என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Kamuthi merchant murder"
கமுதி அருகே உள்ள ராமசாமிபட்டி கிராமத்தைச் சேர்ந்த ஜவுளி வியாபாரி ஜெயராமன் (வயது 37). இவர் கொடூரமாக வெட்டிக் கொலை செய்யப்பட்டார்.
வீட்டிற்குள் தூங்கிய அவரை யாரோ வெட்டிக் கொலை செய்து உடலை வாசலில் போட்டுச் சென்றது போலீஸ் விசாரணையில் தெரியவந்தது.
கணவரின் உடலைப் பார்த்து கதறி அழுத ஜெயராமனின் மனைவி பொன்னாத்தாள் என்ற பொன்னுமணி (27) மீது போலீசாருக்கு சந்தேகம் ஏற்பட்டதால், அவரிடம் துருவி, துருவி விசாரணை நடத்தினர்.
கொலை நடந்தபோது பொன்னுமணியும் அதே வீட்டில் தான் இருந்துள்ளார். எனவே அவருக்கு கொலையில் தொடர்பு இருக்கலாம் என போலீசார் கருதினர்.
அவர்களது கிடுக்கிப்பிடி விசாரணையில், கள்ளக்காதலன் அசோக்குமாருடன் (27) சேர்ந்து கணவரை கொலை செய்ததை பொன்னுமணி ஒப்புக்கொண்டார்.
இதனைத் தொடர்ந்து அவரை கைது செய்த போலீசார் அசோக்குமாரை தேடினர்.
இந்த நிலையில் அவர், மதுரை அண்ணாநகர் போலீசில் சரண் அடைந்தார். கமுதி போலீசார் அங்கு சென்று அசோக்குமாரை கைது செய்து விசாரணை நடத்தினர். அப்போது அவர் போலீசில் தெரிவித்த வாக்குமூலம் வருமாறு:-
எனது வீட்டுக்கு எதிரே தான் பொன்னுமணி வீடு இருந்தது. அவரது தந்தை வெளிநாட்டில் வேலை பார்த்ததால் தாய் விஜயாவோடு வசித்து வந்தார். இதனால் பொன்னுமணி படிக்கும் போதே எனக்கு பழக்கம் ஏற்பட்டது.
அவர்கள் புதிய வீடு கட்டும்போது நான் தான் தச்சு வேலை பார்த்தேன். மேலும் அனைத்து வேலைகளையும் முன்னெடுத்து செய்யும் போது பொன்னுமணியுடன் நெருங்கி பழக வாய்ப்பு கிடைத்தது. இது காதலாக மாறியது.
இந்த நிலையில் பொன்னுமணிக்கும், ஜெயராமனுக்கும் திருமணம் நடந்தது. அதன் பின்னர் தாய் வீட்டிலேயே அவர் வசித்ததால் எங்களது தொடர்பும் நீடித்தது.
நாளடைவில் இது ஜெயராமனுக்கு தெரிய வந்தது. அவர் எங்களை கண்டித்தார். மேலும் பொன்னுமணியை அழைத்துக் கொண்டு தனிக்குடித்தனம் நடத்தினார்.
காலையில் ஜவுளிக் கடைக்குச் செல்லும் ஜெயராமன் இரவு தான் திரும்புவார். இதனால் நான் மற்ற நேரங்களில் அங்கு சென்று பொன்னுமணியை சந்தித்து வந்தேன்.
எங்கள் கள்ளக்காதலுக்கு ஜெயராமன் இடையூறாக இருந்ததால், அவரை கொலை செய்ய திட்டமிட்டோம். இது பற்றி பொன்னுமணியுடன் ஆலோசித்தேன்.
இரவில் வீட்டின் கதவை பொன்னுமணி திறந்து வைத்தார். நான் வீட்டுக்குள் சென்று தூங்கிக் கொண்டிருந்த ஜெயராமனின் பிடரி, கழுத்து பகுதிகளில் அரிவாளால் வெட்டினேன்.
இதில் அவர் இறந்ததும், உடலை இழுத்து வாசலில் போட்டுவிட்டு தப்பி ஓடிவிட்டேன். மர்ம நபர்கள் யாரோ கொலை செய்து விட்டார்கள் என மற்றவர்கள் கருதும் வகையில், பொன்னுமணியை ஒரு அறையில் வைத்து பூட்டிச் சென்று விட்டேன். ஆனால் போலீசார் பொன்னுமணியை கைது செய்து விட்டனர். இதனால் சரண் அடைந்தேன்.
இவ்வாறு அவர் தெரிவித்துள்ளார்.
கமுதி:
ராமநாதபுரம் மாவட்டம் கமுதி அருகே உள்ள ராமசாமிபட்டியைச் சேர்ந்தவர் ஜெயராமன் (வயது37). இவரது மனைவி பொன்னாத்தாள். இவர்களுக்கு 2 மகன்கள் உள்ளனர்.
ஜெயராமன் மொபட்டில் ஊர் ஊராக சென்று ஜவுளி வியாபாரம் செய்து வந்தார். 6 மாதத்துக்கு முன்பு கமுதி செட்டியார் பஜாரில் வாடகைக்கு கடை எடுத்து ஜவுளி விற்பனையை தொடங்கினார். அதே பகுதியில் குடும்பத்துடன் தங்கி இருந்தார்.
வியாபாரம் முடிந்ததும் ஜெயராமன் நேற்று இரவு வீடு திரும்பினார். குடும்பத்தினருடன் அமர்ந்து சாப்பிட்டார். பின்னர் அவர் கீழ்தளத்தில் தூங்கினார். பொன்னாத்தாளும், குழந்தைகளும் மாடியில் தூங்கினர்.
இந்த நிலையில் இன்று அதிகாலை வீட்டின் கதவு தட்டப்படும் சத்தம் கேட்டது. திடுக்கிட்டு எழுந்த ஜெயராமன் கதவை திறந்தார். அப்போது திபுதிபுவென புகுந்த மர்ம கும்பல் ஜெயராமனை சரமாரியாக அரிவாளால் வெட்டி விட்டு தப்பியது.
கணவரின் அலறல் சத்தம் கேட்டு பொன்னாத்தாள் வந்து பார்த்தபோது ஜெயராமன் ரத்த வெள்ளத்தில் இறந்து கிடந்தார்.
ஜெயராமன் படுகொலை செய்யப்பட்டது குறித்து கமுதி போலீசுக்கு தகவல் தெரிவிக்கப்பட்டது. போலீஸ் துணை சூப்பிரண்டு சண்முகசுந்தரம் உத்தரவின்பேரில் போலீசார் விரைந்து வந்து விசாரித்தனர்.
பின்னர் உடலை கைப்பற்றி பிரேத பரிசோதனைக்காக கமுதி அரசு ஆஸ்பத்திரிக்கு அனுப்பி வைத்தனர்.
ஜெயராமன் கொலை செய்யப்பட்டதற்கான காரணம் என்ன என்று தெரியவில்லை. ஜெயராமன் கொலை செய்யப்பட்டதில் அவரது மனைவிக்கு தொடர்பு இருக்குமோ? என்று போலீசார் சந்தேகிக்கிறார்கள்.
எனவே பொன்னாத்தாளை போலீஸ் நிலையத்துக்கு அழைத்து சென்று விசாரித்து வருகிறார்கள்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்