நீங்கள் தேடியது "Toyota"

டொயோட்டா நிறுவனம் அர்பன் குரூயிசர் ஹைரைடர் மாடலின் E, S, G மற்றும் V மைல்டு ஹைப்ரிட் வேரியண்ட்கள் விலை அறிவிக்கப்பட்டு இருக்கிறது. அந்த வகையில் புதிய டொயோட்டா ஹைரைடர் மைல்டு ஹைப்ரிட் வேரியண்ட் விலை ரூ. 10 லட்சத்து 48 ஆயிரம் என துவங்கி அதிகபட்சம் ரூ. 17 லட்சத்து 19 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

முன்னதாக டொயோட்டா ஹைரைடர் ஸ்டிராங் ஹைப்ரிட் வேரியண்ட்களின் விலை செப்டம்பர் 09 ஆம் தேதி அறிவிக்கப்பட்டது. டொயோட்டா ஹைரைடர் காருக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 25 ஆயிரம் என நிர்ணயம் செய்யப்பட்டு உள்ளது.

டொயோட்டா ஹைரைடர் விலை விவரங்கள்:

ஹைரைடர் E மைல்டு ஹைப்ரிட் MT ரூ. 10 லட்சத்து 48 ஆயிரம்

ஹைரைடர் S மைல்டு ஹைப்ரிட் MT ரூ. 12 லட்சத்து 28 ஆயிரம்

ஹைரைடர் S மைல்டு ஹைப்ரிட் AT ரூ. 13 லட்சத்து 48 ஆயிரம்

ஹைரைடர் S ஸ்டிராங் ஹைப்ரிட் eCVT ரூ. 15 லட்சத்து 11 ஆயிரம்

ஹைரைடர் G மைல்டு ஹைப்ரிட் MT ரூ. 14 லட்சத்து 34 ஆயிரம்

ஹைரைடர் G மைல்டு ஹைப்ரிட் AT ரூ. 15 லட்சத்து 54 ஆயிரம்

ஹைரைடர் G ஸ்டிராங் ஹைப்ரிட் eCVT ரூ. 17 லட்சத்து 49 ஆயிரம்

ஹைரைடர் V மைல்டு ஹைப்ரிட் MT ரூ. 15 லட்சத்து 89 ஆயிரம்

ஹைரைடர் V மைல்டு ஹைப்ரிட் AT ரூ. 17 லட்சத்து 09 ஆயிரம்

ஹைரைடர் V மைல்டு ஹைப்ரிட் MT AWD ரூ. 17 லட்சத்து 19 ஆயிரம்

ஹைரைடர் V ஸ்டிராங் ஹைப்ரிட் eCVT ரூ. 18 லட்சத்து 99 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய டொயோட்டா ஹைரைடர் மைல்டு ஹைப்ரிட் மாடலில் 1.5 லிட்டர் K15C என்ஜின் வழங்கப்பட்டு இருக்கிறது. இந்த என்ஜின் 103 ஹெச்பி பவர், 137 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல், 6 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்பட்டு உள்ளது.

இந்திய சந்தையில் புதிய ஹைரைடர் மாடல்- E, S, G மற்றும் V என நான்கு வேரியண்ட்களில் கிடைக்கிறது. இந்த மாடலில் AWD வசதி மைல்டு ஹைப்ரிட் V மேனுவல் வேரியண்டில் மட்டுமே வழங்கப்பட்டு இருக்கிறது. இதன் டாப் எண்ட் மாடலில் பானரோமிக் சன்ரூப், 360 டிகிரி கேமரா உள்ளிட்ட வசதிகள் உள்ளன.

டொயோட்டா நிறுவனம் தனது எண்ட்ரி லெவல் கிளான்சா மாடலின் CNG வேரியண்டை உருவாக்கி வருவகிறது. இது டொயோட்டா நிறுவனத்தின் பிரீமியம் ஹேச்பேக் மாடல் ஆகும். இந்திய சந்தையில் டொயோட்டா கிளான்சா மாடல் டாடா அல்ட்ரோஸ், ஹூண்டாய் i20, ஹோண்டா ஜாஸ் மற்றும் மாருதி சுசுகி பலேனோ போன்ற மாடல்களுக்கு போட்டியாக அமைகிறது.

புதிய கிளான்சா CNG மாடலில் 1.2 லிட்டர் என்ஜின் வழங்கப்படுகிறது. இந்த என்ஜின் 77 ஹெச்பி பவர் வெளிப்படுத்தும் என தெரிகிறது. தற்போது விற்பனை செய்யப்படும் கிலான்சா ஸ்டாண்டர்டு மாடலில் இதே என்ஜின் 90 ஹெச்பி பவர் வெளிப்படுத்துகிறது. டொயோட்டா தனது கிளான்சா மாடல் லிட்ருக்கு 25 கிமீ வரை மைலேஜ் வழங்கும் என தெரிகிறது. மேலும் இந்த வேரியண்ட் மேனுவல் டிரான்ஸ்மிஷன் ஆப்ஷனில் மட்டுமே கிடைக்கும்.

டொயோட்டா கிளான்சா CNG ஆப்ஷன் G, S மற்றும் V வேரியண்ட்களில் கிடைக்கும் என தெரிகிறது. டாப் எண்ட் மாடலான V வேரியண்டில் ஹெட்ஸ்-அப் டிஸ்ப்ளே, 9 இன்ச் தொடுதிரை வசதி, கனெக்டெட் கார் தொழில்நுட்பம் மற்றும் ஆறு ஏர்பேக் உள்ளிட்டவை வழங்கப்படுகிறது.

மற்ற CNG கார்களை போன்றே கிளான்சா CNG விலை அதன் பெட்ரோல் மாடலை விட அதிகமாகவே இருக்கும். தற்போது வெளியாகி இருக்கும் தகவல்களின் படி டொயோட்டா கிளான்சா CNG விலை அதன் ஸ்டாண்டர்டு மாடலை விட ரூ. 75 ஆயிரம் வரை அதிகமாக நிர்ணயம் செய்யப்படலாம்.

டொயோட்டா கிர்லோஸ்கர் மோட்டார் நிறுவனம் தனது அர்பன் குரூயிசர் ஹைரைடர் மாடலின் நான்கு டாப் எண்ட் வேரியண்ட் விலை விவரங்களை சில தினங்களுக்கு முன் அறிவித்து இருந்தது.

அதன்படி 5 சீட்டர் S இ டிரைவ் 2WD ஹைப்ரிட் மாடல் விலை ரூ. 15 லட்சத்து 11 ஆயிரம் என துவங்குகிறது. இதன் V AT 2WD நியோ டிரைவ் மாடல் விலை ரூ. 17 லட்சத்து 09 ஆயிரம் ஆகும். ஹைரைடர் G இடிரைவ் 2WD ஹைப்ரிட் மாடல் விலை ரூ. 17 லட்சத்து 49 ஆயிரம், V இடிரைவ் 2WD ஹைப்ரிட் விலை ரூ. 18 லட்சத்து 99 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்திய சந்தையில் புதிய டொயோட்டா அர்பன் குரூயிசர் ஹைரைடர் மாடல் ஹூண்டாய் கிரெட்டா, கியா செல்டோஸ், எம்ஜி ஆஸ்டர், போக்ஸ்வேகன் டைகுன், ஸ்கோடா குஷக், நிசான் கிக்ஸ் மற்றும் விரைவில் அறிமுகமாகும் மாருதி சுசுகி கிராண்ட் விட்டாரா போன்ற மாடல்களுக்கு போட்டியாக அமைகிறது. புதிய அர்பன் குரூயிசர் ஹைரைடர் மாடல் 11 நிறங்களில் கிடைக்கிறது.

இந்த காரின் டூயல் டோன் வேரியண்ட்களின் ரூஃப் பிளாக் நிற பினிஷ் கொண்டிருக்கிறது. இதன் G இடிரைவ் 2WD ஹைப்ரிட் டூயல் டோன் விலை ரூ. 17 லட்சத்து 69 ஆயிரம் என்றும் V இடிரைவ் 2WD ஹைப்ரிட் விலை ரூ. 19 லட்சத்து 19 ஆயிரம் என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன. இவை சிங்கில் டோன் மாடல்கள் விலையை விட ரூ. 20 ஆயிரம் விலை அதிகம் ஆகும்.

டொயோட்டா அர்பன் குரூயிசர் ஹைரைடர் மாடல் கர்நாடகாவில் உள்ள ஆலையில் உற்பத்தி செய்யப்பட்டு வருகிறது. வரும் வாரங்களில் இந்த கார் உற்பத்தை ஆலையில் இருந்து வெளியாக இருக்கிறது. இந்த கார் மாருதி சுசுகி கிராண்ட் விட்டாரா மாடலுடன் பிளாட்பார்மை பகிர்ந்து கொண்டிருக்கிறது.

ஜப்பான் நாட்டை சேர்ந்த ஆட்டோமொபைல் உற்பத்தியாளரான டொயோட்டா இந்திய சந்தையில் தனது புதிய அர்பன் குரூயிசர் ஹைரைடர் மாடலின் நான்கு வேரியண்ட்கள் விலையை அறிவித்து இருக்கிறது. முன்னதாக ஜூலை மாத வாக்கில் அறிமுகம் செய்யப்பட்ட நிலையில், தற்போது இந்த காரின் விலை அறிவிக்கப்பட்டு உள்ளது. இந்த எஸ்யுவி-க்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 25 ஆயிரம் ஆகும்.

இந்திய சந்தையில் புதிய டொயோட்டா அர்பன் குரூயிசர் ஹைரைடர் மாடல் E, S, G மற்றும் V என நான்கு வேரியண்ட்களில் கிடைக்கிறது. மேலும்- நியோ டிரைவ் மற்றும் செல்ஃப் சார்ஜிங் ஸ்டிராங் ஹைப்ரிட் எலெக்ட்ரிக் என இரண்டு வித பவர்டிரெயின் ஆப்ஷன்களில் கிடைக்கிறது. தற்போது டாப் எண்ட் பிரிவில் கிடைக்கும் நான்கு வேரியண்ட்களின் விலை அறிவிக்கப்பட்டு இருக்கிறது.

அதன்படி புதிய டொயோட்டா அர்பன் குரூயிசர் ஹைரைடர் மாடல் விலை ரூ. 15 லட்சத்து 11 ஆயிரம் என துவங்கி அதிகபட்சம் ரூ. 18 லட்சத்து 99 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. இந்த காரின் செல்ஃப் சார்ஜிங் ஹைப்ரிட் எலெக்ட்ரிக் வெர்ஷனில் 1.5 லிட்டர் என்ஜின் வழங்கப்பட்டு இருக்கிறது.

இத்துடன் இ டிரைவ் டிரான்ஸ்மிஷன் வழங்கப்பட்டு உள்ளது. இந்த என்ஜின் 79 ஹெச்பி பவர், 141 நியூட்டன் மீட்டர் டார்க் இழுவிசையை வெளிப்படுத்துகிறது. இதன் எலெக்ட்ரிக் மோட்டார் 79 ஹெச்பி பவர், 141 நியூட்டன் மீட்டர் டார்க் இழுவிசையை வெளிப்படுத்துகிறது. ஸ்டிராங் ஹைப்ரிட் வெர்ஷன் அதிகபட்சம் 114 ஹெச்பி பவர் வெளிப்படுத்துகிறது.

அர்பன் குரூயிசர் நியோ டிரைவ் வெர்ஷனில் 1.5 லிட்டர் K சீரிஸ் என்ஜின் வழங்கப்பட்டு உள்ளது. இந்த என்ஜினுடன் இண்டகிரேடெட் ஸ்டார்ட்டர் ஜெனரேட்டர் தொழில்நுட்பம் வழங்கப்பட்டு இருக்கிறது. இது 101 ஹெச்பி பவர், 135 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல், 6 ஸ்பீடு ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படுகிறது.

ஜப்பான் நாட்டு கார் உற்பத்தியாளரான டொயோட்டா இந்தியாவில் டொயோட்டா இன்னோவா க்ரிஸ்டா லிமிடெட் எடிஷன் மாடலை அறிமுகம் செய்து இருக்கிறது. புதிய டொயோட்டா இன்னோவா க்ரிஸ்டா லிமிடெட் எடிஷன் மாடலில் சில புது அம்சங்கள் வழங்கப்பட்டு உள்ளது. மேலும் இந்த மாடல் 2.7 லிட்டர் பெட்ரோல் என்ஜினுடன் மட்டுமே கிடைக்கிறது.

புதிய இன்னோவா க்ரிஸ்டா லிமிடெட் எடிஷன் விலை ரூ. 17 லட்சத்து 45 ஆயிரம் என துவங்குகிறது. இதன் ஆட்டோமேடிக் வேரியண்ட் விலை ரூ. 19 லட்சத்து 02 ஆயிரம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. லிமிடெட் எடிஷன் மாடல் மிட்-ஸ்பெக் GX வேரியண்டை தழுவி உருவாக்கப்பட்டு இருக்கிறது. இந்த மாடலில் டயர் பிரெஷர் மாணிட்டரிங் சிஸ்டம், வயர்லெஸ் போன் சார்ஜர், ஹெட்ஸ்-அப் டிஸ்ப்ளே உள்ளிட்டவைகளுடன் கிடைக்கிறது.

வழக்கமாக இந்த அம்சங்களை டீலரிடம் ஃபிட் செய்தால் ரூ. 55 ஆயிரம் வரை கூடுதலாக செலவாகும். எனினும், வாடிக்கையாளர்கள் பெட்ரோல் மாடலை வாங்க தூண்டும் வகையில் இந்த லிமிடெட் எடிஷன் அறிமுகம் செய்யப்பட்டு உள்ளது. அதிக வரவேற்பு காரணமாக இன்னோவா க்ரிஸ்டா டீசல் வெர்ஷன்களின் முன்பதிவு நிறுத்தப்பட்ட நிலையில், தற்போது லிமிடெட் எடிஷன் மாடல் அறிமுகமாகி இருக்கிறது.

இன்னோவா க்ரிஸ்டா பெட்ரோல் மாடலில் 2.7 லிட்டர், 4 சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 164 ஹெச்பி பவர், 245 நியூட்டன் மீட்டர் டார்க் இழுவிசையை வெளிப்படுத்துகிறது. இந்த என்ஜின் லிட்டருக்கு 10.5 கிலோமீட்டர் வரை மைலேஜ் வழங்கும் என ARAi சான்று பெற்று இருக்கிறது.

இந்தியா முழுக்க செயல்பட்டு வரும் டொயோட்டா விற்பனையாளர்கள், இன்னோவா க்ரிஸ்டா டீசல் வேரியண்ட் முன்பதிவை திடீரென நிறுத்துவதாக அறிவித்தன. இதை அடுத்து ஜப்பான் நாட்டு கார் உற்பத்தியாளரான டொயோட்டா தனது அதிக பிரபலமான எம்பிவி மாடலை இந்திய சந்தையில் இருந்து வெளியேற்ற முடிவு செய்து விட்டதாக தகவல்கள் வெளியாகி வந்தன.

மேலும் இன்னோவா க்ரிஸ்டா மாடலுக்கு மாற்றாக ஹைப்ரிட் மாடல் ஒன்று இந்த ஆண்டு அக்டோபர் மாத வாக்கில் அறிமுகம் செய்யப்பட இருப்பதாகவும் கூறப்பட்டது. இன்னோவா க்ரிஸ்டா டீசல் வேரியண்ட் முன்பதிவு நிறுத்தியதற்கான காரணம் பற்றி டொயோட்டா நிறுவனம் மௌனம் காத்து வந்தது. இந்த நிலையில், இதற்கான காரணத்தை விளக்கி அறிக்கை ஒன்றை டொயோட்டா வெளியிட்டு இருக்கிறது.

அதன்படி, "டொயோட்டா இன்னோவா க்ரிஸ்டா, இந்திய சந்தையில் டொயோட்டா கிர்லோஸ்கர் மோட்டார் நிறுவனத்தின் பிளாக்‌ஷிப் மாடல் ஆகும். 2005 ஆம் ஆண்டு அறிமுகம் செய்யப்பட்டதில் இருந்து இந்த கார் நீண்ட பயணத்தை எதிர்கொண்டு வந்துள்ளது. சந்தையில் தனக்கென தனி இடத்தை உருவாக்கிக் கொண்ட இன்னோவா இந்த பிரிவில் மற்ற மாடல்களை விட ஒருபடி மேலாகவே இருந்து வந்துள்ளது."

"கடந்த ஆண்டுகளில் இந்த மாடல் பலமுறை அதிகளவு மாற்றங்களை எதிர்கொண்டு இருக்கிறது. இந்திய வாடிக்கையாளர்களின் எதிர்பார்ப்பை பூர்த்தி செய்யும் வகையில், ஆடம்பரம், சவுகரியம் மற்றும் செயல்திறன் என எல்லாவற்றிலும் இந்த கார் குறிப்பிடத்தக்க அப்டேட்களை பெற்று வந்துள்ளது. இதே வரிசையில் இரண்டாம் தலைமுறை இன்னோவா க்ரிஸ்டா தொடர்ந்து நல்ல வரவேற்பை பெற்று வருகிறது."

"எனினும், தொடர்ந்து கிடைத்து வரும் அமோக வரவேற்பு காரணமாக இன்னோவா க்ரிஸ்டா டீசல் வேரியண்டுக்கான காத்திருப்பு காலம் தொடர்ந்து அதிகரித்துக் கொண்டே வருகிறது. இதன் காரணமாக டொயோட்டா நிறுவனம் இன்னோவா க்ரிஸ்டா டீசல் வேரியண்ட் முன்பதிவை நிறுத்தி இருக்கிறது. வாடிக்கையாளர் நலன் சார்ந்த நிறுவனமாக தொடர்ந்து வாகன வினியோகத்தை வேகப்படுத்தும் முயற்சிகளை மேற்கொண்டு வருகிறோம். பெட்ரோல் மாடலுக்கான முன்பதிவு தொடர்ந்து நடைபெறும்." என தெரிவித்துள்ளது.

டொயோட்டா நிறுவனம் ஹைரைடர் காம்பேக்ட் எஸ்யுவி மாடல் விலையை அடுத்த வாரம் அறிவிக்க இருக்கிறது. இந்த காருக்கான முன்பதிவு ஏற்கனவே துவங்கி விட்டது. ஹைரைடர் மாடலை வாங்குவோர் பெரும்பாலும் ஸ்டிராங் ஹைப்ரிட் வெர்ஷனையே தேர்வு செய்து வருகின்றனர்.

புதிய ஹைரைடர் மாடலில் 1.5 லிட்டர் பெட்ரோல் என்ஜின் மைல்டு மற்றும் செல்ப் சார்ஜிங் ஸ்டிராங் ஹைப்ரிட் ஆப்ஷன்கள் வழங்கப்படுகிறது. மைல்டு ஹைப்ரிட் பவர்டிரெயின் மாருதி சுசுகி பிரெஸ்ஸா மாடலில் உள்ளதை போன்றே 105 பிஎஸ் பவர் வெளிப்படுத்துகிறது. ஸ்டிராங் ஹைப்ரிட் வெர்ஷன் 116 பிஎஸ் பவர் வெளிப்படுத்தும். இந்த கார் லிட்டருக்கு 27.97 கிலோமீட்டர் மைலேஜ் வழங்குகிறது.

டிரான்ஸ்மிஷனுக்கு மைல்டு ஹைப்ரிட் வெர்ஷனில் 6 ஸ்பீடு மேனுவல் மற்றும் ஆட்டோமேடிக் டிரான்ஸ்மிஷன்கள், ஸ்டிராங் ஹைப்ரிட் வெர்ஷனுக்கு e-CVT ஆப்ஷன் வழங்கப்படுகிறது. மைல்டு ஹைப்ரிட் மேனுவல் வேரியண்ட் உடன் ஆல் வீல் டிரைவ் ஆப்ஷனும் வழங்கப்படுகிறது.

இந்திய சந்தையில் புதிய ஹைரைடர் மாடலின் விலை ரூ. 9 லட்சத்து 50 ஆயிரம், எக்ஸ்-ஷோரூம் வரை துவங்கும் என எதிர்பார்க்கலாம். இதன் எண்ட்ரி லெவல் ஸ்டிராங் ஹைப்ரிட் மாடல் விலை ரூ. 20 லட்சம் வரை நிர்ணயம் செய்யப்படலாம். புதிய ஹைரைடர் மாடல் மாருதி சுசுகி கிராண்ட் விட்டாரா, ஹூண்டாய் கிரெட்டா, கியா செல்டோஸ், எம்ஜி ஆஸ்டர், ஸ்கோடா குஷக் மற்றும் போக்ஸ்வேகன் டைகுன் போன்ற மாடல்களுக்கு போட்டியாக அமைகிறது.

டொயோட்டா நிறுவனம் முற்றிலும் புதிய லேண்ட் குரூயிசர் LC300 மாடலுக்கான முன்பதிவை துவங்கி உள்ளது. இந்த காருக்கான முன்பதிவு கட்டணம் ரூ. 10 லட்சம் ஆகும். ஏற்கனவே இந்த லேண்ட் குரூயிசர் LC300 மாடல் பல்வேறு உலக நாடுகளில் விற்பனை செய்யப்பட்டு வருகிறது. மேலும் இந்த காருக்கான காத்திருப்புக் காலம் தொடர்ந்து அதிகரித்துக் கொண்டே வருகிறது. சில நாடுகளில் இந்த காரை பெற மூன்று ஆண்டுகள் வரை காத்திருக்க வேண்டிய சூழல் ஏற்பட்டு உள்ளது.

எனினும், இந்தியாவில் புதிய லேண்ட் குரூயிசர் LC300 மாடல் வினியோகம் ஒரு ஆண்டுக்கும் மேல் துவங்கி விடும் என தகவல் வெளியாகி உள்ளது. முந்தைய LC200 போன்றே புதிய டொயோட்டா LC300 மாடலும் முழுமையாக உற்பத்தி செய்யப்பட்ட யூனிட் வடிவில் இந்தியாவுக்கு இறக்குமதி செய்யப்பட இருக்கிறது.

தற்போது முன்பதிவு மட்டும் துவங்கி இருக்கும் நிலையில், இதன் விலை பற்றி எந்த தகவலும் வெளியாகவில்லை. இந்திய சந்தையில் புதிய டொயோட்டா லேண்ட் குரூயிசர் LC300 மாடலின் விலை ரூ. 2 கோடி வரை நிர்ணயம் செய்யப்படும் என தெரிகிறது. இந்த காரை வாங்குவோர் லேண்ட் குரூயிசர் LC300 மீது மூன்று ஆண்டுகள் அல்லது ஒரு லட்சம் கி.மீ வாரண்டியை பெற முடியும்.

வரும் மாதங்களில் புதிய லேண்ட் குரூயிசர் LC300 மாடல் இந்திய சந்தையில் அறிமுகம் செய்யப்பட உள்ளது. அறிமுகமானதும் இந்த கார் லேண்ட் ரோவர் ரேன்ஜ் ரோவர் காருக்கு போட்டியாக அமைகிறது.

ஜப்பான் நாட்டை சேர்ந்த ஆட்டோமொபைல் உற்பத்தியாளரான டொயோட்டா, தனது எம்பிவி மாடல் இன்னோவா விற்பனையில் அமோக வரவேற்பை பெற்று வருவதாக தெரிவித்து உள்ளது. கடந்த பல ஆண்டுகளாக இந்த மாடலின் விற்பனை சீராக இருந்ததோடு, எம்பிவி பிரிவில் அசைக்க முடியாத மாடலாகவும் விளங்குகிறது.

டொயோட்டா நிறுவனத்தின் இந்திய பிரிவு டொயோட்டா கிர்லோஸ்கர் மோட்டார் தனது பிரபல எம்பிவி மாடல் விற்பனையில் புது மைல்கல் எட்டியதாக அறிவித்து உள்ளது. இந்திய சந்தை விற்பனையில் இன்னோவா மாடல் பத்து லட்சம் யூனிட்களை கடந்து இருப்பதாக அறிவித்து டொயோட்டா நிறுவனம் அறிவித்து இருக்கிறது.

சில நாட்களுக்கு முன்பு தான் ஜூலை மாத விற்பனையில் 19 ஆயிரத்து 693 கார்களை விற்பனை செய்ததாக டொயோட்டா நிறுவனம் அறிவித்து இருந்தது. இந்தியாவில் வியாபாரத்தை துவங்கியதில் இருந்து இதுவரை ஒரே மாதத்தில் டொயோட்டா நிறுவனம் இத்தனை யூனிட்களை விற்பனை செய்ததே இல்லை. 2021 ஜூலை மாதத்தில் டொயோட்டா நிறுவனம் 13 ஆயிரத்து 105 யூனிட்களை விற்பனை செய்து இருந்தது.

அந்த வகையில் கடந்த மாதம் மட்டும் டொயோட்டா நிறுவன வருடாந்திர விற்பனை 50 சதவீத வளர்ச்சியை பதிவு செய்தது. இதே போன்று ஜூன் 2022 மாத விற்பனையில் டொயோட்டா 16 ஆயிரத்து 500 யூனிட்களை விற்பனை செய்து இருந்தது. இது 19 சதவீதம் அதிகம் ஆகும்.

டொயோட்டா கிர்லோஸ்கர் மோட்டார் நிறுவனம் முற்றிலும் புதிய அர்பன் குரூயிசர் ஹைரைடர் மிட் சைஸ் எஸ்யுவி மாடலினை இந்த மாத துவக்கத்தில் அறிமுகம் செய்தது. மேலும புதிய டொயோட்டா அர்பன் குரூயிசர் ஹைரைடர் மாடலுக்கான முன்பதிவு துவங்கி நடைபெற்று வருகிறது. இந்த காருக்கான முன்பதிவு கட்டணம் ரூ. 25 ஆயிரம் என நிர்ணயம் செய்யப்பட்டு உள்ளது. இதன் வெளியீடு ஆகஸ்ட் மாத வாக்கில் நடைபெற இருக்கிறது.

இந்திய சந்தையில் டொயோட்டா அர்பன் குரூயிசர் ஹைரைடர் மாடல் E, S, G மற்றும் V என நான்கு வித வேரியண்ட்களில் விற்பனைக்கு வர இருக்கிறது. மேலும் இந்த கார் ஏழு விதமான மோனோ டோன் நிறங்கள், நான்கு விதமான டூயல் டோன் நிற ஆப்ஷன்களில் கிடைக்கிறது.

புதிய டொயோட்டா அர்பன் குரூயிசர் ஹைரைடர் மாடலில் 1.5 லிட்டர் K15C பெட்ரோல் என்ஜின், மைல்டு ஹைப்ரிட் சிஸ்டம் வழங்கப்படுகிறது. இந்த என்ஜின் 101 ஹெச்.பி. பவர், 135 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் மற்றும் 6 ஸ்பீடு டார்க் கன்வெர்ட்டர் ஆட்டோமேடிக் யூனிட் வழங்கப்படுகிறது. மேலும் ஆல் வீல் டிரைவ் வசதியும் வழங்கப்படுகிறது.

இது மட்டுமின்றி புதிய அர்பன் குரூயிசர் மாடல் 1.5 லிட்டர் பெட்ரோல் என்ஜின் மற்றும் டொயோட்டா ஹைப்ரிட் சிஸ்டம் வசதியுடன் வருகிறது. இந்த யூனிட் 91 ஹெச்.பி. பவர் மற்றும் 122 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் இ டிரைவ் டிரான்ஸ்மிஷன் வழங்கப்படுகிறது.

டொயோட்டா நிறுவனத்தின் லேண்ட் குரூயிசர் LC300 மாடல் இந்திய சந்தையில் சோதனை செய்யப்படும் புகைப்படங்கள் லீக் ஆகி உள்ளது. சோதனையில் சிக்கிய யூனிட் லேண்ட் குரூயிசர் LC300 சகாரா ZX வேரியண்ட் ஆகும். இது வலது புற டிரைவ் வசதி கொண்டு இருக்கிறது.

சோதனையில் சிக்கிய டொயோட்டா லேண்ட் குரூயிசர் LC300 மாடலில் நம்பர் பிளேட் எதுவும் இடம்பெறவில்லை. அந்த வகையில், இந்த மாடல் சோதனை யூனிட் அல்லது டெமோ வாகனமாக இருக்க வாய்ப்புகள் குறைவு தான். இந்த மாடலை தனி நபர் யாரேனும் வாங்கி இந்தியாவில் இறக்குமதி செய்து இருக்கலாம்.

Photo Courtesy: Instagram | carcrazy.india

இந்த எஸ்.யு.வி. மாடல் கோயம்புத்தூரில் சோதனை செய்யப்படும் போது எடுக்கப்பட்டு இருக்கிறது. இந்தியாவின் முதல் ஃபார்முலா 1 பந்தய வீரர் நரேன் கார்திகேயன் பிறந்த ஊர் தான் கோயம்புத்தூர் ஆகும். முன்னதாக டொயோட்டா லேண்ட் குரூயிசர் LC300 மாடலுக்கான முன்பதிவுகள் இந்தியாவில் துவங்கப்பட்டன. எனினும், அதிக வரவேற்பு காரணமாக இதன் முன்பதிவு நிறுத்தப்பட்டு விட்டது.

தற்போதைய தகவல்களின் படி டொயோட்டா லேண்ட் குரூயிசர் LC300 முதற்கட்ட யூனிட்கள் ஏற்கனவே விற்றுத் தீர்ந்து விட்டதாக தெரிகிறது. இந்தியா மட்டும் இன்றி டொயோட்டா லேண்ட் குரூயிசர் LC300 மாடலுக்கு சர்வதேச சந்தையிலும் அதிகளவு வரவேற்பு கிடைத்து வருகிறது. சில நாடுகளில் இந்த மாடலை டெலிவரி பெற அதிகபட்சம் நான்கு ஆண்டுகள் வரை காத்திருக்க வேண்டிய சூழல் உருவாகி இருக்கிறது.

கொரோனா பெருந்தொற்று ஏற்படுத்திய பாதிப்புகளில் இருந்து ஆட்டோமொபைல் சந்தை மெல்ல மீண்டு வருகிறது. பல்வேறு வாகன உற்பத்தியாளர்கள் பயன்படுத்திய கார் விற்பனை துறையில் கதவனம் செலுத்த துவங்கி உள்ளனர். இந்த வரிசையில், பயன்படுத்திய கார் விற்பனையில் இருந்து லாபம் ஈட்ட டொயோட்டா நிறுவனம் முடிவு செய்து உள்ளது.

டொயோட்டா மோட்டார் கார்ப்பரேஷன் மற்றும் கிர்லோஸ்கர் குழுமம் - டொயோட்டா கிர்லோஸ்கர் மோட்டார் கூட்டணி அமைந்து உள்ளன. இந்த கூட்டணியின் கீழ் பயன்படுத்திய கார்களை விற்பனை செய்ய டொயோட்டா நிறுவனம் முடிவு செய்து உள்ளது. முன்னதாக பயன்படுத்திய கார் விற்பனை பிரிவில் களமிறங்கு வதாக டொயோட்டா நிறுவனம் அறிவித்து இருந்தது.

இந்த வரிசையில், தான் தற்போது பெங்களூரு நகரில் டொயோட்டா யூஸ்டு கார் அவுட்லெட்-ஐ (TUCO) டொயோட்டா நிறுவனம் துவங்கி இருக்கிறது. புதிய விற்பனையகத்தின் மூலம் நாடு முழுக்க டொயோட்டா வாடிக்கையாளர்களுக்கு வெளிப்படையான மற்றும் நம்பத்தகுந்த பயன்படுத்திய கார் சந்தையை உருவாக்க திட்டமிட்டு இருப்பதாக டொயோட்டா நிறுவனம் தெரிவித்து உள்ளது.