கூகுள் நிறுவன 2018 பிக்சல் ஸ்மார்ட்போன்களின் அதிகாரப்பூர்வ வெளியீட்டு தேதி அறிவிக்கப்பட்டது. அதன்படி கூகுள் ஹார்டுவேர் நிகழ்வு அக்டோபர் 9-ம் தேதி அமெரிக்காவின் நியூ யார்க் நகரில் நடைபெற இருக்கிறது. அழைப்பிதழில் எண் 3 அச்சிடப்பட்டு இருப்பது கூகுள் பிக்சல் 3 சீரிஸ் அறிமுகம் செய்யப்பட இருப்பதை உணர்த்துகிறது.
புதிய ஸ்மார்ட்போன்களுடன் கூகுள் நிறுவனத்தின் புதிய ஹார்டுவேர் சாதனங்களும் இதே விழாவில் அறிமுகம் செய்யப்படலாம் என எதிர்பார்க்கப்படுகிறது. எனினும் பிக்சல் வாட்ச் அறிமுகம் செய்யாது என்றும், மற்ற ஹார்டுவேர் உற்பத்தியாளர்களுடன் இணைந்து வியர் ஓ.எஸ்.-ஐ மேம்படுத்துவதில் கூகுள் அதிக கவனம் செலுத்தலாம் என கூறப்படுகிறது.
இதுவரை கிடைத்திருக்கும் தகவல்களின் படி பிக்சல் 3 மாடலில் நாட்ச் இல்லாமல் 5.5 இன்ச் 2160x1080 பிக்சல் 18:9 டிஸ்ப்ளே, டூயல் முன்பக்க ஸ்பீக்கர், கிளாஸ் + மெட்டல் பேக், பின்புறம் கைரகை சென்சார், ஸ்னாப்டிராகன் 845 பிராசஸர், 4 ஜிபி ரேம், 64 ஜிபி / 128 ஜிபி இன்டெர்னல் மெமரி, டூயல் 8.1 எம்.பி. செல்ஃபி கேமரா, F/1.8 மற்றும் F/2.2 மற்றும் 2915 எம்.ஏ.ஹெச். பேட்டரி மூலம் சக்தியூட்டப்படலாம் என கூறப்படுகிறது.
பிக்சல் 3XL மாடலில் 6.2 இன்ச் 1440x2960 பிக்சல் 19:9 ரக டிஸ்ப்ளே, நாட்ச், டூயல் முன்பக்க ஸ்பீக்கர், கிளாஸ் + மெட்டல் பேக், பின்புறம் கைரகை சென்சார், ஸ்னாப்டிராகன் 845 பிராசஸர், 4 ஜிபி ரேம், 64 ஜிபி / 128 ஜிபி இன்டெர்னல் மெமரி, டூயல் 8.1 எம்.பி. செல்ஃபி கேமரா, F/1.8 மற்றும் F/2.2 மற்றும் 3430 எம்.ஏ.ஹெச். பேட்டரி, வயர்லெஸ் சார்ஜிங் வசதி வழங்கப்படலாம் என கூறப்படுகிறது.
இரண்டு ஸ்மார்ட்போன்களிலும் யு.எஸ்.பி. டைப்-சி ஹெட்போன்களுடன் வரும் என்றும் எதிர்பார்க்கப்படுகிறது. புதிய ஸ்மார்ட்போன்களின் விலை மற்றும் இதர விவரங்கள் அடுத்த மாதம் தெரியவரும். வழக்கம்போல் இந்த ஆண்டும் கூகுள் தனது ஹார்டுவேர் நிகழ்வினை யூடியூப் சேனலில் நேரலை செய்யும்.
