ஊட்டி பகுதியில் வளர்ச்சி பணிகளை கலெக்டர் ஆய்வு

ஊட்டி:

ஊட்டி ஊராட்சிக்கு உட்பட்ட மஞ்சனக்கொரை பகுதியில் வேளாண் பொறியியல் துறை சார்பில், ரூ.22.88 லட்சம் மதிப்பில் கட்டி முடிக்கப்பட்ட பல்வேறு வளர்ச்சி திட்ட பணிகளை கலெக்டர் இன்னசென்ட் திவ்யா நேரில் ஆய்வு செய்தார். 

மஞ்சனக்கொரை பகுதிகளில் அணை புனரமைப்பு மற்றும் பராமரிப்பு திட்டத்தின் கீழ், ரூ.11 லட்சம் மதிப்பில் கட்டப்பட்ட 65 மீட்டர் நீளமுள்ள நிலச்சரிவு தடுப்புச்சுவர், ரூ.88 ஆயிரம் செலவில் அமைக்கப்பட்ட தடுப்புச்சுவர், ரூ.11 லட்சம் மதிப்பில் கட்டப்பட்ட 2 வண்டல் மண் தடுப்பணைகள் ஆகியவற்றை கலெக்டர் ஆய்வு மேற்கொண்டார். 

இந்த ஆய்வில் வேளாண் பொறியியல் துறை செயற்பொறியாளர் சோமசுந்தரம், உதவி பொறியாளர் ரவிசந்திரன் உள்பட பலர் கலந்து கொண்டனர்.