நீங்கள் தேடியது "பிஎம்டபிள்யூ"

பிஎம்டபிள்யூ மோட்டராட் நிறுவனம் இந்திய சந்தையில் இரண்டு லிமிடெட் எடிஷன் மோட்டார்சைக்கிள்களை அறிமுகம் செய்தது. தனது 100 ஆவது ஆண்டு விழாவை ஒட்டி பிஎம்டபிள்யூ நிறுவனம் புதிய மாடல்களை அறிமுகம் செய்து இருக்கிறது. இவை - பிஎம்டபிள்யூ ஆர் நைன் டி 100 Years மற்றும் பிஎம்டபிள்யூ ஆர் 18 100 Years என அழைக்கப்படுகின்றன.

சர்வதேச சந்தையில் பிஎம்டபிள்யூ ஆர்32 வெளியாகி 100 ஆண்டுகள் நிறைவுற்றதை கொண்டாடும் வகையில், இரு மாடல்களின் ஸ்பெஷல் எடிஷன் அறிமுகம் செய்யப்பட்டுள்ளன. புதிய லிமிடெட் எடிஷன் மாடல்களில் காஸ்மெடிக் மாற்றங்கள் செய்யப்பட்டுள்ளன. இரு மாடல்களும் சர்வதேச அளவில் 1923 யூனிட்கள் மட்டுமே உற்பத்தி செய்யப்படுகின்றன.

பிஎம்டபிள்யூ ஆர் நைன் டி ரோட்ஸ்டர் மாடலில் 1170 சிசி, ஏர்/ஆயில் கூல்டு, இரண்டு சிலிண்டர்கள் கொண்ட பாக்சர் என்ஜின் வழங்கப்பட்டு இருக்கிறது. இந்த என்ஜின் 109 ஹெச்பி பவர், 116 நியூட்டன் மீட்டர் டார்க் இழுவிசையை வெளிப்படுத்துகிறது. 221 கிலோ எடை கொண்டிருக்கும் பிஎம்டபிள்யூ ஆர் நைன் டி மணிக்கு அதிகபட்சம் 200 கிலோமீட்டர் வேகத்தில் செல்லும் திறன் கொண்டுள்ளது.

100 Years எடிஷன் மாடலில் காஸ்மெடிக் மாற்றங்கள் செய்யப்பட்டு பிளாக் நிறம் கொண்டிருக்கிறது. இத்துடன் டூயல் டோன் பென்ச் சீட் உள்ளது. இந்திய சந்தையில் இந்த மாடலின் விலை ரூ. 24 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

பிஎம்டபிள்யூ ஆர் 18 குரூயிசர் மாடலில் 1800 சிசி ஏர்/ஆயில் கூல்டு இரண்டு சிலிண்டர்கள் கொண்ட 4-ஸ்டிரோக் பாக்சர் என்ஜின் வழங்கப்பட்டு இருக்கிறது. இந்த என்ஜின் 91 ஹெச்பி பவர், 158 நியூட்டன் மீட்டர் டார்க் இழுவிசையை வெளிப்படுத்துகிறது. இந்த பைக் 345 கிலோ எடை கொண்டிருக்கிறது. மணிக்கு அதிகபட்சம் 180 கிலோமீட்டர் வேகத்தில் செல்லும். இந்தியாவில் இதன் விலை ரூ. 25 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டுள்ளது.

பிஎம்டபிள்யூ நிறுவனம் இதுவரை வெளியிட்டதில் மிகவும் சக்திவாய்ந்த M3 காரை அறிமுகம் செய்து இருக்கிறது. இதில் பிஎம்டபிள்யூ நிறுவனத்தின் DTM ரேஸ் கார் என்ஜின் வழங்கப்பட்டு இருக்கிறது. மேலும் இந்த காரில் விசேஷ சேசிஸ் மாட்கள் மற்றும் லிமிடெட் ப்ரோடக்ஷன் வேரியண்ட் ஆகும்.

M3 CSL போன்றே புதிய M3 CS மாடலில் உள்ள S58 டுவின் டர்போசார்ஜ் செய்யப்பட்ட ஸ்டிரெயிட்-சிக்ஸ் யூனிட் வழங்கப்பட்டு இருக்கிறது. இந்த என்ஜின் 542 ஹெச்பி பவர் வெளிப்படுத்துகிறது. இது M3 காம்படிஷன் மாடலை விட 40 ஹெச்பி அதிகம் ஆகும். இதே என்ஜின் M4 GT3 மாடலிலும் வழங்கப்பட்டு இருக்கிறது. எனினும், ரேஸ் காரில் ஏராள மாற்றங்கள் செய்யப்பட்டுள்ளன.

இந்த மாடல்களில் ரிகிட் கிரான்க்-கேஸ், ஐயன்-கோட் செய்யப்பட்ட சிலிண்டர் போர்கள், ஃபோர்ஜ் செய்யப்பட்ட கிரான்க்ஷாஃப்ட், 3டி ப்ரிண்ட் செய்யப்பட்ட ஹெட்-கோர், மேம்பட்ட கூலண்ட் டக்ட்கள் மற்றும் விசேஷ ஆயில் சப்ளை சிஸ்டம் உள்ளிட்டவை அடங்கும். இதன் காரணமாக பிஎம்டபிள்யூ M3 CS மணிக்கு 100 கிலோமீட்டர் வேகத்தை 3.4 நொடிகளில் எட்டிவிடும். இதில் உள்ள என்ஜின் அதிகபட்சமாக 640 நியூட்டன் மீட்டர் டார்க் இழுவிசையை வெளிப்படுத்துகிறது.

புதிய M3 CS மாடல் RWD ஆப்ஷனில் மட்டுமே கிடைக்கிறது. மேலும் இந்த காரின் அதிகபட்ச வேகம் மணிக்கு 302 கிலோமீட்டரில் மின்முறையில் கட்டுப்படுத்தப்பட்டு இருக்கிறது. விசேஷ என்ஜின் மவுண்டிங் காரணமாக ஸ்ப்ரிங் ரேட் உயர்த்தப்பட்டு இருக்கிறது. இத்துடன் 8 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்பட்டு இருக்கிறது. பிரேக்கிங்கை பொருத்தவரை 19 இன்ச் முன்புறமும், பின்புறம் 20 இன்ச் அளவு கொண்ட கார்பன் செராமிக் யூனிட்கள் ஆகும்.

ஃபோர்ஜ் செய்யப்பட்ட M-ஸ்பெக் அலாய் வீல்கள் மிஷெலின் பைலட் ஸ்போர்ட் 4S டிராக்-ரெடி ரப்பரில் ராப் செய்யப்பட்டு இருக்கிறது. இத்துடன் பிஎம்டபிள்யூ நிறுவனத்தின் கார்பன்-ஃபைபர்-ரி-இன்ஃபோர்ஸ் செய்யப்பட்ட பிளாஸ்டிக் வழங்கப்பட்டு இருக்கிறது. பிஎம்டபிள்யூ M3 CS மொத்த எடை 1855 கிலோ ஆகும். இந்த கார் மொத்தத்தில் எத்தனை யூனிட்கள் உற்பத்தி செய்யப்படும் என்பது கேள்விக்குறியாகவே உள்ளது. எனினும், மார்ச் மாத வாக்கில் இதன் உற்பத்தி துவங்கி, அதன் பின் வினியோகம் செய்யப்பட இருக்கிறது.

பிஎம்டபிள்யூ மோட்டாராட் நிறுவனம் R 1250 GS, R 1250 GS அட்வென்ச்சர் மற்றும் R 1250 RT மாடல்களின் தேர்வு செய்யப்பட்ட யூனிட்களை ரிகால் செய்கிறது. ரிகால் நடவடிக்கை வட அமெரிக்க சந்தையில் மட்டும் அறிவிக்கப்பட்டு இருக்கிறது. கியர்பாக்ஸ் இன்புட் ஷாஃப்ட் உடையும் அபாயம் ஏற்பட்டு இருப்பதால், மோட்டார்சைக்கிள்கள் ரிகால் செய்யப்படுகின்றன.

பாதிக்கப்பட்ட யூனிட்களில் உள்ள கியர்பாக்ஸ் இன்புட் ஷாஃப்ட் ஓவர்லோட் ஆகி உடையும் நிலை ஏற்பட்டுள்ளது. இது பின்பற சக்கரத்தை நிறுத்தி விடும். இதன் காரணமாக விபத்து மற்றும் காயம் ஏற்படும் அபாயம் அதிகம் ஆகும். இம்முறை 18 ஆயிரத்து 489 யூனிட்கள் ரிகால் செய்யப்படுகின்றன.

பிஎம்டபிள்யூ R 1250 GS 6 ஆயித்து 812 யூனிட்கள்

பிஎம்டபிள்யூ R 1250 GS அட்வென்ச்சர் 9 ஆயிரத்து 401 யூனிட்கள்

பிஎம்டபிள்யூ R 1250 RT 2 ஆயிரத்து 276 யூனிட்கள்

குறிப்பு: பாதிக்கப்பட்ட யூனிட்கள் 2019 முதல் 2023-க்குள் உற்பத்தி செய்யப்பட்டவை ஆகும்.

பிஎம்டபிள்யூ மோட்டராட் நிறுவனம் பாதிக்கப்பட்ட யூனிட்களை பயன்படுத்தும் வாடிக்கையாளர்கள், அவற்றை பயன்படுத்த வேண்டாம் என வலியுறுத்தி வருகிறது. மேலும் ரிகால் சர்வீஸ் செய்ய அருகாமையில் உள்ள பிஎம்டபிள்யூ விற்பனையாளரை தொடர்பு கொள்ளும் பிஎம்டபிள்யூ கேட்டுக் கொண்டுள்ளது.

பாதிக்கப்பட்ட யூனிட்களில் பிஎம்டபிள்யூ விற்பனையாளர்கள் என்ஜின் கண்ட்ரோல் யூனிட் மென்பொருளை அப்டேட் செய்து வழங்க இருக்கிறது. இதுதவிர பிஎம்டபிள்யூ நிறுவனம் 2019 முதல் 2023 வரை உற்பத்தி செய்யப்பட்ட R 1250 GS, R 1250 GS அட்வென்ச்சர் மற்றும் R 1250 RTP மாடல்களின் விற்பனையை நிறுத்த உத்தரவிட்டுள்ளது.

பிஎம்டபிள்யூ இந்தியா நிறுவனம் முற்றிலும் புதிய X7 மாடலை இந்திய சந்தையில் அறிமுகம் செய்யப்பட்டு உள்ளது. புதிய ஃபிளாக்ஷிப் எஸ்யுவி மாடல் - X7 xடிரைவ்40i M ஸ்போர்ட் மற்றும் X7 xடிரைவ்40d ஸ்போர்ட் என இரண்டு விதமான வேரியண்ட்களில் கிடைக்கிறது. இவற்றின் விலை முறையே ரூ. 1 கோடியே 22 லட்சம் மற்றும் ரூ. 1 கோடியே 24 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

2023 பிஎம்டபிள்யூ X7 xடிரைவ்40i M ஸ்போர்ட் மாடலில் 3.0 லிட்டர், 6 சிலிண்டர்கள் கொண்ட பெட்ரோல் என்ஜின் வழங்கப்பட்டு இருக்கிறது. இந்த என்ஜின் 376 ஹெச்பி பவர், 520 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. புதிய X7 xடிரைவ்40d M ஸ்போர்ட் மாடலில் 3.0 லிட்டர், 6 சிலிண்டர்கள் கொண்ட டீசல் என்ஜின் வழங்கப்பட்டுள்ளது. இந்த என்ஜின் 335 ஹெச்பி பவர், 700 நியூட்டன் மீட்டர் டார்க் இழுவிசையை வெளிப்படுத்துகிறது.

இருவித என்ஜின்களுடன் 8 ஸ்பீடு ஸ்டெப்டிரானிக் டிரான்ஸ்மிஷன் உடன் வழங்கப்படுகிறது. இத்துடன் பிஎம்டபிள்யூ xடிரைவ் ஆல்-வீல் டிரைவ் தொழில்நுட்பம் வழங்கப்பட்டு இருக்கிறது. காரின் உள்புறம் ஸ்கை லாஞ்ச் பானரோமிக் சன்ரூஃப், 14 நிறங்கள் அடங்கிய ஆம்பியண்ட் லைடிங், 12.3 இன்ச் இன்ஃபோடெயின்மெண்ட் சிஸ்டம், 14.9 இன்ச் டிரைவர் டிஸ்ப்ளே, நான்கு ஜோன் கிளைமேட் கண்ட்ரோல், ஹார்மன் கார்டன் சவுண்ட் சிஸ்டம் மற்றும் 16 ஸ்பீக்கர்கள் வழங்கப்பட்டுள்ளன.

காரின் வெளிப்புறம் பெரிய கிட்னி கிரில், க்ரோம் அக்செண்ட்கள், புதிய முன்புறம் மற்றும் பின்புற பம்ப்பர்கள், எல்இடி ஹெட்லேம்ப்கள், 3D டெயில் லேம்ப்கள், புதிய இன்னர் கிராஃபிக்ஸ், ஸ்மோக்டு கிளாஸ் உள்ளது. புதிய X7 காரின் இரண்டு வேரியண்ட்களும் பிஎம்டபிள்யூ சென்னை ஆலையில் உற்பத்தி செய்யப்படுகிறது. வினியோகம் மார்ச் 2023 வாக்கில் துவங்க இருக்கிறது.

பிஎம்டபிள்யூ இந்தியா நிறுவனம் 2023 3 சீரிஸ் கிரான் லிமோசின் ஃபேஸ்லிஃப்ட் மாடலை இந்திய சந்தையில் அறிமுகம் செய்தது. புதிய பிஎம்டபிள்யூ 3 சீரிஸ் கிரான் லிமோசின் ஃபேஸ்லிஃப்ட் மாடலின் விலை ரூ. 57 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. 2021 ஜனவரி வாக்கில் அறிமுகம் செய்யப்பட்ட ஆடம்பர செடான் மாடல் தற்போது முதல் முறையாக அப்டேட் செய்யப்பட்டு இருக்கிறது.

மாற்றங்களை பொருத்தவரை தோற்றத்தில் புது காரில் ரிடிசைன் செய்யப்பட்ட ஹெட்லேம்ப்கள், ட்வீக் செய்யப்பட்ட கிரில் வழங்கப்பட்டுள்ளது. பம்ப்பர்கள் மாற்றப்பட்டு, புதிய அலாய் வீல்கள், பின்புறம் டெயில் லேம்ப்கள் மாற்றப்பட்டு இருக்கிறது. உள்புறம் i4 செடான் மாடலை போன்றே காட்சியளிக்கிறது. ரிடிசைன் செய்யப்பட்ட டேஷ்போர்டு, வளைந்த டிஸ்ப்ளே, டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இந்த காரின் ஏசி வெண்ட்களும் ரிடிசைன் செய்யப்பட்டுள்ளது.

உள்புறம் வளைந்த டூயல் ஸ்கிரீன் செட்டப் உள்ளது. இது 12.3 இன்ச் மற்றும் 14.9 இன்ச் ஃபிரேம்லெஸ் இன்ஃபோடெயின்மெண்ட் ஸ்கிரீன் வழங்கப்பட்டு இருக்கிறது. இதில் பிஎம்டபிள்யூ நிறுவனத்தின் அதிநவீன ஒஎஸ் 8 உள்ளது. இதன் செண்டர் கன்சோல் டிசைனில் வழக்கமான கியர் லீவருக்கு மாற்றாக கியர் ஸ்விட்ச் வழங்கப்பட்டு இருக்கிறது. இத்துடன் பவர்டு சீட்கள், பானரோமிக் சன்ரூஃப், லெதர் இருக்கை மேற்கவர்கள், ஹார்மன் கார்டன் ஸ்டீரியோ சிஸ்டம் மற்றும் பார்கிங் அசிஸ்டண்ட் உள்ளது.

என்ஜினை பொருத்தவரை புதிய பிஎம்டபிள்யூ 3 சீரிஸ் கிரான் லிமோசின் ஃபேஸ்லிஃப்ட் மாடலில் எவ்வித மாற்றமும் மேற்கொள்ளப்படவில்லை. அதன்படி புது காரில் 330i மற்றும் 320d மாடலில் உள்ளதை போன்ற 2.0 லிட்டர், நான்கு சிலிண்டர் பெட்ரோல் மற்றும் டீசல் என்ஜின் வழங்கப்பட்டு இருக்கிறது.

இதன் 330i மாடலின் 2.0 லிட்டர் பெட்ரோல் என்ஜின் 254 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இதன் 320d டீசல் எனஜின் 187 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த மாடலின் விலை தற்போதைய வெர்ஷனை விட சற்று அதிகமாகவே நிர்ணயம் செய்யப்படும்.

பிஎம்டபிள்யூ நிறுவனம் இந்திய சந்தையில் தனது 3 சீரிஸ் கிரான் லிமோசின் ஃபேஸ்லிஃப்ட் மாடலை ஜனவரி 10 ஆம் தேதி அறிமுகம் செய்ய இருக்கிறது. புதிய காரில் மேம்பட்ட நீண்ட வீல்பேஸ், காஸ்மெடிக் மாற்றங்கள், கூடுதல் உபகரணங்கள் வழங்கப்படுகிறது. M340i ஃபேஸ்லிஃப்ட் மாடலில் உள்ளதை போன்ற அப்டேட்கள் புது காரிலும் செய்யப்பட்டு இருக்கிறது. அதன்படி புது காரில் ரிடிசைன் செய்யப்பட்ட ஹெட்லேம்ப்கள், ட்வீக் செய்யப்பட்ட கிரில் வழங்கப்பட்டுள்ளது.

பம்ப்பர்கள் மாற்றப்பட்டு, புதிய அலாய் வீல்கள், பின்புறம் டெயில் லேம்ப்கள் மாற்றப்பட்டு இருக்கிறது. உள்புறம் i4 செடான் மாடலை போன்றே காட்சியளிக்கிறது. ரிடிசைன் செய்யப்பட்ட டேஷ்போர்டு, வளைந்த டிஸ்ப்ளே, செண்ட்ரல் இன்ஃபோடெயின்மெண்ட் டச் ஸ்கிரீன், டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இந்த காரின் ஏசி வெண்ட்களும் ரிடிசைன் செய்யப்பட்டுள்ளது.

புதிய பிஎம்டபிள்யூ 3 சீரிஸ் கிரான் லிமோசின் ஃபேஸ்லிஃப்ட் மாடலில் எவ்வித மாற்றமும் மேற்கொள்ளப்படவில்லை. அதன்படி புது காரில் 330i மற்றும் 320d மாடலில் உள்ளதை போன்ற 2.0 லிட்டர், நான்கு சிலிண்டர் பெட்ரோல் மற்றும் டீசல் என்ஜின் வழங்கப்பட்டு இருக்கிறது. இதன் 330i மாடலின் 2.0 லிட்டர் பெட்ரோல் என்ஜின் 254 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது.

இதன் 320d டீசல் எனஜின் 187 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த மாடலின் விலை தற்போதைய வெர்ஷனை விட சற்று அதிகமாகவே நிர்ணயம் செய்யப்படும்.

பிஎம்டபிள்யூ மோட்டராட் நிறுவனம் புதிய GS டிராஃபி எடிஷன் நிறங்களை தனது F 850 GS, R 1250 GS மற்றும் R 1250 GS அட்வென்ச்சர் போன்ற மாடல்களில் வழங்கி இருக்கிறது. மூன்று மோட்டார்சைக்கிள்களும் காஸ்மெடிக் முறையில் மாற்றப்பட்டு தற்போது புது நிறங்களில் கிடைக்கின்றன.

மூன்று பைக்-களிலும் புளூ, சில்வர் மற்றும் ரெட் அக்செண்ட்கள் செய்யப்பட்டுள்ளன. புதிய நிறம் தவிர இவற்றின் அம்சங்கள், மெக்கானிக்கல் பாகங்கள் அதன் ஸ்டாண்டர்டு மாடலில் உள்ளதை போன்றே வழங்கப்பட்டு இருக்கின்றன. அந்த வகையில் F 850 GS மாடலில் 850சிசி, டுவின் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 95ஹெச்பி பவர், 92 நியூட்டன் மீட்டர் டார்க் இழுவிசையை வெளிப்படுத்துகிறது.

இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இதுதவிர பிஎம்டபிள்யூ டைனமிக் பேக்கேஜில் இருந்து குயிக்ஷிஃப்டர் பொருத்திக் கொள்ளும் வசதியும் உள்ளது. R 1250 GS மாடலில் 1254சிசி, பாக்சர் டுவின் மோட்டார் வழங்கப்பட்டு இருக்கிறது. இந்த என்ஜின் 134.1 ஹெச்பி பவர், 143 நியூட்டன் மீட்டர் டார்க் இழுவிசையை கொண்டிருக்கிறது.

மூன்று மோட்டார்சைக்கிள்களிலும் எல்இடி இலுமினேஷன், ABS, ரைடிங் மோட்கள், டிராக்ஷன் கண்ட்ரோல், ஹீடெட் க்ரிப்கள், குரூயிஸ் கண்ட்ரோல், என்ஜின் பிரேக் கண்ட்ரோல், மல்டி கண்ட்ரோலர், யுஎஸ்பி சார்ஜிங் மற்றும் பல்வேறு அம்சங்கள் வழங்கப்பட்டுள்ளன. இந்த மாடலிலும் அதன் ஸ்டாண்டர்டு வெர்ஷனில் உள்ளதை போன்ற சஸ்பென்ஷன் செட்டப் வழங்கப்படுகிறது

பிஎம்டபிள்யூ நிறுவனம் ஜனவரி 7, 2023 அன்று இரண்டாவது ஜாய்டவுன் ஆஃப் தி சீசன் நிகழ்வை நடத்த இருக்கிறது. கடந்த ஆண்டு இதே நிகழ்வு டிசம்பர் 10 ஆம் தேதி நடைபெற்றது. இம்முறை ஜாய்டவுன் ஆஃப் தி சீசன் நிகழ்வில் பிஎம்டபிள்யூ நிறுவனம் தனது புதிய 7 சீரிஸ் மற்றும் i7 மாடல்களை அறிமுகம் செய்ய இருக்கிறது.

இந்த ஆண்டு ஏப்ரல் மாத வாக்கில் அறிமுகம் செய்யப்பட்ட புதிய பிஎம்டபிள்யூ 7 சீரிஸ் மாடல் ஸ்பை படங்கள் ஏற்கனவே இணையத்தில் வெளியாகி இருக்கின்றன. மேம்பட்ட புது செடான் மாடல் முற்றிலும் புது டிசைன், ஸ்ப்லிட் ஹெட்லேம்ப்கள், பெரிய கிட்னி கிரில், புதிய முன்புற மற்றும் பின்புற பம்ப்பர்கள், அலாய் வீல்கள் மற்றும் ஏராள அம்சங்களை கொண்டிருக்கிறது.

2023 பிஎம்டபிள்யூ 7 சீரிஸ் மாடலில் 3.0 லிட்டர் டீசல் என்ஜின் மற்றும் மைல்டு ஹைப்ரிட் சிஸ்டம், இருவித பிளக்-இன் ஹைப்ரிட் பவர்டிரெயின்கள் வழங்கப்படுகிறது. பிஎம்டபிள்யூ i7 மாடலில் 101.7 கிலோவாட் ஹவர் பேட்டரி பேக் மற்றும் இரண்டு எலெக்ட்ரிக் மோட்டார்கள் வழங்கப்படுகின்றன. இந்த காரை முழுமையாக சார்ஜ் செய்தால் 450 கிலோமீட்டர் வரையிலான ரேன்ஜ் வழங்குகிறது.

பிஎம்டபிள்யூ 7 சீரிஸ் மற்றும் i7 மாடல்களின் உள்புறத்தில் 14.9 இன்ச் தொடுதிரை வசதி கொண்ட இன்ஃபோடெயின்மெண்ட் சிஸ்டம், 12.3 இன்ச் முழுமையான டிஜிட்டல் இன்ஸ்ட்ரூமெண்ட் கன்சோல், டோர் ஹேண்டில்களின் அருகில் 5.5 இன்ச் டச் ஸ்கிரீன் யூனிட்கள் பொருத்தப்பட்டுள்ளன. இத்துடன் புதிய ஃபிலாட் பாட்டம் ஸ்டீரிங் வீல், 31 இன்ச் அளவில் 8K ரூஃப் மவுண்ட் செய்யப்பட்ட தியேட்டர் டிஸ்ப்ளே வழங்கப்பட்டு இருக்கிறது.

பிஎம்டபிள்யூ இந்தியா நிறுவனம் தனது அடுத்த தலைமுறை பட்ஜெட் காரை அறிமுகம் செய்யும் பணிகளில் ஈடுபட்டு வருகிறது. புதிய X1 மாடலுக்கான முன்பதிவு நாடு முழுக்க விற்பனை மையங்களில் துவங்கி இருப்பதாக தகவல் வெளியாகி உள்ளது. தற்போது அதிகாரப்பூர்வமற்ற முன்பதிவு நடைபெறுகிறது. புதிய X1 மாடல் பற்றி பிஎம்டபிள்யூ சார்பில் இதுவரை எந்த தகவலும் வெளியாகவில்லை. எனினும், இந்த கார் 2023 ஜனவரி மாத வாக்கில் அறிமுகமாகும் என எதிர்பார்க்கப்படுகிறது.

டிசைனை பொருத்தவரை புதிய பிஎம்டபிள்யூ X1 மாடலில் கூர்மையான டிசைன் அம்சங்கள், பெரிய கிட்னி கிரில், மெல்லிய எல்இடி ஹெட்லைட்கள், ரிடிசைன் செய்யப்பட்ட எல்இடி டிஆர்எல்-கள் வழங்கப்பட்டுள்ளன. டெயில் லேம்ப் டிசைன் மாற்றப்பட்டு புதிய X3 மாடலில் உள்ளதை போன்றே காட்சியளிக்கிறது. புதிய X1 மாடலில் 17 இன்ச் வீல்கள் வழங்கப்பட்டு இருக்கிறது. இதனை 20 இன்ச் வரை அப்கிரேடு செய்து கொள்ளும் ஆப்ஷனும் வழங்கப்படுகிறது.

உள்புறத்தில் ரிடிசைன் செய்யப்பட்ட டேஷ்போர்டு, புதிதாக வளைந்த டிஸ்ப்ளே, ஐடிரைவ் 8 ஒஎஸ், வயர்லெஸ் சார்ஜிங் போன்ற அம்சங்கள் வழங்கப்படுகிறது. FAAR ஆர்கிடெக்கசரை தழுவி உருவாக்கப்பட்டு இருக்கிறது. சர்வதேச சந்தையில் X1 மாடல் இருவித பெட்ரோல், இருவித டீசல் என்ஜின் ஆப்ஷன்களில் கிடைக்கிறது. இத்துடன் 48 வோல்ட் ஹைப்ரிட் தொழில்நுட்பம் வழங்கப்படுகிறது. இருவித என்ஜின்களுடன் 7 ஸ்பீடு ஸ்டெப்டிரானிக் கியர்பாக்ஸ், ஆல்-வீல் டிரைவ் சிஸ்டம் ஆப்ஷனாக வழங்கப்படுகிறது.

பிஎம்டபிள்யூ மோட்டராட் நிறுவனம் தனது 2023 S1000RR மோட்டாகர்சைக்கிளுடன் CE 04 எலெக்ட்ரிக் ஸ்கூட்டரை இந்தியாவில் காட்சிப்படுத்தி இருக்கிறது. புதிய CE 04 எலெக்ட்ரிக் ஸ்கூட்டர் லாங் சைடு பேனல்கள், எல்இடி ஹெட்லைட், டிசைன் பிட்கள் உள்ளன. ஒற்றை பீஸ் இருக்கை, மஸ்குலர் பாடிவொர்க் கொண்டிருக்கிறது.

புதிய பிஎம்டபிள்யூ CE 04 எலெக்ட்ரிக் ஸ்கூட்டரில் 31 கிலோவாட் பீக் பவர் கொண்ட மோட்டார் வழங்கப்பட்டு இருக்கிறது. இந்த ஸ்கூட்டர் மணிக்கு 0 முதல் 50 கிலோமீட்டர் வேகத்தை 2.6 நொடிகளில் எட்டிவிடும். மேலும் மணிக்கு அதிகபட்சம் 120 கிலோமீட்ர் வேகத்தில் செல்லும் திறன் கொண்டிருக்கிறது. இந்த எலெக்ட்ரிக் மோட்டார் உடன் 8.9 கிலோவாட் ஹவர் பேட்டரி வழங்கப்பட்டு இருக்கிறது.

இதன் காரணமாக பிஎம்டபிள்யூ CE 04 எலெக்ட்ரிக் ஸ்கூட்டர் முழு சார்ஜ் செய்தால் 130 கிலோமீட்டர் வரை செல்லும் திறன் கொண்டுள்ளது. வழக்கமான சார்ஜர் மூலம் இந்த ஸ்கூட்டரை சார்ஜ் செய்ய 4 மணி 20 நிமிடங்கள் ஆகும். ஃபாஸ்ட் சார்ஜர் பயன்படுத்தும் போது பிஎம்டபிள்யூ CE 04 எலெக்ட்ரிக் ஸ்கூட்டரை 1 மணி 40 நிமிடங்களில் முழுமையாக சார்ஜ் செய்திடலாம்.

பிஎம்டபிள்யூ எலெக்ட்ரிக் ஸ்கூட்டர் முன்புறத்தில் டெலிஸ்கோபிக் ஃபோர்க்குகள், பின்புறம் மோனோஷாக் யூனிட் கொண்டிருக்கஇறது. பிரேக்கிங்கிற்கு 265mm முன்புற சிஸ்ர், பின்புற டிஸ்க் 15 இன்ச் வீல்களில் மவுண்ட் செய்யப்பட்டு உள்ளது. இந்த ஸ்கூட்டரின் முழன்புறம் 120 பின்புறம் 160 டயர்கள் வழங்கப்பட்டு உள்ளன.

பிஎம்டபிள்யூ நிறுவனம் CE 04 எலெக்ட்ரிக் ஸ்கூட்டரில் மூன்று ரைடிங் மோட்கள், டிராக்‌ஷன் கண்ட்ரோல், ஏபிஎஸ், டிஎஃப்டி டிஸ்ப்ளே, ப்ளூடூத் கனெக்டிவிட்டி மூலம் நேவிகேஷன் மற்றும் ஏராளமான அம்சங்களை கொண்டிருக்கிறது. இந்த ஸ்கூட்டரின் இந்திய வெளியீடு பற்றி பிஎம்டபிள்யூ நிறுவனம் இதுவரை எந்த தகவலும் வழங்கவில்லை.

பிஎம்டபிள்யூ நிறுவனத்தின் புதிய XM கார் இந்தியாவில் அறிமுகம் செய்யப்பட்டு இருக்கிறது. புதிய பிஎம்டபிள்யூ XM விலை ரூ. 2 கோடியே 60 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. பிஎம்டபிள்யூ M பிரிவில் இரண்டாவது பி-ஸ்போக் மாடலாக புதிய பிஎம்டபிள்யூ XM அறிமுகம் செய்யப்பட்டு இருக்கிறது. புதிய XM மாடலின் வினியோகம் அடுத்த ஆண்டு மே மாத வாக்கில் துவங்குகிறது.

புதிய பிஎம்டபிள்யூ XM மாடலில் M ஹைப்ரிட் டிரைவ் மற்றும் 4.4 லிட்டர் ட்வின் டர்போ வி8 என்ஜின், கியர்பாக்ஸ் மவுண்ட் செய்யப்பட்ட எலெக்ட்ரிக் மோட்டார் வழங்கப்பட்டுள்ளது. இந்த என்ஜின் 644 ஹெச்பி பவர், 800 நியூட்டன் மீட்டர் டார்க் இழுவிசையை வெளிப்படுத்துகிறது. இது இந்திய சந்தையில் பிஎம்டபிள்யூ நிறுவனத்தின் சக்திவாய்ந்த கார் என்ற பெருமையை பெற்று இருக்கிறது.

இந்த கார் மணிக்கு 100 கிலோமீட்டர் வேகத்தை 4.3 நொடிகளில் எட்டிவிடும். இந்த கார் மணிக்கு 250 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது. XM மாடலில் உள்ள ஆல் எலெக்ட்ரிக் டிரைவிங் மூலம் 88 கிலோமீட்டர் வரை செல்ல முடியும். புதிய பிஎம்டபிள்யூ XM மாடலில் 5-லிண்க் ரியர் சஸ்பென்ஷன் செட்டப், M டேம்ப்பர்கள் வழங்கப்பட்டு இருக்கிறது. இந்த எஸ்யுவி-யில் 48 வோல்ட் ஆக்டிவ் ரோல் ஸ்டேபிலைசேஷன் வழங்கப்பட்டுள்ளது.

பிஎம்டபிள்யூ XM மாடலில் ஸ்ப்லிட் ஹெட்லேம்ப்கள், பிஎம்டபிள்யூ பாரம்பரிய கிட்னி கிரில், ப்ககவாட்டில் ரெசிடிங் விண்டோ லைன், சதுரங்க வடிவம் கொண்ட வீல் ஆர்ச்கள் உள்ளன. ஃபுல் சைஸ் X7 மாடலை விட புதிய XM அளவில் சற்று சிறியதாகவே இருக்கிறது. புதிய XM மாடல் 5-சீட்டர் வடிவில் மட்டுமே கிடைக்கிறது.

2022 பிஎம்டபிள்யூ M340i ஃபேஸ்லிஃப்ட் மாடல் இந்தியாவில் அறிமுகம் செய்யப்பட்டு இருக்கிறது. புதிய பிஎம்டபிள்யூ M340i மாடலின் விலை ரூ. 69 லட்சத்து 20 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. 2022 பிஎம்டபிள்யூ M340i ஃபேஸ்லிஃப்ட் மாடலில் ஸ்டைலிங் அப்டேட்கள் செய்யப்பட்டுள்ளது. இதன் கேபின் பகுதியும் மாற்றப்பட்டு, தற்போது அதிநவீன வளைந்த ஸ்கிரீன் லே-அவுட் கொண்டிருக்கிறது.

இதில் இன்ஃபோடெயின்மெண்ட் ஸ்கிரீன் மற்றும் டிஜிட்டல் இன்ஸ்ட்ரூமெண்ட் பேனல் வழங்கப்பட்டு இருக்கிறது. புதிய M340i மாடலுக்கான டெலிவரி ஜனவரி மாத வாக்கில் துவங்க இருக்கிறது. டிசைனை பொருத்தவரை புது கார் முன்பை விட அதிக மஸ்குலர் மற்றும் டிஸ்டிண்டிவ் தோற்றம் கொண்டுள்ளது. இதன் கிட்னி கிரில் கிளாஸி பிளாக் மற்றும் க்ரோம் ஃபிரேம், மெஷ் டிசைன் கொண்டிருக்கிறது.

இதன் கிரில் பகுதியில் மெல்லிய ஹெட்லைட்கள், கூர்மையான எல்இடி டிஆர்எல்-கள் வழங்கப்பட்டுள்ளன. இத்துடன் அடாப்டிவ் எல்இடி ஹெட்லைட்கள், புளூ அக்செண்ட்கள் வழங்கப்பட்டு இருக்கின்றன. முன்புற பம்ப்பர் ஸ்போர்ட் தோற்றம் மற்றும் ஏர் இண்டேக்குகளை கொண்டிருக்கிறது. டெயில் லைட்களில் எவ்வித மாற்றமும் மேற்கொள்ளப்படவில்லை.

புதிய பிஎம்டபிள்யூ M340i ஃபேஸ்லிஃப்ட் மாடலில் 3.0 லிட்டர் இன்லைன் 6 சிலிண்டர்கள் கொண்ட என்ஜின் மற்றும் மைல்டு ஹைப்ரிட் அசிஸ்ட் வழங்கப்பட்டு இருக்கிறது. இந்த என்ஜின் 369ஹெச்பி பவர், 500 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.