நீங்கள் தேடியது "Yashwant Sinha"

வாரணாசி:


இந்திரா காந்தி காலத்தில் அறிவிக்கப்பட்ட நெருக்கடி நிலையை விட தற்போது அதிக ஆபத்து நிறைந்த அறிவிக்கப்படாத நெருக்கடி நிலை நாட்டில் நிலவுகிறது. ஜனநாயகம் ஆபத்தில் இருக்கிறது. அரசியலமைப்பை நகைச்சுவை ஆக்கிவிட்டனர்.

அனைத்து அரசு அமைப்புகளும், நிறுவனங்களும் தவறாக பயன்படுத்தப்படுகின்றன. ஆட்சியாளர்களின் உத்தரவுகளுக்கு ஏற்ப இந்த அமைப்புகள் செயல்படுகின்றன. மற்றவர்கள் சம்பந்தப்பட்ட வழக்குகளுக்கு உத்தரவிடுவார்கள். ஆனால், அரசாங்கத்தில் உயர் பதவி வகிப்பவர்களுக்கு எதிரான குற்றச்சாட்டுகள் குறித்து எந்த விசாரணைக்கும் உத்தரவிட மாட்டார்கள்.

பண மதிப்பு நீக்க காலத்தில் முதல் ஐந்து நாட்களுக்குள் அகமதாபாத் மாவட்ட கூட்டுறவு வங்கியில் ரூ.745.58 கோடி பழைய ரூபாய் நோட்டுக்கள் டெபாசிட் செய்யப்பட்டுள்ளதாக தகவல்கள் வந்துள்ளன. அந்த வங்கியின் இயக்குனராக பா.ஜ.க. தலைவர் அமித் ஷா உள்ளார். எனவே, இவ்வளவு பணம் பரிமாற்றம் நடந்தது குறித்து விசாரணைக்கு யார் உத்தரவிடுவார்?

நீதித்துறையில் எதுவும் சரியில்லை என ஓய்வு பெற்ற உச்ச நீதிமன்ற நீதிபதி கருத்து தெரிவித்துள்ளர். எனவே, இந்த அறிவிக்கப்படாத நெருக்கடி நிலைக்கு எதிராக மக்கள் போராட வேண்டும்.

இவ்வாறு அவர் பேசினார். #YashwantSinha #UndeclaredEmergency

இந்த நிலையில் சண்டிகரில் நடந்த நிகழ்ச்சியில் யஷ்வந்த் சின்கா பங்கேற்றார். அப்போது அவர் பேசியதாவது:-

நாடு தற்போது பல்வேறு பிரச்சினைகளை எதிர்கொண்டு வருகிறது. நாட்டின் அடித்தட்டு மக்களை நாங்கள் சந்தித்து பேசுகையில் அவர்கள் மத்தியில் சோர்வான சூழல் காணப்படுவதை தெரிந்து கொண்டோம். தேர்தலின் போது அளிக்கப்பட வாக்குறுதிகள் நிறைவேற்றப்படாததால் மக்கள் அதிருப்தியில் உள்ளனர்.

வருகிற பாராளுமன்ற தேர்தல் பிரதமர் மோடி தலைமையிலான அரசு மீதான மதிப்பீடாகத்தான் இருக்கும். நேரு, இந்திரா காந்தி, மன்மோகன் சிங் ஆட்சிக் காலத்தில் என்ன நடைபெற்றது என்பதாக அந்த தேர்தல் இருக்காது.

பா.ஜனதா கட்சி தற்போது 2 பேரின் கைப்பாவையாக மாறிவிட்டது. இதே 2 பேரின் கைப்பாவையாக மத்திய அரசும் மாறிவிட்டது. கடந்த 1993-ம் ஆண்டு பா.ஜனதாவில் நான் சேர்ந்த போது கட்சி இப்படி இல்லை. இது வாஜ்பாய், அத்வானி கட்சி அல்ல.
இமாச்சல பிரதேசத்தில் கடந்த 1982-ம் ஆண்டு நடந்த சட்டசபை தேர்தலில் மொத்தமுள்ள 68 தொகுதிகளில் பா.ஜனதாவுக்கு 29 இடங்கள் கிடைத்தன. பா.ஜனதாவுக்கு சுயேச்சைகள் 6 பேர் ஆதரவு அளித்தனர். ஆட்சி அமைக்க இந்த எண்ணிக்கையே போதும். அந்த தேர்தலில் காங்கிரஸ் 31 தொகுதிகளில் வெற்றி பெற்றிருந்ததால் ஆட்சி அமைக்க நாம் உரிமை கோர வேண்டாம் என்று பா.ஜனதா மாநில தலைமையை வாஜ்பாய் கேட்டுக் கொண்டார்.

ஆனால் கர்நாடகாவில் தற்போது என்ன நடந்தது என்பது அனைவருக்கும் தெரியும். அதனால் தான் வாஜ்பாய், அத்வானி காலத்தில் இருந்த பா.ஜனதா தற்போது இல்லை என்று கூறுகிறேன்.

இவ்வாறு அவர் பேசினார்.

2 பேரின் கைப்பாவை என்று யஷ்வந்த் சின்கா கூறி மோடியையும், அமித்ஷாவையும் மறைமுகமாக தாக்கி இருப்பது குறிப்பிடத்தக்கது. #BJP #YashwantSinha #Modi #AmitShah