செய்திகள்
வாகன சோதனையின் போது போக்குவரத்து போலீஸ்காரர் மீது தாக்குதல் - 2 வாலிபர்கள் கைது
வாகன சோதனையின் போது போக்குவரத்து போலீஸ்காரை தாக்கிய 2 வாலிபர்களை போலீசார் கைது செய்து விசாரணை நடத்தி வருகின்றனர்.
ராயபுரம்:
புதுவண்ணாரப்பேட்டை ஏ.இ. கோவில் சந்திப்பு அருகே போக்குவரத்து தலைமை காவலர் பிரபு மற்றும் போலீசார் வாகன சோதனையில் ஈடுபட்டனர்.
அப்போது போலீசாரை கண்டதும் மதுபோதையில் மோட்டார் சைக்கிளில் வந்த 2 வாலிபர்கள் தப்பி செல்ல முயன்றனர்.
அவர்களை போலீஸ்காரர் பிரபு மற்றும் போலீசார் மடக்கி பிடித்தனர். இதனால் ஆத்திரம் அடைந்த 2 வாலிபர்களும் பிரபுவை தாக்கி கீழே தள்ளினர்.
இதையடுத்து அவர்களை போலீசார் கைது செய்தனர். விசாரணையில் அவர்கள் புது வண்ணாரப்பேட்டையை சேர்ந்த ரஞ்சித், முகுந்தன் என்பது தெரிந்தது.
தாக்குதலில் பலத்த காயம் அடைந்த போலீஸ்காரர் பிரபுவுக்கு ஸ்டான்லி அரசு ஆஸ்பத்திரியில் சிகிச்சை அளிக்கப்பட்டது.