நீங்கள் தேடியது "ராயல் என்பீல்டு"

ராயல் என்பீல்டு நிறுவனம் கடந்த ஆண்டு ஆகஸ்ட் மாத வாக்கில் ஹண்டர் 350 மோட்டார்சைக்கிளை இந்திய சந்தையில் அறிமுகம் செய்தது. விற்பனை துவங்கிய ஆறு மாதங்களில் ராயல் என்பீல்டு ஹண்டர் 350 மாடல் ஒரு லட்சம் யூனிட்களை கடந்துள்ளது. அதன்படி ஒவ்வொர மாதமும் சுமார் 17 ஆயிரம் ஹண்டர் 350 யூனிட்கள் விற்பனையாகி இருக்கின்றன.

விற்பனை மைல்கல் தவிர ஹண்டர் 350 மாடல் 2023 ஆண்டின் இந்திய மோட்டார்சைக்கிள் எனும் விருதை வென்றது. ஹண்டர் 350 மாடல் இளம் வாடிக்கையாளர்களை கவரும் வகையிலான டிசைன் மற்றும் அம்சங்களை கொண்டிருக்கிறது. அதிநவீன-ரெட்ரோ ஸ்டைலிங் மற்றும் அசத்தலான செயல்திறன் மூலம் ஹண்டர் 350 பலருக்கும் சிறந்த தேர்வாக இருக்கிறது.

முற்றிலும் புதிய ஜெ சீரிஸ் பிளாட்ஃபார்மில் உருவாகி இருக்கும் ஹண்டர் 350 மாடலில் 349 சிசி, ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 20.8 ஹெச்பி பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு டிரான்ஸ்மிஷன் வழங்கப்படுகிறது. இந்த மாடலின் இருபுறங்களிலும் டிஸ்க் பிரேக்குகள், டூயல் சேனல் ஏபிஎஸ் வழங்கப்பட்டு இருக்கிறது.

ஹார்டுவேரை பொருத்தவரை முன்புறம் 41mm டெலிஸ்கோபிக் ஃபோர்க்குகள், பின்புறம் டுவின் ஷாக் அப்சார்பர்கள் வழங்கப்பட்டுள்ளன. குறைந்த கிரவுண்ட் க்ளியரன்ஸ்-ஐ எதிர்கொள்ளும் வகையில் இத்தகைய சஸ்பென்ஷன் செட்டப் வழங்கப்பட்டு இருக்கிறது.

இந்திய சந்தையில் ராயல் என்பீல்டு ஹண்டர் 350 மாடல் ரெட்ரோ மற்றும் மெட்ரோ என இரண்டு வேரியண்ட்களில் கிடைக்கிறது. இதில் ரெட்ரோ வேரியண்ட் விலை ரூ. 1 லட்சத்து 49 ஆயிரம் என்றும் மெட்ரோ வேரியண்ட் விலை ரூ. 1 லட்சத்து 67 ஆயிரம் என துவங்கி அதிகபட்சம் ரூ. 1 லட்சத்து 71 ஆயிரம் வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ராயல் என்பீல்டு ஹண்டர் 350 மோட்டார்சைக்கிள் ஆறு வித நிறங்களில் கிடைக்கிறது. இந்திய சந்தையில் ஹண்டர் 350 மாடல் டிவிஎஸ் ரோனின் 225 மாடலுக்கு போட்டியாக அமைகிறது. இதுதவிர கீவே SR250, ஹோண்டா CB350RS மற்றும் ஜாவா 42 போன்ற மாடல்களை எதிர்கொள்கிறது.

ராயல் என்பீல்டு நிறுவனம் இண்டர்செப்டார் 650 மற்றும் காண்டினெண்டல் ஜிடி 650 மாடல்களின் ஆல்-பிளாக் வேரியண்ட்களை அறிமுகம் செய்து இருக்கிறது. இரு மாடல்களும் ராயல் என்பீல்டு லண்டன் வலைத்தளத்தில் பட்டியலிடப்பட்டு உள்ளன. என்ஜின் மற்றும் எக்சாஸ்ட் சிஸ்டத்தில் பிளாக்-அவுட் ஃபினிஷ் தவிர இரு மாடல்களிலும் அலாய் வீல்கள் வழங்கப்பட்டு இருக்கின்றன.

ஆல் பிளாக் இண்டர்செப்டார் 650 மற்றும் காண்டினெண்டல் ஜிடி 650 மாடல்களின் என்ஜின் மற்றும் எக்சாஸ்ட் சிஸ்டத்தில் புதிய பெயிண்ட் தீம்கள் பிளாக்டு-அவுட் ஃபினிஷ் செய்யப்பட்டு இருக்கிறது. இத்துடன் முன்புறம் ஃபோர்க் டியூப்கள் மற்றும் ரியர் வியூ மிரர்களும் பிளாக்டு-அவுட் ஃபினிஷ் செய்யப்பட்டுள்ளது. இண்டர்செப்டார் 650 மாடல் பார்சிலோனா புளூ மற்றும் பிளாக் ரே என இரண்டு புதிய நிறங்களில் கிடைக்கிறது.

காண்டினெண்டல் ஜிடி650 மாடல் அபெக்ஸ் கிரே மற்றும் ஸ்லிப்ஸ்டிரீம் புளூ நிறங்களில் கிடைக்கிறது. காஸ்மடிக் மாற்றங்கள் தவிர இரு மாடல்களின் அம்சங்களில் எவ்வித மாற்றமும் மேற்கொள்ளப்படவில்லை. இதன் டிசைன் மற்றும் தோற்றம் அதன் ஸ்டாண்டர்டு வெர்ஷன்களில் உள்ளதை போன்றே வழங்கப்பட்டு உள்ளது. தோற்றத்தில் மாற்றங்கள் செய்யப்பட்டு இருப்பதோடு ஹெட்லைட்டில் எல்இடி யூனிட் உள்ளது. இதன் ஸ்டாண்டர்டு மாடலில் ஹாலோஜன் செட்டப் வழங்கப்பட்டு இருக்கிறது.

இதன் ஸ்விட்ச் கியர் மாற்றப்பட்டு புதிய மாடல்களில் சுழலும் ரக ஸ்விட்ச்கள் வழங்கப்பட்டுள்ளன. இதே போன்ற யூனிட்கள் சூப்பர் மீடியோர் 650 மாடல்களிலும் வழங்கப்பட்டு இருக்கின்றன. இத்துடன் யுஎஸ்பி சார்ஜர் வழங்கப்பட்டு இருக்கிறது. காக்பிட் பகுதி, எலெக்ட்ரிக் ரைடர் அம்சங்கள் அதன் ஸ்டாண்டர்டு மாடலில் உள்ளதை போன்றே வழங்கப்பட்டுள்ளது. பாதுகாப்பிற்கு இந்த மாடல்களில் டூயல் சேனல் ஏபிஎஸ் உள்ளது.

புதிய ஆல் பிளாக் வேரியண்ட்களில் அலாய் வீல்கள் வழங்கப்பட்டு இருக்கிறது. இவை ஸ்டாண்டர்டு மாடல்களில் உள்ளதை போன்றே 18 இன்ச் அளவு கொண்டுள்ளன. ஆல் பிளாக் இண்டர்செப்டார் 650 மற்றும் காண்டினெண்டல் ஜிடி 650 மாடல்களில் டியூப்லெஸ் டயர்கள் வழங்கப்பட்டுள்ளன. சஸ்பென்ஷன் மற்றும் பிரேக்கிங் செட்டப்களில் எவ்வித மாற்றமும் மேற்கொள்ளப்படவில்லை.

என்ஜினும் அதன் ஸ்டாண்டர்டு வேரியண்டில் உள்ளதை போன்றே 648சிசி, பேரலல் டுவின், ஏர்/ஆயில் கூல்டு மோட்டார் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 47 ஹெச்பி பவர், 52 நியூட்டன் மீட்டர் டார்க் இழுவிசையை வெளிப்படுத்துகிறது.

ராயல் என்பீல்டு நிறுவனம் சமீபத்தில் அறிமுகம் செய்த சூப்பர் மீடியோர் 650 மாடலின் வினியோகத்தை இந்தியாவில் துவங்கி இருக்கிறது. புதிய மிடில்வெயிட் குரூயிசர் மோட்டார்சைக்கிள் இரண்டு வேரியண்ட்களில் கிடைக்கிறது. இவற்றின் விலை ரூ. 3 லட்சத்து 48 ஆயிரத்து 900 என துவங்குகிறது. முன்னதாக கடந்த ஆண்டு டிசம்பர் மாத வாக்கில் இந்த மாடலுக்கான முன்பதிவுகள் துவங்கின.

இந்திய சந்தையில் ராயல் என்பீல்டு தனது சூப்பர் மீடியோர் 650 மாடல்- ஸ்டாண்டர்டு மற்றும் டூரர் என இரண்டு வேரியண்ட்களில் கிடைக்கிறது. இரு வேரியண்ட்களும் அவற்றுக்கான நிறம் மற்றும் ஹார்டுவேர் அம்சங்களை கொண்டு வித்தியாசப்படுத்தப்பட்டு உள்ளன. இதன் ஸ்டாண்டர்டு வெர்ஷன் ஐந்து நிறங்கள்- ஆஸ்ட்ரல் பிளாக், ஆஸ்ட்ரல் புளூ, இண்டர்ஸ்டெல்லார் கிரே மற்றும் இண்டர்ஸ்டெல்லார் கிரீன் நிறங்களில் கிடைக்கிறது.

இதன் டூரர் வேரியண்ட் உயரமான விண்ட்ஸ்கிரீன், பில்லியன் பேக்ரெஸ்ட் போன்ற கூடுதல் அக்சஸரீக்களை கொண்டுள்ளது. இந்த மோட்டார்சைக்கிள் செலஸ்டியல் ரெட் மற்றும் செலஸ்டியல் புளூ என இரண்டு விதமான நிறங்களில் கிடைக்கிறது. சூப்பர் மீடியோர் 650 மாடலின் இரண்டு வேரியண்ட்களிலும் குரூயிசர் மாடல் போன்ற டிசைன் உள்ளது.

அதன்படி இவற்றில் வட்ட வடிவம் கொண்ட ஹெட்லைட் உள்ளது. இதன் ஸ்விட்ச்கியர் சரவுண்ட், ஃபியூவல் டேன்க், ஸ்ப்லிட் ஸ்டைல் சீட், ட்வின்-சைடட் எக்சாஸ்ட் பைப்களில் அலுமினியம் ஃபினிஷ் செய்யப்பட்டு இருக்கிறது. இதன் டூரர் வெர்ஷனில் ஸ்டாண்டர்டு வேரியண்டை விட கூடுதல் உபகரணங்கள் வழங்கப்பட்டுள்ளது.

இவைதவிர இரு வேரியண்ட்களிலும் அலாய் வீல்கள், டியூப்லெஸ் டயர்கள் உள்ளன. இத்துன் அப்சைடு-டவுன் ஃபோர்க்குகளை கொண்ட முதல் ராயல் என்பீல்டு மோட்டார்சைக்கிள் இது ஆகும். இதன் பின்புறம் டுவின்-சைடட் ரியர் ஸ்ப்ரிங்குகள் உள்ளன. பிரேக்கிங்கிற்கு இருபுறமும் சிங்கில் டிஸ்க் மற்றும் பைபர் கேலிப்பர்கள் வழங்கப்பட்டு இருக்கின்றன.

ஏற்கனவே ராயல் என்பீல்டு அறிமுகம் செய்த இண்டர்செப்டார் 650 மற்றும் காண்டினென்டல் ஜிடி 650 மாடல்களில் உள்ளதை போன்றே இந்த மாடலிலும் 648சிசி, பேரலல் டுவின், ஏர்-கூல்டு என்ஜின் வழங்கப்பட்டு இருக்கிறது. இந்த என்ஜின் 46.2 ஹெச்பி பவர், 52 நியூட்டன் மீட்டர் டார்க் இழுவிசையை வெளிப்படுத்தும் தின் கொண்டுள்ளது.

ராயல் என்பீல்டு நிறுவனம் விரைவில் தனது பிரபலமான இண்டர்செப்டார் 650 மற்றும் காண்டினெண்டல் GT 650 மாடல்களை அப்டேட் செய்ய இருக்கிறது. இரு மாடல்களிலும் அதிகம் எதிர்பார்க்கப்பட்ட அலாய் வீல்கள், டியூப்லெஸ் டையர்கள் விரைவில் வழங்கப்பட இருப்பதாக தகவல் வெளியாகி உள்ளது. சில மாதங்களுக்கு முன் அலாய் வீல்களை கொண்ட ராயல் என்பீல்டு காண்டினெண்டல் GT 650 ஸ்பை படம் வெளியாகி இருந்தது.

ஸ்பை படங்களை தொடர்ந்து தற்போது வெளியாகி இருக்கும் தகவல்களை வைத்து புதிய மாடல் விரைவில் அறிமுகம் செய்யப்படும் என எதிர்பார்க்கலாம். ஸ்பை படத்தில் இருந்த மாடலில் வட்ட வடிவம் கொண்ட டெயில் லேம்ப் இடம்பெற்று இருக்கிறது. தற்போது விற்பனை செய்யப்படும் யூனிட்களில் செவ்வக வடிவம் கொண்ட டெயில் லேம்ப் உள்ளது.

புதிய மேம்பட்ட மாடல்கள் அடுத்த ஆறு முதல் எட்டு வாரங்களில் அறிமுகம் செய்யப்படலாம். சென்னையை சேர்ந்த ராயல் என்பீல்டு நிறுவனத்தின் இண்டர்செப்டார் மற்றும் காண்டினெண்டல் GT 650 மாடல்கள் இந்தியா மட்டுமின்றி சர்வேதச சந்தையிலும் அதிகம் பிரபலமாக உள்ளன. அலாய் வீல், டியூப்லெஸ் டையர் போன்ற அப்டேட்கள் இந்த மாடல்களின் விற்பனையை மேலும் அதிகப்படுத்தும்.

ராயல் என்பீல்டு அறிமுகம் செய்ய இருக்கும் புதிய மால்கள் OBD-2 விதிகளுக்கு பொருந்தும் வகையில் உருவாக்கப்பட்டு இருக்கும் என எதிர்பார்க்கப்படுகிறது. தற்போது இண்டர்செப்டார் 650 மாடலின் விலை ரூ. 2 லட்சத்து 90 ஆயிரம் என துவங்கி அதிகபட்சம் ரூ. 3 லட்சத்து 14 ஆயிரம் வரை நிர்ணயம் செய்யப்பட்டு உள்ளது. காண்டினெண்டல் GT 650 மாடலின் விலை ரூ. 3 லட்சத்து 05 ஆயிரம் என துவங்கி அதிகபட்சம் ரூ. 3 லட்சத்து 31 ஆயிரம் வரை நிர்ணயம் செய்யப்பட்டு உள்ளது. புதிய மாடல்களின் விலை இதைவிட சற்று அதிகமாகவே இருக்கும் என தெரிகிறது.

Photo Courtesy: AutocarIndia

ராயல் என்பீல்டு நிறுவனம் இந்திய சந்தையில் சூப்பர் மீடியோர் 650 மாடல் அறிமுகம் செய்யப்பட்டது. புதிய சூப்பர் மீடியோர் 650 ஆஸ்ட்ரல் வேரியண்ட் விலை ரூ. 3 லட்சத்து 48 ஆயிரத்து 900 என நிர்ணயம் செய்யப்பட்டு உள்ளது. இதன் இண்டர்ஸ்டெல்லார் மற்றும் செலஸ்டியல் வேரியண்ட்களின் விலை முறையே ரூ. 3 லட்சத்து 63 ஆயிரத்து 300 மற்றும் ரூ. 3 லட்சத்து 78 ஆயிரம் என நிர்ணயம் செய்யப்பட்டு உள்ளன. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய சூப்பர் மீடியோர் 650 மாடல் ராயல் என்பீல்டு நிறுவனத்தின் மூன்றாவது பிரீமியம் மோட்டார்சைக்கிள் ஆகும். சூப்பர் மீடியோர் 650 மாடலில் வட்ட வடிவம் கொண்ட எல்இடி ஹெட்லைட், பெரிய டிரான்ஸ்பேரண்ட் வைசர், ஸ்ப்லிட் சீட் மற்றும் ஒற்றை சீட் செட்டப் வேரியண்டிற்கு ஏற்ப வழங்கப்படுகிறது. இத்துடன் பேக்ரெஸ்ட், க்ரோம் அம்சங்களை கொண்டுள்ளது.

இந்த மாடலில் 648சிசி, ட்வின் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 47 ஹெச்பி பவர், 52.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதே யூனிட் இண்டர்செப்டார் 650 மற்றும் காண்டினெண்டல் ஜிடி 650 போன்ற மாடல்களிலும் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது.

இந்த மாடலின் முன்புறம் யுஎஸ்டி முன்புற ஃபோர்க்குகள், பின்புறம் அட்ஜஸ்ட் செய்யக்கூடிய பிரீலோடு மோனோஷாக் யூனிட் வழங்கப்பட்டு இருக்கிறது. சூப்பர் மீடியோர் 650 முன்புறம் 16 இன்ச் பின்புறம் 19 இன்ச் அலாய் வீல்களை கொண்டிருக்கிறது. எல்இடி இலுமினேஷன் தவிர இந்த பைக்கில் டூயல் பாட் இன்ஸ்ட்ரூமெண்ட் கன்சோல் உள்ளது. பெரிய டயலில் ஸ்பீடோமீட்டர், ஒடோமீட்டர், ட்ரிப் மீட்டர், ஃபியூவல் லெவல் ரீடிங் உள்ளது.

சிறிய யூனிட்-இல் ட்ரிப்பர் நேவிகேஷன் சிஸ்டம், ப்ளூடூத் கனெக்டிவிட்டி உள்ளது. இத்துடன் யுஎஸ்பி சார்ஜிங் போர்ட் வழங்கப்பட்டு இருக்கிறது. புதிய ராயல் என்பீல்டு சூப்பர் மீடியோர் 650 மாடலில் மிரர்கள், டூரிங் சீட்கள், பேக்ரெஸ்ட்கள், ஹார்டு கேஸ் பேனியர்கள், என்ஜின் கார்டு மற்றும் பல்வேறு அக்சஸரீக்களை கொண்டுள்ளது.

இந்த மாடல் ஆஸ்ட்ரல் பிளாக், ஆஸ்ட்ரல் புளூ, ஆஸ்ட்ரல் கிரீன், இண்டர்ஸ்டெல்லார் கிரே, இண்டர்ஸ்டெல்லார் கிரீன், செலஸ்டியல் ரெட் மற்றும் செலஸ்டியல் புளூ என ஏழுவிதமான நிறங்களில் கிடைக்கிறது.

ராயல் என்பீல்டு நிறுவனம் தனது சூப்பர் மீடியோர் 650 மாடல் அறிமுக தேதியை அறிவித்து இருக்கிறது. அந்த வகையில், புதிய சூப்பர் மீடியோர் 650 மாடல் இந்தியாவில் ஜனவரி 16 ஆம் தேதி அறிமுகம் செய்யப்படுகிறது. மேலும் இந்த மாடலின் விலை விவரங்கள் அதே நாளில் அறிவிக்கப்பட இருக்கிறது.

முன்னதாக நவம்பர் மாத வாக்கில் நடைபெற்ற ராயல் என்பீல்டு ரைடர் மேனியா 2022 நிகழ்வில் சூப்பர் மீடியோர் 650 அறிவிக்கப்பட்டது. இது ராயல் என்பீல்டு நிறுவனத்தின் மூன்றாவது மற்றும் அதிக பிரீமியம் மிடில்வெயிட் மாடல் ஆகும். இதில் எல்இடி ஹெட்லைட், அட்ஜஸ்ட் செய்யக்கூடிய லீவர்கள், ட்வின் பாட் இன்ஸ்ட்ரூமெண்ட் கன்சோல், ஸ்ப்லிட் சீட் செட்டப் வழங்கப்பட்டு இருக்கிறது.

இத்துடன் 648சிசி ட்வின் சிலிண்டர் என்ஜின் வழங்கப்பட்டு இருக்கிறது. இதே என்ஜின் இண்டர்செப்டார் மற்றும் காண்டினென்டல் ஜிடி 650 போன்ற மாடல்களில் வழங்கப்படுகிறது. இந்த என்ஜின் 47 ஹெச்பி பவர், 52.3 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இதன் இன்ஸ்ட்ரூமெண்ட் கன்சோலில் பெரிய டயல், ஸ்பீடோமீட்டர், ட்ரிப்மீட்டர், ஒடோமீட்டர், ஃபியூவல் லெவல் ரீட்-அவுட் உள்ளது.

இதன் சிறிய டயலில் ட்ரிப்பர் நேவிகேஷன் சிஸ்டம் வழங்கப்பட்டு இருக்கிறது. இது யுஎஸ்டி முன்புற ஃபோர்க்குகள் மற்றும் டூயல் ரியர் ஷாக் கொண்ட முதல் ராயல் என்பீல்டு மோட்டார்சைக்கிள் ஆகும். பிரேக்கிங்கிற்கு முன்புறம் மற்றும் பின்புறத்தில் டிஸ்க் பிரேக்குகள் வழங்கப்பட்டு இருக்கிறது. விலை விவரங்கள் அறிவிக்கப்பட இருக்கும் நிலையில், இந்த மாடலுக்கான முன்பதிவுகளும் துங்க இருக்கிறது.

சர்வதேச சந்தையில் அறிமுகம் செய்ய ராயல் என்பீல்டு நிறுவனம் பல்வேறு புது மோட்டார்சைக்கிள்களை உருவாக்கும் பணிகளில் ஈடுபட்டு வருகிறது. இதில் 350சிசி மற்றும் 650சிசி மாடல்கள் விரிவுப்பட இருக்கிறது. இதுதவிர ராயல் என்பீல்டு நிறுவனம் 450சிசி பிரிவில் களமிறங்க முடிவு செய்திருப்பதாக தகவல்கள் வெளியாகி உள்ளன. முன்னதாக 2022 நவம்பர மாதத்தில் சூப்பர் மீடியோர் 650 மாடலை இத்தாலியில் காட்சிப்படுத்தி இருந்தது.

இதைத் தொடர்ந்து இந்தியாவில் நடைபெற்ற ரைடர் மேனியா நிகழ்விலும் சூப்பர் மீடியோர் 650 மாடலை காட்சிப்படுத்தியது. புதிய ராயல் என்பீல்டு சூப்பர் மீடியோர் 650 மாடலின் விலை அடுத்த மாதம் அறிவிக்கப்பட இருக்கிறது. வினியோகம் 2023 பிப்ரவரி மாத வாக்கில் துவங்குகிறது. ஃபிளாக்‌ஷிப் குரூயிசர் மாடலான சூப்பர் மீடியோர் 650 மாடலை தொடர்ந்து ராயல் என்பீல்டு நிறுவனம் புதிய 350 சிசி மாடல்களை அறிமுகம் செய்ய இருப்பதாக தகவல் வெளியாகி உள்ளது.

அதன்படி 2023 மத்தியில் புதிய தலைமுறை புல்லட் 350 மாடலை அறிமுகம் செய்யும் என கூறப்படுகிறது. முற்றிலும் புதிய புல்லட் 350 மாடல் சோதனை செய்யப்படும் போது எடுக்கப்பட்ட ஸ்பை படங்கள் பலமுறை இணையத்தில் வெளியாகி இருக்கின்றன. அந்த வகையில், இந்த மாடல் கிட்டத்தட்ட உற்பத்தி நிலையை எட்டிவிட்டதாகவே தெரிகிறது. எனினும், இதன் ப்ரோடக்‌ஷன் வெர்ஷனில் மாற்றங்கள் செய்யப்படும் என்றே கூறப்படுகிறது.

2023 புல்லட் மாடலில் கிளாசிக், ஹண்டர் மற்றும் மீடியோர் மாடல்களில் பயன்படுத்தப்படும் புதிய டபுள் கிராடில் வழங்கப்படுகிறது. இது தற்போதைய மாடலில் உள்ளதை விட குறைந்த அதிர்வுகள் மற்றும் சிறந்த ஸ்டீரிங் அனுபவத்தை வழங்கும் என தெரிகிறது. புல்லட் 350 மாடல் ராயல் என்பீல்டு நிறுவனத்தின் குறைந்த விலை மோட்டார்சைக்கிளாக விற்பனை செய்யப்பட்டு வருகிறது. புது மாடல் எப்படி நிலைநிறுத்தப்படும் என்பதை பொருத்திருந்து பார்க்க வேண்டும்.

புதிய எண்ட்ரி லெவல் மோட்டார்சைக்கிளில் 349சிசி சிங்கில் சிலிண்டர் SOHC ஏர் மற்றும் ஆயில் கூல்டு என்ஜின் வழங்கப்படுகிறது. இந்த என்ஜின் 20.2 ஹெச்பி பவர், 27 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும் என தெரிகிறது. இத்துடன் 5 ஸ்பீடு டிரான்ஸ்மிஷன் வழங்கப்படுகிறது.

புல்லட் 350 மட்டுமின்றி ராயல் என்பீல்டு நிறுவனம் ஒற்றை இருக்கை கொண்ட கிளாசிக் 350 மாடலை இந்திய சந்தையில் அறிமுகம் செய்யும் என கூறப்படுகிறது. இந்த மோட்டார்சைக்கிள் ஜாவா 42 பாபர் மற்றும் ஜாவா பெராக் மாடல்களுக்கு போட்டியாக அமையும் என தெரிகிறது. அடுத்த ஆண்டு ராயல் என்பீல்டு நிறுவனம் 450 சிசி அட்வென்ச்சர் டூரர் மாடலையும் அறிமுகம் செய்யும் என தகவல் வெளியாகி உள்ளது.

ராயல் என்பீல்டு நிறுவனம் இந்த ஆண்டு முற்றிலும் புதிய கிளாசிக் 350 மாடலை இந்திய சந்தையில் அறிமுகம் செய்தது. இது மீடியோர் 350 மாடல் உருவாக்கப்பட்ட ஜெ பிளாட்ஃபார்மில் உருவாகிய இரண்டாவது மோட்டார்சைக்கிள் ஆகும். கிளாசிக் 350 மாடல் மிடில்வெயிட் மோட்டார்சைக்கிள் பிரிவில் நல்ல வரவேற்பை பெற்று வருகிறது.

சில மாதங்களுக்கு முன் விற்பனையகம் வந்த ஹண்டர் 350 மோட்டார்சைக்கிளும் இந்திய சந்தையில் அமோக விற்பனையை தொடர்ந்து பதிவு செய்து வருகிறது. தற்போது இந்தியாவில் விற்பனை செய்யப்படும் ராயல் என்பீல்டு வாகனங்களில் இரண்டாவது குறைந்த விலை மோட்டார்சைக்கிளாக ஹண்டர் 350 இருக்கிறது.

கடந்த மாதம் ராயல் என்பீல்டு கிளாசிக் 350 மோட்டார்சைக்கிள் 26 ஆயிரத்து 072 யூனிட்கள் விற்பனையாகி இருக்கிறது. இதே மாடல் கடந்த ஆண்டு நவம்பர் மாதத்தில் 19 ஆயிரத்து 601 யூனிட்கள் விற்பனையாகி இருந்தது. இது வருடாந்திர விற்பனையில் 36.23 சதவீத வளர்ச்சி ஆகும். இந்திய சந்தையில் 2022 நவம்பர் மாத விற்பனையில் அதிகம் விற்பனையான மோட்டார்சைக்கிள் மாடல்களில் ஒன்பாவது இடத்தை பிடித்துள்ளது.

இதைத் தொடர்ந்து கடந்த மாதம் அதிகம் விற்பனையான மோட்டார்சைக்கிள் பிரிவில் ஹண்டர் 350 மாடல் பத்தாவது இடத்தை பிடித்து இருக்கிறது. 2022 நவம்பர் மாதத்தில் மட்டும் ஹண்டர் 350 மாடல் 15 ஆயிரத்து 588 யூனிட்கள் விற்பனையாகி இருந்தது. கிளாசிக் 350 மற்றும் ஹண்டர் 350 மாடல்கள் சேர்த்து மொத்தத்தில் 42 ஆயிரத்து 290 யூனிட்கள் விற்பனையாகி இருக்கிறது.

ராயல் என்பீல்டு நிறுவனம் பல்வேறு புது மோட்டார்சைக்கிள் மாடல்களை அறிமுகம் செய்யும் பணிகளில் ஈடுபட்டு வருகிறது. கடந்த மாதம் நடைபெற்ற ரைடர் மேனியா 2022 நிகழ்வில் சூப்பர் மீடியோர் 650 மாடலை காட்சிப்படுத்தி இருந்தது. தற்போது இந்த மாடல் ஜனவரி 10 ஆம் தேதி இந்தியாவில் வெளியிடப்படும் என ராயல் என்பீல்டு அறிவித்து இருக்கிறது.

இந்திய சந்தையில் புதிய ராயல் என்பீல்டு சூப்பர் மீடியோர் 650 விலை ரூ. 3 லட்சத்து 50 ஆயிரம், எக்ஸ்-ஷோரூம் வரை நிர்ணயம் செய்யப்படும் என தெரிகிறது. அந்த வகையில் புதிய சூப்பர் மீடியோர் 650 ராயல் என்பீல்டு நிறுவனத்தின் விலை உயர்ந்த மோட்டார்சைக்கிளாக இருக்கும் என எதிர்பார்க்கலாம்.

சூப்பர் மீடியோர் 650 மாடலில் 649சிசி பேரலல் ட்வின் என்ஜின் கொண்டிருக்கிறது. இந்த என்ஜின் கொண்ட மூன்றாவது மாடலாக சூப்பர் மீடியோர் 650 அறிமுகமாகி இருக்கிறது. இந்த குரூயிசர் மோட்டார்சைக்கிள் இண்டர்செப்டார் மாடலின் மேல் நிலை நிறுத்தப்படுகிறது. இந்த மாடல் ஏராளமான அக்சஸரீக்களை கொண்டிருக்கிறது.

ராயல் என்பீல்டு சூப்பர் மீடியோர் 650 மாடலில் அப்ரைட் ரைடிங் பொசிஷன், டியர் டிராப் வடிவ ஃபியூவல் டேன்க், சண்க்கி, ஃபெண்டர் ரியர் டயர், வட்ட வடிவம் கொண்ட எல்இடி ஹெட்லைட், வட்ட வடிவம் கொண்ட டெயில் லைட், ட்வின் எக்சாஸ்ட் செட்டப் உள்ளிட்டவை வழங்கப்படுகிறது.

ராயல் என்பீல்டு நிறுவனம் கிளாசிக் 650 மோட்டார்சைக்கிளை உருவாக்கி வருவதாக தகவல் வெளியாகி உள்ளது. புதிய கிளாசிக் 650 மாடல் இண்டர்செப்டார் 650, காண்டினெண்டல் GT650 மற்றும் புதிய சூப்பர் மீடியோர் 650 மாடல்கள் உருவாக்கப்பட்ட பிளாட்ஃபார்மிலேயே உருவாக்கப்படுவதாக கூறப்படுகிறது. புது கிளாசிக் 650 பற்றிய தகவல்கள் ஏற்கனவே இணையத்தில் வெளியாகி இருந்தது குறிப்பிடத்தக்கது.

இந்த மாடல் எதிர்காலத்தில் அறிமுகம் செய்யப்படும் என கூறப்படுகிறது. தற்போது 650 பிளாட்ஃபார்மில் வேறு எந்த மாடலும் இடம்பெறவில்லை என்பதால், கிளாசிக் 650 இந்த இடைவெளியை போக்கும் வகையில் அறிமுகம் செய்யப்படலாம். சமீப காலங்களில் ராயல் என்பீல்டு விற்பனையில் கிளாசிக் சீரிஸ் மாடல்கள் அதிக பங்குகளை பெற்று வருகின்றன. இதை பயன்படுத்திக் கொள்ளும் வகையில் ராயல் என்பீல்டு கிளாசிக் 650 அறிமுகம் இருக்கும் என தெரிகிறது.

ஸ்டைலிங்கை பொருத்தவரை புதிய மாடல் அதன் 350சிசி மாடலை போன்றே காட்சியளிக்கும் என கூறப்படுகிறது. அந்த வகையில், இந்த மாடலில் வட்ட வடிவம் கொண்ட ஹெட்லேம்ப், டெயில் லேம்ப், மினிமலிஸ்ட் தோற்றம் கொண்ட ஃபியூவல் டேன்க் உள்ளிட்டவற்றை எதிர்பார்க்கலாம். புதிய கிளாசிக் 650 மாடலிலும் மற்ற மாடல்களில் உள்ளதை போன்று 649சிசி, பேரலல் ட்வின் என்ஜின் வழங்கப்படும் என கூறப்படுகிறது.

இதன் வீல்கள், பிரேக்கிங் உள்ளிட்டவை இண்டர்செப்டார் மாடலில் உள்ளதை போன்றே வழங்கப்படலாம். இத்துடன் எல்இடி லைட்டிங், ஏராளமான ஆப்ஷனல் அக்சஸரீக்கள் வழங்கப்படும் என தெரிகிறது. முற்றிலும் புதிய கிளாசிக் 650 மாடல் அடுத்த ஆண்டின் இரண்டாவது அரையாண்டு அல்லது 2024 துவக்கத்தில் அறிமுகம் செய்யப்படும் என கூறப்படுகிறது. இதன் விலை இந்திய மதிப்பில் ரூ. 3 லட்சத்து 50 ஆயிரத்தில் இருந்து துவங்கலாம். 

2022 ரைடர் மேனியா நிகழ்வில் ராயல் என்பீல்டு நிறுவனம் தனது குறைந்த விலை கிளாசிக் 500 மோட்டார்சைக்கிளை அறிமுகம் செய்தது. இதுதவிர ஹண்டர் 350 மாடல் ராயல் என்பீல்டு நிறுவனத்தின் குறைந்த விலை மோட்டார்சைக்கிள் என்ற பெருமையை பெற்று இருந்தது.

மிக குறைந்த எண்ணிக்கையில் அறிவிக்கப்பட்ட ராயல் என்பீல்டு கிளாசிக் 500 மாடல் ஒரே வாரத்தில் விற்றுத் தீர்ந்துள்ளது. இந்திய சந்தையில் புதிய கிளாசிக் 500 மாடலின் விலை ரூ. 67 ஆயிரத்து 990 என நிர்ணயம் செய்யப்பட்டு உள்ளது. இது கிளாசிக் 500 பைக்கின் 1:3 ஸ்கேல் மாடல் ஆகும். இந்த மாடல் 18 விதமான நிறங்களில் கிடைக்கிறது.

கிளாசிக் 500 மேட்டார்சைக்கிளின் மினியச்சர் மாடல் அதன் அம்சங்கள் மற்றும் ஸ்டைலிங்கில் விசேஷ கவனம் செலுத்தப்பட்டு உள்ளது. இதில் ரைடருக்கான இருக்கை, வயர் ஸ்போக் வீல்கள், பீஷூட்டர் எக்சாஸ்ட் வழங்கப்பட்டு இருக்கிறது. இது லிமிடெட் எடிஷன் மாடல் ஆகும்.

இந்த மாடலில் மூவிங் திராடிள் மற்றும் கிளட்ச் யூனிட், அட்ஜஸ்ட் செய்யக்கூடிய சஸ்பென்ஷன், அட்ஜஸ்ட் செய்யக்கூடிய செயின் மற்றும் மைக்ரோ கீ உள்ளது. தற்போது விற்றுத் தீர்ந்ததாக அறிவிக்கப்பட்டு இருக்கும் நிலையில், இந்த மாடல் எத்தனை யூனிட்கள் விற்பனை செய்யப்பட்டது என்ற விவரங்கள் இதுவரை அறிவிக்கப்படவில்லை.

ராயல் என்பீல்டு நிறுவனம் 2018 வாக்கில் இண்டர்செப்டார் 650 மற்றும் காண்டினெண்டல் ஜிடி 650 என இரு மாடல்களை இந்திய சந்தையில் அறிமுகம் செய்து இருந்தது. இரு மாடல்களும் விற்பனையில் தொடர்ந்து அசத்தி வருகின்றன. இந்தியா மட்டும் இன்றி உலக சந்தைகளிலும் இந்த இரு மாடல்களும் அமோக வெற்றி பெற்றுள்ளன.

650 சிசி மாடல்கள் மூலம் ராயல் என்பீல்டு நிறுவனம் இந்திய சந்தையில் போட்டி மாடல்களை பின்னுக்குத் தள்ளி மிடில்வெயிட் மோட்டார்சைக்கிள் பிரிவில் ஏற்கனவே முன்னணியில் இருந்து வந்த பிரீமியம் பிராண்டுகளை முந்தியது. நல்ல வரவேற்பை தொடர்ந்து ராயல் என்பீல்டு நிறுவனம் தனது 650 சிசி பிரிவு வாகனங்கள் எண்ணிக்கையை அதிகப்படுத்த துவங்கி இருக்கிறது.

இந்த வரிசையில் தான் புதிதாக சூப்பர் மீடியோர் 650 மாடலை ஃபிளாக்‌ஷிப் குரூயிசர் மாடலாக ராயல் என்பீல்டு அறிமுகம் செய்து இருக்கிறது. இந்திய சந்தையில் புதிய ராயல் என்பீல்டு சூப்பர் மீடியோர் 650 மாடலின் விலை ரூ. 4 லட்சம் வரை நிர்ணயம் செய்யப்படும் என எதிர்பார்க்கலாம்.

இந்திய சந்தையில் ராயல் என்பீல்டு சூப்பர் மீடியோர் 650 மாடல் விலை விவரங்கள் ஜனவரி மாத வாக்கில் அறிவிக்கப்பட உள்ளன. இதைத் தொடர்ந்து வினியோகம் 2023 பிப்ரவரி மாத வாக்கில் துவங்க இருக்கிறது. இந்த ரெட்ரோ மோட்டார்சைக்கிள் விவரங்கள ஏற்கனவே வெளியாகியுள்ளன.