புதுடெல்லி:
மோட்டோரோலா ஏற்கனவே அறிவித்தபடி மோட்டோ ஜி6 மற்றும் ஜி6 பிளே ஸ்மார்ட்போன்களை இந்தியாவில் வெளியிட்டுள்ளது.
முன்னதாக ஏப்ரல் மாத வாக்கில் இந்த ஸ்மார்ட்போன்கள் சர்வதேச சந்தையில் வெளியிடப்பட்டது குறி்ப்பிடத்தக்கது. இந்தியாவில் இரன்டு வேரியன்ட்கள் மட்டும் வெளியிடப்பட்டுள்ள நிலையில், மோட்டோ ஜி6 பிளஸ் அறிமுகம் செய்யப்படாமல் உள்ளது. தற்சமயம் அறிமுகமாகி இருக்கும் மோட்டோ ஜி6 மற்றும் ஜி6 பிளே ஸ்மார்ட்போன்களில் 18:9 ரக டிஸ்ப்ளேக்கள் வழங்கப்பட்டுள்ளன.
மோட்டோ ஜி6 ஸ்மார்ட்போனில் 5.7 இன்ச் ஃபுல் ஹெச்டி பிளஸ் 2.5D வளைந்த கிளாஸ் டிஸ்ப்ளே, 18:9 ஆஸ்பெக்ட் ரேஷியோ, ஸ்னாப்டிராகன் 450 சிப்செட், 4 ஜிபி ரேம், ஆன்ட்ராய்டு 8.0 ஓரியோ இயங்குதளம், 12 எம்பி பிரைமரி கேமரா, 5 எம்பி இரண்டாவது பிரைமரி கேமரா, 16 எம்பி செல்ஃபி கேமரா, எல்இடி ஃபிளாஷ், 4 எம்பி அடாப்டிவ் லோ-லைட் மோட் வழங்கப்பட்டுள்ளன.
மோட்டோ ஜி6 சிறப்பம்சங்கள்:
- 5.7 இன்ச் 2160x1080 பிக்சல் ஃபுல் ஹெச்டி பிளஸ் 18:9 IPS 2.5D வளைந்த கிளாஸ் டிஸ்ப்ளே
- கார்னிங் கொரில்லா கிளாஸ் 3
- 1.8 ஜிகாஹெர்ட்ஸ் ஆக்டாகோர் ஸ்னாப்டிராகன் 450 சிப்செட்
- அட்ரினோ 506 GPU
- 3 ஜிபி ரேம்
- 32 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.0 ஓரியோ
- டூயல் சிம் ஸ்லாட்
- 12 எம்பி பிரைமரி கேமரா, எல்இடி ஃபிளாஷ், f/1.8
- 5 எம்பி இரண்டாவது பிரைமரி கேமரா
- 16 எம்பி செல்ஃபி கேமரா, எல்இடி ஃபிளாஷ், f/2.0
- கைரேகை சென்சார்
- P2i வாட்டர்-ரெப்பலன்ட் நானோ கோட்டிங்
- 4ஜி வோல்ட்இ, வைபை, ப்ளூடூத், யுஎஸ்பி டைப்-சி
- 3000 எம்ஏஹெச் பேட்டரி, டர்போ சார்ஜிங்
இந்தியாவில் மோட்டோ ஜி6 ஸ்மார்ட்போன் இன்டிகோ பிளாக் நிறம் கொண்டிருப்பதோடு, 3 ஜிபி ரேம் மாடல் ரூ.13,999 என்றும் 4 ஜிபி ரேம் கொண்ட மாடல் விலை ரூ.15,999 என நிர்ணயம் செய்யப்பட்டுள்ளது. புதிய மோட்டோ ஜி6 ஸ்மார்ட்போன் அமோசன் தளத்தில் மட்டும் பிரத்யேகமாகவும், மோட்டோ ஹப் ஸ்டோர்களில் ஆஃப்லைன் முறையிலும் விற்பனை செய்யப்படுகிறது.
அறிமுக சலுகைகள்:
- தேர்வு செய்யப்பட்ட வங்கி கார்டுகளை கொண்டு அமேசான் தளத்தில் வாங்குவோருக்கு ரூ.1,250 தள்ளுபடி
- பேடிஎம் மால் கியூ ஆர் கோடு மூலம் வாங்குவோர் மோட்டோ ஹப்களில் பேடிஎம் மூலம் மொபைல் ரீசார்ஜ் செய்யும் போது ரூ.1200 கேஷ்பேக்
- பழைய மோட்டோ ஸ்மார்ட்போன்களை அமேசான் தளத்தில் மட்டும் எக்சேஞ்ச் செய்யும் போது ரூ.1000 தள்ளுபடி
- அமேசான் மற்றும் மோட்டோ ஹப்களில் வாங்குவோருக்கு வட்டியில்லா மாத தவனை முறை வசதி
- அமேசான் தளத்தில் கின்டிள் லைட் வாங்குவோர் முதல் இ-புத்தகங்களுக்கு 80% வரை தள்ளுபடி
- ஏர்டெல் 4ஜி போஸ்ட்பெயிட் சலுகைகளில் ரூ.499 அல்லது அதற்கும் அதிக தொகை செலுத்துவோருக்கு ஒரு வருட அமேசான் பிரைம் சந்தா வழங்கப்படுகிறது.
மோட்டோ ஜி6 பிளே ஸ்மார்ட்போனில் 5.7 இன்ச் ஹெச்டி பிளஸ் மேக்ஸ் விஷன் டிஸ்ப்ளே, ஸ்னாப்டிராகன் 430 சிப்செட், 3 ஜிபி ரேம், ஆன்ட்ராய்டு 8.0 ஓரியோ, 13 எம்பி பிரைமரி கேமரா, எல்இடி ஃபிளாஷ், 8 எம்பி செல்ஃபி கேமரா, எல்இடி ஃபிளாஷ் வழங்கப்பட்டுள்ளது.
மோட்டோ ஜி6 பிளே சிறப்பம்சங்கள்:
- 5.7 இன்ச் 1440x720 பிக்சல் ஹெச்டி பிளஸ் 18:9 IPS டிஸ்ப்ளே
- 1.4 ஜிகாஹெர்ட்ஸ் ஆக்டாகோர் ஸ்னாப்டிராகன் 430 சிப்செட்
- அட்ரினோ 505 GPU
- 3 ஜிபி ரேம்
- 32 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.0 ஓரியோ
- டூயல் சிம் ஸ்லாட்
- 13 எம்பி பிரைமரி கேமரா, எல்இடி ஃபிளாஷ், f/2.0
- 8 எம்பி செல்ஃபி கேமரா, எல்இடி ஃபிளாஷ்
- கைரேகை சென்சார்
- 4ஜி வோல்ட்இ, வைபை, ப்ளூடூத்
- 4000 எம்ஏஹெச் பேட்டரி, டர்போ சார்ஜிங்
மோட்டோ ஜி6 பிளே ஸ்மார்ட்போன் இன்டிகோ பிளாக் மற்றும் ஃபைன் கோல்டு என இரண்டு நிறங்களில் கிடைக்கிறது. இந்தியாவில் மோட்டோ ஜி6 பிளே விலை ரூ.11,999 என நிர்ணயம் செய்யப்பட்டுள்ளது. மோட்டோ ஜி6 பிளே ஸ்மார்ட்போனினை வாடிக்கையாளர்கள் ப்ளிப்கார்ட் ஆன்லைன் மற்றும் மோட்டோ ஹப் ஸ்டோர்களில் வாங்க முடியும்.
அறிமுக சலுகைகள்:
- தேர்வு செய்யப்பட்ட வங்கி கார்டுகளை கொண்டு ப்ளிப்கார்ட் தளத்தில் வாங்குவோருக்கு ரூ.1,000 தள்ளுபடி
- பேடிஎம் மால் கியூ ஆர் கோடு மூலம் வாங்குவோர் மோட்டோ ஹப்களில் பேடிஎம் மூலம் மொபைல் ரீசார்ஜ் செய்யும் போது ரூ.1200 கேஷ்பேக்
- பழைய ஸ்மார்ட்போன்களை எக்சேஞ்ச் செய்யும் போது ரூ.1500 வரை தள்ளுபடி
- ப்ளிப்கார்ட் தளத்தில் ரூ.5100 வரை பைபேக் சலுகை
- ப்ளிப்கார்ட் மற்றும் மோட்டோ ஹப்களில் வாங்குவோருக்கு வட்டியில்லா மாத தவனை முறை வசதி
- ஜியோ 198 பிரீபெயிட் சலுகையை வாங்கும் போது 25% தள்ளுபடி
