நீங்கள் தேடியது "Mohamed Salah"

யூரோப்பா சாம்பியன் லீக் இறுதிப் போட்டி உக்ரைனில் கடந்த சனிக்கிழமை நள்ளிரவு நடைபெற்றது. இதில் ரியல் மாட்ரிட் - லிவர்பூல் அணிகள் பலப்பரீட்சை நடத்தின. காரேத் பேலேயின் அபார ஆட்டத்தால் ரியல் மாட்ரிட் 3-1 என வெற்றி பெற்றது.

முதல் பாதி நேரத்தின்போது முகமது சாலா பந்தை கோல்நோக்கி எடுத்துச் சென்றார். அப்போது ரியல் மாட்ரிட் அணியின் கேப்டனும், பின்கள வீரருமான செர்ஜியோ ரமோஸ் சாலாவை தள்ளிக் கொண்டே பந்தை பறிக்க முயன்றார். ஒரு கட்டத்தில் செர்ஜியோ ரமோஸ் சாலாவின் கையை வசமாக தன் கைக்குள் பிடித்துக் கொண்டு பலமாக தள்ளினார்.

இதனால் சாலா தரையில் விழுந்தார். அப்போது இடது கை தோள்பட்டை தரையில் பலமாக தாக்கியது. தோள்பட்டையில் ஏற்பட்ட காயம் காரணமாக வலி தாங்க முடியாமல் சாலா வெளியேறினார். இதற்காக செர்ஜியோ ரமோஸிற்கு எந்தவித தண்டனையும் (மஞ்சள் அட்டை இல்லை சிகப்பு அட்டை) கொடுக்கப்படவில்லை. இது லிவர்பூல் அணி ரசிகர்களுக்கு மட்டுமல்ல, சாலாவின் சொந்த நாடான எகிப்தின் அனைத்து ரசிகர்களுக்கும் பெரிய அதிர்ச்சியை ஏற்படுத்தியது.



இச்சம்பவத்தில் பெரும் பாதிக்கப்பட்ட வழக்கறிஞர் ஒருவர், செர்ஜியோ ரமோஸ் வேண்டுமென்றே சாலா காயத்திற்கு உள்ளாக்கியுள்ளார். இதனால் அவரை மனதளவிலும், உடல் அளவிலும் காயப்படுத்திய சாலாவிற்கும், எகிப்பு மக்களுக்கும் ஒரு பில்லியம் யூரோ (ரூ. 7837 கோடி) இழப்பீடு வழங்க வேண்டும் என்று வழக்கு பதிவு செய்துள்ளார். மேலும், பிபாவிற்கு புகாரும் அளித்துள்ளார்.

யூரோப்பா சாம்பியன்ஸ் லீக் கால்பந்து தொடரின் இறுதிப் போட்டி கடந்த சனிக்கிழமை நள்ளிரவு உக்ரைனில் நடைபெற்றது. இதில் ரியல் மாட்ரிட் - லிவர்பூல் அணிகள் பலப்பரீட்சை நடத்தின. காரேத் பேலே இரண்டு கோலும், பென்சிமா ஒரு கோலும் அடித்தனர். லிவர்பூல் ஒரு கோல் அடிக்க ரியல் மாட்ரிட் 3-1 என வெற்றி பெற்று தொடர்ச்சியாக 3-வது முறை கோப்பையை கைப்பற்றியது.

போட்டியின் முதல் பாதி நேரத்தில் லிவர்பூல் அணியின் முன்னணி வீரரான முகமது சாலா பந்தை கோல் நோக்கி கடத்திச் சென்றார். அப்போது ரியல் மாட்ரிட் கேப்டனும், பின்கள வீரரும் ஆன செர்ஜியோ ரமோஸ் சாலாவின் கோல் முயற்சியை தடுக்க அவருடன் மோதிக்கொண்டே பந்தை தடுக்கச் சென்றார்.



அப்போது ரமோஸ் கைக்குள் சாலா கை மாட்டியது. அப்போது சாலாவை ரமோஸ் தள்ளியதால் சாலா கீழே விழுந்தார். இதில் சாலாவின் வலது கை தோள்பட்டை பலமாக தரையில் சென்று தாக்கியது. இதனால் சாலா வலியால் துடித்தார். பின்னர் சிறிது நேரம் விளையாடிய பின்னர் வலி தாங்க முடியாமல் வெளியேறினார். ஆனால் ரமோஸிற்கு நடுவர் எந்த தண்டனையும் வழங்கவில்லை.

இதனால் லிவர்பூல் ரசிகர்கள் கடும் கோபம் அடைந்தனர். அத்துடன் அமெரிக்காவில் பாதிப்படைந்த மக்களுக்காக உதவும் சேஞ்ச்.ஓர்ஜி (Change.org) என்ற இணைய தளத்தில் பிபா மற்றும் யூஈஎஃப்ஏ செர்ஜியோ ரமோஸ் மீது நடவடிக்கை எடுக்க வேண்டும் என்று 3 லட்சம் பேர் கையெழுத்திட்டுள்ளனர்.

எகிப்து நாட்டைச் சேர்ந்த கால்பந்து வீரரான முகமது சாலா 2017-18 சீசனில் இங்கிலீஷ் பிரீமியர் லீக் தொடரில் லிவர்பூல் அணிக்காக விளையாடி வருகிறார். அறிமுக சீசனிலேயே அபாரமான ஆட்டத்தை வெளிப்படுத்தி அனைவரையும் ஆச்சர்யத்திற்குள்ளாக்கினார். ஒவ்வொரு போட்டியிலும் கோல் அடித்து அசத்தி வருகிறார்.

இந்த சீசனின் கடைசி போட்டியில் லிவர்பூல் தனது சொந்த மைதானத்தில் பிரைட்டன் அணியை எதிர்கொண்டது. இதில் லிவர்பூல் 4-0 என பிரைட்டனை வீழ்த்தியது.



முகமது சாலா 26-வது நிமிடத்தில் லிவர்பூல் அணியின் முதல் கோலை பதிவு செய்தார். இந்த கோலின் மூலம் 38 போட்டிகள் கொண்ட இங்கிலீஷ் பிரீமியர் லீக்கில் அதிக கோல்கள் அடித்தவர் என்ற சாதனையை படைத்தார்.

இந்த போட்டிக்கு முன் 31 கோல்கள் அடித்து கிறிஸ்டியானோ ரொனால்டோ (மான்செஸ்டர் யுனைடெட் 2007-08), சுவாரஸ் (லிவர்பூல் 2013-14) சாதனையை சமன் செய்திருந்தார். இந்த போட்டியில் ஒரு கோல் அடித்ததன் மூலம் இருவரின் சாதனையை முறியடித்துள்ளார்.