தமிழ் சினிமாவில் பாடல் பொறியாளர், வசன எழுத்தாளர் மற்றும் பாடலாசிரியர் என பன்முகத் திறமைகளை உடையவர்களுள் ஒருவர் மதன் கார்க்கி. தமிழில் பல்வேறு படங்களில், பல்வேறு பாடல்களை எழுதியிருக்கும் மதன் கார்க்கி, முதன்முறையாக தெலுங்கில் ஒரு பாடலை எழுதி இருக்கிறார்.
ஏ.ஆர்.முருகதாஸ் இயக்கத்தில் மகேஷ் பாபு நடிப்பில் தமிழ், தெலுங்கு என இருமொழிகளில் உருவாகி வரும் `ஸ்பைடர்' படத்தின் தெலுங்கு பதிப்பில் மதன் கார்க்கி ஒரு பாடலை எழுதியிருக்கிறார்.
அதேநேரத்தில் `ஸ்பைடர்' படத்தின் தமிழ் பதிப்பில் மதன் கார்க்கி எழுத்தில் ``பூம் பூம்" என்ற பாடல் வெளியாகி வரவேற்பை பெற்றிருக்கிறது.
ஹாரிஸ் ஜெயராஜ் இசையில் படத்தின் இசை வெளியீட்டு விழா மற்றும் மகேஷ் பாபுவை தமிழ்பட நாயகனாக அறிமுகம் செய்யும் பிரமாண்ட விழா வருகிற செப்டம்பர் 9-ந் தேதி சென்னையில் நடைபெறுகிறது. அதனைத் தொடர்ந்து படம் சரஸ்வதி பூஜையை முன்னிட்டு வருகிற செப்டம்பர் 27-ஆம் தேதி வெளியாக உள்ளது.
`ஸ்பைடர்' படத்தின் தமிழ் பதிப்பில் மகேஷ்பாபு அவரது சொந்த குரலிலேயே டப்பிங் பேசி இருக்கிறார் என்பது குறிப்பிடத்தக்கது. இப்படத்தில் அவருக்கு ஜோடியாக ரகுல் ப்ரீத் சிங்கும், வில்லனாக எஸ்.ஜே.சூர்யாவும் நடித்திருக்கின்றனர்.
