என் மலர்

    நீங்கள் தேடியது "development"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பரமத்தி வட்டாரத்தில் வேளாண்மை உழவர் நலத்துறையின் கீழ் செயல்படுத்தப்படும் திட்டப்பணிகளை குடுமியான் மலை, சமிதி-ஸ்டாமின் இயக்குநர் சங்கரலிங்கம் ஆய்வு மேற்கொண்டார்.
    • கலைஞரின் அனைத்து கிராம ஒருங்கிணைந்த வேளாண் வளர்ச்சி திட்டத்தின் கீழ் இருட்டணை கிராமத்தில் செயல்படுத்தப்படும் தரிசு நிலத்தொகுப்பு ஆய்வு செய்தார்.

    பரமத்தி வேலூர்:

    நாமக்கல் மாவட்டம் பரமத்தி வேலூர் தாலுகா பரமத்தி வட்டாரத்தில் வேளாண்மை உழவர் நலத்துறையின் கீழ் செயல்படுத்தப்படும் திட்டப்பணிகளை குடுமியான் மலை, சமிதி-ஸ்டாமின் இயக்குநர் சங்கரலிங்கம் ஆய்வு மேற்கொண்டார். ச.செருக்கலை, இருட்டணை, மேல்சாத்தம்பூர், குன்னமலை வருவாய் கிராமங்களில் இந்த ஆய்வு நடந்தது. அப்போது செருக்கலை கிராமத்தில் தரிசு நில மேம்பாடு தொகுப்பில் பருத்தி, சோளம், ஆமணக்கு பயிர்களின் வளர்ச்சி அதன் மூலம் விவசாயிகள் பெற்ற பலன்களை ஆய்வு செய்தார்.

    கலைஞரின் அனைத்து கிராம ஒருங்கிணைந்த வேளாண் வளர்ச்சி திட்டத்தின் கீழ் இருட்டணை கிராமத்தில் செயல்படுத்தப்படும் தரிசு நிலத்தொகுப்பு ஆய்வு செய்தார். ஆய்வின் போது விவசாயி சுமதி தனது நிலத்தில் உள்ள சீமை கருவேல் மரங்களை வயலில் இருந்து வெட்டி எடுத்து மீண்டும் பயிர் செய்ய உள்ளதை எடுத்துக்கூறினார்.

    விதை கிராம திட்டத்தின் கீழ் மேல்சாத்தம்பூர் கிராமத்தில் நிலக்கடலை டி.எம்.வி-14 (சான்று விதை) விவசாயி சந்திரசேகர் பயிர் செய்துள்ளார் அவரது வயலில் ஆய்வு மேற்கொண்டு மேற்கொள்ளப்பட்ட தொழில் நுட்பங்களான விதை நேர்த்தி செய்தல், அடியுரம், மேலுரம், களவன்கள் களைதல், நுண்ணூட்டம் இடுதல், விதை கிராம திட்டத்தின் கீழ் பதிவுகள் செய்யும் பதிவேடுகளை ஆய்வு செய்தார்.

    விவசாயிகளுக்கு கோடைஉழவு, விதைசான்று பெற்ற விதைகளை பயன்படுத்துவது, விதை நேர்த்தி செய்தல், நுண்ணூட்டங்கள், பயறு வகை பயிர்களுக்கு டி.ஏ.பி கரைசல் தெளிப்பு, பருவத்திற்கேற்ற பயிர், பயிர் சுழற்சி, பயிர் இடைவெளியினை பராமரிப்பது, ஊற்றமேற்றிய தொழு உரமிடுதல், உயிர் உரங்களை பயன்படுத்துதல், நுண்ணீர் பாசனம், மழை நீரை சேமித்தல் போன்றவைகள் குறித்து விவசாயிகளுக்கு விளக்கமளித்தார். ஆய்வின்போது நாமக்கல் வேளாண்மை இணை இயக்குநர் அசோகன், வேளாண்மை துணை இயக்குநர்கள் ஜெகதீசன் (மத்தியத்திட்டம்),.ராஜ கோபால் (மாநிலத்திட்டம்) மற்றும் பரமத்தி வட்டார வேளாண்மை உதவி இயக்குநர் கோவிந்தசாமி, வேளாண்மை அலுவலர் பாபு, துணை வேளாண்மை அலுவலர் குழந்தைவேல், உதவி விதை அலுவலர்கள் மோகன்ராஜ், ராதாகிருஷ்ணன், உதவி வேளாண்மை அலுவலர்கள் நாகராஜன், பிரபு, பூபதி, கவுசல்யா ஆகியோர் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அரசின் அனுமதி கிடைத்ததும் நிதி ஒதுக்கப்பட்டு நெடுஞ்சாலைத்துறை மூலம் பணிகள் உடனே துவங்கும் என்றனர்.
    • அத்துடன் சுற்றுலா வளர்ச்சி சிறப்பு திட்டம், மத்திய அரசின் சிறப்பு திட்டங்களில் சுற்றுலா மேம்பாட்டு பணி நடந்து வருகிறது.

    தாராபுரம்:

    தமிழக சுற்றுலாத்துறை சார்பில் மாநில அளவில் 40 இடங்களில் மாவட்ட சுற்றுலா மையங்கள் அமைக்கப்பட்டுள்ளன.அத்துடன் சுற்றுலா வளர்ச்சி சிறப்பு திட்டம், மத்திய அரசின் சிறப்பு திட்டங்களில் சுற்றுலா மேம்பாட்டு பணி நடந்து வருகிறது.சுற்றுலா துறையில் மண்டலம் வாரியாக மேற்கொள்ள வேண்டிய பணிகள் குறித்து, நெடுஞ்சாலைத்துறையிடம் அறிக்கை கோரப்பட்டது. இதனால் தாராபுரத்தை மையமாக கொண்டு கோவை, திருப்பூர், திண்டுக்கல், ஈரோடு மாவட்டங்களுக்கு செல்லும் முக்கிய சாலைகள் சுற்றுலா தலங்களை இணைக்கும் சாலைகள் 12 கி.மீ., தூரம் மேம்படுத்த ரூ.21.84 கோடி மதிப்பீட்டில் கருத்துரு தயாரிக்கப்பட்டு உள்ளது.

    இது குறித்து சுற்றுலா துறை அதிகாரிகள் கூறுகையில், அரசின் அனுமதி கிடைத்ததும் நிதி ஒதுக்கப்பட்டு நெடுஞ்சாலைத்துறை மூலம் பணிகள் உடனே துவங்கும் என்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பாசம் தொண்டு நிறுவனம் ஒருங்கிணைப்பில் இந்திய அரசு கயிறு வாரியத்தின் மூலம் மலைவாழ் மக்களின் வாழ்வாதாரம் உயரும் வகையில் மத்திய அரசின் சிறு, குறு அமைச்சகம் சார்பில் வார விழா நடந்தது.
    • பர்கூர் மலைவாழ் மக்களின் வாழ்வாதாரம் உயர கயிறு வாரியம் செய்யும் உதவி, மாவட்ட தொழில் மையம் உதவி செய்தல் குறித்து அதனை பயன்படுத்தி மலைவாழ் பகுதி மக்கள் தங்கள் வளர்ச்சி அடைய வேண்டும்.

    அந்தியூர்:

    அந்தியூர் அடுத்த பர்கூர் ஊராட்சி தாமரை க்கரையில் பாசம் தொண்டு நிறுவனம் ஒருங்கிணைப்பில் இந்திய அரசு கயிறு வாரியத்தின் மூலம் மலைவாழ் மக்களின் வாழ்வாதாரம் உயரும் வகையில் மத்திய அரசின் சிறு, குறு அமைச்சகம் சார்பில் வார விழா நடந்தது.

    மாவட்ட தொழில் மையம் ஆய்வாளர் பிரபு தலைமை தாங்கினார். தாமரைக்கரை வனக்காப்பாளர் சீனி வாசன் முன்னிலை வகி த்தார். பாசம் தொண்டு நிறு வன நிர்வாக இயக்குனர் பாசம் மூர்த்தி வரவேற்றார்.பர்கூர் ஊராட்சி வார்டு உறுப்பினர் செல்வராஜ் வாழ்த்தி பேசினார்.

    தஞ்சாவூர் கயிறு மண்டல விரிவாக்க மைய அலுவலர் சத்தியன், தஞ்சாவூர் நார் சார்ந்த பயிற்சி அலுவலர் முரளிதரன் ஆகியோர் சிறப்புரையாற்றினர்.

    அவர்கள் பேசும் போது, பர்கூர் மலைவாழ் மக்களின் வாழ்வாதாரம் உயர கயிறு வாரியம் செய்யும் உதவி, மாவட்ட தொழில் மையம் உதவி செய்தல் குறித்து அதனை பயன்படுத்தி மலைவாழ் பகுதி மக்கள் தங்கள் வளர்ச்சி அடைய வேண்டும். இது குறித்து சந்தேகங்கள் இருப்பின் துறை சார்ந்த அதிகாரிகளை தொடர்பு கொண்டு இந்த திட்டத்தினை பயன்படுத்த வேண்டும் என கூறினர்.

    முடிவில் தஞ்சாவூர் கயிறு வாரியம் மகேந்திரன் நன்றி கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தெற்கு குளத்தூர் பகுதியில் ரூ.1.50 லட்சம் மதிப்பில் பணிகள் நடந்து வருகிறது.
    • பணி முடிவடையும்போது 4.80 ஹெக்டேர் பரப்பளவு பாசனங்கள் பயன்பெறும் என கலெக்டர் செந்தில்ராஜ் தெரிவித்தார்.

    தூத்துக்குடி:

    விளத்திகுளம் ஊராட்சி ஒன்றியம் மந்திகுளம் ஊராட்சிக்குட்பட்ட தெற்கு குளத்தூர் பகுதியில் வேளாண்மை மற்றும் உழவர் நலத்துறை சார்பில் பிரதமர் விவசாய நீர் பாசன திட்டம், நீர்வடி பகுதி மேம்பாட்டின் கீழ் ரூ.1.50 லட்சம் மதிப்பில் பணிகள் நடந்து வருகிறது.

    2.70 ஏக்கர் பரப்பளவில் இயறகை வள மேம்பாட்டு பணியின் கீழ் நடைபெற்று வரும் ஊரணி சீரமைக்கும் பணியினை கலெக்டர் செந்தில்ராஜ் நேரில் பார்வையிட்டார்.

    அப்போது பணி முடிவடையும்போது 4.80 ஹெக்டேர் பரப்பளவு பாசனங்கள் பயன்பெறும் என தெரிவித்தார்.

    அதனைத் தொடர்ந்து பூசனூர் ஊராட்சிக்குட்பட்ட பகுதியில் ரூ.2.86 லட்சம் மதிப்பில் 0.39 ஏக்கர் பரப்பளவில் தடுப்பணை அமைக்கும் பணியினை ஆய்வு செய்தார். இப்பணி முடிவடையும்போது 2.80 ஹெக்டேர் பரப்பளவு பாசனங்கள் பயன்பெறும்.

    வேளாண்மை பொறியியல் துறையின் சார்பில் மந்திக்குளம் ஊராட்சிக்குட்பட்ட பகுதியில் கீழ் மந்திக்குளத்தில் காசிநடாருக்கு சொந்தமான நிலத்தில் முதல்-அமைச்சரின் மானாவாரி மேம்பாட்டு திட்டத்தின் கீழ் ரூ.1 லட்சம் மதிப்பில் பண்ணைக்குட்டை அமைக்கும் பணியிணை பார்வையிட்டு ஆய்வு செய்யப்பட்டது.

    மேலும் மந்திக்குளம் பகுதியில் கலைஞரின் அனைத்து கிராம ஒருங்கிணைந்த வேளாண் வளர்ச்சி திட்டத்தின் கீழ் தரிசு நிலத்தில் நடைபெற்று வரும் திட்டப்பணிகளை ஆய்வு செய்யப்பட்டது. மேலும் இப்பணிகளை விரைந்து முடித்து விவசாயிகளின் பயன்பாட்டிற்கு வழங்கிட துறை சார்ந்த அலுவலர்களுக்கு கலெக்டர் செந்தில்ராஜ் உத்தர விட்டார்.

    ஆய்வின் போது வேளாண்மை இணை இயக்குநர் முகைதீன், துணை இயக்குநர்கள், வேளாண்மை, உழவர் பயிற்சி நிலையம், நுண்ணீர் பாசனம், கலெக்டரின் நேர்முக உதவியாளர் (வேளாண்மை) நாச்சியார், தோட்டக்கலை உதவி இயக்குநர், வேளாண்மை செயற்பொறியாளர், உதவி பொறியாளர்கள், கோவில்பட்டி ஆர்.டிஓ. ஷீலா, வட்டார வளர்ச்சி அலுவலர்கள், பொதுமக்கள், விவசாயிகள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அந்தியூர் வட்டாரத்தில் செயல்படுத்தப்படும் கலைஞரின் ஒருங்கிணைந்த வேளாண் வளர்ச்சி திட்ட பணிகள் குறித்து சென்னை வேளாண்மை இயக்குனரக கூடுதல் வேளாண் இயக்குனர் சிவக்குமார் தலைமையில் ஆய்வு மேற்கொள்ளப்பட்டது.

    அந்தியூர்:

    அந்தியூர் வட்டாரத்தில் செயல்படுத்தப்படும் கலைஞரின் ஒருங்கிணைந்த வேளாண் வளர்ச்சி திட்ட பணிகள் குறித்து சென்னை வேளாண்மை இயக்குனரக கூடுதல் வேளாண் இயக்குனர் சிவக்குமார் தலைமையில் ஆய்வு மேற்கொள்ளப்பட்டது.

    இதில் மைக்கேல் பாளையம், பிரம்மதேசம் பஞ்சாயத்துகளில் செயல்படுத்தப்பட்டு வரும் கலைஞரின் ஒருங்கிணைந்த வேளாண் வளர்ச்சி திட்ட தரிசு நிலங்களை விளை நிலங்களாக மாற்றும் தொகுப்பு நிலத்தினை ஆய்வு மேற்கொண்டார்.

    இதன்படி மானாவாரி நிலங்களில் உள்ள விவசாயிகளை பதிவு செய்து போர்வெல் அமைத்து வேளாண்மை தோட்டக்கலை துறை, வேளாண் பொறியியல் துறை மூலம் நுண்ணீர் பாசன வசதி செய்து கொடுத்து நிலத்தின் தன்மை, நீரின் அளவு ஆகியவற்றை கருத்தில் கொண்டு பயிர் சாகுபடி மேற்கொள்ள ஆலோசனை வழங்கப்பட்டது.

    மேலும் இக்கிராமங்களில் செயல்படும் அனைத்து துறைகளில் மானியத் திட்டங்கள், தென்னங்கன்றுகள், உளுந்து விதைகள், பண்ணைக் குட்டைகள் மற்றும் ஊரக வளர்ச்சி துறை மூலம் செயல்படுத்தப்படும் கல் வரப்பு மற்றும் மண் பரப்பு போன்ற திட்டங்களை ஆய்வு மேற்கொண்டு விவசாயிகள் மற்றும் அதிகாரிகளுடன் ஆலோசனை மேற்கொண்டு திட்டம் சிறப்பாக செயல்பட ஆலோசனை வழங்கினார்.

    ஆய்வின் போது வேளாண் இணை இயக்குனர் சின்னச்சாமி, துணை இயக்குனர்கள் அசோக், சிவக்குமார், தோட்டக்கலை துணை இயக்குனர் தமிழ்ச்செல்வி, வேளாண் பொறியியல் செயல் பொறியாளர் விஸ்வநாதன், வேளாண் உதவி இயக்குனர் கார்த்திகேயன் ஆகியோர் உடனிருந்தனர்.

    நிகழ்ச்சிக்கான ஏற்பாடுகளை அந்தியூர் வட்டார வேளாண் அலுவலர் ஜெயக்குமார், துணை வேளாண் அலுவலர் முருகன் மற்றும் உதவி வேளாண் அலுவலர்கள் மூர்த்தி, செந்தில், பால–முருகன், சக்திவேல் ஆகியோர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஏர்வாடி பகுதியில் கிராம ஒருங்கிணைந்த வேளாண்மை வளர்ச்சி திட்ட முகாம் நடைபெற்றது.
    • வேளாண் சிறப்பு திட்டங்களை அப்பகுதி விவசாயிகள் அறிந்து கொண்டு பயனடைந்தனர்.

    ஏர்வாடி:

    வேளாண்மை துறை சார்பில் களக்காடு, திருக்குறுங்குடி, ஏர்வாடி பகுதிகளில் விவசாயிகள் பயன்பெறும் வகையில் பல்வேறு வேளாண் பயிற்சி முகாம் தொடர்ந்து நடைபெற்று வருகிறது.

    இந்நிலையில் களக்காடு சிங்கிகுளம் பஞ்சாயத்து சமுதாய நலக்கூடத்தில் முன்னாள் முதல்-அமைச்சர் கருணாநிதியின் அனைத்து கிராம ஒருங்கிணைந்த வேளாண்மை வளர்ச்சி திட்ட முகாம் நடைபெற்றது.

    இத்திட்டத்தை பற்றிய விரிவான கருத்தாக்கத்தை வட்டார வேளாண்மை உதவி இயக்குனர் நயினார் முகம்மது வழங்கினார். சிங்கிகுளம் கால்நடை உதவி மருத்துவர் ஜான் ரவிகுமார் ஆடுகளுக்கு குடல்புழு நீக்கம் செய்யும் செயல் விளக்கத்தை எடுத்துரைத்தார்.

    வேளாண்மை பொறியியல்துறையின் திட்டங்களை உதவி பொறியாளர் அருணா விளக்கி கூறினார். தோட்டக்கலையின் திட்டங்களை தோட்டக்கலை உதவி அலுவலர் முத்துவிநாயகம் விளக்கி கூறினார்.

    வேளாண் வணிக துறை சார்ந்த திட்டங்களை உதவி வேளாண் அலுவலர் முத்து வீர் சிங் விளக்கி கூறினார். பல்வேறு வேளாண் சிறப்பு திட்டங்களை அப்பகுதி விவசாயிகள் அறிந்து கொண்டு பயனடைந்தனர்.

    உதவி கால்நடை மருத்துவர் ராமகிருஷ்ணன் கால்நடை மருத்துவ முகாமை நடத்தினார். இதில் களக்காடு வட்டார வேளாண்மை உதவி இயக்குனர் நயினார் முகம்மது தலைமை தாங்கினார். சிங்கிகுளம் பஞ்சாயத்து தலைவர் முத்தையா சுரேஷ் முன்னிலை வகித்தார்.

    வட்டார தொழில் நுட்ப மேலாளர் ஜாய் பத்ம தினேஷ் வரவேற்று பேசினார். இதற்கான ஏற்பாடுகளை உதவி வேளாண்மை அலுவலர் அஞ்சனாதேவி செய்திருந்தார். கோவிலம்மாள்புரம் வேளாண்மை அலுவலர் வானுமாமலை, தோட்டக்கலை அலுவலர் இசக்கியப்பன், உதவி வேளாண்மை அலுவலர்கள் அப்துல் ரவூப், செங்களாகுறிச்சி கிராம துணை வேளாண்மை அலுவலர் காசி, உதவி வேளாண்மை அலுவலர் காமாட்சி, உதவி கால்நடை மருத்துவர் சிந்தியா மற்றும் விவசாயிகள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    புதுக்கோட்டை மாவட்டத்தை வளர்ச்சி பாதையில் முன்னெடுத்து செல்ல நான் பணியாற்றுவேன் என புதிதாக பொறுப்பெற்று கொண்ட கலெக்டர் உமா மகேஸ்வரி கூறினார்.
    புதுக்கோட்டை:

    தமிழகம் முழுவதும் உள்ள ஐ.ஏ.எஸ். அதிகாரிகளை இடமாற்றம் செய்து தமிழக அரசு கடந்த 16-ந் தேதி உத்தரவு பிறப்பித்தது. அதன்படி, புதுக்கோட்டை கலெக்டராக பணியாற்றி வந்த கணேஷ் இந்திய மருத்துவம் மற்றும் ஓமியோபதி ஆணையராக மாற்றப்பட்டார். தமிழ்நாடு சுகாதார திட்ட இயக்குனர் உமா மகேஸ்வரி புதுக்கோட்டை மாவட்ட கலெக்டராக மாற்றப்பட்டார். இதைத்தொடர்ந்து புதியதாக நியமனம் செய்யப்பட்டு உள்ள கலெக்டர் உமா மகேஸ்வரி புதுக்கோட்டை மாவட்ட கலெக்டராக பொறுப்பெற்று கொண்டார்.

    பின்னர் அவர் நிருபர்களுக்கு பேட்டி அளித்தார். அப்போது அவர் கூறியதாவது:-

    புதுக்கோட்டை மாவட்டம் பின் தங்கிய மாவட்டம். விவசாயத்தை மட்டுமே பிரதான தொழிலாக கொண்டு உள்ள மாவட்டம் புதுக்கோட்டை. அரசின் திட்டங்கள் யாவும் கடைக்கோடி மக்களுக்கும் சென்றடையும் வகையிலும், பின்தங்கி உள்ள புதுக்கோட்டை மாவட்டத்தில் விவசாயம் மற்றும் தொழில் சார்ந்து வளர்ச்சி பாதையில் முன்னெடுத்து செல்ல நான் பணியாற்றுவேன்.

    இதேபோல கஜா புயலால் பாதிக்கப்பட்டு இதுவரையில் நிவாரணம் கிடைக்காத மக்களுக்கு, புயல் நிவாரணம் கிடைக்கவும், புயலால் பாதிக்கப்பட்ட புதுக்கோட்டை மாவட்ட மக்களுக்கு தேவையான கூடுதல் உதவிகளை அரசிடம் கேட்டு பெறுவதோடு, மக்களின் மறுவாழ்விற்காக திட்டங்களை வகுத்து செயல்படுத்துவேன்.

    இவ்வாறு அவர் கூறினார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வடகிழக்கு மாநிலங்களின் வளர்ச்சிக்கு காங்கிரஸ் எதையும் செய்யவில்லை என்று மிசோரம் தேர்தல் பிரசாரத்தில் பிரதமர் மோடி குற்றம் சாட்டினார். #pmmodi #congress #Mizoramassemblyelection
    லுங்லெய்(மிசோரம்)

    40 உறுப்பினர்களை கொண்ட மிசோரம் மாநில சட்டசபைக்கு வருகிற 28-ந் தேதி தேர்தல் நடைபெறுகிறது. கடந்த 10 ஆண்டுகளாக காங்கிரஸ் ஆட்சி நடந்து வரும் மிசோரமில், பா.ஜனதா 39 தொகுதிகளில் போட்டியிடுகிறது. இன்னொரு பிரதான கட்சியான சோரம் மக்கள் இயக்கம் அதன் தலைவரும், முன்னாள் முதல்-மந்திரி சோரம்தங்கா தலைமையில் சிறு சிறு கட்சிகளுடன் கூட்டணி அமைத்து மிசோ தேசிய முன்னணி என்ற பெயரில் களம் காண்கிறது.

    தேர்தலையொட்டி தலைவர்கள் மாநிலத்தில் தீவிர பிரசாரத்தில் ஈடுபட்டு வருகின்றனர். ஏற்கனவே இங்கு காங்கிரஸ் தலைவர் ராகுல்காந்தி, பா.ஜனதா தலைவர் அமித் ஷா ஆகியோர் பிரசாரத்தை முடித்து விட்டனர். இந்த நிலையில் பிரதமர் மோடி நேற்று மிசோரம் சென்றார்.

    அங்குள்ள லுங்லெய் நகரில் அவர் தேர்தல் பிரசாரத்தில் ஈடுபட்டார். பா.ஜனதா வேட்பாளர்களை ஆதரித்து மோடி பேசும்போது “நாட்டை பிரித்தாளும் சூழ்ச்சியை காங்கிரஸ் தொடர்ந்து கையாண்டு வருகிறது. தற்போது அதை மக்கள் புரிந்து கொண்டுவிட்டனர். அதனால்தான் ஒரு காலத்தில் அதிக மாநிலங்களை ஆண்ட காங்கிரஸ் இன்று 2, 3 மாநிலங்களை மட்டும் ஆளும் நிலைக்கு தள்ளப்பட்டு உள்ளது. தற்போது மிசோரம் மக்களுக்கும் பொன்னான வாய்ப்பு கிடைத்து இருக்கிறது. நீங்களும் இங்கிருந்து காங்கிரசை விரட்டி அடியுங்கள்” என்றார்.

    காங்கிரஸ் தலைவர்களில் ஒருவரான சசிதரூர் கடந்த ஆகஸ்டு மாதம், ஒரு நிகழ்ச்சியில் வடகிழக்கு மாநில மக்கள் அணியும் தொப்பியை பிரதமர் மோடி அணிந்திருந்ததை கேலி செய்யும் விதமாக பேசியிருந்தார்.

    இதை தேர்தல் பிரசாரத்தில் சுட்டிக் காட்டிய மோடி, “பொதுவாகவே வடகிழக்கு மாநில மக்களின் கலாசாரத்தை கிண்டல் செய்யும் போக்கு காங்கிரசிடம் உண்டு. இது வேதனையளிக்கும் விஷயம். அக்கட்சியின் ஒரு தலைவர் வடகிழக்கு மாநில மக்கள் அணியும் தொப்பி குறித்து தவறாக பேசினார். அவர்களை வெளியில் இருந்து வந்தவர்கள் என்றார். உங்களுடைய நம்பிக்கைகள், லட்சியங்கள் எல்லாம் காங்கிரசுக்கு ஒரு பொருட்டே அல்ல. மக்களுக்கு முன்னுரிமை அளிப்பதற்காக காங்கிரஸ் இங்கே போட்டியிடவில்லை. அதிகாரத்தை கைப்பற்றவே மோதுகிறது” என்று கடுமையாக சாடினார்.

    மேலும், “கடந்த 4½ ஆண்டுகளாக மத்தியில் ஆட்சி செய்யும் பா.ஜனதா வடகிழக்கு மாநில மக்களின் கலாசாரம், பாரம்பரியம் ஆகியவற்றை அங்கீகரிக்கும் வகையில் பரந்த, விரிந்த நோக்குடன் செயல்பட்டு வருகிறது. ஆனால் காங்கிரஸ் மத்தியில் ஆட்சியில் இருந்தபோது வடகிழக்கு மாநிலங்களின் வளர்ச்சிக்கோ, கலாசாரத்துக்கோ எதையும் செய்யவில்லை“ என்று குற்றம் சாட்டினார். #pmmodi #congress #Mizoramassemblyelection
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தமிழகத்தின் கட்டுமானங்களுக்காக 500 மில்லியன் அமெரிக்க டாலர்களை (சுமார் ரூ.3,500 கோடி) கடனுதவியாக வழங்குவதற்கு ஆசிய வளர்ச்சி வங்கியின் இயக்குனர் குழு ஒப்புதல் அளித்து உள்ளது. #ADB #AsianDevelopmentBank #TamilNadu
    புதுடெல்லி:

    பிலிப்பைன்ஸ் தலைநகர் மணிலாவை தலைமையிடமாக கொண்டு செயல்படும் ஆசிய வளர்ச்சி வங்கியின் நகர்ப்புற மேம்பாட்டு தனி அதிகாரி ரோன் சிலாங்ஜென் விடுத்துள்ள அறிக்கையில் கூறி இருப்பதாவது:-

    தமிழ்நாட்டின் மக்கள் தொகையில் சரிபாதி மக்கள் நகர்ப்புறங்களில் வசித்து வருகிறார்கள். இதனால் இந்திய மாநிலங்களில் நகர்ப்புறத்தில் மக்கள் அதிகம் வசிக்கும் மாநிலமாக தமிழ்நாடு திகழ்கிறது.

    மாநிலத்தில் நகர்ப்புற பகுதிகள் அதிகமாகி வருவதை கருத்தில் கொண்டு அவற்றின் குடிநீர் வினியோகம், கழிவு நீரகற்றல், வடிகால் வசதி ஆகிய கட்டுமானங்களுக்காக 500 மில்லியன் அமெரிக்க டாலர்களை (சுமார் ரூ.3,500 கோடி) கடனுதவியாக வழங்குவதற்கு ஆசிய வளர்ச்சி வங்கியின் இயக்குனர் குழு ஒப்புதல் அளித்து உள்ளது. இத்திட்டத்தின் மூலம் தமிழகத்தில் குறைந்த பட்சம் 10 நகரங்கள் பயன் அடையும்.

    பருவநிலை மாற்றம் காரணமாக தமிழ்நாடு வறட்சி, மழை, வெள்ளம் ஆகியவற்றை சந்திப்பதால் கடும் குடிநீர் தட்டுப்பாடு மற்றும் நகர்ப்புறங்கள் வெள்ளத்தில் மிதக்கும் அபாயமும் ஏற்பட்டு வருகிறது. எனவே ஆசிய வளர்ச்சி வங்கி வழங்கும் இந்த கடனுதவி தமிழ்நாட்டுக்கு பெரும் உதவியாக அமையும்.

    இவ்வாறு அதில் கூறப்பட்டு உள்ளது. #ADB #AsianDevelopmentBank #TamilNadu 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    குமாரபாளையம் நகராட்சியில் ரூ.20 லட்சத்து 25 ஆயிரம் மதிப்பில் நிறைவேற்றப்பட்டு உள்ள வளர்ச்சி திட்டப்பணிகளை அமைச்சர் தங்கமணி பொதுமக்கள் பயன்பாட்டிற்கு திறந்து வைத்தார்.
    நாமக்கல்:

    நாமக்கல் மாவட்டம் குமாரபாளையம் நகராட்சியில் பாராளுமன்ற உறுப்பினர் தொகுதி மேம்பாட்டு திட்டத்தின் கீழ் ரூ.20 லட்சத்து 25 ஆயிரம் மதிப்பீட்டில் முடிவுற்ற திட்டப்பணிகள் திறப்புவிழா மற்றும் ரூ.67 லட்சத்து 72 ஆயிரம் மதிப்பீட்டில் திடக்கழிவு மேலாண்மை பணிகளுக்கான வாகனங்களை நகராட்சி பயன்பாட்டிற்கு தொடங்கி வைக்கும் விழா நடந்தது.

    இந்த விழாவுக்கு கலெக்டர் ஆசியா மரியம் தலைமை தாங்கினார். இதில் தமிழக மின்சாரம்், மதுவிலக்கு மற்றும் ஆயத்தீர்வைத்துறை அமைச்சர் தங்கமணி சிறப்பு அழைப்பாளராக கலந்து கொண்டு, குமாரபாளையம் நகராட்சி 1-வது வார்டு காவேரிநகரில் ரூ.7 லட்சத்து 75 ஆயிரம் மதிப்பீட்டில் கட்டப்பட்ட புதிய ரேஷன்கடை கட்டிடத்தை திறந்து வைத்து, குடும்ப அட்டைதாரர்களுக்கு உணவுபொருட்களை வழங்கினார். அதை தொடர்ந்து பூசாரிக்காடு, ராஜராஜன் நகர் பகுதி, சந்தைபேட்டை ரோடு, காமாட்சி அம்மன் கோவில் வீதி ஆகிய இடங்களில் தலா ரூ.3 லட்சம் மதிப்பீட்டில் ஆழ்துளை கிணறு அமைத்து மேல்நிலைத்தொட்டியின் மூலம் குடிநீர் வினியோகிக்கும் பணியை அமைச்சர் தொடங்கி வைத்தார்.

    பின்னர் குமாரபாளையம் நகராட்சி அலுவலக வளாகத்தில் திடக்கழிவு மேலாண்மை்்் திட்டத்தின்கீழ் நகராட்சிக்கு ரூ.11 லட்சத்து 20 ஆயிரம் மதிப்பீட்டில் வாங்கப்பட்ட சிறிய டிப்பர் வாகனங்களையும், ரூ.30 லட்சம் மதிப்பீட்டில் வாங்கப்பட்ட 2 பெரிய டிப்பர் வாகனங்களையும்,் பேட்டரியால் இயங்கும் 8 குப்பை அள்ளும் வாகனங்கள் உள்பட பல்வேறு வாகனங்களை அமைச்சர் தங்கமணி நகராட்சி பயன்பாட்டிற்கு தொடங்கி வைத்தார். மேலும் ரூ.4 லட்சத்து 20 ஆயிரம் மதிப்பீட்டில் வாங்கப்பட்ட 60 மக்கும் குப்பை, மக்காத குப்பை என்று தனித்தனியே பிரித்து வாங்கும் பிளாஸ்டிக் கலன்களை வழங்கினார்.

    இந்த நிகழ்ச்சிகளில் திருச்செங்கோடு உதவி கலெக்டர் பாஸ்கரன், ஆணையாளர் மகேஸ்வரி, நகர வங்கி தலைவர் ஏ.கே.நாகராஜன், முன்னாள் நகரச்செயலாளர் எம்.எஸ்.குமணன் உள்பட நகராட்சி அதிகாரிகள், பணியாளர்கள், உள்ளாட்சி அமைப்புகளின் முன்னாள் தலைவர்கள் கலந்து கொண்டனர். 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பெட்ரோல், டீசல் போன்றவை ஜி.எஸ்.டி.யின் கீழ் கொண்டு வருவது தொடர்பாக மத்திய மந்திரி அருண் ஜெட்லி நேற்று விளக்கம் அளித்தார். #ArunJaitley #GST
    புதுடெல்லி:

    இந்தியா சுதந்திரம் பெற்ற பின் மிகப்பெரும் வரி சீர்திருத்த நடவடிக்கையாக, சரக்கு மற்றும் சேவை வரி எனப்படும் ஜி.எஸ்.டி.யை மத்திய பா.ஜனதா அரசு கடந்த ஆண்டு ஜூலை 1-ந் தேதி அமல்படுத்தியது. இதன் மூலம் உற்பத்தி வரி, விற்பனை வரி உள்ளிட்ட சுமார் 17 மறைமுக வரிகளும், மேலும் சில வரிகளும் ஜி.எஸ்.டி. என்னும் ஒரே குடையின் கீழ் கொண்டுவரப்பட்டன.

    நாடு முழுவதும் ஒரே சீரான வரிவிதிப்பை அமல்படுத்தும் நோக்கில் கொண்டு வரப்பட்ட இந்த வரி முறையில், 5, 12, 18 மற்றும் 28 சதவீதம் என 4 அடுக்கு வரிகள் விதிக்கப்பட்டன. மக்களின் அத்தியாவசிய பொருட்கள் முதல் ஆடம்பர பொருட்கள் என அனைத்தும் இந்த வரி அடுக்குகளின் கீழ் கொண்டு வரப்பட்டன.

    பிரதமர் மோடி தலைமையிலான பா.ஜனதா அரசின் மைல்கல் திட்டங்களில் ஒன்றான இந்த ஜி.எஸ்.டி. அமல்படுத்தப்பட்டு நேற்றுடன் ஓராண்டு நிறைவடைந்தது. இதையொட்டி டெல்லியில் நேற்று சிறப்பு விழா கொண்டாடப்பட்டது. நிதி இலாகாவை கூடுதலாக கவனித்து வரும் ரெயில்வே மந்திரி பியூஷல் கோயல் தலைமையில் நடந்த விழாவில், நிதி மந்திரி அருண் ஜெட்லி காணொலி காட்சி மூலம் பேசினார்.

    சிறுநீரக மாற்று அறுவை சிகிச்சை முடிந்து வீட்டில் ஓய்வு எடுத்து வரும் அருண் ஜெட்லி, முதல் முறையாக கலந்து கொண்ட பொது நிகழ்ச்சி இதுவாகும். விழாவில் உரையாற்றும்போது அவர் கூறியதாவது:-

    பல நாடுகளில் ஜி.எஸ்.டி. அமல்படுத்திய போது மிகப்பெரும் சீர்குலைவை சந்தித்ததை காண முடிந்தது. அதன்படி இந்திய பொருளாதாரத்திலும் ஜி.எஸ்.டி.யால் சீர்குலைவு ஏற்படும் என்று நான்கூட எண்ணினேன். ஆனால் இந்த ஓராண்டு அனுபவத்துக்குப்பின், சீர்குலைவு என்ற வார்த்தையை கூட ஜி.எஸ்.டி. சீர்திருத்தத்தில் பயன்படுத்த முடியுமா? என்று தெரியவில்லை.

    ஜி.எஸ்.டி.யால் இந்த ஓராண்டில் நாம் பெற்றிருக்கும் பயன்கள் வெறும் குறுகிய கால அல்லது சிறப்பான நடுத்தர கால விளைவுகள்தான். ஏனெனில் ஜி.எஸ்.டி.யின் சிறந்த பலன்கள் இன்னும் வரவில்லை. நாட்டின் உள்நாட்டு உற்பத்தி வளர்ச்சி, எளிமையான வியாபாரம், தொழில் மற்றும் வர்த்தக துறை விரிவாக்கம், இந்தியாவில் தயாரிப்போம் திட்டங்கள் மற்றும் நேர்மையான வர்த்தக நடைமுறைகளில் ஜி.எஸ்.டி. நீண்டகால தாக்கத்தை ஏற்படுத்தும்.

    கடந்த நிதியாண்டில் ஜி.எஸ்.டி. அமல்படுத்தப்பட்டதற்கு பிந்தைய 9 மாதங்களில் ரூ.8.2 லட்சம் கோடி வரிவசூல் செய்யப்பட்டு உள்ளது. இது ஓராண்டுக்கு என்றால் ரூ.11 லட்சம் கோடியாக இருக்கும் என மதிப்பிடப்பட்டு உள்ளது. இது மறைமுக வரிவசூலில் 11.9 சதவீதம் அதிகமாகும்.

    தற்போதைய ஜி.எஸ்.டி. அடுக்குகளை குறைப்பது தொடர்பாக ஜி.எஸ்.டி. கவுன்சில் தொடர்ந்து உழைத்து வருகிறது. ஜி.எஸ்.டி. செயலாக்கம் சீராகி, வரி ஏய்ப்புகளை குறைப்பதன் மூலம் வரி வசூல் அதிகமானதும் விரும்புகிற குறைப்பு நடைமுறைக்கு வரும்.

    எனது கணிப்புப்படி, எண்ணெய் சாரா துறையில் மறைமுக வரிவசூலில் 1.5 சதவீதம் அதிகரிப்பு எதிர்பார்க்கப்படுகிறது. இதுவே வரி அடுக்குகளை உடனடியாக குறைக்கும். எனவே வரி வசூல் நிலவரம் சீரானவுடன் ஜி.எஸ்.டி.யின் வரி அடுக்கு களை இன்னும் குறைப்பது குறித்து பரிசீலிக்கப்படும்.

    நேரடி வரி வசூல் அதிகரிப்புக்கு ஜி.எஸ்.டி. பெரிதும் உதவி இருக்கிறது. குறிப்பாக ஏப்ரல்-ஜூன் காலாண்டில் இது பெருமளவு அதிகரித்து இருக்கிறது. ஏராளமான மக்களை வருமான வரி வரம்புக்குள் கொண்டு வந்திருக்கிறோம். மக்கள் வேகமாக தங்கள் வருவாயை வெளியிடுகின்றனர். இதன் மூலம் வரி வருவாயும் கணிசமாக அதிகரிக்கும்.

    பல்வேறு நாடுகளில் இருப்பது போல இந்தியாவிலும் அனைத்து பொருட்களுக்கும் ஒரே அடுக்கு ஜி.எஸ்.டி. வரியே விதிக்க வேண்டும் என ராகுல் காந்தி கூறுவது, தவறான யோசனை. ஒட்டுமொத்த மக்களும் ஒரே சீரான மற்றும் அதிக வரி செலுத்தும் திறன் கொண்டவர்களாக இருக்கும் நாடுகளில் மட்டுமே இது சாத்தியமானது. ஆனால் இந்தியா போன்ற பலதரப்பட்ட மக்கள் வாழும் நாடுகளுக்கு இந்த யோசனை பலனளிக்காது. எனவே இதை ஏற்க முடியாது.

    பெட்ரோலிய பொருட்களை ஜி.எஸ்.டி.க்குள் கொண்டு வர வேண்டும் என ராகுல் காந்தியும், முன்னாள் நிதி மந்திரி ப.சிதம்பரமும் தொடர்ந்து வலியுறுத்தி வருகின்றனர். ஆனால் இதற்கு காங்கிரஸ் ஆளும் மாநிலங்களின் நிதி மந்திரிகளே எதிர்ப்பு தெரிவித்து வருகின்றனர்.

    எனவே இது தொடர்பாக ஜி.எஸ்.டி. கவுன்சிலில் ஒருமித்த கருத்து எட்டப்பட்டால், பெட்ரோலிய பொருட்களும் ஜி.எஸ்.டி.க்கு கீழே கொண்டுவரப்படும். இதற்கான நடவடிக்கைகளை தொடர்ந்து நான் மேற்கொள்வேன். மாநிலங்கள் தங்கள் வருவாய் நிலையில் வலுவான நிலையை எட்டியதும், பெட்ரோலிய பொருட்களையும் ஜி.எஸ்.டி.க்குள் கொண்டுவருவது குறித்து ஒருமித்த கருத்து எட்டப்படும் என நம்புகிறேன்.

    இவ்வாறு அருண் ஜெட்லி கூறினார்.

    இந்த நிகழ்ச்சிக்குப்பின் மத்திய மந்திரி பியூஷ் கோயல் செய்தியாளர்களிடம் கூறுகையில், ‘ஜி.எஸ்.டி.யால் நிதி பற்றாக்குறை ஏற்படும் என்ற பதற்றம் தணிந்து விட்டது. ஜி.எஸ்.டி. மூலம் நடப்பு நிதியாண்டில் ரூ.12 லட்சம் கோடி வருவாய் இலக்கு நிர்ணயிக்கப்பட்ட நிலையில், அதைவிட மேலாக அதாவது ரூ.13 லட்சம் கோடி அளவுக்கு வருவாய் கிடைக்கும் என எதிர்பார்க்கப்படுகிறது. இதன் மூலம் ஜி.எஸ்.டி. மிகப்பெரும் வெற்றியடைந்து இருப்பதுடன், பொருளாதாரத்துக்கும் மிகப்பெரிய வழியில் உதவி புரியும்’ என்றார்.

    வருமான வரி போன்ற நேரடி வரி வசூலை அதிகரிக்க ஜி.எஸ்.டி. உதவுவதாக கூறிய பியூஷ் கோயல், கடந்த சில மாதங்களில் இது 44 சதவீதம் அளவுக்கு உயர்ந்திருப்பதாகவும் தெரிவித்தார். வரி நடைமுறை எளிமையாக்கப்பட்டு இருப்பதாகவும், ஏராளமான மக்கள் இந்த வரித்திட்டத்தின் கீழ் கொண்டு வரப்பட்டு இருப்பதாகவும் கூறினார்.  #ArunJaitley #GST #Tamilnews 
    • Whatsapp
    • Telegram