நீங்கள் தேடியது "Theresa May"

லண்டன்:

இங்கிலாந்து இளவரசர் சார்லஸ்-டயானா தம்பதியின் 2-வது மகன் ஹாரி. இவர் அமெரிக்க நடிகை மேகன் மர்கலை காதலித்தார். இவர்களது திருமணம் கடந்த மே மாதம் லண்டனில் உள்ள கிறிஸ்தவ தேவாலயத்தில் கோலாகலமாக நடந்தது.

இந்த நிலையில் இளவரசர் ஹாரியின் மனைவி இளவரசி மேகன் மர்கல் கர்ப்பம் அடைந்தார். தற்போது அவர் 12 வாரம் கர்ப்பமாக இருப்பதாக கென்சிங்டன் அரண்மனை அலுவலகம் அறிவித்தது.

ஹாரி-மேகன் தம்பதியின் முதல் குழந்தை அடுத்த ஆண்டு (2019) வசந்த காலத்தில் பிறக்கும் என டாக்டர்கள் தெரிவித்துள்ளனர்.

இதை அறிந்ததும் ராணி எலிசபெத், அரச குடும்பத்தினர் மற்றும் இங்கிலாந்து மக்களும் மகிழ்ச்சி அடைந்தனர். இங்கிலாந்து பிரதமர் தெரசா மே, ராணி எலிசபெத்துக்கு டுவிட்டரில் வாழ்த்து தெரிவித்துள்ளார். மேகனின் தாயார் டோரியா ராக்லாந்தும் தனது மகிழ்ச்சியை வெளியிட்டுள்ளார்.

இதற்கிடையே ஹாரி மேகன் தம்பதிக்கு பிறக்க போகும் குழந்தை இங்கிலாந்து அரச குடும்பத்தின் முடிசூட்டு வரிசையில் 7-வது இடத்தில் உள்ளது. #MeghanMarkle #Harry

லண்டன்:

பிரெக்ஸிட் விவகாரத்தில் பிரிட்டன் பிரதமர் தெரேசா மேவுடன் கருத்து வேறுபாடு ஏற்பட்டதால் சமீபத்தில் வெளியுறவு மந்திரி பதவியை போரிஸ் ஜான்சன் ராஜினாமா செய்தார். இதற்கிடையே, டென்மார்க்கில் புர்கா அணிவதற்கு தடை விதிக்கப்பட்டது தொடர்பாக கடந்த மாதம் நாளிதழ் ஒன்றுக்கு பேட்டி அளித்த அவர், முஸ்லிம் பெண்கள் அணியும் புர்காவை அஞ்சல் பெட்டியுடன் ஒப்பிட்டு பேசினார்.

மேலும், மனிதர்கள் ஒருவருக்கு ஒருவர் பேசும் போது ஒருவர் மட்டும் முகத்தை மறைத்துக்கொண்டு மற்றொறுவருடன் பேசுவது தவறு, பள்ளி மற்றும் கல்லூரிகளில் உள்ள பெண்கள் புர்கா அணிந்து முகத்தை மறைத்துக்கொண்டு இருப்பதால் அவர்கள் வங்கிக்கொள்ளையர்கள் போல இருப்பதாகவும், புர்கா அடக்குமுறை சார்ந்தது எனவும் போரிஸ் ஜான்சன் கருத்து கூறியிருந்தார்.

அவரது கூற்று மிகுந்த பரபரப்பை ஏற்படுத்தியதால், பிரதமர் தெரேசா மே இதனை கண்டித்தார். பின்னர் ஆளும் கன்சர்வேடிவ் கட்சி போரிஸ் ஜான்சன் மீது விசாரணை நடத்த மூன்று பேர் கொண்ட குழு அமைத்தது. இந்த குழு அளிக்கும் அறிக்கையின் அடிப்படையில் ஜான்சன் மீது கடுமையான நடவடிக்கையை தெரேசா மே எடுக்கலாம் என எதிர்ப்பார்க்கப்படுகிறது.

இந்நிலையில், மீண்டும் நாளிதழ் ஒன்றுக்கு பேட்டியளித்த போரிஸ் ஜான்சன், புர்கா குறித்த தனது கருத்தில் இருந்து பின்வாங்கப்போவது இல்லை என தெரிவித்தார். இது குறித்து அவர் கூறுகையில், ’ புர்கா தொடர்பான எனது கருத்துக்கு மன்னிப்பு கேட்க மாட்டேன். நான் தெரிவித்த கருத்துகளில் உறுதியாக உள்ளேன். என் சக நண்பகர்கள் எனது கருத்தில் உள்ள அர்த்தத்தை மிகவும் கவனத்துடன் புரிந்துக்கொள்ள வேண்டும்.

பிரெக்ஸிட் விவகாரத்தில் ஐரோப்பிய யூனியனில் இருந்து பிரிட்டன் வெளியேறக்கூடாது, அவ்வாறு வெளியேறினால் அது நமக்கே  பாதகமாக முடியும் என்ற எனது வலுவான கருத்தை ஏற்றுக்கொள்ள முடியாதவர்கள், அதற்கு எதிர்வினையாக புர்கா விவகாரத்தில் நான் தெரிவித்த கருத்துக்களை தவறாக சித்தரித்து மக்களிடையே கோபத்தை அதிகப்படுத்துவது போன்ற செயல்களில் ஈடுபடுகின்றனர்’ என அவர் தெரிவித்தார்.  #BorisJohnson #TheresaMay #ConservativeParty

லண்டன்:

ஐரோப்பிய ஒன்றியத்திலிருந்து பிரிட்டன் வெளியேறுவது தொடர்பான பிரெக்சிட் நடைமுறைகள் விறுவிறுப்பாக நடைபெற்று வருகின்றன. அடுத்த ஆண்டு மார்ச் 29-ம் தேதி ஐரோப்பிய ஒன்றியத்தில் இருந்து வெளியேறுகிறது பிரிட்டன். இதற்கான செயல் திட்டங்களை பிரிட்டன் பிரதமர் தெரசா உருவாக்கி பேச்சுவார்த்தை நடத்தி வருகிறார்.


இந்நிலையில், ஒரு பத்திரிகைக்கு டிரம்ப் அளித்த பேட்டியில், பிரெக்சிட் பேச்சுவார்த்தைகளை பிரிட்டன் பிரதமர் தெரசா மே கையாளும் விதத்தை விமர்சித்தார். பிரிட்டன் பிரதமரின் பிரெக்சிட் செயல்திட்டமானது, அமெரிக்காவுடன் எதிர்காலத்தில் எந்தவித வர்த்தக ஒப்பந்தத்தையும் மேற்கொள்ள முடியாத அளவுக்கு நம்பிக்கையை சீர்குலைக்கும் என கூறியுள்ளார்.

தற்போதைய திட்டப்படி அவர்கள் ஒப்பந்தம் செய்தால், நாங்கள் பிரிட்டனுடன் ஒப்பந்தம் செய்வதற்கு பதிலாக ஐரோப்பிய ஒன்றியத்துடன் ஒப்பந்தம் செய்வோம் என்றும் டிரம்ப் தெரிவித்தார். #BrexitPlan #TrumpWarnedTheresaMay #USTradeDeal