பிரச்சனையை தீர்க்கலாம் என டிரம்ப் கூறியதாக பாக். வெளியுறவு மந்திரி பேட்டி - அமெரிக்கா மறுப்பு

நியூயார்க்:

நியூயார்க் நகரில் ஐநா பொது சபை கூட்டம் நடந்து வருகின்றது. கூட்டத்தின் போது அமெரிக்க அதிபர் டிரம்ப் - பாகிஸ்தான் வெளியுறவு மந்திரி ஷா மெகமூத் குரேஷி சந்தித்து கைகுலுக்கிகொண்டனர். அப்போது, இரு நாடுகளுக்கு இடையேயான பிரச்சனைகளை தீர்த்து கொள்ளலாம் என டிரம்ப் கூறியதாக குரேஷி பின்னர் பேட்டியளித்தார். 

ஆனால், இதனை அமெரிக்கா மறுத்துள்ளது. “உணவு விருந்தின் போது, குரேஷியுடன், அதிபர் டிரம்ப் கைகளை மட்டுமே குலுக்கினார். ஒரு வார்த்தை கூட பேசவில்லை” என அமெரிக்க பாதுகாப்பு கவுன்சில் செய்தி தொடர்பாளர் தெரிவித்துள்ளார்.