நீங்கள் தேடியது "oppo"

ஒப்போ நிறுவனம் தனது ரெனோ8 T 5ஜி ஸ்மார்ட்போனுடன் புதிய ட்ரூ வயர்லெஸ் இயர்பட்ஸ்-ஐ இந்திய சந்தையில் அறிமுகம் செய்து இருக்கிறது. புதிய ஒப்போ என்கோ ஏர்3 இயர்பட்ஸ் 13.4mm பாலிமர் கம்போசிட் மற்றும் ட்ரான்ஸ்லுசெண்ட் கேஸ் கொண்டிருக்கிறது.

இதில் உள்ள கேடென்ஸ் ஹைபை5 டிஜிட்டல் சிக்னல் பிராசஸர் மேம்பட்ட ஸ்பீச் ரிகக்னிஷன் வழங்குகிறது. மேலும் ஒப்போ அலைவ் ஆடியோ உடன் ஔரல் அவுட்புட் மேம்படுத்தப்பட்டு இருக்கிறது. அம்சங்களை பொருத்தவரை ப்ளூடூத் 5.3, 47ms அல்ட்ரா லோ-லேடன்சி, 25 மணி நேரத்திற்கான பிளேபேக் வழங்கும் பேட்டரி கொண்டிருக்கிறது. இந்த இயர்பட்ஸ் கூகுள் ஃபாஸ்ட் பேர் வசதி கொண்டிருப்பதால், ஒரே சமயத்தில் இரு சாதனங்களுடன் இணைத்துக் கொள்ளும் வசதி உள்ளது.

ஹால்ஃப் இன்-இயர் டிசைன் கொண்டிருக்கும் ஒப்போ என்கோ ஏர்3 ஒவ்வொரு இயர்பட்-ம் அதிகபட்சம் ஆறு மணி நேரத்திற்கான பிளேபேக் வழங்குகிறது. ஒட்டுமொத்தமாக இந்த இயர்பட்ஸ் 25 மணி நேரத்திற்கான பிளேபேக் வழங்குகிறது.

ஒப்போ என்கோ ஏர்3 அம்சங்கள்:

13.4mm பாலிமர் கம்போசிட் டிரைவர்

ஃபிளாக்ஷிப் தர N48 நியோடிமியம் காந்தம், 1.9m காப்பர்-அலுமினியம் அலாய் காயில்கள்

ப்ளூடூத் 5.3

கூகுள் ஃபாஸ்ட் பேர்

புதிய ஹைபை டிஎஸ்பி

டச் கண்ட்ரோல்

டஸ்ட் மற்றும் வாட்டர் ரெசிஸ்டண்ட்

27 எம்ஏஹெச் பேட்டரி (இயர்பட்ஸ்)

300 எம்ஏஹெச் பேட்டரி (சார்ஜிங் கேஸ்)

பத்து நிமிட சார்ஜில் இரண்டு மணி நேரத்திற்கான பிளேபேக்

விலை மற்றும் விற்பனை விவரங்கள்:

ஒப்போ என்கோ ஏர்3 மாடலின் விலை ரூ. 2 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை பிப்ரவரி 10 ஆம் தேதி ப்ளிப்கார்ட், அமேசான், ஒப்போ ஸ்டோர் மற்றும் ஆஃப்லைன் ஸ்டோர்களில் துவங்க இருக்கிறது.

ஒப்போ நிறுவனம் இந்திய சந்தையில் தனது புதிய ரெனோ8 T 5ஜி ஸ்மார்ட்போனினை அறிமுகம் செய்து இருக்கிறது. இதில் 6.7 இன்ச் AMOLED 3D கர்வ்டு ஸ்கிரீன், 120HZ ரிப்ரெஷ் ரேட், குவால்காம் ஸ்னாப்டிராகன் 695 பிராசஸர், 8 ஜிபி ரேம், ரேம் எக்ஸ்பான்ஷன் வசதி, ஆண்ட்ராய்டு 13 சார்ந்த கலர்ஒஎஸ் 13 போன்ற அம்சங்கள் வழங்கப்பட்டு இருக்கிறது.

புதிய ரெனோ8 T 5ஜி ஸ்மார்ட்போனில் புகைப்படங்களை எடுக்க 108MP பிரைமரி கேமரா, 2MP டெப்த் சென்சார், 2MP மைக்ரோஸ்கோப் கேமரா, 32MP செல்ஃபி கேமரா வழங்கப்பட்டு இருக்கிறது. இதன் பேக் கவரில் உள்ள ஒப்போ க்ளோ டிசைனில் முக்கோன வடிவ க்ரிஸ்டல்கள், 7.7mm அளவில், 171 கிராம் எடை கொண்டிருக்கிறது. இதில் 4800 எம்ஏஹெச் பேட்டரி, 67 வாட் சூப்பர்வூக் ஃபாஸ்ட் சார்ஜிங் வசதி உள்ளது.

ஒப்போ ரெனோ8 T 5ஜி அம்சங்கள்:

6.7 இன்ச் 2412x1080 பிக்சல் FHD+ AMOLED டிஸ்ப்ளே, 120Hz ரிப்ரெஷ் ரேட்

ஆக்டாகோர் ஸ்னாப்டிராகன் 695 பிராசஸர்

அட்ரினோ 619L GPU

8 ஜிபி ரேம்

128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 மற்றும் கலர்ஒஎஸ் 13

ஹைப்ரிட் டூயல் சிம் ஸ்லாட்

108MP பிரைமரி கேமரா

2MP டெப்த் கேமரா

2MP மைக்ரோஸ்கோப் கேமரா

32MP செல்ஃபி கேமரா

இன்-டிஸ்ப்ளே கைரேகை சென்சார்

யுஎஸ்பி டைப் சி ஆடியோ

ஸ்டீரியோ ஸ்பீக்கர்கள்

5ஜி, டூயல் 4ஜி வோல்ட்இ, வைபை, ப்ளூடூத்

யுஎஸ்பி டைப் சி

4800 எம்ஏஹெச் பேட்டரி

67 வாட் சூப்பர்வூக் ஃபாஸ்ட் சார்ஜிங்

விலை மற்றும் விற்பனை விவரங்கள்:

ஒப்போ ரெனோ8 T 5ஜி ஸ்மார்ட்போன் மிட்நைட் பிளாக் மற்றும் சன்ரைஸ் கோல்டு என இரண்டு விதமான நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 29 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை பிப்ரவரி 10 ஆம் தேதி ப்ளிப்கார்ட் மற்றும் ஒப்போ இந்தியா ஸ்டோரில் நடைபெற இருக்கிறது. இந்த ஸ்மார்ட்போனிற்கான முன்பதிவு ஏற்கனவே துவங்கி நடைபெற்று வருகிறது.

ஒப்போ நிறுவனம் இந்திய சந்தையில் தனது ரெனோ 8T 5ஜி ஸ்மார்ட்போன் பிப்ரவரி 3 ஆம் தேதி அறிமுகமகாகும் என அறிவித்த கையோடு மற்றொரு அறிவிப்பையும் வெளியிட்டுள்ளது. அதன்படி புது ரெனோ 5ஜி ஸ்மார்ட்போனுடன் என்கோ ஏர் 3 ட்ரூ வயர்லெஸ் இயர்போன் இந்தியாவில் பிப்ரவரி 3 ஆம் தேதி அறிமுகம் செய்யப்பட இருக்கிறது.

புது ஒப்போ என்கோ ஏர் 3 ஒப்போ கடந்த ஆண்டு அறிமுகம் செய்த என்கோ ஏர் 2 மாடலின் மேம்பட்ட வெர்ஷன் ஆகும். இதில் முந்தைய வெர்ஷனை விட மேம்பட்ட அம்சங்கள் வழங்கப்படும் என எதிர்பார்க்கலாம். இதுதவிர ஒப்போ நிறுவனம் தனது புது ட்ரூ வயர்லெஸ் இயர்போனின் முக்கிய அம்சங்களை டீசர்களாக வெளியிட்டு உள்ளது.

அதன்படி ஒப்போ என்கோ ஏர் 3 மாடலில் ஆப்பிள் ஏர்பாட்ஸ் போன்ற டிசைன், சிறிய ஸ்டெம் கொண்டிருக்கிறது. இத்துடன் பெபில் வடிவ சார்ஜிங் கேஸ், டிரான்ஸ்பேரண்ட் மூடி உள்ளது. இந்த ட்ரூ வயர்லெஸ் இயர்போன்களில் IP54 தர டஸ்ட் மற்றும் வாட்டர் ரெசிஸ்டண்ட் வசதி கொண்டிருக்கிறது. என்கோ ஏர் 3 மாடலில் ஹைபை 5 DSP பிராசஸர் வழங்கப்படுகிறது.

இது முந்தைய மாடலை விட நீண்ட நேர பேட்டரி பேக்கப் வழங்குகிறது. இத்துடன் 47ms அல்ட்ரா-லோ லேடன்சி, DNN நாய்ஸ் கேன்சலேஷன் வசதி கொண்டிருக்கிறது. இத்துடன் முழு சார்ஜ் செய்தால் 31 மணி நேர பேட்டரி லைஃப், ஒவ்வொரு இயர்பட்-ம் அதிகபட்சம் ஆறு மணி நேரத்திற்கு பேட்டரி லைஃப் வழங்குகிறது.

இவைதவிர புது என்கோ ஏர் 3 பற்றி வேறு எந்த தகவலும் வெளியாகவில்லை. ஒப்போ ரெனோ 8T 5ஜி ஸ்மார்ட்போனில் 120Hz வளைந்த டிஸ்ப்ளே, மத்தியில் பன்ச் ஹோல் கட்-அவுட், 108MP போர்டிரெயிட் கேமரா, 4800 எம்ஏஹெச் பேட்டரி, 67 வாட் ஃபாஸ்ட் சார்ஜிங் வசதி வழங்கப்படுகிறது.

ஒப்போ நிறுவனத்தின் புதிய ஒப்போ A78 5ஜி ஸ்மார்ட்போன் இந்திய சந்தையில் அறிமுகம் செய்யப்பட்டு இருக்கிறது. இதில் 6.56 இன்ச் HD+ ஸ்கிரீன், 90Hz ரிப்ரெஷ் ரேட், மீடியாடெக் டிமென்சிட்டி 700 பிராசஸர், ஆண்ட்ராய்டு 13 மற்றும் கலர் ஒஎஸ் 13 கொண்டிருக்கிறது.

புகைப்படங்களை எடுக்க 50MP பிரைமரி கேமரா, 2MP போர்டிரெயிட் கேமரா, 8MP செல்ஃபி கேமரா வழங்கப்படுகிறது. இந்த ஸ்மார்ட்போன் 8 ஜிபி ரேம், 8 ஜிபி விர்ச்சுவல் ரேம் மற்றும் ரேம் எக்ஸ்பான்ஷன் வழங்கப்படுகிறது. இதன் பின்புறம் கேமரா மாட்யுலை சுற்றி பாலிஷ் செய்யப்பட்ட ரிங்குகள் உள்ளன. பக்கவாட்டில் கைரேகை சென்சார், 5000 எம்ஏஹெச் பேட்டரி, 33 வாட் சூப்பர்வூக் ஃபாஸ்ட் சார்ஜிங் மற்றும் யுஎஸ்பி டைப் சி வழங்கப்படுகிறது.

ஒப்போ A78 5ஜி அம்சங்கள்:

6.5 இன்ச் 1612x720 பிக்சல் HD+ LCD ஸ்கிரீன், 90Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 700 பிராசஸர்

மாலி-G57 MC2 GPU

8 ஜிபி LPDDR4X ரேம், 128 ஜிபி UFS 2.2 மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 மற்றும் கலர் ஒஎஸ் 13

டூயல் சிம்

50MP பிரைமரி கேமரா

2MP போர்டிரெயிட் கேமரா, எல்இடி ஃபிளாஷ்

8MP செல்ஃபி கேமரா

பக்கவாட்டில் கைரேகை சென்சார்

5ஜி, டூயல் 4ஜி வோல்ட்இ, வைபை, ப்ளூடூத் 5.3

யுஎஸ்பி டைப் சி

5000 எம்ஏஹெச் பேட்டரி

33 வாட் சூப்பர்வூக் ஃபாஸ்ட் சார்ஜிங்

விலை மற்றும் விற்பனை விவரங்கள்:

ஒப்போ A78 5ஜி ஸ்மார்ட்போன் குலோயிங் புளூ மற்றும் குலோயிங் பிளாக் என இரண்டு நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 18 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை ரிடெயில் அவுட்லெட், ஒப்போ இ ஸ்டோர் மற்றும் அமேசானில் ஜனவரி 18 ஆம் தேதி துவங்குகிறது. தேர்வு செய்யப்பட்ட வங்கி கார்டுகளுக்கு அதிகபட்சம் 10 சதவீதம் கேஷ்பேக் மற்றும் ஆறு மாதங்களுக்கு தவணை முறை வசதி வழங்கப்படுகிறது.

ஒப்போ வாட்ச் 3 மாடலின் சர்வதேச வெளியீடு பற்றி இதுவரை அந்நிறுவனம் எந்த விதமான அறிவிப்பும் வெளியிடவில்லை. எனினும், இந்திய சந்தையில் ஒப்போ வாட்ச் 3 மார்ச் மாத இறுதியிலோ அல்லது ஏப்ரல் மாத துவக்கத்திலோ அறிமுகம் செய்யப்படும் என தகவல் வெளியாகி உள்ளது. எனினும், இந்த வாட்ச் பற்றி எவ்வித தகவலும் இல்லை.

சர்வதேச சந்தையில் முதல் தலைமுறை ஒப்போ வாட்ச் மாடல் 2020 வாக்கில் சர்வதேச சந்தையில் அறிமுகமானது. இந்த சாதனம் மெயின்லேண்ட் சீனா மற்றும் இதர பகுதிகளில் வெவ்வேறு பிராசஸர்களை கொண்டிருந்தது. ஒப்போ வாட்ச் 2 சீரிஸ் சீன சந்தையில் மட்டும் பிரத்யேகமாக விற்பனை செய்யப்பட்டது. இந்த நிலையில், தற்போது வெளியாகி இருக்கும் தகவல்களில் ஒப்போ வாட்ச் 3 மாடல் சர்வதேச சந்தையில் அறிமுகமாகும் என கூறப்படுகிறது.

முதல் தலைமுறை ஒப்போ வாட்ச் மாடல் வெவ்வேறு பிராசஸர்களை கொண்டிருந்த நிலையில், ஒப்போ வாட்ச் 3 மாடல் சர்வதேச சந்தையில் வித்தியாசமான பிராசஸர் கொண்டிருக்கும் என எதிர்பார்க்கலாம். மெயின்லேண்ட் சீனாவுக்கு வெளியில் ஒப்போ வாட்ச் SE மாடல் ஒப்போ வாட்ச் 3 பெயரில் அறிமுகம் செய்யப்படும் என தகவல் வெளியாகி உள்ளது. இதன் மூலம் இந்த ஸ்மார்ட்வாட்ச் விலையை கடும் போட்டியை ஏற்படுத்தும் வகையில் ஒப்போ நிர்ணயம் செய்ய முடியும்.

ஆண்ட்ராய்டு தளத்தில் ஸ்மார்ட்வாட்ச் வாங்குவோர் தேர்வு செய்யும் மாடல்களில் முதன்மையான தேர்வாக கேலக்ஸி வாட்ச் 4 மற்றும் கேலக்ஸி வாட்ச் 5 உள்ளன. இவை தவிர ஃபாசில் ஜென் 6 வெல்னஸ் எடிஷன் மற்றும் கூகுள் பிக்சல் வாட்ச் மாடல்கள் இதர தேர்வுகளாக உள்ளன. எனினும், இரு மாடல்கள் தேர்வு செய்யப்பட்ட நாடுகளில் மட்டுமே விற்பனை செய்யப்பட்டு வருகின்றன. கேலக்ஸி வாட்ச் மாடல்கள் அனைத்து பகுதிகளிலும் கிடைக்கின்றன.

ஒப்போ வாட்ச் 3 மற்றும் ஒப்போ வாட்ச் SE என இரு மாடல்களிலும் தலைசிறந்த ஹார்டுவேர் உள்ளது. இவற்றில் முறையே ஸ்னாப்டிராகன் W5 சிப், ஸ்னாப்டிராகன் 4100 பிளஸ் பிராசஸர்கள் வழங்கப்பட்டுள்ளன. இவற்றுடன் கோ பிராசஸர்களான அப்போலோ 4 பிளஸ் மற்றும் அப்போலோ 4s வழங்கப்படுகின்றன. மேலே உள்ள பிராசஸர் வியர் ஒஎஸ் 3.0-ஐ சீராக இயக்கும் திறன் கொண்டுள்ளன.

அந்த வகையில் ஒப்போ இரு ஸ்மார்ட்வாட்ச்களில் எதை அறிமுகம் செய்தாலும், சர்வதேச சந்தையில் சாம்சங் கேலக்ஸி வாட்ச் மாடல்களுக்கு கடும் போட்டியை ஏற்படுத்தும். ஒப்போ வாட்ச் 3 சர்வதேச வெளியீடு பற்றி தகவல்கள் வரும் நாட்களில் வெளியாகும் என எதிர்பார்க்கலாம்.

சாம்சங், ஒன்பிளஸ் நிறுவனங்களின் வரிசையில் ஒப்போ நிறுவனமும் தனது ஃபிளாக்‌ஷிப் ஸ்மார்ட்போன் மாடல்களுக்கு ஐந்து ஆண்டுகளுக்கு அப்டேட் வழங்க இருக்கிறது. ஒப்போ வெளியிட இருக்கும் ஃபிளாக்‌ஷிப் ஸ்மார்ட்போன்களுக்கு நான்கு மிக முக்கிய கலர்ஒஎஸ் அப்டேட்கள் வழங்கப்படுகிறது. இதுபற்றிய அறிவிப்பை ஒப்போ நிறுவனம் தனது கலர்ஒஎஸ் மைக்ரோசைட்-இல் வெளியிட்டு இருக்கிறது.

ஃபிளாக்‌ஷிப் ஸ்மார்ட்போன்களுக்கு நான்கு கலர்ஒஎஸ் அப்டேட்கள் வழங்கப்பட்டாலும், இந்த மாடல்களுக்கு அதிகபட்சமாக ஐந்து ஆண்டுகளுக்கு செக்யுரிட்டி பேட்ச் வழங்க ஒப்போ முடிவு செய்து இருக்கிறது. இந்த அப்டேட் வழங்கும் நடைமுறை ஒப்போ நிறுவனம் ஏற்கனவே அறிமுகம் செய்த ஃபிளாக்‌ஷிப் மாடல்களுக்கு பொருந்தாது. எனினும், எதிர்காலத்தில் வெளியாகும் தேர்வு செய்யப்பட்ட ஃபிளாக்‌ஷிப் ஸ்மார்ட்போன்களுக்கு மட்டும் இந்த அப்டேட் முறை பொருந்தும்.

அந்த வகையில், ஒப்போ நிறுவனத்தின் தற்போதைய ஃபிளாக்‌ஷிப் ஸ்மார்ட்போன்களான ஒப்போ ஃபைண்ட் X5, ஃபைண்ட் X5 ப்ரோ மற்றும் இதர மாடல்களுக்கு இந்த நடைமுறை பொருந்தாது. இந்த ஆகஸ்ட் மாதம் வெளியான கலர்ஒஎஸ் 13 உலகளவில் ஒப்போ விற்பனை செய்த 33 ஸ்மார்ட்போன் மாடல்களுக்கு வழங்கப்பட்டு இருக்கிறது. இது வேகமான மற்றும் மிகப்பெரிய கலர்ஒஎஸ் அப்டேட் ஆகும்.

கடைசியாக ஒப்போ வெளியிட்ட கலர்ஒஎஸ் அப்டேட் ஆண்ட்ராய்டு 13 சார்ந்து உருவாக்கப்பட்டு இருக்கிறது. இதன் டிசைன் எளிமை மற்றும் சவுகரியத்தை கருத்தில் கொண்டு வடிவமைக்கப்பட்டு உள்ளது. கலர்ஒஎஸ் 13 அப்டேட் மென்மையான, அதிக இயற்கையாக, அழகான அனிமேஷன்கள் நிறைந்து இருக்கிறது. இதில் முற்றிலும் புதிய அக்வாமார்ஃபிக் டிசைன், ஸ்மார்ட் AOD, மல்டி-ஸ்கிரீன் கனெக்ட் மற்றும் பல்வேறு அம்சங்கள் உள்ளன.

ஒப்போ நிறுவனம் தனது ஃபைண்ட் N2 சீரிஸ் வெளியீட்டை உறுதிப்படுத்தி இருக்கிறது. அதன்படி டிசம்பர் 15 ஆம் தேதி புதிய ஒப்போ ஃபைண்ட் N2 சீரிஸ் சீன சந்தையில் அறிமுகம் செய்யப்பட இருக்கிறது. இதில் ஃபைண்ட் N2 மற்றும் ஃபைண்ட் N2 ஃப்ளிப் என இரு மாடல்கள் இடம்பெற்று இருக்கும் என கூறப்படுகிறது. இதில் ஃபைண்ட் N2 மாடல் அந்நிறுவனம் கடந்த ஆண்டு அறிமுகம் செய்த மடிக்கக்கூடிய ஸ்மார்ட்போனின் மேம்பட்ட வெர்ஷன் ஆகும்.

இந்த ஆண்டு ஃபைண்ட் N2 மாடலுடன் தனது முதல் ஃப்ளிப் போனை ஒப்போ அறிமுகம் செய்து இருக்கிறது. இரு ஸ்மார்ட்போன்களை உறுதிப்படுத்தும் வகையில் டீசர் வீடியோவை ஒப்போ வெளியிட்டு உள்ளது. அதன்படி ஒப்போ ஃபைண்ட் N2 மாடலில் டூயல் E6 AMOLED டிஸ்ப்ளே, மடிக்கக்கூடிய ஸ்கிரீன்களில் முற்றிலும் புதிய தொழில்நுட்பங்கள் மற்றும் ஜீரோ கிரீஸ் கொண்ட ஹின்ஜ் வழங்கப்படுகிறது.

இத்துடன் மிக குறைந்த எடை கொண்ட கார்பன் ஃபைபர் ஃபிரேம், இண்டகிரேட் மார்டைஸ் மற்றும் டெனான் டிசைன், மூன்று பிரைமரி கேமரா சென்சார்கள், ஸ்னாப்டிராகன் 8 பிளஸ் ஜென் 1 பிராசஸர் வழங்கப்படும் என தெரிகிறது. ஃபைண்ட் N2 மாடல் மிக குறைந்த எடை கொண்ட ஃபோல்டபில் போன் என்ற பெருமையை பெறும் என தெரிகிறது.

இதன் எடை 233 கிராம் ஆகும். ஸ்மார்ட்போனின் பாகங்களை மறு கட்டமைப்பு செய்து, புதுமையான பொருட்களை கொண்டு இந்த நிலையை எட்டியதாக ஒப்போ தெரிவித்து இருக்கிறது. முன்னதாக ஹானர் மேஜிக் Vs மாடல் 261 கிராம் எடையுடன் மிகவும் எடை குறைந்த ஃபோல்டபில் போன் என்ற பெருமையை பெற்று இருந்தது குறிப்பிடத்தக்கது.

ஒப்போ நிறுவனம் கடந்த ஆண்டு நடைபெற்ற ஒப்போ இன்னோ டே நிகழ்வில் தனது முதல் போல்டபில் சாதனத்தை அறிமுகம் செய்தது. ஒப்போ ஃபைண்ட் N பெயரில் அறிமுகம் செய்யப்பட்ட சாதனத்தின் மேம்பட்ட வெர்ஷன் இம்மாதம் அறிமுகம் செய்யப்பட உள்ளது. இந்த மாடல் ஒப்போ ஃபைண்ட் N2 ஃப்ளிப் என அழைக்கப்பட இருக்கிறது.

இந்த நிலையில், புதிய ஒப்போ ஃபைண்ட் N2 ஃப்ளிப் மாடல் hands-on வீடியோ வெய்போ தளத்தில் வெளியாகி உள்ளது. இதில் புதிய மடிக்கக்கூடிய ஸ்மார்ட்போன் எப்படி காட்சியளிக்கும் என தெரியவந்துள்ளது. அறிமுகம் செய்யப்படாத டெஸ்ட் சாதனங்களை போன்றே ஃபைண்ட் N2 ஃப்ளிப் மாடலிலும் பாதுகாப்பிற்கு கேஸ் பொருத்தப்பட்டு இருக்கிறது. இந்த மாடலில் சிறிய இன்னர் டிஸ்ப்ளே வழங்கப்பட்டு இருக்கிறது.

இதுதவிர பன்ச் ஹோல் ரக கட்-அவுட், 32MP செல்ஃபி கேமரா, 6.8 இன்ச் ஃபோல்டிங் டிஸ்ப்ளே, பக்கவாட்டில் கைரேகை சென்சார், வலது புறத்தில் வால்யூம் பட்டன்கள் வழங்கப்படுகின்றன. இதன் வெளிப்புற டிஸ்ப்ளே மற்ற ஃப்ளிப் ரக போல்டபில் போனை விட பெரியதாக காட்சியளிக்கிறது. அதன்படி புது மாடலில் 3.26 இன்ச் அளவில் கவர் டிஸ்ப்ளே வழங்கப்படும் என தெரிகிறது.

வெளிப்புற டிஸ்ப்ளே அருகில் 50MP பிரைமரி கேமரா, 8MP அல்ட்ரா வைடு லென்ஸ் காணப்படுகிறது. முந்தைய தகவல்களின் படி ஒப்போ ஃபைண்ட் N2 ஃப்ளிப் மாடலில் மீடியாடெக் டிமென்சிட்டி 9000+ பிராசஸர், 4300 எம்ஏஹெச் பேட்டரி, 44 வாட் ஃபாஸ்ட் சார்ஜிங் வசதி வழங்கப்படுகிறது.

ஒப்போ நிறுவனம் "2022 இன்னோ டே" நிகழ்வை அடுத்த மாதம் நடத்த இருக்கிறது. இந்த நிகழ்வில் ஒப்போ நிறுவனம் தனது அடுத்த தலைமுறை மடிக்கக்கூடிய ஸ்மார்ட்போன் மாடல்களை அறிமுகம் செய்யலாம் என டிப்ஸ்டர் டிஜிட்டல் சாட் ஸ்டேஷன் தெரிவித்து இருக்கிறது.

கடந்த ஆண்டு டிசம்பர் 14 ஆம் தேதி 2021 இன்னோ டே நிகவ்வு நடைபெற்றது. இதில் ஒப்போ நிறுவனம் ஏராளமான புது தொழில்நுட்பங்கள் - மரிசிலிகான் X NPU, ஒப்போ ஏர் கிலாஸ், ஒப்போ ஃபைண்ட் N மடிக்கக்கூடிய ஸ்மார்ட்போன் உள்ளிட்டவைகளை அறிவித்தது. கடந்த ஆண்டை போன்றே இந்த முறையும் ஒப்போ புதிய தொழில்நுட்பங்களை தனது 2022 இன்னோ டே நிகழ்வில் அறிவிக்கும் என எதிர்பார்க்கலாம்.

டிஜிட்டல் சாட் ஸ்டேஷன் தனது வெய்போவில் வெளியிட்டு இருக்கும் தகவல்களின் படி ஒப்போ இன்னோ டே 2022 நிகழ்வு டிசம்பர் மாத மத்தியில் நடைபெறும் என கூறப்படுகிறது. இந்த நிகழ்வில் ஏராளமான புது சாதனங்கள் அறிவிக்கப்படும். இதே நிகழ்வில் ஃபைண்ட் N2, ஃபைண்ட் N2 ஃப்ளிப் போன்ற மடிக்கக்கூடிய சாதனங்கள் அறிமுகம் செய்யப்படும் என குறிப்பிடப்பட்டு இருக்கிறது.

இதுவரை வெளியாகி இருக்கும் தகவல்களின் படி ஒப்போ ஃபைண்ட் N2 மாடலில் 7.1 இன்ச் அளவில் உள்புறமாக மடிக்கக்கூடிய டிஸ்ப்ளே, 5.5 இன்ச் OLED கவர் டிஸ்ப்ளே, FHD+ ரெசல்யூஷன், 120Hz ரிப்ரெஷ் ரேட், ஸ்னாப்டிராகன் 8 பிளஸ் ஜென் 1 பிராசஸர், 4520 எம்ஏஹெச் பேட்டரி, 67 வாட் ஃபாஸ்ட் சார்ஜிங் வசதி வழங்கப்படுகிறது.

புகைப்படங்களை எடுக்க 32MP செல்ஃபி கேமரா, உள்புறத்தில் 32MP கேமரா, 50MP பிரைமரி கேமரா, 48MP அல்ட்ரா வைடு கேமரா, 32MP டெலிபோட்டோ கேமரா வழங்கப்படும் என கூறப்படுகிறது. இந்த ஃபோல்டபில் ஸ்மார்ட்போனின் எடை 240 கிராம்களுக்கும் குறைவாக இருக்கும் என்றும் இது பிளாக், வைட் மற்றும் கிரீன் என மூன்று நிறங்களில் கிடைக்கும் என கூறப்படுகிறது.

ஒப்போ நிறுவனம் இந்த ஆண்டு பிப்ரவரி மாத வாக்கில் 240 வாட் பாஸ்ட் சார்ஜிங் தொழில்நுட்பத்தை அறிமுகம் செய்து இருந்தது. புதிய பாஸ்ட் சார்ஜிங் வசதியை ஒப்போ நிறுவனம் அடுத்த ஆண்டு சந்தைக்கு கொண்டுவரும் என எதிர்பார்க்கப்படுகிறது. இது குறித்து டிப்ஸ்டர் வெளியிட்டு இருக்கும் தகவல்களில் 240 வாட் பாஸ்ட் சார்ஜிங் கொண்ட ஸ்மார்ட்போன் அடுத்த ஆண்டு அறிமுகம் செய்யப்படும் என குறிப்பிடப்பட்டு இருக்கிறது.

ஒப்போ நிறுவனம் தற்போது ஒப்போ ரெனோ 9 சீரிஸ் மற்றும் ஒப்போ ஃபைண்ட் X6 சீரிஸ் மாடல்களை உருவாக்கும் பணிகளில் ஈடுபட்டு வருகிறது. இவற்றில் எந்த ஸ்மார்ட்போன்களில் இத்தகைய பாஸ்ட் சார்ஜிங் வசதி வழங்கப்படும் என்பது கேள்விக்குறியாகவே உள்ளது.

டிப்ஸ்டரான அபிஷேக் யாதவ் தனது ட்விட்டரில் வெளியிட்டு இருக்கும் தகவல்களில், ஒப்போ நிறுவனம் 240 வாட் சூப்பர்வூக் பாஸ்ட் சார்ஜிங் வசதி கொண்ட ஸ்மார்ட்போன் 2023 வாக்கில் அறிமுகம் செய்யப்படும் என தெரிகிறது. முன்னதாக இந்த தொழில்நுட்பத்தை ஒப்போ இந்த ஆண்டு துவக்கத்தில் அறிமுகம் செய்து இருந்தது. இந்த தொழில்நுட்பம் கொண்டு 4500 எம்ஏஹெச் பேட்டரி கொண்ட ஸ்மார்ட்போனை 9 நிமிடங்களில் முழுமையாக சார்ஜ் செய்துவிட முடியும்.

முற்றிலும் புதிய 240 வாட் பாஸ்ட் சார்ஜிங் வசதி எந்த ஒப்போ ஸ்மார்ட்போனில் வழங்கப்படும் என்பது கேள்விக்குறியாகவே உள்ளது. ஒப்போ ரெனோ 9 சீரிசில் - வென்னிலா ஒப்போ ரெனோ 9, ஒப்போ ரெனோ 9 ப்ரோ மற்றும் ஒப்போ ரெனோ 9 ப்ரோ பிளஸ் போன்ற மாடல்கள் இடம்பெற்று இருக்கும் என தெரிகிறது.

அம்சங்களை பொருத்தவரை ஒப்போ ரெனோ 9 ப்ரோ பிளஸ் மாடலில் 6.7 இன்ச் FHD+ AMOLED டிஸ்ப்ளே, 120Hz ரிப்ரெஷ் ரேட், ஸ்னாப்டிராகன் 8 பிளஸ் ஜென் 1 பிராசஸர், 50MP பிரைமரி கேமரா, 32MP செல்பி கேமரா, 4700 எம்ஏஹெச் பேட்டரி வழங்கப்படும் என கூறப்படுகிறது. இத்துடன் 80 வாட் பாஸ்ட் சார்ஜிங் வசதி வழங்கப்படலாம்.

ஒப்போ நிறுவனம் தனது ஹை-எண்ட் A சீரிசில் அறிமுகம் செய்ய புது ஸ்மார்ட்போனை உருவாக்கி வருவதாக தகவல் வெளியாகி உள்ளது. இந்த ஸ்மார்ட்போன் 108MP பிரைமரி கேமரா, 67 வாட் பாஸ்ட் சார்ஜிங், அதிக ஸ்கிரீன்-டு-பாடி ரேஷியோ போன்ற அம்சங்களை கொண்டிருக்கும் என கூறப்படுகிறது.

உண்மையில் இந்த ஸ்மார்ட்போன் எந்த பெயரில் விற்பனைக்கு வரும் என்பது கேள்விக்குறியாகவே உள்ளது. எனினும், ஒப்போ A சீரிஸ் மாடல்கள் எண்ட்ரி-லெவல் அல்லது பட்ஜெட் பிரிவிலேயே அறிமுகம் செய்யப்பட்டு வருகின்றன. இந்த மாதத்தில் மட்டும் ஒப்போ நிறுவனம் மூன்று A சீரிஸ் ஸ்மார்ட்போகளை இந்திய சந்தையில் அறிமுகம் செய்து இருக்கிறது.

டிப்ஸ்டரான டிஜிட்டல் சாட் ஸ்டேஷன் வெய்போவில் வெளியிட்டு இருக்கும் தகவல்களில், ஒப்போ நிறுவனம் புதிய A சீரிஸ் ஸ்மார்ட்போனினை உருவாக்கி வருவதாக குறிப்பிடப்பட்டு இருக்கிறது. மேலும் இந்த ஸ்மார்ட்போன் உயர்-ரக அம்சங்களை கொண்டிருக்கும் என்றும் இதுவரை வெளியான A சீரிஸ் மாடல்களில் இல்லாத அளவுக்கு அதிக ஸ்கிரீன் டு பாடி ரேஷியோ வழங்கப்படும் என கூறப்படுகிறது.

புதிய ஒப்போ ஸ்மார்ட்போன் வளைந்த டிஸ்ப்ளே, 2160Hz பல்ஸ்-விட்த் மாட்யுலேஷன் டிம்மிங் வசதி கொண்டிருக்கிறது. இது ஸ்கிரீன் ஃப்ளிக்கர் ஆகாமல் பார்த்துக் கொள்வதோடு சீரான டிஸ்ப்ளே அனுபவத்தை வழங்குகிறது. மேலும் இந்த ஸ்மார்ட்போனில் பன்ச் ஹோல் ரக டிஸ்ப்ளே, 108MP பிரைமரி கேமரா வழங்கப்படுகிறது. இத்துடன் 67 வாட் பாஸ்ட் சார்ஜிங் வசதி கொண்டுள்ளது.

ஒப்போ நிறுவனம் தனது முதல் கிளாம்ஷெல் ரக ஸ்மார்ட்போனினை அறிமுகம் செய்ய இருப்பதாக தகவல் வெளியாகி உள்ளது. இந்த ஸ்மார்ட்போன் மடிக்கக்கூடிய ஸ்கிரீன் கொண்டிருக்கும் என்றும் டிசம்பர் மாத வாக்கில் இந்த மாடல் அறிமுகம் செய்யப்படும் என்றும் கூறப்படுகிறது. புதிய ஒப்போ போல்டபில் ஸ்மார்ட்போனின் பெயர் பற்றி இதுவரை எந்த தகவலும் வெளியாகிவில்லை.

எனினும், இந்த ஸ்மார்ட்போன் ஒப்போ ஃபைண்ட் N ப்ளிப் எனும் பெயரில் சீன சந்தையில் அறிமுகம் செய்யப்படும் என கூறப்படுகிறது. புதிய ஒப்போ ஃபைண்ட் N ப்ளிப் மாடல் அம்சங்களை டிப்ஸ்டரான டிஜிட்டல் சாட் ஸ்டேஷன் வெளியிட்டு இருக்கிறது. முன்னதாக இந்த ஸ்மார்ட்போன் ஸ்னாப்டிராகன் 8 பிளஸ் ஜென் 1 பிராசஸர் கொண்டிருக்கும் என தெரிவிக்கப்பட்டு இருந்தது.

டிராகன்ஃபிளை எனும் குறியீட்டு பெயரில் உருவாக்கப்பட்டு வரும் ஒப்போ ஃபைண்ட் N ப்ளிப் மடிக்கக்கூடிய ஸ்மார்ட்போன் பிளாக், வைட் மற்றும் பர்பில் என மூன்று வித நிறங்களில் கிடைக்கும் என கூறப்படுகிறது. மேலும் இந்த ஸ்மார்ட்போன் சாம்சங் கேலக்ஸி Z ப்ளிப் 4, மோட்டோ ரேசர் 2022 மற்றும் ஹூவாய் P50 பாக்கெட் நியூ போன்ற மாடல்களுக்கு போட்டியாக அமையும் என தெரிகிறது.

தற்போது வெளியாகி இருக்கும் தகவல்களில் ஒப்போ ஃபைண்ட் N ப்ளிப் மாடலில் 6.8 இன்ச் மடிக்கக்கூடிய OLED பேனல், 3.26 இன்ச் வெளிப்புற டிஸ்ப்ளே, 2520x1080 பிக்சல் ரெசல்யூஷன் கொண்டிருக்கும் என்றும் இந்த ஸ்மார்ட்போனில் 4300 எம்ஏஹெச் பேட்டரி வழங்கப்படும் என குறிப்பிடப்பட்டு இருக்கிறது. இத்துடன் 32MP பிரைமரி கேமரா, 50MP சென்சார், 8MP அல்ட்ரா வைடு லென்ஸ் வழங்கப்படுகிறது.

முன்னதாக கடந்த ஆண்டு டிசம்பர் மாத வாக்கில் ஒப்போ நிறுவனம் தனது முதல் மடிக்கக்கூடிய ஸ்மார்ட்போன் மாடலாக- ஒப்போ ஃபைண்ட் N-ஐ அறிமுகம் செய்தது. அந்த வகையில் இந்த ஸ்மார்ட்போனின் மேம்பட்ட வெர்ஷன் ஒப்போ ஃபைண்ட் N2 பெயரில் இந்த ஆண்டு டிசம்பர் மாத வாக்கில் அறிமுகம் செய்யப்படும் என கூறப்படுகிறது. மேலும் இந்த ஸ்மார்ட்போனில் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படும் என்றும் கூறப்படுகிறது.