நீங்கள் தேடியது "Toyota"

டொயோட்டா நிறுவனம் கொரோலா ஆல்டிஸ் ஃபிலெக்ஸ் ஃபியூவல் மாடலை ஆட்டோ எக்ஸ்போ 2023 நிகழ்வில் காட்சிப்படுத்தியது. இந்த மாடல் e20 முதல் e85 வரை கிடைக்கும் எதனால் சார்ந்த ஃபியூவல்களில் இயங்கும் திறன் கொண்டிருக்கிறது. தற்போது காட்சிப்படுத்தப்பட்ட டொயோட்டா கொரோலா ஆல்டிஸ் ஃபிலெக்ஸ் ஃபியூவல் மாடல் ஏற்கனவே பிரேசில் நாட்டில் விற்பனை செய்யப்பட்டு வருகிறது.

எத்தனால் பயன்பாட்டிற்கு ஏற்ப என்ஜின் புகை விதிகள் மற்றும் எத்தனாலின் குறைந்த அடர்த்திக்கு ஏற்ப டியூனிங் செய்யப்பட வேண்டும். இத்துடன் ஹைப்ரிட் பவர்டிரெடயின் வழங்கப்பட்டு இருக்கிறது. இந்த காரின் தரையில் 1.8 லிட்டர் ஃபிலெக்ஸ் ஃபியூவல் என்ஜின் வழங்கப்பட்டு இருக்கிறது. இத்துடன் ஒற்றை எலெக்ட்ரிக் மோட்டார் உள்ளது. இந்த யூனிட் 138 ஹெச்பி பவர், 177 நியூட்டன் மீட்டர் டார்க் இழுவிசையை வெளிப்படுத்துகிறது.

இத்துடன் CVT கியர்பாக்ஸ் வழங்கப்பட்டு இருக்கிறது. டொயோட்டா கொரோலா ஆல்டிஸ் ஃபிலெக்ஸ் ஃபியூவல் மாடலில் 50 லிட்டர் ஃபியூவல் டேன்க் உள்ளது. புதிய கொரோலா ஆல்டிஸ் மட்டுமின்றி மாருதி சுசுகி நிறுவனத்தின் வேகன் ஆர் ஃபிலெக்ஸ் ஃபியூவல் மாடலும் ஆட்டோ எக்ஸ்போ 2023 நிகழ்வில் காட்சிப்படுத்தப்பட்டது.

டொயோட்டா நிறுவனம் ஆட்டோ எக்ஸ்போ 2023 நிகழ்வில் மிரய் ஹைர்டஜன் ஃபியூவல் செல் வாகனத்தை காட்சித்து வைத்து இருக்கிறது. ஏற்கனவே 2022 மார்ச் மாத வாக்கில் சோதனை அடிப்படையில் இந்த திட்டம் இந்தியாவில் துவங்கப்பட்டு இருந்தது.

தற்போது காட்சிக்கு வைக்கப்பட்டு இருக்கும் மிரய் இரண்டாம் தலைமுறை மாடல் ஆகும். முன்னதாக 2020 வாக்கில் இந்த மாடல் சர்வேதச சந்தையில் அறிமுகம் செய்யப்பட்டது. புதிய டொயோட்டா மிரய் GA-L ரியர் வீல் டிரைவ் பிளாட்ஃபார்மில் உருவாக்கப்பட்டு இருக்கிறது. இதன் மூலம் டொயோட்டா ஃபியூவல் செல் ஸ்டாக் மற்றும் டிரைவ்டிரெயின் பாகங்களை ரிபேகேஜ் செய்திருக்கிறது. இத்துடன் அதிகபட்சமாக மூன்று ஹைட்ரஜன் டேன்க்-கள் வழங்கப்பட்டு இருக்கிறது.

மிரய் மாடல் ஹைட்ரஜன் ஃபியூவல் செல் ஸ்டாக் மூலம் 174 ஹெச்பி வரையிலான திறன் வெளிப்படுத்துகிறது. இத்துடன் 640 கிலோமீட்டர் வரையிலான ரேன்ஜ் வழங்குகிறது. காரின் ஏர் ஃபில்ட்டரில் கேடலிஸ்ட் டைப் ஃபில்ட்டர் இருப்பதால் பயணம் செய்யும் போதே மிரய் காற்றை சுத்தப்படுத்தும் என டொயோட்டா தெரிவித்து இருக்கிறது. முந்தைய மாடலை விட வித்தியாசமான டிசைன் கொண்டிருக்கும் மிரய் மாடல் மெல்லிய ஸ்டைலிங், லோ ஸ்லங் ஸ்டான்ஸ் மற்றும் கூப் போன்ற பின்புறம் உள்ளது.

இதன் உள்புறத்தில் ரிடிசைன் செய்யப்பட்ட அளவில் பெரிய, 12.3 இன்ச் டச் ஸ்கிரீன் கொண்டிருக்கிறது. இதன் டாப் எண்ட் வேரியண்ட்களில் 3-ஜோன் கிளைமேட் கண்ட்ரோல், ஹீடெட் ஸ்டீரிங் வீல், ஹீடெட் மற்றும் வெண்டிலேட் செய்யப்பட்ட சீட்கள், ஹெட்-அப் டிஸ்ப்ளே மற்றும் ஏராளமான ADAS தொழில்நுட்பம் கொண்டிருக்கிறது.

ஜப்பானை சேர்ந்த கார் உற்பத்தியாளரான டொயோட்டா தனது ஹிலக்ஸ் பிக்கப் டிரக் மாடலுக்கான முன்பதிவுகளை துவங்கி இருப்பதாக அறிவித்து இருக்கிறது. இந்திய சந்தையில் டொயோட்டா ஹிலக்ஸ் மூன்று வேரியண்ட்களில் கிடைக்கிறது. இதன் துவக்க விலை ரூ. 33 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்திய சந்தையில் டொயோட்டா ஹிலக்ஸ் கடந்த ஆண்டு துவக்கத்தில் அறிமுகம் செய்யப்பட்டது.

விலை விவரங்கள்:

டொயோட்டா ஹிலக்ஸ் 4x4 MT ஸ்டாண்டர்டு ரூ. 33 லட்சத்து 99 ஆயிரம்

டொயோட்டா ஹிலக்ஸ் 4x4 MT ஹை ரூ. 35 லட்சத்து 80 ஆயிரம்

டொயோட்டா ஹிலக்ஸ் 4x4 AT ஹை ரூ. 36 லட்சத்து 80 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்தியாவில் டொயோட்டா ஹிலக்ஸ் மாடல் ஒற்றை டீசல் என்ஜின் ஆப்ஷனில் மட்டுமே கிடைக்கிறது. இதில் உள்ள 2.8 லிட்டர் டர்போசார்ஜ் செய்யப்பட்ட டீசல் என்ஜின் 201 ஹெச்பி பவர், 420 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு ஆட்டோமேடிக் மற்றும் மேனுவல் கியர்பாக்ஸ் ஆப்ஷன்களாக வழங்கப்படுகிறது. இதில் உள்ள 4x4 வசதி மூலம் ஹிலக்ஸ் பிக்கப் டிரக்-ஐ மிக கடினமான பாதைகளிலும் பயணிக்க முடியும்.

அளவீடுகளை பொருத்தவரை டொயோட்டா ஹிலக்ஸ் 5325mm நீளம், 1855mm அகலம், 1815mm உயரம், 3085mm வீல்பேஸ் கொண்டிருக்கிறது. இதில் உள்ள லோடு ஏற்றும் பகுதி மட்டும் 1500mm நீளம் ஆகும். இதில் 435 கிலோ வரையிலான எடையை கொண்டு செல்ல முடியும். ஹிலக்ஸ் மாடல் இருவித டிரைவ் மோட்கள், டயர் ஆங்கில் மாணிட்டர் மற்றும் முன்புற பார்க்கிங் சென்சார்களை கொண்டுள்ளது.

ஆட்டோ எக்ஸ்போ 2023 நிகழ்வில் டொயோட்டா நிறுவனம் இன்னோவா ஹைகிராஸ் மற்றும் LC300 போன்ற மாடல்களை காட்சிக்கு வைக்க திட்டமிட்டுள்ளது. இரு மாடல்களும் கவனத்தை ஈர்க்கும் என்பதில் எவ்வித சந்தேகமும் இருக்க முடியாது. எனினும், இரு கார்கள் மட்டுமின்றி டொயோட்டா நிறுவனம் தனது GR மாடலை முதல் முறையாக இந்தியாவில் காட்சிக்கு வைக்க முடிவு செய்து இருப்பதாக தகவல் வெளியாகி உள்ளது.

டொயோட்டா GR கொரோலா மாடல் சர்வதேச சந்தையில் ஏற்கனவே விற்பனை செய்யப்பட்டு வரும் கொரோலா ஹேச்பேக் மாடலை தழுவி உருவாக்கப்பட்டு இருக்கிறது. இந்த காரின் பெர்ஃபார்மன்ஸ் வெர்ஷன் டொயோட்டா GR (கசூ ரேசிங்) பெர்ஃபார்மன்ஸ் பிரிவு மூலம் அதிகளவு மாற்றங்களை எதிர்கொண்டு இருக்கிறது. GR கொரோலா மாடல் டொயோட்டா நிறுவனத்தின் TNGA பிளாட்ஃபார்மில் உருவாக்கப்பட்டு இருக்கிறது.

இந்த ஹேச்பேக் மாடலில் 1.6 லிட்டர், மூன்று சிலிண்டர்கள் கொண்ட, சிங்கில் ஸ்கிரால் டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 304 ஹெச்பி பவர், 370 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இது சமீபத்தில் அறிமுகம் செய்யப்பட்ட மெர்சிடிஸ் AMG A35 மாடலுக்கு இணையான செயல்திறன் ஆகும். எனினும், மெர்சிடிஸ் மாடலில் 2.0 லிட்டர் என்ஜின் உள்ளது.

டொயோட்டா GR கொரோலா மாடலில் உள்ள என்ஜின் ட்ரிபில்-எக்சிட் எக்சாஸ்ட், மல்டி-ஆயிர் ஜெட் பிஸ்டன் கூலிங் சிஸ்டம், பெரிய எக்சாஸ்ட் வால்வுகள், பார்ட்-மெஷின்டு இண்டேக் போர்ட் வழங்கப்பட்டு இருக்கிறது. இந்த என்ஜினுடன் 6 ஸ்பீடு மேனுவல் கியர்பாக்ஸ் உள்ளது. இந்த கார் மணிக்கு 0 முதல் 100 கிலோமீட்டர் வேகத்தை ஐந்து நொடிகளுக்குள் எட்டிவிடும் திறன் கொண்டிருக்கிறது.

டொயோட்டா கிர்லோஸ்கர் மோட்டார் நிறுவனம் இன்னோவா ஹைகிராஸ் மாடலின் இந்திய விலை விவரங்களை அறிவித்து இருக்கிறது. அதன்படி புதிய இன்னோவா ஹைகிராஸ் விலை ரூ. 18 லட்சத்து 30 ஆயிரம் என துவங்கி அதிகபட்சம் ரூ. 28 லட்சத்து 97 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

நவம்பர் மாத வாக்கில் அறிமுகம் செய்யப்பட்ட நிலையில், இன்னோவா ஹைகிராஸ் மாடலுக்கான முன்பதிவு ஏற்கனவே துவங்கி நடைபெற்று வருகிறது. இந்த காருக்கான முன்பதிவு கட்டணம் ரூ. 50 ஆயிரம் ஆகும். டொயோட்டா நிறுவனத்தின் முற்றிலும் புதிய TNGA பிளாட்ஃபார்மில் உருவாக்கப்பட்டு இருக்கும் இன்னோவா ஹைகிராஸ் G, GX, VX, ZX மற்றும் ZX (O) என ஐந்து வித வேரியண்ட்களில் கிடைக்கிறது.

இத்துடன் சூப்பர் வைட், பிலாட்டினம் வைட் பியல், சில்வர் மெட்டாலிக், அட்டிட்டியூட் பிளாக் மைக்கா, ஸ்பார்க்லிங் பிளாக் பியல் க்ரிஸ்டல் ஷைன், அவாண்ட் கார்ட் பிரான்ஸ் மெட்டாலிக், பிலாகிஷ் அகெஹா கிலாஸ் ஃபிளேக் என ஏழு வித நிறங்களில் கிடைக்கிறது. புதிய இன்னோவா ஹைகிராஸ் மாடலில் 2.0 லிட்டர், 4 சிலிண்டர், TNGA பெட்ரோல் என்ஜின் வழங்கப்பட்டு இருக்கிறது.

இந்த என்ஜின் 172 ஹெச்பி பவர், 187 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் CVT டிரான்ஸ்மிஷன் வழங்கப்பட்டு இருக்கிறது. இதே என்ஜினுடன் ஹைப்ரிட் மோட்டார் வழங்கப்பட்டு இருக்கிறது. இது 11 ஹெச்பி பவர், 206 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்து"ன் e-CVT டிரான்ஸ்மிஷன் வழங்கப்பட்டு இறுக்கிறது. ஹைகிராஸ் மாடல் மேனுவல் டிரான்ஸ்மிஷனுடன் வழங்கப்படவில்லை.

டொயோட்டா இன்னோவா ஹைகிராஸ் மாடல் மூன்று ஆண்டுகள் அல்லது ஒரு லட்சம் கிலோமீட்டர்களுக்கு ஸ்டாண்டர்டு வாரண்டி, 2 லட்சத்து 20 ஆயிரம் கிலோமீட்டர்களுக்கு எக்ஸ்டெண்டட் வாரண்டியுடன் வழங்கப்படுகிறது. இதனுடன் வரும் பேட்டரிக்கு எட்டு ஆண்டுகள் அல்லது 1 லட்சத்து 60 ஆயிரம் கிலோமீட்டர்கள் வாரண்டி வழங்கப்படுகிறது.

டொயோட்டா நிறுவனத்தின் புதிய லேண்ட் குரூயிசர் மாடல் இந்திய சந்தையில் அறிமுகம் செய்யப்பட்டு இருக்கிறது. புதிய லேண்ட் குரூயிசர் மாடலின் விலை ரூ. 2 கோடியே 1 லட்சம், எக்ஸ்-ஷோரூம் என நிர்ணயம் செய்யப்பட்டுள்ளது. இந்த காருக்கான முன்பதிவு 2022 ஆகஸ்ட் மாத வாக்கில் துவங்கிய நிலையில், தற்போது விற்பனைக்கு அறிமுகம் செய்யப்பட்டு இருக்கிறது. வரும் வாரங்களில் இந்த ஃபிளாக்‌ஷிப் எஸ்யுவி வெளியீடு அதிகாரப்பூர்வமாக துவங்கி, அதன் பின் வினியோகமும் துவங்கும் என தகவல் வெளியாகி உள்ளது.

ஒற்றை, ஃபுல்லி லோடெட் வேரியண்டில் கிடைக்கும் லேண்ட் குரூயிசர் மாடலில் 3.3 லிட்டர் V6 டீசல் என்ஜின் வழங்கப்படுகிறது. இந்த என்ஜின் 305 ஹெச்பி பவர், 700 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 10 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு இருக்கிறது. தோற்றத்தில் புதிய லேண்ட் குரூயிசர் மாடலின் முன்புறம் ட்வீக் செய்யப்பட்ட பெரிய முன்புற கிரில், க்ரோம் இன்சர்ட்கள் வழங்கப்பட்டுள்ளன.

இந்த காரின் ஹெட்லேம்ப்கள் சதுரங்க வடிவம் கொண்டிருப்பதோடு, இண்டகிரேட் செய்யப்பட்ட எல்இடி டிஆர்எல்களை கொண்டிருக்கிறது. இத்துடன் 20 இன்ச் அலாய் வீல்கள், பின்புறம் எல்இடி டெயில் லேம்ப் வழங்கப்பட்டு இருக்கிறது. காரின் உள்புறத்தில் 12.3 இன்ச் தொடுதிரை வசதி கொண்ட இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, ரிடிசைன் செய்யப்பட்ட செண்டர் கன்சோல், டூயல் டோன் இண்டீரியர் வழங்கப்பட்டுள்ளது.

இந்திய சந்தையில் புதிய டொயோட்டா லேண்ட் குரூயிசர் மாடல் CBU முறையில் இந்தியாவுக்கு கொண்டுவரப்படுகிறது. இந்த மாடல் லேண்ட் ரோவர் ரேன்ஜ் ரோவர் காருக்கு போட்டியாக அறிமுகம் செய்யப்பட்டு இருக்கிறது.

டொயோட்டா நிறுவனம் முற்றிலும் புதிய இன்னோவா ஹைகிராஸ் எம்பிவி மாடலை கடந்த மாதம் இந்திய சந்தையில் அறிமுகம் செய்தது. எனினும், இந்த மாடலின் விலை அறிவிக்கப்படாமல் முன்பதிவு மட்டும் நடைபெற்று வருகிறது. இந்தியாவில் புதிய இன்னோவா ஹைகிராஸ் மாடலுக்கான முன்பதிவு கட்டணம் ரூ. 50 ஆயிரம் ஆகும். இந்த நிலையில் புதிய இன்னோவா ஹைகிராஸ் மாடல் விற்பனை மையங்களை வந்தடைந்தன.

இந்திய சந்தையில் இன்னோவா ஹைகிராஸ் மாடல் இருவித பெட்ரோல், மூன்று வித பெட்ரோல் ஹைப்ரிட் வெர்ஷன்களில் கிடைக்கிறது. மேலும் இந்த கார் ஏழு மற்றும் எட்டு பேர் பயணம் செய்யும் இருக்கைகளுடன் கிடைக்கிறது. இதன் விற்பனை 2023 ஜனவரி மாத மத்தியில் துவங்கும் என தெரிகிறது.

2023 டொயோட்டா இன்னோவா ஹைகிராஸ் மாடலில் 2.0 லிட்டர் பெட்ரோல் என்ஜின் உள்ளது. இந்த என்ஜின் 172 ஹெச்பி பவர், 187 நியூட்டன் மீட்டர் டார்க் இழுவிசையை வெளிப்படுகத்துகிறது. இத்துடன் மைல்டு ஹைப்ரிட் மோட்டார் இணைக்கப்பட்டு இருக்கிறது. இது 111 ஹெச்பி பவர், 206 நியூட்டன் மீட்டர் டார்க் இழுவிசையை வெளிப்படுத்துகிறது.

இத்துடன் CVT, E-CVT டிரான்ஸ்மிஷன் வழங்கப்படுகிறது. இந்த கார் மணிக்கு 0 முதல் 100 கிலோமீட்டர் வேகத்தை 9.5 நொடிகளில் எட்டிவிடும். இந்த கார் லிட்டருக்கு 21.1 கிலோமீட்டர் மைலேஜ் வழங்குகிறது. மேலும் காரின் ஃபியூவல் டேன்க்-ஐ முழுமையாக நிரப்பினால் 1097 கிலோமீட்டர் வரை மைலேஜ் வழங்கும் என டொயோட்டா தெரிவித்து இருக்கிறது.

Photo Courtesy: Missautologs

டொயோட்டா நிறுவனம் ஹிலக்ஸ் எலெக்ட்ரிக் வெர்ஷனை அறிமுகம் செய்து இருக்கிறது. தாய்லாந்தில் தனது 60 ஆவது ஆண்டு விழாவை கொண்டாடும் நோக்கில் ஹிலக்ஸ் ரெவோ எலெக்ட்ரிக் கான்செப்ட்-ஐ டொயோட்டா அறிமுகம் செய்தது.

கான்செப்ட் எலெக்ட்ரிக் வாகனத்தை தழுவி உருவாக்கப்பட்டு இருக்கும் எலெக்ட்ரிக் பிக்கப் மாடலின் தொழில்நுட்ப விவரங்கள் மர்மமாக உள்ளன. ஹிலக்ஸ் பிக்கப் எலெக்ட்ரிக் வெர்ஷனின் வெளிப்புறம் க்ளோஸ்டு கிரில், ஸ்லேடெட் டிசைன், இடது புறத்தில் சார்ஜிங் போர்ட், புதிய அலாய் வீல்கள், எல்இடி ஹெட்லேம்ப்கள், எல்இடி டிஆர்எல்கள், ஃபாக் லேம்ப் ஹவுசிங், பின்புறத்தில் செங்குத்தாக பொருத்தப்பட்ட எல்இடி டெயில் லேம்ப்கள், ஃபிளாட் டெயில்கேட் வழங்கப்பட்டு இருக்கிறது.

"ஊடகம் நம்மை நம்ப வைக்க முயல்வதை விட, எலெக்ட்ரிக் வாகனங்கள் பெரும்பான்மையாக மாற அதிக நேரம் எடுத்துக் கொள்ள போகின்றன. உலகின் சுற்றுச்சூழல் மாசில்லா இலக்கை அடைய எலெக்ட்ரிக் வாகனங்கள் மட்டும் போதுமானதாக இருக்காது. தனிப்பட்ட முறையில், நான் எல்லா வாய்ப்புகளையும் பின்பற்ற நினைக்கிறேன். இதில் மாசில்லா சின்தெடிக் ஃபியூவல்கள் மற்றும் ஹைட்ரஜன் உள்ளிட்டவையும் அடங்கும்," என டொயோட்டா மோட்டார் கார்ப்பரேஷன் நிறுவன தலைவர் அகியோ டொயோட்டா தெரிவித்து இருக்கிறார்.

ஜப்பான் நாட்டை சேர்ந்த ஆட்டோமொபைல் உற்பத்தியாளர் டொயோட்டா, இந்த ஆண்டு நடைபெற்ற இந்தோனேசியா சர்வதேச மோட்டார் விழாவில் இன்னோவா காரை சார்ந்து உருவாக்கப்பட்ட எலெக்ட்ரிக் எம்பிவி மாடலின் கான்செப்ட் ப்ரோடோடைப்-ஐ காட்சிப்படுத்தி இருந்தது. இந்த மாடல் தற்போது இந்திய சந்தையில் விற்பனை செய்யப்படும் இன்னோவா க்ரிஸ்டா மாடல் போன்றே காட்சியளித்தது.

எனினும், சற்றே பழைய IMV2 லேடர்-ஆன்-ஃபிரேம் பிளாட்ஃபார்மில் எலெக்ட்ரிக் வாகனம் எதையும் அறிமுகம் செய்யப் போவதில்லை என டொயோட்டா நிறுவனம் ஏற்கனவே தெளிவுப்படுத்தி விட்டது. மேலும் இந்த எலெக்ட்ரிக் கான்செப்ட் எதிர்கால எலெக்ட்ரிக் வாகனங்களுக்கான ஆய்வு மற்றும் வளர்ச்சி பணிகளுக்காகவே உருவாக்கப்படுவதாக அறிவித்து இருக்கிறது.

இந்த நிலையில், இன்னோவா க்ரிஸ்டா மாடலை சார்ந்து உருவாக்கப்பட்ட எலெக்ட்ரிக் எம்பிவி மாடல் சாலைகளில் சோதனை செய்யப்படும் போது எடுக்கப்பட்ட ஸ்பை படங்கள் முதல் முறையாக இணையத்தில் வெளியாகி இருக்கின்றன. ஸ்பை படங்களில் காரின் முன்புறம், இன்னோவா க்ரிஸ்டா மாடலில் உள்ளதை போன்றே காட்சியளிக்கிறது. எனினும், பிளான்க்டு-அவுட் கிரில் டிசைன் மற்றும் புளூ அக்செண்ட்கள் செய்யப்பட்டு உள்ளது.

மற்ற காஸ்மெடிக் மாற்றங்களை பொருத்தவரை ரிடிசைன் செய்யப்பட்ட முன்புற பம்ப்பர், எல்இடி ஹெட்லேம்ப்களில் புளூ இன்சர்ட்கள், டி-பில்லர், புதிய பக்கவாட்டு டிகல்களில் "இன்னோவா EV" ஸ்டிக்கர்கள் மற்றும் பின்புறத்தில் EV பேட்ஜிங் இடம்பெற்று இருக்கிறது. இந்த கான்செப்ட் மாடலின் தொழில்நுட்ப விவரங்கள் அல்லது மற்ற விவரங்கள் எதுவும் அறிவிக்கப்படவில்லை.

இதன் காரணமாக இந்த காரின் பேட்டரி திறன், அதிகபட்ச ரேன்ஜ் மற்றும் பவர் அவுட்புட் பற்றிய விவரங்களும் மர்மமாகவே உள்ளது. இதுதவிர டொயோட்டா நிறுவனம் சமீபத்தில் தான் இன்னோவா ஹைகிராஸ் மாடலை இந்திய சந்தையில் அறிமுகம் செய்தது. இன்னோவா எலெக்ட்ரிக் கான்செப்ட் மாடல் சாலைகளில் சோதனை செய்யப்பட்ட போதிலும், இது இந்தியாவில் அறிமுகமாகும் என்பது கேள்விக்குறியான விஷயம் தான்.

Photo Courtesy: Carwale

டொயோட்டா நிறுவனத்தின் 2023 இன்னோவா ஹைகிராஸ் மாடல் இந்திய சந்தையில் அறிமுகம் செய்யப்பட்டு இருக்கிறது. புதிய இன்னோவா ஹைகிராஸ் மாடல் அடுத்த ஆண்டு டெல்லியில் நடைபெற இருக்கும் ஆட்டோ எக்ஸ்போ நிகழ்வில் வெளியிடப்பட இருக்கிறது. புதிய தலைமுறை இன்னோவா மாடல் மோனோக் சேசிஸ் மூலம் உருவாக்கப்பட்டு இருக்கிறது. மேலும் இதில் முன்புற டிரைவ் லே-அவுட் கொண்டுள்ளது.

இன்னோவா ஹைகிராஸ் மாடலின் முன்பதிவு துவங்கிவிட்டது. முன்பதிவு கட்டணம் ரூ. 50 ஆயிரம் ஆகும். இதன் விற்பனை 2023 ஜனவரி மாத மத்தியில் துவங்க இருக்கிறது. இந்த கார் இருவித பெட்ரோல், மூன்று வித பெட்ரோல் ஹைப்ரிட் வெர்ஷன்களில் கிடைக்கிறது. மேலும் இந்த கார் ஏழு மற்றும் எட்டு பேர் பயணம் செய்யும் இருக்கை அமைப்புகளில் கிடைக்கிறது.

2023 டொயோட்டா இன்னோவா ஹைகிராஸ் மாடலில் 2.0 லிட்டர் பெட்ரோல் என்ஜின் உள்ளது. இந்த என்ஜின் 172 ஹெச்பி பவர், 187 நியூட்டன் மீட்டர் டார்க் இழுவிசையை வெளிப்படுகத்துகிறது. இத்துடன் மைல்டு ஹைப்ரிட் மோட்டார் இணைக்கப்பட்டு இருக்கிறது. இது 111 ஹெச்பி பவர், 206 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் CVT, E-CVT டிரான்ஸ்மிஷன் வழங்கப்படுகிறது.

இந்த கார் மணிக்கு 0 முதல் 100 கிலோமீட்டர் வேகத்தை 9.5 நொடிகளில் எட்டிவிடும். இந்த கார் லிட்டருக்கு 21.1 கிலோமீட்டர் மைலேஜ் வழங்குகிறது. மேலும் காரின் ஃபியூவல் டேன்க்-ஐ முழுமையாக நிரப்பினால் 1097 கிலோமீட்டர் வரை மைலேஜ் வழங்கும் என டொயோட்டா தெரிவித்து இருக்கிறது. இந்த காரின் அளவீடுகள் 4755 மில்லிமீட்டர் நீளம், 1850 மில்லிமீட்டர் அகலம், 1795 மில்லிமீட்டர் உயரம், வீல்பேஸ் 2850 மில்லிமீட்டராக உள்ளது.

புதிய டொயோட்டா இன்னோவா ஹைகிராஸ் மாடலில், முற்றிலும் புதிய முன்புற தோற்றம் கொண்டுள்ளது. இந்த காரில் புதிய முன்புற கிரில், க்ரோம் அண்டர்லைன், ஸ்வெப்ட்பேக் எல்இடி ஹெட்லேம்ப்கள், புதிய முன்புற பம்ப்பர், எல்இடி ஃபாக் லைட்களை கொண்டிருக்கிறது. இதன் முன்புற கதவுகளில் ஹைப்ரிட் பேட்ஜிங் இடம்பெற்று இருக்கிறது. இத்துடன் 18 இன்ச் அளவில் அலாய் வீல்கள், பிளாக்டு அவுட் B மற்றும் C பில்லர்கள், பாடி கிலாடிங் வழங்கப்பட்டுள்ளது.

பின்புறம் டூ-பீஸ் எல்இடி டெயில் லைட்கள், இண்டகிரேட் செய்யப்பட்ட ஸ்பாயிலர்கள், ஷார்க் ஃபின் ஆண்டெனா, புதிய பின்புற பம்ப்பர், இண்டகிரேட் செய்யப்பட்ட ரிஃப்ளெக்டர்கள், டெயில்-கேட்டில் மவுண்ட் செய்யப்பட்ட நம்பர் பிளேட் ரிசெஸ் வழங்கப்பட்டு இருக்கிறது. இந்த கார்- சூப்பர் வைட், பிலாட்டினம் வைட் பியல், சில்வர் மெட்டாலிக், அட்டிட்யூட் பிளாக் மைகா, ஸ்பார்க்லிங் பிளாக் பியல் க்ரிஸ்டல், ஷைன், அவாண்ட்கார்ட் பிரான்ஸ் மெட்டாலிக் மற்றும் பிளாகிஷ் அகெஹா கிலாஸ் ஃபிளேக் என ஏழு விதமான நிறங்களில் கிடைக்கிறது.

காரின் உள்புறம் பானரோமிக் சன்ரூஃப், 10.1 இன்ச் ஃபுளோடிங் டச் ஸ்கிரீன் இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, வெண்டிலேட் செய்யப்பட்ட முன்புற இருக்கைகள், மல்டி-ஜோன் கிளைமேட் கண்ட்ரோல், 9 ஸ்பீக்கர்கள் கொண்ட ஜெபிஎல் மியூசிக் சிஸ்டம், டூயல் டோன் பிலாக்-பிரவுன் தீம், ஏசி-க்கு டிஜிட்டல் கண்ட்ரோல், புதிய ஸ்டீரிங் வீல், இன்ஸ்ட்ரூமெண்ட் கிளஸ்டர், குரூயிஸ் கண்ட்ரோல், எலெக்ட்ரிக் பார்கிங் பிரேக், ஆம்பியண்ட் லைட்டிங் வழங்கப்பட்டு இருக்கிறது.

இத்துடன் ADAS, டொயோட்டா i-கனெக்ட், கேப்டன் இருக்கைகள், ரூஃப் மவுண்ட் செய்யப்பட்ட ஏசி வெண்ட்கள், ரிக்லைனிங் 2-ரோ இருக்கைகள், இரண்டாம் அடுக்கு இருக்கையில் அமர்வோருக்காக 2 ஸ்கிரீன், பவர்டு டெயில்கேட், 6 ஏர்பேக் உள்ளிட்ட அம்சங்கள் வழங்கப்பட்டு இருக்கிறது.

டொயோட்டா நிறுவனத்தின் முற்றிலும் புதிய இன்னோவா ஹைகிராஸ் மாடல் இன்னோவா ஜெனிக்ஸ் பெயரில் இந்தோனேசிய சந்தையில் அறிமுகம் செய்யப்பட்டது. இதன் புதிய இன்னோவா சர்வதேச வெளியீடு ஆகும். இதே கார் இந்தியாவில் நவம்பர் 25 ஆம் தேதி அறிமுகம் செய்யப்பட இருக்கிறது. புதிய எம்பிவி மாடல் டொயோட்டா நிறுவனத்தின் மாட்யுலர் TNGA-C: GA-C பிளாட்ஃபார்மில் உருவாக்கப்பட்டு இருக்கிறது.

இது தற்போது விற்பனை செய்யப்படும் இன்னோவா க்ரிஸ்டா மாடலை விட வித்தியாசமாக இருக்கும். மேலும் இதன் காஸ்மெடிக் மற்றும் மெக்கானிக்கல் என முழு அம்சங்களும் அடியோடு வேறுபடுகிறது. தற்போதைய இன்னோவா க்ரிஸ்டா மாடலில் ரியர் வீல் டிரைவ், லேடர் ஆன் ஃபிரேம் உற்பத்திக்கு மாற்றாக புதிய இன்னோவா மோனோக் சேசிஸ் மற்றும் முன்புற வீல் டிரைவ் செட்டப் கொண்டிருக்கிறது.

தோற்றத்தில் புது இன்னோவா மாடல் எஸ்யுவி போன்ற தோற்றம் கொண்டிருக்கிறது. இதில் ஹெக்சகோனல் வடிவம் கொண்ட கிரில், க்ரோம் பார்டர்கள், மெல்லிய ஹெட்லைட்கள், பெரிய வெண்ட்கள் கொண்ட மஸ்குலர் முன்புற பம்ப்பர், மெல்லிய எல்இடி டிஆர்எல் பார்கள் வழங்கப்பட்டுள்ளன. இதன் பக்கவாட்டுகளில் ஃபிலார்டு வீல் ஆர்ச்கள், 18 இன்ச் அலாய் வீல்கள், அண்டர் பாடி கிலாடிங், மஸ்குலர் கேரக்டர் லைன்கள் உள்ளன.

இந்த கார் டூயல் டோன் ORVMகள், இண்டகிரேட் செய்யப்பட்ட எல்இடி இண்டிகேட்டர்கள், பிளாக்டு-அவுட் எலிமண்ட்களை கொண்டிருக்கிறது. பின்புறத்தில் மெல்லிய ராப்-அரவுண்ட் எல்இடி டெயில் லைட்கள், மெல்லிய ஆர்ச்டு ரியர் விண்ட்-ஷீல்டு மற்றும் வைப்பர் வழங்கப்பட்டு இருக்கிறது. இந்த கார் இன்னோவா க்ரிஸ்டாவை விட 20மில்லிமீட்டர் நீளமாக உள்ளது. இது 475 மில்லிமீட்டர் அகலம், உயரம் 1795 மில்லிமீட்டர், வீல்பேஸ் 100 மில்லிமீட்டர் உயரமாக்கப்பட்டு இருக்கிறது.

உள்புறம் புதிய, அதிக நவீனமான லே-அவுட், ஆல் பிளாக் அல்லது பிளாக் மற்றும் பிரவுன் என டூயல் டோன் இண்டீரியர் ஆப்ஷன்களில் கிடைக்கிறது. டேஷ்போர்டில் 10 இன்ச் அளவில் இன்ஃபோடெயின்மெண்ட் டிஸ்ப்ளே, மல்டி-ஃபன்ஷனல் ஸ்டீரிங் வீல், டிஜிட்டல் இன்ஸ்ட்ரூமென்ட் கிளஸ்டர் உள்ளது. இந்த காரில் எலெக்ட்ரிக் பார்க்கிங் பிரேக், ஹில்-ஹோல்டு பட்டன் வழங்கப்பட்டு இருக்கிறது.

இதன் இரண்டாம் அடுக்கில் கேப்டன் சீட்கள், பானரோமிக் சன்ரூஃப், ரூஃப் மவுண்ட் செய்யப்பட்ட ஏசி வெண்ட்கள், வயர்லெஸ் சார்ஜிங், ஆம்பியண்ட் லைட்டிங் வசதிகளை கொண்டுள்ளது. இதன் டாப் எண்ட் மாடல்களில் 10 இன்ச் அளவில் இரண்டாவது ஸ்கிரீன் வழங்கப்பட்டு இருக்கிறது. புதிய இன்னோவா ஹைகிராஸ் மாடல் டொயோட்டா சேஃப்டி சென்ஸ் 3.0 தொழில்நுட்பம் கொண்டிருக்கிறது.

இதில் அடாப்டிவ் குரூயிஸ் கண்ட்ரோல், லேன் கீப் அசிஸ்ட், ஏழு ஏர்பேக், 3 பாயிண்ட் சீட் பெல்ட்கள், ABS, EBD, ரியர் பார்க்கிங் கேமரா என ஏராளமான அம்சங்கள் உள்ளன. காரின் அனைத்து வேரியண்ட்களின் நான்கு வீல்களிலும் டிஸ்க் பிரேக் ஸ்டாண்டர்டு அம்சமாக உள்ளது. இத்துடன் எலெக்ட்ரிக் டெயில்கேட் மற்றும் வாய்ஸ் கமாண்ட் மூலம் திறக்கும் வசதி கொண்டுள்ளது.

இந்தோனேசியாவில் அறிமுகமாகி இருக்கும் இன்னோவா ஜெனிக்ஸ் (ஹைகிராஸ்) மாடலில் 2.0 லிட்டர் பெட்ரோல் என்ஜின், ஆப்ஷனல் 2.0 லிட்டர் ஹைப்ரிட் மோட்டார் வழங்கப்படுகிறது. இவற்றின் செயல்திறன் பற்றி இதுவரை எந்த தகவலும் வெளியாகவில்லை.

டொயோட்டா கிர்லோஸ்கர் மோட்டார் நிறுவனம் புதிய இன்னோவா ஹைகிராஸ் மாடலின் டீசரை வெளியிட்டு உள்ளது. இந்த மாடல் முதற்கட்டமாக இந்தோனேசியாவில் நவம்பர் 21 ஆம் தேதி அறிமுகம் செய்யப்பட இருக்கிறது. இதைத் தொடர்ந்து நவம்பர் 25 ஆம் தேதி இந்த கார் இந்தியாவில் அறிமுகமாகிறது.

டீசரின் படி புதிய இன்னோவா ஹைகிராஸ் மாடல் முற்றிலும் புதிய டிசைன், கிரில், பம்ப்பர், காண்டிராஸ்ட் நிற இன்சர்ட்கள், எல்இடி ஹெட்லேம்ப்கள், வீல் கிளாடிங் மற்றும் ஃபௌக்ஸ் ஸ்கிட் பிளேட் கொண்டிருக்கிறது. முந்தைய டீசர்களின் படி 2023 இன்னோவா ஹைகிராஸ் மாடல் இந்தோனேசியாவில் இன்னோவா செனிக்ஸ் பெயரில் அறிமுகம் செய்யப்படும் என குறிப்பிடப்பட்டு இருந்தது.

மேலும் இந்த காரில் பானரோமிக் சன்ரூஃப், ஆம்பியண்ட் லைட்டிங், உயரத்தை அட்ஜஸ்ட் செய்யும் சீட் பெல்ட்கள், டேஷ்கேம் உள்ளட்ட வசதிகள் வழங்கப்படும் என தெரிகிறது. மேலும் இதில் ஃபுளோடிங் டச் ஸ்கிரீன் இன்ஃபோடெயின்மெண்ட் சிஸ்டம், செண்டர் கன்சோலில் கியர் லீவர் பொருத்தப்பட்டு இருக்கும் என கூறப்படுகிறது.

புதிய இன்னோவா ஹைகிராஸ் மாடல் மோனோக் சேசிஸ் மற்றும் FWD லே-அவுட்-இல் உருவாக்கப்பட்டு இருக்கும் என தெரிகிறது. இந்த கார் 2.0 லிட்டர் பெட்ரோல் ஹைப்ரிட் யூனிட் உடன் அறிமுகமாகும் என எதிர்பார்க்கலாம். தற்போதைய இன்னோவா மாடலில் 2.7 லிட்டர் பெட்ரோல் மற்றும் 2.4 லிட்டர் டீசல் யூனிட் வழங்கப்பட்டு இருக்கிறது. புதிய இன்னோவா ஹைகிராஸ் விலை விவரங்கள் 2023 ஆட்டோ எக்ஸ்போ நிகழ்வில் அறிவிக்கப்படலாம்.