ஜெய்ப்பூர்:
200 இடங்களை கொண்ட ராஜஸ்தான் சட்டசபைக்கு டிசம்பர் 7-ம்தேதி தேர்தல் நடைபெறுகிறது. இந்த தேர்தலில் மீண்டும் ஆட்சியை தக்கவைத்து கொள்ள ஆளும் பா.ஜ.க.வும், இழந்த ஆட்சியை கைப்பற்ற எதிர்க்கட்சியான காங்கிரசும் முனைப்பு காட்டி வருகின்றன.
பிரதமர் நரேந்திர மோடி, காங்கிரஸ் தலைவர் ராகுல் காந்தி ஆகியோர் இம்மாநிலத்தின் பல்வேறு பகுதிகளில் சூறாவளி பிரசாரம் மேற்கொண்டு தங்கள் கட்சி வேட்பாளர்களுக்கு ஆதரவு திரட்டியுள்ளனர்.
இந்நிலையில், இங்குள்ள ஜலோர் மாவட்டத்தில் பா.ஜ.க. தலைவர் அமித் ஷா இன்று பிரசாரம் செய்தார். அப்போது, காங்கிரஸ் கட்சிக்கு தலைவரும் கிடையாது செயல்திட்டமும் இல்லை என்று அவர் குறிப்பிட்டுள்ளார்.
இம்மாநிலத்தில் வசுந்தராஜே சிந்தியா தலைமையிலான பா.ஜ.க. ஆட்சியில் மாநிலத்தின் வருவாய் கணிசமாக அதிகரித்துள்ளது. இதன் மூலம் ராஜஸ்தான் மாநிலம் வளர்ச்சிப் பாதையை நோக்கி சென்று கொண்டிருக்கிறது. இந்த சட்டசபை தேர்தலில் மட்டுமில்லாமல் எதிர்வரும் பாராளுமன்ற தேர்தலிலும் பா.ஜ.க. வெற்றிபெற்று மீண்டும் ஆட்சி அமைக்கும்.
ஆனால், காங்கிரஸ் கட்சியும் ஆட்சி அமைக்க வேண்டும் என கணவு காணுகின்றது. ஆனால், அந்த கட்சிக்கு தலைமையும் கிடையாது, செயல்திட்டமும் கிடையாது என்றும் அமித் ஷா தெரிவித்தார். #Congress #Rajasthanpolls #AmitShah
