நீங்கள் தேடியது "Realme"

ரியல்மி நிறுவனம் முற்றிலும் புதிய ஸ்மார்ட்போன் மாடலை அறிமுகம் செய்வதற்கான பணிகளில் ஈடுபட்டு வருவதாக தகவல் வெளியாகி உள்ளது. புதிய ஸ்மார்ட்போன் 5200 எம்ஏஹெச் பேட்டரி மற்றும் 150 வாட் சார்ஜிங் தொழில்நுட்பம் கொண்டிருக்கும் என்றும் கூறப்படுகிறது. தற்போது ரியல்மி GT 3 ஸ்மார்ட்போன் அதிகபட்சம் 240 வாட் சார்ஜிங் திறன் கொண்டிருக்கிறது. இந்த மாடலில் 4600 எம்ஏஹெச் பேட்டரி வழங்கப்பட்டு இருப்பது குறிப்பிடத்தக்கது.

புதிய ஸ்மார்ட்போன் குறித்து டிப்ஸ்டரான டிஜிட்டல் சாட் ஸ்டேஷன் வெளியிட்டு இருக்கும் தகவல்களில், ரியல்மி நிறுவனம் உருவாக்கி வரும் புதிய ஸ்மார்ட்போன் 150 வாட் சார்ஜிங் வசதி மற்றும் 5200 எம்ஏஹெச் பேட்டரி வழங்கப்படும் என்று குறிப்பிடப்பட்டு இருக்கிறது. இத்துடன் இதே ஸ்மார்ட்போனின் 240 வாட் சார்ஜிங் வசதி கொண்ட வேரியண்ட் அறிமுகம் செய்யப்படும் என்றும் இதில் 4600 எம்ஏஹெச் பேட்டரி வழங்கப்படும் என்றும் கூறப்படுகிறது.

இந்த ஸ்மார்ட்போன் ரியல்மி GT 5 என்ற பெயரில் விற்பனைக்கு அறிமுகம் செய்யப்படும் என்று தெரிகிறது. ரியல்மி மட்டுமின்றி ஒன்பிளஸ் நிறுவனமும் 150 வாட் சார்ஜிங் திறன் கொண்ட ஸ்மார்ட்போனினை உருவாக்கி வருவதாக கூறப்படுகிறது. இந்த ஸ்மார்ட்போனில் அல்ட்ரா ஃபாஸ்ட் சார்ஜிங் சொல்யுஷன் எனும் தொழில்நுட்பம் வழங்கப்படுவதாக தெரிகிறது.

எனினும், இந்த ஸ்மர்ட்போனில் மிக குறைந்த திறன் கொண்ட பேட்டரி வழங்கப்படும் என்று கூறப்படுகிறது. இந்த ஸ்மார்ட்போன் எந்த பெயரில் அறிமுகம் செய்யப்படும் என்பது பற்றி இதுவரை எந்த தகவலும் இல்லை. முன்னதாக ரியல்மி நிறுவனம் தனது ரியல்மி GT நியோ 5 ஸ்மார்ட்போனினை சீன சந்தையில் அறிமுகம் செய்யப்பட்டது.

இந்த ஸ்மார்ட்போனில் 240 வாட் பாஸ்ட் சார்ஜிங் வசதி, 4600 எம்ஏஹெச் பேட்டரி வழங்கப்படுகிறது. இத்துடன் ரியல்மி GT நியோ 5 மாடலின் 150 வாட் சார்ஜிங் வசதி மற்றும் 5000 எம்ஏஹெச் பேட்டரி கொண்ட வேரியண்ட் அறிமுகம் செய்யப்பட்டு இருக்கிறது. இந்த ஸ்மார்ட்போன் சர்வதேச சந்தையில் ரியல்மி GT 3 என்ற பெயரில் அறிமுகம் செய்யப்படும் என்று கூறப்படுகிறது.

ரியல்மி நிறுவனத்தின் புதிய ஸ்மார்ட்போன் வெளியீடு பற்றிய தகவல்கள் தொடர்ந்து இணையத்தில் வெளியாகி வருகின்றன. டிப்ஸ்டர் அபிஷேக் யாதவ் வெளியிட்டு இருக்கும் தகவல்களின் படி ரியல்மி 11 5ஜி ஸ்மார்ட்போன் இந்திய சந்தையில் இன்னும் பத்து நாட்களுக்குள் அறிமுகம் செய்யப்பட்டு விடும் என்று தெரிவித்து இருக்கிறார்.

முன்னதாக இந்த ஸ்மார்ட்போன் தாய்வான் சந்தையில் அறிமுகம் செய்யப்பட்டு விட்ட நிலையில், இதன் அம்சங்கள், டிசைன் மற்றும் இதர விவரங்கள் ஏற்கனவே அனைவரும் அறிந்ததே. இந்த ஸ்மார்ட்போனின் பின்புறம் வட்ட வடிவம் கொண்ட பெரிய கேமரா மாட்யுல் இடம்பெற்று இருக்கிறது. தோற்றத்தில் இது இந்திய சந்தையில் ஏற்கனவே விற்பனை செய்யப்படும் மற்ற ரியல்மி 11 மாடல்களை போன்றே காட்சியளிக்கிறது.

ரியல்மி 11 5ஜி அம்சங்கள்:

6.72 இன்ச் FHD+ LCD டிஸ்ப்ளே, 120Hz ரிப்ரெஷ் ரேட்

மீடியாடெக் டிமென்சிட்டி 6100 பிளஸ் பிராசஸர்

மாலி G57 MC2 GPU

8 ஜிபி ரேம்

256 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 சார்ந்த ரியல்மி யுஐ 4.0

108MP பிரைமரி கேமரா

2MP டெப்த் கேமரா

16MP செல்பி கேமரா

5ஜி, 4ஜி எல்டிஇ, வைபை 5, ப்ளூடூத் 5.2

யுஎஸ்பி டைப் சி

பக்கவாட்டில் கைரேகை சென்சார்

5000 எம்ஏஹெச் பேட்டரி

67 வாட் பாஸ்ட் சார்ஜிங்

இந்திய சந்தையில் புதிய ரியல்மி 11 5ஜி ஸ்மார்ட்போனின் விலை ரூ. 15 ஆயிரத்தில் துவங்கி அதிகபட்சம் ரூ. 20 ஆயிரம் பட்ஜெட்டில் நிர்ணயம் செய்யப்படும் என்று தெரிகிறது.

ரியல்மி நிறுவனத்தின் முற்றிலும் புதிய ஸ்மார்ட்போன் சர்வதேச சந்தையில் அறிமுகம் செய்யப்பட்டது. ரியல்மி 11 5ஜி என்று அழைக்கப்படும் புதிய ஸ்மார்ட்போன் முன்னதாக சீன சந்தையில் அறிமுகம் செய்யப்பட்டது குறிப்பிடத்தக்கது. இதன் சர்வதேச வெர்ஷனில் சில அம்சங்கள் சீன வேரியன்டில் இருந்ததை விட வித்தியாசமாக வழங்கப்பட்டு இருக்கிறது.

புதிய ரியல்மி 11 5ஜி மாடலில் மீடியாடெக் டிமென்சிட்டி 6100 பிளஸ் பிராசஸர், 108MP பிரைமரி கேமரா, 6.72 இன்ச் ஸ்கிரீன், 120Hz ரிப்ரெஷ் ரேட், 5000 எம்ஏஹெச் பேட்டரி மற்றும் 67 வாட் பாஸ்ட் சார்ஜிங் வசதி வழங்கப்பட்டு இருக்கிறது. 

ரியல்மி 11 5ஜி அம்சங்கள்:

6.72 இன்ச் Full HD+ 1080x2400 பிக்சல் AMOLED டிஸ்ப்ளே, 120Hz ரிப்ரெஷ் ரேட்

மீடியாடெக் டிமென்சிட்டி 6100 பிளஸ் பிராசஸர்

8 ஜிபி ரேம்

விர்ச்சுவல் ரேம் வசதி

256 ஜிபி மெமரி

மெமரியை கூடுதலாக நீட்டிக்கும் வசதி

ஆன்ட்ராய்டு 13 சார்ந்த ரியல்மி யுஐ 4.0

108MP பிரைமரி கேமரா

2MP லென்ஸ்

16MP செல்பி கேமரா

5ஜி, 4ஜி எல்டிஇ, வைபை,ப்ளூடூத்

யுஎஸ்பி டைப் சி போர்ட்

5000 எம்ஏஹெச் பேட்டரி

67 வாட் சூப்பர்வூக் சார்ஜிங்

விலை விவரங்கள்:

ரியல்மி 11 5ஜி ஸ்மார்ட்போனின் 8 ஜிபி ரேம், 256 ஜிபி மெமரி மாடல் விலை இந்திய மதிப்பில் ரூ. 23 ஆயிரத்து 502 என்று நிர்ணயம் செய்யப்பட்டு உள்ளது. இந்த ஸ்மார்ட்போன் டான் கோல்டு மற்றும் மூன் நைட் டார்க் என இரண்டு வித நிறங்களில் கிடைக்கிறது. 

ரியல்மி நிறுவனம் தனது அடுத்த டேப்லெட் மாடல், ரியல்மி பேட் 2 இந்திய சந்தையில் ஜூலை 19-ம் தேதி அறிமுகம் செய்யப்படும் என்று அறிவித்து இருக்கிறது. இதே நாளில் ரியல்மி C53 ஸ்மார்ட்போனும் அறிமுகம் செய்யப்பட இருப்பது குறிப்பிடத்தக்கது. புதிய ரியல்மி பேட் 2 மாடலுக்காக பிரத்யேக மைக்ரோசைட் உருவாக்கப்பட்டு இருக்கிறது.

ப்ளிப்கார்ட் வலைதளத்தில் உருவாக்கப்பட்டு இருக்கும் மைக்ரோசைட்-இல் புதிய ரியல்மி பேட் 2 அம்சங்கள் பற்றிய தகவல்களும் இடம்பெற்று உள்ளது. அதன்படி ரியல்மி பேட் 2 மாடலில் 11.5 இன்ச் LCD டிஸ்ப்ளே, 2K ரெசல்யூஷன், 2000x1200 பிக்சல் ரெசல்யூஷன், 40Hz / 60Hz / 120Hz ரிப்ரெஷ் ரேட், 10-பிட் கலர் உள்ளது.

முந்தைய ரியல்மி பேட் மாடலில் 10.4 இன்ச் LCD ஸ்கிரீன் வழங்கப்பட்டு இருந்தது குறிப்பிடத்தக்கது. புதிய டேப்லெட்-இன் டிஸ்ப்ளே புளூ லைட் பாதுகாப்பு, டிசி டிம்மிங் கொண்டிருக்கிறது. இவை நீண்ட நேர பயன்பாடுகளின் போதும், கண்களுக்கு சோர்வு ஏற்படுவதை ஓரளவுக்கு தவிர்க்க செய்கிறது. ரியல்மி பேட் 2 மாடலில் 85.2 சதவீதம் ஸ்கிரீன்-டு-பாடி ரேஷியோ மூலம் தலைசிறந்த கேமிங் அனுபவம் கிடைக்கும் என்று தெரிகிறது.

ரியல்மி பேட் 2 மாடலில் O1 அல்ட்ரா விஷன் தொழில்நுட்பம் உள்ளது. இது தலைசிறந்த இமேஜ்-ஐ பிரதிபலிக்கிறது. ஆடியோவுக்காக இந்த மாடலில் குவாட் ஸ்பீக்கர்கள் வழங்கப்பட்டு உள்ளன. ரியல்மி பேட் 2 மாடலில் குலோயிங் ஸ்பைஸ் டிசைன் உள்ளது. அதிகாரப்பூர்வ புகைப்படங்களின் படி இந்த டேப்லெட் டூயல் டோன் டிசைன் கொண்டிருக்கிறது. இத்துடன் கிரீன் மற்றும் பிளாக் நிறங்களில் உருவாகி இருக்கிறது.

ஏற்கனவே வெளியான தகவல்களின் படி ரியல்மி பேட் 2 மாடலில் மீடியாடெக் ஹீலியோ ஜி99 பிராசஸர், 8360 எம்ஏஹெச் பேட்டரி, 33 வாட் ஃபாஸ்ட் சார்ஜிங் வசதி போன்ற அம்சங்கள் வழங்கப்படும் என்ற கூறப்பட்டது. இத்துடன் 8 ஜிபி ரேம், 128 ஜிபி மெமரி, 20MP பிரைமரி கேமரா, ஆன்ட்ராய்டு 13 சார்ந்த ரியல்மி யுஐ 4.0 போன்ற அம்சங்களும் வழங்கப்படும் என்று கூறப்பட்டது.

ரியல்மி நிறுவனம் இந்திய சந்தையில் தனது C53 ஸ்மார்ட்போன் வெளியீட்டு தேதியை அறிவித்து இருக்கிறது. ரியல்மி நிறுவனத்தின் C சீரிஸ் ஸ்மார்ட்போன்கள் பட்ஜெட் பிரிவில் விற்பனை செய்யப்பட்டு வருகின்றன. அந்த வகையில், புதிய ரியல்மி C53 தோற்றத்தில், அதன் முந்தைய வெர்ஷன் போன்றே காட்சியளிக்கிறது.

புதிய ரியல்மி C53 டீசரில் இந்த ஸ்மார்ட்போனின் பின்புற கேமரா மாட்யுல், கோல்டு நிற ஆப்ஷன் கொண்டிருப்பது தெரியவந்துள்ளது. இத்துடன் 108MP பிரைமரி கேமரா வழங்கப்படுவது உறுதியாகி இருக்கிறது. இந்த பிரிவில் 108MP கேமரா வழங்கப்படுவது இதுவே முதல் முறை ஆகும்.

இந்திய சந்தையில் ரியல்மி C53 ஸ்மார்ட்போன் ஜூலை 19-ம் தேதி அறிமுகம் செய்யப்பட இருக்கிறது. இந்த ஸ்மார்ட்போனின் அறிமுக நிகழ்வு மதியம் 12 மணிக்கு துவங்குகிறது. ரியல்மி C53 வெளியீட்டை ஒட்டி புதிய மைக்ரோசைட் உருவாக்கப்பட்டு இருக்கிறது. இதில் ஸ்மார்ட்போனின் டிசைன் மற்றும் அம்சங்களின் டீசர் இடம்பெற்று இருக்கிறது.

கேமரா மாட்யுல், நிறம் தவிர இந்த ஸ்மார்ட்போன் பாக்சி சேசிஸ் கொண்டிருக்கிறது. இதன் வால்யும் ராக்கர், பவர் பட்டனில் கைரேகை சென்சார் உள்ளிட்டவை ஸ்மார்ட்போனின் வலதுபுறத்தில் இடம்பெற்று இருக்கிறது. இதன் சிம் டிரே இடது புறத்தில் உள்ளது. ரியல்மி C53 ஸ்மார்ட்போன் டூயல் கேமரா செட்டப், எல்இடி பிளாஷ் கொண்டிருக்கிறது.

இதன் முன்புறம் வாட்டர் டிராப் நாட்ச், சற்றே மெல்லிய பெசல்கள், யுஎஸ்பி டைப் சி போர்ட், 3.5mm ஆடியோ ஜாக், ஸ்பீக்கர் கிரில், மைக்ரோபோன் உள்ளிட்டவை ஸ்மார்ட்போனின் கீழ்புறமாக வைக்கப்பட்டு உள்ளது. இத்துடன் 5000 எம்ஏஹெச் பேட்டரி, 18 வாட் ஃபாஸ்ட் சார்ஜிங் வசதி வழங்கப்படுகிறது.

ரியல்மி நிறுவனத்தின் பட்ஸ் வயர்லெஸ் 3 நெக்பேன்ட் இயர்போன் மாடல் அடுத்த வாரம் இந்தியாவில் அறிமுகம் செய்யப்பட இருக்கிறது. புதிய இயர்போனின் வெளியீட்டு தேதி, குறிப்பிட்ட சில அம்சங்கள் பற்றிய தகவல் வெளியிடப்பட்டு உள்ளது.

அதன்படி இந்தியாவில் ரியல்மி பட்ஸ் வயர்லெஸ் 3 நெக்பேன்ட் மாடல் ஜூலை 6-ம் தேதி மதியம் 12 மணிக்கு அறிமுகம் செய்யப்பட இருக்கிறது. இதனை உறுதிப்படுத்தும் டீசரில் புதிய நெக்பேன்ட் இயர்போன் 13.6mm டைனமிக் பாஸ் டிரைவர்கள் மற்றும் 30db வரையிலான ஆக்டிவ் நாய்ஸ் கேன்சலேஷன் வசதி கொண்டிருக்கும் என்று தெரியவந்துள்ளது.

புதிய ரியல்மி இயர்பட்ஸ் பிளாக் மற்றும் வைட் என்று டூயல் டோன் நிறங்களில் கிடைக்கும் என்று தெரிகிறது. இந்த வயர்லெஸ் நெக்பேன்ட் இயர்போன் ரியல்மி நார்சோ 60 மற்றும் நார்சோ 60 ப்ரோ ஸ்மார்ட்போன்களுடன் அறிமுகம் செய்யப்பட இருக்கிறது. ரியல்மியின் புதிய இயர்படஸ் பற்றிய அறிவிப்பை தொடர்ந்து இதன் விலை விவரங்கள் லீக் ஆகி உள்ளது.

அதன்படி ரியல்மி பட்ஸ் வயர்லெஸ் 3 நெக்பேன்ட் மாடலின் விலை ரூ. 2 ஆயிரத்து 999-க்குள் நிர்ணயம் செய்யப்படும் என்று டிப்ஸ்டரான சுதான்ஷூ அம்போர் தெரிவித்து இருக்கிறார். மேலும் அறிமுக சலுகையாக இந்த இயர்பட்ஸ்-க்கு தள்ளுபடி வழங்கப்படலாம் என்றும் அவர் மேலும் தெரிவித்தார்.

ரியல்மி பட்ஸ் வயர்லெஸ் 3 நெக்பேன்ட் அறிமுகமாகும் நிகழ்விலேயே நார்சோ 60 மற்றும் நார்சோ 60 ப்ரோ ஸ்மார்ட்போன்கள் அறிமுகம் செய்யப்பட உள்ளன. இந்திய சந்தையில் ரியல்மி நார்சோ 60 சீரிஸ் விலை ரூ. 17 ஆயிரம் பட்ஜெட்டில் துவங்கும் என்று தெரிகிறது.

ரியல்மி நிறுவனம் பல்வேறு டீசர்களை தொடர்ந்து ரியல்மி நார்சோ 60 சீரிஸ் 5ஜி மாடல்களின் வெளியீட்டு தேதியை உறுதிப்படுத்தி இருக்கிறது. அதன்படி ஜூலை 6-ம் தேதி நார்சோ 60 5ஜி மற்றும் நார்சோ 60 ப்ரோ 5ஜி மாடல்கள் இந்திய சந்தையில் அறிமுகம் செய்யப்பட உள்ளன. டீசர்களில் புதிய ஸ்மார்ட்போனின் பின்புற பேனல் எப்படி காட்சியளிக்கும் என்பது தெரியவந்துள்ளது.

அதன்படி புதிய நார்சோ 60 சீரிஸ் 5ஜி மாடல்களின் பின்புற தோற்றம் ரியல்மி 11 ப்ரோ சீரிசில் உள்ளதை போன்றே காட்சியளிக்கிறது. புதிய நார்சோ ஸ்மார்ட்போன்களிலும் மேட்ரிக்ஸ் கேமரா செட்டப் உள்ளது. டீசர்களில் இந்த ஸ்மார்ட்போன் 100MP பிரைமரி கேமரா, இரண்டாவது லென்ஸ் கொண்டிருக்கும் என்று தெரியவந்துள்ளது. இத்துடன் பின்புறம் வேகன் லெதர் ஃபினிஷ் செய்யப்பட்டு உள்ளது. பேக் பேனல் மார்ஷியன் ஆரஞ்சு நிறம் கொண்டிருக்கிறது.

ஏற்கனவே வெளியான டீசர்களில் இந்த ஸ்மார்ட்போன் 61 டிகிரி வளைந்த டிஸ்ப்ளே, மத்தியில் பன்ச் ஹோல் கொண்டிருக்கும் என்று உறுதிப்படுத்தப்பட்டு இருந்தது. இத்துடன் அதிகபட்சம் 1 டிபி வரையிலான ஸ்டோரேஜ் வழங்கப்படுகிறது. இதுதவிர ரியல்மி நார்சோ 60 5ஜி மாடல் விவரங்கள் இணையத்தில் லீக் ஆகி இருந்தது.

அதில் புதிய நார்சோ 60 5ஜி ஸ்மார்ட்போன் RMX3750 எனும் மாடல் நம்பர் கொண்டிருப்பதும், மீடியாடெக் டிமென்சிட்டி 6020 பிராசஸர், 8 ஜிபி வரையிலான ரேம் மற்றும் ஆண்ட்ராய்டு 13 ஒஎஸ் வழங்கப்படும் என்றும் குறிப்பிடப்பட்டு இருந்தது.

மற்ற நார்சோ போன்களை போன்றே நார்சோ 60 சீரிஸ் 5ஜி மாடலும் அமேசான் வலைதளத்தில் விற்பனை செய்யப்பட உள்ளது. ஆன்லைன் மட்டுமின்றி இந்த ஸ்மார்ட்போன்கள் ஆஃப்லைன் ஸ்டோர்களிலும் விற்பனைக்கு கிடைக்கும். இதுபற்றிய கூடுதல் தகவல்கள் வரும் நாட்களில் அறிவிக்கப்படும் என்று எதிர்பார்க்கலாம்.

ரியல்மி நிறுவனம் 24 ஜிபி ரேம் கொண்ட ஸ்மார்ட்போன் மாடல்களை சீன சந்தையில் அறிமுகம் செய்ய திட்டமிட்டுள்ளதாக தகவல் வெளியாகி உள்ளது. இது பற்றிய விவரங்களை சீன டிப்ஸ்டரான டிஜிட்டல் சாட் ஸ்டேஷன் வெளியிட்டு இருக்கிறார். 24 ஜிபி ரேம் கொண்ட ஸ்மார்ட்போன் பற்றிய விவரங்கள் சீன வலைதளமான வெய்போவில் வெளியிடப்பட்டு இருக்கிறது.

ஒன்பிளஸ் ஏஸ் 2 ப்ரோ ஸ்மார்ட்போன் 24 ஜிபி ரேம் கொண்ட உலகின் முதல் சாதனம் என்ற பெருமையை பெறும் என கூறப்படுகிறது. ஒன்பிளஸ் மட்டுமின்றி ரியல்மி நிறுவனமும் 24 ஜிபி ரேம் கொண்ட ஸ்மார்ட்போன் மாடலை அறிமுகம் செய்வதற்கான பணிகளில் ஈடுபட்டு வருவதாக கூறப்படுகிறது. இத்தகைய ரேம் வசதி ரியல்மி நிறுவனத்தின் பிளாக்ஷிப் GT சீரிஸ் மாடல்களில் வழங்கப்படும் என்று தெரிகிறது.

கோப்புப்படம் 

முன்னதாக ரியல்மி நிறுவனம் 16 ஜிபி ரேம், 1 டிபி ஸ்டோரேஜ் வசதிகளை ரியல்மி GT நியோ 5 மாடலில் வழங்கி இருந்தது. இந்த ஸ்மார்ட்போனும் சீன சந்தையில் விற்பனை செய்யப்பட்டு வருகிறது. இதுதவிர ரியல்மி விற்பனை செய்து வரும் இதர ஸ்மார்ட்போன் மாடல்களில் ரியல்மி யுஐ ஸ்கின் மூலம் விர்ச்சுவல் மெமரி வடிவில் வழங்கப்பட்டு இருக்கிறது.

புதிய ஸ்மார்ட்போன்களில் 24 ஜிபி ரேம் வசதி ஹார்டுவேர் வடிவிலேயே வழங்கப்பட இருக்கிறது. அதிக திறன் கொண்ட ரேம் மாட்யுல்கள் சாம்சங் செமிகன்டக்டர் வினியோகம் செய்யும் என்று தெரிகிறது. இதே நிறுவனம் தான் ஒப்போ, ஒன்பிளஸ் மற்றும் ரியல்மி என மூன்று நிறுவனங்களுக்கும் ரேம் வினியோகம் செய்து வருகிறது.

ரியல்மி 11 ப்ரோ சீரிஸ் சமீபத்தில் இந்திய சந்தையில் அறிமுகம் செய்யப்பட்டது. சில தினங்களுக்கு முன் இதன் விற்பனை துவங்கிய நிலையில், முதல் நாளிலேயே 60 ஆயிரத்திற்கும் அதிக யூனிட்கள் விற்பனை செய்யப்பட்டதாக ரியல்மி அறிவித்து இருந்தது.

இந்த நிலையில், விற்பனை துவங்கிய முதல் ஐந்து நாட்களில் ரியல்மி 11 ப்ரோ மற்றும் ரியல்மி 11 ப்ரோ பிளஸ் மாடல்கள் 2 லட்சத்திற்கும் அதிக யூனிட்கள் விற்பனையாகி இருப்பதாக ரியல்மி அறிவித்துள்ளது. அறிமுகமானதில் இருந்தே ரியல்மி 11 சீரிஸ் மாடல்கள் அதிக பிரபலம் அடைந்து வருகிறது.

இதன் காரணமாக ரியல்மி ஏற்கனவே படைத்த சாதனங்களை அந்நிறுவனம் தற்போது முறியடித்து வருகிறது. ரியல்மி 11 ப்ரோ பிளஸ் மாடல் ப்ளிப்கார்ட், ரியல்மி வலைதளங்கள் மற்றும் ஆஃப்லைன் ஸ்டோர்களில் விற்பனைக்கு கிடைக்கிறது.

இதன் விலை ரூ. 27 ஆயிரத்து 999 என்று துவங்குகிறது. ரியல்மி 11 ப்ரோ பிளஸ் மாடல் கேமரா மற்றும் ஃபாஸ்ட் சார்ஜிங் தவிர அனைத்து அம்சங்களும் ரியல்மி 11 ப்ரோ மாடலில் உள்ளதை போன்றே கொண்டிருக்கிறது. இந்திய சந்தையில் ரியல்மி 11 ப்ரோ மாடலின் விலை ரூ. 23 ஆயிரத்து 999 என்று துவங்குகிறது.

ரியல்மி 11 ப்ரோ ஸ்மார்ட்போனின் விற்பனையும் ப்ளிப்கார்ட், ரியல்மி வலைதளங்கள் மற்றும் ஆஃப்லைன் ஸ்டோர்களில் நடைபெறுகிறது.

ரியல்மி 11 ப்ரோ 5ஜி மற்றும் ரியல்மி 11 ப்ரோ பிளஸ் 5ஜி ஸ்மார்ட்போன்களில் பயனர் அனுமதி இன்றி செயல்படுத்தப்பட்டு இருந்த என்ஹான்ஸ்டு இன்டெலிஜன்ட் சர்வீசஸ் (Enhanced Intelligent Services) அம்சம் புதிய அப்டேட் மூலம் நீக்கப்பட்டு இருக்கிறது. இந்த அம்சம் குறித்து டுவிட்டரில் பயனர் ஒருவர் கேள்வி எழுப்பியதால், சர்ச்சை ஏற்பட்டது.

இந்த சம்பவம் தொடர்பாக ரியல்மி தனியார் செய்தி நிறுவனங்களுக்கு தன்தரப்பு விளக்கங்களை கொடுத்தது. இந்த நிலையில் தான் ரியல்மி 11 ப்ரோ 5ஜி மற்றும் ரியல்மி 11 ப்ரோ பிளஸ் 5ஜி ஸ்மார்ட்போன்களுக்கு (RMX3771_13.1.0.524(EX01) மற்றும் RMX3741_13.1.0.524(EX01)) அப்டேட் வெளியிடப்பட்டு வருகிறது. இந்த அப்டேட் ஸ்மார்ட்போனில் தானாக செயல்படுத்தப்பட்ட என்ஹான்ஸ்டு இன்டெலிஜன்ட் சர்வீசஸ் அம்சத்தை நீக்குகிறது.

அம்சத்தை நீக்கியதோடு, இதற்கான விவர குறிப்பிலும் மாற்றம் செய்யப்பட்டு உள்ளது. புதிய விவர குறிப்பில் ரியல்மி நிறுவனம்- ஆப் பயன்பாட்டு விவரங்கள், கலென்டர் நிகழ்வுகள், படிக்கப்படாத குறுந்தகவல் மற்றும் தவறிய அழைப்புகள் சார்ந்த தகவல்களை சேகரிப்பதாக கூறும் தகவலை நீக்கி இருக்கிறது.

பயனர் விவரங்களை அனுமதியின்றி சேகரித்ததாக குற்றச்சாட்டு எழுந்த நிலையில், ரியல்மி நிறுவனம் இவ்வாறு செய்யவில்லை என்றும், பயனர் தகவல்கள் முழுமையாக பாதுகாக்கப்பட்டு வருவதாக விளக்கம் அளித்து இருந்தது.

பயனர் விவரங்களை சேகரிப்பதாக ரியல்மி நிறுவனம் புதிய சர்ச்சையில் சிக்கியுள்ளது. டுவிட்டர் பயனர் ஒருவர் ரியல்மி சாதனங்கள் பயனர் விவரங்களை சேகரிப்பதாக குற்றம்சாட்டியுள்ளார். இதற்கு மத்திய மின்னணு மற்றும் தகவல் தொழில்நுட்ப மந்திரி கருத்து தெரிவித்து இருக்கிறார். அதில், சம்பந்தப்பட்ட குற்றச்சாட்டு குறித்து அரசாங்கம் விசாரனை மேற்கொள்ளும் என்று தெரிவித்து உள்ளார்.

குற்றச்சாட்டுகளுடன் ஸ்மார்ட்போன் ஸ்கிரீன்ஷாட்டையும் அவர் தனது பதிவில் இணைத்து இருக்கிறார். அதன்படி ரியல்மி யுஐ 4.0 -இல் உள்ள என்ஹான்ஸ்டு இன்டெலிஜன்ட் சர்வீசஸ் (Enhanced Intelligent Services) அம்சம் மூலம் பயனர் விவரங்களை மேம்படுத்துவதாக கூறி அவர்களின் விவரங்களை சேகரித்து வருவதாக டுவிட்டர் பயனர் குற்றம்சாட்டியுள்ளார்.

ரியல்மி யுஐ 4.0 வெர்ஷனில் உள்ள என்ஹான்ஸ்டு இன்டெலிஜன்ட் சர்வீசஸ் விவர குறிப்பில், 'இந்த அம்சம் சாதனத்தின் விவரங்கள், செயலி பயன்பாட்டு தகவல், லொகேஷன் விவரங்கள், காலென்டர் நிகழ்வுகள், எஸ்எம்எஸ் மற்றும் அழைப்புகள்' தொடர்பான விவரங்கள் பயனர் அனுபவத்தை மேம்படுத்துவதற்காக சேகரிக்கப்படுகிறது என குறிப்பிடப்பட்டு இருக்கிறது.

இந்த அம்சம் ஸ்மார்ட்போன்களில் தானாக செயல்படுத்தப்படுகிறதா அல்லது பயனர் அனைத்து அனுமதிகளையும் வழங்க வேண்டுமா என்பது கேள்விக்குறியாகவே உள்ளது. இது தொடர்பாக ரியல்மி பதில் அளித்துள்ளது. அதில் இந்த அம்சம் மூலம் சேகரிக்கப்படும் தகவல்கள் பயனர் அனுபவத்தை மேம்படுத்தும் நோக்கில் பெறப்படுவதாகவும், பயனர் விவரங்கள் அதிகளவு பாதுகாப்பாக வைக்கப்படுவதாக ரியல்மி தெரிவித்து இருக்கிறது.

ரியல்மி நிறுவனம் அடுத்த மாதம் ரியல்மி 11 ப்ரோ சீரிஸ் ஸ்மார்ட்போனினை அறிமுகம் செய்ய இருக்கிறது. ரியல்மி 11 ப்ரோ சீரிஸ் வெளியீட்டின் போதே ரியல்மி பட்ஸ் ஏர் 5 ப்ரோ மாடலும் அறிமுகம் செய்யும் என்று எதிர்பார்க்கப்படுகிறது. புதிய ரியல்மி பட்ஸ் ஏர் 5 ப்ரோ மாடலின் வெளியீட்டு தேதி குறிப்பிடப்படவில்லை.

எனினும், ரியல்மி பட்ஸ் ஏர் 5 ப்ரோ மாடல் பிஐஎஸ் சான்று பெற்று இருக்கிறது. இந்த நிலையில், ரியல்மி பட்ஸ் ஏர் 5 ப்ரோ மாடலுக்கான சர்வதேச வெளியீட்டை உணர்த்தும் டீசர் வெளியிடப்பட்டு உள்ளது. சர்வதேச சந்தையில் புதிய இயர்பட்ஸ் குறைந்த விலையில் கிடைக்கும் என்று தெரிகிறது. டீசரில் ஜூன் 10-ம் தேதி அறிமுகமாகும் என்று குறிப்பிடப்பட்டு இருக்கிறது. எனினும், இதற்கு வாய்ப்பில்லை என்பதால், ஜூலை 10-இல் அறிமுகமாகும் என்று எதிர்பார்க்கலாம்.

டீசர் தவிர புதிய இயர்பட்ஸ் பற்றி வேறு எந்த தகவலும் இல்லை. ரியல்மி பட்ஸ் ஏர் 5 ப்ரோ மாடலில் 11mm டைனமிக் டிரைவர், 6mm இரண்டாவது டிரைவர்கள் உள்ளன. இந்த இயர்பட்ஸ் 50db வரையிலான ஆக்டிவ் நாய்ஸ் கேன்சலேஷன் வசதி கொண்டிருக்கிறது. அழைப்புகளின் போது சிறப்பான ஆடியோவுக்காக புதிய இயர்பட்ஸ் மூன்று பில்ட்-இன் மைக்ரோபோன்களை கொண்டுள்ளது.

இந்த இயர்பட்ஸ் ஸ்பேஷியல் சவுண்ட் எஃபெக்ட்ஸ் மற்றும் LDAC கோடெக் கொண்டிருக்கிறது. இவை ஆடியோ தரத்தை மேம்படுத்துகிறது. இதன் இயர்பட்களில் 60 எம்ஏஹெச் செல் பேட்டரியும், கேசில் 460 எம்ஏஹெச் பேட்டரி வழங்கப்படுகிறது. இந்த இயர்பட்ஸ் முழு சார்ஜ் செய்தால் 40 மணி நேரத்திற்கு பேக்கப் வழங்குகிறது.