணெயை சூடாக்கி, நறுக்கிய வெங்காயத்தை போட்டு நன்கு வதக்கவும்.

வெங்காயம் நன்றாக வதங்கியதும் நறுக்கிய கோஸ், செலரி, இஞ்சி - பூண்டு சேர்த்து நன்கு வேகும் வரை வதக்கவும்.

அடுத்து அதில் காய்கறி வேகவைத்த தண்ணீரை தேவையான அளவு சேர்க்கவும்.

பிறகு பொடியாக நறுக்கிய பாலக் மற்றும் டோஃபு சேர்க்கவும்.

நன்கு கொதி வரும்போது உப்பு, மிளகுத்தூள், சோயா சாஸ் சேர்த்து, கெட்டியானதும் இறக்கி, கொத்தமல்லி தூவி பரிமாறவும்.

தேவையான பொருட்கள் :

முழுப்பூண்டு - 2,
வெங்காயம் - ஒன்று,
தண்ணீர் - அரை லிட்டர்,
மைதா - தலா ஒரு டேபிள்ஸ்பூன்,
பால் - ஒரு கப்,
கெட்டித் தயிர் - சிறிதளவு,
ஆலிவ் எண்ணெய் - ஒரு டேபிள்ஸ்பூன்,

செய்முறை :

பூண்டை தோல் உரித்து கொள்ளவும்.

வெங்காயத்தை பொடியாக நறுக்கி கொள்ளவும்.

மைதாவை வெறும் கடாயில் போட்டு வறுத்து வைக்கவும்.

கடாயில் எண்ணெய் ஊற்றி சூடானதும், உரித்த பூண்டு சேர்த்து நன்கு வறுக்கவும். இதில் சிறிது எடுத்து தனியே வைத்து கொள்ளவும்.

அடுத்து அதில் நறுக்கிய வெங்காயத்தை சேர்த்து வதக்கவும்.

அடுத்து அதில் வறுத்த மைதாவையும் சேர்த்து அடுப்பை மிதமான தீயில் வைத்து பாலை கொஞ்சம் கொஞ்சமாக ஊற்றி கட்டிஇல்லாமல் கிளறி, தண்ணீரை சேர்த்து கொதிக்கவிடவும்.

பூண்டு நன்கு வெந்தவுடன் உப்பு, மிளகுத்தூள் சேர்த்து கொதிக்கவிட்டு இறக்கி வடிகட்டி, தனியாக எடுத்து வைத்த வறுத்த பூண்டு, தயிர் சேர்த்துப் பரிமாறவும்.

தேவையான பொருட்கள் :

முளைகட்டிய கொண்டைக்கடலை (கருப்பு) - ஒரு கப்
வெண்ணெய் - ஒரு டீஸ்பூன்
சீரகம் - ஒரு டீஸ்பூன்
சின்ன வெங்காயம் - 50 கிராம்
கறிவேப்பிலை - சிறிதளவு
கொத்தமல்லி - சிறிதளவு

செய்முறை :

சின்ன வெங்காயம், கொத்தமல்லியை பொடியாக நறுக்கி கொள்ளவும்.

கொண்டைக்கடலையை நன்றாக கழுவி 4 மணி நேரம் ஊறவைத்து நன்றாக ஊறியதும் வேகவைத்து கொள்ளவும்.

வேக வைத்த கொண்டைக்கடலையில் சிறிதளவு தனியாக எடுத்து வைத்து கொள்ளவும்.

மீதமுள்ள கடலையை வேகவைத்த தண்ணீருடன் சேர்த்து அரைக்கவும்.

அடிகனமான பாத்திரத்தில் வெண்ணெய்விட்டு உருக்கியதும் சீரகம், கறிவேப்பிலை போட்டு தாளித்த பின்னர் வெங்காயத்தை போட்டு வதக்கவும்.

வெங்காயம் சற்று வதங்கியதும் அதனுடன் அரைத்த கொண்டைக்கடலை விழுது, உப்பு சேர்த்து ஒரு கொதிவிட்டு இறக்கவும்.

மேலே மிளகுத்தூள், தனியாக எடுத்துவைத்த கொண்டைக்கடலை, கொத்தமல்லி சேர்த்துக் கலந்து பருகவும்.

தேவையான பொருட்கள் :

முள்ளங்கி இலை - 1 கப்,
சிறிய முள்ளங்கி - 1,
சீரகம் - 1/4 டீஸ்பூன்,
சீரகத்தூள் - சிறிது,
மிளகுத்தூள் - சிறிது,
உப்பு - தேவைக்கு,
மஞ்சள்தூள் - சிறிது,
எண்ணெய் - 1/2 டேபிள்ஸ்பூன்.

செய்முறை :

முள்ளங்கி இலையை நன்றாக சுத்தம் செய்து பொடியாக நறுக்கி கொள்ளவும்.

முள்ளங்கியை தோல் நீக்கி பொடியாக நறுக்கி கொள்ளவும்.

கடாயில் எண்ணெயை ஊற்றி காயவைத்து சீரகத்தை போட்டு பொரிந்ததும், முள்ளங்கி இலை, முள்ளங்கி இரண்டையும் போட்டு பச்சை வாசனை போகும் வரை நன்கு வதக்கவும்.

ஆறியதும் மிக்சியில் போட்டு அரைத்து கொள்ளவும்.

மற்றொரு பாத்திரத்தில் அரைத்த விழுது, சூப் பதத்திற்கு தேவையான தண்ணீர் விட்டு உப்பு, மிளகுத்தூள், சீரகத்தூள் போட்டு கொதிக்க வைத்து இறக்கவும்.

சூடாக ஃப்ரெஷ் கிரீம் கொண்டு அலங்கரித்து பரிமாறவும்.

தேவையான பொருட்கள் :

தூதுவளை இலைகள் - 20,
கொத்தமல்லித்தழை - சிறிது,
சின்ன வெங்காயம் - 5,
சீரகம் - 1/4 டீஸ்பூன்,
முழு பூண்டு - 4 பல்,
நெய் - 2 டீஸ்பூன்,
உப்பு - தேவைக்கு,

செய்முறை :

கொத்தமல்லி, தூதுவளைக்கீரையை நன்றாக சுத்தம் செய்து பொடியாக நறுக்கி வைக்கவும்.

பூண்டு, வெங்காயத்தை தோல் நீக்கி வைக்கவும்.

கடாயில் நெய் விட்டு சூடானதும் சீரகம் தாளித்து பூண்டு, சின்ன வெங்காயம் சேர்த்து நன்கு வதக்கி, கொத்தமல்லித்தழை, தூதுவளை இலையை போட்டு 5 நிமிடம் நன்றாக வதக்கி இறக்கவும்.

வதக்கிய பொருட்கள் ஆறியதும் தண்ணீர் விட்டு அரைக்கவும்.

மற்றொரு பாத்திரத்தில் அரைத்த விழுது, தேவையான தண்ணீர், உப்பு சேர்த்து கொதிக்க வைத்து இறக்கவும்.

தேவையான பொருட்கள் :

மணத்தக்காளி கீரை - அரை கட்டு,
சின்ன வெங்காயம் - 10,
பூண்டு - 3 பல்,
தேங்காய்ப்பால் - அரை கப்,
உப்பு - சுவைக்கேற்ப,
மிளகுத்தூள் - சிறிதளவு,

செய்முறை :

மணத்தக்காளி கீரையை நன்றாக சுத்தம் செய்து பொடியாக நறுக்கி வைக்கவும்.

வெங்காயம், பூண்டு தோலுரித்து பொடியாக நறுக்கி கொள்ளவும்.

குக்கரில் எண்ணெய் விட்டு சூடானதும் பூண்டு, வெங்காயம் சேர்த்து சிறிது வதக்கிய பின்னர் கீரையையும் சேர்த்து மேலும் 2 நிமிடம் வதக்கவும்.

அடுத்து அதில் 2 கப் தண்ணீர், உப்பு சேர்த்து குக்கரை மூடி ஒரு விசில் வைத்து இறக்குங்கள்.  

குக்கர் விசில் போனவுடன் குக்கர் மூடியை திறந்து மிளகுத்தூள், தேங்காய்ப்பால் சேர்த்துக் கலந்து பரிமாறுங்கள்.

மணத்தக்காளி கீரை - தேங்காய் பால் சூப் ரெடி.

தேவையான பொருட்கள் :

சுக்கு - ஒரு டேபிள்ஸ்பூன்
மிளகு - ஒரு டீஸ்பூன்
வெங்காயம் - 1
தக்காளி - 1
பரங்கிக்காய் - சிறிய துண்டு
மஞ்சள்தூள் - ஒரு சிட்டிகை
உப்பு - தேவையான அளவு

செய்முறை :

வெங்காயம் தக்காளியை பொடியாக நறுக்கி கொள்ளவும்.

சுக்கு, மிளகு இரண்டையும் சேர்த்து இடித்து கொள்ளவும்.

வெங்காயம், கொத்தமல்லி, தக்காளி, பரங்கிக்காயை பொடியாக நறுக்கிக் கொள்ளவும்.

ஒரு பாத்திரத்தில் வெங்காயம், தக்காளி, பரங்கிக்காய், சுக்கு, மிளகு போட்டு தண்ணீர் விட்டு மஞ்சள்தூள், உப்பு சேர்த்து வேகவிடவும்.

தண்ணீர் வற்றியதும் மேலும் 2 டம்ளர் தண்ணீர் சேர்த்து 5 நிமிடம் கொதித்ததும் கொத்தமல்லி தழை சேர்த்து இறக்கவும்.

தேவையான பொருட்கள் :

பசலை கீரை - ஒரு சின்ன கட்டு
வெங்காயம் - ஒன்று
பச்சைமிளகாய் - ஒன்று
பூண்டு - மூன்று பல்
சோள மாவு அல்லது அரிசி மாவு - ஒரு டீஸ்பூன்
மிளகுத்தூள் - தேவைக்கு
உப்பு - தேவைக்கு
பட்டர் - இரண்டு டீஸ்பூன்
பால் - 1 / 2 டம்ளர்

செய்முறை :

பசலைக்கீரையினை சுத்தமாக அலசி சிறு துண்டுகளாக நறுக்கி வைக்கவும்.

பூண்டு, வெங்காயம், ப.மிளகாயை பொடியாக நறுக்கி வைக்கவும்.

கடாயில் பட்டர் போட்டு கரைந்த பின்பு அதில் நறுக்கிய வெங்காயம், பூண்டு, பச்சை மிளகாய் போட்டு வதக்கவும்

அடுத்து அதில் நறுக்கிய கீரையினை சேர்த்து தேவைக்கு தண்ணீர் ஊற்றி வேக வைக்கவும்.

நன்றாக கீரை வெந்த பின்பு அதனை வடிகட்டி தண்ணீரை தனியாக எடுத்து வைக்கவும்.

கீரை ஆறிய பிறகு சிறுது தண்ணீர் ஊற்றி கீரையினை அரைத்து எடுக்கவும்.

இதனை எடுத்து வைத்த தண்ணீருடன் கலந்து அடுப்பில் வைத்து சூடு செய்யவும்.

சிறு பவுலில் பால், சோள மாவு அல்லது அரிசி மாவு சேர்த்து நன்றாக கட்டி வராமல் கலந்து கீரை கலவையில் ஊற்றி இரண்டு நிமிடங்கள் சூடு செய்து இறக்கவும்.

கடைசியாக தேவைக்கு மிளகுத்தூள், உப்பு சேர்த்து பருகவும்.

தேவையான பொருட்கள் :

பெரிய வெங்காயம் - 1
நெல்லிக்காய் 3
வெண்ணெய் - 2 டேபிள்ஸ்பூன்
தண்ணீர் - 4 கப்
சோள மாவு - 1 டேபிள்ஸ்பூன்

செய்முறை  :

வெங்காயத்தை பொடியாக நறுக்கி கொள்ளவும்.

நெல்லிக்காயை வேகவைத்து கொள்ளவும். வேக வைத்த நெல்லிக்காயில் உள்ள தண்ணீரை தனியாக வைக்கவும். நெல்லிக்காயை பொடியாக நறுக்கி கொள்ளவும்.

கடாயை அடுப்பில் வைத்து வெண்ணெய் ஊற்றி சூடானதும் பொடியாக நறுக்கிய வெங்காயத்தை போட்டு 2 நிமிடம் வதக்கவும்.

அடுத்து அதில் சோள மாவை சேர்த்து வறுக்கவும்.

அடுத்து அதில் நெல்லிக்காய், நெல்லிக்காய் வேகவைத்த தண்ணீரைச் சேர்த்து பத்து நிமிடங்கள் கொதிக்க விடவும்.

தேவையான பொருட்கள்

ஓட்ஸ் - 100 கிராம்
மக்காச்சோளம் - கால் கிலோ
மிளகு தூள் - சிறிதளவு
சோயா சாஸ் - சிறிதளவு
வெங்காயம் - 1
முட்டை வெள்ளைக்கரு - 1
பால் - அரை கப்
இஞ்சி - பூண்டு விழுது - சிறிதளவு
உப்பு - தேவைக்கு



செய்முறை :

ஓட்ஸ்சுடன் பால், தண்ணீர் சேர்த்து காய்ச்சி கொள்ள வேண்டும்.

மக்காசோளத்தை வேக வைத்து கொள்ளவும்.

முட்டையின் வெள்ளைக்கருவை மட்டும் எடுத்து தனியாக எடுத்து வைக்கவும்.

வாணலியில் எண்ணெய் ஊற்றி வெங்காயம் சேர்த்து வதக்கவும்.

வெங்காயம் நன்றாக வதங்கியதும் இஞ்சி, பூண்டு விழுது சேர்த்து வதக்கவும்.

அடுத்து அதில் ஓட்ஸ் கலவையும், முட்டையின் வெள்ளைக்கருவையும் நுரை பொங்க அடித்து சேர்த்து கிளறிவிட வேண்டும்.

இறுதியில் மிளகுத்தூள் சேர்த்து ருசிக்கலாம்.

ஓட்ஸ் - முட்டை சூப் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

இனிப்பு சோளம் - 1 கப்
வெஜிடபிள் ஸ்டாக் (காய்கறி வேகவைத்த தண்ணீர்) - 1 லிட்டர்
வெண்ணெய் - 1 மேசைக்கரண்டி
பால் - 1 கோப்பை
முட்டை -  1
அஜினோ மோட்டோ - 1/2 தேக்கரண்டி
மிளகுத்தூள் - 1 தேக்கரண்டி
சோள மாவு  - 1 மேசைக்கரண்டி
உப்பு - தேவையான அளவு



செய்முறை :

இனிப்பு சோளத்தை வேகவைத்து கொள்ளவும்.

சோள மாவை சிறிது தண்ணீர் சேர்த்து கரைத்து கொள்ளவும்.

கடாயை அடுப்பில் வைத்து வெண்ணெய் ஊற்றி சூடானதும் பால், வேக வைத்த சோளம், வெஜிடபிள் ஸ்டாக்கையும் (காய்கறி வேகவைத்த தண்ணீர்) சேர்க்கவும். உப்பு, மிளகுத்தூள் சேர்க்கவும்.

சூப் இரண்டு கொதி வந்தவுடன் முட்டையை உடைத்து மெதுவாக விடவும்.

சூப்பை சுமார் 10 நிமிடம்வரை மிதமான தீயில் கொதிக்க விடவும். அஜினோ மோட்டொவைச் சேர்க்கவும்.

சூப்பை வடிகட்டாமல் சூடாகப் பரிமாறவும்.  

சூப்பரான சத்தான இனிப்பு சோளம் - முட்டை சூப் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.