என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
தருமபுரியில் சுகாதார செவிலியர்கள் கண்டன ஆர்ப்பாட்டம்
தகடூர்:
தருமபுரி மாவட்ட கிராம சுகாதார செவிலியர்கள், சுகாதார மேற்பார்வையாளர்கள் மற்றும் பகுதி சுகாதார செவிலியர்கள் கூட்டமைப்பின் சார்பில் பல்வேறு கோரிக்கைகளை வலியுறுத்தி தர்மபுரி கலெக்டர் அலுவலக வளாகத்தில் உள்ள சுகாதாரப்பணிகள் துணை இயக்குனர் அலுவலகம் முன்பு நேற்று மாலை ஆர்ப்பாட்டம் நடைபெற்றது. இந்த ஆர்ப்பாட்டத்திற்கு கூட்டமைப்பின் மாவட்ட தலைவர் ராஜேஸ்வரி தலைமை தாங்கினார். நிர்வாகிகள் சாந்தி, உஷாராணி, செந்தா மலர் ஆகியோர் முன்னிலை வைத்தனர். மாவட்ட செயலாளர் தேன்மொழி வரவேற்றார்.
இந்த ஆர்ப்பாட்டத்தில் கிராம சுகாதார செவிலியர்கள் மற்றும் மேற்பார்வையாளர்கள் கூட்டமைப்பின் மாநில அமைப்பாளர் தமிழ்செல்வி, மாநில எய்ட்ஸ் கட்டுப்பாட்டு அனைத்து ஊழியர் நல சங்க மாநில பொதுச்செயலாளர் சேரலாதன் ஆகியோர் கோரிக்கைகளை வலியுறுத்தி பேசினார்கள். இந்த ஆர்ப்பாட்டத்தின் போது கோரிக்கைகளை வலியுறுத்தியும், சுகாதாரப் பணிகள் துணை இயக்குனரின் ஊழியர் விரோத போக்கை கண்டித்தும் ஏராளமான கிராம சுகாதார செவிலியர்கள், மேற்பார்வையாளர்கள் கோஷங்கள் எழுப்பினர்.
சட்டமன்றத் தேர்தல் பணியின் போது உயிரிழந்த செவிலியர் ராதாமணி ஆஷா குடும்பத்திற்கு அரசு இழப்பீடு வழங்க வேண்டும். சுகாதாரப் பணிகள் துணை இயக்குனர் அலுவலகத்தில் செவிலியர்களுக்கு ஓய்வறை மற்றும் தனி கழிப்பறை அமைக்க வேண்டும். துணை சுகாதார நிலையங்களில் கிராம சுகாதார செவிலியர்கள் நியமிக்க வேண்டும். காலிப்பணியிடங்களை நிரப்ப வேண்டும் என்பது உள்ளிட்ட பல்வேறு கோரிக்கைகளை வலியுறுத்தி இந்த ஆர்ப்பாட்டம் நடைபெற்றது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்