நீங்கள் தேடியது "Motorola"

சீனா மற்றும் சர்வதேச சந்தைகளை தொடர்ந்து மோட்டோரோலா நிறுவனத்தின் மோட்டோரோலா ரேசர் 40 அல்ட்ரா ஸ்மார்ட்போன் இந்திய வெளியீட்டுக்கு தயாராகி வருகிறது. மோட்டோரோலா 40 அல்ட்ரா ஸ்மார்ட்போனின் இந்திய வெளியீட்டை உணர்த்தும் டீசர் வெளியிடப்பட்டது. இத்துடன் புதிய ஸ்மார்ட்போன் விற்பனை அமேசான் வலைதளத்தில் நடைபெறும் என்று தெரியவந்துள்ளது.

அம்சங்களை பொருத்தவரை புதிய மோட்டோரோலா ரேசர் 40 அல்ட்ரா மாடலில் 6.9 இன்ச் FHD+ LTPO pOLED ஸ்கிரீன், 1-165Hz ரிப்ரெஷ் ரேட், 3.6 இன்ச் FHD+ வெளிப்புறம் pOLED ஸ்கிரீன், 144Hz ரிப்ரெஷ் ரேட் வழங்கப்படுகிறது. இத்துடன் குவால்காம் ஸ்னாப்டிராகன் 8 பிளஸ் ஜென் 1 பிராசஸர், 12MP பிரைமரி கேமரா, OIS, 13MP அல்ட்ரா வைடு கேமரா, மேக்ரோ ஆப்ஷன், 32MP செல்ஃபி கேமரா வழங்கப்படுகிறது.

இந்த ஸ்மார்ட்போனின் பின்புறம் மற்றும் முன்புறம் என இருபுறமும் கார்னிங் கொரில்லா கிளாஸ் விக்டஸ் பாதுகாப்பு வழங்கப்படுகிறது. இது இன்ஃபனைட் பிளாக் மற்றும் கிளேசியர் புளூ வெர்ஷன்களில் கிடைக்கிறது. இத்துடன் 7000 சீரிஸ் அலுமினியம் ஃபிரேம் வழங்கப்பட்டு இருக்கிறது.

புதிய மோட்டோரலா ரேசர் 40 அல்ட்ரா ஸ்மார்ட்போன் 3800 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 33 வாட் டர்போபவர் ஃபாஸ்ட் சார்ஜிங் வசதி வழங்கப்படுகிறது. இத்துடன் ரிவர்ஸ் வயர்லெஸ் சார்ஜிங் வசதியும் வழங்கப்படுகிறது.

ஏற்கனவே ரேசர் 40 அல்ட்ரா ஸ்மார்ட்போன் ஐரோப்பிய சந்தையில் விற்பனைக்கு கிடைக்கிறது. விற்பனை முதற்கட்டமாக சீன சந்தையில் ஜூன் 5-ம் தேதியும், ஜூன் 23-ம் தேதி அமெரிக்கா மற்றும் கனடாவில் விற்பனைக்கு வருகிறது. 

மோட்டோரோலா நிறுவனத்தின் 2023 ரேசர் பிளஸ் ஸ்மார்ட்போன் விவரங்கள் இணையத்தில் வெளியாகி வருகிறது. சீனாவில் விற்பனை செய்வதற்கான சான்றுகளை இந்த ஸ்மார்ட்போன் பெற துவங்கி இருப்பதை அடுத்து விரைவில் இது அந்நாட்டில் அறிமுகம் செய்யப்படும் என எதிர்பார்க்கலாம். சமீபத்தில் சீனாவின் CQC சான்றளிக்கும் வலைதளத்தில் இந்த மோட்டோ ஸ்மார்ட்போன் விவரங்கள் இடம்பெற்று இருந்தது.

அதில் ஸ்மார்ட்போனின் பேட்டரி திறன், ஃபாஸ்ட் சார்ஞ்சிங் திறன் உள்பட பல்வேறு விவரங்கள் தெரியவந்தது. இந்த வரிசையில், தற்போது மோட்டோ ரேசர் பிளஸ் 2023 விவரங்கள் TDRA மற்றும் கனடாவின் REL வலைதளங்களில் வெளியாகி இருக்கிறது. TDRA மற்றும் REL வலைதள விவரங்களின் படி மோட்டோரோலா ரேசர் பிளஸ் 2023 மற்றும் மோட்டோரோலா ரேசர் 40 அல்ட்ரா ஸ்மார்ட்போன்கள் ஒரே மாடல் நம்பர்களை கொண்டிருக்கின்றன.

அந்த வகையில், இரு மாடல்களும் பல்வேறு பகுதிகளில் வெவ்வேறு பெயர்களில் விற்பனைக்கு அறிமுகம் செய்யப்படும் என எதிர்பார்க்கலாம். சான்றளிக்கும் வலைதளங்களில் ஸ்மார்ட்போன்களின் அம்சங்கள் பற்றி அதிக விவரங்கள் இடம்பெறாது. அந்த வகையில், ஏற்கனவே CQC வலைதளத்தில் லீக் ஆன மோட்டோ ரேசர் பிளஸ் 2023 மாடலில் 33 வாட் ஃபாஸ்ட் சார்ஜிங் வசதி கொண்டிருக்கும் என கூறப்பட்டது.

மேலும் இந்த ஸ்மார்ட்போன் அதன் முந்தைய வெர்ஷனில் இருந்ததை விட அதிக திறன் கொண்ட பேட்டரி வழங்கப்படும் என்றும் இதில் அதிகபட்சம் 3640 எம்ஏஹெச் பேட்டரி வழங்கப்படும் என்றும் கூறப்படுகிறது. மோட்டோ ரேசர் பிளஸ் 2023 மாடலுடன் முதல் முறையாக மோட்டோரோலா ரேசர் 40 அல்ட்ரா விவரங்கள் வெளியாகி இருக்கிறது. சீன சந்தையில் மோட்டோ ரேசர் பிளஸ் 2023 மாடல் இந்த ஆண்டின் இரண்டாவது காலாண்டு வாக்கில் அறிமுகம் செய்யப்படலாம்.

மோட்டோரோலா நிறுவனத்தின் புதிய மோட்டோ G13 ஸ்மார்ட்போன் இந்தியாவில் அறிமுகம் செய்யப்பட்டது. முன்னதாக இந்த ஆண்டு ஜனவரி மாத வாக்கில் ஐரோப்பிய சந்தையில் அறிமுகம் செய்யப்பட்ட மோட்டோ G13 தற்போது இந்தியாவில் விற்பனைக்கு வந்துள்ளது. மோட்டோ E13 ஸ்மார்ட்போனை தொடர்ந்து மோட்டோரோலா அறிமுகம் செய்திருக்கும் குறைந்தவிலை ஸ்மார்ட்போன் இது ஆகும்.

புதிய மோட்டோ G13 ஸ்மார்ட்போனில் 6.5 இன்ச் LCD ஸ்கிரீன், 1600x720 பிக்சல் ரெசல்யூஷன், 90Hz ரிப்ரெஷ் ரேட் கொண்டிருக்கிறது. இதன் டிஸ்பேளே மத்தியில் பன்ச் ஹோல் வழங்கப்பட்டு இருக்கிறது. மீடியாடெக் ஹீலியோ G85 பிராசஸர் கொண்டிருக்கும் மோட்டோ G13 ஸ்மார்ட்போன் ஆண்ட்ராய்டு 13 ஒஎஸ் கொண்டிருக்கிறது.

ஆண்ட்ராய்டு 14 ஒஎஸ் அப்டேட் மற்றும் மூன்று ஆண்டுகளுக்கு செக்யுரிட்டி அப்டேட்களை பெறும் என அறிவிக்கப்பட்டுள்ளது. புகைப்படங்களை எடுக்க 50MP பிரைமரி கேமரா, 2MP மேக்ரோ கேமரா, 2MP டெப்த் சென்சார் மற்றும் 8MP செல்ஃபி கேமரா வழங்கப்பட்டு இருக்கிறது.

மோட்டோ G13 அம்சங்கள்:

6.5 இன்ச் 1600x720 பிக்சல் HD+ LCD ஸ்கிரீன், 90Hz ரிப்ரெஷ் ரேட்

பாண்டா கிளாஸ் பாதுகாப்பு

ஆக்டா கோர் மீடியாடெக் ஹீலியோ G85 பிராசஸர்

ARM மாலி-FG52 2EEMC2 GPU

4 ஜிபி ரேம்

128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13

டூயல் சிம் ஸ்லாட்

50MP பிரைமரி கேமரா

2MP டெப்த் கேமரா

2MP மேக்ரோ லென்ஸ்

8MP செல்ஃபி கேமரா

3.5mm ஆடியோ ஜாக், ஸ்டீரியோ ஸ்பீக்கர்கள், டால்பி அட்மோஸ்

பக்கவாட்டில் கைரேகை சென்சார்

ஸ்பிலாஷ் ரெசிஸ்டண்ட்

டூயல் 4ஜி வோல்ட்இ, வைபை, ப்ளூடூத் 5.1

யுஎஸ்பி டைப் சி

5000 எம்ஏஹெச் பேட்டரி

10 வாட் சார்ஜிங்

விலை மற்றும் விற்பனை விவரங்கள்:

புதிய மோட்டோ G13 ஸ்மார்ட்போன் மேட் சார்கோல் மற்றும் புளூ லாவெண்டர் நிறங்களில் கிடைக்கிறது. இதன் 4 ஜிபி ரேம், 64 ஜிபி மெமரி மாடல் விலை ரூ. 9 ஆயிரத்து 499 என்றும் 4 ஜிபி ரேம், 128 ஜிபி மெமரி மாடல் விலை ரூ. 9 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை ஏப்ரல் 5 ஆம் தேதி ப்ளிப்கார்ட் மற்றும் முன்னணி ஆன்லைன் வலைதளங்களில் நடைபெற இருக்கிறது.

மோட்டோரோலா நிறுவனம் சமீபத்தில் தனது மோட்டோ G73 ஸ்மார்ட்போனினை இந்திய சந்தையில் அறிமுகம் செய்தது. இதைத் தொடர்ந்து பல்வேறு மிட் ரேஞ்ச் மற்றும் பட்ஜெட் ரக ஸ்மார்ட்போன்களை அறிமுகம் செய்யும் பணிகளில் மோட்டோரோலா ஈடுபட்டு வருகிறது. இவற்றில் மோட்டோ G53 மற்றும் G53s மாடல்கள் இடம்பெற்றுள்ளன.

இவைதவிர மோட்டோரோலா நிறுவனம் தனது மோட்டோ G13 ஸ்மார்ட்போனினையும் அறிமுகம் செய்ய இருக்கிறது. இதுகுறித்து தற்போது வெளியாகி இருக்கும் தகவல்களின் படி மோட்டோ G13 ஸ்மார்ட்போன் இந்தியாவில் அடுத்த வாரம் அறிமுகம் செய்யப்படும் என கூறப்படுகிறது. டிப்ஸ்டரான முகுல் ஷர்மா வெளியிட்டு இருக்கும் தகவல்களில் புதிய மோட்டோ G13 ஸ்மார்ட்போன் மார்ச் 29 ஆம் தேதி இந்தியாவில் அறிமுகம் செய்யப்படும் என குறிப்பிடப்பட்டு இருக்கிறது.

ஏற்கனவே மோட்டோ G13 ஸ்மார்ட்போன் சர்வதேச சந்தையில் அறிமுகம் செய்யப்பட்டுவிட்டன. அதன்படி இந்த ஸ்மார்ட்போனில் 6.5 இன்ச் FHD+ IPS LCD பேனல், 90Hz ரிப்ரெஷ் ரேட், பாண்டா கிளாஸ் பாதுகாப்பு, மீடியாடெக் ஹீலியோ G52 பிராசஸர், மாலி G-52 2EEMC2 ஜிபியு, ஆண்ட்ராய்டு 13 ஒஎஸ் போன்ற அம்சங்கள் வழங்கப்பட்டுள்ளன.

பக்கவாட்டில் கைரேகை சென்சார் கொண்டிருக்கும் மோட்டோ G13 ஸ்மார்ட்போன் 4 ஜிபி ரேம், 128 ஜிபி மெமரி, மெமரியை கூடுதலாக நீட்டிக்கும் வசதி, 4ஜி வோல்ட்இ, வைபை, ப்ளூடூத் 5.1, யுஎஸ்பி டைப் சி, என்எஃப்சி, 50MP பிரைமரி கேமரா, எல்இடி ஃபிளாஷ், 2MP டெப்த் சென்சார், 2MP மேக்ரோ கேமரா, 8MP செல்ஃபி கேமரா வழங்கப்பட்டு இருக்கிறது. 

Photo Courtesy: @stufflistings

மோட்டோரோலா நிறுவனம் மோட்டோ G32 ஸ்மார்ட்போனினை கடந்த ஆண்டு ஆகஸ்ட் மாத வாக்கில் அறிமுகம் செய்யப்பட்டது. அப்போது இந்த ஸ்மார்ட்போன் 4 ஜிபி ரேம், 64 ஜிபி மெமரி வெர்ஷனில் மட்டுமே விற்பனை செய்யப்பட்டு வந்தது. தற்போது இதன் 8 ஜிபி ரேம், 128 ஜிபி மெமரி மாடல் அறிமுகம் செய்யப்பட்டுள்ளது.

ரேம் மற்றும் மெமரி தவிர இந்த ஸ்மார்ட்போனின் இதர அம்சங்களில் வேறு எந்த மாற்றமும் மேற்கொள்ளப்படவில்லை. மோட்டோ G32 ஸ்மார்ட்போனிலும் ஆண்ட்ராய்டு 12 ஒஎஸ் வழங்கப்பட்டு இருக்கிறது. எனினும், இதற்கு ஆண்ட்ராய்டு 13 அப்டேட் வழங்கப்பட இருக்கிறது. எனினும், எப்போது வழங்கப்படும் என்பது பற்றி இதுவரை எந்த தகவலும் இல்லை.

மோட்டோ G32 அம்சங்கள்:

6.5 இன்ச் 2400x1080 பிக்சல் FHD+ மேக்ஸ்விஷன் LCD ஸ்கிரீன், 90Hz ரிப்ரெஷ் ரேட்

ஆக்டா கோர் ஸ்னாப்டிராகன் 680 பிராசஸர்

அட்ரினோ 610 GPU

4 ஜிபி ரேம், 64 ஜிபி மெமரி

8 ஜிபி ரேம், 128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12 மற்றும் மை யுஎக்ஸ்

ஹைப்ரிட் டூயல் சிம்

50MP பிரைமரி கேமரா

8MP அல்ட்ரா வைடு கேமரா

2MP மேக்ரோ கேமரா, எல்இடி ஃபிளாஷ்

16MP செல்ஃபி கேமரா

3.5mm ஆடியோ ஜாக், ஸ்டீரியோ ஸ்பீக்கர்கள்

டால்பி அட்மோஸ், எஃப்எம் ரேடியோ

பக்கவாட்டில் கைரேகை சென்சார்

ஸ்பிலாஷ் ரெசிஸ்டண்ட்

டூயல் 4ஜி வோல்ட்இ, வைபை, ப்ளூடூத் 5

யுஎஸ்பி டைப் சி

5000 எம்ஏஹெச் பேட்டரி

30 வாட் டர்போ சார்ஜிங்

விலை மற்றும் விற்பனை விவரங்கள்:

மோட்டோ G32 ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 11 ஆயிரத்து 999 என நிர்ணயம் செய்யப்பட்டு உள்ளது. இந்த ஸ்மார்ட்போன் சாடின் சில்வர், மினரல் கிரே நிறங்களில் கிடைக்கிறது. ப்ளிப்கார்ட் தளத்தில் விற்பனை ஏற்கனவே துவங்கி நடைபெற்று வருகிறது. இதன் 4 ஜிபி ரேம், 64 ஜிபி மெமரி மாடல் தற்போது ரூ. 10 ஆயிரத்து 499 விலையில் விற்பனை செய்யப்படுகிறது.

மோட்டோரோலா நிறுவனம் இந்தய சந்தையில் தனது புதிய மோட்டோ G73 5ஜி ஸ்மார்ட்போனினை அறிமுகம் செய்தது. புதிய மோட்டோ G73 5ஜி மாடலில் 6.5 இன்ச் FHD+ LCD ஸ்கிரீன், 120Hz ரிப்ரெஷ் ரேட், மீடியாடெக் டிமென்சிட்டி 930 பிராசஸர் வழங்கப்பட்டுள்ளது. இந்தியாவில் டிமென்சிட்டி 930 பிராசஸர் கொண்ட முதல் ஸ்மார்ட்போன் எனும் பெருமையை மோட்டோ G73 5ஜி பெற்று இருக்கிறது.

ஆண்ட்ராய்டு 13 ஒஎஸ் கொண்டிருக்கும் மோட்டோ G73 5ஜி ஆண்ட்ராய்டு 14+ அப்டேட், மூன்று ஆண்டுகள் ஆண்ட்ராய்டு செக்யுரிட்டி அப்டேட்களை பெறும் என அந்நிறுவனம் அறிவித்துள்ளது. புகைப்படங்களை எடுக்க 50MP பிரைமரி கேமரா, 8MP அல்ட்ரா வைடு ஆட்டோஃபோக்கஸ் கேமரா, 16MP செல்ஃபி கேமரா கொண்டிருக்கிறது.

5000 எம்ஏஹெச் பேட்டரி மூலம் சக்தியூட்டப்படும் மோட்டோ G73 5ஜி மாடலில் ஹைப்ரிட் டூயல் சிம் ஸ்லாட், 30 வாட் டர்போசார்ஜிங் வசதி, அதிகபட்சம் 8 ஜிபி ரேம் வழங்கப்பட்டு உள்ளது.

மோட்டோ G73 5ஜி அம்சங்கள்:

6.5 இன்ச் 2400x1080 பிக்சல் FHD+ LCD ஸ்கிரீன், 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 930 பிராசஸர்

IMG BXM 8 - 256 GU

8 ஜிபி ரேம், 128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13

ஹைப்ரிட் டூயல் சிம் ஸ்லாட்

50MP பிரைமரி கேமரா

8MP அல்ட்ரா வைடு கேமரா

16MP செல்ஃபி கேமரா

3.5mm ஆடியோ ஜாக், ஸ்டீரியோ ஸ்பீக்கர்கள்

பக்கவாட்டில் கைரேகை சென்சார்

5ஜி, டூயல் 4ஜி வோல்ட்இ, வைபை, ப்ளூடூத் 5.3

யுஎஸ்பி டைப் சி

5000 எம்ஏஹெச் பேட்டரி

30 வாட் டர்போ பவர் சார்ஜிங்

விலை மற்றும் விற்பனை விவரங்கள்:

மோட்டோ G73 5ஜி ஸ்மா்ட்போன் மிட்நைட் புளூ மற்றும் லுசெண்ட் வைட் என இருவித நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 18 ஆயிரத்து 999 என நிர்ணயம் செய்யப்பட்டு உள்ளது. விற்பனை மார்ச் 16 ஆம் தேதி ஃப்ளிப்கார்ட் தளத்தில் துவங்குகிறது.

அறிமுக சலுகைகள்:

கிரெடிட் கார்டு மற்றும் தேர்வு செய்யப்பட்ட வங்கி கார்டுகளை பயன்படுத்தும் போது ரூ. 2 ஆயிரம் கூடுதல் தள்ளுபடி அல்லது உடனடி தள்ளுபடி வழங்கப்படுகிறது.

ஹெச்டிஎப்சி, ஐசிஐசிஐ வங்கி, எஸ்பிஐ மற்றும் ஆக்சிஸ் வங்கி வாடிக்கையாளர்கள் மூன்று அல்லது ஆறு மாதங்களுக்கு வட்டியில்லா மாத தவணை முறை வசதியை பெறலாம்.

ரிலையன்ஸ் ஜியோ வழங்கும் ரூ. 5 ஆயிரத்து 050 வரையிலான பலன்கள் வழங்கப்படுகிறது. இதில் தேர்வு செய்யப்பட்ட ரிசார்ஜ்கள், மிந்த்ரா மற்றும் ஜூம்இன் சேர்த்து ரூ. 1050 வரையிலான கேஷ்பேக், ரூ. 4 ஆயிரம் மதிப்பிலான கேஷ்பேக் உள்ளிட்டவை அறிவிக்கப்பட்டு உள்ளன.

2023 மோட்டோரோலா ரேசர் மடிக்கக்கூடிய ஸ்மார்ட்போன் உருவாக்கப்படுவதை லெனோனோ நிறுவனம் அதிகாரப்பூர்வமாக உறுதிப்படுத்தி இருக்கிறது. புதிய மாடல் அதன் முந்தைய வெர்ஷனை விட மேம்பட்ட அம்சங்களுடன், சிறப்பாக உருவாக்கப்பட்டு இருக்கும். மோட்டோரோலா இதுபோன்ற மாடலை உருவாக்கி வருவதாக ஏற்கனவே பலமுறை இணையத்தில் தகவல்கள் வெளியாகி இருந்தது.

அந்த வரிசையில் தற்போது இந்த மடிக்கக்கூடிய ஸ்மார்ட்போனின் புகைப்படம் மற்றும் வீடியோக்கள் லீக் ஆகி இருக்கிறது. இதுதுவிர புதிய மாடல் எப்போது அறிமுகம் செய்யப்படும் என்ற விவரங்களும் வெளியாகி உள்ளது. 2023 மோட்டோரோலா ரேசர் அம்சங்கள், டிசைன், வெளியீட்டு விவரம் பற்றி லெனோவோ சார்பில் இதுவரை எந்த தகவலும் வழங்கப்படவில்லை. எனினும், புதிய மாடல் அதன் முந்தைய வெர்ஷன்களை விட சிறப்பானதாக இருக்கும் என்று தெரிவித்து இருக்கிறது.

மற்ற சிறப்பம்சங்களை விட புதிய மாடலின் ஹின்ஜ் மற்றும் மடிக்கக்கூடிய டிசைனில் அதிகளவு மேம்படுத்தல்கள் இருக்கும் என கூறப்படுகிறது. விரைவில் அறிமுகம் செய்யப்படும் என்பதால், 2022 மோட்டோரோலா ரேசர் மாடல் அமெரிக்க சந்தையில் அறிமுகம் செய்யப்படுவது சந்தேகத்திற்குரிய விஷயம் தான் எனலாம். மேலும் 2023 ரேசர் மாடல் கேலக்ஸி Z ஃப்ளிப் 5 மாடலை விட சிறப்பானதாக இருக்கும் என கூறப்படுகிறது.

புதிய மாடலில் மற்றொரு முக்கிய அப்கிரேடு அதன் கவர் ஸ்கிரீன். 2023 ரேசர் மாடலில் 2.7 இன்ச் AMOLED பேனல் கொண்ட கவர் ஸ்கிரீன் இடம்பெற்று இருக்கும் என கூறப்படுகிறது. ரேசர் மாடல் சந்தையில் நல்ல வரவேற்பை பெற்று இருக்கும் நிலையிலும், மடிக்கக்கூடிய ஸ்மார்ட்போன்கள் சந்தையில் சாம்சங் முன்னணியில் உள்ளது.

மோட்டோரோலா நிருவனத்தின் மோட்டோ G73 5ஜி ஸ்மார்ட்போன் கடந்த மாதம் சர்வதேச சந்தையில் அறிமுகம் செய்யப்பட்டு இருந்தது. எனினும், இந்த ஸ்மார்ட்போன் இதுவரை இந்திய சந்தையில் அறிமுகம் செய்யப்படவில்லை. புதிய மோட்டோ ஸ்மார்ட்போன் இந்தியாவில் மீடியாடெக் டிமென்சிட்டி 930 பிராசஸருடன் அறிமுகம் செய்யப்படும் என எதிர்பார்க்கப்படுகிறது.

ஏற்கனவே அறிமுகம் செய்யப்பட்ட மோட்டோ G63 5ஜி ஸ்மார்ட்போனின் மேம்பட்ட வெர்ஷனாக புதிய G73 5ஜி மாடல் அறிமுகம் செய்யப்பட இருக்கிறது. இந்த நிலையில், புதிய ஸ்மார்ட்போனின் இந்திய வெளியீடு உறுதியாகி இருக்கிறது. மேலும் இந்த ஸ்மார்ட்போன் ப்ளிப்கார்ட் தளத்தில் விற்பனை செய்யப்படும் என்றும் தெரிவிக்கப்பட்டு இருக்கிறது.

ப்ளிப்கார்ட் தளத்தில் உள்ள லேண்டிங் பேஜ் விவரங்களின் படி புதிய மோட்டோ G73 5ஜி ஸ்மார்ட்போன் அதன் சர்வதேச வேரியண்ட் போன்றே காட்சியளிக்கிறது. இந்தியாவில் மீடியாடெக் டிமென்சிட்டி 930 பிராசஸர் உடன் அறிமுகமாகும் முதல் ஸ்மார்ட்போன் இது என லேண்டிங் தளத்தில் குறிப்பிடப்பட்டு இருக்கிறது.

கடந்த ஆண்டு மே மாத வாக்கில் அறிமுகம் செய்யப்பட்ட டிமென்சிட்டி 930 பிராசஸர் எம்எம்வேவ் திறன் கொண்டுள்ளது. இது 6 நானோமீட்டர் முறையில் ஃபேப்ரிகேஷன் செய்யப்பட்ட பிராசஸர் ஆகும். இது அதிகபட்சம் 2.2 ஜிகாஹெர்ட்ஸ் கிளாக் வேகம் கொண்டதும் குறிப்பிடத்தக்கது.

ப்ளிப்கார்ட் லேண்டிங் பக்கத்தில் இந்த ஸ்மார்ட்போனின் கேமரா சென்சார்கள் பற்றி அதிக விவரங்கள் இடம்பெற்றுள்ளன. அதன்படி இந்த மாடலில் 50MP பிரைமரி கேமரா, 8MP அல்ட்ரா வைடு கேமரா, 16MP செல்ஃபி கேமரா வழங்கப்படுகிறது. இத்துடன் 6.5 இன்ச் FHD+ LCD பேனல், 120Hz ரிப்ரெஷ் ரேட், ஸ்டீரியோ ஸ்பீக்கர், டால்பி அட்மோஸ் சப்போர்ட் உள்ளது.

மோட்டோரோலா நிறுவனம் புதிய ரேசர் 2023 ஸ்மார்ட்போனினை உருவாக்கி வருவது அனைவரும் அறிந்ததே. புதிய மோட்டோரோலா ஃபோல்டபில் ஸ்மார்ட்போன் விவரங்கள் தொடர்ச்சியாக இணையத்தில் வெளியாகி வருகின்றன. இந்த வரிசையில், புதிய மோட்டோரோலா ரேசர் 2023 மாடல் டிசைன் விவரங்களை டிப்ஸ்டரான சமீபத்தில் தான் எவான் பிளாஸ் வெளியிட்டு இருந்தார்.

தற்போது இதே டிப்ஸ்டர் புதிய ரேசர் 2023 ஸ்மார்ட்போனின் வெளியீட்டு தேதியை தெரிவித்து இருக்கிறார். அதன்படி புதிய மோட்டோரோலா ரேசர் 2023 ஸ்மார்ட்போன் சாம்சங் கேலக்ஸி Z ஃப்ளிப் 5 வெளியீட்டுக்கு முன்பே அறிமுகம் செய்யப்படும் என எவான் பிளாஸ் தெரிவித்து இருக்கிறார். சாம்சங் தனது அடுத்த தலைமுறை மடிக்கக்கூடிய ஸ்மார்ட்போனை ஆகஸ்ட் மாத வாக்கில் அறிமுகம் செய்யலாம்.

மோட்டோரோலா "Juno Announcement Reveal + Event Activation Launch" தேதி ஜூன் 1 என தகவல் வெளியாகி உள்ளது. ஜூனே என்பது ரேசர் 2023 மாடலின் குறியீட்டு பெயர் ஆகும். வரும் மாதங்களில் புதிய ரேசர் 2023 ஸ்மார்ட்போனின் வெளியீடு நடைபெற இருக்கிறது. அறிமுக நிகழ்வுக்கு முன் புதிய ரேசர் மாடலின் அம்சங்களை படிப்படியாக அம்பலப்படுத்தும் டீசர்கள் வெளியிடப்படும் என கூறப்படுகிறது.

புதிய மோட்டோரோலா ரேசர் 2023 ஸ்மார்ட்போனின் அம்சங்கள் பற்றி இதுவரை அதிக தகவல்கள் வெளியாகவில்லை. எனினும், இந்த மாடலில் குவால்காம் ஸ்னாப்டிராகன் 8 பிளஸ் ஜென் 1 பிராசஸர், 144Hz ரிப்ரெஷ் ரேட் டிஸ்ப்ளே வழங்கப்படும் என எதிர்பார்க்கலாம். இதே அம்சங்கள் ரேசர் 2022 மாடலிலும் வழங்கப்பட்டு இருப்பதால், புதிய மாடல் சிறு அப்டேட் ஆக இருக்கும் என்றே தெரிகிறது.

ரேசர் தவிர மோட்டோரோலா நிறுவனம் மற்றொரு கிளாம்ஷெல் ஸ்மார்ட்போனினை உருவாக்கி வருவதாகவும் எவான் பிளாஸ் தெரிவித்து இருக்கிறார். இந்த மாடல் "வீனஸ்" எனும் குறியீட்டு பெயரில் உருவாகி வருவதாக அவர் தெரிவித்துள்ளார். இதன் அம்சங்கள் மர்மமாக இருக்கும் நிலையில், இதில் ஸ்னாப்டிராகன் 8 ஜென் 2 பிராசஸர் வழங்கப்படும் என்றும் இது உண்மையான ஃபிளாக்ஷிப் மாடலாக இருக்கும் என்றும் கூறப்படுகிறது.

டிசைனை பொருத்தவரை புதிய ஸ்மார்ட்போன் ரேசர் 2022 மாடலை போன்ற டிசைன் கொண்டிருக்கும் என்றும் இதில் 6.7 இன்ச் மடிக்கக்கூடிய OLED பேனல், பன்ச் ஹோல் டிசைன், கவர் டிஸ்ப்ளேவில் சிறு மாற்றம் செய்யப்பட்டு 3.5 இன்ச் அளவில் வழங்கப்படும் என தகவல் வெளியாகி உள்ளது. இத்துடன் பக்கவாட்டில் கைரேகை சென்சார் வழங்கப்பட இருக்கிறது.

Photo Courtesy: Evan Blass

மோட்டோரோலா நிறுவனம் உருவாக்கி வரும் புதிய மோட்டோரோலா ரேசர் 2023 ஸ்மார்ட்போன் விவரங்களை டெக்அவுட்லுக் வெளியிட்டு இருக்கிறது. அதன்படி புதிய மோட்டோரோலா ரேசர் 2023 மாடல் அதன் முந்தைய வெர்ஷனை விட பெரிய கவர் டிஸ்ப்ளே கொண்டிருக்கும் என கூறப்படுகிறது. தற்போது விற்பனை செய்யப்படும் மாடலில் 2.7 இன்ச் ஸ்கிரீன் உள்ள நிலையில், புதிய மாடல் 3.6 இன்ச் அல்லது இதை விட பெரிய ஸ்கிரீன் வழங்கப்படலாம்.

புதிய மோட்டோரோலா ரேசர் 2023 ஸ்மார்ட்போன் "ஜூனோ" குறியீட்டு பெயரில் உருவாகி வருவதாக தற்போதைய தகவல்களில் குறிப்பிடப்பட்டு இருக்கிறது. 2022 வெர்ஷனுடன் ஒப்பிடும் போது, புதிய மாடலில் வித்தியாசமான ரியர் டிசைன் உள்ளது. இந்த பேனல் இரண்டு பகுதிகளாக பிரிக்கப்பட்டு ஒவ்வொன்றும் தனித்துவ டிசைன் கொண்டிருக்கிறது.

ஸ்மார்ட்போனின் கீழ்புறத்தில் மேட் வெல்வட் AG கிளாஸ், மோட்டோரோலா மற்றும் ரேசர் லோகோ இடம்பெற்று இருக்கிறது. மேல்புறத்தில் கிளாசி கிளாஸ், பெரும்பாலும் கார்னிங் கொரில்லா கிளாஸ் 5 வழங்கப்பட்டு இருக்கும் என தெரிகிறது.

மோட்டோரோலா ரேசர் 2022 மாடலில் 2.7 இன்ச் AMOLED டிஸ்ப்ளே வழங்கப்பட்டு இருக்கிறது. சமீபத்தில் அறிமுகம் செய்யப்பட்ட ஒப்போ 2 ஃப்ளிப் மாடலில் பெரிய கவர் டிஸ்ப்ளே அதாவது 3.26 இன்ச் அளவில் வழங்கப்பட்டு இருக்கிறது. இதன் காரணமாக மோட்டோரோலா புதிய மாடலில் சற்றே பெரிய கவர் டிஸ்ப்ளே வழங்கஇருப்பதாக கூறப்படுகிறது.

இந்த ஸ்மார்ட்போனின் முந்தைய மாடலின் பின்புறத்தில் உயர்த்தப்பட்ட கேமரா ஐலேண்ட், இரண்டு கேமரா சென்சார்கள், எல்இடி ஃபிளாஷ் இடம்பெற்று இருக்கிறது. எனினும், புதிய 2023 மோட்டோரோலா ரேசர் மாடலில் இது சற்றே வித்தியாசமாக உள்ளது. மோட்டோரோலா ரேசர் 2023 மாடலில் கேமரா ஐலேண்ட் வழங்கப்படவில்லை.

மோட்டோரோலா ரேசர் 2023 மாடலில் அதன் முந்தைய வெர்ஷனில் இருப்பதை போன்ற டிஸ்ப்ளே வழங்கப்படுகிறது. இதன் நான்கு புறங்களிலும் மெல்லிய பெசல்கள், எளிதில் கண்டறிய முடியாத கிரீஸ்கள் உள்ளன. ஸ்மார்ட்போனின் ரெண்டர்களில் செல்ஃபி கேமரா இடம்பெறவில்லை, எனினும், இதில் 32MP செல்ஃபி கேமரா வழங்கப்படும் என தெரிகிறது.

Photo Courtesy: TechOutlook

மோட்டோரோலா நிறுவனத்தின் புதிய மோட்டோ e13 ஸ்மார்ட்போன் 6.5 இன்ச் HD+ ஸ்கிரீன், யுனிசாக் T606 பிராசஸர், அதிகபட்சம் 4 ஜிபி ரேம், ஆண்ட்ராய்டு 13 கோ எடிஷன் ஒஎஸ், ஃபேஸ் அன்லாக் வசதி கொண்டிருக்கிறது. புகைப்படங்களை எடுக்க 13MP பிரைமரி கேமரா, 5MP செல்ஃபி கேமரா கொண்டிருக்கும் மோட்டோ e13 மாடலில் 5000 எம்ஏஹெச் பேட்டரி மற்றும் 10 வாட் சார்ஜிங், யுஎஸ்பி டைப் சி போர்ட் வழங்கப்பட்டு இருக்கிறது.

மோட்டோ e13 அம்சங்கள்:

6.5 இன்ச் 720x1600 பிக்சல் HD+ LCD ஸ்கிரீன்

ஆக்டா கோர் யுனிசாக் T606 பிராசஸர்

மாலி G57 MC2 GPU

2 ஜிபி, 4 ஜிபி ரேம்

64 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 (கோ எடிஷன்)

டூயல் சிம் ஸ்லாட்

13MP பிரைமரி கேமரா, எல்இடி ஃபிளாஷ்

5MP செல்ஃபி கேமரா

3.5mm ஆடியோ ஜாக், டால்பி அட்மோஸ்

ஸ்பிலாஷ் ரெசிஸ்டண்ட் (IP52)

டூயல் 4ஜி வோல்ட்இ, வைபை, ப்ளூடூத் 5

யுஎஸ்பி டைப் சி

5000 எம்ஏஹெச் பேடடரி

10 வாட் சார்ஜிங்

விலை மற்றும் விற்பனை விவரங்கள்:

மோட்டோ e13 ஸ்மார்ட்போன் காஸ்மிக் பிளாக், அரோரா கிரீன் மற்றும் கிரீமி வைட் நிறங்களில் கிடைக்கிறது. இதன் 2 ஜிபி ரேம், 64 ஜிபி மெமரி மாடல் விலை ரூ. 6 ஆயிரத்து 999 என்றும் 4 ஜிபி ரேம், 64 ஜிபி மெமரி மாடல் விலை ரூ. 7 ஆயிரத்து 999 என நிர்ணயம் செய்யப்பட்டு உள்ளது. புதிய மோட்டோ e13 ஸ்மார்ட்போன் ப்ளிப்கார்ட் மற்றும் ஆஃப்லைன் தளங்களில் பிப்ரவரி 15 ஆம் தேதி துவங்குகிறது.

மோட்டோரோலா நிறுவனம் கடந்த வாரம் தனது மோட்டோ E13 ஸ்மார்ட்போனினை ஐரோப்பா மற்றும் இதர நாடுகளில் விற்பனைக்கு அறிமுகம் செய்தது. இதுவரை இந்திய சந்தையில் அறிமுகம் செய்யப்படவில்லை. இந்த நிலையில், புதிய மோட்டோ E13 ஸ்மார்ட்போன் இந்திய வெளியீடு பற்றிய புது தகவல் இணையத்தில் லீக் ஆகி இருக்கிறது.

பிரபல டிப்ஸ்டர் முகுல் ஷர்மா வெளியிட்டு இருக்கும் தகவல்களில், இந்திய சந்தையில் புது மோட்டோ E13 ஸ்மார்ட்போன் பிப்ரவரி 8 ஆம் தேதி அறிமுகம் செய்யப்படும் என தெரிவித்து இருக்கிறார். மேலும் இந்த ஸ்மார்ட்போன் ரூ. 10 ஆயிரம் பட்ஜெட்டில் விற்பனைக்கு வரும் என அவர் மேலும் தெரிவித்தார். அந்த வகையில், மோட்டோ E13 விலை ரூ. 10 ஆயிரத்திற்கும் குறைவாகவே நிர்ணயம் செய்யப்படும் என தெரிகிறது.

மோட்டோ E13 அம்சங்கள்:

மோட்டோ E13 ஸ்மார்ட்போனில் 6.5 இன்ச் IPS LCD டிஸ்ப்ளே, HD+ ரெசல்யூஷன், யுனிசாக் டைகர் T606 பிராசஸர் வழங்கப்பட்டு இருக்கிறது. இந்த எண்ட்ரி லெவல் பிராசஸரில் இரண்டு ARM கார்டெக்ஸ் A75 கோர்கள், ஆறு ARM கார்டெக்ஸ் A55 கோர்கள் உள்ளன. தோற்றத்தில் இந்த ஸ்மார்ட்போன் டூயல் கேமரா கொண்டிருப்பதை போன்று காட்சியளிக்கிறது.

எனினும், மோட்டோ E13 மாடலில் 13MP பிரைமரி கேமரா மட்டுமே வழங்கப்பட்டு இருக்கிறது. இத்துடன் எல்இடி ஃபிலாஷ் மற்றும் 5MP செல்ஃபி கேமரா உள்ளது. புது மோட்டோ E13 ஸ்மார்ட்போன் 5000 எம்ஏஹெச் பேட்டரி மூலம் சக்தியூட்டப்படுகிறது. மேலும் 10 வாட் சார்ஜிங் வசதி வழங்கப்பட்டு இருக்கிறது.

டூயல் சிம் கார்டு வசதி, ப்ளூடூத் 5.0 கனெக்டிவிட்டி, மெமரியை கூடுதலாக நீட்டிக்கும் வசதி, 3.5mm ஹெட்போன் ஜாக் உள்ளது. ஐரோப்பாவில் புதிய மோட்டோ E13 ஸ்மார்ட்போனின் விலை 119.99 யூரோக்கள், இந்திய மதிப்பில் ரூ. 10 ஆயிரத்து 600 என நிர்ணயம் செய்யப்பட்டு உள்ளது.