என் மலர்
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சேலத்தில் இருந்து சென்னை வரை வழி நெடுக எடப்பாடி பழனிசாமியின் கட் அவுட்கள் வைக்கப்பட்டு இருந்தன.
    • சேலத்தில் இருந்து தனது பயணத்தை தொடங்கிய எடப்பாடி பழனிசாமி வழி நெடுகிலும் அ.தி.மு.க. நிர்வாகிகளை உற்சாகப்படுத்திவிட்டு சென்னைக்கு வந்துள்ளார்.

    சென்னை:

    அ.தி.மு.க.வில் எடப்பாடி பழனிசாமி, ஓ.பன்னீர்செல்வம் இடையே ஏற்பட்ட விரிசல் நாளுக்கு நாள் தீவிரமாகி கொண்டிருக்கிறது. தேர்தல் ஆணையம், கோர்ட்டு, சட்டசபை, வங்கி போன்றவற்றை இரு தரப்பினரும் நாடி சென்று பலப் பரீட்சையில் ஈடுபட்டுள்ளனர்.

    இதற்கிடையே அவர்கள் இருவரும் மாநிலம் முழுவதும் கட்சி நிர்வாகிகளையும், தொண்டர்களையும் தங்கள் பக்கம் இழுக்கும் நடவடிக்கைகளையும் தொடங்கி உள்ளனர். கடந் த ஒரு வாரமாக தங்களது சொந்த ஊரில் முகாமிட்டு இருந்த இருவரும் சென்னை திரும்பியுள்ளனர்.

    நேற்று ஓ.பன்னீர் செல்வம் தனது ஆதரவாளர்களுடன் தீவிர ஆலோசனை நடத்தினார். தமிழ்நாடு முழுவதும் சுற்றுப்பயணம் செய்வது பற்றி அப்போது ஆலோசிக்கப்பட்டது.

    அவர் ஆலோசனை நடத்திக்கொண்டிருந்த அதே சமயத்தில் எடப்பாடி பழனிசாமி நேற்று தனது அதிரடி பயணத்தை தொடங்கினார். தொண்டர்களை இழுப்பதற்காக ஓ.பன்னீர்செல்வத்தின் நடவடிக்கைகளை முந்த வேண்டும் என்ற நோக்கத்தில் நேற்று எடப்பாடி பழனிசாமி சேலத்தில் இருந்து சென்னைக்கு காரில் புறப்பட்டார்.

    அவருக்கு வழிநெடுக சேலம், தர்மபுரி, கிருஷ்ண கிரி, திருப்பத்தூர், ராணிப்பேட்டை, வேலூர், காஞ்சிபுரம், திருவள்ளூர் மாவட்டங்களில் அ.தி.மு.க. நிர்வாகிகள் உற்சாக வரவேற்பு கொடுத்தனர். சேலத்தில் இருந்து சென்னை வரை வழி நெடுக எடப்பாடி பழனிசாமியின் கட் அவுட்கள் வைக்கப்பட்டு இருந்தன.

    அவரை வரவேற்று மாவட்ட நிர்வாகிகள் கோலாகலமாக ஏற்பாடுகள் செய்திருந்தனர். ஒவ்வொரு முக்கிய சந்திப்பிலும் தாரை, தப்பட்டை முழங்க எடப்பாடி பழனிசாமிக்கு உற்சாக வரவேற்பு கொடுக்கப்பட்டது. ஆங்காங்கே மேடைகள் அமைத்து அவரை பேச வைத்தனர்.

    பல இடங்களில் கரகாட்டம், ஒயிலாட்டம் போன்றவை நடத்தப்பட்டன. சேலத்தில் இருந்து தனது பயணத்தை தொடங்கிய எடப்பாடி பழனிசாமி வழி நெடுகிலும் அ.தி.மு.க. நிர்வாகிகளை உற்சாகப்படுத்திவிட்டு சென்னைக்கு வந்துள்ளார். அடுத்தகட்ட பயணத்தை தொடங்க அவர் ஆலோசனை நடத்தி வருகிறார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வாராந்திர சிறப்பு ரெயில்களுக்கு பயணிகளிடையே வரவேற்பு இருந்தது.
    • இரு சிறப்பு ரெயில்களையும் நீட்டித்து இயக்க அறிவிப்பு வெளியிட வேண்டும்.

    தென்காசி:

    நெல்லையில் இருந்து கடந்த ஏப்ரல் 17-ந் தேதி முதல் ஜூன் 27-ம் தேதி வரை நெல்லை- தாம்பரம் ஞாயிற்றுக்கிழமை தோறும், தாம்பரம்-நெல்லை திங்கள்கிழமை தோறும் வாராந்திர சிறப்பு ரெயில்கள் இயக்கப்பட்டது.

    இதேபோல ஏப்ரல் 21-ந் தேதி முதல் ஜூன் 27-ந்தேதி வரை வியாழக்கிழமை தோறும் நெல்லை-மேட்டுப்பாளையம், வெள்ளிக்கிழமை தோறும் மேட்டுப்பாளையம்- நெல்லை இடையே வாராந்திர சிறப்பு ரெயில்கள் இயக்கப்பட்டன.

    இந்த ரெயில்கள் அம்பா சமுத்திரம், பாவூர்சத்திரம், தென்காசி, விருதுநகர், மதுரை, திண்டுக்கல் வழியாக கோடைகால சிறப்பு ரெயில்களாக இயக்கப்பட்டன.

    இந்த வாராந்திர சிறப்பு ரெயில்களுக்கு பயணிகளிடையே வரவேற்பு இருந்தது. இந்த சிறப்பு ரெயில்களுக்கான வருமானம் மற்றும் பயணிகளின் எண்ணிக்கை குறித்து சமூக ஆர்வலரும், ரெயில்வே ஆலோசனைக் குழு உறுப்பினருமான பாண்டியராஜா தகவல் அறியும் உரிமை சட்டத்தில் கேள்வி எழுப்பி இருந்தார்.அதற்கு தென்னக ரெயில்வே அளித்த பதிலில் கூறியிருப்பதாவது:-

    நெல்லை-தாம்பரம் ரெயில் 9313 பயணிகளுடன் 65.77 லட்சம் வருமானமும், தாம்பரம்-நெல்லை ரெயில் 8940 பயணிகளுடன் 55.14 லட்சம் வருமானமும், நெல்லை- மேட்டுப்பாளையம் ரெயில் 7814 பயணிகளுடன் 38 லட்சம் வருமானமும், மேட்டுப்பாளையம்- நெல்லை ரெயில் 8380 பயணிகளுடன் 42.14 லட்சம் வருமானமும் தந்துள்ளது.

    2½ மாதங்களில் இரு மார்க்கங்களிலும் 10 சேவைகள் இயக்கப்பட்ட இந்த இரு வாராந்திர சிறப்பு ரெயில்களையும் சேர்த்து மொத்தம் 34,447 பயணிகளுடன் ரூ.2.01 கோடி வருமானம் கிடைத்துள்ளது.

    இவ்வாறு அதில் கூறப்பட்டுள்ளது.

    வருமானம் தரும் இந்த அம்பை, தென்காசி, ராஜபாளையம் வழித்தடத்தின் வழியாக சென்னை மற்றும் கோவை மேட்டுப்பாளையத்திற்கு இயக்கப்படும் இந்த இரு வாராந்திர சிறப்பு ரெயில்களையும் தொடர்ந்து இயக்க வேண்டும் என்று பொதுமக்கள் எதிர்பார்க்கின்றனர்.

    இதுகுறித்து பாண்டியராஜா கூறுகையில், இந்த சிறப்பு ரெயில்கள் தட்கல் கட்டணத்தில் இயக்கப்படுவதால் ரெயில்வேக்கும் கணிசமான வருமானம் கிடைக்கிறது. எனவே நெல்லையில் இருந்து தென்காசி, மதுரை, திண்டுக்கல் வழியாக தாம்பரத்திற்கும், தென்காசி மதுரை, திண்டுக்கல், பழநி வழியாக மேட்டுப்பாளையத்துக்கும் இயக்கப்படும் சிறப்பு ரெயில்களை நிரந்தரமாக இயக்க தென்னக ரெயில்வே நடவடிக்கை எடுக்க வேண்டும்.

    நெல்லை-மேட்டுப்பாளையம் சிறப்பு ரெயில் இயக்கம் வரும் 18-ந்தேதியும், நெல்லை-தாம்பரம் சிறப்பு ரெயில் இயக்கம் செப்டம்பர் 4-ந் தேதியும் முடிவடைய இருப்பதால் உடனடியாக தென்னக ரெயில்வே இந்த நெல்லை, தென்காசி ரெயில் வழித்தடத்தின் வழியாக இயக்கப்படும் இந்த இரு சிறப்பு ரெயில்களையும் நீட்டித்து இயக்க அறிவிப்பு வெளியிட வேண்டும்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • போலீசாரின் தீவிர விசாரணையில் குழந்தையை அழைத்து சென்றது சில்லாம்பட்டியை சேர்ந்த குமார்-மகேஷ்வரி தம்பதி என தெரிய வந்தது.
    • வீட்டுக்கு அழைத்து சென்ற ஜனனிக்கு அவர்கள் சாப்பாடு கொடுத்து பின்னர் பாட்டியிடம் ஒப்படைக்க இருந்தனர்.

    உசிலம்பட்டி:

    மதுரை மாவட்டம் உசிலம்பட்டி அருகே உள்ள ஏ.ராமநாதபுரத்தை சேர்ந்தவர் பார்த்தசாரதி. இவர் அதே பகுதியில் கோழிக்கறி கடை மற்றும் பேக்கரி நடத்தி வருகிறார். இவரது மனைவி சத்யா. இவர்களுக்கு 4 வயதில் ஜனனி என்ற பெண் குழந்தை உள்ளது. இவள் வீட்டின் அருகே உள்ள மழலையர் பள்ளியில் படித்து வருகிறாள்.

    நேற்று விடுமுறை தினம் என்பதால் தீனாவிலக்கில் உள்ள பாட்டி வீரம்மாள் வீட்டுக்கு ஜனனியை பெற்றோர் அழைத்து சென்றனர். அதன் அருகிலேயே பார்த்தசாரதிக்கு சொந்தமான கோழிக்கறி கடை உள்ளது. பிற்பகல் மோட்டார்சைக்கிளில் அங்கு வந்து ஒரு தம்பதியினர் கறி வாங்கினர். அப்போது அங்கு விளையாடிக் கொண்டிருந்த ஜனனியிடம் அவர்கள் பேச்சு கொடுத்து எங்கள் வீட்டுக்கு வருகிறாயா? என அழைத்துள்ளனர். சிறுமியும் வருவதாக தலையசைத்துள்ளார்.

    இதனையடுத்து ஜனனியை அந்த தம்பதி மோட்டார்சைக்கிளில் அழைத்து சென்றனர். இதை அறியாத பெற்றோர் மகள் மாயமானதை கண்டு அதிர்ச்சி அடைந்தனர். அப்போது அங்கிருந்தவர்கள் மோட்டார் சைக்கிளில் மர்ம நபர்கள் அழைத்து சென்றதாக தெரிவித்துள்ளனர். இதனால் அதிர்ச்சி அடைந்த பார்த்தசாரதி, தனது மகள் கடத்தப்பட்டிருக்கலாம் என நினைத்து உடனடியாக உசிலம்பட்டி நகர் போலீசில் புகார் கொடுத்தார்.

    இதையடுத்து போலீசார் குழந்தையை மீட்க உடனடி நடவடிக்கை எடுத்தனர். டி.எஸ்.பி. நல்லு தலைமையிலான போலீசார் தீவிர விசாரணையை மேற்கொண்டனர். மேலும் மதுரை-உசிலம்பட்டி-தேனி ரோட்டில் உள்ள சோதனைச்சாவடிகள் உஷார்படுத்தப்பட்டது.

    குழந்தை கடத்தல் சம்பவம் நடந்த பகுதிகளில் பொருத்தப்பட்டிருந்த சி.சி.டி.வி. காட்சிகளையும் போலீசார் ஆய்வு செய்தனர். புகார் கொடுத்த சில மணி நேரத்தில் உசிலம்பட்டி போலீஸ் நிலையமே பரபரப்பானது. குழந்தையை மீட்க போலீசார் அனைத்து பகுதிகளுக்கும் ரோந்து சென்றனர்.

    போலீசாரின் தீவிர விசாரணையில் குழந்தையை அழைத்து சென்றது சில்லாம்பட்டியை சேர்ந்த குமார்-மகேஷ்வரி தம்பதி என தெரிய வந்தது. இதையடுத்து அங்கு சென்ற போலீசார் குழந்தையை மீட்டு தம்பதியை போலீஸ் நிலையத்துக்கு அழைத்து வந்தனர்.

    அங்கு அவரிடம் விசாரணை நடத்தியதில் குழந்தையின் பாட்டி வீரம்மாளும் குழந்தையை அழைத்து சென்ற தம்பதியும் நன்கு பழக்கமானவர்கள். நேற்று கறிக்கடைக்கு வந்த மகேஷ்வரி வீரம்மாளின் பேத்தியை பார்த்ததும் ஆசையுடன் கொஞ்சியுள்ளார். அப்போது வீட்டுக்கு வருகிறாயா என கேட்க, குழந்தையும் அவருடன் சென்றுள்ளது.

    ஆனால் இந்த தகவலை குமார்-மகேஷ்வரி தம்பதியினர் பாட்டி, பெற்றோரிடம் தெரிவிக்கவில்லை. இதனால்தான் குழந்தை கடத்தப்பட்டதாக நினைத்து போலீசில் புகார் அளிக்கப்பட்டது.

    வீட்டுக்கு அழைத்து சென்ற ஜனனிக்கு அவர்கள் சாப்பாடு கொடுத்து பின்னர் பாட்டியிடம் ஒப்படைக்க இருந்தனர். அதற்குள் காலதாமதமானதால் இந்த விவகாரம் போலீஸ் வரை சென்று உசிலம்பட்டி பகுதியில் பெரும் பரபரப்பை ஏற்படுத்தியது.

    மேற்கண்ட தகவல்கள் விசாரணையில் தெரிய வந்தது. இதையடுத்து போலீசார் அந்த தம்பதியை எச்சரித்து அனுப்பினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குழு போட்டு இன்றைக்கு சாதனை படைத்த ஒரே முதல்-அமைச்சர் மு.க.ஸ்டாலின் தான்.
    • ஆன்லைன் ரம்மி சூதாட்ட தடைக்கு பொதுமக்களிடம் கருத்து கேட்கும் ஒரே முதலமைச்சர் என்ற பெருமையை மு.க.ஸ்டாலின் பெற்றுள்ளார்.

    காஞ்சிபுரம்:

    காஞ்சிபுரம் மாவட்டத்துக்கு வந்த எடப்பாடி பழனிசாமிக்கு மாவட்ட எல்லையான பாலுசெட்டி சத்திரம் பகுதியில் மாவட்ட செயலாளர் சோமசுந்தரம் ஏற்பாட்டில் பிரமாண்ட வரவேற்பு கொடுக்கப்பட்டது. அப்போது தொண்டர்கள் மத்தியில் எடப்பாடி பழனிசாமி பேசியதாவது:-

    ஒரு சாதாரண கிளைச் செயலாளர் இன்றைய தினம் இயக்கத்தினுடைய இடைக்கால பொதுச் செயலாளராக வந்திருக்கிறேன் என்று சொன்னால் அது அ.தி.மு.க. கட்சியில் மட்டும்தான் நடக்கும். இது ஜனநாயக அமைப்பு உள்ள ஒரு கட்சி. உழைக்கின்றவர்கள், இயக்கத்திற்கு விசுவாசமாக இருக்கின்றவர்கள் என்றைக்காவது ஒரு நாள் உயர்ந்த பதவி உச்ச பதவிக்கு வர முடியும்.

    தி.மு.க.வில் வர முடியுமா, வந்துவிட முடியுமா. தி.மு.க.வில் நிதிகள் மட்டும் தான் தொடர்ச்சியாக வாரிசாக பதவிக்கு வர முடியும். என்னை சுற்றி பல பேர் இருக்கிறார்கள், மு.க. ஸ்டாலினை சுற்றி நிற்க முடியுமா? ஏனென்றால் நாங்கள் எல்லாம் குடும்பமாக இருக்கின்றோம், நீங்களும் குடும்பத்தில் ஒரு உறுப்பினர்களாக இருக்கிறீர்கள்.

    தி.மு.க.வில் மக்களை பற்றி கவலைப்பட மாட்டார்கள். வீட்டு மக்களை பற்றி தான் கவலைப்படுவார்கள், வீட்டில் இருக்கிறவர்களுக்கு யாருக்கு பதவி கொடுக்க வேண்டும், கட்சியில அதிகாரம் வழங்க வேண்டும் அதிகாரப்பதிவு இப்படி கூறு போட்டு நடத்துகின்ற கட்சி. தி.மு.க. ஒரு கட்சி இல்லை. அது ஒரு கார்ப்பரேட் கம்பெனி.

    அ.தி.மு.க.வினர் மீது பொய் வழக்கு போடுவது, நிர்வாகியின் மீது வழக்கு போடுவது, கஷ்டப்படுத்துவது, துன்பப்படுத்துவதால் அ.தி.மு.க.வை அடக்கப்படுமாம். ஒருபோதும் நடக்காது.

    உங்களுக்கு அரிதான முதல்-அமைச்சர் வாய்ப்பு கிடைத்திருக்கிறது. ஏதோ சந்தர்ப்ப சூழ்நிலையில் நீங்கள் முதலமைச்சராகி விட்டீர்கள். கிடைக்கின்ற பதவியை வைத்து மக்களுக்கு நன்மை செய்து பாராட்டை பெறுங்கள். அதைவேண்டாம் என்று சொல்லவில்லை. வழி தவறி பாதை மாறி போனீர்கள் என்றால் எதிர்காலத்தில் நீங்கள் நிறைய சந்திக்க நேரிடும்.

    அவர் எல்லா திட்டத்தையும் வேகமாக அறிவிப்பார். அறிவித்த உடனே அதற்கு குழு போட்டு விடுவார். இதுவரைக்கும் 37 குழு போட்டு இருக்கிறார். குழு போட்டு இன்றைக்கு சாதனை படைத்த ஒரே முதல்-அமைச்சர் மு.க. ஸ்டாலின் தான்.

    ஆன்லைன் ரம்மி சூதாட்ட தடைக்கு பொதுமக்களிடம் கருத்து கேட்கும் ஒரே முதல்-அமைச்சர் என்ற பெருமையை அவர் பெற்றுள்ளார். மக்கள் மீது அவருக்கு அக்கறை இல்லை. நாட்டின் மீதும் அக்கறையில்லை. அக்கறை இல்லாத ஒரு முதல்-அமைச்சர் இன்றைக்கு தமிழகத்தை ஆண்டு கொண்டிருப்தால் வேதனை தான் நமக்கு மிச்சம்

    இவ்வாறு அவர் பேசினார்.

    நிகழ்ச்சியில் அமைப்புச் செயலாளர் வாலாஜாபாத் பா கணேசன், மைதிலி, நிர்வாகிகள் காஞ்சி பன்னீர்செல்வம், கே.யு. எஸ். சோமசுந்தரம், வள்ளி நாயகம், பாலாஜி, வாலாஜா பாத் அரிக்குமார், குண்ணவாக்கம் கிருஷ்ணமூர்த்தி, துன்பவனம் ஜீவானந்தம், ஜெயராஜ், திலக்குமார், கரூர் மாணிக்கம், படுநெல்லி தயாளன் உள்ளிட்ட பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 3 கொள்ளையர்கள் சுற்றுச் சுவர் வழியாக ஏறி குடியிருப்புக்குள் சென்றிருக்கிறார்கள்.
    • வீடியோ பதிவுகளை கொண்டு போலீசார் அவர்களை தேடி வருகிறார்கள்.

    சென்னை:

    கொள்ளையர்களை அடையாளம் கண்டு அமுக்கவே கண்காணிப்பு கேமராக்கள் எல்லா பகுதிகளிலும் பொருத்தப்பட்டுள்ளது.

    கண்காணிப்பு கேமராக்களை பார்த்தே கொள்ளையர்கள் கொள்ளையடிக்க தயங்குவார்கள் என்று தான் எல்லோரும் நினைத்துக் கொண்டிருக்கிறார்கள். ஆனால் நிலைமை வேறு விதமாக உள்ளது.

    கண்காணிப்பு கேமரா முன்பு நின்று கொண்டே முடிந்தால் பிடியுங்கள் பார்ப்போம் என்று போலீசுக்கே சவால் விடும் அளவுக்கு கொள்ளையர்களும் வந்துவிட்டார்கள்.

    உள்ளகரம், புழுதிவாக்கத்தில் உள்ள அடுக்குமாடி குடியிருப்பில் பாதுகாப்புக்காக குடியிருப்பை சுற்றிலும் கண்காணிப்பு கேமராக்கள் பொருத்தப்பட்டுள்ளது. நேற்று முன்தினம் இரவு 3 கொள்ளையர்கள் சுற்றுச் சுவர் வழியாக ஏறி குடியிருப்புக்குள் சென்றிருக்கிறார்கள்.

    சுவர் ஏறி குதித்தபோதே கண்காணிப்பு கேமராக்களையும் பார்த்து இருக்கிறார்கள். அதைப் பற்றி அவர்கள் கண்டு கொள்ளவே இல்லை. ஒருவன் கேமரா லென்சு முன்பு சென்று முத்தமே கொடுத்துள்ளான். மற்றவர்களும் கேமரா முன்பு முகத்தை காட்டி முடிந்தால் பிடிங்க பார்க்கலாம் என்று சைகை காட்டி இருக்கிறார்கள்.

    கேமரா பதிவுகளை அவ்வப்போது ஆய்வு செய்யும் குடியிருப்பு நலச் சங்கத்தினர் இந்த காட்சிகளை பார்த்து அதிர்ந்து போனார்கள்.

    கொள்ளை எதுவும் நடை பெறவில்லை. அதற்கு முன்னோட்டம் போல் இந்த செயலில் இறங்கி காட்சிகளை சமூக வலைதளங்களில் வைரலாக்கி இருக்கிறார்கள். போலீசுக்கும் தகவல் கொடுத்துள்ளனர். வீடியோ பதிவுகளை கொண்டு போலீசார் அவர்களை தேடி வருகிறார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கோர்ட்டு வழக்குகளை பற்றி கவலைப்பட வேண்டியதில்லை.
    • நீங்கள் உங்கள் பகுதியில் சென்று கட்சி வேலையில் தீவிரமாக ஈடுபடுங்கள்.

    சென்னை:

    சென்னையில் ஓ.பன்னீர் செல்வம் தனது ஆதரவாளர்களுடன் ஆலோசனை நடத்தினார். புதிதாக நியமிக்கப்பட்ட மாவட்ட செயலாளர்கள் பலர் இந்த கூட்டத்தில் கலந்து கொண்டனர்.

    இந்த கூட்டத்தில் ஓ.பன்னீர்செல்வம் தனது ஆதரவாளர்களுக்கு நம்பிக்கையூட்டும் வகையில் பேசினார்.

    அ.தி.மு.க. தொண்டர் அனைவரும் நம் பக்கமே இருக்கிறார்கள். நீங்கள் உங்கள் பகுதியில் சென்று கட்சி வேலையில் தீவிரமாக ஈடுபடுங்கள்.

    கோர்ட்டு வழக்குகளை பற்றி கவலைப்பட வேண்டியதில்லை. வழக்கின் தீர்ப்புகள் நமக்கு சாதகமாகவே வரும். எனவே எதிர்காலத்தை பற்றிய அச்சம் உங்களுக்கு தேவையில்லை என்றார்.

    இந்த கூட்டத்தில் எடப்பாடி பழனிசாமியின் சொந்த ஊரான சேலத்தில் இருந்தும் நிர்வாகிகள் வந்திருந்தனர். அவர்களிடம் அந்த பகுதியின் நிலவரங்கள் பற்றி கேட்டறிந்தார்.

    சுமார் 3.30 மணி நேரம் நடைபெற்ற இந்த ஆலோசனை கூட்டத்தில் நிர்வாகி களிடம் தனித்தனியாகவும் கருத்துக்கள் கேட்டார்.

    கூட்டம் முடிந்து வெளியே வந்த நிர்வாகிகள் உற்சாகத்துடன் காணப்பட்டனர். அவர்களிடம் கேட்டபோது, நிர்வாகிகள் மட்டுமே கட்சி இல்லை. தொண்டர்கள் ஆதரவு யாருக்கு என்பதை பார்க்க வேண்டும். எல்லாம் சில நாட்களில் சீராகும். எல்லோரும் ஓ.பி.எஸ். தலைமையில் அணிவகுப்பார்கள் என்றார்கள் நம்பிக்கையுடன்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நீலாங்கரையில் 153 படகுகளில் தேசிய கொடிகளை ஏந்தியபடி கடலில் படகு பேரணி நடந்தது.
    • பேரணியை தொடங்கி வைத்த பா.ஜனதா தலைவர் அண்ணாமலை படகில் ஈஞ்சம்பாக்கம் வரை சென்றார்.

    சென்னை:

    நீலாங்கரையில் 153 படகுகளில் தேசிய கொடிகளை ஏந்தியபடி கடலில் படகு பேரணி நடந்தது.

    பேரணியை தொடங்கி வைத்த பா.ஜனதா தலைவர் அண்ணாமலை படகில் ஈஞ்சம்பாக்கம் வரை சென்றார்.

    இதில் மாநில துணை தலைவர் கரு.நாகராஜன், மாவட்ட தலைவர் சாய் சத்யன், மீனவர் அணி மாநில தலைவர் முனுசாமி உள்பட பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்தியாவில் நெசவுத்தொழில் கடுமையாக பாதிக்கப்பட்டுள்ளது.
    • மோடி அரசின் தவறான பொருளாதார கொள்கைகளே காரணம். இந்தியாவில் 10 முதலாளிகள் பஞ்சை கொள்முதல் செய்து அடைத்து வைத்துள்ளனர்.

    பொள்ளாச்சி:

    பொள்ளாச்சி வெங்கட்ரமண வீதியில் காங்கிரஸ் கட்சி அலுவலகம் அமைக்கப்பட்டுள்ளது.

    இதன் திறப்பு விழா இன்று நடந்தது. இதில் மாநில தலைவர் கே.எஸ்.அழகிரி பங்கேற்று அலுவலகத்தை ரிப்பன் வெட்டி திறந்து வைத்தார்.

    பின்னர் அலுவலகத்திற்குள் சென்ற அவர், அங்கு அமைக்கப்பட்டிருந்த காந்தி சிலைக்கு மாலை அணிவித்தும், மலர் தூவியும் மரியாதை செலுத்தினார்.

    பின்னர் அவர் நிருபர்களுக்கு பேட்டி அளித்தார். அந்த பேட்டியில் கூறியதாவது:-

    இந்தியாவில் நெசவுத்தொழில் கடுமையாக பாதிக்கப்பட்டுள்ளது. இதற்கு மோடி அரசின் தவறான பொருளாதார கொள்கைகளே காரணம். இந்தியாவில் 10 முதலாளிகள் பஞ்சை கொள்முதல் செய்து அடைத்து வைத்துள்ளனர்.

    இந்தியாவில் பஞ்சு ஏற்றுமதி செய்யலாம் என்றனர். ஏனென்றால் இந்தியாவில் பஞ்சு மார்க்கெட் என்பது விவசாயிகளின் கையில் இல்லை. கார்ப்பரேட்டுகளின் கையில் தான் உள்ளது.

    இந்தியாவின் பஞ்சு முழுவதும் 10 பேரிடம் மட்டுமே அடங்கி உள்ளது. அது வேறு யாரிடம் செல்லவில்லை. அவர்கள் மத்திய அரசாங்கத்திற்கு அழுத்தம் கொடுத்த பிறகே மத்திய அரசு பஞ்சு ஏற்றுமதிக்கு அனுமதி கொடுத்தது.

    ஏற்றுமதியில் அதிக லாபம் கிடைக்கவே ஏராளமான பஞ்சுகளை ஏற்றுமதி செய்துவிட்டனர். இதன் விளைவு இந்தியாவில் பஞ்சு விலை உயர்ந்தது. நெசவுத்தொழில் செய்தவர்கள் வாழ்வாதாரத்தை இழந்தனர்.

    இதையடுத்து ஆஸ்திரேலியாவில் இருந்து பஞ்சை இறக்குமதி செய்தனர். அதற்குள்ளாக சீசனே முடிந்து விட்டது. ஓராண்டு காலத்திற்குள் நெசவுத்தொழில் கடுமையான பாதிப்புகளை சந்தித்துள்ளது.

    மத்திய அரசு கொண்டு வந்துள்ள மின்சார சட்டதிருத்த மசோதா என்பது விவசாயிகளுக்கு வழங்கப்பட்டு வரும் இலவச மின்சாரம், 100 யூனிட் மின்சாரம் போன்ற திட்டங்களுக்கு எதிராக உள்ளது. எனவே மின்சார சட்ட திருத்த மசோதாவை நாங்கள் எதிர்க்கிறோம். தொடர்ந்து இந்த திட்டத்திற்கு எதிர்ப்பு தெரிவிப்போம்.

    இவ்வாறு அவர் கூறினார்.

    பின்னர் அவர் 75-வது சுதந்திரதினத்தையொட்டி பொள்ளாச்சியில் இருந்து கோவைக்கு சுதந்திர தின பாதயாத்திரையை தொடங்கி வைத்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பிரதமர் பதவியில் இருந்து மகிந்த ராஜபக்சே விலகினார்.
    • அதிபர் மாளிகைக்கு எதிரே காலி முகத்திடலில் ஆயிரக்கணக்கான இளைஞர்கள் திரண்டு போராட்டம்.

    கொழும்பு:

    இலங்கையில் பொருளாதார நெருக்கடியால் தவித்த மக்கள், ராஜபக்சே குடும்பத்தினர் அரசாங்க பதவிகளில் இருந்து விலகக்கோரி போராட்டம் நடந்தது.

    இதையடுத்து பிரதமர் பதவியில் இருந்து மகிந்த ராஜபக்சே விலகினார். ஆனால் அதிபராக இருந்த கோத்தபய ராஜபக்சே பதவி விலக மறுத்தார்.

    இதையடுத்து அதிபர் மாளிகைக்கு எதிரே காலி முகத்திடலில் ஆயிரக்கணக்கான இளைஞர்கள் திரண்டு போராட்டம் நடத்தினர். அங்கேயே கூடாரங்களை அமைத்து தங்கினர்.

    இதற்கிடையே இலங்கையில் இருந்து சிங்கப்பூருக்கு தப்பி சென்ற கோத்தபய ராஜபக்சே பதவி விலகினார். புதிய அதிபராக ரணில் விக்ரமசிங்கே தேர்ந்தெடுக்கப்பட்டார். அவர் பதவி ஏற்ற மறுநாளே காலிமுகத்திடலில் இருந்த போராட்டக்காரர்கள் கூடாரங்களை போலீசார் அகற்றியதால் மோதல் ஏற்பட்டது.

    போராட்டக்காரர்கள் கலைந்து செல்ல வேண்டும் என்று ரணில் விக்ரமசிங்கே கேட்டுக் கொண்டார். ஆனாலும் போராட்டக்காரர்கள் அங்கேயே தொடர்ந்து இருந்தனர்.

    இந்த நிலையில் கொழும்பு காலிமுகத்திடலில் இருந்து வெளியேறுவதாக இன்று போராட்டக்காரர்கள் அறிவித்தனர். இலங்கை அரசுக்கு எதிராக புதிய வடிவில் போராட்டத்தை தொடரப்போவதாக போராட்டக்காரர்கள் தெரிவித்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆட்டோவில் பயணம் செய்த 2 வாலிபர்கள் திடீரென மாணவிக்கு பாலியல் ரீதியாக தொல்லை கொடுத்தனர்.
    • அதிர்ச்சி அடைந்த மாணவி ஓடும் ஆட்டோவில் இருந்து கீழே குதித்தார். இதில் காயம் அடைந்த மாணவிக்கு தனியார் ஆஸ்பத்திரியில் சிகிச்சை அளிக்கப்பட்டது.

    ராயபுரம்:

    புதுவண்ணாரப்பேட்டையை சேர்ந்த 9-ம் வகுப்பு மாணவி ஒருவர் ஷேர் ஆட்டோவில் பள்ளிக்கு சென்றார். அப்போது அதே ஆட்டோவில் பயணம் செய்த 2 வாலிபர்கள் திடீரென மாணவிக்கு பாலியல் ரீதியாக தொல்லை கொடுத்தனர். இதனால் அதிர்ச்சி அடைந்த மாணவி ஓடும் ஆட்டோவில் இருந்து கீழே குதித்தார். இதில் காயம் அடைந்த மாணவிக்கு தனியார் ஆஸ்பத்திரியில் சிகிச்சை அளிக்கப்பட்டது.

    இதுகுறித்து புதுவண்ணாரப்பேட்டை போலீசில் புகார் செய்யப்பட்டது. போலீசார் மாணவிக்கு பாலியல் தொல்லை கொடுத்ததாக கானா பாடகர்களான வண்ணாரப்பேட்டையை சேர்ந்த ஜெகன் என்கிற டோலாக் ஜெகன், கொருக்குப்பேட்டையை சேர்ந்த மணி ஆகிய 2 பேரை கைது செய்தனர். இதில் ஜெகன் சினிமாவில் பாடல் பாடி உள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஐக்கிய ஜனதா தளம்-பாரதிய ஜனதா இடையே கூட்டணி முடிவுக்கு வந்ததால் முதல்-மந்திரியாக இருந்த நிதிஷ் குமார் தனது பதவியை ராஜினாமா செய்தார்.
    • பீகார் மாநில துணை முதல்வராக தேஜஸ்வி யாதவ் பதவியேற்றார்.

    பாட்னா:

    பீகார் மாநிலத்தில் நேற்று ஒரே நாளில் அடுத்தடுத்து நடந்த அரசியல் திருப்பம் பரபரப்பை ஏற்படுத்தியது.

    அம்மாநிலத்தில் ஆட்சியில் இருந்த ஐக்கிய ஜனதா தளம்-பாரதிய ஜனதா இடையே கூட்டணி முடிவுக்கு வந்ததால் முதல்-மந்திரியாக இருந்த நிதிஷ் குமார் தனது பதவியை ராஜினாமா செய்தார்.

    பாட்னாவில் நடந்த ஐக்கிய ஜனதா கட்சி எம்.எல்.ஏ.க்கள் கூட்டத்தில் பாரதிய ஜனதாவுடனான கூட்டணியில் இருந்து வெளியேறுவது என்று முடிவு செய்யப்பட்டது.

    இதைதொடர்ந்து நிதிஷ் குமார் தனது பதவியை துறந்து விட்டு மீண்டும் ஆட்சி அமைப்பதற்கான அதிரடி நடவடிக்கையில் ஈடுபட்டார். அவர் நேராக கவர்னர் மாளிகைக்கு சென்று கவர்னர் பகு சவுகானை சந்தித்து தனது ராஜினாமா கடிதத்தை கொடுத்தார்.

    பின்னர் முன்னாள் முதல்-மந்திரி ராப்ரி தேவியின் வீட்டுக்கு சென்று லல்லு பிரசாத் யாதவ் மகன் தேஜஸ்வி யாதவ்வை சந்தித்து ஆலோசனை நடத்தினார். அப்போது ராஷ்டிரிய ஜனதாதளம், காங்கிரஸ் மற்றும் கம்யூனிஸ்ட் கட்சிகள் உள்ளிட்ட 7 கட்சிகள் ஆதரவுடன் புதிய மெகா கூட்டணி அமைக்க முடிவு செய்யப்பட்டது.

    இந்த முடிவுக்கு அந்த கட்சிகள் ஆதரவு தெரிவித்தன.

    பின்னர் நிதிஷ் குமார் வீட்டில் நடந்த கூட்டத்தில் ஐக்கிய ஜனதாதளம் ராஷ்ட்ரிய ஜனதாதளம், காங்கிரஸ் உள்ளிட்ட 7 கட்சிகளை சேர்ந்த எம்.எல்.ஏக்கள் மற்றும் தலைவர்கள் கலந்து கொண்டனர். இதில் கூட்டணியின் தலைவராக நிதிஷ்குமார் தேர்ந்தெடுக்கப்பட்டார்.

    இதையடுத்து அவர் தேஜஸ்வி யாதவுடன் மீண்டும் கவர்னர் பகு சவுகானை சந்தித்து எதிர்க்கட்சியின் ஆதரவுடன் ஆட்சி அமைக்க உரிமை கோரினார். தனக்கு 164 எம்.எல்.ஏக்கள் ஆதரவு இருப்பதாக கூறி அதற்கான கடிதத்தை நிதிஷ்குமார் கவர்னரிடம் அளித்தார்.

    இதை தொடர்ந்து பீகாரில் புதிய ஆட்சி அமைப்பதற்கான ஏற்பாடுகள் நடைபெற்று வந்தது.

    இந்நிலையில் 8-வது முறையாக பீகார் மாநில முதல் மந்திரியாக நிதிஷ்குமார் இன்று மீண்டும் பதவியேற்றார். துணை முதல்வராக தேஜஸ்வி யாதவ் பதவியேற்றார்.

    நிதிஷ் குமாருக்கு ஆளுநர் பகு சவுகான் பதவி பிரமாணம் செய்து வைத்தார்.

    லாலு பிரசாத் யாதவ் கட்சியின் ஆதரவோடு பீகார் மாநில முதல் மந்திரியாக நிதிஷ்குமார் பதவியேற்றுள்ளார் என்பது குறிப்பிடத்தக்கது.

    • Whatsapp
    • Telegram
    • Linkedin
    • Print