என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » nirmal district
நீங்கள் தேடியது "nirmal district"
தெலுங்கானாவில் நடைபெற்ற தேர்தல் பிரச்சாரத்தில் பேசிய பாஜக தலைவர் அமித் ஷா, மதங்களின் பெயரால் கொண்டு வரப்படும் இடஒதுக்கீட்டை பாஜக எதிர்க்கும் என தெரிவித்தார். #TelanganaAssemblyElections #AmitShah
ஐதராபாத்:
119 இடங்களை கொண்ட தெலுங்கானா மாநில சட்டசபைக்கு டிசம்பர் 7-ம் தேதி தேர்தல் நடைபெறுகிறது. இந்த தேர்தலில் பா.ஜ.க., தெலுங்கானா ராஷ்ட்ரிய சமிதி, காங்கிரஸ், தெலுங்கு தேசம், ஒய்.எஸ்.ஆர். காங்கிரஸ் உள்ளிட்ட கட்சிகள் வேட்பாளர்களை நிறுத்தியுள்ளன.
சந்திரபாபு நாயுடு தலைமையிலான தெலுங்கு தேசம் கட்சி காங்கிரஸ் கட்சியுடன் கூட்டணி அமைத்து இந்த தேர்தலை சந்திக்கிறது. கலைக்கப்பட்ட சட்டசபையில் 5 உறுப்பினர்களை மட்டுமே பெற்றிருந்த பா.ஜ.க. இந்த தேர்தலில் தனித்து களமிறங்கியுள்ளது.
வாக்குப்பதிவுக்கு இன்னும் 11 நாட்களே உள்ள நிலையில் மாநிலம் முழுவதும் பிரசாரம் சூடுபிடிக்க தொடங்கியுள்ளது.
இந்நிலையில், தெலுங்கானாவின் நிர்மல் மாவட்டத்தில் பாஜக தேசிய தலைவர் அமித் ஷா இன்று தேர்தல் பிரச்சாரத்தில் பங்கேற்று பேசினார். அப்போது அவர் பேசியதாவது:
சமீபத்தில் மகாராஷ்டிராவில் பாஜக சார்பில் முதல் மந்திரியாக இருக்கும் தேவேந்திர பட்னாவிஸ் நகர்ப்புற நக்சலைட்களை கைது செய்தனர். ஆனால், தெலுங்கானா மாநிலத்தில் நகர்ப்புற நக்சலைட்களுக்கு காங்கிரஸ் கட்சி ஆதரவு அளித்து வருகிறது. தெலுங்கானாவில் நக்சலைட்டுகள் நடத்திய தாக்குதலில் நூற்றுக்கணக்கான மக்கள் உயிரிழந்துள்ளதை ராகுல் அறிவாரா?
தெலுங்கானாவில் உள்ள மாவோயிஸ்ட்களுக்கு இரண்டு வழிகள் மட்டுமே உள்ளன. ஒன்று அவர்கள் மக்களுடன் சேர்ந்து வாழவேண்டும். இல்லையேல் சிறைக்கு செல்ல தயாராக இருக்க வேண்டும்.
தெலுங்கானாவில் சந்திரசேகர் ராவ் அல்லது காங்கிரஸ், தெலுங்கு தேசம் கூட்டணி ஆட்சிக்கு வந்தாலும் சரி, அவர்கள் மதங்களின் பெயரால் கொண்டு வரும் இடஒதுக்கீட்டை மத்தியில் உள்ள பாஜக அரசு நிச்சயம் எதிர்க்கும் என தெரிவித்தார். #TelanganaAssemblyElections #AmitShah
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X