search icon
என் மலர்tooltip icon

    சினிமா

    இறுதிக்கட்டத்தில் விஸ்வாசம் படப்பிடிப்பு - தீபாவளிக்கு டீசர் ரிலீஸ்?
    X

    இறுதிக்கட்டத்தில் விஸ்வாசம் படப்பிடிப்பு - தீபாவளிக்கு டீசர் ரிலீஸ்?

    சிவா இயக்கத்தில் அஜித் நடிப்பில் உருவாகி வரும் விஸ்வாசம் படத்தின் படப்பிடிப்பு இறுதிக்கட்டத்தை எட்டியிருக்கும் நிலையில், தீபாவளிக்கு படத்தை ரீலஸ் செய்ய திட்டமிட்டுள்ளதாக கூறப்படுகிறது. #Viswasam #AjithKumar
    அஜித் நடிப்பில், சிவா இயக்கி வரும் படம் ‘விஸ்வாசம்’. நயன்தாரா கதாநாயகியாக நடித்து வரும் இந்தப் படத்தில், விவேக், தம்பி ராமையா, ரோபோ சங்கர், யோகி பாபு, போஸ் வெங்கட், ரமேஷ் திலக் ஆகியோர் முக்கியக் கதாபாத்திரங்களில் நடிக்கின்றனர்.

    மதுரை மற்றும் தேனியைப் பின்னணியாகக் கொண்டு உருவாகி வரும் இந்தப் படத்தின் படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டி மற்றும் ராஜமுந்திரியில் நடைபெற்று வருகிறது.

    இந்தப் படத்தில், தெலுங்கு வில்லன் நடிகரான ரவி அவானா, வில்லனாக நடிக்கிறார். இந்தப் படத்தில் அஜித் ‘தூக்கு’ துரை என்ற கேரக்டரில் நடிப்பதாகக் கூறப்படுகிறது. அடுத்த ஆண்டு பொங்கல் விடுமுறையில் இந்தப் படம் ரிலீசாகும் என அதிகாரப்பூர்வமாக அறிவிக்கப்பட்டுள்ளது.



    தற்போது ஐதராபாத்தில் கிளைமாக்ஸ் சூட்டிங் நடைபெற்று வருகிறது. மிகப்பெரிய ஆடிட்டோரியம் ஒன்றில் ஏராளமான ஜூனியர் ஆர்ட்டிஸ்ட்டுகளை வைத்து படப்பிடிப்பு நடைபெற்று வருகிறது. இந்தக் காட்சியில், ‘விஸ்வாசம்’ படத்தில் நடித்துவரும் முக்கிய நடிகர்கள் அனைவருமே பங்குபெற்றுள்ளார்கள்.

    விஸ்வாசம் படப்பிடிப்பு இறுதி கட்டத்தை எட்டி இருப்பதால் தீபாவளிக்கு படத்தின் டீசர் வெளியாகலாம் என்ற எதிர்பார்ப்பு அஜித் ரசிகர்களிடையே ஏற்பட்டுள்ளது. #Viswasam #AjithKumar

    Next Story
    ×