நீங்கள் தேடியது "மினிவேன்"

விழுப்புரம்:

விழுப்புரம் மாவட்டம் திண்டிவனம் தியாகி சண்முகம் பிள்ளை வீதிக்கு ஆயில் லோடு ஏற்றுக்கொண்டு மினி வேன் சென்னையில் இருந்து வந்து கொண்டிருந்தது. இந்த லோடு மினி வேனை திண்டிவனம் தீர்த்த குளம் பகுதியை சேர்ந்த மூர்த்தி ஓட்டிக்கொண்டு வந்தார்.திண்டிவனம் நகராட்சியில் பாதாள சாக்கடை பணி நடைபெற்று வருகிறது. தியாகி சண்முகம் பிள்ளை வீதியில் வேன் வந்த போது பாதாள சாக்கடையில் மினி வேன் தலைக்குப்புற கவிழ்ந்து விபத்துக்குள்ளானது. இதில் டிரைவர் மூர்த்தி அதிர்ஷ்டவசமாக உயிர் தப்பினார். இந்த விபத்து குறித்து போலீசார் விசாரணை நடத்தி வருகின்றனர். திண்டிவனத்தில் பாதாள சாக்கடை பணியில் மூடப்பட்ட பள்ளத்தில் பல்வேறு வாகனங்கள் கடந்த 10 நாட்களுக்கு மேலாக 5-க்கும் மேற்பட்ட வாகனங்கள் கவிழ்ந்து விபத்துக்குள்ளானது குறிப்பிடத்தக்கது.

திருமங்கலம்

மதுரை கருப்பாயூரணி அருகே தனியார் சிமெண்ட் கல் தயாரிக்கும் தொழிற்சாலை உள்ளது. இங்கிருந்து சிமெண்ட் கல் ஏற்றிக்கொண்டு மினி வேன் புறப்பட்டது. இதனை விக்கி என்பவர் ஓட்டி வந்தார். அவருடன் கிளீனர் உட்பட 2 பேர் இருந்தனர்.

திருமங்கலம் அருகே கப்பலூர் 4 வழிச்சாலையில் சென்று கொண்டிருந்தபோது திடீரென வேனின் முன்பக்க டயர் வெடித்தது. இதில் டிரைவரின் கட்டுப்பாட்டை இழந்த மினி வேன் தாறுமாறாக ஓடி சாலையின் நடுவே தலைக்குப்புற கவிழ்ந்து விபத்துக்குள்ளானது.

உயிர் தப்பினர்

விபத்தில் மினி வேன் டிரைவர் மற்றும் கிளீனர் உட்பட 3 பேரும் கதவைத் திறந்து உடனடியாக வெளியே குதித்ததால் உயிர் தப்பினர். சாலையின் நடுவே வேன் கவிழ்ந்து விபத்துக்குள்ளானதில் மதுரை கப்பலூர் 4 வழிச்சாலையில் சிறிது நேரம் போக்குவரத்து பாதிக்கப்பட்டது.

தகவல் அறிந்து வந்த பெருங்குடி போலீசார் டிரைவர் விக்கியிடம் விபத்து குறித்து விசாரணை நடத்தி வருகின்றனர்.