மு.க.ஸ்டாலின் அறிவிப்பு தேர்தல் விதிமுறைகளுக்கு எதிரானது- அ.தி.மு.க. புகார் மனு

முதலமைச்சர் மு.க.ஸ்டாலின் இன்று ஈரோடு கிழக்கு தொகுதியில் காங்கிரஸ் வேட்பாளர் ஈ.வி.கே.எஸ். இளங்கோவனை ஆதரித்து பிரசாரம் செய்தார். அப்போது பெண்களுக்கு ரூ.1000 உரிமைத்தொகை எப்போது வழங்கப்படும் என்பது பற்றி பட்ஜெட்டில் அறிவிக்கப்படும் என்று பேசினார். இது தேர்தல் நடத்தை விதிமுறைகளுக்கு எதிரானது என்று அ.தி.மு.க.வினர் குற்றம் சாட்டினார்கள்.

குடும்ப தலைவிகளுக்கு ரூ.1000 குறித்த முதலமைச்சர் மு.க.ஸ்டாலினின் அறிவிப்பு பற்றி தேர்தல் நடத்தும் அலுவலர் சிவக்குமாரை, அ.தி.மு.க. நிர்வாகி இன்பதுரை சந்தித்து புகார் மனு அளித்தார்.